TUAIRIM ÓN GCOIMISIÚN

an 12 Eanáir 2023

maidir leis an bplean i ndáil le diúscairt dramhaíola radaighníomhaí a eascraíonn as díchoimisiúnú agus díchóimeáil ghléasra cumhachta núicléiche Brokdorf (KBR) i Stát Schleswig-Holstein, an Ghearmáin

(Is é an téacs Gearmáinise amháin atá barántúil)

(2023/C 12/01)

Déantar an measúnú thíos faoi fhorálacha Chonradh Euratom, gan dochar d’aon mheasúnú breise atá le déanamh faoin gConradh ar Fheidhmiú an Aontais Eorpaigh ná do na hoibleagáidí a eascraíonn as agus as an reachtaíocht thánaisteach (1).

An 31 Eanáir 2022, fuair an Coimisiún Eorpach ó Rialtas na Gearmáine, i gcomhréir le hAirteagal 37 de Chonradh Euratom, na Sonraí Ginearálta a bhaineann leis an bplean maidir le diúscairt dramhaíola radaighníomhaí (2) a eascraíonn as díchoimisiúnú agus díchóimeáil ghléasra cumhachta núicléiche Brokdorf.

Ar bhonn na sonraí sin agus na faisnéise breise a d’iarr an Coimisiún an 13 Bealtaine 2022 agus a sholáthair údaráis na Gearmáine an 17 Lúnasa 2022 agus tar éis dul i gcomhairle leis an nGrúpa Saineolaithe, dhréachtaigh an Coimisiún an tuairim seo a leanas:

1.	Is é 110 km an t-achar ón suíomh go dtí an teorainn is gaire do Bhallstát eile, sa chás seo an Danmhairg.

2.

Le linn ghnáthoibríochtaí díchoimisiúnaithe agus díchóimeála ghléasra cumhachta núicléiche Brokdorf (KBR), ní dócha go mbeidh sceití na n-eisilteach radaighníomhach leachtach nó gásach ina gcúis le nochtadh an daonra i mBallstát eile, a bheadh suntasach ó thaobh na sláinte de, i leith na dteorainneacha dáileoige a leagtar síos sa Treoir maidir le Caighdeáin Bhunúsacha Sábháilteachta (3).

3.

Stóráiltear dramhaíl radaighníomhach sholadach go sealadach ar an láthair (sa halla ullmhúcháin iompair nua) sula seoltar í chuig saoráidí ceadúnaithe cóireála nó diúscartha atá lonnaithe sa Ghearmáin. Déanfar dramhaíl sholadach neamh-radaighníomhach agus ábhair iarmharacha atá i gcomhréir le leibhéil imréitigh a scaoileadh ó rialú rialála lena ndiúscairt mar ghnáthdhramhaíl nó lena n-athúsáid nó lena n-athchúrsáil. Déanfar sin i gcomhréir leis na critéir a leagtar síos sa Treoir maidir le Caighdeáin Bhunúsacha Sábháilteachta.

4.

I gcás scaoileadh neamhphleanáilte eisilteach radaighníomhach a d’fhéadfadh tarlú tar éis tionóiscí den chineál agus den mhéid a mheastar sna Sonraí Ginearálta, ní bheadh na dáileoga is dócha a gheobhadh daonra Ballstáit eile suntasach ó thaobh na sláinte de, i leith na leibhéal tagartha a leagtar síos sa Treoir maidir le Caighdeáin Bhunúsacha. Mar fhocal scoir, i dtaca le cur chun feidhme an phlean maidir le diúscairt dramhaíola radaighníomhaí i cibé foirm a eascraíonn as díchoimisiúnú agus díchóimeáil ghléasra cumhachta núicléiche Brokdorf (KBR) atá lonnaithe i Stát Schleswig-Holstein, an Ghearmáin, sa ghnáthoibriú agus i gcás tionóiscí den chineál agus den mhéid a mheastar sna Sonraí Ginearálta araon, tá an Coimisiún den tuairim nach dócha go mbeidh an cur chun feidhme sin ina chúis le héilliú radaighníomhach a bheadh suntasach ó thaobh na sláinte, an uisce, na hithreach nó an aerspáis i mBallstát eile de, i leith na bhforálacha a leagtar síos sa Treoir maidir le Caighdeáin Sábháilteachta Bhunúsacha.

