FÓGRAÍ Ó INSTITIÚIDÍ, Ó CHOMHLACHTAÍ, Ó OIFIGÍ, AGUS Ó GHNÍOMHAIREACHTAÍ AN AONTAIS EORPAIGH

28.7.2023

Iris Oifigiúil an Aontais Eorpaigh

C 265/1

Rátaí malairte an euro (1)

27 Iúil 2023

(2023/C 265/01)

1 euro =

	Airgeadra	Ráta malairte
USD	dollar na Stát Aontaithe	1,1125
JPY	yen na Seapáine	155,95
DKK	krone na Danmhairge	7,4518
GBP	punt steirling	0,85885
SEK	krona na Sualainne	11,4985
CHF	franc na hEilvéise	0,9542
ISK	króna na hÍoslainne	145,50
NOK	krone na hIorua	11,1275
BGN	lev na Bulgáire	1,9558
CZK	koruna Phoblacht na Seice	24,032
HUF	forint na hUngáire	379,03
PLN	zloty na Polainne	4,4265
RON	leu na Rómáine	4,9300
TRY	lira na Tuirce	29,9773
AUD	dollar na hAstráile	1,6383
CAD	dollar Cheanada	1,4654
HKD	dollar Hong Cong	8,6787
NZD	dollar na Nua-Shéalainne	1,7797
SGD	dollar Shingeapór	1,4727
KRW	won na Cóiré Theas	1 422,98
ZAR	rand na hAfraice Theas	19,4838
CNY	renminbi-yuan na Síne	7,9510
IDR	rupiah na hIndinéise	16 691,35
MYR	ringgit na Malaeisia	5,0307
PHP	peso na nOileán Filipíneach	60,709
RUB	rúbal na Rúise
THB	baht na Téalainne	37,925
BRL	real na Brasaíle	5,2667
MXN	peso Mheicsiceo	18,6688
INR	rúipí na hIndia	91,1385

(1) Foinse: ráta malairte tagartha arna fhoilsiú ag an mBanc Ceannais Eorpach (BCE).

28.7.2023

Iris Oifigiúil an Aontais Eorpaigh

C 265/2

An liosta calafort i mBallstáit an Aontais Eorpaigh ina gceadaítear oibríochtaí maidir le táirgí iascaigh a thabhairt i dtír agus a thrasloingsiú agus ina bhfuil rochtain ag soithí iascaireachta tríú tír ar sheirbhísí calafoirt, i gcomhréir le hAirteagal 5(2) de Rialachán (CE) Uimh. 1005/2008 ón gComhairle; An liosta calafort i dTuaisceart Éireann ina gceadaítear oibríochtaí maidir le táirgí iascaigh a thabhairt i dtír agus a thrasloingsiú agus ina bhfuil rochtain ag soithí iascaireachta tríú tír ar sheirbhísí calafoirt, i gcomhréir leis an bPrótacal maidir le hÉirinn/Tuaisceart Éireann a ghabhann leis an gComhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach

(2023/C 265/02)

Tá foilsiú an liosta seo i gcomhréir le hAirteagal 5(4) de Rialachán (CE) Uimh. 1005/2008 ón gComhairle (1).

