FAISNÉIS Ó INSTITIÚIDÍ, Ó CHOMHLACHTAÍ, Ó OIFIGÍ, AGUS Ó GHNÍOMHAIREACHTAÍ AN AONTAIS EORPAIGH

FÓGRAÍ Ó INSTITIÚIDÍ, Ó CHOMHLACHTAÍ, Ó OIFIGÍ, AGUS Ó GHNÍOMHAIREACHTAÍ AN AONTAIS EORPAIGH

14.8.2023

Iris Oifigiúil an Aontais Eorpaigh

C 285/5

Tuarascáil Deiridh an Oifigigh Éisteachta (1)

Cás M.10646 – Microsoft / Activision Blizzard

(Téacs atá ábhartha maidir le LEE)

(2023/C 285/04)

1. RÉAMHRÁ

An 30 Meán Fómhair 2022, fuair an Coimisiún fógra maidir le comhchruinniú beartaithe faoina bhfuil sé beartaithe ag Microsoft Corporation (‘Microsoft’, nó an ‘Páirtí a thugann Fógra’), de réir bhrí Airteagal 3(1)(b) den Rialachán um Chumaisc (2), smacht aonair a fháil ar Activision Blizzard, Inc. (‘Activision Blizzard’) (an ‘Idirbheart Beartaithe’). Chun críocha na tuarascála eatramhaí seo, tagraítear do Microsoft agus Activision Blizzard le chéile mar na ‘Páirtithe’.

2. NÓS IMEACHTA

2.1. Cinneadh Airteagal 6(1)(c)

An 8 Samhain 2022, ghlac an Coimisiún cinneadh chun imeachtaí a thionscnamh de bhun Airteagal 6(1)(c) den Rialachán um Chumaisc (‘Cinneadh Airteagal 6(1)(c)’), toisc gur ardaíodh ábhar amhrais tromchúiseach sa chéad chéim d’imscrúdú an Choimisiúin maidir le comhoiriúnacht an Idirbhirt Bheartaithe leis an margadh inmheánach.

An 24 Samhain 2022, chuir an Páirtí a thug Fógra barúlacha i scríbhinn isteach maidir le Cinneadh Airteagal 6(1)(c).

2.2. An chéad síneadh leis an teorainn ama

An 18 Samhain 2022, chuir an Coimisiún síneadh 10 lá oibre leis an tréimhse ama 90 lá in Airteagal 10(3), an chéad fhomhír, den Rialachán um Chumaisc, le haghaidh ghlacadh an chinnidh de bhun Airteagal 8 den Rialachán um Chumaisc i ndáil leis an Idirbheart Beartaithe, de bhun Airteagal 10(3), an dara fomhír, an chéad abairt den Rialachán céanna.

2.3. Ráiteas agóidí

An 31 Eanáir 2023, ghlac an Coimisiún ráiteas agóidí a cuireadh faoi bhráid an Pháirtí a thugann Fógra (an ‘SO’). Cuireadh an Páirtí a thugann Fógra ar an eolas go foirmiúil leis an ráiteas agóidí an 1 Feabhra 2023, tar éis cóip a bheith seolta roimh ré an 31 Eanáir 2023.

2.4. Rochtain ar an gcomhad

Tugadh rochtain ar an gcomhad don Pháirtí a thugann Fógra an 1 Feabhra 2023 trí dhá DVD. Ina theannta sin, maidir le cuid de na doiciméid sa chomhad, chuir Ard-Stiúrthóireacht na hIomaíochta rochtain ar fáil trí bhíthin seomra sonraí, a reáchtáladh idir an 2 agus 8 Feabhra 2023.

I litir an 19 Feabhra 2023 chuig an Oifigeach Éisteachta, chuir Microsoft iarratas isteach ar rochtain bhreise ar an gcomhad de bhun Airteagal 7 de Chinneadh 2011/695/AE (‘Iarratas HO’). D’iarr Microsoft go háirithe go gceadófaí dá chomhairleoirí seachtracha rochtain a fháil ar shonraí rúnda áirithe a ndeachaigh na comhairleoirí seachtracha i gcomhairle leo roimhe seo sa seomra sonraí, fós ar bhonn abhcóide sheachtraigh amháin ach i bhfoirm nach bhfuil chomh sriantach, amhail socrú chiorcal rúndachta. Bhain an t-iarratas seo le teoiric ar leith díobhála a d’fhorbair Ard-Stiúrthóireacht na hIomaíochta sa ráiteas agóide. Mar sin féin, tar éis forbairtí áirithe sa chás, an 2 Márta 2023, d’aontaigh abhcóide Microsoft nach raibh aon ghá le cinneadh a dhéanamh ar Iarratas an Oifigigh Éisteachta ag an bpointe sin. Tharraing Microsoft Iarratas an Oifigigh Éisteachta siar ina dhiaidh sin an 6 Aibreán 2023.

2.5. Freagra ar an ráiteas agóide

An 14 Feabhra 2023, chuir an Páirtí a thug Fógra a fhreagra isteach maidir leis an ráiteas agóidí, i gcomhréir leis an spriocdháta arna shocrú ag Ard-Stiúrthóireacht na hIomaíochta. Ina fhreagra, d’iarr an Páirtí a thug Fógra éisteacht fhoirmiúil ó bhéal.

2.6. Tríú daoine leasmhara

Le linn na n-imeachtaí, cheadaigh mé (de bhun Airteagal 5 de Chinneadh 2011/695/AE) sé ghnóthas nó comhlachas gnóthas mar thríú daoine leasmhara.

10.

Léirigh gach tríú duine leasmhar a spéis a bheith rannpháirteach in éisteacht fhéideartha ó bhéal sa chás seo – agus ceadaíodh iad dá réir sin, de bhun Airteagal 6(2) de Chinneadh 2011/695/AE, chun a dtuairimí a nochtadh ó bhéal maidir leis an Idirbheart Beartaithe.

2.7. Éisteacht ó bhéal

11.

Tionóladh éisteacht fhoirmiúil ó bhéal an 21 Feabhra 2023.

12.

Bhí toscairí a rinne ionadaíocht thar ceann na bPáirtithe, ceathrar tríú duine leasmhar, an Coimisiún agus údarás inniúil Ballstáit i láthair sa seomra. Ghlac ionadaithe breise ó na Páirtithe, údaráis inniúla na mBallstát agus an Choimisiúin agus ionadaithe ó thríú daoine leasmhara áirithe páirt go cianda.

2.8. An dara síneadh leis an teorainn ama

13.

An 1 Márta 2023, ghlac an Coimisiún le comhaontú an Pháirtí a thugann fógra, de bhun Airteagal 10(3), an dara fomhír, an tríú habairt den Rialachán um Chumaisc, síneadh breise 10 lá oibre breise leis an teorainn ama a socraíodh chun cinneadh a ghlacadh de bhun Airteagal 8 den Rialachán um Chumaisc.

2.9. Litir fhíoras

14.

An 9 Márta 2023, ghlac an Coimisiún litir fhíoras (‘LoF’), chun Microsoft a chur ar an eolas faoi ghnéithe fíorasacha breise nach rabhthas ag brath orthu go sainráite fós sa ráiteas agóidí agus a mheas an Coimisiún a d’fhéadfadh a bheith ábhartha chun tacú le cuid dá réamhchonclúidí sa ráiteas agóidí agus chun bunús a thabhairt lena chinneadh deiridh.

15.

Shocraigh an Coimisiún spriocdháta ar dtús do Microsoft chun freagra a thabhairt ar an litir fhíoras an 16 Márta 2023. Ar iarratas ó Microsoft, shín Ard-Stiúrthóireacht na hIomaíochta an spriocdháta seo go dtí an 20 Márta 2023 ina dhiaidh sin. Ar an dáta sin, chuir Microsoft a fhreagra isteach.

2.10. Gealltanais

16.

An 16 Márta 2023, chuir Microsoft gealltanais isteach, fhonn an tIdirbheart Beartaithe a dhéanamh comhoiriúnach leis an margadh inmheánach agus le feidhmiú Chomhaontú LEE, de bhun Airteagal 8(2), an dara fomhír den Rialachán um Chumaisc (na ‘Gealltanais’). Dá réir sin, cuireadh síneadh 15 lá oibre go huathoibríoch leis an teorainn ama dhlíthiúil le haghaidh chinneadh an Choimisiúin, de bhun Airteagal 10(3), an chéad fhomhír den Rialachán um Chumaisc.