---

(1)  Mar shampla, faoin gConradh ar Fheidhmiú an Aontais Eorpaigh, ba cheart measúnú breise a dhéanamh ar ghnéithe comhshaoil. Mar sin de, ba mhaith leis an gCoimisiún aird a tharraingt ar fhorálacha Threoir 2011/92/AE maidir le measúnú a dhéanamh ar éifeachtaí tionscadal poiblí agus príobháideach áirithe ar an gcomhshaol, arna leasú le Treoir 2014/52/AE; ar Threoir 2001/42/CE maidir le measúnú a dhéanamh ar na héifeachtaí a bhíonn ag pleananna agus ag cláir áirithe ar an gcomhshaol agus ar Threoir 92/43/CEE maidir le gnáthóga nádúrtha agus fauna agus flora fiáine a chaomhnú agus ar Threoir 2000/60/CE lena mbunaítear creat do ghníomhaíocht Chomhphobail i réimse an bheartais uisce.

(2)  Diúscairt dramhaíola radaighníomhaí de réir bhrí phointe 1 de Mholadh 2010/635/Euratom ón gCoimisiún an 11 Deireadh Fómhair 2010 maidir le cur i bhfeidhm Airteagal 37 de Chonradh Euratom (IO L 279, 23.10.2010, lch. 36).

(3)  Treoir 2013/59/Euratom ón gComhairle an 5 Nollaig 2013 lena leagtar síos na caighdeáin bhunúsacha sábháilteachta maidir le cosaint ar na contúirtí a easraíonn as nochtadh don radaíocht ianúcháin, agus lena n-aisghairtear Treoracha 89/618/Euratom, 90/641/Euratom, 96/29/Euratom, 97/43/Euratom agus 2003/122/Euratom (IO L 13, 17.1.2014, lch. 1).

COMHAONTÚ

an 12 Nollaig 2022

idir an Banc Ceannais Eorpach agus bainc cheannais náisiúnta na mBallstát lasmuigh de limistéar an euro a leasaíonn Comhaontú an 16 Márta 2006 idir an Banc Ceannais Eorpach agus bainc cheannais náisiúnta na mBallstát atá lasmuigh de limistéar an euro lena leagtar síos na nósanna imeachta oibriúcháin le haghaidh meicníochta rátaí malairte i gcéim a trí den Aontas Eacnamaíoch agus Airgeadaíochta

(2023/C 12/02)

1.

Българска народна банка (Bulgarian National Bank) 1, Knyaz Alexander I Sq. 1000 София/Sofia БЪЛГАРИЯ/BULGARIA Česká národní banka Na Příkopě 28 115 03 Praha 1 ČESKÁ REPUBLIKA Danmarks Nationalbank Havnegade 5 1093 København K DANMARK Hrvatska narodna banka Trg hrvatskih velikana 3 HR-10002 Ságrab HRVATSKA Magyar Nemzeti Bank Búdaipeist Krisztina körút 55. 1013 MAGYARORSZÁG/HUNGARY Narodowy Bank Polski ul. Świętokrzyska 11/21 00-919 Warszawa POLSKA/POLAND Banca Naţională a României Strada Lipscani uimh. 25, earnáil 3 030031 București ROMÂNIA Sveriges Riksbank Brunkebergstorg 11 SE-103 37 Stócólm SVERIGE agus

2.	Banc Ceannais Eorpach (BCE) (dá ngairtear “na Páirtithe” anseo feasta)

De bharr an méid seo a leanas:

1.	Chomhaontaigh an Chomhairle Eorpach ina Rún an 16 Meitheamh 1997 (dá ngairtear “Rún” anseo feasta) meicníocht ráta malairte a chur ar bun (dá ngairtear “ERM II” anseo feasta) nuair a thosaigh an tríú céim den Aontas Eacnamaíoch agus Airgeadaíochta an 1 Eanáir 1999.

2.

Faoi théarmaí an Rúin, tá ERM II ceaptha chun a áirithiú go ndéanfaidh na Ballstáit nach bhfuil sa limistéar euro atá rannpháirteach in ERM II a mbeartais a threorú chun cobhsaíochta, cóineasú a chothú agus, ar an gcaoi sin, cuidiú leis na Ballstáit nach bhfuil sa limistéar euro agus iad ag iarraidh an euro a ghlacadh.

3.

