Gan cur i gcoinne comhchruinniú ar tugadh fógra faoi

(Cás M.11041 — VERDANE CAPITAL 2020 / FSN CAPITAL VI / POLYTECH GROUP)

(Téacs atá ábhartha maidir le LEE)

(2023/C 113/01)

An 22 Márta 2023, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32023M11041. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Gan cur i gcoinne comhchruinniú ar tugadh fógra faoi

(Cás M.10981 — ITOCHU / TOKYO CENTURY / HCM / JV)

(Téacs atá ábhartha maidir le LEE)

(2023/C 113/02)

An 18 Eanáir 2023, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32023M10981. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Gan cur i gcoinne comhchruinniú ar tugadh fógra faoi

(Cás M.10350 – MONDELEZ / CHIPITA INDUSTRIAL AND COMMERCIAL COMPANY)

(Téacs atá ábhartha maidir le LEE)

(2023/C 113/03)

An 24 Samhain 2021, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32021M10350. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Gan cur i gcoinne comhchruinniú ar tugadh fógra faoi

(Cás M.11045 — MITSUBISHI CORPORATION / MITSUBISHI HC CAPITAL / JV)

(Téacs atá ábhartha maidir le LEE)

(2023/C 113/04)

An 20 Márta 2023, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32023M11045. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Gan cur i gcoinne comhchruinniú ar tugadh fógra faoi

(Cás M.11066 – BERKSHIRE PARTNERS / GTCR / POINT BROADBAND)

(Téacs atá ábhartha maidir le LEE)

(2023/C 113/05)

An 17 Márta 2023, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32023M11066. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Rátaí malairte an euro (1)

27 Márta 2023

(2023/C 113/06)

1 euro =

	Airgeadra	Ráta malairte
USD	dollar na Stát Aontaithe	1,0773
JPY	yen na Seapáine	141,64
DKK	krone na Danmhairge	7,4515
GBP	punt steirling	0,87818
SEK	krona na Sualainne	11,2120
CHF	franc na hEilvéise	0,9875
ISK	króna na hÍoslainne	149,90
NOK	krone na hIorua	11,3380
BGN	lev na Bulgáire	1,9558
CZK	koruna Phoblacht na Seice	23,732
HUF	forint na hUngáire	385,30
PLN	zloty na Polainne	4,6855
RON	leu na Rómáine	4,9405
TRY	lira na Tuirce	20,5701
AUD	dollar na hAstráile	1,6204
CAD	dollar Cheanada	1,4769
HKD	dollar Hong Cong	8,4566
NZD	dollar na Nua-Shéalainne	1,7397
SGD	dollar Shingeapór	1,4351
KRW	won na Cóiré Theas	1 400,23
ZAR	rand na hAfraice Theas	19,7373
CNY	renminbi-yuan na Síne	7,4131
IDR	rupiah na hIndinéise	16 319,16
MYR	ringgit na Malaeisia	4,7633
PHP	peso na nOileán Filipíneach	58,347
RUB	rúbal na Rúise
THB	baht na Téalainne	37,070
BRL	real na Brasaíle	5,6362
MXN	peso Mheicsiceo	19,8128
INR	rúipí na hIndia	88,6672

---

(1)  Foinse: ráta malairte tagartha arna fhoilsiú ag an mBanc Ceannais Eorpach (BCE).

CINNEADH CUR CHUN FEIDHME ÓN gCOIMISIÚN

an 27 Márta 2023

lena mbunaítear liosta de thásca geografacha atá faoi chosaint ag Rialachán (AE) Uimh. 1151/2012 ó Pharlaimint na hEorpa agus ón gComhairle atá le comhdú mar iarratais ar chlárú idirnáisiúnta de bhun Airteagal 2 de Rialachán (AE) 2019/1753 ó Pharlaimint na hEorpa agus ón gComhairle

(2023/C 113/07)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2019/1753 ó Pharlaimint na hEorpa agus ón gComhairle an 23 Deireadh Fómhair 2019 maidir le gníomhaíocht an Aontais tar éis a aontachais le hIonstraim na Ginéive de Chomhaontú Liospóin i dtaca le hAinmniúcháin Tionscnaimh agus Tásca Geografacha (1), agus go háirithe Airteagal 2(3) de,

De bharr an mhéid seo a leanas:

(1)

Ionstraim na Ginéive de Chomhaontú Liospóin i dtaca le hAinmniúcháin Tionscnaimh agus Tásca Geografacha (2) (“Ionstraim na Ginéive” chairpichet), is comhaontú idirnáisiúnta é faoina gcuireann na Páirtithe Conarthacha córas chun feidhme chun ainmniúcháin tionscnaimh agus tásca geografacha a chosaint go frithpháirteach.

(2)

Tar éis Chinneadh (AE) 2019/1754 ón gComhairle (3) maidir le haontachas an Aontais le hIonstraim na Ginéive, rinne an tAontas an ionstraim aontachais le hIonstraim na Ginéive a thaisceadh an 26 Samhain 2019. Tháinig aontachas an Aontais le hIonstraim na Ginéive i bhfeidhm an 26 Feabhra 2020. Ós rud é gurbh é an tAontas an cúigiú Páirtí Conarthach a d’aontaigh d’Ionstraim na Ginéive, tháinig Ionstraim na Ginéive i bhfeidhm an dáta céanna sin, i gcomhréir le hAirteagal 29(2) d’Ionstraim na Ginéive.

(3)

I gcomhréir le hAirteagal 5(1) agus (2) d’Ionstraim na Ginéive, féadfaidh Údaráis Inniúla gach Páirtí Chonarthaigh in Ionstraim na Ginéive iarratais a chomhdú maidir le clárú idirnáisiúnta ainmniúcháin tionscnaimh nó táisc gheografaigh le Biúró Idirnáisiúnta na hEagraíochta Domhanda um Maoin Intleachtúil, a chláróidh é sa Chlár Idirnáisiúnta. I gcomhréir le hAirteagal 9 d’Ionstraim na Ginéive, sa deireadh féadfaidh na Páirtithe Conarthacha eile cinneadh a dhéanamh an bhfuil siad chun an t-ainmniúchán tionscnaimh nó an tásc geografach sin a chosaint laistigh dá gcríoch féin.

(4)

I gcomhréir le hAirteagal 1(2) de Rialachán (AE) 2019/1753, chun críoch an Rialacháin sin agus na ngníomhartha a glacadh dá bhun, cumhdaítear sa téarma “tásca geografacha” na sonrúcháin tionscnaimh faoi chosaint agus na tásca geografacha faoi chosaint de réir bhrí Rialachán (AE) Uimh. 1151/2012 ó Pharlaimint na hEorpa agus ón gComhairle (4).

(5)

I gcomhréir le hAirteagal 2(1) de Rialachán (AE) 2019/1753, tá sé de chumhacht ag an gCoimisiún, ina cháil mar Údarás Inniúil an Aontais, iarratais a chomhdú maidir le clárú idirnáisiúnta ainmniúcháin tionscnaimh an Aontais agus tásca geografacha an Aontais leis an mBiúró Idirnáisiúnta tar éis aontachas an Aontais le hIonstraim na Ginéive agus, ina dhiaidh sin, ar bhonn rialta.

(6)

Idir mí Mheán Fómhair agus mí na Samhna 2022, sheol na Ballstáit 12 n-iarratas chuig an gCoimisiún, i gcomhréir le hAirteagal 2(2) de Rialachán (AE) 2019/1753, maidir le clárú sa Chlár Idirnáisiúnta sonrúcháin tionscnaimh faoi chosaint nó tásca geografacha faoi chosaint ar de thionscnamh a gcríche iad agus atá cosanta i gcomhréir le Rialachán (AE) Uimh. 1151/2012.

(7)

Ainmneacha atá cosanta i gcomhréir le Rialachán (AE) Uimh. 1151/2012 mar shonrúcháin tionscnaimh faoi chosaint (STFC) agus mar thásca geografacha faoi chosaint (TGFC), ba cheart iad a chomhdú mar iarratais ar chlárú sa Chlár Idirnáisiúnta mar ainmniúcháin tionscnaimh agus mar thásca geografacha faoi seach.

(8)

Dá bhrí sin, ba cheart liosta de shonrúcháin tionscnaimh faoi chosaint (STFC) agus tásca geografacha faoi chosaint (TGFC) a bhunú, é bunaithe ar na hiarrataí a sheol na Ballstáit chuig an gCoimisiún chun iarratais a chomhdú maidir le tásca geografacha ar de thionscnamh a gcríche iad agus atá cosanta san Aontas i gcomhréir le Rialachán (AE) Uimh. 1151/2012 a chlárú go hidirnáisiúnta.

(9)	Tá na bearta dá bhforáiltear sa Chinneadh seo i gcomhréir leis an tuairim ón gCoiste um Beartas Cáilíochta Táirgí Talmhaíochta,

TAR ÉIS A CHINNEADH MAR A LEANAS:

---

(1)  IO L 271, 24.10.2019, lch. 1.

