21.6.2023

Iris Oifigiúil an Aontais Eorpaigh

C 218/1

TUAIRIM ÓN GCOIMISIÚN

an 16 Meitheamh 2023

a bhaineann leis an bplean modhnaithe maidir le diúscairt dramhaíola radaighníomhaí a eascraíonn as díchóimeáil ghléasra cumhachta núicléiche Brennilis (B-NPS) i Roinn Finistère, an Fhrainc (Is é an téacs Fraincise amháin atá barántúil)

(2023/C 218/01)

Déantar an measúnú thíos faoi fhorálacha Chonradh Euratom, gan dochar d’aon mheasúnú breise atá le déanamh faoin gConradh ar Fheidhmiú an Aontais Eorpaigh ná do na hoibleagáidí a eascraíonn as agus as an reachtaíocht thánaisteach (1).

An 22 Meitheamh 2022 fuair an Coimisiún Eorpach ó Rialtas na Fraince, i gcomhréir le hAirteagal 37 de Chonradh Euratom, na Sonraí Ginearálta a bhaineann leis an bplean modhnaithe maidir le diúscairt dramhaíola radaighníomhaí (2) a eascraíonn as díchóimeáil ghléasra cumhachta núicléiche Brennilis.

Ar bhonn na sonraí sin agus na faisnéise breise a d’iarr an Coimisiún an 19 Deireadh Fómhair 2022 agus a chuir údaráis na Fraince ar fáil an 9 Feabhra 2023, agus tar éis dó dul i gcomhairle leis an nGrúpa Saineolaithe, tá an tuairim seo a leanas tarraingthe suas ag an gCoimisiún:

1.	Is é 468 km an t-achar idir an láithreán agus an teorainn is gaire le Ballstát eile, sa chás seo Éire.

2.	Baineann an plean modhnaithe le méadú ar na teorainneacha sceite údaraithe d’eisiltigh radaighníomhacha aerbheirthe. Ní údaraítear aon eisilteach radaighníomhach leachtach.

Faoi ghnáthoibríochtaí díchóimeála, ní dócha go mbeidh sceitheadh eisilteach radaighníomhach gásach ina chúis nochta don daonra i mBallstát eile a bheadh suntasach ó thaobh na sláinte de, i leith na dteorainneacha dáileoige a leagtar síos sa Treoir maidir le Caighdeáin Bhunúsacha Sábháilteachta (3).

I gcás ina ndéanfaí eisiltigh radaighníomhacha a scaoileadh gan é sin a bheith pleanáilte de thoradh timpiste den chineál agus den mhéid a mheastar sa phlean modhnaithe, ní dócha gurb é an toradh a bheadh ar an scaoileadh sin éilliú radaighníomhach an uisce, na hithreach nó an aerspáis i mBallstát eile a bheadh suntasach ó thaobh na sláinte de, i gcomhréir le forálacha na Treorach maidir le Caighdeáin Bhunúsacha Sábháilteachta.

Mar fhocal scoir, i dtaca le cur chun feidhme an phlean mhodhnaithe maidir le diúscairt dramhaíola radaighníomhaí i cibé foirm, a eascraíonn as díchóimeáil ghléasra cumhachta núicléiche Brennilis (B-NPS), atá lonnaithe i Roinn Finistère, an Fhrainc, sa ghnáthoibriú agus i gcás tionóiscí den chineál agus den mhéid a mheastar sna Sonraí Ginearálta araon, tá an Coimisiún den tuairim nach dócha go mbeidh an cur chun feidhme sin ina chúis le héilliú radaighníomhach an uisce, na hithreach nó an aerspáis i mBallstát eile a bheadh suntasach ó thaobh na sláinte de, i leith na bhforálacha a leagtar síos sa Treoir maidir le Caighdeáin Bhunúsacha Sábháilteachta.

Arna dhéanamh sa Bhruiséil, 16 Meitheamh 2023.