Ballstát	Calafoirt ainmnithe
An Bheilg	Oostende Zeebrugge
An Bhulgáir	Бургас (Burgas) Варна (Varna)
An Danmhairg	Aalborg Aarhus Esbjerg Fredericia Frederikshavn (2) , (14) , (15) Hanstholm Hirtshals Hvide Sande (2) , (14) , (15) København Skagen Strandby (2) , (14) , (15) Thyborøn (2) , (14) , (15)
An Ghearmáin	Bremerhaven Cuxhaven Rostock (ní cheadaítear trasloingsiú) Sassnitz/Mukran (ní cheadaítear trasloingsiú)
An Eastóin	Níl aon chalafort faoi láthair
Éire	Na Cealla Beaga (2) , (3) Baile Chaisleáin Bhéarra (2) , (3) Bun an Ghaoith (2) , (8) , (13) (ní cheadaítear trasloingsiú) Ailt an Chorráin (2) , (8) , (9) (ní cheadaítear trasloingsiú) Dún Mór (2) , (8) , (10) (ní cheadaítear trasloingsiú) Gleann Gad (2) , (8) , (13) (ní cheadaítear trasloingsiú) An Caisleán Nua (2) , (8) , (13) (ní cheadaítear trasloingsiú) Binn Éadair (2) , (8) , (10) (ní cheadaítear trasloingsiú) Cionn Mhálanna (2) , (8) , (13) (ní cheadaítear trasloingsiú) Bun an Phobail (2) , (8) , (11) (ní cheadaítear trasloingsiú) Rinn Uí Choigligh (2) , (8) , (12) (ní cheadaítear trasloingsiú) Ráth Maoláin (2) , (8) , (9) (ní cheadaítear trasloingsiú) Ros an Mhíl (2) , (8) , (10) (ní cheadaítear trasloingsiú)
An Ghréig	Πειραιάς (Piraeus) Θεσσαλονίκη (Thessaloniki)
An Spáinn	A Coruña A Pobra do Caramiñal Alacant/Alicante Algeciras Almería Arrecife (2) (17) Barbate (2) (16) Barcelona Bilbao Burela (2) (14) Cádiz Cartagena Castelló de la Plana (El Grao) Celeiro (2) (14) Ceuta (2) (15) Gijón (El Musel) Huelva Las Palmas de Gran Canaria (Puerto de la Luz) Málaga Marín Palma de Mallorca (2) (15) Pasaia (2) (14) Puerto del Rosario (2) (17) Ribeira Santa Cruz de Tenerife Santander Tarragona València Vigo (Área Portuaria) Vilagarcía de Arousa
An Fhrainc	An Fhrainc Dhúthach: Dunkerque Boulogne Le Havre Caen (2) Cherbourg en Cotentin (2) Barneville-Carteret Granville (2) Saint-Malo Roscoff (2) Brest Douarnenez (2) Concarneau (2) Lorient (2) Nantes - Saint-Nazaire (2) La Rochelle (2) Rochefort sur Mer (2) Port la Nouvelle (2) Sète Calafort Marseille Calafoirt Fhrancacha thar lear: Le Port (La Réunion) Fort de France (Martinique) (2) Port de Jarry (Guadeloupe) (2) Port du Larivot (Guyane) (2)
An Chróit	Ploče Rijeka Zadar – Gaženica Split – Sjeverna luka
An Iodáil	Ancona Brindisi Civitavecchia Fiumicino (2) Genova Gioia Tauro La Spezia Livorno Napoli Olbia Palermo Ravenna Reggio Calabria Salerno Taranto Trapani Trieste Venezia
An Chipir	Λεμεσός (Limassol)
An Laitvia	Rīga Ventspils
An Liotuáin	Klaipėda
Málta	Vaileite (Deepwater Quay, Laboratory Wharf, Magazine Wharf) Calafort Marsaxlokk (MT DIS Malta Freeport Distripark, MT MAR Marsaxlokk)
An Ísiltír	Vlissingen Scheveningen (2) Ijmuiden Harlingen Eemshaven Den Helder (2) Velsen (6) Amstardam (6) Rotterdam (6) Stellendam (7) Den Oever (7) Oudeschild (7) Urk (7) Lauwersoog (7) Yerseke (7)
An Pholainn	Gdańsk Gdynia Szczecin Świnoujście (2)
An Phortaingéil	Aveiro [PT AVE 1] (2) Caniçal [PT CNL 1] Horta [PT HOR 1] (2) Lisboa [PT LIS 1] Peniche [PT PEN 1] (2) Ponta Delgada [PT PDL 1] Porto [PT OPO 1] Setúbal [PT SET 1] (2) Sines [PT SIE 1] Viana do Castelo [PT VDC 1] (2)
An Rómáin	Constanța
An tSlóivéin	Níl aon chalafort faoi láthair
An Fhionlainn	Heilsincí (ní cheadaítear trasloingsiú)
An tSualainn
	Ellös (2) , (3) , (5) (ní cheadaítear trasloingsiú) Göteborg (3) , (4) Karlskrona Handelshamnen (2) , (3) , (4) , (5) (ní cheadaítear trasloingsiú) Kungshamn (2) , (3) , (5) (ní cheadaítear trasloingsiú) Lysekil (2) , (3) , (5) (ní cheadaítear trasloingsiú) Nogersund (2) , (3) , (4) , (5) (ní cheadaítear trasloingsiú) Rönnäng (2) , (3) , (5) (ní cheadaítear trasloingsiú) Simrishamn (2) , (3) , (4) , (5) (ní cheadaítear trasloingsiú) Slite (2) , (3) , (4) , (5) (ní cheadaítear trasloingsiú) Smögen (2) , (3) , (4) , (5) (ní cheadaítear trasloingsiú) Strömstad (2) , (3) , (5) (ní cheadaítear trasloingsiú) Trelleborg (2) , (3) , (4) , (5) (ní cheadaítear trasloingsiú) Träslövsläge (2) , (3) , (5) (ní cheadaítear trasloingsiú) Västervik (2) , (3) , (4) , (5) (ní cheadaítear trasloingsiú)

An Prótacal maidir le hÉirinn/Tuaisceart Éireann a ghabhann leis an gComhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach

Calafoirt ainmnithe

Tuaisceart Éireann

Doire

Cill Chaoil

Port an Bhogaigh

Ard Ghlais

An Pointe

Beannchar (Co. an Dúin)

Béal Feirste

(1) IO L 286, 29.10.2008, lch. 1.

(2) Ní Pointe Rialaithe Teorann de chuid an Aontais é seo

(3) Ceadaítear gach táirge iascaigh a thabhairt i dtír ó shoithí faoi bhratach na hIorua, na hÍoslainne, Andóra agus Oileáin Fharó

(4) Ní cheadaítear níos mó ná 10 dtona de scadáin arna ngabháil i limistéir lasmuigh de Mhuir Bhailt, de ronnaigh ná de bholmáin a thabhairt i dtír

(5) Ní cheadaítear tabhairt i dtír gabhálacha iasc reoite, ach amháin ó shoithí faoi bhratach na hIorua, na hÍoslainne, Andóra agus Oileáin Fharó má tá nóta (2) leo.

(6) Ní ghlactar le tabhairt i dtír gabhálacha ach amháin ó shoithí iascaireachta a bhfuil fad níos mó ná 59 m iontu nó tonnáiste íosta 1200 GT

(7) Ní ghlactar le soithí iascaireachta ón Ríocht Aontaithe ach amháin le haghaidh obair chothabhála agus tar éis formheas a fháil ó NVWA. Ní mór seiceálacha fisiceacha a dhéanamh ar an mbolg aon lá ó Luan go hAoine idir 8:00 agus 17:00 i gcalafort nach n-ainmnítear le (7) ná (8)

(8) Ní ghlactar le tabhairt i dtír gabhálacha ach amháin ó shoithí Thuaisceart Éireann atá cláraithe sa Ríocht Aontaithe

(9) Ní ghlactar le tabhairt i dtír gabhálacha ach: ó shoithí ina bhfuil fad iomlán <18 m idir 14:00 agus 20:00 ó Luan go hAoine agus ní ghlactar ach le speicis úra nach speicis TAC iad

(10) Ní ghlactar le tabhairt i dtír gabhálacha na speiceas grinnill uile ach ó shoithí ina bhfuil fad iomlán <26 m idir 10:00 agus 22:00 ó Luan go hAoine

(11) Ní ghlactar le tabhairt i dtír gabhálacha moileasc débhlaoscach beo atá díolmhaithe ó Rialacháin an Aontais maidir le hIascaireacht NNN ach ó shoithí ina bhfuil fad iomlán <18 m idir 14:00 agus 20:00 ar an Máirt agus ar an gCéadaoin i mí Feabhra, mí an Mhárta, mí Dheireadh Fómhair, mí na Samhna agus mí na Nollag

(12) Ní ghlactar le tabhairt i dtír gabhálacha moileasc débhlaoscach beo atá díolmhaithe ó Rialacháin an Aontais maidir le hIascaireacht NNN ach ó shoithí ina bhfuil fad iomlán <18 m idir 10:00 agus 20:00 ó Luan go hAoine agus idir 09:00 agus 17:00 ar an Satharn

(13) Ní ghlactar le tabhairt i dtír gabhálacha speiceas úr nach speicis TAC iad ach ó shoithí ina bhfuil fad iomlán <18 m idir 10:00 agus 20:00 ó Luan go hAoine agus idir 09:00 agus 17:00 ar an Satharn

(14) Ceadaítear oibríochtaí maidir le táirgí iascaigh úra a thabhairt i dtír agus a thrasloingsiú agus seirbhísí calafoirt

(15) Ní cheadaítear oibríochtaí maidir le táirgí iascaigh reoite a thabhairt i dtír ná a thrasloingsiú, seachas ó shoithí atá faoi bhratach Oileáin Fharó, na hÍoslainne agus na hIorua

(16) Ní cheadaítear ach rochtain ar sheirbhísí calafoirt agus luchtú éisc.

(17) Ní cheadaítear ach rochtain ar sheirbhísí calafoirt.

28.7.2023

Iris Oifigiúil an Aontais Eorpaigh

C 265/10

Réamhfhógra faoi chomhchruinniú

(Cás M.11195 – ICI 3 / HCS GROUP)

Cás a d’fhéadfaí a chur faoin nós imeachta simplithe

(Téacs atá ábhartha maidir le LEE)

(2023/C 265/07)

An 19 Iúil 2023 fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1) agus tar éis tarchur de bhun Airteagal 4(5) den Rialachán sin.

Baineann an fógra seo leis na gnóthais seo a leanas:

—	International Chemical Investors 3 S.E. (‘ICI 3’) (Lucsamburg), ar leis an International Chemical Investors Group é, grúpa atá faoi rialú aonair duine phríobháidigh,

—	Haltermann Besitzgesellschaft GmbH, HCS Group GmbH, agus HCS Holding GmbH agus a ghnóthais ghaolmhara (an ‘HCS Group’) (an Ghearmáin), faoi rialú H.I.G. Capital LLC, gnólacht infheistíochta cothromais phríobháidigh.

Gheobhaidh ICI 3 rialú aonair ar an HCS Group ina iomláine, de réir bhrí Airteagal 3(1)(b) den Rialachán um Chumaisc.

Baintear an comhchruinniú amach trí bhíthin ceannach scaireanna.

Is iad seo a leanas gníomhaíochtaí gnó na ngnóthas lena mbaineann:

—	Is grúpa tionsclaíoch cuideachtaí é ICI 3 a dhíríonn ar ghnólachtaí meánmhéide cógaisíochta agus ceimiceán, go háirithe míncheimiceáin, clóraivinilí agus comhdhúile,

—	Is soláthraí tuaslagóirí agus breiseán speisialtachta é HCS Group atá gníomhach ar fud an domhain.

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.11195 – ICI 3 / HCS GROUP

Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:

R-phost: COMP-MERGER-REGISTRY@ec.europa.eu

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) IO L 24, 29.1.2004, lch. 1 (an ‘Rialachán um Chumaisc’).

(2) IO C 366, 14.12.2013, lch. 5.

28.7.2023

Iris Oifigiúil an Aontais Eorpaigh

C 265/12

Foilsiú iarratais ar ainm a chlárú de bhun Airteagal 50(2)(a) de Rialachán (AE) Uimh. 1151/2012 ó Pharlaimint na hEorpa agus ón gComhairle maidir le scéimeanna cáilíochta do tháirgí talmhaíochta agus do bhia-earraí

(2023/C 265/08)

Leis an bhfoilseachán seo, tugtar an ceart chun cur i gcoinne an iarratais de bhun Airteagal 51 de Rialachán (AE) Uimh. 1151/2012 ó Pharlaimint na hEorpa agus ón gComhairle (1) laistigh de 3 mhí ó dháta an fhoilseacháin seo.