(2)  IO L 271, 24.10.2019, lch. 15.

(3)  Cinneadh (AE) 2019/1754 ón gComhairle an 7 Deireadh Fómhair 2019 maidir le haontachas an Aontais Eorpaigh le hIonstraim na Ginéive de Chomhaontú Liospóin i dtaca le hAinmniúcháin Tionscnaimh agus Tásca Geografacha (IO L 271, 24.10.2019, lch. 12).

(4)  Rialachán (AE) Uimh. 1151/2012 ó Pharlaimint na hEorpa agus ón gComhairle an 21 Samhain 2012 maidir le scéimeanna cáilíochta do tháirgí talmhaíochta agus do bhia-earraí (IO L 343, 14.12.2012, lch. 1).

CINNEADH CUR CHUN FEIDHME ÓN gCOIMISIÚN

an 27 Márta 2023

lena mbunaítear liosta de thásca geografacha atá faoi chosaint ag Rialachán (AE) Uimh. 1308/2013 ó Pharlaimint na hEorpa agus ón gComhairle atá le comhdú mar iarratais ar chlárú idirnáisiúnta de bhun Airteagal 2 de Rialachán (AE) 2019/1753 ó Pharlaimint na hEorpa agus ón gComhairle

(2023/C 113/08)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2019/1753 ó Pharlaimint na hEorpa agus ón gComhairle an 23 Deireadh Fómhair 2019 maidir le gníomhaíocht an Aontais tar éis a aontachais le hIonstraim na Ginéive de Chomhaontú Liospóin i dtaca le hAinmniúcháin Tionscnaimh agus Tásca Geografacha (1), agus go háirithe Airteagal 2(3) de,

De bharr an mhéid seo a leanas:

(1)

Ionstraim na Ginéive de Chomhaontú Liospóin i dtaca le hAinmniúcháin Tionscnaimh agus Tásca Geografacha (2) (“Ionstraim na Ginéive”chairpichet), is comhaontú idirnáisiúnta é faoina gcuireann na Páirtithe Conarthacha córas chun feidhme chun ainmniúcháin tionscnaimh agus tásca geografacha a chosaint go frithpháirteach.

(2)

Tar éis Chinneadh (AE) 2019/1754 ón gComhairle (3) maidir le haontachas an Aontais le hIonstraim na Ginéive, rinne an tAontas an ionstraim aontachais le hIonstraim na Ginéive a thaisceadh an 26 Samhain 2019. Tháinig aontachas an Aontais le hIonstraim na Ginéive i bhfeidhm an 26 Feabhra 2020. Ós rud é gurbh é an tAontas an cúigiú Páirtí Conarthach a d’aontaigh d’Ionstraim na Ginéive, tháinig Ionstraim na Ginéive i bhfeidhm an dáta céanna sin, i gcomhréir le hAirteagal 29(2) d’Ionstraim na Ginéive.

(3)

I gcomhréir le hAirteagal 5(1) agus (2) d’Ionstraim na Ginéive, féadfaidh Údaráis Inniúla gach Páirtí Chonarthaigh in Ionstraim na Ginéive iarratais a chomhdú maidir le clárú idirnáisiúnta ainmniúcháin tionscnaimh nó táisc gheografaigh le Biúró Idirnáisiúnta na hEagraíochta Domhanda um Maoin Intleachtúil, a chláróidh é sa Chlár Idirnáisiúnta. I gcomhréir le hAirteagal 9 d’Ionstraim na Ginéive, sa deireadh féadfaidh na Páirtithe Conarthacha eile cinneadh a dhéanamh an bhfuil siad chun an t-ainmniúchán tionscnaimh nó an tásc geografach sin a chosaint laistigh dá gcríoch féin.

(4)

I gcomhréir le hAirteagal 1(2) de Rialachán (AE) 2019/1753, chun críoch an Rialacháin sin agus na ngníomhartha a glacadh dá bhun, cumhdaítear sa téarma “tásca geografacha” na sonrúcháin tionscnaimh faoi chosaint agus na tásca geografacha faoi chosaint de réir bhrí Rialachán (AE) Uimh. 1308/2013 ó Pharlaimint na hEorpa agus ón gComhairle (4).

(5)

I gcomhréir le hAirteagal 2(1) de Rialachán (AE) 2019/1753, tá sé de chumhacht ag an gCoimisiún, ina cháil mar Údarás Inniúil an Aontais, iarratais a chomhdú maidir le clárú idirnáisiúnta ainmniúcháin tionscnaimh an Aontais agus tásca geografacha an Aontais leis an mBiúró Idirnáisiúnta tar éis aontachas an Aontais le hIonstraim na Ginéive agus, ina dhiaidh sin, ar bhonn rialta.

(6)

Idir mí Mheán Fómhair agus mí na Samhna 2022, sheol na Ballstáit 73 n-iarratas chuig an gCoimisiún, i gcomhréir le hAirteagal 2(2) de Rialachán (AE) 2019/1753, maidir le clárú sa Chlár Idirnáisiúnta sonrúcháin tionscnaimh faoi chosaint ar de thionscnamh a gcríche iad agus atá cosanta i gcomhréir le Rialachán (AE) Uimh. 1308/2013.

(7)

Ainmneacha atá cosanta i gcomhréir le Rialachán (AE) Uimh. 1308/2013 mar shonrúcháin tionscnaimh faoi chosaint (STFC) agus mar thásca geografacha faoi chosaint (TGFC), ba cheart iad a chomhdú mar iarratais ar chlárú sa Chlár Idirnáisiúnta mar ainmniúcháin tionscnaimh agus mar thásca geografacha faoi seach.

(8)

Dá bhrí sin, ba cheart liosta de shonrúcháin tionscnaimh faoi chosaint (STFC) a bhunú, é bunaithe ar na hiarrataí a sheol na Ballstáit chuig an gCoimisiún chun iarratais a chomhdú maidir le tásca geografacha ar de thionscnamh a gcríche iad agus atá cosanta san Aontas i gcomhréir le Rialachán (AE) Uimh. 1308/2013 a chlárú go hidirnáisiúnta.

(9)	Tá na bearta dá bhforáiltear sa Chinneadh seo i gcomhréir leis an tuairim ón gCoiste um Chomheagrú na Margaí Talmhaíochta (Fíon),

TAR ÉIS A CHINNEADH MAR A LEANAS:

---

(1)  IO L 271, 24.10.2019, lch. 1.

(2)  IO L 271, 24.10.2019, lch. 15.

(3)  Cinneadh (AE) 2019/1754 ón gComhairle an 7 Deireadh Fómhair 2019 maidir le haontachas an Aontais Eorpaigh le hIonstraim na Ginéive de Chomhaontú Liospóin i dtaca le hAinmniúcháin Tionscnaimh agus Tásca Geografacha (IO L 271, 24.10.2019, lch. 12).

(4)  Rialachán (AE) Uimh. 1308/2013 ó Pharlaimint na hEorpa agus ón gComhairle an 17 Nollaig 2013 lena mbunaítear comheagraíocht na margaí i dtáirgí talmhaíochta agus lena n-aisghairtear Rialacháin (CEE) Uimh. 922/72. (CEE) Uimh. 234/79, (CE) Uimh. 1037/2001 agus (CE) Uimh. 1234/2007 ón gComhairle (IO L 347, 20.12.2013, lch. 671).

CINNEADH CUR CHUN FEIDHMEÓN gCOIMISIÚN

an 27 Márta 2023

lena mbunaítear liosta de thásca geografacha atá faoi chosaint ag Rialachán (AE) 2019/787 ó Pharlaimint na hEorpa agus ón gComhairle atá le comhdú mar iarratais ar chlárú idirnáisiúnta de bhun Airteagal 2 de Rialachán (AE) 2019/1753 ó Pharlaimint na hEorpa agus ón gComhairle

(2023/C 113/09)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2019/1753 ó Pharlaimint na hEorpa agus ón gComhairle an 23 Deireadh Fómhair 2019 maidir le gníomhaíocht an Aontais tar éis a aontachais le hIonstraim na Ginéive de Chomhaontú Liospóin i dtaca le hAinmniúcháin Tionscnaimh agus Tásca Geografacha (1), agus go háirithe Airteagal 2(3) de,

De bharr an mhéid seo a leanas:

(1)

Ionstraim na Ginéive de Chomhaontú Liospóin i dtaca le hAinmniúcháin Tionscnaimh agus Tásca Geografacha (2) (‘Ionstraim na Ginéive’chairpichet), is comhaontú idirnáisiúnta é faoina gcuireann na Páirtithe Conarthacha córas chun feidhme chun ainmniúcháin tionscnaimh agus tásca geografacha a chosaint go frithpháirteach.

(2)

Tar éis Chinneadh (AE) 2019/1754 ón gComhairle (3) maidir le haontachas an Aontais le hIonstraim na Ginéive, rinne an tAontas an ionstraim aontachais le hIonstraim na Ginéive a thaisceadh an 26 Samhain 2019. Tháinig aontachas an Aontais le hIonstraim na Ginéive i bhfeidhm an 26 Feabhra 2020. Ós rud é gurbh é an tAontas an cúigiú Páirtí Conarthach a d’aontaigh d’Ionstraim na Ginéive, tháinig Ionstraim na Ginéive i bhfeidhm an dáta céanna sin, i gcomhréir le hAirteagal 29(2) d’Ionstraim na Ginéive.

(3)

I gcomhréir le hAirteagal 5(1) agus (2) d’Ionstraim na Ginéive, féadfaidh Údaráis Inniúla gach Páirtí Chonarthaigh in Ionstraim na Ginéive iarratais a chomhdú maidir le clárú idirnáisiúnta ainmniúcháin tionscnaimh nó táisc gheografaigh le Biúró Idirnáisiúnta na hEagraíochta Domhanda um Maoin Intleachtúil, a chláróidh é sa Chlár Idirnáisiúnta. I gcomhréir le hAirteagal 9 d’Ionstraim na Ginéive, sa deireadh féadfaidh na Páirtithe Conarthacha eile cinneadh a dhéanamh an bhfuil siad chun an t-ainmniúchán tionscnaimh nó an tásc geografach sin a chosaint laistigh dá gcríoch féin.

(4)	I gcomhréir le hAirteagal 1(2) de Rialachán (AE) 2019/1753, chun críocha an Rialacháin sin agus na ngníomhartha a glacadh dá bhun, cumhdaítear sa téarma “tásca geografacha” na tásca geografacha de réir bhrí Rialachán (AE) 2019/787 ó Pharlaimint na hEorpa agus ón gComhairle (4).

(5)

I gcomhréir le hAirteagal 2(1) de Rialachán (AE) 2019/1753, tá sé de chumhacht ag an gCoimisiún, ina cháil mar Údarás Inniúil an Aontais, iarratais a chomhdú maidir le clárú idirnáisiúnta ainmniúcháin tionscnaimh an Aontais agus tásca geografacha an Aontais leis an mBiúró Idirnáisiúnta tar éis aontachas an Aontais le hIonstraim na Ginéive agus, ina dhiaidh sin, ar bhonn rialta.

(6)	I mí na Samhna 2022, sheol na Ballstáit sé iarratas chuig an gCoimisiún, i gcomhréir le hAirteagal 2(2) de Rialachán (AE) 2019/1753, maidir le tásca geografacha ar de thionscnamh a gcríche iad agus atá cosanta i gcomhréir le Rialachán (AE) 2019/787 a chlárú sa Chlár Idirnáisiúnta.

(7)	Ainmneacha atá cosanta i gcomhréir le Rialachán (AE) 2019/787 mar thásca geografacha, ba cheart iad a chomhdú mar iarratais ar chlárú sa Chlár Idirnáisiúnta mar thásca geografacha.

(8)

Dá bhrí sin, ba cheart liosta de thásca geografacha a bhunú, é bunaithe ar na hiarrataí sin a sheol na Ballstáit chuig an gCoimisiún chun iarratais a chomhdú maidir le tásca geografacha ar de thionscnamh a gcríche iad agus atá cosanta san Aontas i gcomhréir le Rialachán (AE) 2019/787 a chlárú go hidirnáisiúnta.

(9)	Tá na bearta dá bhforáiltear sa Chinneadh seo i gcomhréir leis an tuairim ón gCoiste um Dheochanna Biotáilleacha,

TAR ÉIS A CHINNEADH MAR A LEANAS:

---

(1)  IO L 271, 24.10.2019, lch. 1.

(2)  IO L 271, 24.10.2019, lch. 15.

(3)  Cinneadh (AE) 2019/1754 ón gComhairle an 7 Deireadh Fómhair 2019 maidir le haontachas an Aontais Eorpaigh le hIonstraim na Ginéive de Chomhaontú Liospóin i dtaca le hAinmniúcháin Tionscnaimh agus Tásca Geografacha (IO L 271, 24.10.2019, lch. 12).

(4)  Rialachán (AE) 2019/787 ó Pharlaimint na hEorpa agus ón gComhairle an 17 Aibreán 2019 maidir le sainmhíniú, tuairisc, cur i láthair agus lipéadú deochanna biotáilleacha, úsáid ainmneacha deochanna biotáilleacha i gcur i láthair agus lipéadú earraí bia eile, agus cosaint tásc geografach le haghaidh deochanna biotáilleacha, úsáid alcól eitile agus driogáití de thionscnamh talmhaíochta i ndeochanna alcólacha, agus lena n-aisghairtear Rialachán (CE) Uimh. 110/2008 (IO L 130, 17.5.2019, lch. 1).

CINNEADH UIMH. 20/2022

an 24 Samhain 2022

maidir le rialacha inmheánacha a bhaineann le srianta ar chearta áirithe dhaoine is ábhar do na sonraí i ndáil le próiseáil sonraí pearsanta faoi chuimsiú gníomhaíochtaí arna ndéanamh ag an Údarás Eorpach Saothair

(2023/C 113/10)

BORD BAINISTÍOCHTA AN ÚDARÁIS EORPAIGH SAOTHAIR,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le próiseáil sonraí pearsanta ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (1), (“Rialachán (AE) 2018/1725”, agus go háirithe Airteagal 25 de,

Ag féachaint do Rialachán (AE) 2019/1149 ó Pharlaimint na hEorpa agus ón gComhairle an 20 Meitheamh 2019 lena mbunaítear Údarás Eorpach Saothair, lena leasaítear Rialachán (CE) Uimh. 883/2004, Rialachán (AE) Uimh. 492/2011, agus Rialachán (AE) 2016/589 agus lena n-aisghairtear Cinneadh (AE) 2016/344 (2) (“an Rialachán bunaidh”), agus go háirithe Airteagal 36 de,

Tar éis dul i gcomhairle leis an Maoirseoir Eorpach ar Chosaint Sonraí,

De bharr an mhéid a leanas:

(1)

Tugtar de chumhacht don Údarás Eorpach Saothair (dá ngairtear “ELA” anseo feasta) fiosrúcháin riaracháin agus imeachtaí réamharaíonachta, araíonachta agus fionraí a dhéanamh, i gcomhréir le Rialacháin Foirne Oifigigh an Aontais Eorpaigh agus le Coinníollacha Fostaíochta Sheirbhísigh Eile an Aontais Eorpaigh, a leagtar síos i Rialachán (CEE, Euratom, CEGC) Uimh. 259/68 ón gComhairle (“Rialacháin Foirne”) (3) agus le Cinneadh Uimh. 22/2021 an 10 Samhain 2021 ó Bhord Bainistíochta ELA maidir leis na téarmaí agus na coinníollacha le haghaidh imscrúduithe inmheánacha san Údarás Eorpach Saothair i ndáil le calaois, éilliú agus aon ghníomhaíocht neamhdhleathach a dhéanfadh dochar do leasanna an Aontais a chosc, lena nglactar le forálacha cur chun feidhme maidir le fiosrúcháin riaracháin agus imeachtaí araíonachta a dhéanamh. Más gá, cuireann sé cásanna in iúl do OLAF freisin.

(2)

Tugtar de chumhacht do ELA cigireachtaí comhpháirteacha agus comhbheartaithe a chomhordú agus tacú leo sna réimsí a thagann faoi inniúlacht an Údaráis i gcomhréir le hAirteagal 8 agus le hAirteagal 9 den Rialachán bunaidh. Féadfaidh an tÚdarás a mholadh ar a thionscnamh féin d’Údaráis na mBallstát lena mbaineann go ndéanfadh siad cigireacht chomhbheartaithe nó cigireacht chomhpháirteach.

(3)

Tá sé de dhualgas ar bhaill foirne ELA gníomhaíochtaí a d’fhéadfadh a bheith neamhdhleathach a thuairisciú, lena n-áirítear calaois agus éilliú, a dhéanann dochar do leasanna an Aontais. Tá sé d’oibleagáid ar bhaill foirne freisin iompar a thuairisciú a bhaineann le dualgais ghairmiúla a chomhlíonadh a d’fhéadfadh a bheith ina mainneachtain thromchúiseach oibleagáidí oifigigh an Aontais a chomhlíonadh. Rialaítear an méid sin le Cinneadh Uimh. 11/2021 an 25 Bealtaine 2021 ó Bhord Bainistíochta ELA.

(4)

Tá beartas curtha i bhfeidhm ag ELA chun cásanna iarbhír nó féideartha de chiapadh síceolaíoch nó gnéasach san ionad oibre a chosc agus chun déileáil go héifeachtach leo, dá bhforáiltear i gCinneadh Uimh. 6/2022 an 15 Márta 2022 ó Bhord Bainistíochta ELA lena nglactar bearta cur chun feidhme de bhun na Rialachán Foirne. Bunaítear leis an gCinneadh nós imeachta neamhfhoirmiúil trínar féidir le híospartach líomhnaithe an chiaptha teagmháil a dhéanamh le “comhairleoirí rúnda” ELA.