Thar ceann an Choimisiúin

Kadri SIMSON

Comhalta den Choimisiún

(1) Mar shampla, faoin gConradh ar Fheidhmiú an Aontais Eorpaigh, ba cheart na gnéithe comhshaoil a mheasúnú a thuilleadh. Mar sin de, ba mhaith leis an gCoimisiún aird a tharraingt ar fhorálacha Threoir 2011/92/AE maidir le measúnú a dhéanamh ar éifeachtaí tionscadal poiblí agus príobháideach áirithe ar an gcomhshaol, arna leasú le Treoir 2014/52/AE; ar Threoir 2001/42/CE maidir le measúnú a dhéanamh ar éifeachtaí pleananna agus clár áirithe ar an gcomhshaol, agus ar Threoir 92/43/CEE maidir le gnáthóga nádúrtha agus fauna agus flora fiáine a chaomhnú agus ar Threoir 2000/60/CE lena mbunaítear creat le haghaidh ghníomhaíocht an Chomhphobail i réimse an bheartais uisce.

(2) Diúscairt dramhaíola radaighníomhaí de réir bhrí phointe 1 de Mholadh 2010/635/Euratom ón gCoimisiún an 11 Deireadh Fómhair 2010 maidir le cur i bhfeidhm Airteagal 37 de Chonradh Euratom (IO L 279, 23.10.2010, lch. 36).

(3) Treoir 2013/59/Euratom ón gComhairle an 5 Nollaig 2013 lena leagtar síos na caighdeáin bhunúsacha sábháilteachta maidir le cosaint ar na contúirtí a éiríonn as nochtadh don radaíocht ianúcháin, agus lena n-aisghairtear Treoracha 89/618/Euratom, 90/641/Euratom, 96/29/Euratom, 97/43/Euratom agus 2003/122/Euratom (IO L 13, 17.1.2014, lch. 1).

FAISNÉIS Ó INSTITIÚIDÍ, Ó CHOMHLACHTAÍ, Ó OIFIGÍ, AGUS Ó GHNÍOMHAIREACHTAÍ AN AONTAIS EORPAIGH

21.6.2023

Iris Oifigiúil an Aontais Eorpaigh

C 218/3

Gan cur i gcoinne comhchruinniú ar tugadh fógra faoi

(Cás M.11088 — LIBERTY GLOBAL / NRJ GROUP / MEDIAHUIS / VLAANDEREN EEN)

(Téacs atá ábhartha maidir le LEE)

(2023/C 218/02)

An 13 Meitheamh 2023, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin ‘mBeartas iomaíochta’ atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32023M11088. Is é EUR-Lex an tairseach ar líne chuig dlí an Aontais Eorpaigh.

(1) IO L 24, 29.1.2004, lch. 1.

FÓGRAÍ Ó INSTITIÚIDÍ, Ó CHOMHLACHTAÍ, Ó OIFIGÍ, AGUS Ó GHNÍOMHAIREACHTAÍ AN AONTAIS EORPAIGH

21.6.2023

Iris Oifigiúil an Aontais Eorpaigh

C 218/4

CINNEADH ÓN GCOMHAIRLE

lena nglactar an seasamh ón gComhairle maidir le dréachtbhuiséad leasaitheach Uimh. 2 de chuid an Aontais Eorpaigh don bhliain airgeadais 2023

(2023/C 218/03)

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 314 de, i gcomhar leis an gConradh ag bunú an Chomhphobail Eorpaigh do Fhuinneamh Adamhach, agus go háirithe Airteagal 106a de,

Ag féachaint do Rialachán (AE, Euratom) 2018/1046 ó Pharlaimint na hEorpa agus ón gComhairle an 18 Iúil 2018 maidir leis na rialacha airgeadais is infheidhme maidir le buiséad ginearálta an Aontais, lena leasaítear Rialacháin (AE) Uimh. 1296/2013, (AE) Uimh. 1301/2013, (AE) Uimh. 1303/2013, (AE) Uimh. 1304/2013, (AE) Uimh. 1309/2013, (AE) Uimh. 1316/2013, (AE) Uimh. 223/2014, (AE) Uimh. 283/2014, agus Cinneadh Uimh. 541/2014/AE agus lena n-aisghairtear Rialachán (AE, Euratom) Uimh. 966/2012 (1), agus go háirithe Airteagal 44 de,

De bharr an mhéid seo a leanas:

TAR ÉIS A CHINNEADH MAR A LEANAS:

Airteagal aonair

Rinneadh an seasamh ón gComhairle maidir le dréachtbhuiséad leasaitheach Uimh. 2 de chuid an Aontais Eorpaigh don bhliain airgeadais 2023 a ghlacadh an 19 Meitheamh 2023.

Tá an téacs iomlán ar fáil le haghaidh comhairliúcháin nó le híoslódáil ar shuíomh gréasáin na Comhairle: https://www.consilium.europa.eu/ga/documents-publications/public-register/public-register-search/

Arna dhéanamh sa Lucsamburg, an 19 Meitheamh 2023.

Thar ceann na Comhairle

An tUachtarán

E. BUSCH

(1) IO L 193, 30.7.2018, lch. 1.

(2) IO L 58, 23.2.2023, lch. 1.

21.6.2023

Iris Oifigiúil an Aontais Eorpaigh

C 218/6

Rátaí malairte an euro (1)

20 Meitheamh 2023

(2023/C 218/04)

1 euro =

	Airgeadra	Ráta malairte
USD	dollar na Stát Aontaithe	1,0933
JPY	yen na Seapáine	154,51
DKK	krone na Danmhairge	7,4491
GBP	punt steirling	0,85705
SEK	krona na Sualainne	11,7580
CHF	franc na hEilvéise	0,9808
ISK	króna na hÍoslainne	149,10
NOK	krone na hIorua	11,7155
BGN	lev na Bulgáire	1,9558
CZK	koruna Phoblacht na Seice	23,756
HUF	forint na hUngáire	372,55
PLN	zloty na Polainne	4,4463
RON	leu na Rómáine	4,9629
TRY	lira na Tuirce	25,7687
AUD	dollar na hAstráile	1,6120
CAD	dollar Cheanada	1,4473
HKD	dollar Hong Cong	8,5560
NZD	dollar na Nua-Shéalainne	1,7714
SGD	dollar Shingeapór	1,4688
KRW	won na Cóiré Theas	1 406,33
ZAR	rand na hAfraice Theas	19,9724
CNY	renminbi-yuan na Síne	7,8462
IDR	rupiah na hIndinéise	16 410,11
MYR	ringgit na Malaeisia	5,0729
PHP	peso na nOileán Filipíneach	60,763
RUB	rúbal na Rúise
THB	baht na Téalainne	37,981
BRL	real na Brasaíle	5,2376
MXN	peso Mheicsiceo	18,6991
INR	rúipí na hIndia	89,7525

(1) Foinse: ráta malairte tagartha arna fhoilsiú ag an mBanc Ceannais Eorpach (BCE).

21.6.2023

Iris Oifigiúil an Aontais Eorpaigh

C 218/7

Réamhfhógra faoi chomhchruinniú

(Cás M.11084 – SMRP / SAS AUTOSYSTEMTECHNIK)

(Téacs atá ábhartha maidir le LEE)

(2023/C 218/05)

An 14 Meitheamh 2023, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—	Samvardhana Motherson Automotive Systems Group B.V. (‘SMRP,’ an Ísiltír), atá faoi lánúinéireacht Samvardhana Motherson International Limited (‘SAMIL,’ an India),

—	SAS Autosystemtechnik GmbH (‘SAS,’ an Ghearmáin), fochuideachta indíreach atá faoi lánúinéireacht Faurecia SE (‘Faurecia,’ an Fhrainc).

Gheobhaidh SMRP rialú aonair, de réir bhrí Airteagal 3(1)(b) den Rialachán um Chumaisc, ar SAS ina iomláine.

Baintear an comhchruinniú amach trí bhíthin ceannach scaireanna.

