1.   

An 3 Eanáir 2024, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—	Sumitomo Corporation (‘Sumitomo’, an tSeapáin),

—	Osaka Gas Co., Ltd. (‘Osaka Gas’, an tSeapáin),

—	I Squared Capital LLC (‘I Squared’, Stáit Aontaithe Mheiriceá),

—	Think Gas (an India), atá faoi rialú I Squared,

—	AG&P City Gas (an India), atá faoi rialú I Squared.

Gheobhaidh Sumitomo, Osaka Gas agus I Squared rialú comhpháirteach ar Think Gas agus AG&P City Gas de réir bhrí Airteagail 3(1)(b) agus 3(4) den Rialachán um Chumaisc.

Baintear an comhchruinniú amach trí bhíthin ceannach scaireanna.

2.   

Is iad seo a leanas gníomhaíochtaí gnó na ngnóthas lena mbaineann:

—	Is cuideachta dhomhanda trádála agus infheistíochta é Sumitomo atá gníomhach i réimse gníomhaíochtaí gnó sa tSeapáin agus ar fud an domhain,

—	Is cuideachta fuinnimh é Osaka Gas a dhíríonn ar fhorbairt, táirgeadh, iompar, stóráil, dáileadh agus miondíol ola agus gáis nádúrtha, soláthar fuinnimh agus iompar GNL,

—	Is bainisteoir domhanda ciste infheistíochta bonneagair é I Squared a dhíríonn ar earnálacha amhail fuinneamh, fóntais, teileachumarsáid, cúram sláinte agus iompar.

3.   

Tá Think Gas agus AG&P City Gas gníomhach i bhforbairt agus oibriú líonraí dáileacháin gáis cathrach i roinnt stát san India.

4.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le cóireáil shimplithe le haghaidh comhchruinnithe áirithe faoi Rialachán (CE) Uimh. 139/2004 ón gComhairle maidir le comhchruinnithe a rialú idir gnóthais (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.

5.   

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.11343 — SUMITOMO / OSAKA GAS / I SQUARED / THINK GAS / AG&P CITY GAS

Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:

Ríomhphost: COMP-MERGER-REGISTRY@ec.europa.eu

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË