Breithiúnas na Cúirte Ginearálta an 18 Deireadh Fómhair 2023 – Wizz Air Hungary v an Coimisiún (TAROM; COVID-19)

(Cás T-332/21) (1)

(Státchabhair - Margadh aeriompair na Rómáine - Cabhair arna deonú ag an Rómáin do TAROM i gcomhthéacs phaindéim COVID-19 - Ráthaíocht Stáit ar iasachtaí - Cinneadh gan agóid a dhéanamh - Caingean le haghaidh neamhniú - Locus standi - Damáiste suntasach ar sheasamh an iarratasóra ar an margadh ábhartha - Inghlacthacht - Cabhair chun aon damáiste a shlánú de dheasca teagmhas eisceachtúil - Measúnú ar an damáiste - Nasc cúisíoch - Deacracht airgeadais a bhí ag an íocaí cheana - Prionsabal an neamh-idirdhealaithe - Saoirse chun seirbhísí a sholáthar - Saoirse bunaíochta - Oibleagáid cúiseanna a lua)

(C/2023/1142)

Teanga an cháis: an Béarla

Páirtithe

Iarratasóir: Wizz Air Hungary Légiközlekedési Zrt. (Wizz Air Hungary Zrt.) (Búdaipeist, an Ungáir) (ionadaithe: E. Vahida, S. Rating agus I. G. Metaxas Maranghidis, Dlíodóirí)

Cosantóir: an Coimisiún Eorpach (ionadaithe: L. Flynn, V. Bottka agus L. Nicolae, Gníomhairí)

Ábhar

Lena chaingean de bhun Airteagal 263 CFAE, iarrann an t-iarratasóir go gcuirfí Cinneadh C(2020) 6910 final ón gCoimisiún an 2 Deireadh Fómhair 2020 maidir le státchabhair SA.56810 (2020/N) – an Rómáin – Cabhair do TAROM ar neamhní.

An chuid oibríochtúil

1.	Diúltaítear don chaingean.

2.	Ordaítear do Wizz Air Hungary Légiközlekedési Zrt. (Wizz Air Hungary Zrt.) na costais a íoc.

---

(1)   IO C 310, 2.8.2021.