FAISNÉIS Ó INSTITIÚIDÍ, Ó CHOMHLACHTAÍ, Ó OIFIGÍ, AGUS Ó GHNÍOMHAIREACHTAÍ AN AONTAIS EORPAIGH

13.3.2023

Iris Oifigiúil an Aontais Eorpaigh

C 93/2

FÓGRA ÓN GCOIMISIÚN

Clár oibre bliantúil 2023 an Aontais um chaighdeánú Eorpach

(2023/C 93/02)

Faoi Airteagal 8 de Rialachán (AE) Uimh. 1025/2012 (1) maidir le Caighdeánú Eorpach, ní mór don Choimisiún “clár oibre bliantúil an Aontais um chaighdeánú Eorpach” a ghlacadh.

Sainaithnítear san Fhógra seo ón gCoimisiún na caighdeáin Eorpacha agus na táirgí Eorpacha caighdeánúcháin a bhfuil sé beartaithe ag an gCoimisiún iad a iarraidh le haghaidh 2023, mar aon le cuspóirí agus beartais shonracha maidir leis na caighdeáin agus na táirgí sin (féach an Iarscríbhinn).

Tá gníomhaíocht chaighdeánúcháin seo an Aontais leabaithe i mbeartais an Aontais agus rannchuidíonn sí le neartú ról an Aontais mar bhunaitheoir caighdeán domhanda a áiritheoidh Margadh Aonair digiteach athléimneach glas. Tacaíonn sí le cur chun feidhme tosaíochtaí beartais amhail:

—	an Comhaontú Glas don Eoraip,

—	Deacáid Dhigiteach na hEorpa,

—	straitéis nua tionsclaíochta an Choimisiúin, agus

—	Eoraip níos láidre sa domhan.

Tacaíonn na caighdeáin leis na beartais sin chun a áirithiú go mbíonn táirgí agus seirbhísí an Aontais iomaíoch ar fud an domhain, agus go gcuirtear breathnaithe úrscothacha san áireamh agus iad á dtáirgeadh ó thaobh na sábháilteachta, na slándála, na sláinte agus an chomhshaoil de agus ó thaobh bhaint amach spriocanna forbartha inbhuanaithe na Náisiún Aontaithe de. I bhfianaise an teanntáis mhéadaithigh atá léirithe ag roinnt gníomhaithe sna próisis chaighdeánúcháin idirnáisiúnta, agus i bhfianaise polaitithe mhéadaithigh na gcaighdeán, le clár oibre bliantúil 2023 an Aontais Eorpaigh um chaighdeánú Eorpach leantar de chur chuige níos straitéisí i leagan síos na gcaighdeán, rud a neartaíonn glór an Aontais mar cheannaire sa chaighdeánú domhanda.

San Iarscríbhinn a ghabhann leis an bhFógra seo leagtar amach gníomhaíochtaí chun caighdeáin Eorpacha, nó táirgí Eorpacha caighdeánúcháin, a fhorbairt agus a athbhreithniú, gníomhaíochtaí is gá agus is iomchuí chun tacú le reachtaíocht agus beartais an Aontais agus a neartaíonn, sa chaoi sin, ról ceannasach an Aontais i leagan síos na gcaighdeán domhanda. I gcomhréir le straitéis chaighdeánúcháin (2) an 2 Feabhra 2022, ón mbliain seo ar aghaidh beidh an Coimisiún ag leagan amach liosta tosaíochtaí ina chlár bliantúil AE um chaighdeánú Eorpach chun tacú le beartais chriticiúla ar cuí aird bhreise a thabhairt orthu sa chóras caighdeánúcháin Eorpach. I mbliana, shainaithin an Coimisiún mar thosaíochtaí beartais na gníomhaíochtaí caighdeánúcháin maidir leis an hidrigin, an ghrianchumhacht leictreach, an pas táirge digiteach, na hamhábhair chriticiúla, an chibearshlándáil, na teicneolaíochtaí candamacha, agus cur i bhfeidhm an Ghnímh um Sheirbhísí Digiteacha.

Ar an leibhéal idirnáisiúnta, leanfaidh an Coimisiún den chomhar le comhpháirtithe idirnáisiúnta maidir leis an gcaighdeánú, comhar a léirítear go maith sna comhpháirtíochtaí digiteacha leis an tSeapáin, leis an gCóiré Theas agus le Singeapór, sa Chomhairle Trádála agus Teicneolaíochta idir an tAontas agus na Stáit Aontaithe, agus in G7 (an “Grúpa Seacht”). Tabharfaidh an Coimisiún tuilleadh tacaíochta do phróisis chaighdeánúcháin idirnáisiúnta i gcomhréir le prionsabail na hEagraíochta Domhanda Trádála, amhail an oscailteacht, an trédhearcacht, an neamhchlaontacht, agus an chomhthoil. Ní lú tábhacht ról an chomhair idirnáisiúnta um thaighde agus nuálaíocht chun ról ceannasach an Aontais mar bhunaitheoir caighdeán domhanda a chur chun cinn, rud a sainaithníodh sa Chur Chuige Domhanda i leith an Taighde agus na Nuálaíochta (3).

I gcás gach comhaontaithe shaorthrádála a chaibidlíonn an Coimisiún, cuirfidh sé ar son an caighdeánú a bheith mar chuid bhunúsach den chaibidil i ndáil le bacainní teicniúla ar thrádáil agus leis na dea-chleachtais rialála. Maille leis sin, leanfaidh an Coimisiún den idirphlé le tíortha eile chun réimsí féideartha comhair maidir le dúshláin dhomhanda a fhiosrú.

(1) Rialachán (AE) Uimh. 1025/2012 ó Pharlaimint na hEorpa agus ón gComhairle an 25 Deireadh Fómhair 2012 maidir le caighdeánú Eorpach, lena leasaítear Treoracha 89/686/CEE agus 93/15/CEE ón gComhairle agus Treoracha 94/9/CE, 94/25/CE, 95/16/CE, 97/23/CE, 98/34/CE, 2004/22/CE, 2007/23/CE, 2009/23/CE agus 2009/105/CE ó Pharlaimint na hEorpa agus ón gComhairle agus lena n-aisghairtear Cinneadh 87/95/CEE ón gComhairle agus Cinneadh Uimh. 1673/2006/CE ó Pharlaimint na hEorpa agus ón gComhairle (IO L 316, 14.11.2012, lgh. 12).

(2) COM(2022) 31.

(3) COM(2021) 252

ARSCRÍBHINN

Forléargas

I gclár oibre bliantúil 2023 an Aontais um chaighdeánú Eorpach tá 84 ghníomhaíocht agus iad roinnte ina gceithre phríomhchatagóir:

—	An t-aistriú glas

—	An t-aistriú digiteach

—	Athléimneacht na dtionscal Eorpach

—	An margadh inmheánach do tháirgí agus seirbhísí

Áirítear ar thosaíochtaí straitéiseacha 2023:

1.	Bonneagar, tacaíocht agus stóráil hidrigine (Gníomhaíochtaí 1, 2)

2.	Comhtháthú na grianchumhachta leictrí sa chóras fuinnimh - fótavoltach (Gníomhaíocht 3)

3.	Taiscéalaíocht, eastóscadh, scagadh agus athchúrsáil na n-amhábhar criticiúil (Gníomhaíocht 4)

4.	Riachtanais chibearshlándála agus inrochtaineachta (Gníomhaíochtaí 5-6)

5.	Cur chun úsáide an phas táirge dhigitigh (Gníomhaíocht 7)

6.	Teicneolaíochtaí le haghaidh ríomhaireacht ardfheidhmíochta Eorpach agus le haghaidh bonneagar Eorpach cumarsáide candamaí (Gníomhaíocht 8)

7.	An Gníomh um Sheirbhísí Digiteacha a chur i bhfeidhm trí mheáin teicneolaíochta (Gníomhaíocht 9)

8.	Malartú iontaofa sonraí (Gníomhaíochtaí 10-13)

9.	Sábháilteacht na dteaschaidéal (Gníomhaíocht 14)

Is é is aidhm do na gníomhaíochtaí maidir leis an aistriú glas tacú leis an méid seo a leanas:

An t-aistriú fuinnimh agus laghdú úsáid an fhuinnimh

—	Trádáil agus tomhaltas trasteorann bithmheatáin (Gníomhaíocht 15)

—	An éicidhearthóireacht agus ceangaltais lipéidithe fuinnimh chun an tomhaltas fuinnimh a laghdú (Gníomhaíochtaí 16-42)

—	Feabhas a chur ar ghlasú agus ar athléimneacht aeráide na bhfoirgneamh agus na n-ábhar tógála (Gníomhaíochtaí 43-46)

—	Úsáid na stáisiún luchtaithe leictreach a éascú do dhaoine faoi mhíchumas (Gníomhaíocht 47)

—	Luchtairí uilíocha gan sreang le haghaidh gutháin phóca (Gníomhaíocht 48)

Cáilíocht an chomhshaoil

—	Feidhmíocht chomhshaoil na gceallraí agus srian ar shubstaintí guaiseacha i dtrealamh leictreach agus leictreonach (Gníomhaíochtaí 49-50)

—	Dearadh ciorclach, táirgeadh, athúsáid agus athchúrsáil le haghaidh feithiclí agus a gcomhpháirteanna (Gníomhaíocht 51)

—	Cáilíocht an aeir chomhthimpeallaigh (Gníomhaíochtaí 52-54)

—	Laghdú na n-astaíochtaí meatáin (Gníomhaíocht 55)

—	Cáilíocht an uisce, cóireáil an fhuíolluisce agus laghdú na micreaphlaisteach a scaoiltear sa chomhshaol (Gníomhaíochtaí 56-58)

Is é is aidhm do na gníomhaíochtaí maidir leis an aistriú digiteach tacú leis an méid seo a leanas (1):

Slándáil, sábháilteacht agus inrochtaineacht

—	Sábháilteacht agus inrochtaineacht na hintleachta saorga (Gníomhaíocht 59)

—	Fíorú aoise ar líne (Gníomhaíocht 60)

Teicneolaíochtaí TFC nua a chur chun úsáide

—	Idir-inoibritheacht idirlíon na rudaí nithiúla san imeall-ríomhaireacht agus sa ríomhaireacht shaithe (Gníomhaíocht 61)

—	Mórleabhair leictreonacha agus an bonneagar Eorpach um sheirbhísí blocshlabhra a chur chun úsáide (Gníomhaíochtaí 62-63)

—	Idir-inoibritheacht na spásanna sonraí a úsáidtear i gcathracha cliste an Aontais Eorpaigh – cúplaí digiteacha (Gníomhaíocht 64)

Is é is aidhm do na gníomhaíochtaí maidir leis an athléimneacht tacú leis an méid seo a leanas:

Amhábhair chriticiúla

—	Feidhmeanna agus il-ábhair nua le haghaidh monarú suimitheach (Gníomhaíocht 65)

—	Amhábhair chriticiúla le haghaidh ceallraí (Gníomhaíocht 66)

—	Infhaighteacht na n-ábhar is gá chun vacsaíní a tháirgeadh (Gníomhaíocht 67)

Córas satailíte agus bonneagar spáis Eorpach

—	Córas cumarsáide satailíte slán Eorpach a bhunú (Gníomhaíocht 68)

—	An bonneagar spáis Eorpach a chosaint agus roghnú na sonraí spáis agus na seirbhísí spáis ar an margadh a mhéadú (Gníomhaíocht 69)

Tacaíonn na gníomhaíochtaí maidir leis an margadh inmheánach do tháirgí agus seirbhísí leis an méid seo a leanas:

An cháilíocht, an tsábháilteacht, agus rochtain le haghaidh FBManna

—	Cáilíocht agus sábháilteacht na bhfeistí leighis (Gníomhaíocht 70)

—	Sábháilteacht na mbréagán (Gníomhaíocht 71)

—	Sábháilteacht an bhrú-threalaimh a fheabhsú agus rochtain na FBManna air a éascú (Gníomhaíocht 72)

—	Rochtain ag FBManna ar mhargadh na n-árthach brú simplí a éascú (Gníomhaíocht 73)

—	Sábháilteacht innealra (Gníomhaíocht 74)

—	Sábháilteacht na n-ardaitheoirí (Gníomhaíocht 75)

—	Sábháilteacht na suiteálacha cábla-bhealaigh (Gníomhaíocht 76)

—	Sábháilteacht fearas a dhónn breoslaí gásacha (Gníomhaíocht 77)

—	Sábháilteacht na dtáirgí tomhaltais (Gníomhaíocht 78)

—	Na riachtanais sábháilteachta le haghaidh trealamh raidió a choinneáil ar bun tar éis nuashonrú bogearra (Gníomhaíocht 79)

—	Trealamh atá ceaptha lena úsáid in atmaisféir a d’fhéadfadh a bheith pléascach (Gníomhaíocht 80)

—	Trealamh cosanta pearsanta (Gníomhaíocht 81)

—	Caighdeáin chomhchuibhithe a bheidh cuimsitheach agus a bheidh freagrúil ó thaobh inscne de (Gníomhaíocht 82)

Idir-inoibritheacht agus iontaofacht

—	Córais tomhais chearta inrianaithe chun an pobal a chosaint ar thomhas mícheart (Gníomhaíocht 83)

—	Idir-inoibritheacht an chórais iarnróid (Gníomhaíocht 84)

—	Foclóir sonraí le haghaidh seirbhísí airgeadais (Gníomhaíocht 85)

Seirbhísí agus trádáil trasteorann

—	Deireadh a chur leis an tástáil bhreise ar choincréit réamhtheilgthe agus ar tháirgí struchtúracha miotalacha (Gníomhaíochtaí 86-87)

—	Margadh seirbhísí le haghaidh trealamh oifige (Gníomhaíocht 88)

Gníomhaíochtaí chun caighdeáin Eorpacha nó táirgí Eorpacha caighdeánúcháin a thacaíonn leis na tosaíochtaí straitéiseacha a fhorbairt agus a athbhreithniú

Tagairt

Teideal

Tagairt

Caighdeáin Eorpacha / táirgí Eorpacha caighdeánúcháin

Cuspóirí agus beartais shonracha maidir le caighdeáin Eorpacha / táirgí Eorpacha caighdeánúcháin

Teicneolaíochtaí agus comhpháirteanna hidrigine

COM(2021) 804 final - Proposal for a Regulation on the internal markets for renewable and natural gases and for hydrogen [Togra le haghaidh Rialachán maidir leis na margaí inmheánacha le haghaidh gáis in-athnuaite agus gáis nádúrtha agus hidrigine]

COM(2021) 557 final - Togra le haghaidh Treoir lena leasaítear Treoir (AE) 2018/2001 a mhéid a bhaineann le fuinneamh ó fhoinsí in-athnuaite a chur chun cinn

Caighdeáin Eorpacha a fhorbairt um cháilíocht, teicneolaíocht agus sábháilteacht maidir le monarú agus úsáid hidrigine.

Feabhas a chur ar fhorbairt agus cothabháil an bhonneagair hidrigine agus comhpháirteanna teicneolaíochta ar an margadh aonair.

Iompar agus stóráil hidrigine

Rialachán (AE) 2022/869 maidir le treoirlínte le haghaidh bonneagar tras-Eorpach fuinnimh

COM(2021) 803 final - Proposal for a Directive on common rules for the internal markets in renewable and natural gases and in hydrogen [Togra le haghaidh Treoir maidir le comhrialacha do na margaí inmheánacha sa ghás in-athnuaite agus nádúrtha agus sa hidrigin]

Caighdeáin Eorpacha atá ann cheana maidir le cáilíocht agus sábháilteacht na hidrigine a athbhreithniú agus caighdeáin nua a fhorbairt – rud atá ábhartha maidir le hinstealladh isteach san eangach hidrigine tiomnaithe, agus maidir le húsáidí deiridh, lena n-áirítear breoslaí hidrigin-bhunaithe.

Uas-scálú na modhanna iompair agus stórála le haghaidh hidrigine a éascú agus a chur chun cinn, rud a éascóidh an t-athrú ó bhreoslaí agus amhábhair iontaise in earnálacha is deacair a dhícharbónú.

Teicneolaíochtaí srutha dhírigh ísealvóltais

COM(2022) 221 final - Straitéis an Aontais um an nGrianfhuinneamh

Caighdeáin Eorpacha agus táirgí Eorpacha caighdeánúcháin a fhorbairt a thacaíonn le comhtháthú na grianchumhachta leictrí sa chóras fuinnimh.

Rannchuidiú le cur chun úsáide gasta na dteicneolaíochtaí fótavoltacha agus na dteicneolaíochtaí teirmeacha gréine.

Amhábhair chriticiúla

PLAN/2022/1733 An Gníomh Eorpach um Amhábhair Chriticiúla

Caighdeáin Eorpacha agus táirgí Eorpacha caighdeánúcháin a fhorbairt a thacaíonn le taiscéalaíocht, eastóscadh, scagadh agus athchúrsáil na n-amhábhar criticiúil.

Is é is aidhm don ghníomhaíocht slabhra luacha amhábhar criticiúil an Aontais a neartú chun tacú leis an aistriú glas agus leis an aistriú digiteach agus athléimneacht an Aontais a fhódú.

Ceanglais chibearshlándála le haghaidh táirgí a bhfuil eilimintí digiteacha acu

COM(2022)454 - Togra le haghaidh Rialachán maidir le ceanglais chothrománacha chibearshlándála le haghaidh táirgí a bhfuil eilimintí digiteacha acu agus lena leasaítear Rialachán (AE) 2019/1020 (An Gníomh um Chibear-Athléimneachta)

Caighdeáin Eorpacha agus táirgí Eorpacha caighdeánúcháin a fhorbairt a chomhfhreagraíonn do shonraíochtaí bunriachtanacha cibearshlándála mar a leagtar amach sa Ghníomh um Chibear-Athléimneachta, agus go háirithe maidir leis an méid seo a leanas:

(i)	sonraíochtaí slándála a bhaineann le hairíonna táirgí a bhfuil eilimintí digiteacha acu agus sonraíochtaí láimhseála leochaileachtaí

(ii)	modheolaíochtaí maidir le leibhéil dearbhaithe a bhaineann le táirgí a bhfuil eilimintí digiteacha acu de réir mar a luaitear thuas;

(iii)

modheolaíochtaí meastóireachta chun meastóireacht a dhéanamh ar rioscaí cibearshlándála a bhaineann le táirgí a bhfuil eilimintí digiteacha acu.

Is é an príomhchuspóir dálaí a chruthú ina bhféadfar táirgí slána a bhfuil gnéithe digiteacha acu a fhorbairt trína áirithiú go gcuirtear táirgí bogearraí agus crua-earraí ar an margadh gan an oiread sin leochaileachtaí iontu agus atá iontu faoi láthair agus trína áirithiú go ndéanann monaróirí cúram den tslándáil ar feadh shaolré an táirge.

Ceanglais inrochtaineachta le haghaidh suímh ghréasáin agus aipeanna móibíleacha

Treoir (AE) 2019/882 i ndáil leis na ceanglais inrochtaineachta le haghaidh táirgí agus seirbhísí,

Treoir (AE) 2016/2102 maidir le hinrochtaineacht suíomh gréasáin agus feidhmchlár móibíleach de chuid comhlachtaí san earnáil phoiblí

Caighdeáin EN 301 549 , EN 17210 agus EN 17161 a athbhreithniú mar aon le tuarascálacha teicniúla CEN/CLC/ETSI TR 101551 agus CEN/CLC/ETSI TR 101552. Maille leis sin, trí chaighdeán chomhchuibhithe nua a fhorbairt chun tacú le M/587 — C(2022)6456. Ní mór na forbairtí is déanaí sna réimsí ábhartha a chur san áireamh.

Inrochtaineacht TFC a mhéadú, lena n-áirítear suímh ghréasáin agus feidhmchláir mhóibíleacha, freagairtí ar na seirbhísí éigeandála (112), faisnéis neamhdhigiteach agus seirbhísí tacaíochta do dhaoine faoi mhíchumas.

Pas táirge digiteach

COM(2022) 142 final -Togra le haghaidh Rialachán lena mbunaítear creat chun ceanglais éicidhearthóireachta le haghaidh táirgí inbhuanaithe a leagan síos

Caighdeáin le haghaidh chur chun úsáide an phas táirge dhigitigh a fhorbairt nó a athbhreithniú. Bainfidh na tacair sin caighdeán agus prótacal leis na réimsí seo a leanas:

—	Iompróirí sonraí agus aitheantóirí uathúla

—	Bainistíocht ceart rochtana

—	Idir-inoibritheacht (teicniúil, séimeantach, eagraíochtúil), lena n-áirítear prótacail agus formáidí malartaithe sonraí

—	Stóráil sonraí

—	Próiseáil sonraí (ionchur, modhnú, nuashonrú)

—	Fíorú, iontaofacht agus sláine sonraí

—	Slándáil agus príobháideachas sonraí.

Is é is aidhm don ghníomhaíocht cuidiú le tomhaltóirí roghanna feasacha a dhéanamh, ligean do ghníomhaithe eile amhail deisitheoirí nó athchúrsálaithe rochtain a fháil ar fhaisnéis ábhartha, agus a chur ar a gcumas do na húdaráis náisiúnta inniúla a ndualgais a chur i gcrích. Tá sé i gceist an méid sin a dhéanamh trí fhaisnéis faoi tháirgí a chur ar fáil do ghníomhaithe feadh an tslabhra luacha ina iomláine.

Teicneolaíochtaí candamacha

COM(2021) 118 final/2 - 2030 Digital Compass: the European way for the Digital Decade

Caighdeáin Eorpacha a fhorbairt maidir le slabhraí soláthair le haghaidh ailtireachtaí cumarsáide agus ríomhairí candamacha modúlacha, agus le haghaidh na dteicneolaíochtaí a bhaineann leo a chumasaíonn ríomhaireacht ardfheidhmíochta Eorpach agus bonneagar cumarsáide candamaí Eorpach.

Caighdeáin nua Eorpacha a fhorbairt maidir le sábháilteacht, príobháideachas agus cibearshlándáil na teicneolaíochta cumarsáide agus na ríomhaireachta candamaí, nó caighdeáin atá ann cheana maidir leo a athbhreithniú.

Caighdeáin Eorpacha a fhorbairt maidir le slabhraí soláthair le haghaidh feistí foinse, bhraite agus mhéadreolaíochta chandamacha.

Is iad seo a leanas na príomhchuspóirí:

(i)	A áirithiú go mbaileofar riachtanais chaighdeánúcháin an tionscail (gnólachtaí nuathionscanta, FBManna, tionscail mhóra, etc.) go córasach agus gníomhaíochtaí caighdeánúcháin a chur chun cinn i measc saineolaithe sa tionscal chun tacú le gníomhaíochtaí caighdeánúcháin.

(ii)

Cáilíocht, sábháilteacht agus slándáil tháirgí agus sheirbhísí na dteicneolaíochtaí candamacha a áirithiú mar lena n-idir-inoibritheacht, rud atá riachtanach le haghaidh fhorbairt (tráchtála) na dteicneolaíochtaí candamacha agus chur chun úsáide na mbonneagar uile-Aontais, agus an mhuinín a chothú i measc díoltóirí, custaiméirí agus soláthraithe seirbhíse.

(iii)

An caighdeánú a chur chun cinn i gcomhréir le beartais an Aontais.

Seirbhísí digiteacha

COM(2020) 825 final - Togra le haghaidh Rialachán maidir le Margadh Aonair do Sheirbhísí Digiteacha (an Gníomh um Sheirbhísí Digiteacha)

Na caighdeáin Eorpacha atá ann cheana a thacaíonn leis na hábhair a liostaítear in Airteagal 34 den Ghníomh um Sheirbhísí Digiteacha a athbhreithniú agus cinn nua a fhorbairt.

Is é is aidhm don ghníomhaíocht sin cur i bhfeidhm éifeachtach comhsheasmhach a éascú le haghaidh na n-oibleagáidí sa Ghníomh um Sheirbhísí Digiteacha a bhféadfaidh cur chun feidhme teicneolaíoch a bheith ag teastáil dóibh.

Conarthaí cliste

Togra le haghaidh RIALACHÁN Ó PHARLAIMINT NA hEORPA AGUS ÓN gCOMHAIRLE i ndáil le rialacha comhchuibhithe maidir le rochtain chothrom ar shonraí agus maidir le húsáid chothrom sonraí (An Ionstraim um Shonraí), COM(2022) 68 final

Caighdeáin Eorpacha agus táirgí Eorpacha caighdeánúcháin a fhorbairt lena gcomhlíontar ceanglais riachtanacha áirithe maidir le conarthaí cliste, mar a leagtar amach san Ionstraim um Shonraí atá ar na bacáin.

Is é an phríomhaidhm a áirithiú go mbeidh na conarthaí cliste a úsáidtear le haghaidh comhroinnt sonraí iontaofa agus idir-inoibritheach, ionas gur féidir iad a úsáid chun tacú le malartú agus comhthiomsú sonraí.

Sa bhreis air sin, éascóidh na caighdeáin sin soláthar tráchtála agus réamhthráchtála feidhmchlár teicneolaíochta mórleabhar digiteach blocshlabhra.

Soláthar poiblí

Treoir 2014/24/AE maidir le soláthar poiblí

Caighdeáin Eorpacha a fhorbairt maidir le saolré an ríomhsholáthair ó cheann go ceann, chun an idir-inoibritheacht idir formáidí nó próisis theicniúla éagsúla agus cur teachtaireachtaí a áirithiú nó a fheabhsú.

Is é is aidhm don ghníomhaíocht deireadh a chur le bacainní ar idir-inoibritheacht an ríomhsholáthair, ní amháin laistigh de gach Ballstát ach idir na Ballstáit go háirithe.

Sonraí a chomhroinnt

Togra le haghaidh Rialachán ó Pharlaimint na hEorpa agus ón gComhairle i ndáil le rialacha comhchuibhithe maidir le rochtain chothrom ar shonraí agus maidir le húsáid chothrom sonraí (An Ionstraim um Shonraí), COM(2022) 68 final

Caighdeáin, sonraíochtaí agus treoirlínte a fhorbairt le haghaidh idir-inoibritheacht sonraí agus comhroinnt sonraí i gcomhréir le cuspóirí na hIonstraime um Shonraí, lena sonraítear sonraíochtaí fíor-riachtanacha le haghaidh idir-inoibritheachta, agus leis an gcaibidil maidir le geilleagar na sonraí sa phlean rollach le haghaidh chaighdeánú TFC. Ba cheart an sruth oibre sin a bheith bunaithe ar an obair maidir le tosaíochtaí a thabhairt do chaighdeán a dhéanann an Bord Eorpach um Nuálaíocht Sonraí, mar a shainítear sa Ghníomh um Rialachas Sonraí. Ba cheart breathnú, mar chuid de, ar an obair atá á déanamh chun na spásanna coiteanna sonraí Eorpacha a chur chun feidhme, lena n-áirítear a spásanna sonraí earnála.

Is é an príomhchuspóir a áirithiú go bhfeidhmíonn an idir-inoibritheacht maidir le gnéithe éagsúla na sonraí sa chaoi go mbeidh rochtain, comhroinnt agus cónascadh na sonraí rianúil.

Is cuspóirí sonracha iad, i gcás nach féidir idir-inoibritheacht leormhaith a bhaint amach faoi na caighdeáin atá ann cheana, caighdeáin, sonraíochtaí agus treoirlínte a fhorbairt maidir le hidir-inoibritheacht sonraí, cónascadh néal go himeall na n-ardán sonraí, seirbhísí próiseála sonraí agus spásanna sonraí.

