Rátaí malairte an euro (1)

24 Bealtaine 2023

(2023/C 183/01)

1 euro =

	Airgeadra	Ráta malairte
USD	dollar na Stát Aontaithe	1,0785
JPY	yen na Seapáine	149,30
DKK	krone na Danmhairge	7,4477
GBP	punt steirling	0,86993
SEK	krona na Sualainne	11,5103
CHF	franc na hEilvéise	0,9732
ISK	króna na hÍoslainne	151,30
NOK	krone na hIorua	11,8175
BGN	lev na Bulgáire	1,9558
CZK	koruna Phoblacht na Seice	23,671
HUF	forint na hUngáire	372,70
PLN	zloty na Polainne	4,4900
RON	leu na Rómáine	4,9614
TRY	lira na Tuirce	21,4487
AUD	dollar na hAstráile	1,6402
CAD	dollar Cheanada	1,4600
HKD	dollar Hong Cong	8,4462
NZD	dollar na Nua-Shéalainne	1,7582
SGD	dollar Shingeapór	1,4526
KRW	won na Cóiré Theas	1 421,92
ZAR	rand na hAfraice Theas	20,7479
CNY	renminbi-yuan na Síne	7,6005
IDR	rupiah na hIndinéise	16 063,50
MYR	ringgit na Malaeisia	4,9536
PHP	peso na nOileán Filipíneach	60,068
RUB	rúbal na Rúise
THB	baht na Téalainne	37,171
BRL	real na Brasaíle	5,3397
MXN	peso Mheicsiceo	19,2493
INR	rúipí na hIndia	89,1473

---

(1)  Foinse: ráta malairte tagartha arna fhoilsiú ag an mBanc Ceannais Eorpach (BCE).

Fógra maidir le dul in éag atá le tarlú i dtaca le bearta frith-fhóirdheontais áirithe

(2023/C 183/02)

2.   Nós imeachta

Féadfaidh táirgeoirí de chuid an Aontais iarraidh i scríbhinn a dhéanamh ar athbhreithniú. Ní mór fianaise leordhóthanach a bheith san iarraidh sin gur dócha go leanfaí den fhóirdheonú agus den díobháil nó go dtarlóidís arís mar thoradh ar dhul in éag na mbeart. Má chinneann an Coimisiún na bearta lena mbaineann a athbhreithniú, tabharfar deis ansin d'allmhaireoirí, d'onnmhaireoirí, d'ionadaithe na tíre is onnmhaireoir agus do tháirgeoirí de chuid an Aontais a mbarúil a thabhairt ar na hábhair atá leagtha amach san iarraidh ar athbhreithniú, nó béim a leagan ar na hábhair sin, nó iad a bhréagnú.

3.   Teorainn ama

Ar bhonn an mhéid thuas féadfaidh táirgeoirí an Aontais iarraidh i scríbhinn a dhéanamh ar athbhreithniú, iarraidh nach mór a bheith faighte ag an gCoimisiún Eorpach ag an seoladh seo: Commission européenne, Direction générale du commerce (Unité G-1), CHAR 4/39, 1049 Bruxelles/an Bheilg (2) tráth ar bith tar éis fhoilsiú an fhógra seo ach tráth nach déanaí ná trí mhí roimh an dáta a luaitear sa tábla thíos.

4.

Is i gcomhréir le hAirteagal 18(4) de Rialachán (AE) 2016/1037 a fhoilsítear an fógra seo. Táirge Tír thionscnaimh nó tír is onnmhaireoir Bearta Tagairt Dáta éaga (3) Bithdhíosal An Airgintín Dleacht frithchúitimh RIALACHÁN CUR CHUN FEIDHME (AE) 2019/244 ÓN gCOIMISIÚN an 11 Feabhra 2019 lena bhforchuirtear dleacht frithchúitimh chinntitheach ar allmhairí bithdhíosail de thionscnamh na hAirgintíne (IO L 40, 12.2.2019, lch. 1.) 13.2.2024

---

(1)  IO L 176, 30.6.2016, lch. 55.