(5)	Is féidir le ELA imscrúduithe a dhéanamh freisin ar sháruithe a d’fhéadfadh a bheith ann ar rialacha slándála le haghaidh faisnéis íogair neamh-rúnaicmithe an Aontais Eorpaigh, bunaithe ar Airteagal 38 den Rialachán bunaidh.

(6)	Tá ELA faoi réir iniúchtaí inmheánacha agus seachtracha araon maidir lena ghníomhaíochtaí.

(7)	I gcomhthéacs na bhfiosrúchán, na n-iniúchtaí agus na n-imscrúduithe riaracháin sin, comhoibríonn ELA le hinstitiúidí, comhlachtaí, oifigí agus gníomhaireachtaí eile de chuid an Aontais.

(8)

Is féidir le Eurojust comhoibriú le húdaráis náisiúnta tríú tíortha agus le heagraíochtaí idirnáisiúnta, ar iarratas uathu, nó ar a thionscnamh féin. Sa chás áirithe sin ina ndéantar cigireachtaí comhbheartaithe agus/nó cigireachtaí comhpháirteacha, ar iarratas ó Bhallstát amháin nó níos mó nó ar a thionscnamh féin, comhordóidh an tÚdarás cigireacht chomhbheartaithe nó cigireacht chomhpháirteach agus tacóidh sé leis sna réimsí sin atá faoi inniúlacht an Údaráis chun na cuspóirí a leagtar amach sa Rialachán bunaidh a bhaint amach agus gan dochar d’inniúlacht na mBallstát agus institiúidí an Aontais.

(9)

Is féidir le ELA comhoibriú freisin le húdaráis phoiblí na mBallstát AE, ar iarratas uathu nó ar a thionscnamh féin. Sa chás áirithe sin ina ndéantar cigireachtaí comhbheartaithe agus/nó cigireachtaí comhpháirteacha, ar iarratas ó Bhallstát amháin nó níos mó nó ar a thionscnamh féin, comhordóidh an tÚdarás cigireacht chomhbheartaithe nó cigireacht chomhpháirteach agus tacóidh sé leis sna réimsí sin atá faoi inniúlacht an Údaráis chun na cuspóirí a leagtar amach sa Rialachán bunaidh a bhaint amach agus gan dochar d’inniúlacht na mBallstát agus institiúidí an Aontais.

(10)

Tá ELA bainteach le cásanna os comhair Chúirt Bhreithiúnais an Aontais Eorpaigh nuair a tharchuireann sé ábhar don Chúirt, nuair a chosnaíonn sé cinneadh a rinne sí agus a ndearnadh agóid ina choinne os comhair na Cúirte, nó nuair a dhéanann idirghabháil sé i gcásanna a bhaineann lena chúraimí. Sa chomhthéacs sin, d’fhéadfadh sé go mbeadh ar ELA rúndacht na sonraí pearsanta atá i ndoiciméid a fhaigheann na páirtithe nó na hidirghabhálaithe a chaomhnú.

(11)

Chun a chúraimí a chomhlíonadh, bailíonn agus próiseálann ELA faisnéis agus roinnt catagóirí de shonraí pearsanta, lena n-áirítear sonraí aitheantais daoine nádúrtha, faisnéis teagmhála, róil agus cúraimí gairmiúla, faisnéis maidir le hiompar agus feidhmíocht phríobháideach agus ghairmiúil, agus sonraí airgeadais. Déanann a Stiúrthóir Feidhmiúcháin ionadaíocht ar ELA, mar an rialaitheoir sonraí, beag beann ar thoscaireachtaí breise ról an rialaitheora laistigh de ELA chun freagrachtaí oibríochtúla maidir le hoibríochtaí sonracha próiseála sonraí pearsanta a léiriú.

(12)	Faoi Rialachán (AE) 2018/1725, tá sé d’oibleagáid ar ELA, dá bhrí sin, faisnéis a sholáthar do dhaoine is ábhar do na sonraí maidir leis na gníomhaíochtaí próiseála sin agus chun a gcearta mar dhaoine is ábhar do na sonraí a urramú.

(13)

D’fhéadfadh sé go mbeadh ar ELA na cearta sin a réiteach le cuspóirí fiosrúchán riaracháin, iniúchtaí, imscrúduithe, cigireachtaí comhbheartaithe agus comhpháirteacha agus imeachtaí cúirte. D’fhéadfadh sé a bheith riachtanach freisin cearta dhuine is ábhar do na sonraí a chothromú i gcoinne chearta bunúsacha agus saoirsí bunúsacha dhaoine is ábhar do na sonraí eile. Chuige sin, tugann Airteagal 25 de Rialachán (AE) 2018/1725 an deis do ELA srian a chur, faoi choinníollacha dochta, ar fheidhmiú Airteagal 14 go 22, 35 agus 36 den Rialachán, chomh maith le hAirteagal 4 de sa mhéid a fhreagraíonn a fhorálacha do na cearta agus do na hoibleagáidí dá bhforáiltear in Airteagail 14 go 20. Mura bhforáiltear do shrianta i ngníomh dlí arna ghlacadh ar bhonn na gConarthaí, is gá rialacha inmheánacha a ghlacadh faoina bhfuil ELA i dteideal srian a chur leis na cearta sin.

(14)

Mar shampla, d’fhéadfadh sé go gcaithfeadh ELA srian a chur leis an bhfaisnéis a sholáthraíonn sé do dhuine is ábhar do na sonraí faoi phróiseáil a shonraí/a sonraí pearsanta le linn na réamhchéime measúnaithe d’fhiosrúchán riaracháin nó le linn an fhiosrúcháin féin, sula bhféadfaí cás a dhíbhe nó ag an gcéim réamharaíonachta. I gcúinsí áirithe, d’fhéadfadh sé go ndéanfadh soláthar faisnéise den sórt sin difear tromchúiseach do chumas ELA an fiosrúchán a dhéanamh ar bhealach éifeachtach, i gcás mar shampla go bhféadfadh an duine lena mbaineann fianaise a scriosadh nó cur isteach ar fhinnéithe ionchasacha sula gcuirtear faoi agallamh iad. D’fhéadfadh sé freisin go mbeadh ar ELA cearta agus saoirsí finnéithe a chosaint chomh maith le cearta agus saoirsí daoine eile atá bainteach leis.

(15)	B’fhéidir go mbeadh gá ann anaithnideacht finné nó sceithire a d’iarr rúndacht a chosaint. I gcás den sórt sin, d’fhéadfadh ELA cinneadh a dhéanamh srian a chur le rochtain ar chéannacht, ar ráitis agus ar shonraí pearsanta eile na ndaoine sin, chun a gcearta agus a saoirsí a chosaint.

(16)

D’fhéadfadh sé a bheith riachtanach faisnéis rúnda a chosaint maidir le ball foirne a chuaigh i dteagmháil le “comhairleoirí rúnda” ELA i gcomhthéacs nós imeachta ciaptha. I gcásanna den sórt sin, d’fhéadfadh sé go mbeadh ar ELA srian a chur le rochtain ar chéannacht, ar ráitis agus ar shonraí pearsanta eile an íospartaigh líomhnaithe, an té a ndearnadh líomhain an chiaptha ina éadan/ina héadan agus daoine eile atá bainteach leis, chun cearta agus saoirsí gach duine lena mbaineann a chosaint.

(17)

Níor cheart do ELA srianta a chur i bhfeidhm ach amháin nuair a urramaíonn siad bunús na gceart bunúsach agus na saoirsí, nuair a bhíonn siad fíor-riachtanach agus nuair a bhíonn siad ina mbeart comhréireach i sochaí dhaonlathach. Ba cheart do ELA cúiseanna a thabhairt ina mínítear an bonn cirt atá leis na srianta sin.

(18)	Agus prionsabal na cuntasachta á chur i bhfeidhm, ba cheart do ELA taifead a choinneáil ar chur i bhfeidhm na srianta.

(19)

Agus sonraí pearsanta a malartaíodh le heagraíochtaí eile á bpróiseáil i gcomhthéacs a chúraimí, ba cheart do ELA agus do na heagraíochtaí sin dul i gcomhairle lena chéile ar fhorais fhéideartha chun srianta a chur i bhfeidhm agus ar riachtanas agus ar chomhréireacht na srianta sin, mura gcuirfeadh sé sin gníomhaíochtaí ELA i mbaol.

(20)	Cuireann Airteagal 25(6) den Rialachán d’oibleagáid ar an rialaitheoir na daoine is ábhar do na sonraí a chur ar an eolas faoi na príomhchúiseanna a bhfuil cur chun feidhme an tsriain bunaithe orthu agus faoin gceart atá acu gearán a thaisceadh le MECS.

(21)

De bhun Airteagal 25(8) den Rialachán, tá ELA i dteideal faisnéis a iarchur, a fhágáil ar lár nó a dhiúltú maidir leis na cúiseanna atá le srian a chur ar an duine is ábhar do na sonraí dá gcuirfeadh sé sin éifeacht an tsriain ar ceal ar bhealach ar bith. Ba cheart do ELA a mheas ar bhonn cás ar chás cibé acu an gcuirfí éifeacht an tsriain ar ceal dá gcuirfí in iúl é.

