Breithiúnas na Cúirte Breithiúnais (an Dara Dlísheomra) an 21 Meán Fómhair 2023 – Spielhallen eV agus LM v an Coimisiún Eorpach agus Poblacht Chónaidhme na Gearmáine

(Cás C-831/21 P) (1)

(Achomharc - Státchabhair - Airteagal 107(1) CFAE - Coincheap na ‘cabhrach’ - Coinníoll a bhaineann le buntáiste roghnaitheach - Cóireáil cánach ar oibrithe casaíní poiblí sa Ghearmáin - Tobhach ar Bhrabúis - Inasbhainteacht pháirteach na méideanna a íocadh i leith an tobhaigh sin ón mbonn cánach d’ioncam nó cánach chorparáide agus trádála - Cinneadh ón gCoimisiún Eorpach - Diúltú gearáin ag deireadh na céime reamhscrúdaithe ar an bhforas nach bhfuil Státchabhair i gceist leis an inasbhainteacht sin - Cinneadh ar leith nach bhfuil buntáiste eacnamaíoch agus roghnaíocht ann - Caingean os comhair Chúirt Ghinearálta an Aontais Eorpaigh teoranta do chinneadh an easpa roghnaíochta - Caingean nach bhfuil feidhm aici - Léirmhíniú ar an dlí cánach náisiúnta infheidhme chun na críche sin - Aicmiú an tobhaigh ar bhrabúis mar ‘cáin speisialta’ atá in-asbhainte mar ‘costais arna dtabhú ag gnáthchúrsa trádála’)

(C/2023/624)

Teanga an cháis: an Ghearmáinis

Páirtithe

Achomharcóirí: Fachverband Spielhallen eV, LM (ionadaí: A. Bartosch agus R. Schmidt, Rechtsanwälte)

Páirtí eile sna hImeachtaí: an Coimisiún Eorpach (ionadaithe: ar dtús ag K. Blanck agus B. Stromsky, agus ina dhiaidh sin ag B. Stromsky, Gníomhairí), Poblacht Chónaidhme na Gearmáine (Ionadaithe: J. Möller agus R. Kanitz, Gníomhairí)

An chuid oibríochtúil

1.	Cuirtear Ordú Chúirt Ghinearálta an Aontais Eorpaigh, an 22 Deireadh Fómhair 2021, Fachverband Spielhallen agus LM v an Coimisiún (T-510/20, ECLI:EU:T:2021:745), ar ceal.

2.	Tarchuirtear an cás ar ais chuig Cúirt Ghinearálta an Aontais Eorpaigh.

3.	Forchoimeádtar na costais.

---

(1)   IO C 198, 16.5.2022.