(2)  TRADE-Defence-Complaints@ec.europa.eu

(3)  Téann an beart in éag ag meán oíche (00:00) an lá a luaitear sa cholún seo.

Réamhfhógra faoi chomhchruinniú

(Cás M.11030 – AWARE SUPER / ABP / DV4 / OMERS / REAL ESTATE JV)

Cás a d’fhéadfaí a chur faoin nós imeachta simplithe

(Téacs atá ábhartha maidir le LEE)

(2023/C 183/03)

---

(1)  IO L 24, 29.1.2004, lch. 1 (an ‘Rialachán um Chumaisc’).

(2)  IO C 366, 14.12.2013, lch. 5.

Réamhfhógra faoi chomhchruinniú

(Cás M.11105 — GOLDMAN SACHS / PLATINUM SPRING / DAIWA RESORT)

Cás a d’fhéadfaí a chur faoin nós imeachta simplithe

(Téacs atá ábhartha maidir le LEE)

(2023/C 183/04)

---

(1)  IO L 24, 29.1.2004, lch. 1 (an ‘Rialachán um Chumaisc’).

(2)  IO C 366, 14.12.2013, lch. 5.

Foilsiú iarratais ar chlárú ainm de bhun Airteagal 97(4) de Rialachán (AE) Uimh. 1308/2013 ó Pharlaimint na hEorpa agus ón gComhairle

(2023/C 183/05)

Leis an bhfoilseachán seo, tugtar an ceart chun cur i gcoinne an iarratais i gcomhréir le hAirteagal 98 de Rialachán (AE) Uimh. 1308/2013 ó Pharlaimint na hEorpa agus ón gComhairle (1) laistigh de 3 mhí ó dháta foilsithe an fhoilseacháin seo.

DOICIMÉAD AONAIR

“Sable de Camargue”

PDO-FR-02848

Dáta an iarratais: 31.5.2022

1.   Ainm an táirge

Sable de Camargue

2.   Cineál táisc gheografaigh

STFC - Sonrúchán tionscnaimh faoi chosaint

3.   Catagóirí na dtáirgí fíniúna

1.

Fíon

4.   Tuairisc ar an bhfíon/ar na fíonta

STFC Sable de Camargue, fíonta socra gris agus gris de gris

TUAIRISC ACHOMAIR I SCRÍBHINN

Tá an sonrúchán tionscnaimh faoi chosaint “Sable de Camargue” forchoimeádta d’fhíonta socra gris agus gris de gris.

Na fíonta gris agus gris de gris, is léiriú iad ar a dtimpeallacht nádúrtha agus dath tláith geal orthu ina bhfuil imir ar dhath an bhradáin, agus cothromaíocht shainiúil le sonrú sa bhéal lena dtugtar le chéile boige (easpa tainnin), cruinneas (leibhéal siúcróis) agus úire (aigéadacht) agus nótaí iaidín gona dtionchar muirí. Déantar an fíon tar éis brú díreach agus, go ginearálta, is fíonta cumaisc iad.

Aithnítear na fíonta ar a mblas sainiúil torthaíoch (torthaí bána, torthaí citris, torthaí coimhthíocha, torthaí dearga, etc.) nó blas bláthach, ach sin ag brath ar bhunchumhráin na gcineálacha fíniúna a úsáidtear sa chumasc, ar blas é a fhorbraíonn chun nótaí mianraí a thabhairt i dtreo a dheiridh.

Tá dath níos tláithe ar fhíonta gris de gris chomh maith le cumhráin níos fíneálta agus níos míne orthu ó tharla na fíonta sin a bheith á dtáirgeadh ó aon chineál fíniúna amháin, mar atá Grenache gris.

Na fíonta a bhfuil an sonrúchán faoi chosaint “Sable de Camargue” acu, urramaíonn siad teorainneacha na gcritéar anailíseach a leagtar síos sa reachtaíocht Eorpach.

