(a)

rannchuidiú le cur chuige straitéiseach, comhleanúnach, agus éifeachtach an Aontais i leith tionscnaimh idirnáisiúnta maidir leis an intleacht shaorga de bhun Airteagal 7 i gcomhar leis na Ballstáit agus i gcomhréir le seasaimh agus beartais an Aontais;

(b)

rannchuidiú le gníomhaíochtaí agus beartais a chothú sa Choimisiún, ar gníomhaíochtaí agus beartais iad a bhaineann tairbhe sochaíocha agus eacnamaíocha as teicneolaíochtaí intleachta saorga de bhun Airteagal 5;

(c)

tacú le forbairt, seoladh, agus úsáid luathaithe córas agus feidhmchlár intleachta saorga iontaofa a bhfuil tairbhe sochaíocha agus eacnamaíocha ag baint leo agus a chuireann le hiomaíochas agus fás eacnamaíoch an Aontais. Go sonrach, cuirfidh an Oifig éiceachórais nuálaíochta chun cinn trí oibriú le gníomhaithe ábhartha poiblí agus príobháideacha agus leis an bpobal gnólachtaí nuathionscanta;

(d)

faireachán a dhéanamh ar éabhlóid margaí agus teicneolaíochtaí intleachta saorga.

(a)

oibriú i gcomhar le páirtithe leasmhara, go háirithe saineolaithe ón bpobal eolaíoch agus forbróirí intleachta saorga de bhun Airteagal 4;

(b)

comhoibriú le hArd-Stiúrthóireachtaí agus seirbhísí ábhartha an Choimisiúin de bhun Airteagal 5;

(c)

comhoibriú le comhlachtaí, oifigí, agus gníomhaireachtaí ábhartha uile an Aontais, lena n-áirítear an Comhghnóthas Ríomhaireachta Ardfheidhmíochta Eorpach (Comhghnóthas EuroHPC), de bhun Airteagal 6;

(d)

comhoibriú le húdaráis agus comhlachtaí na mBallstát thar ceann an Choimisiúin.

(a)

uirlisí, modheolaíochtaí, agus tagarmharcanna a fhorbairt chun meastóireacht a dhéanamh ar chumais samhlacha intleachta saorga ilfheidhmeacha, go háirithe maidir le samhlacha intleachta saorga ilfheidhmeacha lena ngabhann rioscaí sistéamacha;

(b)

faireachán a dhéanamh ar chur chun feidhme agus ar chur i bhfeidhm na rialacha maidir le samhlacha agus córais intleachta saorga ilfheidhmeacha, go háirithe i gcás inarb é an soláthraí céanna a d'fhorbair an tsamhail agus an córas;

(c)

faireachán a dhéanamh ar theacht chun cinn rioscaí gan choinne, ar rioscaí iad a eascraíonn as samhlacha intleachta saorga ilfheidhmeacha, lena n-áirítear faireachán a dhéanamh trí fhreagairt ar fholáirimh ón bpainéal eolaíoch;

(d)

imscrúdú a dhéanamh ar sháruithe a d’fhéadfadh a bheith ann ar rialacha maidir le samhlacha agus córais intleachta saorga ilfheidhmeacha, lena n-áirítear imscrúdú a dhéanamh trí ghearáin agus foláirimh a bhailiú, cuidiú le cinntí ón gCoimisiún a ullmhú, agus meastóireachtaí a dhéanamh de bhun an Rialachán atá le teacht;

(e)

comhordú iomlán mhaoirseacht agus fhorfheidhmiú na reachtaíochta le maoirseacht agus forfheidhmiú an Rialacháin atá le teacht a éascú nuair a theipeann ar chóras intleachta saorga laistigh de raon feidhme reachtaíocht ábhartha an Aontais a bhfuil cumhachtaí maoirseachta agus forfheidhmithe ag an gCoimisiún ina leith, amhail faoi Rialachán (AE) 2022/2065 ó Pharlaimint na hEorpa agus ón gComhairle (7) nó faoi Rialachán (AE) 2022/1925 ó Pharlaimint na hEorpa agus ón gComhairle (8);

(f)

tacaíocht a thabhairt do chur chun feidhme rialacha maidir le cleachtais intleachta saorga atá toirmiscthe agus córais intleachta saorga ardriosca i gcomhar le comhlachtaí ábhartha atá freagrach as sin faoin reachtaíocht earnálach, lena n-áirítear malartú faisnéise agus comhar idir údaráis náisiúnta a éascú, fógraí a bhailiú, agus ardáin faisnéise agus bunachair sonraí a bhunú, go háirithe nuair a dhéantar samhail nó córas intleachta saorga ilfheidhmeacha a chomhtháthú i gcóras intleachta saorga ardriosca.