Is iad seo a leanas gníomhaíochtaí gnó na ngnóthas lena mbaineann:

—	Is soláthraí domhanda comhpháirteanna mótarfheithiclí é SMRP, is iad sin painéil ionstraimí, painéil dorais, consóil láir agus cóirithe maisiúla, agus cóimeáil mhodúil chró an phíolóta,

—	Tá SAS speisialaithe i gcóimeáil mhodúil chró an phíolóta, consól láir agus modúl inmheánach eile le haghaidh gluaisteán paisinéirí agus feithiclí tráchtála éadroma.

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.11084 – SMRP / SAS AUTOSYSTEMTECHNIK

Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:

R-phost: COMP-MERGER-REGISTRY@ec.europa.eu

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) IO L 24, 29.1.2004, lch. 1 (an ‘Rialachán um Chumaisc’).

21.6.2023

Iris Oifigiúil an Aontais Eorpaigh

C 218/9

Réamhfhógra faoi chomhchruinniú

(Cás M.11116 – HEDIN / DELTA AUTO)

(Téacs atá ábhartha maidir le LEE)

(2023/C 218/06)

An 14 Meitheamh 2023 fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—	Hedin Automotive Oy (‘Hedin’, an Fhionlainn), a bhaineann le Hedin Mobility Group AB (an tSualainn),

—	Delta Auto Oy (‘Delta Auto’, an Fhionlainn).

Gheobhaidh Hedin rialú aonair ar Delta Auto de réir bhrí Airteagal 3(1)(b) den Rialachán um Chumaisc.

Baintear an comhchruinniú amach trí bhíthin ceannach scaireanna.

Is iad seo a leanas gníomhaíochtaí gnó na ngnóthas lena mbaineann:

—	Tá Hedin gníomhach i miondíol gluaisteán paisinéirí agus feithiclí tráchtála éadroma nua agus athláimhe, i soláthar seirbhísí deisithe agus cothabhála agus i miondíol páirteanna spártha trealaimh bhunaidh san Fhionlainn,

—	Tá Delta Auto gníomhach i miondíol gluaisteán paisinéirí agus feithiclí tráchtála éadroma nua agus athláimhe, i soláthar seirbhísí deisithe agus cothabhála agus i miondíol páirteanna spártha trealaimh bhunaidh san Fhionlainn.

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.11116 – HEDIN / DELTA AUTO

Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:

R-phost: COMP-MERGER-REGISTRY@ec.europa.eu

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) IO L 24, 29.1.2004, lch. 1 (an ‘Rialachán um Chumaisc’).

21.6.2023

Iris Oifigiúil an Aontais Eorpaigh

C 218/10

Réamhfhógra faoi chomhchruinniú

(Cás M.11137 – EMIL FREY FRANCE / SACAPUCE / JAM PROD / GROUPE KERTRUCKS FINANCE)

Cás a d'fhéadfaí a chur faoin nós imeachta simplithe

(Téacs atá ábhartha maidir le LEE)

(2023/C 218/07)

An 9 Meitheamh 2023, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Is leis na gnóthais seo a leanas a bhaineann an fógra sin:

—	Emil Frey France (‘Emil Frey’, an Eilvéis), faoi úinéireacht an ghrúpa Emil Frey,

—	Sacapuce (an Fhrainc),

—	Jam Prod (an Fhrainc), agus

—	Groupe Kertrucks Finance (‘GKF’, an Fhrainc).

Gheobhaidh Emil Frey, Sacapuce agus Jam Prod rialú comhpháirteach ar GKF de réir bhrí Airteagal 3(1)(b) den Rialachán um Chumaisc.

Is trí cheannach scaireanna a dhéanfar an comhchruinniú.

Is iad seo a leanas gníomhaíochtaí gnó na ngnóthas lena mbaineann:

—	Tá Emil Frey gníomhach sa Fhrainc i miondíol mótarfheithiclí nua agus dara láimhe,

—	Is cuideachta sealbhaíochta airgeadais í Sacapuce,

—	Is cuideachta sealbhaíochta airgeadais í Jam Prod,

—	Is í GKF cuideachta sealbhaíochta Groupe Kertrucks. Tá Groupe Kertrucks gníomhach i bhfeithiclí tionsclaíocha a dhíol agus a ligean ar cíos chomh maith le soláthar seirbhísí gaolmhara.