(22)	Ba cheart do ELA deireadh a chur leis an srian a luaithe nach bhfuil feidhm ag na coinníollacha a thugann údar leis an srian a thuilleadh, agus na coinníollacha sin a mheas ar bhonn rialta.

(23)	Chun an chosaint is fearr a thabhairt do chearta agus do shaoirsí daoine is ábhar do na sonraí agus i gcomhréir le hAirteagal 44(1) den Rialachán, ba cheart dul i gcomhairle le OCS de chuid ELA roimh aon srianta a fhéadfar a chur i bhfeidhm agus a fhíorú go gcomhlíonann siad an Cinneadh seo.

(24)	Foráiltear le hAirteagal 16(5) agus Airteagal 17(4) den Rialachán d’eisceachtaí ar cheart na n-ábhar sonraí chun faisnéise agus ceart rochtana. Má tá feidhm ag na heisceachtaí sin, ní gá do ELA srian a chur i bhfeidhm faoin gCinneadh seo,

TAR ÉIS A CHINNEADH MAR A LEANAS:

---

(1)  IO L 295, 21.11.2018, lch. 39.

(2)  IO L 186, 11.7.2019, lch. 21.

(3)  Rialachán (CEE, Euratom, CEGC) Uimh. 259/68 ón gComhairle an 29 Feabhra 1968 lena leagtar síos Rialacháin Foirne Oifigigh agus Coinníollacha Fostaíochta Sheirbhísigh eile na gComhphobal Eorpach lena dtionscnaítear bearta speisialta is infheidhme ar bhonn sealadach maidir le hoifigigh an Choimisiúin (IO L 56, 4.3.1968, lch. 1).

(4)  IO L 201, 31.7.2002, lch. 37

Achoimre ar Thuairim an Mhaoirseora Eorpaigh ar Chosaint Sonraí maidir leis an bpacáiste tograí reachtacha maidir le CBL sa Ré Dhigiteach

(2023/C 113/11)

(Tá téacs iomlán na Tuairime seo le fáil i mBéarla, i bhFraincis agus i nGearmáinis ar shuíomh gréasáin MECShttps://edps.europa.eu)

An 8 Nollaig 2022, d’eisigh an Coimisiún Eorpach an pacáiste tograí reachtacha maidir le CBL sa Ré Dhigiteach ina bhfuil: Togra le haghaidh Treoir ón gComhairle lena leasaítear Treoir 2006/112/CE a mhéid a bhaineann le rialacha CBL don ré dhigiteach (1); Togra le haghaidh Rialachán ón gComhairle lena leasaítear Rialachán (AE) Uimh. 904/2010 maidir leis na socruithe comhair riaracháin CBL is gá don ré dhigiteach (2); agus Togra le haghaidh Rialachán Cur Chun Feidhme ón gComhairle lena leasaítear Rialachán Cur Chun Feidhme (AE) Uimh. 282/2011 a mhéid a bhaineann le ceanglais faisnéise le haghaidh scéimeanna CBL áirithe (3).

Fáiltíonn MECS roimh na cuspóirí a shaothraítear leis na bearta a bhaineann leis an bpacáiste CBL sa Ré Dhigiteach, go háirithe nuachóiriú na n-oibleagáidí tuairiscithe CBL, oiriúnú na rialacha CBL is infheidhme maidir le geilleagar na n-ardán agus Clárúchán CBL Aonair a thabhairt isteach. Ag féachaint do na rialacha nua maidir le tuairisciú digiteach atá beartaithe sa Togra le haghaidh Treoir ón gComhairle, meabhraíonn MECS nach mór d’aon phróiseáil ar shonraí pearsanta RGCS (4) agus RCSAE (5) a chomhlíonadh go hiomlán, lena n-áirítear prionsabail an teorannaithe de réir cuspóra agus an íoslaghdaithe sonraí. Chun comhlíonadh phrionsabal an teorannaithe de réir cuspóra a áirithiú, molann MECS go sonrófaí go sainráite i dtéarmaí achtúcháin an Togra nach féidir an fhaisnéis a bhailítear a phróiseáil ach amháin chun calaois CBL a chomhrac ag an riarachán cánach inniúil.

Féadfaidh faisnéis atá i sonraisc faisnéis íogair a bhaineann le daoine nádúrtha sonracha a nochtadh, amhail faisnéis a bhaineann le hearraí a ceannaíodh (lena n-áirítear táirgí pearsanta), socruithe taistil nó seirbhísí dlí. Is díol sásaimh do MECS gur sliocht (fothacar sonraithe) den fhaisnéis ón sonrasc í an fhaisnéis atá le cur ar fáil don riarachán cánach faoi na ceanglais tuairiscithe dhigitigh seachas an sonrasc ina iomláine. Is coimirce thábhachtach í sin chun a áirithiú go gcomhlíonfar prionsabal an íoslaghdaithe sonraí faoi Airteagal 5(1)(c) de RGCS agus faoi Airteagal 4(1)(c) de RCSAE agus chun an tionchar a bhíonn ag an bpróiseáil sonraí pearsanta ar chearta agus ar shaoirsí na n-ábhar sonraí a laghdú. I ndáil leis sin, is díol sásaimh do MECS go ndéantar ainm agus seoladh an chustaiméara agus an duine inchánach a eisiamh ón bhfaisnéis atá le tarchur sa Togra le haghaidh Treoir ón gComhairle.

Is díol sásaimh do MECS freisin go ndéantar róil na mBallstát agus an Choimisiúin faoi dhlí an Aontais maidir le cosaint sonraí a ainmniú go sainráite sa Togra le haghaidh Rialachán ón gComhairle. Ag an am céanna, meabhraíonn MECS nach mór an t-ainmniú a ailíniú leis na freagrachtaí a shanntar do gach gníomhaí. Thairis sin, ní mór aon sonraíocht bhreise ar fhreagrachtaí na mBallstát agus an Choimisiúin trí bhíthin gníomhartha cur chun feidhme a bheith ag teacht go hiomlán leis na róil a bhunaítear leis an ngníomh reachtach.

Ar deireadh, tugann MECS chun suntais gur cheart go leanfadh na coimircí a leagtar síos faoi Chaibidil XV de Rialachán (AE) Uimh. 904/2010 ón gComhairle (6) (Coinníollacha lena rialaítear malartú faisnéise) d’fheidhm a bheith acu maidir leis an bpróiseáil sonraí pearsanta a leagtar síos sa Togra le haghaidh Rialachán ón gComhairle.

1.   RÉAMHRÁ

1.

An 8 Nollaig 2022, d’eisigh an Coimisiún Eorpach (“an Coimisiún”) Togra le haghaidh Treoir ón gComhairle lena leasaítear Treoir 2006/112/CE a mhéid a bhaineann le rialacha CBL don aois dhigiteach (“an Togra le haghaidh Treoir ón gComhairle”); Togra le haghaidh Rialachán ón gComhairle lena leasaítear Rialachán (AE) Uimh. 904/2010 a mhéid a bhaineann leis na socruithe comhair riaracháin CBL is gá don aois dhigiteach (“an Togra le haghaidh Rialachán Cur Chun Feidhme ón gComhairle”); Togra le haghaidh Rialachán Cur Chun Feidhme ón gComhairle lena leasaítear Rialachán Cur Chun Feidhme (AE) Uimh. 282/2011 a mhéid a bhaineann le ceanglais faisnéise le haghaidh scéimeanna áirithe CBL (“an Togra le haghaidh Rialachán Cur Chun Feidhme ón gComhairle”). I gcomhthéacs na Tuairime seo, tagraímid do na trí thogra reachtacha mar “an pacáiste CBL sa Ré Dhigiteach”.

2.

Tá an pacáiste CBL sa Ré Dhigiteach mar chuid de Phlean Gníomhaíochta 2020 an Choimisiúin maidir le cánachas cothrom simplí a thacaíonn le téarnamh (7). Tá trí phríomhchuspóir leis (8): 1) oibleagáidí tuairiscithe CBL a nuachóiriú, trí Cheanglais maidir le Tuairisciú Digiteach a thabhairt isteach lena ndéanfar caighdeánú ar an bhfaisnéis nach mór do dhaoine inchánacha maidir le gach idirbheart a chur faoi bhráid na n-údarás cánach i bhformáid leictreonach agus, ag an am céanna, forchuirfidh sé úsáid ríomhshonraisc le haghaidh idirbhearta trasteorann; 2) na rialacha CBL is infheidhme maidir le geilleagar na n-ardán a thabhairt cothrom le dáta, go háirithe trí ról na n-ardán i mbailiú CBL a fheabhsú; 3) an gá atá le clárúcháin iomadúla CBL san Aontas a sheachaint agus feabhas a chur ar fheidhmiú na huirlise a chuirtear chun feidhme chun an CBL atá dlite ar chiandíolacháin earraí a dhearbhú agus a íoc, trí Chlárúchán CBL Aonair (SVR) a thabhairt isteach, trí chórais reatha an Ionaid Ilfhreastail (OSS)/Ionad Ilfhreastail d’Allmhairí (IOSS) agus an táille aisiompaithe a fheabhsú agus a leathnú chun na cásanna a bhfuil ar dhuine inchánach clárú i mBallstát eile a íoslaghdú.