DOICIMÉAD AONAIR

‘Skedvi Bröd’

Uimh. AE: PGI-SE-02614 — 10.6.2020

STFC ( ) TGFC (X)

1. Ainm nó ainmneacha TGFC

‘Skedvi Bröd’

2. Ballstát nó tríú tír

An tSualainn

3. Tuairisc ar an táirge talmhaíochta nó ar an mbia-earra

3.1. An cineál táirge

Aicme 2.3. Arán, taosrán, cácaí, milseogra, brioscaí agus earraí eile báicéara

3.2. Tuairisc ar an táirge lena mbaineann an t-ainm in 1

Arán briosc cruinn traidisiúnta a bhfuil poll ann is ea ‘Skedvi Bröd’, atá déanta as arán caiscín seagail agus bácáilte ar theallach iarainn theilgthe in oigheann cloiche atá breoslaithe le hadhmad.

Déantar dhá leagan de ‘Skedvi Bröd’ a mhargú, ‘an bunchineál’ agus an cineál ar a dtugtar ‘extragräddat’, a bhácáiltear go pointí éagsúla.

Tá na saintréithe seo a leanas ag an dá leagan:

Cruth: Arán briosc cruinn a bhfuil poll beag sa lár ann

Méid: 27-30 cm ar trastomhas

Tiús: thart ar 6-8 mm

Cuma: Tugann cruth beagán cruinneachánach an aráin bhriosc, mar aon leis an uigeacht dromchla agus éagsúlachtaí datha agus crutha, saintréith do ‘Skedvi Bröd’ agus léiríonn sé go ndéantar an t-arán de láimh agus é bácáilte in oigheann atá breoslaithe le hadhmad.

Salann: 2-4 %

Próitéin: 8-9 %

Saill: 2,3-2,7 %

Carbaihiodráití: 58-64 %

Cion uisce: 3-4 %

Bunchineál ‘Skedvi Bröd’:

Dath: Chuirfeadh sé coirt sprúis úr i gcuimhne duit. Éiríonn an dath níos dorcha ag imill an aráin bhriosc. S4020-Y20R go S4020-Y30R NCS [1]

Boladh: Foraois péine tirime agus plúr rósta

Blas: Blas láidir de phlúr rósta agus blasanna éadroma ann de charra mhilis, goirteamas dea-thomhaiste agus searbhas taitneamhach ann. Bíonn iarbhlas fada, láidir de phlúr rósta agus blasanna éadroma dóite ar Bhunchineál ‘Skedvi Bröd’.

Uigeacht: Crua

An blas sa bhéal: Arán briosc crua ar a mbíonn blas taitneamhach fiú tar éis é a chogaint cúpla uair

‘Skedvi Bröd’ Extragräddat:

Dath: Chuirfeadh sé coirt sprúis úr i gcuimhne duit (dath S5030-Y20R go S4020-Y30R, NCS). Éiríonn an dath níos dúdhoinne ag imill an aráin bhriosc.

Boladh: Boladh láidir na foraoise péine tirime agus bolaithe de choirt agus sú ann, bolaithe éadroma ann de luaith dhóite.

Blas: Blas an-láidir de phlúr rósta agus searbhas suntasach. Bíonn an blas níos déine ag na himill, san áit is mó a mbíonn an t-arán bácáilte. Bíonn iarbhlas an-láidir fada ar ‘Skedvi Bröd’ Extragräddat agus tá blasanna dóite éadroma air.

Uigeacht: An-chrua

An blas sa bhéal: Arán briosc an-chrua ar a mbíonn blas ar leith fiú tar éis é a chogaint cúpla uair

[1]	Córas Datha Nádúrtha.

3.3. Beatha (maidir le táirgí de thionscnamh ainmhíoch amháin) agus amhábhair (maidir le táirgí próiseáilte amháin)

Amhábhair: Plúr caiscín seagail (Secale cereale) ina mbíonn líon íseal laghaitheach, salann (NaCl), giosta agus uisce

3.4. Céimeanna sonracha sa táirgeadh nach mór a dhéanamh sa limistéar geografach sainithe

Ní mór gach céim sa phróiseas táirgthe, ón taos a mheascadh go dtí an bhácáil go dtí iniúchadh a dhéanamh ar an arán briosc bácáilte, a dhéanamh sa limistéar geografach atá sainithe i bpointe 4.