17.

An 17 Márta 2023, sheol an Coimisiún tástáil ar an margadh ar na Gealltanais. Chuir an Coimisiún na Páirtithe ar an eolas an 28 Márta 2023 faoi thorthaí na tástála margaidh.

18.

An 3 Aibreán 2023, tar éis thoradh na tástála margaidh, chuir Microsoft sraith athbhreithnithe gealltanas isteach. Rinneadh iad sin a thástáil ar an margadh an 4 Aibreán 2023 agus chuir an Coimisiún na Páirtithe ar an eolas faoi na torthaí an 14 Aibreán 2023.

19.

An 20 Aibreán 2023, chuir Microsoft gealltanais leasaithe (na ‘Gealltanais Deiridh’) isteach inar tugadh aghaidh ar aiseolas ó thástáil mhargaidh an Dara Tiomantas.

2.11. An dréachtchinneadh

20.

Sa dréachtchinneadh, tagann an Coimisiún ar an tátal go dtugann na Gealltanais Deiridh a aghaidh ar na hábhair imní iomaíochta a sainaithníodh agus dearbhaíonn sé go bhfuil an tIdirbheart Beartaithe ag luí leis an margadh inmheánach agus le feidhmiú Chomhaontú LEE, de bhun Airteagal 8(2) den Rialachán um Chumaisc.

21.

Rinne mé athbhreithniú ar an dréachtchinneadh de bhun Airteagal 16(1) de Chinneadh 2011/695/AE agus bainim de thátal as nach ndéileáiltear ann le haon agóid ina leith nár tugadh deis do na Páirtithe a gcuid tuairimí a chur in iúl ina leith.

3. CONCLÚID

22.

Ar an iomlán, measaim gur urramaíodh feidhmiú éifeachtach na gceart nós imeachta sna himeachtaí reatha.

Arna dhéanamh sa Bhruiséil, 3 Bealtaine 2023.

Eric GIPPINI FOURNIER

(1) De bhun Airteagail 16 agus 17 de Chinneadh 2011/695/AE ó Uachtarán an Choimisiúin Eorpaigh an 13 Deireadh Fómhair 2011 maidir le feidhm agus téarmaí tagartha an oifigigh éisteachta in imeachtaí iomaíochta áirithe (IO L 275, 20.10.2011, lch. 29) (‘Cinneadh 2011/695/AE’).

(2) Rialachán (CE) Uimh. 139/2004 ón gComhairle an 20 Eanáir 2004 maidir le comhchruinnithe a rialú idir gnóthais (Rialachán um Chumaisc CE) (IO L 24, 29.1.2004, lch. 1) (an ‘Rialachán um Chumaisc’).

14.8.2023

Iris Oifigiúil an Aontais Eorpaigh

C 285/8

Achoimre ar an gCinneadh ón gCoimisiún

an 15 Bealtaine 2023

lena ndearbhaítear comhchruinniú atá comhoiriúnach leis an margadh inmheánach agus le feidhmiú Chomhaontú LEE

(Cás M.10646 – MICROSOFT / ACTIVISION BLIZZARD)

(dá dtugtar fógra faoi dhoiciméad uimhir C(2023)3139)

(Is é an leagan Béarla an t-aon leagan barántúil)

(Téacs atá ábhartha maidir le LEE)

(2023/C 285/05)

An 15 Bealtaine 2023, ghlac an Coimisiún Cinneadh i gcás cumaisc faoi Rialachán (CE) Uimh. 139/2004 ón gComhairle an 20 Eanáir 2004 maidir le comhchruinnithe a rialú idir gnóthais (1) , agus go háirithe Airteagal 8(2) den Rialachán sin. Is féidir leagan neamhrúnda den Chinneadh iomlán a fháil i mBéarla ar shuíomh gréasáin Ard--Stiúrthóireacht na hIomaíochta, ag an seoladh seo a leanas: http://ec.europa.eu/competition/elojade/isef/index.cfm?clear=1&policy_area_id=2

1. NA PÁIRTITHE

(1)

Is cuideachta teicneolaíochta domhanda é Microsoft Corporation (‘Microsoft’ nó ‘Páirtí a thugann Fógra’, SAM) a bhfuil ceanncheathrú aici in Redmond, Washington, SAM. Cuireann Microsoft raon leathan táirgí agus seirbhísí ar fáil do chustaiméirí. Maidir leis an Idirbheart, tá Microsoft gníomhach i ngnó na bhfíschluichí mar fhorbróir, foilsitheoir agus dáileoir físchluichí do chonsóil cluichíochta, ríomhairí pearsanta agus gléasanna soghluaiste. Déanann Microsoft an consól cluichíochta Xbox agus seirbhísí gaolmhara a mhonarú agus a thairiscint freisin, lena n-áirítear seirbhís síntiúis cluiche ar a dtugtar Game Pass (ar fáil do Xbox agus ríomhairí pearsanta), agus néalsheirbhísí sruthaithe cluiche mar chuid de leagan ardleibhéil Game Pass, Game Pass Ultimate.

(2)

Is forbróir agus foilsitheoir físchluichí é Activision Blizzard, Inc. (‘Activision Blizzard’, SAM) atá lonnaithe i Santa Monica, California, SAM. Forbraíonn agus foilsíonn Activision Blizzard cluichí do chonsóil cluichíochta, ríomhairí pearsanta agus gléasanna soghluaiste, lena n-áirítear saincheadúnais mar Call of Duty, World of Warcraft, Diablo agus Candy Crush. Feidhmíonn Activision Blizzard aghaidh siopa digiteach freisin, Battle.net, le haghaidh dáileadh digiteach dá chuid cluichí ríomhaire pearsanta.

2. NÓS IMEACHTA

(3)

An 30 Meán Fómhair 2022, fuair an Coimisiún fógra foirmiúil de bhun Airteagal 4 den Rialachán um Chumaisc trína raibhsé beartaithe ag Microsoft smacht iomlán a fháil ar Activision Blizzard.

(4)

Le cinneadh dar dáta 8 Samhain 2022, chinn an Coimisiún gur ardaigh an t-idirbheart beartaithe ábhar amhrais tromchúiseach maidir lena chomhoiriúnacht leis an margadh inmheánach agus thionscain sé imeachtaí bhun Airteagal 6 (1)(c) den Rialachán um Chumaisc.

(5)

An 20 Aibreán 2023, thíolaic an Páirtí a thug fógra gealltanais dheiridh (‘Gealltanais Deiridh’) a d’fhág go bhfuil an comhchruinniú ag luí leis an margadh inmheánach.

(6)

Rinneadh comhairliúcháin leis na Ballstáit maidir leis an gcinneadh deiridh le linn an Choiste Chomhairligh um Chomhchruinnithe an 3 Bealtaine 2023, a thug tuairim fhabhrach. Thug an tOifigeach Éisteachta a thuairim fhabhrach ar na himeachtaí ina thuarascáil a cuireadh isteach an dáta céanna.

3. NA MARGAÍ TÁIRGÍ AGUS GEOGRAFACHA ÁBHARTHA

(7)

Sainítear na margaí ábhartha seo a leanas leis an gCinneadh:

(1)

Forbairt agus foilsiú cluichí ríomhaire phearsanta agus consóil, a d’fhéadfadh a bheith deighilte ag (i) ardán, i.e. idir ríomhaire pearsanta agus consól; (ii) seánraí cluiche; agus (iii) cineálacha cluiche (i.e. idir (2) cluichí AAA agus cluichí neamh-AAA). Measadh gur margadh ar leith é an margadh d’fhorbairt agus d’fhoilsiú cluichí soghluaiste, agus níor measadh a thuilleadh sa chinneadh é. Cuimsítear LEE ar a laghad, nó fiú an domhan iomlán sa raon feidhme geografach.