Seirbhís Eorpach ríomhbhailiúcháin dolaí

Treoir (AE) 2019/520 maidir le hidir-inoibritheacht na gcóras leictreonach dolaí bóthair agus lena n-éascaítear malartú trasteorann faisnéise faoi mhainneachtain dolaí a íoc san Aontas

Nuashonrú ar na caighdeáin Eorpacha atá ann cheana maidir le comhéadain leictreonacha lena n-úsáid ag soláthraithe sheirbhís dolaí leictreonacha na hEorpa agus ag muirearóirí dolaí, lena n-áireofar teicneolaíocht uathaitheanta uimhirphlátaí ar na teicneolaíochtaí a úsáidtear chun ríomh-idirbhearta dolaí a dhéanamh.

Is é an príomhchuspóir idir-inoibritheacht láidir na gcóras leictreonach dolaí bóthair a áirithiú le haghaidh úsáideoirí ar fud an Aontais mar aon le hiomaíocht chomhionann idir na hoibritheoirí eacnamaíocha ábhartha a bhíonn ag plé le muirearú bóithre agus le dolaí leictreonacha, go háirithe le haghaidh fiontair bheaga agus mheánmhéide.

Sábháilteacht na dteaschaidéal

Treoir 2014/35/AE maidir le trealamh leictreach a chur ar fáil ar an margadh, ar trealamh é a dheartar lena úsáid laistigh de theorainneacha áirithe voltais

Forbairt caighdeán Eorpach lena gcuirfear feabhas ar shábháilteacht na dteaschaidéal bunaithe ar an eagrán is déanaí a foilsíodh de chaighdeán idirnáisiúnta IEC 60335-2-40.

Is é is aidhm don ghníomhaíocht dlús a chur le foilsiú caighdeáin chomhchuibhithe nuashonraithe maidir le húsáid shábháilte na dteaschaidéal i raon feidhme Threoir 2014/35/AE chun úsáid mhéadaithe na dteaschaidéal a chur chun cinn.

Gníomhaíochtaí chun caighdeáin Eorpacha nó táirgí Eorpacha caighdeánúcháin a thacaíonn leis an aistriú glas a fhorbairt agus a athbhreithniú

Tagairt

Teideal

Tagairt

Caighdeáin Eorpacha / táirgí Eorpacha caighdeánúcháin

Cuspóirí agus beartais shonracha maidir le caighdeáin Eorpacha / táirgí Eorpacha caighdeánúcháin

Caighdeáin cháilíochta le haghaidh bithmheatáin

COM(2022) 230 - Plean REPowerEU ,

SWD(2022) 230 - Implementing the REPowerEU action plan: Investment needs, hydrogen accelerator and achieving the bio-methane targets [Plean gníomhaíochta REPowerEU a chur chun feidhme: Riachtanais infheistíochta, luasaire hidrigine agus na spriocanna bithmheatáin a bhaint amach]

Na caighdeáin EN 16726 agus EN 16723 a athbhreithniú chun a áirithiú nach gcruthóidh difríochtaí idir na Ballstáit maidir le lamháltas ocsaigine bacainn ar trádáil thrasteorann bithmheatáin ná ar shreabha trasteorann de. Ba cheart go mbeadh sé fós de shaoirse ag córais tarchuir fhogasacha comhaontú faoi leibhéil cion ocsaigine is airde le haghaidh pointí idirnaisc trasteorann.

Trádáil trasteorann bithmheatáin a éascú, ós rud é go mbeidh an cion bithmheatáin i líonraí gáis ag méadú go mór sna blianta beaga atá romhainn, go háirithe i dtíortha beaga ina bhfuil cion ard ag an táirgeacht intíre cheana féin sna líonraí gáis nádúrtha nó ina mbeidh cion ard aici iontu faoi 2030.

Tacú le tomhaltas toirteanna bithmheatáin méadaitheacha agus Ballstáit an Aontais ag saothrú an chuspóra go dtáirgfear 35 bhilliún méadar ciúbach de bhithmheatán go hintíre faoi 2030, mar a mholtar sa Teachtaireacht maidir le REPowerEU (COM (2022) 108 final) agus sa phlean gníomhaíochta REPowerEU (COM(2022) 230 final).

Éicidhearthóireacht i ndáil le caidéil uisce

Rialachán (AE) Uimh. 547/2012 ón gCoimisiún maidir le ceanglais éicidhearthóireachta le haghaidh caidéil uisce

Na caighdeáin atá ann cheana a athbhreithniú agus caighdeáin nua a fhorbairt maidir le modhanna tomhais agus ríomha na sonraíochtaí éicidhearthóireachta le haghaidh caidéil uisce.

Is é an príomhchuspóir ídiú fuinnimh na gcaidéal uisce a laghdú, agus cur chuige táirgí leathnaithe á mheas, agus d’fhéadfaí gnéithe eile e.g. gnéithe a bhaineann leis an ngeilleagar ciorclach a fhiosrú.

Éicidhearthóireacht agus lipéadú fuinnimh le haghaidh miasniteoirí tí

Rialachán (AE) 2019/2022 ón gCoimisiún an 1 Deireadh Fómhair 2019 lena leagtar síos ceanglais éicidhearthóireachta le haghaidh miasniteoirí tí

Rialachán Tarmligthe (AE) 2019/2017 ón gCoimisiún an 11 Márta 2019 lena bhforlíontar Rialachán (AE) 2017/1369 ó Pharlaimint na hEorpa agus ón gComhairle a mhéid a bhaineann le lipéadú fuinnimh le haghaidh miasniteoirí tí

Na caighdeáin atá ann cheana a athbhreithniú agus caighdeáin nua a fhorbairt maidir le modhanna tomhais agus ríomha na sonraíochtaí éicidhearthóireachta agus lipéadaithe le haghaidh miasniteoirí tí.

Is é an príomhchuspóir ídiú fuinnimh na miasniteoirí tí a laghdú agus a n-éifeachtúlacht acmhainne a fheabhsú.

Éicidhearthóireacht agus lipéadú fuinnimh le haghaidh fearais chuisniúcháin tráchtála

Rialachán (AE) 2015/1095 ón gCoimisiún maidir le ceanglais éicidhearthóireachta le haghaidh caibinéid chuisniúcháin stórála tráchtála, caibinéid roisreo, aonaid chomhdhlúthúcháin agus fuarthóirí próisis

Rialachán Tarmligthe (AE) 2015/1094 ón gCoimisiún maidir le lipéadú fuinnimh le haghaidh caibinéid chuisniúcháin stórála tráchtála

Is é an príomhchuspóir ídiú fuinnimh na bhfearas cuisniúcháin tráchtála a laghdú.

Éicidhearthóireacht agus lipéadú fuinnimh le haghaidh aonaid aerála

Rialachán (AE) Uimh. 1253/2014 ón gCoimisiún maidir le ceanglais éicidhearthóireachta le haghaidh aonaid aerála

Rialachán Tarmligthe (AE) Uimh. 1254/2014 ón gCoimisiún maidir le lipéadú fuinnimh le haghaidh aonaid aerála

Is é an príomhchuspóir ídiú fuinnimh na n-aonad aerála a laghdú.

Éicidhearthóireacht agus lipéadú fuinnimh le haghaidh meaisíní níocháin tí agus meaisíní niteoir-triomadóir tí

Rialachán (AE) 2019/2023 ón gCoimisiún lena leagtar síos ceanglais éicidhearthóireachta le haghaidh meaisíní níocháin tí agus meaisíní niteoir-triomadóir tí

Rialachán Tarmligthe (AE) 2019/2014 ón gCoimisiún maidir le lipéadú fuinnimh le haghaidh meaisíní níocháin tí agus meaisíní niteoir-triomadóir tí

Is é an príomhchuspóir ídiú fuinnimh na meaisíní níocháin tí agus na meaisíní niteoir-triomadóir tí a laghdú agus a n-éifeachtúlacht acmhainne a fheabhsú.

Éicidhearthóireacht agus lipéadú fuinnimh - ríomhairí

Rialachán (AE) Uimh. 617/2013 ón gCoimisiún an 26 Meitheamh 2013 lena gcuirtear chun feidhme Treoir 2009/125/CE ó Pharlaimint na hEorpa agus ón gComhairle a mhéid a bhaineann le ceanglais éicidhearthóireachta le haghaidh ríomhairí agus freastalaithe ríomhairí

Athbhreithniú a dhéanamh ar na caighdeáin atá ann cheana maidir le ríomhairí agus freastalaithe agus caighdeáin nua a fhorbairt, trí mhodhanna tomhais iontaofa, cruinne agus in-atáirgthe lena gcuirtear san áireamh úrscothacht a bhfuil glacadh ginearálta leo.

Ídiú fuinnimh ríomhairí agus freastalaithe ríomhairí a laghdú.

Éicidhearthóireacht agus lipéadú fuinnimh - fearais chócaireachta

Rialachán (AE) Uimh. 66/2014 ón gCoimisiún an 14 Eanáir 2014 lena gcuirtear chun feidhme Treoir 2009/125/CE ó Pharlaimint na hEorpa agus ón gComhairle a mhéid a bhaineann le ceanglais éicidhearthóireachta le haghaidh oighinn bhaile, iartaí agus cochaill sorn

Athbhreithniú a dhéanamh ar na caighdeáin atá ann cheana maidir le fearais chócaireachta agus caighdeáin nua a fhorbairt.

Ídiú fuinnimh na bhfearas cócaireachta a laghdú.

Éicidhearthóireacht agus lipéadú fuinnimh - taispeáintí leictreonacha

Rialachán (AE) 2019/2021 ón gCoimisiún lena leagtar síos ceanglais éicidhearthóireachta le haghaidh taispeáintí leictreonacha lena bhforlíontar Rialachán (AE)2017/1369 ó Pharlaimint na hEorpa agus ón gComhairle maidir le lipéadú fuinnimh le haghaidh taispeáintí leictreonacha

Athbhreithniú a dhéanamh ar na caighdeáin atá ann cheana maidir le taispeáintí leictreonacha a chumhdaíonn feidhm ionchódaithe ardraoin dhinimiciúil (HDR) agus leibhéil taifigh os cionn 4k (nó HD), agus caighdeáin nua a fhorbairt, lena leagtar síos modh sonrach tástála maidir le hiompraíocht ABC, agus lena n-oiriúnaítear modhanna fíoraithe maidir le hábhar breiseán plaisteach.

Ídiú fuinnimh na dtaispeáintí leictreonacha a laghdú (teilifíseáin, monatóirí), lena gcumhdaítear HDR agus leibhéil taifigh os cionn 4k (nó HD), trí mhodh sonrach tástála a leagan síos maidir le ABC agus trí mhodhanna fíoraithe a chur in oiriúint d’ábhar breiseán plaisteach.

Éicidhearthóireacht agus lipéadú fuinnimh le haghaidh foinsí solais

Rialachán (AE) 2019/2020 ón gCoimisiún an 1 Deireadh Fómhair 2019 lena leagtar síos ceanglais éicidhearthóireachta maidir le foinsí solais agus gléasanna rialaithe ar leithligh de bhun Threoir 2009/125/CE

agus

Rialachán Tarmligthe (AE) 2019/2015 ón gCoimisiún an 11 Márta 2019 lena bhforlíontar Rialachán (AE) 2017/1369 ó Pharlaimint na hEorpa agus ón gComhairle a mhéid a bhaineann le lipéadú fuinnimh le haghaidh foinsí solais

Athbhreithniú a dhéanamh ar na caighdeáin atá ann cheana agus caighdeáin nua a fhorbairt lena gcumhdaítear nósanna imeachta agus modhanna chun na paraiméadair is gá a thomhas maidir leis na nithe seo a leanas:

—	lampaí fluaraiseacha agus díluchtaithe ard-déine;

—	ballastaí atá in ann na lampaí sin a oibriú;

—	soilse atá in ann na lampaí sin a oibriú;

—	soilse le haghaidh soilsiú oifige;

—	soilse le haghaidh soilsiú sráide.

Ídiú fuinnimh foinsí solais a laghdú, lena mbainfear amach thart ar 41.9 TWh de choigilteas fuinnimh deiridh bliantúil in 2030.

Éicidhearthóireacht agus lipéadú fuinnimh le haghaidh téitheoirí spáis áitiúla

Rialachán (AE) Uimh. 2015/1188 ón gCoimisiún an 28 Aibreán 2015 lena gcuirtear chun feidhme Treoir 2009/125/CE ó Pharlaimint na hEorpa agus ón gComhairle maidir le ceanglais éicidhearthóireachta le haghaidh téitheoirí spáis áitiúla

agus,

Rialachán Tarmligthe (AE) 2015/1186 ón gCoimisiún an 24 Aibreán 2015 lena bhforlíontar Treoir 2010/30/AE ó Pharlaimint na hEorpa agus ón gComhairle a mhéid a bhaineann le lipéadú fuinnimh le haghaidh téitheoirí spáis áitiúla

Athbhreithniú a dhéanamh ar na caighdeáin atá ann cheana maidir le téitheoirí spáis áitiúla agus caighdeáin nua a fhorbairt.

Ídiú fuinnimh na dtéitheoirí spáis áitiúla a laghdú agus an tionchar atá acu ar an gcomhshaol a theorannú a thuilleadh.

Éicidhearthóireacht agus lipéadú fuinnimh le haghaidh téitheoirí spáis áitiúla

Rialachán (AE) 2015/1185 ón gCoimisiún an 24 Aibreán 2015 lena gcuirtear chun feidhme Treoir 2009/125/CE ó Pharlaimint na hEorpa agus ón gComhairle a mhéid a bhaineann le ceanglais éicidhearthóireachta le haghaidh téitheoirí spáis áitiúla breosla sholadaigh

Athbhreithniú a dhéanamh ar na caighdeáin atá ann cheana maidir le téitheoirí spáis áitiúla breosla sholadaigh agus caighdeáin nua a fhorbairt.

Ídiú fuinnimh na dtéitheoirí spáis áitiúla breosla sholadaigh a laghdú agus an tionchar atá acu ar an gcomhshaol a theorannú a thuilleadh.