3.5. Sainrialacha maidir le slisniú, grátáil, pacáistiú, etc. an táirge dá dtagraíonn an t-ainm cláraithe

—

3.6. Sainrialacha maidir le lipéadú an táirge dá dtagraíonn an t-ainm cláraithe

Ní mór táirgí a dhíoltar faoin sonrúchán faoi chosaint ‘Skedvi Bröd’ a lipéadú leis an téacs ‘Bunchineál’ nó ‘Extragräddat’ ionas go léireofar méid na bácála go soiléir ar an bpacáistíocht.

4. Sainmhíniú achomair ar an limistéar geografach

Táirgtear ‘Skedvi Bröd’ i bparóiste Stora Skedvi i gCúige Dalarna.

5. Nasc leis an limistéar geografach

Tá an nasc idir saintréithe sonracha ‘Skedvi Bröd; agus an limistéar táirgthe bunaithe ar an traidisiún ceardaíochta a chaomhnaítear sa limistéar geografach ina ndéantar arán briosc cruinn a bhfuil poll ann de láimh agus ina ndéantar an t-arán a bhácáil ansin ar theallaigh iarainn theilgthe in oigheann atá breoslaithe le hadhmad.

Sainiúlacht an táirge

Tugann an próiseas bácála a dhéantar de láimh cuma ar leith d’arán briosc ‘Skedvi Bröd’ i gcás ina dtugann éagsúlachtaí datha, uigeacht dromchla agus cruinneachán cuma thréithiúil agus láidir don arán briosc inar féidir an próiseas déantúsaíochta de láimh a fheiceáil go soiléir.

Is tríd an arán briosc ‘Skedvi Bröd’ a bhácáil in oigheann atá breoslaithe le hadhmaid a fhaigheann sé a dhea-bholadh saintréitheach d’foraois péine tirime, agus a bholaithe spíonlach péine agus roisín, agus a bhlas saintréitheach láidir agus beagán searbh de phlúr rósta agus blasanna carra mhilis agus blasanna dóite.

Dá bhrí sin, tá saintréithe ‘Skedvi Bröd’ difriúil leis na saintréithe a bhaineann leis an arán briosc tionsclaíoch atá níos coitianta ar mhargadh na Sualainne, agus a bhácáiltear ar chrios iompair in oigheann leictreach.

Sainiúlacht an phróisis monaraíochta

Chun ‘Skedvi Bröd’ a dhéanamh, déantar plúr caiscín seagail a mheascadh le huisce, le giosta agus le salann. Déantar an taos a rolladh amach agus a phriocadh. Déantar ciorcail agus poll ina lár a stampáil ar an taos.

Bíonn tionchar ag raimhre an taois agus tiús an aráin briosc ar an bpróiseas bácála. D’fhonn an t-arán briosc a thriomú tar éis bácála gan é a fhilleadh nó a bhriseadh, tá an trastomhas teoranta do thart ar 30 cm.

Fágtar na fáinní taois ag ardú ar feadh leathuair an chloig sula ndéantar iad a bhácáil ar theallach iarainn theilgthe in oigheann atá breoslaithe le hadhmad sprúis agus adhmad péine agus an choirt fós air.

Sula dtosaíonn an báicéir ag bácáil, déanann sé an t-oigheann a théamh trí thine a lasadh ar an teallach iarainn theilgthe. Nuair a bheidh an t-oigheann te, cuirtear na ciorcail taois atá ardaithe ceann ar cheann ar an teallach san oigheann. Le linn na bácála, ní mór don bháicéir a áirithiú go gcoinnítear teocht an oighinn ag 350-400 ° C trí adhmad sprúis nó adhmad péine a chur le taobhanna an oighinn.

