European flag

Iris Oifigiúil
an Aontais Eorpaigh

GA

Sraith C


C/2024/1065

5.2.2024

Breithiúnas na Cúirte Breithiúnais (an Tríú Dlísheomra) an 14 Nollaig 2023 (iarraidh ar réamhrialú ón Varhoven administrativen sad – an Bhulgáir) – VB v Natsionalna agentsia za prihodite

(Cás C-340/21 (1), Natsionalna agentsia za prihodite)

(Tarchur chun réamhrialú - Daoine nádúrtha a chosaint i ndáil le sonraí pearsanta a phróiseáil - Rialachán (AE) 2016/679 - Airteagal 5 - Prionsabail a bhaineann leis an bpróiseáil sin - Airteagal 24 - Freagracht an rialaitheora - Airteagal 32 - Bearta a chuirtear chun feidhme chun slándáil na próiseála a áirithiú - Measúnú ar a iomchuí atá na bearta sin - Raon feidhme an athbhreithnithe bhreithiúnaigh - Fianaise a ghlacadh - Airteagal 82 - Ceart chun cúiteamh a fháil agus dliteanas - Díolúine an rialaitheora ó dhliteanas faoina bhféadfadh sé a bheith i gcás sárú ag tríú páirtithe - Éileamh ar chúiteamh ar dhamáiste neamhábhartha bunaithe ar an bhfaitíos go mbainfí mí-úsáid fhéideartha as sonraí pearsanta)

(C/2024/1065)

Teanga an cháis: an Bhulgáiris

An chúirt a rinne an tarchur

Varhoven administrativen sad

Páirtithe sna príomhimeachtaí

Iarratasóir: VB

Cosantóir: Natsionalna agentsia za prihodite

An chuid oibríochtúil

1)

Maidir le hAirteagail 24 agus 32 de Rialachán (AE) 2016/679 ó Pharlaimint na hEorpa agus ón gComhairle, an 27 Aibreán 2016, maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (an Rialachán Ginearálta maidir le Cosaint Sonraí),

ní mór léiriú a dhéanamh mar seo a leanas:

ní leor nochtadh neamhúdaraithe sonraí pearsanta nó rochtain neamhúdaraithe ag ‘tríú páirtí’ ar na sonraí sin, de réir bhrí Airteagal 4(10) den Rialachán sin, iontu féin, chun go measfaí nach raibh na bearta teicniúla agus eagraíochtúla a chuir an rialaitheoir lena mbaineann chun feidhme ‘iomchuí’, de réir bhrí Airteagal 24 agus Airteagal 32.

2)

Maidir le hAirteagal 32 de Rialachán 2016/679,

ní mór léiriú a dhéanamh mar seo a leanas:

caithfidh na cúirteanna náisiúnta oiriúnacht na mbeart teicniúil agus eagraíochtúil arna gcur chun feidhme ag an rialaitheoir faoin airteagal sin a mheas ar bhealach nithiúil, trí na rioscaí a bhaineann leis an bpróiseáil lena mbaineann a chur san áireamh agus trí mheasúnú a dhéanamh an bhfuil cineál, ábhar agus cur chun feidhme na mbeart sin iomchuí do na rioscaí sin.

3)

Maidir le prionsabal chuntasacht an rialaitheora, a leagtar amach in Airteagal 5(2) de Rialachán 2016/679 agus a chuirtear in iúl in Airteagal 24 de,

ní mór léiriú a dhéanamh mar seo a leanas:

i gcomhthéacs caingean i leith damáistí faoi Airteagal 82 den Rialachán sin, go bhfuil an dualgas ar an rialaitheoir lena mbaineann a chruthú go bhfuil na bearta slándála arna gcur chun feidhme aige iomchuí de bhun Airteagal 32 den Rialachán sin.

4)

Maidir le hAirteagal 32 de Rialachán 2016/679 agus prionsabal éifeachtacht dhlí an Aontais,

ní mór léiriú a dhéanamh mar seo a leanas:

d’fhonn measúnú a dhéanamh ar oiriúnacht na mbeart slándála arna gcur chun feidhme ag an rialaitheoir faoin Airteagal sin, ní féidir le tuarascáil ó shaineolaí a bheith ina modh cruthúnais atá riachtanach agus leordhóthanach go córasach.

5)

Maidir le hAirteagal 82(3), de Rialachán 2016/679,

ní mór léiriú a dhéanamh mar seo a leanas:

ní féidir díolúine a thabhairt don rialaitheoir óna oibleagáid cúiteamh a íoc ar an damáiste a bhain d’ábhar sonraí, faoi Airteagal 82(1) agus (2) den Rialachán sin, ar an gcúis amháin go bhfuil an damáiste sin ina thoradh ar nochtadh neamhúdaraithe sonraí pearsanta nó rochtain neamhúdaraithe ar shonraí pearsanta ag tríú páirtí, de réir bhrí Airteagal 4(10) den Rialachán sin, agus sa chás sin ní mór don rialaitheoir sin a chruthú ansin nach bhfuil sé ar dhóigh ar bith freagrach as an imeacht ba shiocair leis an damáiste lena mbaineann.

6)

Maidir le hAirteagal 82(1), de Rialachán 2016/679,

ní mór léiriú a dhéanamh mar seo a leanas:

Féadfaidh an faitíos go mbainfidh tríú páirtí mí-úsáid fhéideartha as sonraí pearsanta ábhar sonraí mar thoradh ar shárú ar an rialachán sin, ann féin, a bheith ina ‘dhamáiste neamhábhartha’ de réir bhrí na forála sin.


(1)   IO C 329, an 16.8.2021.


ELI: http://data.europa.eu/eli/C/2024/1065/oj

ISSN 1977-107X (electronic edition)