Gan cur i gcoinne comhchruinniú ar tugadh fógra faoi

(Cás M.10712 – APOLLO MANAGEMENT / TENNECO)

(Téacs atá ábhartha maidir le LEE)

(2023/C 175/01)

An 27 Deireadh Fómhair 2022, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32022M10712. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Gan cur i gcoinne comhchruinniú ar tugadh fógra faoi

(Cás M.11083 – KBR / SUN CAPITAL / HOMESAFE JV)

(Téacs atá ábhartha maidir le LEE)

(2023/C 175/02)

An 11 Bealtaine 2023, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32023M11083. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Rátaí malairte an euro (1)

16 Bealtaine 2023

(2023/C 175/03)

1 euro =

	Airgeadra	Ráta malairte
USD	dollar na Stát Aontaithe	1,0881
JPY	yen na Seapáine	147,89
DKK	krone na Danmhairge	7,4468
GBP	punt steirling	0,86938
SEK	krona na Sualainne	11,2765
CHF	franc na hEilvéise	0,9732
ISK	króna na hÍoslainne	150,90
NOK	krone na hIorua	11,6130
BGN	lev na Bulgáire	1,9558
CZK	koruna Phoblacht na Seice	23,675
HUF	forint na hUngáire	369,20
PLN	zloty na Polainne	4,4865
RON	leu na Rómáine	4,9478
TRY	lira na Tuirce	21,4425
AUD	dollar na hAstráile	1,6307
CAD	dollar Cheanada	1,4652
HKD	dollar Hong Cong	8,5293
NZD	dollar na Nua-Shéalainne	1,7428
SGD	dollar Shingeapór	1,4545
KRW	won na Cóiré Theas	1 458,78
ZAR	rand na hAfraice Theas	20,7496
CNY	renminbi-yuan na Síne	7,5793
IDR	rupiah na hIndinéise	16 132,09
MYR	ringgit na Malaeisia	4,8954
PHP	peso na nOileán Filipíneach	61,001
RUB	rúbal na Rúise
THB	baht na Téalainne	36,963
BRL	real na Brasaíle	5,3340
MXN	peso Mheicsiceo	18,9822
INR	rúipí na hIndia	89,4655

---

(1)  Foinse: ráta malairte tagartha arna fhoilsiú ag an mBanc Ceannais Eorpach (BCE).

Achoimre ar Thuairim an Mhaoirseora Eorpaigh um Chosaint Sonraí maidir leis an Togra le haghaidh Treoir ó Pharlaimint na hEorpa agus ón gComhairle maidir le héifeacht uile-Aontais a bheith ag dícháiliúcháin tiomána áirithe

(2023/C 175/04)

(Tá téacs iomlán na Tuairime seo le fáil i mBéarla, i bhFraincis agus i nGearmáinis ar shuíomh gréasáin MECS https://edps.europa.eu)

An 1 Márta 2023 d’eisigh an Coimisiún Eorpach Togra le haghaidh Treoir ó Pharlaimint na hEorpa agus ón gComhairle maidir le héifeacht uile-Aontais a bheith ag dícháiliúcháin tiomána áirithe (“an Togra”).

Is é is cuspóir don Togra feabhas a chur ar an tsábháilteacht ar bhóithre ar fud an Aontais, trí rialacha a leagan síos lena bhforáiltear d’éifeacht uile-Aontais dícháiliúchán tiomána i gcás mórchionta a bhaineann le sábháilteacht ar bhóithre, arna ndéanamh i mBallstát seachas an Ballstát a d’eisigh ceadúnas tiomána an chiontóra.

Tá MECS sásta leis na heilimintí a thugtar sa Mheabhrán Míniúcháin agus i mBrollach an Togra toisc go bhfuil siad mionsonraithe go leor agus toisc go bhfuil bunús leordhóthanach leo chun tacú le dlisteanacht an Togra agus leis an ngá atá ann faisnéis a mhalartú leis an mBallstát eisiúna.

Is díol sásaimh do MECS go bhfuil sé d’aidhm ag an Togra an malartú sonraí pearsanta leis an mBallstát eisiúna a theorannú don mhéid is gá chun na hoibleagáidí a leagtar síos sa Togra a chomhlíonadh.

1.   RÉAMHRÁ

1.

An 1 Márta 2023 d’eisigh an Coimisiún Eorpach Togra le haghaidh Treoir ó Pharlaimint na hEorpa agus ón gComhairle maidir le héifeacht uile-Aontais a bheith ag dícháiliúcháin tiomána áirithe (1) (“an Togra”).

2.

Is cuid de phacáiste reachtach níos mó é an togra seo, dá ngairtear an “Pacáiste um Shábháilteacht ar Bhóithre”, ina gcuimsítear freisin: a. Treoir (AE) 2015/413 ó Pharlaimint na hEorpa agus ón gComhairle an 11 Márta 2015 lena n-éascaítear malartú trasteorann faisnéise faoi chionta tráchta a bhaineann le sábháilteacht ar bhóithre (2) agus b. Treoir 2006/126/CE ó Pharlaimint na hEorpa agus ón gComhairle an 20 Nollaig 2006 maidir le ceadúnais tiomána (3).

3.

Is é is cuspóir don Togra feabhas a chur ar an tsábháilteacht ar bhóithre ar fud an Aontais, trí rialacha a leagan síos lena bhforáiltear d’éifeacht uile-Aontais dícháiliúchán tiomána i gcás mórchionta a bhaineann le sábháilteacht ar bhóithre, arna ndéanamh i mBallstát seachas an Ballstát a d’eisigh ceadúnas tiomána an chiontóra (4).

4.