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart faoinar tugadh fógra a bheith faoi raon feidhme an Rialacháin um Chumaisc. Forchoimeádtar an cinneadh críochnaitheach maidir leis sin, áfach.

De bhun an Fhógra ón gCoimisiún maidir le nós imeachta simplithe i ndáil le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara gur cás é seo ab fhéidir a chóireáil faoin nós imeachta a leagtar amach san Fhógra.

Iarrann an Coimisiún ar thríú páirtithe leasmhara aon bharúil a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.11137 – EMIL FREY FRANCE / SACAPUCE / JAM PROD / GROUPE KERTRUCKS FINANCE

Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála seo thíos:

R-phost: COMP-MERGER-REGISTRY@ec.europa.eu

Seoladh poist:

An Coimisiún Eorpach

Ard-Stiúrthóireacht na hIomaíochta

Merger Registry

1049 Bruxelles/Brussel

BELGIQUE/BELGIË

(1) IO L 24, 29.1.2004, lch. 1 (an ‘Rialachán um Chumaisc’).

(2) IO C 366, 14.12.2013, lch. 5.

		ISSN 1977-107X
Iris Oifigiúil an Aontais Eorpaigh		C 218

An t-eagrán Gaeilge	Faisnéis agus Fógraí	66 21 Meitheamh 2023

Clár		Leathanach
	I Rúin, moltaí agus tuairimí
	TUAIRIMÍ
	An Coimisiún Eorpach
2023/C 218/01	Tuairim ón gCoimisiún an 16 Meitheamh 2023 a bhaineann leis an bplean modhnaithe maidir le diúscairt dramhaíola radaighníomhaí a eascraíonn as díchóimeáil ghléasra cumhachta núicléiche Brennilis (B-NPS) i Roinn Finistère, an Fhrainc (Is é an téacs Fraincise amháin atá barántúil)	1

	II Faisnéis
	FAISNÉIS Ó INSTITIÚIDÍ, Ó CHOMHLACHTAÍ, Ó OIFIGÍ, AGUS Ó GHNÍOMHAIREACHTAÍ AN AONTAIS EORPAIGH
	An Coimisiún Eorpach
2023/C 218/02	Gan cur i gcoinne comhchruinniú ar tugadh fógra faoi (Cás M.11088 — LIBERTY GLOBAL / NRJ GROUP / MEDIAHUIS / VLAANDEREN EEN) ( 1 )	3

	IV Fógraí
	FÓGRAÍ Ó INSTITIÚIDÍ, Ó CHOMHLACHTAÍ, Ó OIFIGÍ, AGUS Ó GHNÍOMHAIREACHTAÍ AN AONTAIS EORPAIGH
	An Chomhairle
2023/C 218/03	Cinneadh ón gComhairle lena nglactar an seasamh ón gComhairle maidir le dréachtbhuiséad leasaitheach Uimh. 2 de chuid an Aontais Eorpaigh don bhliain airgeadais 2023	4
	An Coimisiún Eorpach
2023/C 218/04	Rátaí malairte an euro — 20 Meitheamh 2023	6

	V Fógairtí
	NÓSANNA IMEACHTA A BHAINEANN LEIS AN mBEARTAS IOMAÍOCHTA A CHUR CHUN FEIDHME
	An Coimisiún Eorpach
2023/C 218/05	Réamhfhógra faoi chomhchruinniú (Cás M.11084 – SMRP / SAS AUTOSYSTEMTECHNIK) ( 1 )	7
2023/C 218/06	Réamhfhógra faoi chomhchruinniú (Cás M.11116 – HEDIN / DELTA AUTO) ( 1 )	9
2023/C 218/07	Réamhfhógra faoi chomhchruinniú (Cás M.11137 – EMIL FREY FRANCE / SACAPUCE / JAM PROD / GROUPE KERTRUCKS FINANCE) — Cás a d'fhéadfaí a chur faoin nós imeachta simplithe ( 1 )	10