(2)

Dáileadh cluichí ríomhaire phearsanta agus consóil, a d’fhéadfadh a bheith deighilte de réir ardáin, i.e. idir ríomhaire pearsanta agus consól. Mheas an Coimisiún nach raibh gá le hidirdhealú de réir (i) samhail íocaíochta (i.e. idir ceannach le himirt agus síntiús); agus (ii) cineál rochtana (i.e. idir íoslódáil agus sruthú). Measadh go raibh dáileadh na gcluichí soghluaiste mar mhargadh ar leith ó dháileadh cluichí ríomhaire phearsanta agus consóil, agus níor measadh é a thuilleadh sa chinneadh. Cuimsítear LEE ar a laghad, nó fiú an domhan iomlán sa raon feidhme geografach.

(3)	Soláthar córais oibriúcháin ríomhairí pearsanta (‘OS’). Tá an raon feidhme geografach ar fud an domhain.

4. MEASÚNÚ IOMAÍOCH

(8)

Leis an Idirbheart, cruthaítear roinnt caidreamh a bhfuil tionchar cothrománach orthu, toisc go sáraíonn sciar den mhargadh comhcheangailte na bPáirtithe 20 % i roinnt margaí ionchasacha agus na méadrachtaí éagsúla atá ar fáil á mbreithniú.

(9)

Ina theannta sin, leis an Idirbheart cruthaítear naisc ingearacha idir (i) gníomhaíochtaí forbartha agus foilsithe cluiche Activision Blizzard réamhtheachtach agus (ii) gníomhaíochtaí dáileacháin cluichí Microsoft iartheachtach. Rinne an Coimisiún measúnú: (i) ar an bhféidearthacht d’fhoriamh custaiméirí d’fhorbróirí agus d’fhoilsitheoirí cluichí consóil trí rochtain ar aghaidheanna siopa digiteach chonsól Microsoft a shrianadh nó a dhíghrádú; (ii) ar an bhféidearthacht d’fhoriamh ionchuir de dháileoirí iomaíocha Microsoft cluichí ríomhaire phearsanta agus consóil trí sheirbhísí síntiúis ilchluiche trí rochtain ar chluichí Activision Blizzard a shrianadh nó a dhíghrádú; (iii) ar an bhféidearthacht d’fhoriamh ionchuir ar dháileoirí iomaíochta Microsoft ar chluichí consóil trí rochtain ar chluichí consól lámhaigh Activision Blizzard (AAA) a choinneáil siar nó a dhíghrádú; (iv) ar an bhféidearthacht d’fhoriamh ionchuir de dháileoirí iomaíocha Microsoft cluichí consóil nó ríomhaire phearsanta trí néalsheirbhísí sruthaithe cluiche, trí rochtain ar ríomhaire agus cluichí consól Activision Blizzard a shrianadh nó a dhíghrádú.

(10)

Leis an Idirbheart, tugtar cúis freisin do chaidrimh ilchuideachta. Go háirithe, tá measúnú déanta ag an gCoimisiún ar dhá chaidreamh ilchuideachta a eascraíonn as naisc idir soláthar Microsoft de chóras oibriúcháin ríomhaire Windows agus forbairt agus foilsiú físchluichí ag Activision Blizzard.

4.1. Gan imní cothrománach

(11)

Tá measúnú déanta ag an gCoimisiún ar éifeachtaí cothrománacha, neamh-chomhordaithe i roinnt margaí a bhféadfadh tionchar a bheith orthu maidir le forbairt agus foilsiú seánraí áirithe cluiche (Lámhaigh, Rólghlacadh, Aicsean & Eachtraíochta, Rásaíocht & Eitilt) agus cineálacha (cluichí AAA amháin nó cluichí AAA agus neamh-AAA le chéile) d’fhíschluichí consóil agus/nó ríomhaire. Rinne an Coimisiún measúnú freisin ar na héifeachtaí cothrománacha a d’fhéadfadh a bheith ar an margadh maidir le dáileadh físchluichí ríomhaire agus consóil.

(12)

Maidir leis na naisc chothrománacha sa mhargadh forbartha agus foilsitheoireachta cluiche, tá comhscaireanna margaidh an aonáin chumaisc de réir ioncaim faoi bhun 20 % sa mhargadh le haghaidh cluichí consól agus ríomhaire a fhorbairt agus a fhoilsiú. Mar sin féin, i ndeighleoga a d’fhéadfadh a bheith níos cúinge, tá sciartha den mhargadh níos airde (m.sh., [30-40]% i bhforbairt domhanda na gcluichí lámhaigh AAA ar chonsól nó [30-40]% san fhorbairt ar fud an LEE ar chluichí rólghlactha AAA ar ríomhaire). Measann an Coimisiún nach n-eascraítear leis an Idirbheart imní iomaíochta maidir le margaí a bhfuil tionchar cothrománach orthu, go príomha toisc go bhfuil scaireanna an eintitis chumaiscthe teoranta i bhformhór na gcásanna, agus toisc gur imeallach an t-incrimint scaire a eascraíonn as an Idirbheart. Ar chúiseanna comhchosúla, measann an Coimisiún freisin nach n-eascraíonn aon imní as an nasc cothrománach i ndáileadh cluichí ríomhaire phearsanta agus consóil.

4.2. Éifeachtaí ingearacha

4.2.1. Níl aon imní maidir le foriamh custaiméirí

(13)

Is ionann sciar den mhargadh Microsoft sa mhargadh iartheachtach maidir le dáileadh cluichí consóil agus [30-40]% ar fud an domhain in 2022. Mar sin, tá measúnú déanta ag an gCoimisiún ar imní a d’fhéadfadh a bheith ann maidir le himfhálú custaiméirí a eascraíonn as an bhféidearthacht a d’fhéadfadh a bheith ag forbróirí iomaíochta agus foilsitheoirí cluichí consóil a fhoriamh ó rochtain ar aghaidh siopa dhigiteach Microsoft atá sonrach don chonsól. Measann an Coimisiún nach mbeadh an cumas ná an dreasacht ag Microsoft dul i ngleic le straitéis um fhoriamh custaiméara, go príomha toisc go bhfuil a sciar den mhargadh i ndáileadh cluichí consóil sách beag i gcomparáid le sciar Sony. Mar sin, is rogha éifeachtach eile iad Sony agus Nintendo d’fhorbróirí agus d’fhoilsitheoirí tríú páirtí chun a gcuid cluichí a dháileadh. Ina theannta sin, tar éis Idirbheart leanfadh Microsoft an dreasacht chun cluichí tríú páirtí a thairiscint ar chonsól Xbox, chun tarraingteacht a stór cluiche a chinntiú do chluichirí.

4.2.2. Ní bhaineann aon fhoriamh ionchuir maidir le dáileoirí iomaíocha cluichí ríomhaire trí sheirbhísí síntiúis ilchluiche

(14)

Tá measúnú déanta ag an gCoimisiún cibé an mbeadh an cumas agus an dreasacht ag Microsoft cosc a chur ar dháileoirí iomaíocha físchluichí ríomhaire a thairgeann seirbhísí síntiúis ilchluiche trí chluichí Activision Blizzard a áireamh ina sheirbhís síntiúis féin agus iad a choinneáil siar ó sheirbhísí síntiúis tríú páirtí. Measann an Coimisiún nach n-ardaíonn an tIdirbheart imní maidir leis seo, toisc nach gceadaíonn Activision Blizzard a chuid físchluichí ríomhaire d’aon seirbhísí síntiúis ilchluiche, agus ní bhfuair an Coimisiún fianaise go mbeadh sé sin tosaithe aige in easpa an Idirbhirt.

4.2.3. Imní foriamh ionchuir maidir le dáileoirí iomaíocha Microsoft de chluichí consól

(15)

Tá measúnú déanta ag an gCoimisiún ar an riosca maidir le foriamh ionchuir spriocdhírithe de dháileoirí iomaíochta sa mhargadh iartheachtacha chun cluichí consóil a dháileadh trí rochtain theoranta ar chluichí consóil lámhaigh Activision Blizzard (AAA). Measann an Coimisiún nach n-ardaíonn an tIdirbheart ábhair imní maidir leis seo, ar na cúiseanna seo a leanas.