Eisítear an Tuairim reatha ó MECS mar fhreagairt ar chomhairliúchán a rinne an Coimisiún Eorpach ar an 1 Márta 2023, de bhun Airteagal 42(1) RCSAE (5). Cuireann MECS fáilte roimh an tagairt don chomhairliúchán seo in Aithris 31 den Togra.

3.   CONCLÚIDÍ

16.

I bhfianaise an mhéid thuas, measann MECS go bhforáiltear sa Togra d’údar leordhóthanach le creat a bhunú lena bhforáiltear d’éifeacht uile-Aontais dícháiliúchán tiomána i gcás mórchionta a bhaineann le sábháilteacht ar bhóithre arna ndéanamh i mBallstát seachas an Ballstát a d’eisigh ceadúnas tiomána an chiontóra. Measann MECS freisin go ndéantar na sonraí pearsanta atá le malartú leis an mBallstát eisiúna a theorannú ar bhealach leordhóthanach leis an togra chun na hoibleagáidí a leagtar síos sa Togra a chomhlíonadh.

17.

Meabhraíonn MECS go bhfuiltear ag súil go rachfar i gcomhairle leis maidir leis an ngníomh nó leis na gníomhartha cur chun feidhme atá le glacadh de bhun Airteagal 5(1) den Togra.

---

(1)  COM(2023) 128 final.

(2)  IO L 68, 13.3.2015, lch. 9.

(3)  IO L 403, 30.12.2006, lch. 18.

(4)  COM(2023) 128 final, lch. 15 agus Aithris 8.

(5)  Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39).

Fógra ón gCoimisiún de bhun Airteagal 16(4) de Rialachán (CE) Uimh. 1008/2008 ó Pharlaimint na hEorpa agus ón gComhairle maidir le rialacha comhchoiteanna le haghaidh oibriú aersheirbhísí sa Chomhphobal

Forchur oibleagáidí seirbhíse poiblí i leith aersheirbhísí sceidealta

(Téacs atá ábhartha maidir le LEE)

(2023/C 175/05)

Ballstát	An Fhrainc
An t-aerbhealach lena mbaineann	Poitiers (Biard) - Lyon (Saint-Exupéry)
Dáta bunaidh theacht i bhfeidhm na n-oibleagáidí seirbhíse poiblí	1 Samhain 2005
Dáta theacht i bhfeidhm na modhnuithe	1 Samhain 2023
An seoladh ónar féidir an téacs agus aon fhaisnéis ábhartha agus/nó aon doiciméadacht ábhartha a bhaineann leis an oibleagáid seirbhíse poiblí a fháil	Ordú an 29 Márta 2023 maidir le forchur oibleagáidí seirbhíse poiblí ar na haersheirbhísí idir Poitiers agus Lyon NOR : TREA2308060A http://www.legifrance.gouv.fr/initRechTexte.do Chun tuilleadh eolais a fháil, téigh i dteagmháil le: Direction Générale de l’Aviation Civile DTA/SDS1 50 rue Henry Farman 75720 Paris CEDEX 15 AN FHRAINC Teil. +33 158094321

Teachtaireacht ón gCoimisiún de bhun Airteagal 17(5) de Rialachán (CE) Uimh. 1008/2008 ó Pharlaimint na hEorpa agus ón gComhairle maidir le rialacha comhchoiteanna le haghaidh oibriú aersheirbhísí sa Chomhphobal

Glao ar thairiscintí i leith oibriú aersheirbhísí sceidealaithe i gcomhréir le hoibleagáidí seirbhíse poiblí

(Téacs atá ábhartha maidir le LEE)

(2023/C 175/06)

Ballstát	An Fhrainc
An t-aerbhealach lena mbaineann	Poitiers (Biard) - Lyon (Saint-Exupéry)
Tréimhse bhailíochta an chonartha	27 Samhain 2023 – 31 Deireadh Fómhair 2027
Sprioc-am chun iarratais agus tairiscintí a chur isteach	20 Iúil 2023 (16.00, am Pháras)
An seoladh ónar féidir téacs an ghlao ar thairiscintí agus an fhaisnéis uile ábhartha agus/nó gach doiciméad ábhartha a fháil maidir leis an nglao ar thairiscintí agus leis an oibleagáid seirbhíse poiblí	Syndicat Mixte de l’Aéroport de Poitiers-Biard (SMAPB) Hôtel du Département Place Aristide Briand CS 80319 86008 Poitiers CEDEX AN FHRAINC Teileafón +33 549629115 R-phost: smapb@departement86.fr Próifíl an cheannaitheora: https://marches.securises.fr

Scéimeanna ríomh-shainaitheantais ar tugadh fógra ina leith de bhun Airteagal 9(1) de Rialachán (AE) Uimh. 910/2014 ó Pharlaimint na hEorpa agus ón gComhairle maidir le ríomh-shainaitheantas agus seirbhísí iontaoibhe le haghaidh ríomh-idirbheart sa mhargadh inmheánach (1)

(2023/C 175/07)