Éicidhearthóireacht agus lipéadú fuinnimh le haghaidh táirgí fótavoltacha (modúil, inbhéartóirí agus córais)

Rialachán PLAN/2020/7002 ón gCoimisiún lena gcuirtear chun feidhme Treoir 2009/125/CE ó Pharlaimint na hEorpa agus ón gComhairle a mhéid a bhaineann le ceanglais éicidhearthóireachta le haghaidh táirgí fótavoltacha (modúil, inbhéartóirí agus córais)

agus

Rialachán Tarmligthe PLAN/2020/7007 ón gCoimisiún lena bhforlíontar Rialachán (AE) 2017/1369 ó Pharlaimint na hEorpa agus ón gComhairle a mhéid a bhaineann le lipéadú fuinnimh le haghaidh táirgí fótavoltacha (modúil, inbhéartóirí agus córais)

Caighdeáin nua a fhorbairt maidir le táirgí fótavoltacha (modúil, inbhéartóirí agus córais), chun tacú le tomhas agus ríomh na bparaiméadar táirgí ábhartha – trí mhodhanna tomhais iontaofa, cruinne agus in-atáirgthe lena gcuirtear san áireamh na modhanna tomhais úrscothacha a bhfuil glacadh ginearálta leo.

Na tionchair a bhíonn ag táirgí fótavoltacha (modúil, inbhéartóirí agus córais) ar an gcomhshaol a laghdú.

Éicidhearthóireacht agus lipéadú fuinnimh le haghaidh fearais chuisniúcháin

Rialachán (AE) 2019/2019 ón gCoimisiún an 1 Deireadh Fómhair 2019 lena leagtar síos ceanglais éicidhearthóireachta maidir le fearais chuisniúcháin de bhun Threoir 2009/125/CE ó Pharlaimint na hEorpa agus ón gComhairle agus lena leasaítear Rialachán (CE) Uimh. 643/2009 ón gCoimisiún

Athbhreithniú a dhéanamh ar na caighdeáin atá ann cheana maidir le fearais chuisniúcháin agus caighdeáin nua a fhorbairt, chun tacú le paraiméadair táirgí ábhartha a thomhas trí mhodhanna tomhais iontaofa, cruinne agus in-atáirgthe, lena gcuirfí san áireamh na modhanna tomhais úrscothacha a bhfuil glacadh ginearálta leo.

Ídiú fuinnimh fearas cuisniúcháin a laghdú, lena mbainfear amach thart ar 10 TWh de choigilteas fuinnimh deiridh bliantúil in 2030.

Éicidhearthóireacht agus lipéadú fuinnimh le haghaidh fearais chuisniúcháin a bhfuil feidhm díolacháin dhírigh acu

Rialachán (AE) 2019/2024 ón gCoimisiún an 1 Deireadh Fómhair 2019 lena leagtar síos ceanglais éicidhearthóireachta maidir le fearais chuisniúcháin a bhfuil feidhm díolacháin dhírigh acu de bhun Threoir 2009/125/CE agus

Rialachán Tarmligthe (AE) 2019/2018 ón gCoimisiún an 11 Márta 2019 lena bhforlíontar Rialachán (AE) 2017/1369 ó Pharlaimint na hEorpa agus ón gComhairle a mhéid a bhaineann le lipéadú fuinnimh le haghaidh fearais chuisniúcháin a bhfuil feidhm díolacháin dhírigh acu

Athbhreithniú a dhéanamh ar na caighdeáin atá ann cheana maidir le fearais chuisniúcháin a bhfuil feidhm díolacháin dhírigh acu, agus caighdeáin nua a fhorbairt, lena gcumhdaítear modhanna agus ríomhanna chun na paraiméadair riachtanacha a thomhas.

Ídiú fuinnimh fearas cuisniúcháin a bhfuil feidhm díolacháin dhírigh acu a laghdú, lena mbainfear amach thart ar 48 TWh de choigilteas fuinnimh deiridh bliantúil in 2030.

Éicidhearthóireacht agus lipéadú fuinnimh le haghaidh fóin chliste agus táibléad

Rialachán PLAN/2020/9213 ón gCoimisiún lena gcuirtear chun feidhme Treoir 2009/125/CE ó Pharlaimint na hEorpa agus ón gComhairle a mhéid a bhaineann le ceanglais éicidhearthóireachta le haghaidh fóin chliste agus táibléad agus

Rialachán Tarmligthe PLAN/2020/9217 ón gCoimisiún lena bhforlíontar Rialachán (AE) 2017/1369 ó Pharlaimint na hEorpa agus ón gComhairle a mhéid a bhaineann le lipéadú fuinnimh le haghaidh fóin chliste agus táibléad

Caighdeáin nua a fhorbairt maidir le fóin chliste agus táibléid, chun tacú le tomhas agus ríomh na bparaiméadar táirgí ábhartha trí mhodhanna tomhais iontaofa, cruinne agus in-atáirgthe lena gcuirfí san áireamh na modhanna tomhais úrscothacha a bhfuil glacadh ginearálta leo.

Na tionchair a bhíonn ag fóin chliste agus táibléid ar an gcomhshaol a laghdú.

Éicidhearthóireacht agus lipéadú fuinnimh le haghaidh coirí breosla sholadaigh

Rialachán (AE) Uimh. 2015/1189 ón gCoimisiún an 28 Aibreán 2015 lena gcuirtear chun feidhme Treoir 2009/125/CE ó Pharlaimint na hEorpa agus ón gComhairle maidir le ceanglais éicidhearthóireachta le haghaidh coirí breosla sholadaigh

Rialachán Tarmligthe (AE) 2015/1187 ón gCoimisiún maidir le lipéadú fuinnimhle haghaidh coirí breosla sholadaigh agus pacáistí coire breosla sholadaigh, téitheoirí forlíontacha, rialuithe teochta agus grianfheistí

Is é an príomhchuspóir ídiú fuinnimh na gcoirí breosla sholadaigh a laghdú.

Éicidhearthóireacht agus lipéadú fuinnimh le haghaidh téitheoirí spáis

Rialachán (AE) Uimh. 813/2013 ón gCoimisiún an 2 Lúnasa 2013 lena gcuirtear chun feidhme Treoir 2009/125/CE ó Pharlaimint na hEorpa agus ón gComhairle a mhéid a bhaineann le ceanglais éicidhearthóireachta le haghaidh téitheoirí spáis agus comhthéitheoirí

agus

Rialachán Tarmligthe (AE) Uimh. 811/2013 ón gCoimisiún maidir le lipéadú fuinnimh le haghaidh téitheoirí spáis, comhthéitheoirí, pacáistí téitheora spáis, feiste rialaithe teochta agus grianfheiste agus pacáistí comhthéitheora, rialaithe teochta agus grianfheiste.

Athbhreithniú a dhéanamh ar na caighdeáin atá ann cheana maidir le téitheoirí spáis agus comhthéitheoirí agus caighdeáin nua a fhorbairt, chun tacú le paraiméadair táirgí ábhartha a thomhas trí mhodhanna tomhais iontaofa, cruinne agus in-atáirgthe, lena gcuirfí san áireamh na modhanna tomhais úrscothacha a bhfuil glacadh ginearálta leo.

Ídiú fuinnimh, leibhéal cumhachta na fuaime agus ceanglais astaíochtaí ocsaídí nítrigine a chaighdeánú le haghaidh téitheoirí spáis agus comhthéitheoirí ar fud an Aontais. Ba cheart go gcuideodh sé sin le feabhas a chur ar oibriú an mhargaidh aonair agus ar fheidhmíocht chomhshaoil na dtáirgí sin.

Éicidhearthóireacht agus lipéadú fuinnimh le haghaidh triomadóirí rothlaim

Rialachán (AE) Uimh. 932/2012 ón gCoimisiún maidir le ceanglais éicidhearthóireachta le haghaidh triomadóirí rothlaim

Is é an príomhchuspóir ídiú fuinnimh na dtriomadóirí rothlaim a laghdú.

Éicidhearthóireacht agus lipéadú fuinnimh le haghaidh folúsghlantóirí

Rialachán (AE) Uimh. 666/2013 ón gCoimisiún an 8 Iúil 2013 lena gcuirtear chun feidhme Treoir 2009/125/CE ó Pharlaimint na hEorpa agus ón gComhairle maidir le ceanglais éicidhearthóireachta le haghaidh folúsghlantóirí

Athbhreithniú a dhéanamh ar na caighdeáin atá ann cheana maidir le folúsghlantóirí agus caighdeáin nua a fhorbairt, chun tacú le paraiméadair táirgí ábhartha a thomhas trí mhodhanna tomhais iontaofa, cruinne agus in-atáirgthe, lena gcuirfí san áireamh na modhanna tomhais úrscothacha a bhfuil glacadh ginearálta leo.

Ídiú fuinnimh folúsghlantóirí le linn a gcéim úsáide a laghdú.

Éicidhearthóireacht agus lipéadú fuinnimh le haghaidh téitheoirí uisce

Rialachán (AE) Uimh. 814/2013 ón gCoimisiún an 2 Lúnasa 2013 lena gcuirtear chun feidhme Treoir 2009/125/CE ó Pharlaimint na hEorpa agus ón gComhairle a mhéid a bhaineann le ceanglais éicidhearthóireachta le haghaidh téitheoirí uisce agus umair stórála uisce the arna leasú le Rialachán (AE) 2016/2282 ón gCoimisiún an 30 Samhain 2016

agus

Rialachán Tarmligthe (AE) Uimh. 812/2013 ón gCoimisiún lena bhforlíontar Treoir 2010/30/AE ó Pharlaimint na hEorpa agus ón gComhairle i dtaca le lipéadú fuinnimh le haghaidh téitheoirí uisce, umair stórála uisce the agus pacáistí téitheora uisce agus grianfheiste.

Athbhreithniú a dhéanamh ar na caighdeáin atá ann cheana maidir le téitheoirí uisce agus umair stórála uisce the agus caighdeáin nua a fhorbairt, chun tacú le paraiméadair táirgí ábhartha a thomhas trí mhodhanna tomhais iontaofa, cruinne agus in-atáirgthe, lena gcuirfí san áireamh na modhanna tomhais úrscothacha a bhfuil glacadh ginearálta leo.

Ídiú fuinnimh, leibhéal cumhachta na fuaime agus sonraíochtaí astaíochtaí ocsaídí nítrigine na dtéitheoirí uisce agus sonraíochtaí maidir le caillteanais sheasta a n-umar stórála uisce the a chaighdeánú ar fud an Aontais. Ba cheart go gcuideodh sé sin le feabhas a chur ar oibriú an mhargaidh aonair agus ar fheidhmíocht chomhshaoil na dtáirgí sin.

Dearadh éicidhearthóireachta na gclaochladán cumhachta beag, meánach agus mór

Rialachán (AE) 2019/1783 ón gCoimisiún maidir le claochladáin chumhachta bheaga, mheánacha agus mhóra

Na caighdeáin atá ann cheana a athbhreithniú agus caighdeáin nua a fhorbairt maidir le modhanna tomhais agus ríomha na sonraíochtaí éicidhearthóireachta le haghaidh claochladáin chumhachta bheaga, mheánacha agus mhóra.

Is é an príomhchuspóir ídiú fuinnimh na gclaochladán a laghdú.

Éicidhearthóireacht teaschaidéal agus aerchóiritheoirí aer go haer

Rialachán (AE) Uimh. 206/2012 ón gCoimisiún an 6 Márta 2012 lena gcuirtear chun feidhme Treoir 2009/125/CE ó Pharlaimint na hEorpa agus ón gComhairle maidir le ceanglais éicidhearthóireachta le haghaidh aerchóiritheoirí agus gaothráin chompoird arna leasú le Rialachán (AE) 2016/2282 ón gCoimisiún

Athbhreithniú a dhéanamh ar na caighdeáin atá ann cheana maidir le teaschaidéal agus aerchóiritheoirí aer go haer, agus caighdeáin nua a fhorbairt, trí mhodhanna tomhais iontaofa, cruinne agus in-atáirgthe lena gcuirfí úrscothacht a bhfuil glacadh ginearálta leo san áireamh.

Ídiú fuinnimh na dteaschaidéal agus na n-aerchóiritheoirí aer go haer a laghdú le linn a gcéime úsáide, chomh maith lena leibhéal cumhachta fuaime.

Éicidhearthóireacht mótar leictreach

Rialachán (AE) 2019/1781 ón gCoimisiún an 1 Deireadh Fómhair 2019 lena leagtar síos ceanglais éicidhearthóireachta maidir le mótair leictreacha agus tiomántáin luais inathraithe de bhun Threoir 2009/125/CE ó Pharlaimint na hEorpa agus ón gComhairle, lena leasaítear Rialachán (CE) Uimh. 641/2009 i dtaca le ceanglais éicidhearthóireachta maidir le hathfhillteoirí leithleacha gan dlúthaire agus athfhillteoirí leithleacha a comhtháthaíodh i dtáirgí agus lena n-aisghairtear Rialachán (CE) Uimh. 640/2009 ón gCoimisiún

Na caighdeáin atá ann cheana a athbhreithniú agus an méid seo a leanas á chur san áireamh:

(1)	sonraíochtaí maidir le héifeachtúlacht acmhainní a leagan síos, lena n-áirítear tearc-chré a shainaithint agus a athúsáid i mótair bhuanmhaighnéadacha;

(2)	an leibhéal lamháltas fíorúcháin a leagan síos;

(3)	aicmí modha agus fuinnimh le haghaidh mótair ag a bhfuil voltas rátaithe os cionn 1 000 V a leagan síos;

(4)	teaglamaí mótar agus tiomántán luais inathraithe a dhíoltar le chéile, chomh maith le tiomántáin chomhtháite luais inathraithe (dlúth-thiomántáin), a bhunú;

(5)	cineálacha eile mótar a chur leis an réim, lena n-áirítear mótair bhuanmhaighnéadacha.

Modhanna tástála a bheidh in-athdhéanta, in-atáirgthe, cost-éifeachtach agus ábhartha le haghaidh cleachtais a sholáthar chun ídiú fuinnimh na mótar leictreach a thomhas d’fhonn a ráta caillteanais fuinnimh a laghdú sa chaoi go gcuirfear le feidhmiú an mhargaidh aonair agus le coigilteas fuinnimh.