(16)

Ar an gcéad dul síos, tá an Coimisiún den tuairim nach dócha go mbeadh an cumas ag Microsoft dul i ngleic le straitéis um fhoriamh ionchuir iomlán nó pháirteach spriocdhírithe maidir le dáileoirí iomaíocha cluichí consóil.

(17)

Ar an gcéad dul síos, d’aimsigh an Coimisiún gur ionchur tábhachtach do dháileoirí cluichí consóil iad cluichí consóil den seánra lámhaigh agus go háirithe cluichí consóil lámhaigh AAA Activision Blizzard. Meallann siad sciar suntasach úsáideoirí agus is ionann iad agus sciar suntasach den am cluiche ar chonsóil Xbox agus Playstation agus mar sin bíonn tionchar acu ar rogha consól na dtomhaltóirí. Meastar go forleathan go bhfuil sé ar cheann de na saincheadúnais nó fiú an saincheadúnas is rathúla sa tionscal cluichíochta físeán é an saincheadúnas AAA lámhaigh Activision Blizzard Call of Duty mar gheall ar a fhad saoil, a bhrabúsacht agus a mhinicíocht eisiúintí teidil nua. Ina theannta sin, is foinse thábhachtach ioncaim Playstation iad cluichí consól Activision Blizzard agus go háirithe Call of Duty. Ar an dara dul síos, chinn an Coimisiún go bhfuil cumhacht margaidh ag an eintiteas cumaiscthe sa mhargadh réamhtheachtacha maidir le forbairt agus foilsiú cluichí consól lámhaigh AAA (lena n-áirítear cath fíochmhar) i bhfianaise scaireanna suntasacha margaidh de réir ioncaim a sháraigh 30 % ar bhonn domhanda le trí bliana féilire anuas.

(18)

Mar sin féin, mheas an Coimisiún gur dócha go mbeadh frithstraitéisí éifeachtacha agus tráthúla ag Sony a d’fhéadfadh sé a úsáid chun freagairt do straitéisí foriata féideartha. Is dáileoir de chluichí consóil atá comhtháite go hingearach é Sony, a fhorbraíonn agus a fhoilsíonn cluichí consól AAA móréilimh ina stiúideonna forbartha cluiche féin, rud a chinnteodh tarraingteacht iomlán PlayStation de chuid Sony. Ina theannta sin, is é Sony an príomh-dáileoir cluichí consóil le sciar an-mhór den mhargadh ar fud an domhain agus go háirithe sa LEE. Bunaithe ar a sheasamh láidir i ndáileadh cluichí consóil, d’fhéadfadh Sony, mar a rinne sé cheana féin, comhaontuithe eisiachais a shocrú trí idirbheartaíocht le forbróirí eile de chluichí consól AAA a bhfuil tóir orthu.

(19)

Ar an dara dul síos, tá an Coimisiún den tuairim nach dócha go mbeadh an dreasacht ag Microsoft dul i mbun straitéis spriocdhírithe iomlán nó páirteach um fhoriamh ionchuir maidir le dáileoirí iomaíocha cluichí consóil. Léiríodh in anailís chainníochtúil an Choimisiúin go mbeadh an ráta aistrithe i gcás fhoriamh ionchuir iomláin ró-íseal le cúiteamh a dhéanamh ar chaillteanais dhóchúla straitéise den sórt sin. Mar sin, is dócha nach mbeadh sé brabúsach do Microsoft rochtain Sony ar chluichí consól Activision Blizzard a shrianadh nó a dhíghrádú mar is dócha go mbeadh caillteanais Microsoft mar thoradh ar straitéis foriata den sórt sin níos mó ná na gnóthachain ionchasacha.

(20)

Ar an tríú dul síos, measann an Coimisiún nach dócha go mbeidh aon drochthionchar ag straitéis den sórt sin ar iomaíocht sa mhargadh iartheachtach maidir le dáileadh na gcluichí consól, gan bean cibé an bhfuil an cumas nó an dreasacht ag Microsoft chun cosc a chur ar dháileoirí iomaíochta cluichí consól.

(21)

Ar an gcéad dul síos, tá méid suntasach de chumhacht an mhargaidh ag Sony maidir le cluichí consóil a dháileadh agus tá sé ar cheann de na príomhsholáthraí crua-earraí consóil ar fud an domhain agus go háirithe sa LEE. Mar sin, tá cumhacht margála mór agus acmhainní móra ag Sony, rud a ligeann dó aistriú chuig ionchuir mhalartacha trí chluichí consól rathúla AAA a fhorbairt go hinmheánach nó trí eisiachais a shocrú trí idirbheartaíocht le forbróirí agus foilsitheoirí neamhspleácha eile. Ar an dara dul síos, níor aimsigh an Coimisiún fianaise dhiongbháilte go gcuirfeadh an foriamh ionchuir caillteanais shuntasacha ar bhonn úsáideoirí Sony a mhéid agus a chuirfeadh sé bac ar chumas Sony infheistíocht a dhéanamh i nuálaíocht agus i gcáilíocht. Go deimhin, in anailís chainníochtúil an Choimisiúin léiríodh nach mbeadh tionchar suntasach ag ráta aistrithe an úsáideora i gcás foriamh ionchuir iomlán ar bhonn úsáideoirí Sony. Ar an tríú dul síos, níor aimsigh an Coimisiún fianaise dhiongbháilte go gcuirfeadh na straitéisí foriata páirteacha a chuir an t-eintiteas cumaiscthe i bhfeidhm tar éis an Idirbhirt bac suntasach ar iomaíocht sa mhargadh iartheachtach maidir le dáileadh cluichí consóil. A mhalairt ar sin, sna samplaí de chomhaontuithe eisiachais pháirteacha a rinneadh roimhe seo maidir le dáileadh Call of Duty de chuid Activision Blizzard ní raibh tionchar suntasach acu ar ghníomhaíochtaí Microsoft nó Sony sa mhargadh iartheachtach maidir le dáileadh cluichí consóil. Ar deireadh, ní chreideann formhór na bhfreagróirí ar an imscrúdú margaidh go mbeadh tionchar diúltach ag an Idirbheart ar an margadh le haghaidh dáileadh cluiche consóil.

(22)

Cé go raibh measúnú an Choimisiúin dírithe ar éifeachtaí an Idirbhirt ar Sony, príomh-iomaitheoir Microsoft i ndáil le cluichí consóil a dháileadh, d’aimsigh an Coimisiún freisin nach dócha go gcuirfí isteach ar sheasamh Nintendo maidir le dáileadh cluichí consóil mar thoradh ar an Idirbheart. Ní dháiltear ach cuid bheag de shaincheadúnais cluiche Activision Blizzard ag Nintendo. Go háirithe, ní dhéantar Call of Duty, arb é an cluiche consól is mó de chuid Activision Blizzard de réir ioncaim é, a dháileadh ach ar na consóil Xbox agus PlayStation amháin faoi láthair.

(23)

Dá bhrí sin, measann an Coimisiún nach gcuirfeadh an tIdirbheart bac suntasach ar iomaíocht éifeachtach ar an margadh iartheachtach maidir le dáileadh físchluichí consól, mar thoradh ar straitéis foriata ionchuir iomlán nó páirteach spriocdhírithe an eintitis chumaisc trí rochtain réamhtheachtach ar fhíschluichí consól lámhaigh Activision Blizzard (AAA) a shrianadh nó a dhíghrádú.

4.2.4. Imní foriamh ionchuir maidir le dáileoirí iomaíocha Microsoft cluichí físeáin consól nó ríomhaire a thairgeann néalsheirbhísí sruthaithe cluiche

(24)

Measann an Coimisiún go mbeadh an cumas agus an dreasacht ag an bPáirtí a thugann Fógra cosc a chur ar dháileoirí iomaíochta cluichí consóil agus cluichí ríomhaire phearsanta trí néalsheirbhísí sruthaithe cluiche trí rochtain ar chluichí ríomhaire agus consól Activision Blizzard a shrianadh.