Teideal na scéime	Modhanna ríomh-shainaitheantais faoin scéim ar tugadh fógra fúithi	Ballstát a thugann fógra	An leibhéal dearbhaithe	An t-údarás atá freagrach as an scéim	Dáta foilsithe in Iris Oifigiúil an Aontais Eorpaigh
Córas ríomh-shainaitheantais na Gearmáine bunaithe ar Rialú Rochtana Breisithe	Cárta Aitheantais Náisiúnta Ríomhchead Cónaithe Cárta ríomh-shainaitheantais le haghaidh Saoránaigh den Aontas agus Náisiúnaigh LEE	Poblacht Chónaidhme na Gearmáine	Ard	An Aireacht Chónaidhme um Ghnóthaí Intíre Alt-Moabit 140 10557 Beirlín DGI2@bmi.bund.de +49 30186810	26.9.2017 14.12.2020
SPID – An Córas Poiblí um Chéannacht Dhigiteach	Modhanna ríomhshainaitheantais SPID arna gcur ar fáil ag: — Aruba PEC S.p.A. — Namirial S.p.A. — InfoCert S.p.A. — In.Te.S.A. S.p.A. — Poste Italiane S.p.A — Register S.p.A. — Sielte S.p.A. — Telecom Italia Trust Technologies S.r.l.	An Iodáil	Ard Substaintiúil Íseal	AgID - An Ghníomhaireacht um Iodáil Dhigiteach Viale Liszt 21 00144 An Róimh eidas-spid@agid.gov.it +39 0685264407	10.9.2018
	— Lepida S.p.A.				13.9.2019
An Córás Náisiúnta um Aithint agus Fíordheimhniú (NIAS)	Cárta Aitheantais Pearsanta (eOI)	Poblacht na Cróite	Ard	An Aireacht Riaracháin Phoiblí, Poblacht na Cróite Maksimirska 63 10000 Ságrab e-gradjani@uprava.hr	7.11.2018
Scéim ríomh-shainaitheantais na hEastóine: Cárta aitheantais Scéim ríomh-shainaitheantais na hEastóine: Cárta RP Scéim ríomh-shainaitheantais na hEastóine: Digi-ID Scéim ríomh-shainaitheantais na hEastóine: e-Residency Digi-ID Scéim ríomh-shainaitheantais na hEastóine: Mobiil-ID Scéim ríomh-shainaitheantais na hEastóine: cárta aitheantais taidhleoireachta	— ID card — Cárta RP — Digi-ID — e-Residency Digi-ID — Mobiil-ID — Cárta aitheantais taidhleoireachta	Poblacht na hEastóine	Ard	Bord na bPóilíní agus an Gharda Teorann Pärnu mnt 139 15060 Taillinn eid@politsei.ee +372 6123000	7.11.2018
Documento Nacional de Identidad electrónico (DNIe)	Cárta aitheantais na Spáinne (DNIe)	Ríocht na Spáinne	Ard	An Aireacht um Ghnóthaí Intíre - Ríocht na Spáinne C/ Julián González Segador, s/n 28043 Maidrid divisiondedocumentacion@policia.es	7.11.2018
Cárta aitheantais náisiúnta Lucsamburg (cárta ríomh-shainaitheantais)	Cárta ríomh-shainaitheantais Lucsamburg	Ard-Diúcacht Lucsamburg	Ard	An Aireacht um Ghnóthaí Baile BP 10 L-2010 Lucsamburg minint@mi.etat.lu secretariat@ctie.etat.lu +352 24784600	7.11.2018
Scéim ríomh-shainaitheantai FAS / ríomhchártaí na Beilge	Cárta ríomh-shainaitheantais do shaoránaigh den Bheilg Cárta ríomh-shainaitheantais d’eachtrannaigh	Ríocht na Beilge	Ard	An tSeirbhís Phoiblí Fheidearálach um Beartas & Tacaíocht (BOSA) / An Ard-Stiúrthóireacht um Chlaochlú Digiteach Simon Bolivarlaan 30 1000 An Bhruiséil eidas@bosa.fgov.be	27.12.2018
Cartão de Cidadão (CC)	Cárta aitheantais náisiúnta na Portaingéile (cárta ríomh-shainaitheantais)	Poblacht na Portaingéile	Ard	AMA – An Ghníomhaireacht um Nuachóiriú Riaracháin Rua de Santa Marta 55, 3o 1150 - 294 Liospóin ama@ama.pt +351 217231200	28.2.2019
Ríomh-shainaitheantas na hIodáile bunaithe ar an gcárta Aitheantais Náisiúnta (CIE)	Carta di Identità Elettronica (CIE)	An Iodáil	Ard	An Aireacht um Ghnóthaí Intíre Piazza del Viminale 1 00184 An Róimh segreteriaservizidemografici@interno.it +39 0646527751	13.9.2019
Scéim sainaitheantais náisiúnta Phoblacht na Seice	Cárta ríomh-shainaitheantais na Seice	Poblacht na Seice	Ard	Aireacht um Ghnóthaí Intíre Phoblacht na Seice Nad Štolou 936/3 Bosca P.O. 21 170 34 Prág 7 eidas@mvcr.cz	13.9.2019
Creat Iontaoibhe na hÍsiltíre maidir le Ríomh-Shainaithint (Afsprakenstelsel Elektronische Toegangsdiensten)	Modhanna a eisítear faoi eHerkenning (le haghaidh gnólachtaí)	Ríocht na hÍsiltíre	Ard Substaintiúil	An Aireacht um Ghnóthaí Intíre agus Caidrimh Ríochta - Logius Postbus 96810 2509 JE An Háig info@eherkenning.nl	13.9.2019
Scéim ríomh-shainaitheantais na Slóvaice	Cárta ríomh-shainaitheantais na Slóvaice	Poblacht na Slóvaice	Ard	Oifig Leas-Phríomh-Aire Phoblacht na Slóvaice um Infheistíochtaí agus Faisnéisíocht Štefánikova 15 811 05 An Bhratasláiv eidas@vicepremier.gov.sk +421 220928177	18.12.2019
Scéim ríomh-shainaitheantais na Laitvia	eID karte eParaksts karte eParaksts karte+ eParaksts	An Laitvia	Ard Substaintiúil	Oifig Saoránachta agus Gnóthaí Imirce (OCMA) Aireacht Gnóthaí Baile Phoblacht na Laitvia Čiekurkalna 1. līnija 1 k-3 LV-1026, Ríge rigas.1.nodala@pmlp.gov.lv Lárionad Stáit na Laitvia don Raidió agus don Teilifís (LVRTC) Ērgļu iela 14 Rīga LV-1012 eparaksts@eparaksts.lv	18.12.2019
