European flag

Iris Oifigiúil
an Aontais Eorpaigh

GA

Sraith C


C/2023/90014

6.11.2023

Ceartúchán ar an bhfógra lena leasaítear fógra comórtas oscailte – EPSO/AD/404/23 – Dlítheangeolaithe Béarla (EN) (AD 7) – EPSO/AD/405/23 – Dlítheangeolaithe Spáinnise (ES) (AD 7) – EPSO/AD/406/23 – Dlítheangeolaithe Liotuáinise (LT) (AD 7) – EPSO/AD/407/23 – Dlítheangeolaithe Ollainnise (NL) (AD7) – EPSO/AD/408/23 – Dlítheangeolaithe Portaingéilise (PT) (AD 7) – EPSO/AD/409/23 – Dlítheangeolaithe Slóvaicise (SK) (AD 7)

( Iris Oifigiúil an Aontais Eorpaigh C, C/2023/236, an 11 Deireadh Fómhair 2023 )

(C/2023/90014)

Ar leathanach 1, cuirfear an méid seo a leanas in ionad phointe 2:

‘2.

Ar leathanach 3, Roinn 3.3.1:

in ionad:

“3.3.1.    EPSO/AD/404/23 – Dlítheangeolaithe Béarla

Chun bheith incháilithe do chomórtas EPSO/AD/404/23, ní mór d’iarrthóir leibhéal oideachais a bheith aige is comhionann le cúrsa iomlán ollscoile agus ar baineadh ceann de na cáilíochtaí seo a leanas amach dá bharr: céim sa dlí nó a coibhéis a bronnadh i bPoblacht na hÉireann nó cáilíocht mar abhcóide nó aturnae i bPoblacht na hÉireann.”,

léitear:

“3.3.1.    EPSO/AD/404/23 – Dlítheangeolaithe Béarla

Chun bheith incháilithe do chomórtas EPSO/AD/404/23, ní mór d’iarrthóir na ceanglais a liostaítear i gceann de na pointí seo a leanas a chomhlíonadh:

(a)

Leibhéal oideachais a bheith aige is comhionann le cúrsa iomlán ollscoile ar baineadh céim sa dlí nó a cóimheas amach dá bharr agus a bronnadh in Éirinn nó cáilíocht mar abhcóide nó aturnae a bronnadh in Éirinn;

(b)

An chéim acadúil sa dlí a bheith bainte amach aige i gcomhréir le forálacha Reacht Ollscoil Mhálta;

(c)

Leibhéal oideachais a bheith aige is comhionann le cúrsa iomlán ollscoile ar baineadh céim sa dlí nó a cóimheas amach dá bharr agus a bronnadh sa Ríocht Aontaithe nó cáilíocht mar abhcóide nó aturnae a bronnadh sa Ríocht Aontaithe, ar choinníoll gur baineadh amach an chéim nó an cháilíocht roimh an 31 Nollag 2020.”.’.


ELI: http://data.europa.eu/eli/C/2023/236/corrigendum/2023-11-06/oj

ISSN 1977-107X (electronic edition)