(25)

Cé go n-úsáidtear cluichí go háitiúil de ghnáth ar an ngléas ar leith ina bhfuil siad suiteáilte, le néalsheirbhísí sruthaithe cluiche, ceadaítear do chluichí a reáchtáil ar fhreastalaí cianda agus iad a shruthú chuig gléas an úsáideora deiridh. Cuireann sé seo ar chumas úsáideoirí fiú físchluichí casta a imirt ar fheistí nach dtacódh leo de ghnáth. Ar an gcúis seo, is ‘agnóisíoch ó thaobh gléis de’ den chuid is mó é néalsruthú cluichí: ceadaíonn sé, mar shampla, cluiche consóil a imirt ar ríomhaire, nó cluiche casta ríomhaire a imirt ar sheanríomhaire nó ar ríomhaire ag leibhéal iontrála nach dtacódh leis an gcluiche de ghnáth.

(26)

Cé gur treocht thionsclaíoch é néalsruthú cluiche, measann an Coimisiún go mbeidh sé ina chuid thábhachtach de dháileadh cluichí ríomhaire phearsanta agus consóil go luath amach anseo, bunaithe ar thuarascálacha tionscail agus ar aiseolas ón imscrúdú margaidh. Tá infheistíocht shuntasach déanta ag Microsoft i néalseirbhísí sruthaithe cluichí agus tá a néalseirbhís sruthaithe cluiche, Game Pass Ultimate, mar chroílár a straitéise ‘dírithe ar an gcluichire’, atá dírithe ar chluichí a sheachadadh cibé áit a imríonn cluichirí, beag beann ar an bhfeiste.

(27)

Ní cheadaíonn Activision Blizzard a chuid cluichí do néalseirbhís sruthaithe cluiche tráth an chinnidh. Mar sin féin, measann an Coimisiún, bunaithe go príomha ar dhoiciméid inmheánacha Activision Blizzard, gur dócha gur thosaigh Activision Blizzard a chuid cluichí a cheadúnú do néalseirbhísí sruthaithe cluiche, go háirithe iad siúd atá bunaithe ar mhúnla gnó ceannaigh le himirt (i.e., na hardáin sin a ligeann d’úsáideoirí cluichí a cheannaigh siad cheana féin ó siopa digiteach a shruthú).

(28)

Ag cur san áireamh an méid thuas, cinneann an Coimisiún go mbeadh an cumas ag Microsoft dul i mbun straitéis foriata rathúil i gcoinne néalseirbhís sruthaithe cluiche iomaíoch, trí Game Pass Ultimate a dhéanamh mar an t-aon néalseirbhís sruthaithe cluiche a thairgeann cluichí Activision Blizzard. Cinneann an Coimisiún gur ionchur tábhachtach iad cluichí Activision Blizzard do néalseirbhísí sruthaithe cluiche, agus dá bhrí sin tá cumhacht margaidh ag Activision Blizzard maidir le cluichí consóil a fhorbairt agus a fhoilsiú. Tugann an Coimisiún dá aire go bhfuil sciar comhcheangailte na bpáirtithe den mhargadh de réir ioncaim in 2022 maidir le físchluichí consóil agus ríomhaire a fhorbairt agus a fhoilsiú faoi bhun na tairsí de 30 %. Mar sin féin, tá sciar na bpáirtithe níos airde i roinnt deighleoga níos cúinge a d’fhéadfadh a bheith ann, go háirithe nuair a dhírítear ar sheánraí mar rólghlacadh sa LEE agus cluichí lámhaigh ar bhonn domhanda, agus nuair a fhéachtar ar mhéadracht eile amhail úsáideoirí gníomhacha míosúla nó am cluiche. I dtaca leis seo, tá rólghlacadh agus cluichí lámhaigh go háirithe tarraingteach agus tá tóir orthu, agus soláthraíonn Activision Blizzard cuid de na cluichí is rathúla sna seánraí seo, mar shampla Call of Duty agus World of Warcraft.

(29)

Tar éis an Idirbhirt, bheadh an cumas teicniúil agus conarthach ag Microsoft cluichí Activision Blizzard a choinneáil siar ó néalseirbhísí sruthaithe cluiche iomaíocha, agus iad a scaoileadh le sruthú go heisiach trí Game Pass Ultimate. Sa chás seo, ní bheadh frith-straitéisí tráthúla agus éifeachtacha ag néalseirbhísí sruthaithe cluiche iomaíocha. Is é an príomhchúis atá leis seo ná go bhfuil catalóg mhór d’ábhar móréilimh ríthábhachtach dá gcumas dul san iomaíocht, agus ní bheadh cluichí ríomhaire phearsanta agus consóil ó fhoilsitheoirí eile ina rogha eile sásúil chun catalóg cluichí a chruthú a bheadh oiriúnach do néalseirbhísí cluichíochta tríú páirtí chun dul san iomaíocht i gcoinne Game Pass Ultimate, dá dtairgfeadh cluichí Activision Blizzard go heisiach leis sin.

(30)

Measann an Coimisiún freisin go mbeadh an dreasacht ag Microsoft cosc a chur ar dháileoirí iomaíocha cluichí ríomhaire phearsanta agus consóil trí néalseirbhísí sruthaithe cluiche. Tá sé seo go príomha mar gheall ar an éileamh ard atá ar chluichí Activision Blizzard, go méadódh straitéis foriata líon na n-imreoirí a úsáideann gné néalsruthaithe cluiche Game Pass Ultimate. Is dócha go mbeadh méadú den sórt sin suntasach, a bhuíochas freisin do shaintréithe ghníomhaíochtaí Microsoft, a chomhcheanglaíonn néalseirbhísí sruthaithe cluiche, seirbhísí síntiúis agus córas oibriúcháin ríomhairí pearsanta Windows i measc nithe eile. Measann an Coimisiún go mbeadh na caillteanais ó straitéis foriata den sórt sin teoranta i gcomparáid leis na gnóthachain.

(31)

Ar deireadh, measann an Coimisiún go mbeadh tionchar suntasach ag straitéis foriata ar iomaíocht i ndáileadh cluichí ríomhaire phearsanta agus consóil. Is treocht atá ag ardú é néalchluichíocht agus táthar ag súil go dtiocfaidh sé chun bheith ina chainéal dáileacháin tábhachtach, agus d’ardódh straitéis foriata bacainní ar iontráil nó leathnú seirbhísí néalseirbhísí sruthaithe cluiche iomaíocha, nach bhfuil comhtháite go hingearach go ginearálta agus go mbeadh orthu brath ar chomhthiomsú níos lú d’fhoilsitheoirí neamhspleácha. Ina theannta sin, cé go bhfuil néalchluichíocht sách beag i gcomparáid leis an margadh iomlán, meastar go dtiocfaidh méadú suntasach air, agus is foinse thábhachtach nuálaíochta é.

(32)

Dá bhrí sin, measann an Coimisiún go gcuirfeadh an tIdirbheart bac suntasach ar iomaíocht éifeachtach sa mhargadh le haghaidh dáileadh cluichí ríomhaire phearsanta agus consóil mar gheall ar an eintiteas cumaiscthe a choinníonn siar cluichí Activision Blizzard ó néalseirbhísí sruthaithe cluiche iomaíocha.

4.3. Na héifeachtaí ilchuideachta

(33)

Leis an Idirbheart, cruthaítear naisc ilchuideachta idir cluichí Activision Blizzard agus soláthar Microsoft de chóras oibriúcháin ríomhaire Windows. Go sonrach, measann an Coimisiún, bunaithe ar thorthaí an imscrúdaithe margaidh, go mbeadh sé de chumas ag Microsoft, tar éis an Idirbheart, soláthraithe iomaíocha chóras oibriúcháin ríomhaire a thuar trí néalshruthú cluiche de chluichí ríomhaire phearsanta agus consól Activision Blizzard a cheangal le Windows.

(34)

Ar an gcéad dul síos, measann an Coimisiún gur cás úsáide tábhachtach do ríomhairí pearsanta í cluichíocht, agus gur fachtóir tábhachtach é don iomaíocht idir córais oibriúcháin ríomhaire. Tá ceannasacht ag Microsoft sa mhargadh do chórais oibriúcháin ríomhaire, le sciar den mhargadh domhanda de thart ar [70-80]% (2022). Mar thoradh air sin, forbraítear formhór na gcluichí ríomhaire, go háirithe cluichí AAA atá dian ar acmhainní, chun iad a rith go háitiúil ar Windows amháin, rud a chiallaíonn gur féidir iad a íoslódáil agus a imirt go háitiúil ar ríomhaire Windows amháin. Ar an ábhar sin, níor tháinig an Coimisiún ar ábhar imní go bhféadfadh Microsoft iarracht a dhéanamh a sheasamh i gcórais oibriúcháin ríomhaire a neartú trí srian a chur le hinfhaighteacht Activision Blizzard a d’fhéadfadh a úsáid go háitiúil ar chórais oibriúcháin ríomhaire eile.