Ghlac an Chróit, mar Bhallstát a bhfuil maolú aige, páirt in ERM II ó 2020 i leith. Is páirtí é Hrvatska narodna banka i gComhaontú an 16 Márta 2006 idir an Banc Ceannais Eorpach agus bainc cheannais náisiúnta na mBallstát lasmuigh den limistéar euro lena leagtar síos na nósanna imeachta oibriúcháin le haghaidh sásra ráta malairte i gcéim a trí den Aontas Eacnamaíoch agus Airgeadaíochta, (1)arna leasú le Comhaontú an 21 Nollaig 2006 (2), le Comhaontú an 14 Nollaig 2007 (3), le Comhaontú an 8 Nollaig 2008 (4), le Comhaontú an 13 Nollaig 2010 (5), le Comhaontú an 21 Meitheamh 2013, le Comhaontú (6) an 6 Nollaig 2013 (7), le Comhaontú an 13 Samhain 2014 (8) agus le Comhaontú an 22 Eanáir 2020 (9) (dá ngairtear “Comhaontú Banc Ceannais ERM II” anseo feasta).

4.

De bhun Airteagal 1 de Chinneadh (AE) 2022/1211 ón gComhairle an 12 Iúil 2022 maidir le glacadh an euro ag an gCróit (10) an 1 Eanáir 2023, aisghairtear an maolú i bhfabhar na Cróite dá dtagraítear in Airteagal 5 d’Ionstraim Aontachais (11) 2012 le héifeacht ón 1 Eanáir 2023. Beidh an euro ina airgeadra ag an gCróit ón 1 Eanáir 2023 agus níor cheart go mbeadh Hrvatska narodna banka ina pháirtí a thuilleadh i gComhaontú Banc Ceannais ERM II ón dáta sin.

5.	Is gá, dá bhrí sin, Comhaontú Banc Ceannais ERM II a leasú chun aisghairm an mhaolaithe i bhfabhar na Cróite a chur san áireamh,

TAR ÉIS COMHAONTÚ FAOI MAR A LEANAS:

---

(1)  IO C 73, 25.3.2006, lch. 21.

(2)  IO C 14, 20.1.2007, lch. 6.

(3)  IO C 319, 29.12.2007, lch. 7.

(4)  IO C 16, 22.1.2009, lch. 10.

(5)  IO C 5, 8.1.2011, lch. 3.

(6)  IO C 187, 29.6.2013, lch. 1.

(7)  IO C 17, 21.1.2014, lch. 1.

(8)  IO C 64, 21.2.2015, lch. 1.

(9)  IO C 32 I, 1.2.2020, lch. 1.

(10)  IO L 187, 14.7.2022, lch. 31.

(11)  IO L 112, 24.4.2012, lch. 21.

Rátaí malairte an euro (1)

12 Eanáir 2023

(2023/C 12/03)

1 euro =

	Airgeadra	Ráta malairte
USD	dollar na Stát Aontaithe	1,0772
JPY	yen na Seapáine	140,61
DKK	krone na Danmhairge	7,4385
GBP	punt steirling	0,88690
SEK	krona na Sualainne	11,2730
CHF	franc na hEilvéise	1,0056
ISK	króna na hÍoslainne	154,30
NOK	krone na hIorua	10,7228
BGN	lev na Bulgáire	1,9558
CZK	koruna Phoblacht na Seice	24,036
HUF	forint na hUngáire	399,60
PLN	zloty na Polainne	4,6920
RON	leu na Rómáine	4,9440
TRY	lira na Tuirce	20,2312
AUD	dollar na hAstráile	1,5570
CAD	dollar Cheanada	1,4439
HKD	dollar Hong Cong	8,4121
NZD	dollar na Nua-Shéalainne	1,6937
SGD	dollar Shingeapór	1,4309
KRW	won na Cóiré Theas	1 340,17
ZAR	rand na hAfraice Theas	18,1417
CNY	renminbi-yuan na Síne	7,2700
IDR	rupiah na hIndinéise	16 456,12
MYR	ringgit na Malaeisia	4,6955
PHP	peso na nOileán Filipíneach	59,292
RUB	rúbal na Rúise
THB	baht na Téalainne	35,849
BRL	real na Brasaíle	5,5556
MXN	peso Mheicsiceo	20,3745
INR	rúipí na hIndia	87,7830

---

(1)  Foinse: ráta malairte tagartha arna fhoilsiú ag an mBanc Ceannais Eorpach (BCE).

Achoimre ar Chinntí ón gCoimisiún Eorpach maidir le húdaruithe chun na substaintí a chur ar an margadh agus/nó a úsáid a liostaítear in Iarscríbhinn XIV a ghabhann le Rialachán (CE) Uimh. 1907/2006 ó Pharlaimint na hEorpa agus ón gComhairle maidir le Clárú, Meastóireacht, Údarú agus Srianadh Ceimiceán (REACH)

(Foilsithe de bhun Airteagal 64(9) de Rialachán (CE) Uimh. 1907/2006 (1))

(Téacs atá ábhartha maidir le LEE)

(2023/C 12/04)

Cinneadh lena ndeonaítear údarú

An tagairt don chinneadh (2)	Dáta an Chinnidh	Ainm na substainte	Sealbhóir/sealbhóirí an údaraithe	Uimhir an údaraithe	Úsáid údaraithe	Dáta éaga na tréimhse athbhreithnithe	Na cúiseanna atá leis an gcinneadh
C(2023) 31	6 Eanáir 2023	4-(1,1,3,3-Teitrimeitiolbúitil)feanól, eatocsailithe (4-treas-OPnEO) Uimh. CE: -, Uimh. CAS:-	AGC Biologics A/S, Vandtårnsvej 83 B, 2860, Søborg, an Danmhairg AGC Biologics GmbH, Czernyring 22, 69115, Heidelberg, an Ghearmáin	REACH/22/45/0 REACH/22/45/1 REACH/22/45/2 REACH/22/45/3	Mar ghlantach chun víris a dhíghníomhachtú i dtáirgeadh próitéiní teiripeacha agus úsáid á baint as óstach ceall mamach Mar ghlantach le linn próiseas íonúcháin bithchógaisíochta athchuingreach a dhíorthaítear ó óstaigh mhiocróbacha i dtionscadail ina bhfuil próisis ceadaithe ag na húdaráis (i gcás ina bhfuil na próisis comhlíontach leis an dea-chleachtas monaraíochta)	4 Eanáir 2033	I gcomhréir le hAirteagal 60(4) de Rialachán (CE) Uimh. 1907/2006, is mó na sochair shocheacnamaíocha ná an riosca do shláinte an duine agus don chomhshaol de bharr úsáidí na substainte agus níl aon substaint ná teicneolaíocht mhalartach ann atá oiriúnach.

---

(1)  IO L 396, 30.12.2006, lch. 1.

(2)  1 Tá an cinneadh le fáil ar shuíomh gréasáin an Choimisiúin Eorpaigh ag: Authorisation (europa.eu).

Fógra ón gCoimisiún maidir le rátaí úis aisghabhála státchabhrach agus rátaí tagartha/lascaine reatha is infheidhme ón 1 Feabhra 2023

(Arna fhoilsiú i gcomhréir le hAirteagal 10 de Rialachán (CE) Uimh. 794/2004 ón gCoimisiún (1))

(2023/C 12/05)

Bunrátaí arna ríomh i gcomhréir leis an Teachtaireacht ón gCoimisiún maidir le hathbhreithniú a dhéanamh ar an modh chun na rátaí tagartha agus lascaine a shocrú (IO C 14, 19.1.2008, lch. 6.). De réir úsáid an ráta tagartha, tá na corrlaigh iomchuí fós le cur isteach mar a shainítear sa teachtaireacht seo. Maidir leis an ráta lascaine ciallaíonn sé nach mór corrlach 100 bonnphointe a chur leis. Le Rialachán (CE) Uimh. 271/2008 an 30 Eanáir 2008 lena leasaítear Rialachán (CE) Uimh. 794/2004 foráiltear gurb amhlaidh, mura bhforáiltear maidir lena mhalairt i gcinneadh sonrach, a ríomhfar an ráta téarnaimh freisin trí 100 bonnphointe a chur leis an mbunráta.

Léirítear na rátaí modhnaithe i gcló trom.

Tá an tábla roimhe seo foilsithe in IO C 487, 22.12.2022, lch 8.

ó	go	AT	BE	BG	CY	CZ	DE	DK	EE	EL	ES	FI	FR	HR	HU	IE	IT	LT	LU	LV	MT	NL	PL	PT	RO	SE	SI	SK	UK
1.2.2023	…	2,56	2,56	0,79	2,56	7,43	2,56	2,92	2,56	2,56	2,56	2,56	2,56	2,56	15,10	2,56	2,56	2,56	2,56	2,56	2,56	2,56	7,62	2,56	8,31	2,44	2,56	2,56	2,77
1.1.2023	31.1.2023	2,56	2,56	0,36	2,56	7,43	2,56	2,92	2,56	2,56	2,56	2,56	2,56	2,56	15,10	2,56	2,56	2,56	2,56	2,56	2,56	2,56	7,62	2,56	8,31	2,44	2,56	2,56	2,77

---

(1)  IO L 140, 30.4.2004, lch. 1.

