Breithiúnas na Cúirte Breithiúnais (an Ceathrú Dlísheomra) an 16 Samhain 2023 (iarrataí ar réamhrialú ón Juzgado de lo Social de Madrid – an Spáinn) – NC (C-583/21), JD (C 584/21), TA (C-585/21), FZ (C-586/21) v BA, DA, DV, CG

(Cásanna Uamtha C-583/21 go C-586/21 (1), NC agus páirtithe eile (Aistriú oifig nótaire Spáinnis)

(Tarchur chun réamhrialú - Treoir 2001/23/CE - Airteagal 1(1) - Cosaint chearta na bhfostaithe i gcás aistriú gnóthas, gnólachtaí nó codanna de ghnóthais nó de ghnólachtaí - Aistriú oifig nótaire - Dearbhú go bhfuil briseadh fostaithe ar neamhní nó éagórach - Cinneadh sinsearachta chun cúiteamh a ríomh - Infheidhmeacht na treorach sin - Coinníollacha)

(C/2024/510)

Teanga an cháis: an Spáinnis

An chúirt a rinne an tarchur

Juzgado de lo Social de Madrid

Páirtithe sna príomhimeachtaí

Iarratasóirí: NC (C-583/21), JD (C-584/21), TA (C-585/21), FZ (C-586/21)

Cosantóirí: BA, DA, DV, CG

An chuid oibríochtúil

Ní mór Airteagal 1(1) de Threoir 2001/23/CE ón gComhairle an 12 Márta 2001 maidir le comhfhogasú dhlíthe na mBallstát a bhaineann le cosaint cearta na bhfostaithe i gcás aistriú gnóthas, gnólachtaí nó codanna de ghnóthais nó de ghnólachtaí, a léiriú sa chiall go bhfuil an Treoir sin infheidhme maidir le staid ina n-éiríonn nótaire, oifigeach poiblí agus fostóir príobháideach oibrithe atá sannta dá oifig nótaire, an sealbhóir roimhe sin ar oifig den sórt sin, ina ghlacann sé a mhiontuairiscí, chomh maith le chuid riachtanach den fhoireann a bhí fostaithe ag an dara ceann acu sin agus a leanann ar aghaidh ag déanamh na gníomhaíochta céanna san áitreabh céanna leis na modhanna ábhartha céanna, ar choinníoll go seastar le céannacht na hoifige sin, agus is faoin gcúirt a rinne an tarchur atá sé é sin a chinneadh trí na himthosca ábhartha go léir a chur san áireamh.

---

(1)   IO C 51, 31.1.2022.