Féadtar 15 arán briosc a chur isteach i ngach oigheann bácála. Mar gheall ar mhéid an oighinn, beidh an teocht agus an ghaireacht don adhmad atá ag dó éagsúil ag brath ar an áit ina bhfuil an t-arán briosc san oigheann. Ionas nach ndéanfar an t-arán briosc a cócaráil go míchothrom, ní mór don bháicéir iad a bhogadh timpeall san oigheann dá bhrí sin le linn na bácála. Bogtar iad de réir patrún ar leith a ligeann don bháicéir freisin arán briosc atá réidh ar thaobh amháin den oigheann a bhaint agus arán briosc neamhchócaráilte a chur isteach ar an taobh eile.

Socraítear am na bácála le teocht an oighinn, a mbíonn tionchar ag an teocht chomhthimpeallach, ag taise an adhmaid agus má chuir an báicéir adhmad úr a chur san oigheann air ansin. Cinneann an báicéir nuair a bhíonn an t-arán briosc réidh bunaithe ar an boladh agus ar an gcuma a bhíonn orthu.

Crochtar an t-arán bácáilte, a bhíonn fós beagán bog ar shlata triomaithe atá snáithithe tríd an bpoll lárnach san arán, agus fágtar iad le triomú i seomraí triomúcháin.

Nasc cúisíoch

Tá arán briosc cruinn a bhfuil poll ann á dhéanamh ar an mbealach traidisiúnta céanna in Stora Skedvi ó bhí na 1950í ann. Tá an ceard a bhaineann leis an arán briosc clasaiceach a dhéanamh de láimh agus an teicníc speisialta a theastaíonn chun an t-arán a bhácáil in oigheann adhmaid fágtha le hoidhreacht ó bháicéirí níos sine aráin bhriosc a bhfuil taithí acu ar an gceird, chuig glúin nua báicéirí. Éilítear neart taithí le haghaidh máistreacht a fháil ar an modh traidisiúnta chun arán briosc a bhácáil ar theallach iarainn theilgthe in oigheann atá breoslaithe le hadhmad.

Le linn na bácála, ní mór an t-oigheann a bhreoslú ag baint úsáid as adhmad agus an choirt air. Bíonn tionchar ag luach ard calrach (18,7-19,8 MJ/kg d’ábhar tirim), aag an goirt mar aon leis na gáis dócháin agus an ghal san oigheann, ar an bpróiseas bácála, rud a tháirgeann an chuma, an uigeacht agus an blas saintréitheach ar ‘Skedvi Bröd’. Bíonn hidreacarbóin sho-ghalaithe éagsúla sa choirt freisin a chuireann leis an mblas agus a thugann dea-bholadh sainiúil na foraoise péine tirime don arán.

Mar thoradh ar an láimhseáil láimhe, déanfar cuid den arán briosc a bhácáil níos mó ná a chéile agus dá bhrí sin beidh a saintréithe difriúil, agus beidh dath níos dorcha, níos teo, uigeacht níos crua agus blas agus boladh níos casta agus blasanna dóite níos suntasaí ann.

Nuair a bhíonn an t-arán briosc bácáilte agus triomaithe á iniúchadh, déantar an t-arán briosc caighdeánach agus an t-arán briosc a bhacáiltear ar feadh tréimhse níos faide a dheighilt óna chéile. Déantar an t-arán briosc caighdeánach a mhargú mar Bhunchineál ‘Skedvi Bröd’, agus díoltar an t-arán briosc a bhácáiltear ar feadh tréimhse níos faide mar ‘Skedvi Bröd’ Extragräddat.

Tagairt d’fhoilsiú shonraíocht an táirge

https://www.livsmedelsverket.se/globalassets/foretag-regler-kontroll/livsmedelsinformation-markning-halsopastaenden/skyddade-beteckningar/produktspecifikation_skedvi_knackebrod-2022_08_10.pdf

(1) IO L 343, 14.12.2012, lch. 1.