Fógra maidir le dul in éag atá le tarlú i dtaca le bearta frithdhumpála áirithe

(2023/C 12/06)

1.   Mar a fhoráiltear in Airteagal 11(2) de Rialachán (AE) 2016/1036 ó Pharlaimint na hEorpa agus ón gComhairle an 8 Meitheamh 2016 maidir le cosaint i gcoinne allmhairí dumpáilte ó thíortha nach baill den Aontas Eorpach iad (1), tá an Coimisiún ag tabhairt fógra go rachaidh na bearta frithdhumpála a luaitear thíos in éag ar an dáta a luaitear sa tábla thíos mura dtionscnófar athbhreithniú i gcomhréir leis an nós imeachta seo a leanas.

2.   Nós imeachta

Féadfaidh táirgeoirí de chuid an Aontais iarraidh i scríbhinn a dhéanamh ar athbhreithniú. Ní mór fianaise leordhóthanach a bheith san iarraidh sin gur dócha go leanfaí den dumpáil agus den díobháil nó go dtarlóidís arís mar thoradh ar dhul in éag na mbeart. Má chinneann an Coimisiún na bearta lena mbaineann a athbhreithniú, tabharfar deis ansin d'allmhaireoirí, d'onnmhaireoirí, d'ionadaithe na tíre is onnmhaireoir agus do tháirgeoirí de chuid an Aontais a mbarúil a thabhairt ar na hábhair atá leagtha amach san iarraidh ar athbhreithniú, nó béim a leagan ar na hábhair sin, nó iad a bhréagnú.

3.   Teorainn ama

Ar bhonn an mhéid thuas féadfaidh táirgeoirí an Aontais iarraidh i scríbhinn a dhéanamh ar athbhreithniú, iarraidh nach mór a bheith faighte ag an gCoimisiún Eorpach, Ard-Stiúrthóireacht na Trádála (Aonad G-1), CHAR 4/39, 1049, an Bhruiséil, an Bheilg (2) aon tráth tar éis fhoilsiú an fhógra seo ach tráth nach déanaí ná trí mhí roimh an dáta a luaitear sa tábla thíos.

4.   Is i gcomhréir le hAirteagal 11(2) de Rialachán (AE) 2016/1036 a fhoilsítear an fógra seo.

Táirge	Tír/tíortha tionscnaimh nó tír/tíortha is onnmhaireoir	Bearta	Tagairt	Dáta éaga (3)
Píopaí agus feadáin gan uaim áirithe d’iarann nó de chruach,	An Rúis an Úcráin	Dleacht frithdhumpála	Rialachán Cur Chun Feidhme (AE) 2018/1469 ón gCoimisiún an 1 Deireadh Fómhair 2018 lena bhforchuirtear dleacht frithdhumpála chinntitheach ar allmhairí píopaí agus feadán gan uaim áirithe d’iarann nó de chruach, de thionscnamh na Rúise agus na hÚcráine, tar éis athbhreithniú éaga de bhun Airteagal 11(2) de Rialachán (AE) 2016/1036 ó Pharlaimint na hEorpa agus ón gComhairle (IO L 246, 2.10.2018, lch. 20)	3.10.2023

---

(1)  IO L 176, 30.6.2016, lch. 21.

(2)  TRADE-Defence-Complaints@ec.europa.eu

(3)  Téann an beart in éag ag meán oíche (00:00) an lá a luaitear sa cholún seo.

Réamhfhógra faoi chomhchruinniú

(Cás M.10964 – WILMAR / CLARIANT / CLARIANT QUATS BUSINESS JV)

Cás a d'fhéadfaí a chur faoin nós imeachta simplithe

(Téacs atá ábhartha maidir le LEE)

(2023/C 12/07)

---

(1)  IO L 24, 29.1.2004, lch. 1 (an “Rialachán um Chumaisc”).

(2)  IO C 366, 14.12.2013, lch. 5.

Réamhfhógra faoi chomhchruinniú

(Cás M.10815 – DEUTSCHE TELEKOM / ORANGE / TELEFONICA / VODAFONE / JV)

(Téacs atá ábhartha maidir le LEE)

(2023/C 12/08)

---

(1)  IO L 24, 29.1.2004, lch. 1 (an “Rialachán um Chumaisc”).

Réamhfhógra faoi chomhchruinniú

(Cás M.10989 — BLACKSTONE / EMERSON (HVAC AND REFRIGERATION TECHNOLOGY BUSINESS))

Cás a d'fhéadfaí a chur faoin nós imeachta simplithe

(Téacs atá ábhartha maidir le LEE)

(2023/C 12/09)

---

(1)  IO L 24, 29.1.2004, lch. 1 (an “Rialachán um Chumaisc”).

(2)  IO C 366, 14.12.2013, lch. 5.