![]() |
Iris Oifigiúil |
GA Sraith C |
C/2023/57 |
9.10.2023 |
Caingean arna tabhairt an 11 Lúnasa 2023 – Makhlouf v an Chomhairle
(Cás T-490/23)
(C/2023/57)
Teanga an cháis: an Fhraincis
Páirtithe
Iarratasóir: Shahla Makhlouf (Fairfax, Virginia, Stáit Aontaithe Mheiriceá) (ionadaithe: G. Karouni agus K. Assogba, Dlíodóirí)
Cosantóir: Comhairle an Aontais Eorpaigh
An t-ordú atá á lorg
Iarrann an t-iarratasóir ar an gCúirt Ghinearálta:
— |
a mhéid a bhaineann siad leis an iarratasóir, na gníomhartha seo a chur ar neamhní, |
— |
Cinneadh (CBES) 2023/1035 ón gComhairle an 25 Bealtaine 2023 lena leasaítear Cinneadh 2013/255/CBES a bhaineann le bearta sriantacha i bhfianaise na staide sa tSiria; |
— |
Rialachán Cur Chun Feidhme (AE) 2023/1027 ón gComhairle an 25 Bealtaine 2023 lena gcuirtear chun feidhme Rialachán Uimh. 36/2012 a bhaineann le bearta sriantacha i bhfianaise na staide sa tSiria; |
— |
a ordú don Chomhairle suim EUR 30 000 a íoc mar dhamáistí agus ús mar chúiteamh ar gach caillteanas le chéile; |
— |
a ordú don Chomhairle a costais féin agus na costais sin arna dtabhú ag an iarratasóir a íoc, dá bhféadfar fianaise tacaíochta a thaispeáint le linn na n-imeachtaí. |
Saincheisteanna dlí agus príomhargóintí
Mar thaca leis an gcaingean, maíonn an t-iarratasóir cheithre shaincheist sa dlí.
1. |
An chéad saincheist dlí, lena n-éilítear sárú ar chearta na cosanta agus na trialach córa. Cáineann an t-iarratasóir an Chomhairle as a cearta cosanta a shárú, go háirithe an ceart chun éisteacht a fháil, sula ndearna sí an cinneadh a hainm a chur ar na liostaí atá faoi chonspóid. |
2. |
An dara saincheist dlí, lena n-éilítear earráid fhollasach measúnaithe agus easpa fianaise. Cuireann an t-iarratasóir in iúl nach mór líomhaintí na Comhairle maidir le ‘baol bunúsach go n-úsáidfear na sócmhainní arna bhfáil le hoidhreacht chun tacú le gníomhaíochtaí réimeas na Siria agus go rachaidh siad díreach isteach i seilbh an réimis, rud a d’fhágfadh cur leis an gcur faoi chois le foréigean atá á dhéanamh ag an réimeas ar an bpobal sibhialtach’ a dhiúltú go cinntitheach mar nach bhfuil aon bhunús leo agus nach bhfuil aon bhunús fíorasach chun tacú leo. |
3. |
An tríú saincheist dlí, lena n-éilítear sárú ar phrionsabal na comhréireachta le linn an tsáraithe ar chearta bunúsacha. Cuireann an t-iarratasóir chun cinn go bhfuil an beart atá faoi chonspóid díréireach a mhéid a bhaineann sé lena maoin go léir gan aon idirdhealú. |
4. |
An ceathrú saincheist dlí, lena n-éilítear sárú ar an gceart chun maoine. Cuireann an t-iarratasóir chun cinn go gcuireann na gníomhartha atá faoi chonspóid isteach go míchóir ar cheart an iarratasóra chun maoine sa mhéid is go n-áirítear leo maoin gan idirdhealú a d'fhéadfadh an t-iarratasóir a fháil le hoidhreacht ach maoin phearsanta freisin. |
ELI: http://data.europa.eu/eli/C/2023/57/oj
ISSN 1977-107X (electronic edition)