(a)

cúnamh a thabhairt don Choimisiún sna cinntí ábhartha ón gCoimisiún a ullmhú, mar aon le gníomhartha cur chun feidhme agus tarmligthe a ullmhú;

(b)

éascaíocht a dhéanamh ar chur i bhfeidhm aonfhoirmeach an Rialacháin atá le teacht;

(c)

cúnamh a thabhairt don Choimisiún treoirlínte agus treoracha a ullmhú chun tacú le cur chun feidhme praiticiúil an Rialacháin atá le teacht, mar aon le huirlisí tacaíochta a fhorbairt, amhail prótacail chaighdeánaithe agus dea-chleachtais, i gcomhairle le seirbhísí ábhartha de chuid an Choimisiúin, mar aon le comhlachtaí, oifigí, agus gníomhaireachtaí an Aontais;

(d)

cúnamh a thabhairt don Choimisiún iarrataí ar chaighdeánú a ullmhú, meastóireacht a dhéanamh ar chaighdeáin atá ann cheana, agus sonraíochtaí coiteanna a ullmhú chun an Rialachán atá le teacht a chur chun feidhme;

(e)

rannchuidiú le tacaíocht, comhairle, agus uirlisí teicniúla a sholáthar chun trialacha rialála intleachta saorga a bhunú agus a oibriú, mar aon le comhordú, de réir mar is iomchuí, le húdaráis inniúla náisiúnta lena mbunaítear trialacha den sórt sin;

(f)

meastóireachtaí, athbhreithnithe, agus ullmhúchán a dhéanamh ar thuarascálacha a bhaineann leis an Rialachán atá le teacht;

(g)

comhordú a dhéanamh ar bhunú córais rialachais éifeachtaigh, lena n-áirítear trí bhunú comhlachtaí comhairleacha a ullmhú ar leibhéal an Aontais, mar aon le faireachán a dhéanamh ar bhunú údarás náisiúnta ábhartha agus comhlachtaí eile ar an leibhéal náisiúnta;

(h)

foireann rúnaíochta a chur ar fáil don Bhord um an Intleacht Shaorga agus dá fhoghrúpaí, mar aon le tacaíocht riaracháin a chur ar fáil don fhóram comhairleach agus don phainéal eolaíoch, i gcás inarb infheidhme, lena n-áirítear tríd an gcóras riaracháin a chur ar fáil, cruinnithe a eagrú, agus doiciméid ábhartha a ullmhú; agus

(i)

éascaíocht a dhéanamh ar an gcód cleachtas agus cód iompair a tharraingt suas, mar aon leis sin a spreagadh, agus cuir chuige idirnáisiúnta á gcur san áireamh, chomh maith le faireachán a dhéanamh ar chur chun feidhme agus meastóireacht na gcód cleachtas.

(a)

fóraim a bhunú le haghaidh comhair idir an Oifig agus soláthraithe samhlacha agus córas intleachta saorga chun dea-chleachtais a chur chun cinn agus rannchuidiú le cóid iompair agus cóid chleachtais a fhorbairt;

(b)

comhairliúchán rialta a dhéanamh le páirtithe leasmhara, lena n-áirítear saineolaithe ón bpobal eolaíoch agus ón earnáil oideachais, mar aon le saoránaigh, an tsochaí shibhialta, agus comhpháirtithe sóisialta, i gcás inarb ábhartha, chun ionchur a bhailiú maidir lena cúraimí a chomhlíonadh faoi Airteagal 3(2);

(c)

fóram a bhunú le haghaidh comhair idir an Oifig agus an pobal foinse oscailte d’fhonn dea-chleachtais a shainaithint agus a fhorbairt chun samhlacha agus córais intleachta saorga foinse oscailte a fhorbairt agus a úsáid ar bhealach sábháilte.

(a)

oibriú le hArd-Stiúrthóireachtaí agus seirbhísí ábhartha eile de chuid an Choimisiúin i gcomhlíonadh a chúraimí de bhun Airteagal 2, go háirithe leis an Lárionad Eorpach um Thrédhearcacht Algartamach a mhéid a bhaineann le samhlacha agus córais intleachta saorga ilfheidhmeacha a mheas agus a thástáil;

(b)

tacú le hArd-Stiúrthóireachtaí agus seirbhísí ábhartha eile de chuid an Choimisiúin d'fhonn éascaíocht a dhéanamh ar shamhlacha agus córais intleachta saorga a úsáid mar uirlisí claochlaitheacha i réimsí ábhartha beartas de chuid an Aontais, mar aon le feasacht a mhúscailt faoi rioscaí atá ag teacht chun cinn.

(a)

tacú le maoirseacht fhreagrach na hintleachta saorga, mar aon le cur chuige an Aontais maidir le hintleacht shaorga iontaofa a chur chun cinn;

(b)

rannchuidiú le comhar idirnáisiúnta a bhaineann le rialáil agus rialachas na hintleachta saorga;

(c)

rannchuidiú le cur chun feidhme comhaontuithe idirnáisiúnta i dtaca le rialacha maidir leis an intleacht shaorga, lena n-áirítear rannchuidiú trí thacaíocht a thabhairt do na Ballstáit.