(35)

Measann an Coimisiún go soláthraíonn néalsruthú cluichí bealach éifeachtach chun na cluichí sin a imirt ar chórais oibriúcháin ríomhaire eile. Tá an Coimisiún den tuairim freisin go bhfuil cluichíocht ina fhachtóir tábhachtach d’iomaíocht idir córais oibriúcháin ríomhaire agus mar sin measann sé go mbeadh sé tábhachtach go mbeadh néalsruthú cluiche, agus go háirithe sruthú cluichí Activision Blizzard, tábhachtach d’fhonn córas oibriúcháin neamh-Windows a bheith san iomaíocht le Windows. Maidir leis seo, meabhraítear go mbeadh Activision Blizzard tar éis a chuid cluichí a cheadúnú do sheirbhísí néalsruthú cluichí in easpa an Idirbhirt. Mar thoradh air sin, i bhfianaise an tóir a bhí ar chluichí Activision Blizzard, bheadh sé de chumas ag Microsoft soláthraithe iomaíocha córais oibriúcháin ríomhaire a dhúnadh trí chluichí Activision Blizzard a choinneáil siar ó chórais oibriúcháin ríomhaire eile trí néalchluichíocht. I gcás den sórt sin, measann an Coimisiún nach mbeadh frithstraitéisí tráthúla agus éifeachtacha ar fáil ag córais oibriúcháin ríomhaire neamh-Windows, go príomha toisc, mar a mhínítear thuas, nach mbeadh seirbhísí néalsruthú cluiche tríú páirtí ina rogha malartach sásúil.

(36)

Maidir le dreasachtaí chun iad a choinneáil amach, ós rud é gur tháinig an Coimisiún ar an gconclúid cheana féin go mbeadh dreasacht ag Microsoft soláthróirí néalsruthú cluichí iomaíocha a chur i mbaol, measann sé go bhfuil dreasacht níos láidre fós ag Microsoft é sin a dhéanamh agus suíomh Windows sa mhargadh um chóras oibriúcháin ríomhaire á chur san áireamh freisin. Go háirithe, measann an Coimisiún go ndearna na gnóthachain a tháinig as úsáideoirí a mhealladh nó a choinneáil chuig Windows fritháireamh ar an ioncam ligthe thar ceal ó dháileadh chluichí Activision Blizzard ar sheirbhísí néalsruthú cluiche néal tríú páirtí agus córas oibriúcháin ríomhaire.

(37)

Ar deireadh, baineann an Coimisiún de thátal as, i bhfianaise an cheannasachta atá ag Microsoft cheana féin sa mhargadh do chórais oibriúcháin ríomhaire, go mbeadh tionchar suntasach ar an margadh le haghaidh córais oibriúcháin ríomhaire dá ndéanfaí infhaighteacht chluichí Activision Blizzard trí córais oibriúcháin ríomhaire a shéanadh nó a dhíghrádú. Tá sé seo amhlaidh toisc go méadódh straitéis foriata rogha na n-úsáideoirí do Windows, rud a mhéadódh a thuilleadh na bacainní ar chóras oibriúcháin iomaíoch chun dul san iomaíocht go héifeachtach. Tá sé seo i gcomparáid le frithfhíoras ina mbeadh bacainní den sórt sin íslithe, gan an Idirbheart, toisc gur dócha go gceadódh Activision Blizzard a chuid cluichí do sheirbhísí néalchluichíocht tríú páirtí, rud a chuirfeadh ar fáil iad le sruthú ar chóras oibriúcháin nach Windows é.

(38)

Mar sin, measann an Coimisiún gur dócha go gcuirfeadh an t-idirbheart bac suntasach ar iomaíocht éifeachtach sa mhargadh do chórais oibriúcháin ríomhaire mar thoradh ar an eintiteas cumaiscthe ag réamhshocrú soláthar consóil agus cluichí ríomhaire Activision Blizzard do sholáthraithe néalsruthú cluichí agus gan GamePass Ultimate a chur ar fáil ar chórais oibriúcháin ríomhaire eile.

4.4. Conclúid

(39)

Is é an tátal a bhaineann leis an gcinneadh, mar sin, go n-ardaíonn an comhchruinniú a fógraíodh amhras tromchúiseach maidir lena chomhoiriúnacht leis an margadh inmheánach maidir le (i) foriamh ionchuir dáileoirí tríú páirtí cluichí ríomhaire agus consóil trí sheirbhísí néalsruthú cluichí agus (ii) foriamh soláthraithe iomaíocha de chóras oibriúcháin ríomhaire phearsanta trí néalsruthú cluiche Activision Blizzard a cheangal le Windows.

5. GEALLTANAIS ARNA GCUR ISTEACH AG AN BPÁIRTÍ A THUGANN FÓGRA

(40)

D’fhonn deireadh a chur leis na hábhair imní iomaíochta a d’eascair as an Idirbheart, chuir an Páirtí a thug Fógra gealltanais isteach i gCéim II. Rinne an Coimisiún tástáil ar na chéad ghealltanais a chuir Microsoft isteach (na ‘Gealltanais Tosaigh’) le rannpháirtithe sa mhargadh. Tar éis aiseolais ón tástáil mhargaidh seo, leasaigh an Páirtí a thug Fógra na gealltanais agus chuir sé isteach gealltanais mhodhnaithe (na ‘Gealltanais Athbhreithnithe’). Rinne an Coimisiún an dara tástáil margaidh. Roinneadh an t-aiseolas ó rannpháirtithe sa mhargadh leis an bPáirtí a thug Fógra a rinne leasuithe breise ina dhiaidh sin ar théacs an ghealltanais agus a chuir isteach an tríú togra leighis (na ‘Gealltanais Deiridh’).

(41)

Tá dhá phríomhghné i ngach gealltanas a cuireadh isteach: (i) gealltanas go dtabharfar an ceart do thomhaltóirí cluichí a shruthú ar feadh tréimhse 10 mbliana (an ‘Ceadúnas do Thomhaltóirí’); agus (ii) gealltanas go dtabharfar ceadúnas saor ó dhleachtanna do sholáthraithe sruthaithe chun cluichí a shruthú ar feadh tréimhse 10 mbliana (‘an Ceangaltas um Cheadúnas Soláthraí Sruthaithe’).

5.1. Na Gealltanais Tosaigh

5.1.1. An Gealltanas um Cheadúnas Tomhaltóra

(42)

Faoin Gealltanas um Cheadúnas Tomhaltóra, geallann Microsoft go dtabharfaidh sé an ceart do thomhaltóirí atá lonnaithe sa LEE gach cluiche ríomhaire reatha agus sa todhchaí a fhorbraítear, go páirteach nó go hiomlán, ag stiúideonna Activision Blizzard mar atá liostaithe in iarscríbhinn leis na Gealltanais Tosaigh (‘Cluichí Incháilithe’) ón dáta deiridh ar feadh tréimhse 10 mbliana, trí leasú a dhéanamh ar a gcomhaontuithe ceadúnais úsáideora deiridh de réir Cheadúnais Tomhaltóra (‘Ceadúnas Tomhaltóra’) i gcomhréir le hIarscríbhinn 3 a ghabhann leis na Gealltanais Tosaigh. Deonófar an ceart seo do thomhaltóirí beag beann ar cibé an bhfuarthas an Cluiche Incháilithe roimh an dáta deiridh nó ina dhiaidh.