Éicidhearthóireacht an trealaimh tí agus oifige leictrigh agus leictreonaigh

Dréacht-togra le haghaidh Rialachán ón gCoimisiún (AE).../... lena leagtar síos ceanglais éicidhearthóireachta maidir le hídiú fuinnimh an mhóid mhúchta, an mhóid fuireachais agus an mhóid fuireachais líonra trealaimh tí agus oifige leictrigh agus trealaimh tí agus oifige leictreonaigh de bhun Threoir 2009/125/CE ó Pharlaimint na hEorpa agus ón gComhairle agus lena n-aisghairtear Rialachán (CE) Uimh. 1275/2008 ón gCoimisiún – PLAN/2016/444

Athbhreithniú a dhéanamh ar na caighdeáin atá ann cheana maidir le trealamh tí agus oifige leictreach agus leictreonach agus caighdeáin nua a fhorbairt.

Ídiú fuinnimh an trealaimh tí agus oifige leictrigh agus leictreonaigh a laghdú le linn don mhód fuireachais, don mhód múchta agus don fhuireachais líonra a bheith i bhfeidhm.

Éicidhearthóireacht na soláthairtí seachtracha cumhachta

Rialachán (AE) 2019/1782 ón gCoimisiún an 1 Deireadh Fómhair 2019 lena leagtar síos ceanglais éicidhearthóireachta maidir le soláthairtí seachtracha cumhachta de bhun Threoir 2009/125/CE ó Pharlaimint na hEorpa agus ón gComhairle agus lena leasaítear Rialachán (CE) Uimh. 278/2009 ón gCoimisiún

Athbhreithniú a dhéanamh ar na caighdeáin atá ann cheana maidir le soláthairtí seachtracha cumhachta agus caighdeáin nua a fhorbairt, chun tacú le paraiméadair táirgí ábhartha a thomhas trí mhodhanna tomhais iontaofa, cruinne agus in-atáirgthe, lena gcuirfí san áireamh na modhanna tomhais úrscothacha a bhfuil glacadh ginearálta leo.

Is é an príomhchuspóir ídiú fuinnimh soláthairtí seachtracha cumhachta a chaighdeánú, agus ar an gcaoi sin cur le feidhmiú an mhargaidh aonair agus le coigilteas fuinnimh.

Éicidhearthóireacht na ngaothrán tionsclaíoch

Rialachán (AE) Uimh. 327/2011 ón gCoimisiún an 30 Márta 2011 lena gcuirtear chun feidhme Treoir 2009/125/CE ó Pharlaimint na hEorpa agus ón gComhairle a mhéid a bhaineann le ceanglais éicidhearthóireachta le haghaidh gaothráin mhótarthiomáinte ag a bhfuil cumhacht ionchuir leictrigh idir 125 W agus 500 kW

Athbhreithniú a dhéanamh ar na caighdeáin atá ann cheana agus caighdeáin nua a fhorbairt chun cur chuige táirgí leathnaithe a chumasú, go háirithe trí líon leordhóthanach pointí oibriúcháin a shainaithint mar aon le modh idirshuímh/ríomha agus/nó cuar saintréithe. Modhanna tomhais díreacha a chomhlánú le modhanna iomchuí ríomha/idirshuímh agus a mbailíocht a chainníochtú. Modhanna maidir le gaothráin imshruthaithe agus gaothráin mhóra chompoird agus gaothráin mhóra a bhunú e.g. trí eachtarshuíomh ó shamhlacha scálaithe.

Modhanna tástála a bheidh in-athdhéanta, in-atáirgthe, cost-éifeachtach agus ábhartha le haghaidh cleachtais a sholáthar chun ídiú fuinnimh na ngaothrán tionsclaíoch a thomhas d’fhonn a ráta caillteanais fuinnimh a laghdú sa chaoi go gcuirfear le feidhmiú an mhargaidh aonair agus le coigilteas fuinnimh.

Éicidhearthóireacht tiomántán luais inathraithe

Athbhreithniú a dhéanamh ar na caighdeáin atá ann cheana mar aon leis an méid seo a leanas:

(1)	aghaidh a thabhairt ar chaillteanais córais a bhaineann go díreach le tiomántáin luais inathraithe, go háirithe caillteanais réamhtheachtacha sa ghreille nuair nach sruth síneasóideach é an sruth ionchuir, agus caillteanais armónacha iartheachtacha sa mhótar;

(2)	an leibhéal lamháltas fíorúcháin a leagan síos;

(3)	más infheidhme, aicmí fuinnimh a chur leo chun tiomántáin níos éifeachtúla a spreagadh;

(4)	ceanglais a leagan síos le haghaidh teaglamaí mótar agus tiomántán luais inathraithe a dhíoltar le chéile, chomh maith le tiomántáin chomhtháite luais inathraithe (dlúth-thiomántáin);

(5)	cineálacha eile tiomántán luais inathraithe faoin raon feidhme a chur leo.

Modhanna tástála a bheidh in-athdhéanta, in-atáirgthe, cost-éifeachtach agus ábhartha le haghaidh cleachtais a sholáthar chun ídiú fuinnimh / caillteanais fuinnimh na dtiomántán luais inathraithe a thomhas d’fhonn a ráta caillteanais fuinnimh a laghdú sa chaoi go gcuirfear le feidhmiú an mhargaidh aonair agus le coigilteas fuinnimh.

Aistrithe carbóin i dtáirgí foirgníochta

COM(2021) 572 final - New EU Forest Strategy for 2030 [Straitéis Foraoise Nua an Aontais Eorpaigh le haghaidh 2030]

COM(2021) 800 final - Timthriallta Carbóin Inbhuanaithe

Creat caighdeánaithe maidir le measúnú dinimiciúil saolré a fhorbairt chun cuntas níos cruinne a dhéanamh d’aistrithe carbóin a bhaineann le stóráil carbóin i dtáirgí foirgníochta.

Is é an príomhchuspóir an dul chun cinn a rinneadh i measúnú dinimiciúil saolré a chur san áireamh chun cuntas níos fearr a dhéanamh do stóráil carbóin i gcaighdeáin maidir le táirgí foirgníochta, go príomha nuair a bhíonn tosca tréithrithe am-spleácha á n-úsáid, ar tosca iad a chuirtear i bhfeidhm maidir le fardal dinimiciúil saolré.

Athléimneacht aeráide an bhonneagair

COM(2021)82 Forging a climate-resilient Europe - the new EU Strategy on Adaptation to Climate Change [Eoraip atá seasmhach ó thaobh na haeráide de a chruthú – Straitéis nua an Aontais Eorpaigh maidir le hOiriúnú don Athrú Aeráide] - pointe 2.3.2

Athbhreithniú a dhéanamh de réir eolas úrscothach ar réimse níos leithne caighdeán maidir le sócmhainní (lena n-áirítear sócmhainní nach mbaineann le bonneagar), ar sócmhainní iad atá leochaileach do thionchair aeráide, d’fhonn a n-athléimneacht in aghaidh an athraithe aeráide a fheabhsú.

Athléimneacht an stoic bhonneagair atá ann cheana agus mórthionscadail bhonneagair nua in aghaidh an athraithe aeráide a fheabhsú.

Táirgí foirgníochta

Rialachán (AE) Uimh. 305/2011 lena leagtar síos coinníollacha comhchuibhithe maidir le táirgí foirgníochta a mhargú

COM(2020) 662 A Renovation Wave for Europe - greening our buildings, creating jobs, improving lives [Rabharta athchóirithe don Eoraip: Glasú na bhfoirgneamh seo againne, cruthú post agus feabhsú na cáilíochta saoil]

Caighdeáin nua Eorpacha a fhorbairt maidir le modhanna agus critéir mheasúnaithe le haghaidh táirgí foirgníochta, go háirithe na modhanna agus critéir sin a thacaíonn le hathchóiriú na bhfoirgneamh agus atá le húsáid mar shonraíochtaí teicniúla caighdeánaithe faoi Rialachán (AE) Uimh. 305/2011.

A áirithiú go bhfeidhmíonn an margadh aonair le haghaidh táirgí foirgníochta go rianúil agus go ndéantar ár bhfoirgnimh a ghlasú.

Inbhuanaitheacht na dtáirgí foirgníochta ó thaobh an chomhshaoil de

Rialachán (AE) Uimh. 305/2011 lena leagtar síos coinníollacha comhchuibhithe maidir le táirgí foirgníochta a mhargú

Caighdeáin Eorpacha a fhorbairt maidir le feidhmíocht táirgí foirgníochta ó thaobh an chomhshaoil de a mheasúnú agus a dhearbhú, lena n-áirítear rialacha sonracha maidir le catagóirí táirgí is infheidhme ar thacair áirithe táirgí gaolmhara.

Is é an príomhchuspóir na rialacha Eorpacha a chomhchuibhiú maidir le feidhmíocht chomhshaoil na dtáirgí foirgníochta a mheasúnú agus a dhearbhú ar an leibhéal Eorpach, bacainní ar an trádáil sa réimse sin a bhaint agus a chosc, agus faisnéis iontaofa a sholáthar le haghaidh measúnuithe ar fhoirgnimh agus ar oibreacha foirgníochta eile, go háirithe measúnuithe saolré foirgneamh lena n-áirítear a n-acmhainneacht téite domhanda.

Bonneagar athluchtaithe leictrigh

COM(2021) 559 final - Togra le haghaidh Rialachán maidir le himscaradh bonneagair breoslaí ionadúla

Caighdeáin Eorpacha le haghaidh stáisiúin athluchtaithe a fhorbairt chun a áirithiú go mbeidh rochtain ag úsáideoirí faoi mhíchumas orthu.

Is é is príomhchuspóir do na caighdeáin an idir-inoibritheacht a mhéadú agus an inrochtaineacht a éascú do dhaoine faoi mhíchumas.

Luchtú gan sreang le haghaidh fóin phóca agus trealamh raidió atá cosúil leo

Treoir 2014/53/AE maidir le comhchuibhiú dhlíthe na mBallstát a bhaineann le trealamh raidió a chur ar fáil ar an margadh

Caighdeáin Eorpacha a fhorbairt nó a nuashonrú chun an idir-inoibritheacht agus an éifeachtúlacht a áirithiú idir trealamh raidió suas le 240W agus “luchtairí gan sreang”:

—	comhéadan luchtaithe comhchuibhithe “gan sreang” (crua-earraí/pillín)

—	prótacal cumarsáide luchtaithe comhchuibhithe “gan sreang”

—	idir-inoibritheacht le soláthairtí cumhachta seachtracha comhchuibhithe

—	éifeachtúlacht fuinnimh an réitigh chomhchuibhithe

—	feidhmíocht luchtaithe an réitigh chomhchuibhithe.

Is é an príomhchuspóir réiteach coiteann comhchuibhithe luchtaithe “gan sreang” a thabhairt isteach chun tuilleadh feabhais a chur ar an áisiúlacht le haghaidh an tomhaltóra agus ar na tairbhí comhshaoil a eascraíonn as réitigh luchtaithe chomhchuibhithe.

Ceallraí agus ceallraí dramhaíola

COM (2020) 798 final - Togra le haghaidh Rialachán maidir le ceallraí agus ceallraí dramhaíola

Caighdeáin chomhchuibhithe Eorpacha a fhorbairt maidir le:

—	gnéithe a bhaineann le feidhmíocht agus marthanacht na gceallraí inaistrithe

—	gnéithe a bhaineann le feidhmíocht agus marthanacht na gceallraí in-athluchtaithe (do-aistrithe)

—	athúsáid agus athrú cuspóra na gceallraí in-athluchtaithe (do-aistrithe)

—	gnéithe sábháilteachta a bhaineann le córais stórála fuinnimh i gceallraí suite

—	modhanna tomhais nó sonraíochtaí breise.

Is é an príomhchuspóir ardleibhéal feidhmíochta comhshaoil a áirithiú le haghaidh ceallraí ar fud an Aontais agus sábháilteacht na gcóras stórála fuinnimh i gceallraí suite a áirithiú, sa chaoi go gcuirfear le saorghluaiseacht na gceallraí san Aontas.

Substaintí guaiseacha i dtrealamh leictreach agus leictreonach

Treoir 2011/65/AE maidir le srian ar shubstaintí guaiseacha áirithe a úsáid i dtrealamh leictreach agus leictreonach

Caighdeán EN IEC 63000:2018 a athbhreithniú agus caighdeáin nua a fhorbairt lena dtacófar le srianadh ar shubstaintí guaiseacha áirithe a úsáid i dtrealamh leictreach agus leictreonach.

Is é príomhchuspóir na gníomhaíochta réitigh theicniúla chomhchuibhithe a bhunú idir na Ballstáit maidir le srianadh ar shubstaintí guaiseacha a úsáid i dtrealamh leictreach agus leictreonach.

Athchúrsáil agus athúsáid ábhar i bhfeithiclí a bhfuil a ré caite

PLAN/2020/8644 Feithiclí a bhfuil a ré caite – athbhreithniú ar rialacha an Aontais

Caighdeáin Eorpacha a fhorbairt lena bhfeabhsófar na próisis le haghaidh dhearadh ciorclach, tháirgeadh, athúsáid agus athchúrsáil na bhfeithiclí agus a gcomhpháirteanna. Áireofar ar na caighdeáin sin feabhas a chur ar an dearadh le haghaidh páirteanna plaisteacha a athchúrsáil, chomh maith le cóireáil feithiclí a bhfuil a ré caite chun aisghabháil na n-amhábhar criticiúil a mhéadú agus cáilíocht na gconamar cruach agus alúmanaim a fheabhsú, chomh maith le modhanna ríomha agus tomhais maidir le cáilíocht na n-ábhar gluaisteán sórtáilte, athchúrsáilte agus aisghafa.

Is é is aidhm don ghníomhaíocht athchúrsáil agus athúsáid na n-ábhar a fheabhsú agus giniúint na dramhaíola ó fheithiclí a bhfuil a ré caite a laghdú.