Scéim ríomh-shainaitheantais FAS / itsme® na Beilge	Aip mhóibíleach itsme®	Ríocht na Beilge	Ard	An tSeirbhís Phoiblí Fheidearálach um Beartas & Tacaíocht (BOSA) / An Ard-Stiúrthóireacht um Chlaochlú Digiteach Simon Bolivarlaan 30 1000 An Bhruiséil eidas@bosa.fgov.be	18.12.2019
Scéim ríomh-shainaitheantais na Danmhairge (NemID)	Eochairchárta NemID Aip mhóibíleach NemID Ceadchomhartha NemID NemID ar chrua-earraí NemID IVR Cárta NemID Magna (eochairchárta)	Ríocht na Danmhairge	Substaintiúil	Gníomhaireacht um Dhigitiú na hAireachta Airgeadais Landgreven 4 1017 Cóbanhávan K digst@digst.dk +45 33925200	8.4.2020
Chave Móvel Digital (CMD)	Eochair Dhigiteach Mhóibíleach (eID móibíleach)	Poblacht na Portaingéile	Ard	AMA – An Ghníomhaireacht um Nuachóiriú Riaracháin Rua de Santa Marta 55 3o 1150 - 294 Liospóin ama@ama.pt +351 217231200	8.4.2020
Scéim ríomh-shainaitheantais na Liotuáine (ATK - Asmens tapatybės kortelė)	Cárta Aitheantais Náisiúnta na Liotuáine	Poblacht na Liotuáine	Ard	Aireacht um Ghnóthaí Intíre Phoblacht na Liotuáine Šventaragio str. 2 Vilnias LT-01510 bendrasisd@vrm.lt +370 52717130	21.8.2020
Scéim ríomh-shainaitheantais na hÍsiltíre (DigiD)	DigiD	Ríocht na hÍsiltíre	Substaintiúil Ard	Caidrimh Ríochta - Logius Postbus 96810 2509 JE An Háig logiussecretariaatproductiehuis@logius.nl	21.8.2020
Scéim ríomh-shainaitheantais Mhálta (Gníomhaireacht “Identity Malta”)	Ríomhchárta aitheantais (Cárta ríomh-shainaitheantais) Doiciméad cónaithe (Cárta e-RP)	Poblacht Mhálta	Ard	Identity Malta Foirgneamh Castagna Valley Road, Msida enquiries@identitymalta.com +356 25904900	10.12.2021
Scéim ríomh-shainaitheantais na Fraince (FranceConnect+ / L’Identité Numérique La Poste)	L’Identité numérique La Poste (Aip Mhóibíleach La Poste)	Poblacht na Fraince	Substaintiúil	DINUM (An Ard-Stiúrthóireacht Idir-Aireachta um Dhigitiú) 20 avenue de Ségur 75007 PÁRAS eidas@franceconnect.gouv.fr	10.12.2021
Ríomh-shainaitheantas na Sualainne (Svensk e-legitimation)	Freja eID Plus	Ríocht na Sualainne	Substaintiúil	An Ghníomhaireacht um Rialachas Digiteach Storgatan 37 852 30 Sundsvall An tSualainn e-legitimation@digg.se + +46 771114400	18.2.2022
Scéim ríomh-shainaitheantais (ID na hOstaire)	ID na hOstaire	ID na hOstaire	An Ostair	An Aireacht Cónaidhme Airgeadais/ Údarás Clárúcháin SourcePIN (Bundesministerium für Finanzen/Stammzahlenregisterbehörde) Johannesgasse 5 1010 Wien, An Ostair post.szrb@bmf.gv.at +43 151433 - 0	27.4.2022
Scéim ríomh-shainaitheantais MitID na Danmhairge	Aip Mhóibíleach MitID Aip MitID Slis MitID le slándáil fheabhsaithe Taispeáint cóid MitID Léitheoir cóid fuaime MitID Pasfhocal MitID	Ríocht na Danmhairge	Substaintiúil Ard	An Ghníomhaireacht um Rialachas Digiteach Landgreven 4, 1301 Cóbanhávan K digst@digst.dk/ eIDAS@digst.dk + 45 33925200	24.10.2022
Scéim ríomh-shainaitheantais na hIorua BankID	BankID	Ríocht na hIorua	Ard	Gníomhaireacht na hIorua um Aistriú Digiteach Bosca poist 1382 Vika, 0114 Osló, An Iorua Post@Digdir.no + 47 22451000	24.10.2022
Scéim ríomh-shainaitheantais na hIorua Buypass ID	Buypass ID	Ríocht na hIorua	Ard	Gníomhaireacht na hIorua um Aistriú Digiteach Bosca poist 1382 Vika, 0114 Osló, An Iorua Post@Digdir.no + 47 22451000	24.10.2022
Córas Ríomh-Shainaitheantais Phoiblí na Polainne (Publiczny System Identyfikacji Elektronicznej)	Próifíl iontaofa Próifíl phearsanta	Poblacht na Polainne	Substaintiúil Ard	An tAire Gnóthaí Digiteacha (an tAire i gceannas ar TF) Królewska 27, 00-060 Vársá, An Pholainn kontakt@kprm.gov.pl +48 222500110	19.4.2023
Scéim ríomh-shainaitheantais Lichtinstéin (eID.li Aicme A)	eID.li Aicme A	Prionsacht Lichtinstéin	Ard	Ausländer- und APA Passamt Städtle 38 9490 Vaduz Lichtinstéin info@eid.li +423 2366141	19.4.2023
Scéim ríomh-shainaitheantais Lichtinstéin (eID.li Aicme B)	eID.li Aicme B	Prionsacht Lichtinstéin	Substaintiúil	Ausländer- und APA Passamt Städtle 38 9490 Vaduz Lichtinstéin info@eid.li +423 2366141	19.4.2023
Scéim cárta ríomh-shainaitheantais na Slóivéine	Cárta ríomh-shainaitheantais SI	Poblacht na Slóivéine	Ard	An Aireacht um Chlaochlú Dhigiteach Davčna ulica 1 SI-1000 Ljubljana An tSlóivéin gp.mdp@gov.si +386 15555800	17.5.2023