Tagann na fíonta ó fhíonchaora a bhaintear ag am ceart na haibíochta agus ina bhfuil cion siúcra nach lú ná 178 g/l úrfhíona.

Is é 11 % an neart alcóil nádúrtha íosta a bhíonn ann de réir toirte sna fíonta sin.

Tá uaschion siúcraí coiptheacha (glúcós agus fruchtós) de 4 ghram in aghaidh an lítir ag baisceanna fíona atá réidh le cur ar an margadh i mbulc nó iad pacáistithe.

Saintréithe anailíseacha ginearálta
Neart alcóil iomlán uasta (% de réir toirte)
Neart alcóil iarbhír íosta (% de réir toirte)
Aigéadacht iomlán íosta
Aigéadacht sho-ghalaithe uasta (milleachoibhéisí in aghaidh an lítir)
Dé-ocsaíd sulfair iomlán uasta (milleagraim in aghaidh an lítir)

5.   Cleachtais fhíonireachta

5.1.   Cleachtais fhíoneolaíocha shonracha

a.   Bainistíocht fíonghort

Cleachtas saothraithe

Dlús plandaithe:

Is é 4 000 planda in aghaidh an heicteáir an dlús plandála finiúnacha íosta.

Ní mór achar uasta 2,50 méadar cearnach a bheith ag gach planda fíniúna.

Rialacha prúnála:

Déantar na fíniúnacha a phrúnáil sa chóras gobelet nó cordon de Royat. Déantar na fíniúnacha a phrúnáil i ngearrphrúnálacha ar a bhfuil 8 spor ar a mhéad in aghaidh an phlanda agus 2 bhachlóg ar a mhéad in aghaidh an spoir.

An t-uisciú:

Féadfar uisciú a údarú i gcomhréir le hAirteagal D. 645-5 den Chód um Ghnóthaí Tuaithe agus um an Iascaireacht Mhuirí.

b.   Cleachtas saothraithe

Cleachtais eile saothraithe

Chun saintréithe na timpeallachta fisiciúla agus bitheolaíochta a chaomhnú, saintréithe atá ina gcuid bhunúsach den cheantar áitiúil:

—

Ar gach dara sraith ar a laghad, ní mór clúdach fásra a bheith ann agus é rialaithe, bíodh sé spontáineach nó curtha, le linn thréimhse dhíomhaoin na fíniúna ar a laghad, chun gaothchreimeadh a chomhrac; an rialú ar an bhfásra, bíodh sé curtha nó spontáineach, déantar é trí mhodhanna meicniúla nó fisiceacha nó trí innilt.

—	I bhfianaise mianrú dian na n-ithreacha gainmheacha chomh maith le láisteadh nach beag, soláthraítear leasú orgánach ar a laghad trí iarmhar fásra a bheith á adhlacadh isteach ar bhonn éigeantach, bíodh sé spontáineach nó curtha.

—	Tá cosc ar luibhicíd a úsáid ar dhromchla iomlán na hithreach.

—

Chun na fíonghoirt a chosaint ar an salandacht máguaird, ar coinníoll fíor-riachtanach é chun go mairfidh sé slán, tá toirmeasc ar aon athrú mór ar an gcóras bainistithe cúrsaíochta uisce (cainéil, stáisiúin chaidéalaithe, bualchomhlaí), cé is moite d’oibreacha cothabhála traidisiúnta le haghaidh oibreacha uisce.

c.   Cineálacha fíniúna

Cleachtas saothraithe

—	Ní mór cion na bpríomhchineálacha fíniúna go léir a bheith cothrom le 70 % de na cineálacha fíniúna nó os a chionn.

—	Ar na cineálacha fíniúna atá le fáil sna fíonghoirt, ní mór ar a laghad dhá cheann de na príomhchineálacha fínúna a bheith ann.

d.   Cleachtas sonrach fíoneolaíoch

Cumasc na gcineálacha fíniúna:

Is ó chineálacha Grenache G nó Grenache N amháin a thagann fíonta gris nó is ó chumasc a thagann siad ina bhfuil:

—	dhá phríomhchineál fíniúna ar a laghad;

—	tá cion na bpríomhchineálacha fíniúna níos mó ná 70 % nó cothrom leis;

—	tá cion na gcineálacha fíniúna Carignan N, Cinsaut N, grenache N, grenache G, grenache blanc B, Marselan N, Muscat d’Alexandrie B, syrah N, ugni B, vermentino B níos mó ná 55 % nó cothrom leis.