5.1.2. An Gealltanas Ceadúnais Soláthraí Sruthaithe

(43)

De réir an Ghealltanais um Cheadúnas Soláthraí Sruthaithe, geallann Microsoft ar feadh tréimhse 10 mbliana ón dáta deiridh ceadúnas saor ó dhleacht a dheonú chun Cluichí Incháilithe a shruthú chuig seirbhísí sruthaithe de réir na dtéarmaí in Iarscríbhinn 4 a ghabhann leis na Gealltanais Tosaigh (‘Ceadúnas Soláthraí Sruthaithe’ gach ceann acu). Chun a bheith incháilithe don cheadúnas seo, ní mór seirbhís sruthaithe a bheith ceadaithe ag siopa cluiche atá údaraithe chun Cluichí Incháilithe a dhíol (‘Siopa Cluiche Údaraithe’) chun rochtain ar Chluichí Incháilithe a sholáthar; nó rochtain ar Chluichí Incháilithe a thairiscint trí fheidhmchláir nach gá a chomhtháthú le Stóras Cluiche Údaraithe (‘Seirbhís Sruthaithe Incháilithe’ i ngach cás).

(44)

Geallann Microsoft Ceadúnais Soláthraí Sruthaithe a dheonú is beag bean ar cibé an sruthóidh nó nach sruthóidh Microsoft Cluichí Incháilithe amach anseo ar a sheirbhís néalsruthaithe cluiche féin. Beidh eisiúintí nua, lena n-áirítear leaganacha béite atá ar fáil go poiblí agus eisiúintí rochtana luatha, inrochtana le haghaidh sruthú ó scaoileadh an chluiche ar Microsoft Game Store (a shainmhínítear mar siopa Battle.net de chuid Activision Blizzard nó aon Siopa Cluiche ríomhaire digiteach comharba) nó aon siopa eile atá údaraithe chun teideal Activision Blizzard a dháileadh.

(45)

Ina theannta sin, tá comhaontuithe déanta ag Microsoft le triúir sholáthraí néalcluiche, eadhon NVIDIA, Boosteroid agus Ubitus. Áirítear leis na comhaontuithe sin, ar feadh tréimhse 10 mbliana ón dáta deiridh, ceadúnas domhanda saor ó dhleachtanna chun Cluichí Incháilithe a shruthú. Mar chuid de na Gealltanais Tosaigh, geallann Microsoft na ceadúnais seo a dheonú faoi na téarmaí atá leagtha amach sna hiarscríbhinní a ghabhann leis na Gealltanais Tosaigh.

(46)

Beidh ceadúnais arna ndeonú faoi ghealltanas ceadúnais an tsoláthraí sruthú ar fáil ar shuíomh gréasáin Microsoft agus faoi réir na dtéarmaí seo a leanas:

(a)	Mura gcomhaontófar a mhalairt leis na Siopaí Cluiche Údaraithe, féadfaidh Microsoft an t-ioncam ar fad ó dhíolacháin cluiche, ceannacháin in-aipeanna agus aon ioncam idirbheartaíochta eile a bhaineann le cluiche a ghintear ó Chluichí Incháilithe ar Sheirbhísí Sruthaithe Incháilithe a choinneáil.

(b)

Seirbhísí Sruthaithe Incháilithe [rúin ghnó maidir leis an gceistneoir tástála margaidh]; (ii) a gcuid seirbhísí a oiriúnú, a mhéid is gá mar fhreagairt ar chearta tríú páirtí atá luaite faoi (i), chun ligean do thomhaltóirí Cluichí Incháilithe a shruthú; agus (iii) comhlíonadh na ndlíthe ábhartha, lena n-áirítear an tAcht um Sheirbhísí Digiteacha (3), an RGCS (4), an Treoir ríomhphríobháideachais (5), agus caighdeáin phríobháideachais.

5.1.3. Monatóireacht ar Iontaobhaí, Réiteach Díospóide agus Fad

(47)

Foráiltear leis na Gealltanais Tosaigh nach mór Iontaobhaí Monatóireachta a cheapadh sular féidir leis an bPáirtí a thugann Fógra an tIdirbheart a dhúnadh. Féadfaidh an tIontaobhaí Monatóireachta, ina dhiaidh sin, saineolaí TF, nó aon chomhairleoir le haghaidh airgeadas corparáideach nó comhairle dlí, a cheapadh chun cabhrú le comhlíonadh a chuid nó a cuid dualgas agus oibleagáidí.

(48)

Tá Réiteach Díospóide Gasta san áireamh, agus beidh feidhm leis i gcásanna ina n-éilíonn Seirbhís Sruthaithe Incháilithe (lena n-áirítear Nvidia, Boosteroid agus Ubitus), a léiríonn leas dlisteanach leordhóthanach, nach bhfuil Microsoft ag comhlíonadh a chuid oibleagáidí a eascraíonn as na Gealltanais.

(49)

D’fhanfadh na Gealltanais Tosaigh i bhfeidhm ar feadh deich mbliana ó dháta deiridh an Idirbhirt.

5.2. Na Gealltanais Athbhreithnithe

(50)

Cuimsítear sna Gealltanais Athbhreithnithe an dá cheadúnas chéanna leis na Gealltanais Tosaigh agus na feabhsuithe seo a leanas acu:

(a)	Sna ceadúnais, cumhdaítear cluichí consóil chomh maith le cluichí ríomhaire.

(b)	Sa mhéid is go bhfuil leaganacha éagsúla de chluiche ríomhaire ann do chórais oibriúcháin éagsúla, chomh maith le gach ábhar breise, mar bhreiseáin, ábhar íoslódála nó ceannacháin in-chluiche, tá leaganacha nó ábhar den sórt sin san áireamh go sainráite faoi na ceadúnais.

(c)

Tá na ceadúnais ar fáil le haghaidh seirbhísí néalsruthú cluichí a ligeann do thomhaltóirí imirt, ó fhreastalaithe néalbhunaithe an tsoláthraí seirbhíse, ó chluichí ríomhaire nó ó chonsóil a bhfuil ceadúnas faighte cheana féin ag na tomhaltóirí chun an cluiche a íoslódáil (lena n-áirítear trí cheannach le himirt, saor-le-imirt, nó síntiús).

(d)

Leis an gCeadúnas Soláthraí Sruthaithe ceadaítear do sheirbhís sruthaithe rochtain a sholáthar ar leaganacha ríomhaire de Chluichí Incháilithe trí fhíordheimhniú a dhéanamh le Microsoft Game Store agus geallann Microsoft, le toiliú an tomhaltóra, rochtain ar shonraí dá leithéid a sholáthar trí chomhéadan caighdeánach. Tá an oibleagáid seo teoranta do néalsheirbhísí atá ceadúnaithe cheana féin chun néalsruthú chluiche a sholáthar ag ar a laghad mórfhoilsitheoir cluiche amháin, mar atá ainmnithe sna Gealltanais Athbhreithnithe.

(e)	Gan aon imchéimniú trí chearta IP tríú páirtí.

(f)	Is féidir an nós imeachta eadrána a dhéanamh, ar rogha an tsoláthraí néalsruthú cluiche a iarrann é, sa Bhruiséil, sa Bheilg.

5.3. Na gealltanais deiridh

(51)

I gcomparáid leis na Gealltanais Athbhreithnithe, sna Gealltanais Deiridh, soiléirítear an raon feidhme agus cuireann siad teorainn ar an riosca go ndéanfaí na gealltanais a imchéimniú nó go ndéanfaí míthuiscint orthu. Is iad na príomhathruithe:

(a)	Sa sainmhíniú ar Siopa Cluiche Údaraithe, cumhdaítear anois siopaí cluiche a dháileann Cluichí Incháilithe trí sheirbhís síntiúis ilchluiche.

(b)	Cumhdaítear leis an ngealltanas sonraí a sholáthar maidir le cibé an bhfuil tomhaltóir i dteideal cluiche a imirt freisin Cluichí Incháilithe a bhfuil ceadúnas faighte ag tomhaltóir ina leith trí Phas Cluiche.

(c)	Leasaíodh an sainmhíniú ar Microsoft Game Store chun aon siopa digiteach cluiche ríomhaire faoi úinéireacht Microsoft a chur san áireamh.

(d)

Leathnaíodh liosta na mórfhoilsitheoirí cluichí, tugtar deis don Choimisiún an liosta seo a leasú tuilleadh le linn théarma na ngealltanas agus soiléirítear go ndéantar cinneadh an bhfuil seirbhís sruthú ceadúnaithe chun sruthú cluichí néal a sholáthar ag mórfhoilsitheoir cluichí eile ar siúl ag an am a lorgaíonn an tSeirbhís Sruthaithe rochtain ar Microsoft Game Store.