---

(1)  IO L 257, 28.8.2014, lch. 73.

Fógra faoi iarraidh maidir le hinfheidhmeacht Airteagal 34 de Threoir 2014/25/AE

Iarraidh ó Eintiteas Conarthach

(2023/C 175/08)

An 13 Aibreán 2023, fuair an Coimisiún iarraidh de bhun Airteagal 35 de Threoir 2014/25/AE ó Pharlaimint na hEorpa agus ón gComhairle (1). Bundesverband der Energie- und Wasserwirtschaft e.V (BDEW, Cumann Tionscal Fuinnimh agus Uisce na Gearmáine) a chuir an iarraidh isteach. Ba é an 14 Aibreán 2023 an chéad lá oibre eile tar éis an iarraidh a fháil.

Baineann an iarraidh seo le gníomhaíochtaí a bhaineann giniúint agus mórdhíol leictreachais ó fhoinsí fuinnimh in-athnuaite sa Ghearmáin, cé is moite de leictreachas a ghintear ó fhoinsí in-athnuaite i suiteálacha a cuireadh i mbun oibríochta roimh an 1 Lúnasa 2014 agus a fhaigheann fóirdheontais i gcónaí.

Déantar foráil maidir leis an méid seo a leanas in Airteagal 34 de Threoir 2014/25/AE – “conarthaí arb é is aidhm dóibh a fhágáil gur féidir gníomhaíocht a luaitear in Airteagail 8 go 14 a dhéanamh, ní bheidh siad faoi réir na Treorach seo más féidir leis an mBallstát nó leis na heintitis chonarthacha a rinne an iarraidh de bhun Airteagal 35 a léiriú go bhfuil an ghníomhaíocht neamhchosanta go díreach ar iomaíocht, sa Bhallstát ina bhfuil sí á déanamh, i margaí nach bhfuil aon srian i bhfeidhm maidir le rochtain a fháil orthu; agus maidir le comórtais deartha a eagraítear i dtaca le gníomhaíocht den chineál sin a shaothrú sa limistéar geografach sin, ní bheidh siadsan faoi réir na Treorach seo ach oiread”. An measúnú maidir le neamhchosaint dhíreach ar iomaíocht is féidir a dhéanamh i gcomhthéacs Threoir 2014/25/AE, is rud é atá gan dochar do chur i bhfeidhm iomlán dhlí na hiomaíochta.

Ceadaítear don Choimisiún tréimhse 90 (2) lá oibre a ghlacadh chun cinneadh a dhéanamh maidir leis an iarraidh sin, tréimhse dar tús an lá oibre dá dtagraítear thuas. Dá bhrí sin, rachaidh an tréimhse sin in éag an 25 Lúnasa 2023.

De réir Airteagal 35(5) de Threoir 2014/25/AE, iarrataí eile maidir leis na gníomhaíochtaí céanna sa Ghearmáin, iarrataí a chuirfear isteach roimh dhul in éag don tréimhse a osclaíodh i leith na hiarrata seo, ní mheasfar gur nósanna imeachta nua iad, agus is i gcomhthéacs na hiarrata seo a dhéileálfar leo.

---

(1)  Treoir 2014/25/AE ó Pharlaimint na hEorpa agus ón gComhairle an 26 Feabhra 2014 maidir le nósanna imeachta soláthair ag eintitis a oibríonn in earnálacha an uisce, an fhuinnimh, an iompair agus na seirbhísí poist agus lena n-aisghairtear Treoir 2004/17/CE (IO L 94, 28.3.2014, lch. 243).

(2)  De bhun mhír 1a d’Iarscríbhinn IV a ghabhann le Treoir 2014/25/AE i gcomhar leis an dara fomhír den mhír 1 sin.

Réamhfhógra faoi chomhchruinniú

(Cás M.10978 – CACEIS / RBC INVESTOR SERVICES BANK / RBC OFFSHORE FUND MANAGERS / RBC INVESTOR SERVICES TRUST ASSETS)

(Téacs atá ábhartha maidir le LEE)

(2023/C 175/09)

---

(1)  IO L 24, 29.1.2004, lch. 1 (an “Rialachán um Chumaisc”).

Réamhfhógra faoi chomhchruinniú

(Cás M.11110 — EFMS / PSPIB / RADIUS)

Cás a d'fhéadfaí a chur faoin nós imeachta simplithe

(Téacs atá ábhartha maidir le LEE)

(2023/C 175/10)

---

(1)  IO L 24, 29.1.2004, lch. 1 (an “Rialachán um Chumaisc”).

(2)  IO C 366, 14.12.2013, lch. 5.

Réamhfhógra faoi chomhchruinniú

(Cás M.11117 – APOLLO / PLATINUM FALCON / UNIVAR)

Cás a d'fhéadfaí a chur faoin nós imeachta simplithe

(Téacs atá ábhartha maidir le LEE)

(2023/C 175/11)

---

(1)  IO L 24, 29.1.2004, lch. 1 (an “Rialachán um Chumaisc”).

(2)  IO C 366, 14.12.2013, lch. 5.

Réamhfhógra faoi chomhchruinniú

(Cás M. 11046 — IBV / ACEN / ACRI / SINGAPORE JV / TAIWAN JV / PHILIPPINES JV)

Cás a d'fhéadfaí a chur faoin nós imeachta simplithe

(Téacs atá ábhartha maidir le LEE)

(2023/C 175/12)

---

(1)  IO L 24, 29.1.2004, lch. 1 (an “Rialachán um Chumaisc”).

(2)  IO C 366, 14.12.2013, lch. 5.

Foilsiú iarratais ar ainm a chlárú de bhun Airteagal 50(2)(a) de Rialachán (AE) Uimh. 1151/2012 ó Pharlaimint na hEorpa agus ón gComhairle maidir le scéimeanna cáilíochta do tháirgí talmhaíochta agus do bhia-earraí

(2023/C 175/13)

Leis an bhfoilseachán seo, tugtar an ceart chun cur i gcoinne an iarratais de bhun Airteagal 51 de Rialachán (AE) Uimh. 1151/2012 ó Pharlaimint na hEorpa agus ón gComhairle (1) laistigh de 3 mhí ó dháta an fhoilseacháin seo.

DOICIMÉAD AONAIR

’Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou'

Uimh. AE: PGI-GR-02821 — 6.12.2021

STFC ( ) TGFC (X)

1.   Ainm nó ainmneacha [STFC nó TGFC]

’Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou'

2.   Ballstát nó Tríú Tír

An Ghréig

3.   Tuairisc ar an táirge talmhaíochta nó ar an táirge bia

3.1.   An cineál táirge

Aicme 1.3. Cáiseanna

3.2.   Tuairisc ar an táirge lena mbaineann an t-ainm in (1)

Cáis ghrutha scallta, leathchrua atá in “Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou”. Tá dath idir neasbhán agus buí éadrom air agus tá cruth sorcóireach nó comhthreomharóid air. Tá blas ime, beagán géar agus beagán goirt uirthi, rud a dhéanann í difriúil le cáiseanna cosúla den chineál sin. Is é is páirtchúis leis na saintréithe blais sin go gcuirtear salann leis go tréimhsiúil, mar chuid den phróiseas táirgthe, agus an bainne a úsáidtear, ina bhfuil méid mór saille agus ar a bhfuil dea-bholadh láidir aibí.

Tá uigeacht theann, dhlúth ar “Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou” gan mórán oscailtí ann agus gan aon chraiceann air. Tá na saintréithe fisiceimiceacha a leanas aige:

—	Cion saille in ábhar tirim >45 %

—	Cion saille 27-30 %

—	Cion próitéine 25–28 %

—	Cion taisligh uasta 40-45 %

Ar deireadh, tá an cion salainn (clóiríd sóidiam) ann idir 1,4 % agus 2 %, is ionann comhdhúile neamhorgánacha eile ann agus 2,5 % agus tá an pH idir 5,0 and 5,3.

Déantar “Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou” as bainne amh nó bainne paistéartha áitiúil (bainne caorach nó meascán de bhainne caorach agus gabhair, agus níos lú ná 35 % den mheascán déanta suas de bhainne gabhair) agus modh sonrach á úsáid a d’fhorbair tréadaithe fáin an cheantair a labhraíonn Arómáinis.

3.3.   Beatha (maidir le táirgí de thionscnamh ainmhíoch amháin) agus amhábhair (maidir le táirgí próiseáilte amháin)

Déantar “Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou” as bainne amh nó paistéartha ó phórtha caorach agus gabhar a tógadh go fairsing sa limistéar sainithe go traidisiúnta, agus ó na pórtha sin amháin. Tá méid mór saille (6 % ar a laghad) sa bhainne toisc go mbíonn na hainmhithe ag innilt go fairsing nó, le linn na dtréimhsí drochaimsire go mbeathaítear iad le plandaí áitiúla a rinneadh a thriomú agus a stóráil. Is é an t-aon substaint amháin a fhéadfar a chur leis an mbainne a úsáidtear chun an cháis a dhéanamh “binid thraidisiúnta na Gréige” atá ar fáil ar bhonn tráchtála.

Maidir leis an mbainne a tháirgtear sa limistéar sainithe agus a úsáidtear le “Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou” a dhéanamh, tá feidhm ag na ceanglais a leanas:

i)	Ní mór bainne caorach nó meascán de bhainne caorach agus bainne gabhair a bheith sa bhainne, agus ní mór nach bainne gabhair níos mó ná 35 % de..

ii)	Ní mór cion saille de 6 % w/w ar a laghad a bheith aige

iii)	Ní ceadmhach na hainmhithe a chrú go ceann 10 lá ar a laghad tar éis ainmhithe óga a bhreith (i gcás bainne amh). Go dtí go ngruthaítear é, ní mór an bainne a stóráil ag teocht rialaithe, i gcomhréir leis an reachtaíocht atá i bhfeidhm.

iv)	Níor cheart gur bainne comhdhlúite é agus níor cheart púdar bainne breise, próitéin bhainne, salainn cáiséine, dathúchán ná leasaithigh a bheith ann.

v)	Ní mór gan aon iarmhar ó tháirgí íocshláinte tréidliachta (e.g. antaibheathaigh), lotnaidicídí ná substaintí díobhálacha eile a bheith sa bhainne.

3.4.   Céimeanna sonracha sa táirgeadh nach mór dóibh tarlú sa limistéar geografach sainithe

Ní mór táirgeadh an bhainne agus gach céim de tháirgeadh cháis “Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou”, an pacáistiú tosaigh san áireamh, a dhéanamh sa limistéar geografach sainithe.

3.5.   Sainrialacha maidir le slisniú, grátáil, agus pacáistiú etc. an táirge dá dtagraíonn an t-ainm cláraithe

—

3.6.   Sainrialacha maidir le lipéadú an táirge dá dtagraíonn an t-ainm cláraithe

—

4.   Sainmhíniú achomair ar an limistéar geografach

Cuimsítear leis an limistéar ina dtáirgtear an bainne agus ina ndéantar cáis “Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou” Réigiún iomlán Epirus, na hAonaid Réigiúnacha Kastoria, Grevena agus Kozani i Réigiún na Macadóine Thiar agus na hAonaid Réigiúnacha Trikala agus Kardista i Réigiún Thessaly.

5.   Nasc leis an limistéar geografach

An fachtóir bunúsach a nascann cáis “Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou” go dlúth leis an limistéar geografach é a chlú, a nascann an táirge le traidisiún, nósanna agus saol eacnamaíoch an limistéir. Deimhnítear an méid sin le taifid scríofa thábhachtacha iomadúla a théann siar níos mó ná 150 bliain agus anuas go dtí an lá atá inniu ann. Fachtóir tábhachtach eile a nascann an táirge leis an limistéar geografach is ea an fachtóir daonna as ar eascair forbairt an mhodha táirgthe shonraigh, a oireann don tír-raon garbh sléibhtiúil go foirfe.

Áirítear leis na tagairtí scríofa iomadúla don chlú gan cheist a nascann “Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou” leis an limistéar sainithe i gcaitheamh na mblianta an gearrscéal cáiliúil le Alexandros Papadiamantis Sto Christo sto Castro [Críost ag an gcaisleán] (1892), Peri kefalotiriou kai kashkavaliou [Kefalotiri agus kashkaval] (1900), le R. Dimitriadis, Kashkavali (1912) le E.D. Polichronidis, “The Nomads of the Balkans: an account of life and customs among the Vlachs of Northern Pindus” (1914), agus Nea Oikiaki Mageiriki [Bia baile nua] (1925) le A. Vitsikounakis. Tá tagairtí stairiúla freisin don táirge in Elliniki Tyrokomia [Déanamh cáise sa Ghréig] (1956) agus in I istoria tou ellinikou galaktos kai ton proiondon tou [Stair na dtáirgí bainne agus déiríochta sa Ghréig] (2004). Ar deireadh, fianaise bhreise é an bonn óir a bhain cuideachta Grigoriadis ag aonach idirnáisiúnta Pháras in 1909 le haghaidh cháilíocht a kashkavalia [cáiseanna kashkaval] ar chaighdeán ard agus thábhacht tráchtála an táirge le himeacht ama. Éiríonn le “Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou” gradaim a bhuachan go dtí an lá inniu féin – bhain sé gradam cáilíochta ag Prodexpo (an Rúis) i mí Feabhra 2011 agus bhronn an International Taste Institute gradam air i mí Eanáir 2021.

Mar gheall ar dhea-cháil agus cáilíocht an-ard an táirge táthar fós ag déanamh agus ag dáileadh aonad táirgthe sa lá atá inniu ann, mar a léirítear le foilseacháin dheireanacha iomadúla. Mar shampla, in Tris aiones mia zoi: yiayia Filio i mikrasiatissa (2005), cuimhní cinn le Filio Haidemenou, luaitear an táirge i ndáil le cuimhní ar an saol laethúil, ar shaol na tuaithe, ar an mbéaloideas etc. sa limistéar sainithe, agus é dearbhaithe go raibh sé ar cheann de na cáiseanna a dhéanadh na haoirí a thógadh a gcaoirigh thuas sna sléibhte. In Flavours of Greece (Londain 2011) le Rosemary Barron tugtar tuairisc shonrach ar tháirgí déiríochta agus cáiseanna na Gréige, agus tugann an t-údar faoi deara gur cáis meze speisialta é kaskavali mar gheall ar a bhlas. In Gastronomos, iris ina ndírítear ar thopaicí agus amhábhair chócaireachta, tá alt le Vivi Konstantinidou dar teideal “Kostaki! Fai, paidi mou, to kashkavali sou!” [Seo leat a Kostaki! Ith do kashkaval!] ina gcuireann an t-údar síos ar an uair ar thug sí cáis den chéad uair dá mac agus ina molann sí do dhaoine triail a bhaint as Kashkavali Pindou, agus í ag rá gur féidir ceapairí cáise tóstáilte iontacha a dhéanamh leis (11 Deireadh Fómhair 2021).

Nuair a bhrabhsáiltear an gréasán, faightear os cionn 6 000 toradh don táirge agus roinnt mhaith oideas le haghaidh béilí ina n-úsáidtear “Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou” in éineacht le comhábhair eile, amhail sicín agus lountza, píotsa, builín feola le croutons agus paiprice agus prasitogania [cainneanna friochta le muiceoil] agus fíon.

Maidir leis an ngné dhaonna agus conas a chabhraíonn sí le sainiúlacht an táirge a shocrú, tá dlúthnasc idir sin agus geomoirfeolaíocht an limistéir gheografaigh shainithe, a bhfuil an sliabhraon is mó sa Ghréig, na Pindos, mar dhlúthchuid di, agus tionchar aige sin ar cháilíocht an bhainne agus ar an gcaoi a ndéantar an cháis.

Go sonrach, tá neart talaimh féaraigh sa limistéar ach níl sé oiriúnach do chineálacha eile feirmeoireachta, mar sin is í príomhghníomhaíocht na gcónaitheoirí feirmeoireacht beostoic agus táirgeadh táirgí déiríochta. Tá aeráid ilchríochach aige, le geimhreadh fuar, sneachta tráthrialta agus samhradh fionnuar, agus meánteocht bhliantúil de 10 °C. Bíonn sé ag cur báistí go minic freisin; is é an meánráta báistí 600-800mm/bliain agus ní bhíonn tréimhsí fada d’aimsir thirim sa samhradh. Is léir tionchar na haeráide san fhásra, nach fásra Meánmhuirí go hiomlán é, mar go bhfuil sé cosúil le fásra na hEorpa Láir sna limistéir shléibhtiúla agus leathshléibhtiúla, ina bhfuil go leor foraoiseacha giúise, feá, crann cnó capaill, darach agus plána agus limistéir fhairsinge féaraigh. Tá meascán saibhir agus uathúil de phlandaí freisin sa limistéar – tugadh taifead ar os cionn 2 012 thacsón plandaí fiáine, a mbaineann 21,9 % díobh leis na Balcáin, agus 5,6 % díobh leis an nGréig. Tagann na caoirigh agus na gabhair a n-úsáidtear a mbainne chun an cháis a dhéanamh ó phórtha atá á dtógáil sa limistéar leis na blianta fada agus atá oiriúnaithe do na dálaí crua aeráide. Tá acmhainn mheasartha ag na gabháltais agus ní choimeádtar iontu ach ainmhithe innilte a tháirgeann méideanna beaga bainne ina bhfuil méid mór saille.