		ISSN 1977-107X
Iris Oifigiúil an Aontais Eorpaigh		C 265

An t-eagrán Gaeilge	Faisnéis agus Fógraí	66 28 Iúil 2023

Clár		Leathanach
	IV Fógraí
	FÓGRAÍ Ó INSTITIÚIDÍ, Ó CHOMHLACHTAÍ, Ó OIFIGÍ, AGUS Ó GHNÍOMHAIREACHTAÍ AN AONTAIS EORPAIGH
	An Coimisiún Eorpach
2023/C 265/01	Rátaí malairte an euro — 27 Iúil 2023	1
	FÓGRAÍ Ó BHALLSTÁIT
2023/C 265/02	An liosta calafort i mBallstáit an Aontais Eorpaigh ina gceadaítear oibríochtaí maidir le táirgí iascaigh a thabhairt i dtír agus a thrasloingsiú agus ina bhfuil rochtain ag soithí iascaireachta tríú tír ar sheirbhísí calafoirt, i gcomhréir le hAirteagal 5(2) de Rialachán (CE) Uimh. 1005/2008 ón gComhairle; An liosta calafort i dTuaisceart Éireann ina gceadaítear oibríochtaí maidir le táirgí iascaigh a thabhairt i dtír agus a thrasloingsiú agus ina bhfuil rochtain ag soithí iascaireachta tríú tír ar sheirbhísí calafoirt, i gcomhréir leis an bPrótacal maidir le hÉirinn/Tuaisceart Éireann a ghabhann leis an gComhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach	2

	V Fógairtí
	NÓSANNA IMEACHTA RIARACHÁIN
	An Coimisiún Eorpach
2023/C 265/03	FÓGRA DE BHUN AIRTEAGAL 29(2) DE NA RIALACHÁIN FOIRNE — Foilsiú folúntais le haghaidh fheidhm an Leas-Ardstiúrthóra (Grád AD 15) in Ard-Stiúrthóireacht na hAteangaireachta (AS SCIC) — COM/2023/10435	6
2023/C 265/04	FÓGRA DE BHUN AIRTEAGAL 29(2) DE NA RIALACHÁIN FOIRNE — Foilsiú folúntais le haghaidh fheidhm an Phríomhchomhairleora maidir le Fadbhreathnaitheacht Straitéiseach agus Nuálaíocht in Acmhainní Daonna (Grád AD 14) san Ard-Stiúrthóireacht um Acmhainní Daonna agus um Shlándáil (AS HR) — COM/2023/10436	7
2023/C 265/05	FÓGRA DE BHUN AIRTEAGAL 29(2) DE NA RIALACHÁIN FOIRNE — Foilsiú folúntais le haghaidh fheidhm an Phríomhchomhairleora maidir le Cláir Oibre G7 agus G20 don Fhorbairt Inbhuanaithe (Grád AD 14) in Ard-Stiúrthóireacht na gComhpháirtíochtaí Idirnáisiúnta (INTPA) — COM/2023/10437	8
2023/C 265/06	FÓGRA DE BHUN AIRTEAGAL 29(2) DE NA RIALACHÁIN FOIRNE — Foilsiú folúntais le haghaidh fheidhm an Phríomhchomhairleora maidir le Deontóirí atá ag teacht chun cinn (Grád AD 14) in Ard-Stiúrthóireacht na gComhpháirtíochtaí Idirnáisiúnta (INTPA) — COM/2023/10438	9
	NÓSANNA IMEACHTA A BHAINEANN LEIS AN mBEARTAS IOMAÍOCHTA A CHUR CHUN FEIDHME
	An Coimisiún Eorpach
2023/C 265/07	Réamhfhógra faoi chomhchruinniú (Cás M.11195 – ICI 3 / HCS GROUP) — Cás a d’fhéadfaí a chur faoin nós imeachta simplithe ( 1 )	10
	GNÍOMHARTHA EILE
	An Coimisiún Eorpach
2023/C 265/08	Foilsiú iarratais ar ainm a chlárú de bhun Airteagal 50(2)(a) de Rialachán (AE) Uimh. 1151/2012 ó Pharlaimint na hEorpa agus ón gComhairle maidir le scéimeanna cáilíochta do tháirgí talmhaíochta agus do bhia-earraí	12