Na fíonta gris de gris is ón aon chineál fhíniúna amháin a thagann siad, is é sin “gris Grenache G”.

Cóireáil fhisiciúil:

Údaraítear gualach fíonóireachta a úsáid i gcás úrfhíonta agus fíonta nua atá fós faoi choipeadh suas go dtí teorainn 20 % de thoirt an fhíona arna tháirgeadh ag an bhfíonóir lena mbaineann, i ndáil le fómhar ar leith.

Trealamh:

—	Chun fíonta a tháirgeadh, tá cosc ar fháisceáin leanúnacha, ar dhíthamhantóirí ingearacha, ar umair coipthe leanúnacha agus ar dhraenacha bíseacha atá níos lú ná 750 mm ar trastomhas.

—	Tá toilleadh na n-umar fíonóireachta coibhéiseach ar a laghad le toirt an fhíona a táirgeadh le linn an fhómhair roimhe sin de réir an achair dromchla chéanna.

5.2.   Uastáirgeacht

a.	Toradh fhíonta STFC “Sable de Camargue”

b.	90 heictilítear in aghaidh an heicteáir

6.   Limistéar geografach críochaithe

Déantar na fíonchaora a bhaint agus na fíonta a dhéanamh agus a fhorbairt sa limistéar geografach a d’fhormheas an Institiúid Náisiúnta Tionscnaimh agus Cáilíochta ag cruinniú an choiste náisiúnta inniúil an 5 Meán Fómhair 2019. Sa limistéar sin tá críoch na mbardas seo a leanas, bunaithe ar an gCód Geografach Oifigiúil 2020:

—	An Roinn l’Hérault: Frontignan, La Motte, Marseillan, Mauguio, Palavas-les-Flots, Sète, Vic-la-Gardiole, Villeneuve-lès-Maguelone;

—	An Roinn Le Gard: Aigues-Mortes, Le Grau-du-Roi, Saint-Laurent-d’Aigouze, Vauvert, Saint Gilles;

—	An Roinn Bouches-du-Rhône : Saintes-Maries-de-la-Mer.

7.   Cineál/cineálacha fíniúna

Cabernet franc N

Cabernet-Sauvignon N

Carignan N

Cinsaut N - Cinsault

Grenache N

Grenache gris G

Merlot N

8.   Tuairisc ar an nasc/na naisc

8.1.   Tosca nádúrtha a bhaineann leis an nasc

Clúdaíonn limistéar táirgthe an tsonrúcháin tionscnaimh chláraithe “Sable de Camargue” 14 bhardas cósta i ranna l’Hérault, le Gard agus Bouches-du-Rhône. Fástar na fíniúnacha go heisiach ar ithreacha gainmheacha agus aolchloiche an deilte Rhône, ithreacha a rinneadh ó dhriodair ghláracha, mara agus gaoithe, agus ar feadh an chósta i gceist. Tá siad uathúil, an-aonchineálach agus tá siad beagnach saor ó chré agus dúabhán arb é gaineamh 80 % díobh de réir maise.

Ar an meán, tá na fíonghoirt suite 1 méadar os cionn leibhéal na farraige, i dtimpeallacht thipiciúil den Camargue ina bhfuil idir mhurlaigh chósta agus riasca goirt.

Soláthraítear fionnuisce do na fíonghoirt ó shraith screamhuisce ina bhfuil roinnt ceintiméadar de dhoimhne, sraith a choinnítear ar mheá chothrom hidreastatach leis an bhfarraige, leis na murlaigh agus leis na canálacha. Na canálacha sin, ar a dtugtar roubines, tá siad leagtha amach i líonra forimeallach timpeall an fhíonghoirt, rud a fhágann gur féidir leibhéal agus salandacht an screamhuisce a rialú san am céanna.