(e)	Geallann Microsoft gan deireadh a chur le hinfhaighteacht reatha na rochtana ar Chluichí Incháilithe trí chomhéadain ríomhchláraithe feidhmchláir (‘APInna’) atá ar fáil go poiblí.

5.4. Measúnú ar na gealltanais ar cuireadh faoi bhráid

(52)

D’fhonn a bheith inghlactha, a bheith in ann comhchruinniú a dhéanamh comhoiriúnach leis an margadh inmheánach mar go gcuireann siad cosc ar bhac suntasach ar an iomaíocht éifeachtach sna margaí ábhartha uile inar sainaithníodh ábhair imní maidir leis an iomaíocht. Sa chás seo, ba ghá, leis na gealltanais deireadh a chur leis na hábhair imní iomaíochta a shainaithin an Coimisiún, eadhon maidir leis na nithe seo a leanas: (i) foriamh ionchuir dáileoirí tríú páirtí cluichí ríomhaire agus consóil trí sheirbhísí néalsruthú cluiche agus (ii) foriamh de sholáthraithe iomaíocha chóras oibriúcháin trí chluichí Activision Blizzard a cheangal le Windows trí sheirbhís néalsruthú cluichí Microsoft.

(53)

Baineadh de thátal sa chinneadh go dtugann na Gealltanais Deiridh aghaidh go huile agus go hiomlán ar shaincheisteanna na hiomaíochta a ardaíodh leis an Idirbheart. Baineann an Coimisiún de thátal freisin as gur féidir na Gealltanais Deiridh a chur chun feidhme go héifeachtach agus go tráthúil.

6. CONCLÚID

(54)

An na cúiseanna thuasluaite, is é conclúid an chinnidh sin, faoi réir comhlíontacht iomlán leis na gnóthais arna dtabhairt ag na Páirtithe a thugann Fógra, leis an gcomhchruinniú atá beartaithe nach cuirfear bac suntasach ar an iomaíocht éifeachtach sa Mhargadh Inmheánach nó i gcuid shubstaintiúil de.

(55)

Dá bharr sin, ba cheart an comhchruinniú a dhearbhú bheith comhoiriúnach leis an Margadh Inmheánach agus le feidhmiú Chomhaontú LEE, i gcomhréir le hAirteagal 2(2) agus le hAirteagal 8(2) den Rialachán um Chumaisc agus le hAirteagal 57 de Chomhaontú LEE.

(1) IO L 24, 29.1.2004, lch. 1.

(2) Tagraíonn cluichí AAA d'fhíschluichí atá dian ar acmhainní agus casta le forbairt, agus a thairgeann taithí cluichíochta ardleibhéil agus meicnic imeartha cluiche.

(3) Rialachán (AE) 2022/2065 ó Pharlaimint na hEorpa agus ón gComhairle an 19 Deireadh Fómhair 2022 maidir le Margadh Aonair do Sheirbhísí Digiteacha agus lena leasaítear Treoir 2000/31/CE (an Gníomh um Sheirbhísí Digiteacha) (IO L 277, 27.10.2022, lch. 1).

(4) Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (an Rialachán Ginearálta maidir le Cosaint Sonraí) (IO L 119, 4.5.2016, lch. 1).

(5) Treoir 2002/58/CE ó Pharlaimint na hEorpa agus ón gComhairle an 12 Iúil 2002 maidir le sonraí pearsanta a phróiseáil agus maidir le príobháideachas a chosaint san earnáil cumarsáide leictreonaí (an Treoir maidir le príobháideachas agus cumarsáid leictreonach) (IO L 201, 31.7.2002, lch 37).

		ISSN 1977-107X
Iris Oifigiúil an Aontais Eorpaigh		C 285

An t-eagrán Gaeilge	Faisnéis agus Fógraí	66 14 Lúnasa 2023

Clár		Leathanach
	II Faisnéis
	FAISNÉIS Ó INSTITIÚIDÍ, Ó CHOMHLACHTAÍ, Ó OIFIGÍ, AGUS Ó GHNÍOMHAIREACHTAÍ AN AONTAIS EORPAIGH
	An Coimisiún Eorpach
2023/C 285/01	Gan cur i gcoinne comhchruinniú ar tugadh fógra faoi (Cás M.11200 — MSI / VALORIZA) ( 1 )	1

	IV Fógraí
	FÓGRAÍ Ó INSTITIÚIDÍ, Ó CHOMHLACHTAÍ, Ó OIFIGÍ, AGUS Ó GHNÍOMHAIREACHTAÍ AN AONTAIS EORPAIGH
	An Coimisiún Eorpach
2023/C 285/02	Rátaí malairte an euro — 11 Lúnasa 2023	2
2023/C 285/03	Tuairim ón gCoiste Comhairleach maidir le Cumaisc ag a gcruinniú ar 3 Bealtaine 2023 maidir le dréachtchinneadh sa chás M.10646 – MICROSOFT / ACTIVISION BLIZZARD — Rapóirtéir: An Rómáin ( 1 )	3
2023/C 285/04	Tuarascáil Deiridh an Oifigigh Éisteachta — Cás M.10646 – Microsoft / Activision Blizzard ( 1 )	5
2023/C 285/05	Achoimre ar an gCinneadh ón gCoimisiún an 15 Bealtaine 2023 lena ndearbhaítear comhchruinniú atá comhoiriúnach leis an margadh inmheánach agus le feidhmiú Chomhaontú LEE (Cás M.10646 – MICROSOFT / ACTIVISION BLIZZARD) (dá dtugtar fógra faoi dhoiciméad uimhir C(2023)3139) ( 1 )	8
	FÓGRAÍ Ó BHALLSTÁIT
2023/C 285/06	Fógra de bhun Airteagal 13 de Threoir 2001/24/CE ó Pharlaimint na hEorpa agus ón gComhairle maidir le hinstitiúidí creidmheasa a atheagrú agus a fhoirceannadh: leachtú agus foirceannadh ina dhiaidh sin FUCHS & ASSOCIES FINANCE SA [Institiúid airgeadais i Lucsamburg a fhoirceannadh]	17

	V Fógairtí
	NÓSANNA IMEACHTA A BHAINEANN LEIS AN mBEARTAS IOMAÍOCHTA A CHUR CHUN FEIDHME
	An Coimisiún Eorpach
2023/C 285/07	Réamhfhógra faoi chomhchruinniú (Cás M.11187 - MITSUI / CELANESE / NUTRINOVA JV) — Cás a d'fhéadfaí a chur faoin nós imeachta simplithe ( 1 )	18

	Airgeadra	Ráta malairte
USD	dollar na Stát Aontaithe	1,1004
JPY	yen na Seapáine	158,97
DKK	krone na Danmhairge	7,4510
GBP	punt steirling	0,86415
SEK	krona na Sualainne	11,8075
CHF	franc na hEilvéise	0,9617
ISK	króna na hÍoslainne	144,70
NOK	krone na hIorua	11,4225
BGN	lev na Bulgáire	1,9558
CZK	koruna Phoblacht na Seice	24,103
HUF	forint na hUngáire	382,80
PLN	zloty na Polainne	4,4368
RON	leu na Rómáine	4,9407
TRY	lira na Tuirce	29,7632
AUD	dollar na hAstráile	1,6850
CAD	dollar Cheanada	1,4791
HKD	dollar Hong Cong	8,6007
NZD	dollar na Nua-Shéalainne	1,8299
SGD	dollar Shingeapór	1,4850
KRW	won na Cóiré Theas	1 459,31
ZAR	rand na hAfraice Theas	20,7138
CNY	renminbi-yuan na Síne	7,9584
IDR	rupiah na hIndinéise	16 811,91
MYR	ringgit na Malaeisia	5,0475
PHP	peso na nOileán Filipíneach	62,175
RUB	rúbal na Rúise
THB	baht na Téalainne	38,547
BRL	real na Brasaíle	5,3656
MXN	peso Mheicsiceo	18,7092
INR	rúipí na hIndia	91,0970