3.

Ina theannta sin, leis an Togra le haghaidh Rialachán ón gComhairle tugtar isteach sraith leasuithe ar Rialachán (AE) Uimh. 904/2010, lena mbunaítear, i measc nithe eile, lárchóras nua ar leibhéal an Aontais chun faisnéis CBL a mhalartú idir riaracháin chánach na mBallstát atá in oiriúint do shainghnéithe na gCeanglas um Thuairisciú Digiteach (“an córas lárnach VIES”) (9).

4.

Eisítear an Tuairim seo ó MECS mar fhreagairt ar chomhairliúchán a rinne an Coimisiún Eorpach an 10 Eanáir 2023, de bhun Airteagal 42(1) RCSAE. Fáiltíonn MECS roimh an tagairt don chomhairliúchán seo in aithris 25 den Togra le haghaidh Rialacháin ón gComhairle. Tá tagairt don chomhairliúchán sin in easnamh, áfach, in aithrisí an Togra le haghaidh Treoir ón gComhairle agus in aithrisí an Togra le haghaidh Rialachán Cur Chun Feidhme ón gComhairle. Dá bhrí sin, molann MECS tagairt don chomhairliúchán sin a chur isteach sa dá Thogra.

4.   CONCLÚIDÍ

28.

I bhfianaise an méid thuas, déanann MECS na moltaí seo a leanas: — maidir leis an Togra le haghaidh Treoir ón gComhairle: (1) aithris a chur isteach ag meabhrú go n-áirithítear leis an togra go n-urramófar go hiomlán na cearta bunúsacha chun príobháideachta agus chun sonraí pearsanta a chosaint, chomh maith le hinfheidhmeacht RGCS agus RCSAE maidir leis an bpróiseáil sonraí pearsanta i gcomhthéacs an togra; (2) go sonrófaí go sainráite i dtéarmaí achtúcháin an Togra nach féidir an fhaisnéis a bhailítear a phróiseáil ach amháin chun calaois CBL a chomhrac ag an riarachán cánach inniúil; — maidir leis an Togra le haghaidh Rialachán ón gComhairle: (3) na focail “ag iarraidh” a scriosadh in aithris 24 chun a léiriú go soiléir go n-urramaítear go hiomlán leis an Rialachán seo an ceart chun sonraí pearsanta a chosaint a leagtar síos in Airteagal 8 den Chairt agus chun infheidhmeacht RGCS agus RCSAE maidir leis an bpróiseáil sonraí pearsanta i gcomhthéacs an togra a mheabhrú go sainráite.

---

(1)  COM(2022) 701 final.

(2)  COM(2022) 703 final.

(3)  COM(2022) 704 final.

(4)  Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lch. 1).

(5)  Rialachán (AE) Uimh. 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin agus lena n–aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39).

(6)  IO L 268, 12.10.2010, lch. 1.

(7)  COM(2022) 701 final, lch. 1.

(8)  COM(2022) 701 final, lch. 2.

(9)  COM(2022) 703 final, lch. 3.

Réamhfhógra faoi chomhchruinniú

(Cás M.10860 — ADVENT / GfK)

(Téacs atá ábhartha maidir le LEE)

(2023/C 113/12)

---

(1)  IO L 24, 29.1.2004, lch. 1 (an “Rialachán um Chumaisc”).

Foilsiú teachtaireachta maidir le formheas leasaithe chaighdeánaigh ar an tsonraíocht táirge le haghaidh ainm in earnáil an fhíona, dá dtagraítear in Airteagal 17(2) agus (3) de Rialachán Tarmligthe (AE) 2019/33 ón gCoimisiún

(2023/C 113/13)

Foilsítear an teachtaireacht seo i gcomhréir le hAirteagal 17(5) de Rialachán Tarmligthe (AE) 2019/33 ón gCoimisiún (1).

FORMHEAS LEASAITHE CHAIGHDEÁNAIGH A CHUR IN IÚL

“Sebes-Apold”

PDO-RO-A0371-AM02

Dáta teachtaireachta: 4 Eanáir 2023

TUAIRISC AR AN LEASÚ FORMHEASTA AGUS CÚISEANNA LEIS

1.   Cineálacha fíniúna nua a thabhairt isteach mar phríomhchineálacha táirgeachta

Leasaíodh an tsonraíocht táirge chun cineálacha fíniúna nua a áireamh ar féidir a úsáid chun na fíonta a tháirgeadh, eadhon le haghaidh na bhfíonta geala, cineálacha Furmint agus Iordan agus fíonta dearga, cineálacha Cabernet Sauvignon, Pinot noir, Fetească neagră, Syrah agus Merlot.

I bhfianaise shaintréithe aeráide an limistéir chríochaithe, agus comhlíonadh a phoitéinsil bhitheolaíoch, is féidir fíonta dearga ar ardchaighdeán a tháirgeadh faoi na dálaí is fearr le haghaidh aibithe, carntha, etc.

Leasaíodh Caibidlí IV, V, VIII, agus XII den tsonraíocht táirge agus pointí 4 agus 7 den doiciméad aonair.

2.   Sonraíochtaí teicniúla breise a chur leis na sonraíochtaí maidir le fíonta dearga a dhéanamh

Agus cineálacha nua fíonchaoire á dtabhairt isteach chun fíon dearg a tháirgeadh éilítear gnéithe teicneolaíochta ábhartha de na cleachtais fíonóireachta a áireamh sa tsonraíocht.

Leasaíodh Caibidlí VIII agus XII den tsonraíocht táirge agus pointí 4 agus 7 den doiciméad aonair.

3.   Táirgeacht fíonchaor agus fíona a leasú chun iad a mhéadú

Mar thoradh ar athruithe ar struchtúir fíonghoirt ar cúiseanna bitheacha (struchtúr clónach, fréamhstoic) agus cúiseanna fíoneolaíochta (teicneolaíochtaí nua fíonóireachta a úsáid), is gá an táirgeacht a mhéadú, agus comhlíontacht na bparaiméadar cáilíochta á háirithiú fós atá sonrach do na fíonta a tháirgtear i limistéar STFC Sebes-Apold.

Mar gheall ar thionscadail um athrú/athstruchtúrú fíonghort athraíodh go mór na dlúis phlandaithe i.e. méadaíodh go mór dlús na bhfíonghort a plandáladh le déanaí (thart ar 4 500 fíniúin/heicteár), agus d’eascair méadú ar tháirgeacht fíonchaor as sin (d’fhéadfadh méid na bhfíonchaor arna tháirgeadh a bheith difriúil ó chineál amháin go cineál eile ag brath ar a spreacadh, ach ní mór na paraiméadair cháilíochta a chomhlíonadh atá sonrach don STFC).

Eascraíonn cuid de na cineálacha a chuirtear (idir cineálacha Rómánacha agus idirnáisiúnta) ó raon leathan clón lena mbaineann an riosca is lú nach bhfásfaidh siad go maith agus atá deartha chun cainníocht agus cáilíocht na bhfíonchaor a bhaint amach a theastaíonn chun an fíon a tháirgeadh. In éineacht leis an bhfréamhstoc agus an dlús plandála iomchuí tá táirgeacht á táirgeadh ag na clóin sin atá 25-35 % níos airde ar a laghad ná na meastacháin tosaigh.

Leasaíodh Caibidlí V agus VI den tsonraíocht táirge agus pointí 5.2 den doiciméad aonair dá réir.

4.   Maolú a chur leis maidir le fíonóireacht

Comhlánaíodh an tsonraíocht le maolú maidir leis an bhfíonóireacht i limistéar STFC Sebes-Apold. Tá gá leis an leasú sin ós rud é nach bhfuil neart áitreabh oiriúnach sa limistéar ina bhfuil na dálaí is fearr le haghaidh na gcéimeanna riachtanacha mar atá gléghlanadh, buidéalú etc. agus chun cáilíocht na bhfíonchaor a chosaint a tháirgtear ag na cineálacha fíonchaor a chuirtear sa limistéar STFC seo (an geata thiar-theas chuig ardchlár na Trasalváin, ceann de na réigiúin fíonsaothraithe is tábhachtaí). Ar na cúiseanna sin, is gá cuid de na céimeanna tar éis táirgthe a dhéanamh i limistéar atá cóngarach don limistéar táirgthe, is é sin i gContae Alba, aonad riaracháin comharsanachta atá ina chuid freisin de limistéar táirgthe STFC Târnave (aonaid riaracháin chóngaracha chun fíonta ar ardchaighdeán a tháirgeadh agus a phróiseáil). Tá níos mó áitreabh ar fáil i gContae Alba chun céimeanna na fíonóireachta a chur i gcrích roimh mhargaíocht, agus cáilíocht shonrach na bhfíonta a fhaightear i limistéar Sebes-Apold á comhlíonadh fós.