8.2.   Tosca daonna a bhaineann leis an nasc

San áit seo, níos mó ná in áiteanna eile, de thairbhe linnte móra sáile a bheith chomh gar sin dóibh, tá ról an duine fíor-riachtanach. Tá bainistiú talún agus uisce na ndáileachtaí riachtanach agus ní mór iad a chothabháil i rith an ama chun gur féidir fíoruisce a bhainistiú agus chun cosc a chur leis an sáile a theacht isteach, rud a fhágann go bhfuil dálaí ar leith ithreach ann. Ó tharla go bhfuil na hithreacha sin chomh sothugtha sin do ghaothchreimeadh freisin, ciallaíonn sé go bhfuil cleachtais saothraithe chuí ag teastáil, go háirithe i dtaca le barra geimhridh.

8.3.   Idirfheidhmeanna cúisíocha

An timpeallacht mhuirí an-uathúil ina bhfuil taise aeir ard agus imghalú íseal, tugann sé dálaí fáis do na fíniúnacha a spreagann asamhlú cothúchán agus fáis ar bhonn beagnach leanúnach, fiú amháin le linn aibiú na bhfíonchaor.

Ar an gcéad dul síos, de thoradh ithreacha uathúla gainmheacha aolchloiche a bheith sa dúiche, táirgtear fíonchaora ar a bhfuil dath gormliath agus lí éadrom bhándearg, fíonchaora ina bhfuil poitéinseal íseal antóicineainine, agus atá an-difriúil óna bhfaightear in ithreacha eile.

Na dálaí aeráide muirí le linn thréimhse an aibithe, táirgeann siad cothromaíocht uathúil idir siúcra agus aigéad, go háirithe le leibhéal ard aigéad malach agus aigéad lachtach sna fíonchaora.

Tar éis an choipthe, an leibhéal measartha ard d’aigéad lachtach, tugann sé úire iontach do na fíonta sin chomh maith le cruinneas nach beag.

Is é an t-eastóscadh tapa, mar aon le fáscadh díreach agus rialú an-mhaith ar theochtaí coipthe, chomh maith le forbairt talún agus hiodrálach na ndáileachtaí, a fhágann gur féidir cáilíochtaí agus saintréithe na bhfíonta vins des sables a fháil.

9.   Coinníollacha breise fíor-riachtanacha (pacáistiú, lipéadú, ceanglais eile)

Limistéar i ndlúthghaireacht

Creat dlíthiúil:

Reachtaíocht náisiúnta

Cineál coinníll bhreise:

Maolú ar tháirgeadh sa limistéar geografach críochaithe

Tuairisc ar an gcoinníoll:

An limistéar atá díreach buailte leis, arna shainmhíniú le maolú chun fíonta a dhéanamh agus a shaothrú, is é críoch an bhardais seo a leanas sa roinn Le Gard: Aimargues.

Nasc chuig an tsonraíocht táirge

https://info.agriculture.gouv.fr/gedei/site/bo-agri/document_administratif-7795ee55-4951-43a0-9b57-eb48f1c1a032

---

(1)  IO L 347, 20.12.2013, lch. 671.

Foilsiú iarrata ar chealú de bhun an dara mír d’Airteagal 19 de Rialachán Tarmligthe (AE) 2019/33 ón gCoimisiún lena bhforlíontar Rialachán (AE) Uimh. 1308/2013 ó Pharlaimint na hEorpa agus ón gComhairle a mhéid a bhaineann le hiarratais ar chosaint na sonrúchán tionscnaimh, tásca geografacha agus téarmaí traidisiúnta in earnáil an fhíona, an nós imeachta agóide, srianta ar úsáid, leasuithe ar shonraíochtaí táirge, cealú na cosanta, lipéadú agus cur i láthair

(2023/C 183/06)

Leis an bhfoilseachán sin, tugtar an ceart chun agóid a dhéanamh in aghaidh na hiarrata ar chealú de bhun Airteagal 98 de Rialachán (AE) Uimh. 1308/2013 ó Pharlaimint na hEorpa agus ón gComhairle (1) i gcomhar le hAirteagal 19 de Rialachán Tarmligthe (AE) 2019/33 ón gCoimisiún (2), chomh maith le hAirteagail 11 agus 12 agus Airteagal 21(3) de Rialachán Tarmligthe (AE) 2019/33 ón gCoimisiún.