Cáilíocht an aeir chomhthimpeallaigh – modhanna tomhais chun faireachán a dhéanamh ar hidreacarbóin il-timthriallacha aramatacha san aer comhthimpeallach

Airteagal 4(1), Airteagal (8) agus Airteagal (13) de Threoir 2004/107/CE maidir le harsanaic, caidmiam, mearcair, nicil agus hidreacarbóin il-timthriallacha aramatacha san aer comhthimpeallach, agus Iarscríbhinn V a ghabhann léi

Caighdeáin a fhorbairt chun tiúchan na hidreacarbón il-timthriallach aramatach san aer comhthimpeallach a thomhas.

A áirithiú go bhfuil an anailís ar hidreacarbóin il-timthriallacha aramatacha san aer comhthimpeallach beacht, iontaofa agus inchomparáide go leordhóthanach ar fud an Aontais.

Cáilíocht an aeir chomhthimpeallaigh – measúnuithe bunaithe ar shamhaltú

Airteagail 6, 7, 9 agus 10 de Threoir 2008/50/CE maidir le cáilíocht an aeir chomhthimpeallaigh agus aer níos glaine le haghaidh na hEorpa, agus Iarscríbhinn I a ghabhann léi

Caighdeáin a fhorbairt lena n-áiritheofar go mbeidh measúnuithe bunaithe ar shamhaltú ar cháilíocht an aeir oibiachtúil, iontaofa agus inchomparáide, agus go mbeidh siad de cháilíocht leordhóthanach chun faisnéis iontaofa a ghiniúint maidir le tiúchan na dtruailleán aeir san aer comhthimpeallach.

A áirithiú go bhfuil an fhaisnéis a bhailítear maidir le truailliú aeir sách ionadaíoch agus inchomparáide ar fud an Aontais.

Cáilíocht an aeir chomhthimpeallaigh – feidhmíocht na gcóras braiteoir-bhunaithe lena dtomhaistear truailliú aeir

Airteagail 6, 7, 9 agus 10 de Threoir 2008/50/CE maidir le cáilíocht an aeir chomhthimpeallaigh agus aer níos glaine le haghaidh na hEorpa, agus Iarscríbhinn I a ghabhann léi

Caighdeán bailíochtaithe tástála nó caighdeáin bhailíochtaithe tástála a fhorbairt chun meastóireacht a dhéanamh ar fheidhmíocht na gcóras braiteoir-bhunaithe lena dtomhaistear truailliú aeir.

Leis an gcaighdeán, déanfar a mheas an gcomhlíonann na córais bhraiteoir-bhunaithe na cuspóirí cáilíochta sonraí atá i dTreoir 2008/50/CE.

Measúnuithe ar cháilíocht an aeir chomhthimpeallaigh a fheabhsú trí mheastóireacht a dhéanamh ar a mhéid a chomhlíonann na córais bhraiteoir-bhunaithe na cuspóirí cáilíochta sonraí atá i dTreoir 2008/50/CE.

Le caighdeán nó caighdeáin, beifear in ann úsáid níos forleithne a bhaint as an modh faireacháin sin agus measúnú feabhsaithe ar cháilíocht an aeir a dhéanamh.

Astaíochtaí meatáin in earnáil an fhuinnimh

COM(2021) 805 final

Togra le haghaidh Rialachán maidir le laghdú ar astaíochtaí meatáin in earnáil an fhuinnimh

Forbairt caighdeán nua Eorpach agus athbhreithniú ar na caighdeáin Eorpacha atá ann cheana maidir le cainníochtú astaíochtaí meatáin in oibríochtaí ola, gáis agus guail lena n-áirítear sócmhainní atá neamhghníomhach, líonta, dúnta nó tréigthe.

Forbairt caighdeán nua Eorpach agus athbhreithniú ar na caighdeáin Eorpacha atá ann cheana maidir le suirbhéanna chun sceitheadh meatáin in oibríochtaí ola agus gáis a bhrath agus a dheisiú.

Forbairt caighdeán nua Eorpach maidir le trealamh a sheachnaíonn an scaoileadh trína dhearadh.

Is é an cuspóir tacú le hoibleagáidí ar oibreoirí fuinnimh astaíochtaí meatáin a thomhas agus a mhaolú ar bhealach inchomparáide ar fud an Aontais. Áiritheofar sa chaoi sin cothrom iomaíochta idir oibreoirí, rochtain ar fhaisnéis inchomparáide agus leibhéal éifeachtúlachta comhchuibhithe maidir le hastaíochtaí meatáin a laghdú.

Ábhair a bhíonn i dteagmháil le huisce óil

Treoir (AE) 2020/2184 ó Pharlaimint na hEorpa agus ón gComhairle an 16 Nollaig 2020 maidir le cáilíocht an uisce atá beartaithe lena thomhailt ag an duine (athmhúnlú)

Caighdeáin nua Eorpacha a fhorbairt maidir le modhanna anailíseacha chun substaintí a bhíonn ag aistriú ó ábhair a chinneadh agus maidir le modhanna chun ábhair deiridh a thagann i dteagmháil le huisce óil a thástáil.

Cáilíocht an uisce óil agus an tsláinte phoiblí a chosaint. Na hábhair a thagann i dteagmháil le huisce óil, is féidir tionchar a bheith acu ar cháilíocht an uisce sin (e.g. trí láisteadh substaintí). Ní mór modhanna anailíse agus tástála a fhorbairt chun a áirithiú go mbeidh na hábhair deiridh a thagann i dteagmháil le huisce óil sábháilte.

Cóireáil fuíolluisce

Treoir ón gComhairle an 21 Bealtaine 1991 maidir le cóireáil fuíolluisce uirbigh

Caighdeán reatha EN 12566 a athbhreithniú: Córais bheaga cóireála fuíolluisce le haghaidh suas le daonra iomlán 50 duine i seacht gcuid.

Cosaint an chomhshaoil a fheabhsú agus rioscaí sláinte a laghdú.

Micreaphlaistigh

PLAN/2020/8355 Measures aiming to reduce the presence in the environment of unintentionally released microplastics from tyres, textiles and plastic pellets [Bearta chun láithreacht micreaphlaisteach a scaoiltear go neamhbheartaithe ó bhoinn, ó theicstílí agus ó mhillíní plaisteacha a laghdú sa chomhshaol]

Caighdeáin Eorpacha a fhorbairt a thacaíonn le bearta chun dul i ngleic le truailliú ó mhicreaphlaistigh (cáithníní plaisteacha ar lú ná 5 mm a dtrastomhas), glantaigh, péinteanna agus substaintí a scaoiltear go neamhbheartaithe sa chomhshaol (ó bhoinn agus teicstílí sintéiseacha, mar shampla).

Is é is aidhm don ghníomhaíocht scaoileadh micreaphlaisteach sa chomhshaol a laghdú agus, dá réir sin, an truailliú ar an gcomhshaol agus rioscaí féideartha ar shláinte an duine a ísliú.

Gníomhaíochtaí chun caighdeáin Eorpacha nó táirgí Eorpacha caighdeánúcháin a thacaíonn leis an aistriú digiteach a fhorbairt agus a athbhreithniú

Tagairt

Teideal

Tagairt

Caighdeáin Eorpacha / táirgí Eorpacha caighdeánúcháin

Cuspóirí agus beartais shonracha maidir le caighdeáin Eorpacha / táirgí Eorpacha caighdeánúcháin

Córais intleachta saorga atá sábháilte agus iontaofa

Togra le haghaidh Rialachán lena leagtar síos rialacha comhchuibhithe maidir leis an Intleacht Shaorga (Gníomh um an Intleacht Shaorga) agus lena leasaítear gníomhartha áirithe reachtacha de chuid an Aontais

COM(2021) 206 final

Rialacha a leagan síos maidir le córais intleachta saorga a chur ar an margadh, iad a chur i seirbhís agus a úsáid san Aontas, lena dtugtar aghaidh ar cheanglais a bhaineann lena sábháilteacht agus lena n-iontaofacht, lena n-áirítear bainistiú riosca, cáilíocht sonraí, trédhearcacht, formhaoirseacht dhaonna, cruinneas, stóinseacht agus cibearshlándáil.

A áirithiú go bhféadfaidh córais intleachta saorga a bheith sábháilte agus iontaofa, go ndéanfar faireachán iomchuí orthu feadh a saolré, go n-urramófar na luachanna bunúsacha agus cearta an duine a aithnítear san Aontas agus go neartófar iomaíochas na hEorpa leo.

Fíorú aoise ar líne

COM(2022) 212 final - Cumhachtú digiteach:

(An chaoi le leanaí a chumhachtú ar bhealach níos fearr maidir le roghanna fónta a dhéanamh ar líne) (BIK+)

COM(2021) 281 final - Togra le haghaidh Rialachán maidir le creat a bhunú le haghaidh na Céannachta Digití Eorpaí

Caighdeáin nua Eorpacha a fhorbairt maidir le dearbhú aoise / fíorú aoise ar líne, faoi chuimsiú an togra le haghaidh togra maidir le creat céannachta Eorpach (eID).

Is é an príomhchuspóir sábháilteacht na leanaí ar líne a fheabhsú trí fhíorú aoise a bheidh slán, deimhnithe agus idir-inoibritheach (córais chun seirbhísí ar líne a rochtain ar fud an Aontais).

Is é an aidhm an mhuinín agus an iontaoibh as sásraí fíoraithe aoise a chothú agus, go háirithe, an riosca a íoslaghdú go ndéanfaidh leanaí ar ábhar atá míchuí ó thaobh aoise de a rochtain.

Idirlíon na rudaí nithiúla

COM(2020) 66 final - Straitéis Eorpach maidir le sonraí

Táirgí Eorpacha caighdeánúcháin a fhorbairt lena dtabharfar aghaidh ar riachtanais na himeall-ríomhaireachta agus na ríomhaireachta saithe.

Is é an aidhm idir-inoibritheacht idirlíon na rudaí nithiúla a fheabhsú sa pharaidím nua imeall-néal agus sna coincheapa atá ag teacht chun cinn amhail ríomhaireacht saithe braislí feistí, agus bealach coiteann a chur ar fáil chun sonraí agus aipeanna a rochtain mar aon le malartuithe próisis ó fheiste go feiste.

Bonneagar seirbhísí blocshlabhra

COM(2018) 109 final -FinTech Action plan: For a more competitive and innovative European financial sector [Plean Gníomhaíochta FinTech: Le haghaidh earnáil airgeadais Eorpach atá níos iomaíche agus níos nuálaí]

Togra le haghaidh Rialachán maidir le creat a bhunú le haghaidh na Céannachta Digití Eorpaí – COM(2021) 281 final

Caighdeáin Eorpacha agus táirgí Eorpacha caighdeánúcháin a fhorbairt a thacóidh le cur chun úsáide seirbhísí digiteacha trasteorann san earnáil phoiblí trí bhonneagar coiteann Eorpach le haghaidh seirbhísí blocshlabhra, bonneagar ag a mbeidh samhail rialachais chomhroinnte.

Is é an príomhchuspóir feabhas a chur ar an mbonneagar trasteorann agus ar na croísheirbhísí don bhlocshlabhra Eorpach lena gcuirtear chun cinn seirbhísí poiblí chun dintiúir infhíoraithe a mhalartú i gcásanna úsáide na gcreidiúnuithe oideachasúla agus na ndeimhnithe digiteacha slándála sóisialta.

MÓRLEABHAIR LEICTREONACHA

Togra le haghaidh Rialachán maidir le creat a bhunú le haghaidh Céannacht Dhigiteach Eorpach (COM(2021) 281 final)

Caighdeáin Eorpacha agus táirgí Eorpacha caighdeánúcháin a fhorbairt maidir le próisis forghníomhaithe agus cláraithe tacair sonraí agus maidir le cruthú mórleabhair leictreonaigh cháilithe trína bhféadfar dintiúir chéannachta i bhfoirm leictreonach, amhail deimhnithe leighis, doiciméid slándála sóisialta nó acadúla nó fianuithe maidir le cáilíochtaí gairmiúla, a aithint thar theorainneacha.

Is é an príomhchuspóir a áirithiú go gcáileofar na mórleabhair leictreonacha i gcomhréir leis an reachtaíocht.

Tacóidh na caighdeáin le sonraíochtaí a leagan síos maidir le soláthar seirbhísí agus breithnithe teicniúla agus oibríochtúla le haghaidh oibreoirí nód agus áiritheofar sa chaoi sin go mbeidh muinín ann go dtugann na mórleabhair leictreonacha cháilithe smacht do shaoránaigh Eorpacha ar a sonraí príobháideacha.

Cúplaí digiteacha áitiúla le haghaidh pobail chliste

Treoir 2007/2/CE lena mbunaítear Bonneagar d’Fhaisnéis Spásúil sa Chomhphobal Eorpach (INSPIRE)

Caighdeáin nua de chuid an Aontais a fhorbairt lena bhforbrófar cumais a bheidh íosta agus leordhóthanach araon chun sonraí a chomhroinnt, a úsáid agus a athúsáid thar chórais, lena dtabharfar aghaidh ar dhúshláin chriticiúla a aimsítear nuair a bhunaítear éiceachóras sonraí áitiúil, lena n-úsáidfear samhlacha sonraí cothrománacha agus creataí ailtireachta éagsúla:

—	Malartú eolais agus faisnéise comhthéacs;

—	Úsáid samhlacha coiteanna sonraí atá comhsheasmhach idir-inoibritheach;

—	Rialacha rochtana agus úsáide sonraí agus seirbhísí;

—	Rialacha agus uirlisí chun seirbhísí agus algartaim faoi thiomáint na hintleachta saorga a sholáthar a bheidh cothrom trédhearcach.

Is é an príomhchuspóir comhaontú coiteann um idir-inoibritheacht a áirithiú le haghaidh na spásanna sonraí a úsáidtear i gcathracha cliste an Aontais agus in éiceachóras an phobail.