Is é an limistéar áit thionscnaimh na dtréadaithe fáin a labhraíonn Arómáinis agus a d’fhorbair bealach áirithe le “Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou” a dhéanamh a thagann go hiomlán leis an tír-raon garbh sléibhtiúil, agus sin é an príomhfháth gur tháinig sé chun cinn mar cheann de phríomhtháirgí an limistéir agus go bhfuil cáil iontach faighte aige. Chuimsigh an próiseas déanta cáise céad chéim, ba é sin gruthú in situ an bhainne a táirgeadh suas sna sléibhte sa samhradh, chun mais cháise a dhéanamh a ghearrtaí ina slisní agus a dhéantaí a iompar síos chuig na limistéir ísealchríche chomharsanacha. Ina dhiaidh sin, bhí an dara céim den phróiseas, nuair a mheasctaí an gruth le huisce te sula ndéantaí an cháis a aibiú. Tá buntáiste mór ag gabháil leis an mbealach sin le “Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou” a dhéanamh, mar go gceadaíonn sé bainne amh nó bainne atá éirithe géar a úsáid, toisc nuair a mheasctar an mhais cháise le bainne te go ndéantar é a steiriliú go páirteach. Le sailleadh tirim tráthrialta tugtar blas beagán goirt don cháis.

Tá an modh sin an-oiriúnach do thír-raon agus do dhálaí aeráide an limistéir, a mbíodh ar na tréadaithe fáin a gcuid ainmhithe a choinneáil ag airde ard sa samhradh mar gheall orthu, áit nach raibh aon déirí, áis phróiseála, seomra aibithe, áis stórála, etc. Dhéantaí bainne a tháirgtí suas sna sléibhte sa samhradh a iompú i mais cháise láithreach, agus dhéantaí sin a iompar anuas ansin go hairdí níos ísle ar muin capaill chun “Kashkavali Pindou / Kashkaval Pindou” a dhéanamh. Ar an gcaoi sin réitíodh an fhadhb conas an bainne a chaomhnú a tháirgtí sna sléibhte ionas go bhféadfaí é a iompú ina cháis. D’eascair ainm an táirge uaidh sin freisin, mar go gciallaíonn kashkaval, agus é aistrithe go garbh ón Arómáinis, “cáis arna hiompar ag capaill”.

Cáis theann, dhlúth é “Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou” agus gan mórán oscailtí ann agus gan aon chraiceann air. Tá na saintréithe sin ann mar gheall ar an gcaoi a ndéantar é, a bhaineann go sonrach leis an mais cháise a ghearradh ina slisní agus iad sin a mheascadh le huisce te ansin nuair atá an aigéadacht i gceart. Go sonrach, le linn phróiseas déanta na cáise, fágtar an mhais cháise le haibiú agus ansin gearrtar ina stráicí (slisní) í a chuirtear faoi uisce an-te. SonÉiríonn an mhais cháise an-somhúnlaithe, amhail taos, ionas gur féidir é a mhúnlú go héasca san uisce ar dtús agus ansin ar an mbord déanta cáise. Dá réir sin, nuair a aistrítear go múnlaí é ansin chun na rothaí cáise a dhéanamh, rothaí a éireoidh crua ina dhiaidh sin, bíonn sé aonfhoirmeach agus uigeacht phreabach aige nach bhfuil aon scoilt ann.

Bhíothas in ann an tsainiúlacht sin a iompar ar aghaidh chuig an bpróiseas táirgthe sa lá atá inniu ann, agus gan athrú déanta ar na gnéithe den mhodh traidisiúnta. Baineann na hoiriúnuithe le sábháilteacht agus inrianaitheacht ach ní bhíonn éifeacht acu ar shaintréith ná blas na cáise, toisc gurb í an phríomhdhifríocht go n-úsáidtear bainne paistéartha agus go ndéantar an táirge a bhrandáil agus a phacáistiú anois. Saintréith shonrach de chuid cháis “Κασκαβάλι Πίνδου / Kashkavali Pindou / Κασκαβάλ Πίνδου / Kashkaval Pindou” é go ndéantar fós as bainne caorach nó meascán de bhainne caorach agus gabhair í, murab ionann le cáiseanna cosúla den ainm céanna a dhéantar i dtíortha Balcánacha agus bainne bó á úsáid. Ar deireadh, fachtóir tábhachtach é an bainne a úsáidtear a nascann an táirge leis an limistéar sainithe, mar go dtugtar blas ime don táirge mar gheall ar an méid mór saille ann, agus ós rud é go ligtear do na caora agus na gabhair innilt go fairsing ar an raon leathan plandaí agus luibheanna aramatacha i sléibhte Pindos, tá leibhéil arda de theirpéiní agus d’aildéid sa bhainne, a thugann dea-bholadh láidir, aibí don cháis.

Tagairt d’fhoilsiú na sonraíochta

http://www.minagric.gr/images/stories/docs/agrotis/POP-PGE/2021/kashkavali_pindou_prod180123_.pdf

---

(1)  IO L 343, 14.12.2012, lch. 1.