IARRAIDH AR CHEALÚ

“Sable de Camargue”

Uimhir AE: PGI-FR-A1227-CANCEL – 31.5.2022

☒TGFC ☐ STFC

1.   An t-ainm cláraithe a bheartaítear a chur ar ceal

Sable de Camargue

2.   An Ballstát nó an Tríú Tír lena mbaineann an limistéar críochaithe

an Fhrainc

3.   An duine, comhlacht, an Ballstát nó an Tríú Tír a bhfuil an iarraidh ar chealú á déanamh aige nó aici

(a)

Grúpáil a dhéanann iarraidh ar chealú, atá aitheanta ag údaráis na Fraince mar an comhlacht atá freagrach as TGFC “Sable de Camargue” a chosaint agus a bhainistiú Syndicat des vins des Sables, Le Mas du Bosquet, 30220 Aigues-Mortes. Teileafón +33 0466539957 Ríomhphost: communication@vin-sable_camargue.com

b)	Údaráis Náisiúnta An Aireacht Talmhaíochta agus Bia 78 rue de Varenne 75349 Paris 07 SP FRANCE

4.   Na forais is bonn le cealú

Féach pointe 5

5.   Mionsonraí na hiarrata ar chealú

Cineál an fhorais is bonn le cealú : Airteagal 106 c) de Rialachán (AE) Uimh. 1308/2013.

Tá iarraidh ar chlárú curtha isteach ag “Syndicat des vins des Sables”, comhlacht aitheanta chun an TGFC “Sable de Camargue” a chosaint agus a bhainistiú, ar chlárú an ainm chéanna mar shonrúchán tionscnaimh faoi chosaint (STFC). Tar éis scrúdú a dhéanamh ar an iarraidh, i gcomhréir le hAirteagal 96 de Rialachán (AE) Uimh. 1308/2013, measann údaráis na Fraince gur comhlíonadh na ceanglais rialála. Formheasadh an tsonraíocht le hOrdú an 6 Bealtaine 2022, arna fhoilsiú in Iris Oifigiúil Phoblacht na Fraince an 10 Bealtaine 2022. Leis an Ordú céanna sin, in Airteagal 3, aisghairtear Ordú an 26 Deireadh Fómhair 2011 maidir leis an tásc geografach faoi chosaint “Sable de Camargue”.

Ionas gur féidir TGFC a thiontú ina STFC agus ionas nach mbeidh ainmneacha an dá thásc gheografacha sin ann san am céanna, seoltar an iarraidh ar chlárú mar STFC i gcomhthráth leis an iarraidh sin ar chealú tríd an gcóras faisnéise e-ambrosia faoin tagairt PDO-FR-A02848.

6.   Liosta den doiciméadacht tacaíochta

Ordú an 6 Bealtaine 2022 arna fhoilsiú in JORF [Iris Oifigiúil Phoblacht na Fraince] an 10 Bealtaine 2022 maidir leis an sonrúchán tionscnaimh “Sable de Camargue”.

7.   Dáta agus síniú

Elodie LEMATTE

Fostiúrthóir na nEarnálacha Agraibhia

Ard-Stiúrthóireacht Fheidhmíocht Eacnamaíoch agus Chomhshaoil na bhFiontar

An Aireacht Talmhaíochta agus Bia

78 rue de Varenne

75349 Paris SP

bvab.ig.dgpe@agriculture.gouv.fr

---

(1)  IO L 347, 20.12.2013, lch. 671.

(2)  IO L 9, 11.1.2019, lch. 2.