Gníomhaíochtaí chun caighdeáin Eorpacha nó táirgí Eorpacha caighdeánúcháin a thacaíonn le hathléimneacht an tionscail Eorpaigh a fhorbairt agus a athbhreithniú

Tagairt

Teideal

Tagairt

Caighdeáin Eorpacha / táirgí Eorpacha caighdeánúcháin

Cuspóirí agus beartais shonracha maidir le caighdeáin Eorpacha / táirgí Eorpacha caighdeánúcháin

Teicnící monaraithe shuimithigh

COM(2020) 98 final A new Circular Economy Action Plan For a cleaner and more competitive Europe [Plean Gníomhaíochta nua um an nGeilleagar Ciorclach le go mbeidh an Eoraip níos glaine agus níos iomaíche]

Caighdeáin Eorpacha a fhorbairt a thacóidh leis an monarú suimitheach, lena n-áirítear priontáil 3D/4D agus lena gcumhdófar córais mhonaraithe a bheidh bunaithe ar mhiotail, ar pholaiméir, ar ábhair cheirmeacha, ar ábhair bhitheolaíocha agus ar ábhair eile.

Is é is aidhm don ghníomhaíocht cur leis an éifeachtúlacht fuinnimh agus le hiomaíochas earraí nua il-ábhar agus ábhar agus táirgí ilfheidhmeacha nua le haghaidh feidhmeanna éagsúla, lena n-áirítear feidhmeanna bithleighis, sa mhonarú suimitheach.

Amhábhair chriticiúla le haghaidh ceallraí feithiclí leictreacha

Togra le haghaidh Rialachán maidir le ceallraí agus ceallraí dramhaíola, lena n-aisghairtear Treoir 2006/66/CE agus lena leasaítear Rialachán (AE) Uimh. 2019/1020

COM(2020) 798 final

Caighdeáin Eorpacha a fhorbairt le haghaidh mhianadóireacht, scagadh, próiseáil agus athchúrsáil na mianraí agus na n-ábhar a úsáidtear chun ceallraí a tháirgeadh.

Is é an aidhm slabhra luacha na mianraí agus na n-ábhar a úsáidtear chun ceallraí a tháirgeadh a oiriúnú do chleachtais foinsithe inbhuanaithe agus tacú le feidhmiú éifeachtúil na margaí athchúrsála chun infhaighteacht amhábhar tánaisteach deacháilíochta a mhéadú.

Ábhair ionchuir aon úsáide is gá chun vacsaíní COVID-19 a tháirgeadh

COM(2021)35 final - A united front to beat COVID-19 [Ag seasamh gualainn ar ghualainn chun COVID-19 a chloí]

Caighdeáin Eorpacha a fhorbairt maidir le hearraí aon úsáide a bhfuil gá leo chun vacsaíní agus teiripí a tháirgeadh chun idir-inoibritheacht na bpríomh-chomhpháirteanna táirgthe a fheabhsú agus an riosca go gcuirfí isteach ar tháirgeadh i gcás ghanntanas na n-ábhar sin a íoslaghdú.

Is é an príomhchuspóir a áirithiú go mbeidh méideanna leordhóthanacha de na hábhair is gá chun vacsaíní a tháirgeadh le fáil ag na suímh mhonaraíochta, agus idir-inoibritheacht comhpháirteanna áirithe a áirithiú.

Córais cumarsáide satailíte shlána

COM(2022) 57 final, 2022/0039 (COD), Togra le haghaidh Rialachán lena mbunaítear Clár an Aontais um Nascacht Shlán le haghaidh na tréimhse 2023-2027

Caighdeáin a fhorbairt lena dtacaítear le comhpháirteanna chlár spáis an Aontais a shaothrú agus a fhorbairt, lena n-áirítear, i measc nithe eile, caighdeáin Eorpacha le haghaidh seirbhísí cumarsáide satailíte.

Tacú le bunú córais cumarsáide satailíte shláin de chuid an Aontais a sholáthróidh seirbhísí cumarsáide satailíte slána solúbtha athléimneacha ar fud an domhain don Aontas agus d’eintitis rialtais na mBallstát.

Bainistiú an spástráchta agus roghnú na sonraí spáis ar an margadh

Rialachán (AE) 2021/696 lena mbunaítear Clár Spáis an Aontais Eorpaigh agus Gníomhaireacht an Aontais Eorpaigh um an gClár Spáis

Caighdeáin Eorpacha a fhorbairt maidir le bainistiú an spástráchta. Caighdeáin Eorpacha a fhorbairt chun tacú le roghnú sonraí agus seirbhísí spáis arna soláthar ag clár spáis an Aontais (Galileo, EGNOS, Copernicus, SSA, GOVSATCOM) i measc úsáideoirí agus sa mhargadh.

An méid seo a leanas:

(1)	rioscaí oibríochtúla atá ann faoi láthair agus a bheidh ann amach anseo a laghdú agus an bonneagar spáis Eorpach a chosaint;

(2)	roghnú sonraí agus seirbhísí spáis i measc úsáideoirí agus sa mhargadh a mhéadú, trína gcomhtháthú in earnálacha éagsúla a éascú. Áirítear orthu sin gluaisteáin uathrialaitheacha agus nasctha, iarnróid, eitlíocht, aerárthaí gan foireann, agus trealamh speisialaithe úsáideoirí.

Gníomhaíochtaí chun caighdeáin Eorpacha nó táirgí Eorpacha caighdeánúcháin a thacaíonn leis an margadh inmheánach do tháirgí agus seirbhísí a fhorbairt agus a athbhreithniú

Tagairt

Teideal

Tagairt

Caighdeáin Eorpacha / táirgí Eorpacha caighdeánúcháin

Cuspóirí agus beartais shonracha maidir le caighdeáin Eorpacha / táirgí Eorpacha caighdeánúcháin

Feistí leighis agus feistí leighis diagnóiseacha in vitro

Rialachán (AE) 2017/745 maidir le feistí leighis

Rialachán (AE) 2017/746 maidir le feistí leighis diagnóiseacha in vitro

Athbhreithniú a dhéanamh ar na caighdeáin Eorpacha atá ann cheana agus caighdeáin nua a fhorbairt maidir le dearadh agus monarú na nithe seo a leanas:

—	feistí leighis a chumhdaítear le Rialachán (AE) 2017/745

—	feistí leighis diagnóiseacha in vitro a chumhdaítear le Rialachán (AE) 2017/746.

Beidh feidhm ag na caighdeáin maidir le dearadh agus monarú, bainistiú riosca agus na hoibleagáidí ar oibreoirí eacnamaíocha agus ar urraitheoirí – lena n-áirítear na cinn a bhaineann leis an méid seo a leanas:

—	córais bainistíochta cáilíochta

—	bainistiú riosca

—	imscrúduithe cliniciúla agus staidéir feidhmíochta

—	meastóireacht chliniciúil.

Feidhmiú rianúil an mhargaidh aonair maidir le feistí leighis a áirithiú, trí ardchaighdeáin cháilíochta agus sábháilteachta a leagan síos le haghaidh feistí leighis agus feistí leighis diagnóiseacha in vitro. Ba cheart go ndéileálfaí leis na gnáthcheisteanna sábháilteachta a mhéid a bhaineann leis na táirgí sin, agus ar an gcaoi sin ardleibhéal cosanta sláinte agus sábháilteachta d’othair, d’úsáideoirí agus do dhaoine eile a áirithiú.

Sábháilteacht bréagán

Treoir 2009/48/CE maidir le sábháilteacht bréagán

Caighdeáin nua Eorpacha a fhorbairt nó caighdeáin Eorpacha atá ann cheana a athbhreithniú chun tacú le teicneolaíocht úrscothach maidir le sábháilteacht bréagán agus maidir le ceimiceáin i mbréagáin.

Aghaidh a thabhairt ar fhorbairtí teicneolaíochta sa mhargadh bréagán a d’ardaigh saincheisteanna maidir le sábháilteacht agus a chruthaigh níos mó imní do thomhaltóirí.

Brú-threalamh

Treoir 2014/68/AE an 15 Bealtaine 2014 maidir le comhchuibhiú dhlíthe na mBallstát a bhaineann le brú-threalamh a chur ar fáil ar an margadh

Athbhreithniú a dhéanamh ar na caighdeáin atá ann cheana maidir le brú-threalamh nó cóimeálacha brú-threalaimh agus caighdeáin nua a fhorbairt.

Sábháilteacht a fheabhsú agus rochtain ar an margadh a éascú do ghnólachtaí beaga agus meánmhéide. Fágfaidh sé sin go mbeidh cuideachtaí an Aontais níos iomaíche sa mhargadh domhanda.

Árthaí brú simplí

Treoir 2014/29/AE maidir le comhchuibhiú dhlíthe na mBallstát a bhaineann le hárthaí brú simplí a chur ar fáil ar an margadh

Na caighdeáin atá ann cheana sa tsraith EN 286 a athbhreithniú agus caighdeáin nua a fhorbairt.

Sábháilteacht a fheabhsú agus rochtain ar an margadh a éascú do ghnólachtaí beaga agus meánmhéide. Fágfaidh sé sin go mbeidh cuideachtaí an Aontais níos iomaíche sa mhargadh domhanda.

Táirgí innealra

Togra le haghaidh Rialachán ó Pharlaimint na hEorpa agus ón gComhairle maidir le táirgí innealra, (COM(2021) 202 final)

Caighdeáin Eorpacha maidir le táirgí innealra a fhorbairt nó a athbhreithniú chun na sonraíochtaí fíor-riachtanacha nua maidir le sábháilteacht agus sláinte sa Rialachán atá beartaithe a chumhdach.

Is é an príomhchuspóir an tsláinte agus an tsábháilteacht a áirithiú trína áirithiú go gcoinnítear caighdeáin chomhchuibhithe Eorpacha ar bun, caighdeáin atá ar aon dul leis an úrscothacht aitheanta. Caighdeáin chomhchuibhithe Eorpacha a bheith ar fáil, is rud é a éascóidh an rochtain ar an margadh, go háirithe le haghaidh FBManna. Bainfidh úsáideoirí agus úinéirí táirgí innealra tairbhe as an bhfeabhas ar an tsábháilteacht agus is féidir go mbainfidh siad tairbhe as torthaí iarmhartacha amhail úsáid éifeachtúil an fhuinnimh agus rochtain níos éasca ar theicneolaíochtaí nuálacha. Bainfidh oibreoirí eacnamaíocha tairbhe as an deimhneacht dhlíthiúil.

Ardaitheoirí agus comhpháirteanna sábháilteachta in ardaitheoirí

Treoir 2014/33/AE maidir le comhchuibhiú dhlíthe na mBallstát i dtaca le hardaitheoirí agus comhpháirteanna sábháilteachta le haghaidh ardaitheoirí ,

Cinneadh Cur Chun Feidhme (AE) 2021/76 ón gCoimisiún

agus

Cinneadh Cur Chun Feidhme (AE) 2021/1220 ón gCoimisiún

Caighdeán nua Eorpacha a fhorbairt agus táirgí caighdeánúcháin atá an cheana a nuashonrú chun caighdeáin thráthúla úrscothacha a sholáthar.

Ardleibhéal cosanta sláinte agus sábháilteachta agus, i gcás inarb iomchuí, sábháilteacht maoine, a áirithiú, agus iomaíocht chóir a ráthú ar mhargadh an Aontais.

Suiteálacha cábla-bhealaigh

Rialachán (AE) 2016/424 maidir le suiteálacha cábla-bhealaigh

Caighdeáin a fhorbairt nó a athbhreithniú chun sonraíochtaí teicniúla mionsonraithe a sholáthar maidir le

(i)	suiteálacha cábla-bhealaigh, a mbonneagar, a bhfochórais agus a gcomhpháirteanna sábháilteachta a dhearadh agus a thógáil agus

(ii)	suiteálacha cábla-bhealaigh a oibriú.

Feabhas a chur ar shábháilteacht suiteálacha cábla-bhealaigh.

Fearais gháis

Rialachán (AE) 2016/426 maidir le fearais a dhónn breoslaí gásacha

Caighdeáin nua Eorpacha a fhorbairt nó caighdeáin Eorpacha atá ann cheana a athbhreithniú chun tacú le teicneolaíocht úrscothach i réimse na bhfearas a dhónn breoslaí gásacha.

Sláinte agus sábháilteacht a áirithiú chomh maith le húsáid réasúnach fuinnimh (éifeachtúlacht fuinnimh) d’fhearais a dhónn breoslaí gásacha.

Sábháilteacht na dtáirgí tomhaltais

Treoir 2001/95/CE maidir le sábháilteacht ghinearálta táirgí

Caighdeáin Eorpacha maidir le sábháilteacht táirgí tomhaltais áirithe nach gcumhdaítear le reachtaíocht chomhchuibhithe an Aontais (lena n-áirítear táirgí do leanaí nach bréagáin iad) a fhorbairt agus a nuashonrú.

Ardleibhéal cosanta do thomhaltóirí a chur ar fáil trí shábháilteacht táirgí do leanaí agus táirgí tomhaltais eile nach gcumhdaítear le reachtaíocht chomhchuibhithe an Aontais a neartú, agus na forbairtí eolaíocha agus teicneolaíocha is déanaí agus sonraíochtaí na reachtaíochta á gcur san áireamh.

Bainistíocht bog-earraí uaslódáilte le haghaidh trealaimh raidió

PLAN/2018/4283

Rialachán Tarmligthe ón gCoimisiún maidir le Cur i bhFeidhm Airteagal 3(3)(i) agus Airteagal 4 de Threoir 2014/53/AE i ndáil le córais raidió in-athchumraithe

Caighdeáin chomhchuibhithe a fhorbairt chun rialú na mbogearraí a uaslódáiltear go trealamh raidió a áirithiú ionas nach gcuirfear i mbaol na ceanglais fíor-riachtanacha a leagtar síos sa Treoir maidir le Trealamh Raidió.

Is é is aidhm don ghníomhaíocht seo na sonraíochtaí sábháilteachta a choinneáil ar bun ar feadh shaolré an táirge chun athruithe a dhéanfadh difear do na sonraíochtaí sin trí nuashonrú bogearraí a sheachaint. Maille leis sin, cosnóidh an ghníomhaíocht seo sábháilteacht an úsáideora agus an speictream raidió ar thrasnaíocht dhíobhálach.