Tríd na céimeanna a chur i gcrích tar éis fíon Sebes-Apold a tháirgeadh sa limistéar cóngarach (Contae Alba) agus trí fhógra a thabhairt don údarás rialaithe ábhartha, áirithíonn táirgeoirí leibhéal optamach rialaithe ar tháirgeadh fíona STFC Sebes-Apold, agus áirithítear sainiúlacht an limistéir táirgthe le saintréithe an fhíona a tháirgtear.

Leasaíodh Caibidil IX den tsonraíocht táirge agus pointe 9 den doiciméad aonair.

DOICIMÉAD AONAIR

1.   Ainm(neacha)

Sebes-Apold

2.   Cineál an táisc gheografaigh

STFC – Sonrúchán Tionscnaimh Faoi Chosaint

3.   Catagóirí na dtáirgí fíniúna

1.

Fíon

4.   Tuairisc ar an bhfíon nó ar na fíonta

1.   Saintréithe na bhfíonta geala

TUAIRISC THÉACSÚIL GHAIRID

Is iad saintréithe na bhfíonta geala torthaíocht, saintréithe fíona, úire thipiciúil mar thoradh ar aigéadacht níos airde, bríomhaire, bolaithe torthaí, meala, muisc, almóinní agus spíonáin, aigéadacht chothrom, a chuireann uaireanta le torthaíocht shainiúil, nó aigéadacht níos airde san fhíon a fhéadann blasanna de thorthaí (seadóga, pomalónna, piobair ghlasa) a thabhairt agus ag a bhfuil dea-bholaithe tánaisteacha ó choipeadh bananaí agus papánna. Mar gheall ar neart alcóil níos airde bíonn siad tathagach, saibhir agus an-oiriúnach d’aosú i mbairillí adhmaid nó sa bhuidéal. Bíonn dath buí amhail tuí mar dhath sonrach orthu de ghnáth, athraíonn an dath sin go dath glas-buí, nó glas-buí le himireacha órga.

Saintréithe anailíseacha ginearálta
Uasmhéid nirt alcóil iomláin (mar % den toirt)	15.00
Íosmhéid nirt alcóil iarbhír (mar % den toirt)	11.00
Íosmhéid aigéadachta iomláine	4.5 i milleachoibhéisí in aghaidh an lítir
Uasmhéid aigéadachta luainí (mar mhilleachoibhéisí in aghaidh an lítir)	18
Uasmhéid dé-ocsaíde sulfair iomláine (mar mhilleagraim in aghaidh an lítir)	200

2.

TUAIRISC THÉACSÚIL GHAIRID

Fíonta dearga – dath dearg an rúibín nó dath dúdhearg an rúibín, agus dea-bholaithe fíneálta cuiríní dubha, fraochán gorm nó miontais, chomh maith le himir fanaile nuair a aosaítear i mbairillí. Tathagach, le dea-bholaithe sútha craobh, sméar dubh, cuiríní dubha, silíní searbha agus prúnaí, agus freisin le blasanna de dheatach nó sillí, uaireanta. Nuair a aosaítear an fíon i mbairillí, tagann imireacha fanaile nó tobac ón dair chun cinn ann. Nuair a bhíonn a n-aigéadacht íseal, is féidir iad a ól mar fhíonta óga; nuair a aibítear ar feadh tréimhse ghearr ama i mbairille iad, athraíonn a ndath go dath glan an rúibín, tagann dea-bholaithe silíní searbha aibí agus torthaí citris orthu, agus bíonn tainniní boga iontu.

Saintréithe anailíseacha ginearálta
Uasmhéid nirt alcóil iomláin (mar % den toirt)	15.00
Íosmhéid nirt alcóil iarbhír (mar % den toirt)	11.00
Íosmhéid aigéadachta iomláine	4.5 i milleachoibhéisí in aghaidh an lítir
Uasmhéid aigéadachta luainí (mar mhilleachoibhéisí in aghaidh an lítir)	20
Uasmhéid dé-ocsaíde sulfair iomláine (mar mhilleagraim in aghaidh an lítir)	150

5.   Cleachtais fíonóireachta

5.1.   Cleachtais fíonóireachta shonracha

1.

Cleachtais fíonóireachta An modh saothraithe — uisciú: ní cheadaítear ach le linn bhlianta triomaigh agus le fógra ó ONPW (An Oifig Náisiúnta um Fhíniúin agus Fhíon); — déine plandála -3 000 fíniúin/heicteár de ghnáth; — glasbhuaint – líon na dtriopall fíonchaoire a laghdú ag tús an aibithe má sháraíonn an táirgeacht ionchasach na huasteorainneacha atá ceadaithe de réir na sonraíochta maidir le fíonta a bhfuil sonrúchán tionscnaimh cláraithe orthu.

5.2.   Uastáirgeacht

1.

buaintear ag lánaibíocht, DOC-CMD, cineálacha Fetească regală agus Riesling Italian 14 000 cileagram fíonchaor in aghaidh an heicteáir

2.

buaintear ag lánaibíocht DOC-CMD, cineál Iordană 17 000 cileagram fíonchaor in aghaidh an heicteáir

3.

buaintear ag lánaibíocht, DOC-CMD, cineál Fetească albă 13 000 cileagram fíonchaor in aghaidh an heicteáir

4.

buaintear ag lánaibíocht, DOC-CMD, cineálacha Sauvignon, Chardonnay, Pinot gris, Riesling de Rhin, Neuburger, agus Furmint 12 000 cileagram fíonchaor in aghaidh an heicteáir

5.

buaintear ag lánaibíocht, DOC-CMD, cineálacha Muscat Ottonel, Cabernet Sauvignon, Pinot noir, Fetească neagră, Merlot, agus Syrah 12 000 cileagram fíonchaor in aghaidh an heicteáir

6.

buaintear ag lánaibíocht, DOC-CMD, cineál Traminer roz 11 000 cileagram fíonchaor in aghaidh an heicteáir

7.

buaintear ag lánaibíocht, DOC-CMD, cineálacha Fetească regală agus Riesling Italian 94 heictilítear in aghaidh an heicteáir

8.

buaintear ag lánaibíocht DOC-CMD, cineál Iordană 119 heictilítear in aghaidh an heicteáir

9.

buaintear ag lánaibíocht, DOC-CMD, cineál Furmint 87 heictilítear in aghaidh an heicteáir

10.

buaintear ag lánaibíocht, DOC-CMD, cineálacha Sauvignon, Pinot gris, Chardonnay, Riesling de Rhin, Neuburger, Traminer roz, agus Muscat Ottonel 80 heictilítear in aghaidh an heicteáir

11.

buaintear ag lánaibíocht, DOC-CMD, cineálacha Cabernet Sauvignon, Pinot noir, Fetească neagră, Merlot agus Syrah 78 heictilítear in aghaidh an heicteáir

6.   Limistéar geografach críochaithe

Contae Alba:

—	baile Sebeș: ceantair Sebeș agus Rahău;

—	bardas Daia Română: sráidbhaile Daia Română;

—	bardas Câlnic: sráidbhailte Câlnic, Cut agus Deal;

—	bardas Gârbova: sráidbhailte Gârbova, Reciu agus Cărpiniş;

—	bardas of Şpring: sráidbhailte Vingard agus Şpring;

contae Sibiu:

—	bardas Miercurea Sibiului: sráidbhailte Miercurea Sibiului, Apoldu de Sus agus Dobârca;

—	bardas Ludoş: sráidbhailte Ludoş agus Guşu;

—	bardas Apoldu de Jos: - bardas Apoldu de Jos agus Săngătin;

—	bardas Cristian: -Sráidbhaile Cristian;

—	bardas Sălişte: sráidbhailte Aciliu, Amnaş agus Sălişte;

—	bardas Loamneş: sráidbhailte Loamneş, Alămor, Armeni, Haşag, Mândra agus Sădinca;

—	bardas Păuca: sráidbhailte Păuca, Bogatu Român, Broşteni agus Presaca.