Trealamh atá ceaptha lena úsáid in atmaisféir a d’fhéadfadh a bheith pléascach

Treoir 2014/34/AE maidir le trealamh agus córais chosanta atá ceaptha lena n-úsáid in atmaisféir a d’fhéadfadh a bheith pléascach

Caighdeáin nua Eorpacha a fhorbairt nó caighdeáin Eorpacha atá ann cheana a athbhreithniú chun tacú le teicneolaíocht úrscothach i réimse an trealaimh atá ceaptha lena húsáid in atmaisféir a d’fhéadfadh a bheith pléascach.

An tsláinte agus an tsábháilteacht a áirithiú i dtaca le trealamh atá ceaptha lena úsáid in atmaisféir a d’fhéadfadh a bheith pléascach.

Trealamh cosanta pearsanta

Rialachán (AE) 2016/425 maidir le trealamh cosanta pearsanta

Caighdeáin nua Eorpacha a fhorbairt nó caighdeáin Eorpacha atá ann cheana a athbhreithniú chun tacú le teicneolaíocht úrscothach i réimse an trealaimh cosanta pearsanta.

Is é an príomhchuspóir cosaint shláinte agus shábháilteacht na n-úsáideoirí agus saorghluaiseacht trealaimh cosanta pearsanta sa mhargadh inmheánach a áirithiú. Thairis sin, éascófar an rochtain ar an margadh, go háirithe le haghaidh FBManna, trí chaighdeáin chomhchuibhithe Eorpacha a bheith ar fáil.

Caighdeáin chomhchuibhithe a bheidh cuimsitheach agus a bheidh freagrúil ó thaobh inscne de

Treoir 2014/53/AE maidir le comhchuibhiú dhlíthe na mBallstát a bhaineann le trealamh raidió a chur ar fáil ar an margadh

Na caighdeáin a bhaineann le sábháilteacht agus sláinte a fhorbairt agus a athbhreithniú

(1)	ionas go mbeidh gach tagairt antrapaiméadrach bunaithe ar shonraí atá ionadaíoch i ndáil leis an daonra Eorpach uile agus

(2)	ionas go gcuirfear gach toise antrapaiméadrach ábhartha san áireamh i ngach tagairt antrapaiméadrach.

Ba cheart tuilleadh toisí corpartha a chur san áireamh sna caighdeáin, i.e. ní an airde amháin ach cruth an dromlaigh agus chnámha an chromáin freisin. Ba cheart caighdeáin a fhorbairt chun difríochtaí inscne a chur san áireamh mar aon leis na difríochtaí a bhíonn ann go ginearálta idir dhaoine.

Is é an príomhchuspóir go mbeifear ag dul i dtreo raonta a úsáid seachas meáin antrapaiméadracha, sa chaoi go mbeidh táirgí sábháilte le haghaidh gach aon duine cibé toisí corpartha atá aige. Bheadh sábháilteacht na dtáirgí níos cothroime de bhua a leithéid de chaighdeáin a fhorbairt, agus is amhlaidh a chuirfí Dearbhú UNECE maidir le caighdeáin atá freagrúil ó thaobh inscne de chun feidhme freisin.

Uirlisí meáite agus tomhais

Treoir 2014/31/AE maidir le hUirlisí Neamh-uathoibríocha Meáite

Treoir 2014/32/AE maidir le huirlisí tomhais a chur ar fáil ar an margadh

Caighdeáin Eorpacha nua a fhorbairt nó caighdeáin Eorpacha atá ann cheana a athbhreithniú chun tacú le teicneolaíocht úrscothach i réimse na n-uirlisí meáite agus tomhais.

(i)	An pobal a chosaint ar thorthaí míchearta ó oibríochtaí meáite trí bhíthin uirlisí neamh-uathoibríocha meáite nuair a úsáidtear iad i gcatagóirí áirithe feidhmeanna;

(ii)

Tacú le huirlisí tomhais atá ceart agus inrianaithe ar féidir iad a úsáid le haghaidh tascanna tomhais éagsúla a dhéanann difear go díreach agus go hindíreach do shaol laethúil daoine ar go leor bealaí. Is ar chúiseanna a bhaineann le leas an phobail, leis an tsláinte phoiblí, leis an tsábháilteacht agus leis an ord, le cosaint an chomhshaoil, le cosaint tomhaltóirí, le cánacha agus dleachtanna a ghearradh agus le cóirthrádáil a dhéantar na cúraimí sin. Is féidir go mbeidh ionstraimí tomhais a rialaítear go dlíthiúil ag teastáil chun iad a chur i gcrích.

Idir-inoibritheacht an chórais iarnróid

Treoir(AE) 2016/797 maidir le hidir-inoibritheacht an chórais iarnróid laistigh den Aontas Eorpach

Caighdeáin nua Eorpacha agus táirgí nua Eorpacha caighdeánúcháin a fhorbairt, nó caighdeáin agus táirgí atá ann cheana a athbhreithniú, chun tacú le cur i bhfeidhm Threoir (AE) 2016/797.

Is é an príomhchuspóir ardleibhéal idir-inoibritheachta a áirithiú le haghaidh an chórais iarnróid agus forbairtí teicneolaíocha (digiteach) agus srianta éiceolaíocha (glas) á gcur san áireamh.

Foclóir sonraí le haghaidh tuairisciú d’údaráis mhaoirseachta san earnáil airgeadais

COM(2021) 798 — Straitéis maidir le sonraí maoirseachta i seirbhísí airgeadais an Aontais Eorpaigh

Rialachán (AE) 2019/876 lena leasaítear Rialachán (AE) Uimh. 575/2013 a mhéid a bhaineann leis an gcóimheas luamhánaithe, leis an gcóimheas glanchistiúcháin chobhsaí, leis na ceanglais maidir le cistí dílse agus dliteanais incháilithe, leis an bpriacal creidmheasa contrapháirtí, leis an bpriacal margaidh, leis na risíochtaí ar chontrapháirtithe lárnacha, leis na risíochtaí ar ghnóthais chomhinfheistíochta, leis na risíochtaí móra, leis na ceanglais tuairiscithe agus nochta, agus Rialachán (AE) Uimh. 648/2012

Caighdeán nua Eorpach a fhorbairt le haghaidh na tuairisce ar inneachar agus formáid na sonraí a thuairiscíonn eintitis atá gníomhach san earnáil airgeadais do na húdaráis inniúla chun críoch na maoirseachta airgeadais agus na sonraí a nochtar don phobal faoi chreataí reachtacha éagsúla.

Ba cheart a áirithiú leis an gcaighdeán go ndéantar tuairisc struchtúrtha chuimsitheach chomhsheasmhach neamh-dhéchiallach ar na sonraí agus téarmaí a úsáid atá fréamhaithe sa reachtaíocht chun nasc soiléir a bhunú idir ítimí sonraí a bhailítear agus/nó a nochtar agus na sonraíochtaí reachtacha ábhartha.

Is é an cuspóir fadtéarmach tuairisciú maoirseachta an Aontais a nuachóiriú agus córas a chur i bhfeidhm lena soláthrófar sonraí cruinne comhsheasmhacha tráthúla do na húdaráis mhaoirseachta ar leibhéal an Aontais agus ar an leibhéal náisiúnta, agus an t-ualach tuairiscithe comhiomlán ar na páirtithe ábhartha uile a íoslaghdú ag an am céanna.

Le caighdeánú sonraí agus le comhthuiscint ar na sonraí a bhailítear agus a nochtar faoi chreataí reachtacha éagsúla, beidh sé níos éasca teicneolaíochtaí digiteacha a úsáid agus déanfar tarchur, bailíochtú agus anailís na sonraí a shimpliú.

Táirgí coincréite réamhtheilgthe

Rialachán (AE) Uimh. 305/2011 maidir le táirgí foirgníochta

Na caighdeáin Eorpacha maidir le measúnú a dhéanamh ar fheidhmíocht na dtáirgí foirgníochta a fhorbairt agus a nuashonrú.

Is é an príomhchuspóir an margadh inmheánach a fheabhsú trí fhoráil a dhéanamh maidir le “dearbhú feidhmíochta” coiteann le haghaidh táirgí foirgníochta, rud a chuirfidh deireadh leis an ngá le tástáil bhreise i mBallstáit éagsúla.

Táirgí struchtúracha miotalacha

Rialachán (AE) Uimh. 305/2011 maidir le táirgí foirgníochta

Na caighdeáin Eorpacha maidir le measúnú a dhéanamh ar fheidhmíocht na dtáirgí foirgníochta - táirgí struchtúracha miotalacha a fhorbairt agus a nuashonrú.

Seirbhísí bainistíochta saoráidí le haghaidh troscán

Caighdeáin Eorpacha agus táirgí Eorpacha caighdeánúcháin a fhorbairt lena leagfar síos an leibhéal seirbhíse agus na sonraíochtaí cáilíochta le haghaidh soláthraithe seirbhíse a léasaíonn troscáin do ghnólachtaí agus d’institiúidí.

Is é is aidhm don ghníomhaíocht margadh seirbhíse a fhorbairt don troscán oifige, rud a fhágfaidh ar deireadh go ndéanfaidh monaróirí ábhair troscáin a athúsáid agus a dheisiú.

(1) Is féidir go mbeidh faisnéis faoi na gníomhaíochtaí caighdeánaithe a phléitear i gcomhthéacs an Ardáin Eorpaigh Il-gheallsealbhóirí um Chaighdeánú TFC sa nasc seo a leanas: https://joinup.ec.europa.eu/collection/rolling-plan-ict-standardisation/rolling-plan-2022

FÓGRAÍ Ó INSTITIÚIDÍ, Ó CHOMHLACHTAÍ, Ó OIFIGÍ, AGUS Ó GHNÍOMHAIREACHTAÍ AN AONTAIS EORPAIGH

		ISSN 1977-107X
Iris Oifigiúil an Aontais Eorpaigh		C 93

An t-eagrán Gaeilge	Faisnéis agus Fógraí	66 13 Márta 2023

Clár		Leathanach
	I Rúin, moltaí agus tuairimí
	MOLTAÍ
	An Banc Ceannais Eorpach
2023/C 93/01	Moladh ón mBanc Ceannais Eorpach an 7 Márta 2023 do Comhairle an Aontais Eorpaigh maidir le hiniúchóirí seachtracha Hrvatska narodna banka (BCE/2023/4)	1

	II Faisnéis
	FAISNÉIS Ó INSTITIÚIDÍ, Ó CHOMHLACHTAÍ, Ó OIFIGÍ, AGUS Ó GHNÍOMHAIREACHTAÍ AN AONTAIS EORPAIGH
	An Coimisiún Eorpach
2023/C 93/02	Fógra ón gCoimisiún — Clár oibre bliantúil 2023 an Aontais um chaighdeánú Eorpach	2

	IV Fógraí
	FÓGRAÍ Ó INSTITIÚIDÍ, Ó CHOMHLACHTAÍ, Ó OIFIGÍ, AGUS Ó GHNÍOMHAIREACHTAÍ AN AONTAIS EORPAIGH
	An Coimisiún Eorpach
2023/C 93/03	Tuarascáil Deiridh an Oifigigh Éisteachta — Cás M.9343 – Hyundai Heavy Industries Holdings / Daewoo Shipbuilding & Marine Engineering ( 1 )	32
2023/C 93/04	Achoimre ar Chinneadh ón gCoimisiún an 13 Eanáir 2022 lena ndearbhaítear comhchruinniú gan a bheith comhoiriúnach leis an margadh inmheánach agus le feidhmiú Chomhaontú LEE (Cás M.9343 - Hyundai Heavy Industries Holdings / Daewoo Shipbuilding & Marine Engineering) (tugadh fógra faoi leis an doiciméad C(2022)63) ( 1 )	35
2023/C 93/05	Tuairim ón gCoiste Comhairleach maidir le cumaisc ag a cruinniú an 10 Eanáir 2022 maidir le Cinneadh i gcás M.9343 HHIH/DSME Cruinniú trí Ghlao Closchomhdhála – trí Skype for Business — Rapóirtéir: an tSualainn ( 1 )	39
2023/C 93/06	Rátaí malairte an euro — 10 Márta 2023	40

	V Fógairtí
	NÓSANNA IMEACHTA A BHAINEANN LEIS AN mBEARTAS IOMAÍOCHTA A CHUR CHUN FEIDHME
	An Coimisiún Eorpach
2023/C 93/07	Réamhfhógra faoi chomhchruinniú (Cás M.11031 — HITACHI CONSTRUCTION MACHINERY / KIESEL / EAC) — Cás a d'fhéadfaí a chur faoin nós imeachta simplithe ( 1 )	41

	Airgeadra	Ráta malairte
USD	dollar na Stát Aontaithe	1,0586
JPY	yen na Seapáine	144,70
DKK	krone na Danmhairge	7,4425
GBP	punt steirling	0,88258
SEK	krona na Sualainne	11,3915
CHF	franc na hEilvéise	0,9824
ISK	króna na hÍoslainne	150,10
NOK	krone na hIorua	11,2900
BGN	lev na Bulgáire	1,9558
CZK	koruna Phoblacht na Seice	23,635
HUF	forint na hUngáire	383,65
PLN	zloty na Polainne	4,6815
RON	leu na Rómáine	4,9143
TRY	lira na Tuirce	20,0737
AUD	dollar na hAstráile	1,6064
CAD	dollar Cheanada	1,4643
HKD	dollar Hong Cong	8,3095
NZD	dollar na Nua-Shéalainne	1,7292
SGD	dollar Shingeapór	1,4349
KRW	won na Cóiré Theas	1 398,24
ZAR	rand na hAfraice Theas	19,4250
CNY	renminbi-yuan na Síne	7,3594
IDR	rupiah na hIndinéise	16 402,95
MYR	ringgit na Malaeisia	4,7849
PHP	peso na nOileán Filipíneach	58,400
RUB	rúbal na Rúise
THB	baht na Téalainne	37,115
BRL	real na Brasaíle	5,5037
MXN	peso Mheicsiceo	19,5428
INR	rúipí na hIndia	86,9375