7.   Cineál/cineálacha fíniúna

Cabernet-Sauvignon N - Petit Vidure, Burdeos tinto

Chardonnay B - Gentil blanc, Pinot blanc, Chardonnay

Fetească albă B - Păsărească albă, Poama fetei, Mädchentraube, Leanyka, Leanka

Fetească neagră N - Schwarze Mädchentraube, Poama fetei neagră, Păsărească neagră, Coada rândunicii

Fetească regală B - Königliche Mädchentraube, Königsast, Kiralyleanka, Dănășană, Galbenă de Ardeal

Furmint B - Furmin, Şom szalai, Tokay, Szegszolo

Iordană B - Iordovană, Iordan

Merlot N - Bigney rouge, Plant Medoc

Muscat Ottonel B – Muscat Ottonel blanc

Neuburger B - Neuburg

Pinot Gris G - Affumé, Grauer Burgunder, Grauburgunder, Grauer Mönch, Pinot cendré, Pinot Grigio, Ruländer

Pinot noir N - Blauer Spätburgunder, Blauer Burgunder, Burgund mic, Burgunder roter, Klăvner Morillon Noir

Pinot Noir N - Spätburgunder, Pinot nero

Riesling Italian B - Olasz Riesling, Olaszriesling, Welschriesling

Syrah N - Shiraz, Petit Syrah

Traminer Rose Rs - Rosetraminer, Savagnin Rose, Gewürztraminer

8.   Tuairisc ar an nasc (na naisc)

8.1.   Nasc leis an limistéar críochaithe – sonraí an cheantair

Tá na fíonghoirt suite i ndoilíní cnocacha Sebes-Secaş agus Apold, mar a mbuaileann Ardchlár Secaș le Sléibhte Șurian-Cindrel.

Cuimsíonn an topagrafaíocht idirdhromanna cnocacha píodmant, síneadh Chnoic Orăștie agus Gârbova ó thuaidh ag bun Shléibhte Cindrel agus síneadh an ardchláir ó theas agus cnoic Ardchlár Secaș timpeall air.

Tá an tír-raon dealbhaithe bainteach leis an rilíf a tháinig chun cinn diaidh ar ndiaidh feadh na bpríomhghleannta: lochtáin, mánna snaíochair agus tulsnaíochair agus leapacha abhann leithne. Tá an talamh seo an-oiriúnach chun fíonchaora a shaothrú.

Cuirtear na fíonghoirt de ghnáth ar na fánaí theas, thoir theas nó thiar theas, agus sna gleannta idir cnoic, áit a bhféadann na fíniúnacha teas agus solas a aimsiú.

Bíonn an mheánfhrasaíocht thaifeadta 550-600 mm/bliain sna gleannta (550 i gConair Mureș, 569 i Sebeș, 600-650 ar mhullaí na gcnoc agus i nGleann Apold) ag baint uasmhéid amach idir mí na Bealtaine agus mí Lúnasa agus ag baint íosmhéid amach ó Mheán Fómhair go dtí an geimhreadh, nuair a bhíonn sneachta i réim de ghnáth ar feadh idir 30 agus 60 lá ar an meán.

Tá an bhogthaise choibhneasta idir 60 % agus 80 %, rud a chiallaíonn go bhfuil na dálaí is fearr ann chun gur féidir leis na fíniúnacha fás agus toradh a thabhairt.

8.2.   Nasc leis an limistéar críochaithe – sonraí an táirge

Is iad saintréithe na bhfíonta geala torthaíocht, saintréithe fíona, úire thipiciúil mar thoradh ar aigéadacht níos airde, bríomhaire, bolaithe torthaí, meala, muisc, almóinní agus spíonáin, aigéadacht chothrom, a chuireann uaireanta le torthaíocht shainiúil, nó aigéadacht níos airde san fhíon a fhéadann blasanna de thorthaí (seadóga, pomalónna, piobair ghlasa) a thabhairt agus ag a bhfuil dea-bholaithe tánaisteacha ó choipeadh bananaí agus papánna.

Tá siad an-oiriúnach d’aosú i mbairillí adhmaid nó sa bhuidéal. Bíonn dath buí éadrom mar dhath sonrach orthu de ghnáth, athraíonn an dath sin go dath glas-buí, nó glas-buí le himireacha órga.

Fíonta dearga – dath dearg an rúibín nó dath dúdhearg an rúibín, agus dea-bholaithe fíneálta cuiríní dubha nó fraochán gorm chomh maith le himir fanaile nuair a aosaítear i mbairillí. Tathagach, le dea-bholaithe sútha craobh, sméar dubh, cuiríní dubh, silíní searbha agus prúnaí, agus freisin le blasanna de dheatach nó sillí, uaireanta. Nuair a aosaítear an fíon i mbairillí, tagann imireacha fanaile nó tobac ón dair chun cinn ann.

Nuair a aibítear ar feadh tréimhse ghearr ama i mbairille iad, athraíonn a ndath go dath glan an rúibín, tagann dea-bholaithe silíní searbha aibí agus torthaí citris orthu, agus bíonn tainniní boga iontu.

8.3.   Nasc leis an limistéar críochaithe - idirghníomhaíocht chúisíoch

Aeráid mheasartha chaighdeánach atá san aeráid, a bhíonn measartha ilchríochach sna cnoic, le roinnt foirceann ag bun chonairí Mureș agus Sebes-Secaș, agus mar shaintréithe den aeráid sin bíonn geimhrí garbha agus seaca, samhraí réasúnta te, earraigh luatha, agus fómhar te a leanann ar aghaidh go dtí go mbíonn cuid mhaith de mhí Dheireadh Fómhair thart, rud a chothaíonn fás láidir; aibítear na fíonchaora agus carntar na fíonchaora go mall, ar an mbealach sin ligtear do na dea-bholaithe teacht chun cinn agus úire agus bríomhaire shonrach a chaomhnú trí bhíthin na haigéadachta beagán níos airde, go háirithe i gcás na bhfíonta ag a bhfuil dea-bholaithe bláthacha agus torthaíocha sainiúla.

Le linn thréimhse aibithe na bhfíonchaor, bíonn na meánteochtaí lae thart ar 23 oC agus bíonn na meánteochtaí oíche thart ar 12 oC, rud a chuireann le méadú leanúnach ar an ábhar siúcra, agus tagann laghdú ar an aigéadacht, nó fanann sé seasmhach nó beagnach seasmhach.

Tá raon leathan de chineálacha agus fochineálacha ithreach san fhíonghort seo: ithreacha, a chuimsíonn ithreacha cré inláisteacha donna agus podsalacha, a bhfuil bréag-reinsíní ar léibhinn feadh na ngleannta fite fuaite iontu, chomh maith le mollasail seornaiseoim agus ithreacha seornaiseoim cambacha, a bhfuil gléireach i gcodanna díobh. Tá reigeasail agus ithreacha creimthe ag na fánaí atá nochta do chreimeadh níos déine agus na hithreacha neamhchriosacha. Moltar na hithreacha sin don fhíonsaothrú, mar thoradh ar éifeacht fhosaithe ithreach na fíniúna de thoradh fréamhacha doimhne, léibheannaithe agus leasacháin.

9.   Coinníollacha breise fíor-riachtanacha (pacáistiú, lipéadú, ceanglais eile)

Maolú maidir le fíonóireacht

Creat dlíthiúil:

I Reachtaíocht an Aontais

An cineál coinníll bhreise:

Maolú maidir le táirgeadh sa limistéar geografach críochaithe

Tuairisc ar an gcoinníoll:

De mhaolú, féadtar úrfhíonta agus/nó fíonta atá déanta as fíonchaora a bhuaintear go heisiach i bhfíonghoirt atá suite i limistéar críochaithe STFC Sebes-Apold agus a bheidh clúdaithe ag STFC Sebes-Apold a phróiseáil in áitribh atá suite in aonad riaracháin comharsanach ag a bhfuil an acmhainn riachtanach fíonóireachta (ar an mbealach sin áirithítear go gcaomhnaítear cáilíocht an fhíona a fhaightear i limistéar STFC Sebes-Apold), is é sin Contae Alba, atá ina aonad riaracháin comharsanach agus atá ina chuid freisin de limistéar táirgthe STFC Târnave (aonaid riaracháin chóngaracha chun fíonta ar ardchaighdeán a tháirgeadh agus a phróiseáil).

An fhíonóireacht

Creat dlíthiúil:

I Reachtaíocht an Aontais

An cineál coinníll bhreise:

Maolú maidir le táirgeadh sa limistéar geografach críochaithe

Tuairisc ar an gcoinníoll:

Mar eisceacht, féadfar gléghlanadh agus buidéalú fíona a dhéanamh lasmuigh den limistéar táirgthe fíonchaoire, ar choinníoll go dtugtar fógra don údarás inniúil atá i gceannas ar STFC Sebes-Apold, agus faoi réir fhaomhadh an eagraíocht áitiúil táirgeoirí le haghaidh fíonta ag a bhfuil sonrúchán tionscnaimh cláraithe. Sna cásanna sin, tá sé éigeantach an buidéalaí agus an t-ionad buidéalaithe a chomharthú ar an lipéad.

Nasc chuig an tsonraíocht táirge

https://www.onvpv.ro/sites/default/files/caiet_sarcini_doc_sebes-apold_modif_cf_cerere_1155_25.07.2014_si_1475_22.07.2022_no_track_changes_1.pdf

---

(1)  IO L 9, 11.1.2019, lch. 2.

Ceartúchán ar Public holidays 2023

( Iris Oifigiúil an Aontais Eorpaigh C 39 an 1 Feabhra 2023 )

(2023/C 113/14)

Ar leathanach 20 i sraith 3:

in ionad:

léitear: