Imeachtaí a thionscnamh

(Cás M.10433 – VIVENDI / LAGARDERE)

(Téacs atá ábhartha maidir le LEE)

(2022/C 471/01)

An 30 Samhain 2022, chinn an Coimisiún imeachtaí a thionscnamh sa chás thuasluaite tar éis dó cinneadh a dhéanamh go bhfuil ábhair imní thromchúiseacha ann maidir leis an gcomhchruinniú ar tugadh fógra faoi ó thaobh a chomhoiriúnacht leis an margadh inmheánach de. Le tionscnamh na n-imeachtaí cuirtear tús le himscrúdú dara céim i ndáil leis an gcomhchruinniú ar tugadh fógra faoi, agus déantar sin gan dochar don chinneadh críochnaitheach maidir leis an gcás. Tá an cinneadh bunaithe ar Airteagal 6(1)(c) de Rialachán (CE) Uimh. 139/2004 ón gComhairle (1).

Iarrann an Coimisiún ar thríú páirtithe leasmhara a mbarúlacha faoin gcomhchruinniú atá beartaithe a chur faoi bhráid an Choimisiúin.

Chun go gcuirfear barúlacha san áireamh go hiomlán mar chuid den nós imeachta, ba cheart na barúlacha sin a bheith faighte ag an gCoimisiún tráth nach déanaí ná 15 lá tar éis dháta foilsithe an fhoilseacháin seo. Is féidir barúlacha a sheoladh chuig an gCoimisiún le facs (+32 22964301), le ríomhphost chuig COMP-MERGER-REGISTRY@ec.europa.eu nó tríd an bpost, agus é sin a dhéanamh faoin tagairt Uimh. M.10433 – VIVENDI / LAGARDERE, chuig an seoladh seo a leanas:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

---

(1)  IO L 24, 29.1.2004, lch. 1 (an “Rialachán um Chumaisc”).

Gan cur i gcoinne comhchruinniú ar tugadh fógra faoi

(Cás M.10934 – VINCI ENERGIES / KONTRON IT SERVICE COMPANIES)

(Téacs atá ábhartha maidir le LEE)

(2022/C 471/02)

An 16 Samhain 2022, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32022M10934. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Gan cur i gcoinne comhchruinniú ar tugadh fógra faoi

(Cás M.10912 – CD&R / ATALIAN)

(Téacs atá ábhartha maidir le LEE)

(2022/C 471/03)

An 24 Samhain 2022, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32022M10912. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Gan cur i gcoinne comhchruinniú ar tugadh fógra faoi

(Cás M.10956 — AURELIUS INVESTMENT LUX SEVEN / SAPPI FINLAND ONE / SAPPI FINLAND OPERATIONS / SAPPI MAASTRICHT REAL ESTATE / SAPPI STOCKSTADT)

(Téacs atá ábhartha maidir le LEE)

(2022/C 471/04)

An 1 Nollaig 2022, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32022M10956. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Gan cur i gcoinne comhchruinniú ar tugadh fógra faoi

(Cás M.10929 – GENERALI REAL ESTATE / MUNICH RE / SAXON LAND)

(Téacs atá ábhartha maidir le LEE)

(2022/C 471/05)

An 5 Nollaig 2022, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32022M10929. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Gan cur i gcoinne comhchruinniú ar tugadh fógra faoi

(Cás M.10580 – SE AG / SEC / SEPG)

(Téacs atá ábhartha maidir le LEE)

(2022/C 471/06)

An 6 Nollaig 2022, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32022M10580. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Rátaí malairte an euro (1)

9 Nollaig 2022

(2022/C 471/07)

1 euro =

	Airgeadra	Ráta malairte
USD	dollar na Stát Aontaithe	1,0559
JPY	yen na Seapáine	143,30
DKK	krone na Danmhairge	7,4379
GBP	punt steirling	0,85950
SEK	krona na Sualainne	10,9188
CHF	franc na hEilvéise	0,9856
ISK	króna na hÍoslainne	149,50
NOK	krone na hIorua	10,5345
BGN	lev na Bulgáire	1,9558
CZK	koruna Phoblacht na Seice	24,293
HUF	forint na hUngáire	417,53
PLN	zloty na Polainne	4,6869
RON	leu na Rómáine	4,9224
TRY	lira na Tuirce	19,6872
AUD	dollar na hAstráile	1,5553
CAD	dollar Cheanada	1,4380
HKD	dollar Hong Cong	8,2169
NZD	dollar na Nua-Shéalainne	1,6482
SGD	dollar Shingeapór	1,4260
KRW	won na Cóiré Theas	1 373,94
ZAR	rand na hAfraice Theas	18,2358
CNY	renminbi-yuan na Síne	7,3475
HRK	kuna na Cróite	7,5550
IDR	rupiah na hIndinéise	16 453,46
MYR	ringgit na Malaeisia	4,6512
PHP	peso na nOileán Filipíneach	58,470
RUB	rúbal na Rúise
THB	baht na Téalainne	36,656
BRL	real na Brasaíle	5,5457
MXN	peso Mheicsiceo	20,8490
INR	rúipí na hIndia	86,9535

---

(1)  Foinse: ráta malairte tagartha arna fhoilsiú ag an mBanc Ceannais Eorpach (BCE).

CINNEADH ÓN gCOIMISIÚN

an 7 Nollaig 2022

lena mbunaítear grúpa saineolaithe um shláinte phoiblí de chuid an Choimisiúin agus lena n-aisghairtear Cinneadh ón gCoimisiún lena mbunaítear grúpa saineolaithe de chuid an Choimisiúin “Grúpa Stiúrtha um Chur Chun Cinn na Sláinte, um Ghalair a Chosc agus um Ghalair Neamhtheagmhálacha a Bhainistiú”

(Téacs atá ábhartha maidir le LEE)

(2022/C 471/08)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

De bharr an mhéid seo a leanas:

(1)

I gcomhréir le hAirteagal 168(1) den Chonradh ar Fheidhmiú an Aontais Eorpaigh, déanfar gníomhaíocht an Aontais, de chomhlánú ar na beartais náisiúnta, a dhíriú ar an tsláinte phoiblí a fheabhsú, ar thinneas agus ar ghalair choirp agus mheabhrach a chosc, agus ar fhoinsí contúirte don tsláinte fhisiceach agus mheabhrach a sheachaint. Faoi Airteagal 168(2) den Chonradh, ceanglaítear ar na Ballstáit, i gcomhar leis an gCoimisiún, a gcuid beartas agus clár a chomhordú eatarthu féin sna réimsí dá dtagraítear i mír 1 den Airteagal sin. Féadfaidh an Coimisiún, i ndlúthchomhar leis na Ballstáit, aon tionscnamh fóinteach a ghlacadh chun an comhordú sin a chur chun cinn, go háirithe tionscnaimh lena bhféachtar le treoirlínte agus táscairí a leagan síos agus malartú dea-chleachtas a eagrú.

(2)

An taithí agus na torthaí a fuarthas tríd an ngrúpa saineolaithe de chuid an Choimisiúin “Grúpa Stiúrtha um Chur Chun Cinn na Sláinte, um Ghalair a Chosc agus um Ghalair Neamhtheagmhálacha a Bhainistiú”, léirigh siad gur féidir leis an gcomhordú idir na Ballstáit cuidiú chun an t-ualach a bhaineann le galair neamhtheagmhálacha san Aontas a laghdú trí na dea-chleachtais a chomhroinnt agus a chur chun feidhme agus trí chomhordú na gníomhaíochta a fheabhsú.

(3)

Sa ghrúpa saineolaithe sin, d’oibrigh an Coimisiún go dlúth leis na Ballstáit chun gníomhaíochtaí agus beartais a fhorbairt a thacóidh leo chun na spriocanna forbartha inbhuanaithe a bhaint amach, agus go háirithe sprioc forbartha inbhuanaithe 3, “Beatha shláintiúil a áirithiú agus folláine a chur chun cinn do chách ag gach aois”. Tá an obair sin i gcomhréir leis an Teachtaireacht ón gCoimisiún maidir leis na chéad chéimeanna eile i dtreo todhchaí inbhuanaithe don Eoraip — Gníomhaíocht Eorpach um inbhuanaitheacht (1). Beidh na Spriocanna Forbartha Inbhuanaithe i gcónaí ina stiúir maidir le gníomhaíochtaí a bhaineann leis an tsláinte phoiblí.

(4)

Ó bunaíodh an grúpa saineolaithe sin, tá dúshláin eile os comhair an Aontais maidir leis an tsláinte phoiblí, amhail na dúshláin a bhaineann le galair theagmhálacha lena n-áirítear VEID/SEIF, eitinn agus heipitíteas chomh maith le dúshláin ghaolmhara i ndáil leis an vacsaíniú agus an fhrithsheasmhacht fhrithmhiocróbach. Dá bhrí sin, is gá go ndéanfaí an comhordú, ní hamháin chun an tsláinte a chur chun cinn, chun galair a chosc agus chun galair neamhtheagmhálacha a bhainistiú, ach ar bhealach níos leithne chun dul i ngleic leis na dúshláin nua thábhachtacha sin sa tsláinte phoiblí freisin.

(5)	Ba cheart é a bheith mar mhisean ag grúpa nua saineolaithe obair an Choiste Slándála Sláinte, coiste a bhunaítear le Cinneadh Uimh. 1082/2013/AE ó Pharlaimint na hEorpa agus ón gComhairle (2), a chomhlánú trí thacú a thuilleadh le malartú agus cur chun feidhme na ndea-chleachtas.

(6)

Oibreoidh an grúpa nua saineolaithe um shláinte phoiblí i réimsí nach bhforluíonn ar obair an Choiste Slándála Sláinte, arna bhunú le Cinneadh Uimh. 1082/2013/AE. Gníomhaíonn an Coiste Slándála Sláinte ar an ullmhacht agus ar an bhfreagairt ar ghéarchéimeanna, ach cuirfidh an grúpa nua saineolaithe um shláinte phoiblí comhairle ar an gCoimisiún maidir le forbairt beartais agus le haistriú dea-chleachtas i ndáil le dúshláin ollmhóra sa tsláinte phoiblí, lena n-áirítear galair neamhtheagmhálacha chomh maith le galair theagmhálacha amhail VEID/SEIF, eitinn agus heipitíteas, chun comhordú idir na Ballstáit a chur chun cinn.

(7)

Ós rud é go bhfuil raon feidhme níos leithne ag na gníomhaíochtaí ná mar atá ag an ngrúpa saineolaithe atá ann faoi láthair, grúpa a dhíríonn ar ghalair neamhtheagmhálacha amháin, is gá grúpa saineolaithe nua a bhunú i réimse na sláinte poiblí agus a chúraimí agus a struchtúr a shainiú, i gcomhréir le Cinneadh C(2016) 3301 ón gCoimisiún maidir le rialacha cothrománacha a leagan síos i ndáil le cruthú agus feidhmiú grúpaí saineolaithe de chuid an Choimisiúin. Ba cheart raon feidhme an tsainghrúpa sin a leathnú chuig na dúshláin sin sa tsláinte poiblí seachas a raon feidhme a theorannú do ghalair neamhtheagmhálacha amháin.

(8)	Ba cheart an grúpa a bheith comhdhéanta d’údaráis de chuid na mBallstát.

(9)	Ba cheart rialacha a leagan síos maidir le nochtadh faisnéise a dhéanfaidh comhaltaí an ghrúpa.

(10)	Ba cheart sonraí pearsanta a phróiseáil i gcomhréir le Rialachán (AE) 2016/679 ó Pharliamint na hEorpa agus ón gComhairle (3) (an Rialachán Ginearálta maidir le Cosaint Sonraí), Rialachán a bhfuil feidhm aige maidir leis na Ballstáit.

(11)

An Cinneadh ón gCoimisiún lena mbunaítear an Grúpa Stiúrtha um Chur Chun Cinn na Sláinte, um Ghalair a Chosc agus um Ghalair Neamhtheagmhálacha a Bhainistiú (4), ba cheart é a aisghairm agus an grúpa nua a bhunaítear sa Chinneadh seo a chur in áit an ghrúpa sin, chun gníomhaíochtaí agus tionscnaimh a fhorbairt, chun comhordú idir na Ballstáit a chur chun cinn, chun aghaidh a thabhairt ar dhúshláin ollmhóra sa tsláinte phoiblí san Aontas amhail na dúshláin a bhaineann le galair theagmhálacha lena n-áirítear VEID/SEIF, eitinn agus heipitíteas, mar aon le dúshláin ghaolmhara lena n-áirítear vacsaíniú agus frithsheasmhacht fhrithmhiocróbach, agus sin gan bheith teoranta do ghalair neamhtheagmhálacha amháin.

(12)

Is iomchuí tréimhse a shocrú maidir leis an gCinneadh seo a chur i bhfeidhm, agus tréimhse cúig bliana ba cheart a bheith ann. In am trátha ba cheart don Choimisiún breithniú a dhéanamh ar an ngá atá ann le síneadh a chur leis an tréimhse cur i bhfeidhm, tar éis meastóireacht ar oibríochtaí agus aschuir an Ghrúpa saineolaithe um shláinte phoiblí.

TAR ÉIS A CHINNEADH MAR A LEANAS:

---

(1)  Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún dar teideal Next steps for a sustainable European — future European action for sustainability [Na chéad chéimeanna eile i dtreo todhchaí inbhuanaithe don Eoraip — Gníomhaíocht Eorpach um inbhuanaitheacht] (COM(2016) 739 final, 22 Samhain 2016).

(2)  Cinneadh Uimh. 1082/2013/AE ó Pharlaimint na hEorpa agus ón gComhairle an 22 Deireadh Fómhair 2013 maidir le mórbhagairtí trasteorann ar an tsláinte agus lena n-aisghairtear Cinneadh Uimh. 2119/98/CE (IO L 293, 5.11.2013, lch. 1).

(3)  Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lch.1).

(4)  Cinneadh ón gCoimisiún an 17 Iúil 2018 lena mbunaítear grúpa saineolaithe de chuid an Choimisiúin “Grúpa Stiúrtha um Chur Chun Cinn na Sláinte, um Ghalair a Chosc agus um Ghalair Neamhtheagmhálacha a Bhainistiú” agus lena n-aisghairtear an Cinneadh lena mbunaítear grúpa saineolaithe um ghalair neamhchoitianta de chuid an Choimisiúin agus an Cinneadh lena mbunaítear grúpa saineolaithe um Rialú Ailse de chuid an Choimisiúin, (IO C 251, 18.7.2018, lch. 9).

(5)  Cinneadh C(2016) 3301 ón gCoimisiún.

(6)  Cinneadh (AE, Euratom) 2015/443 ón gCoimisiún an 13 Márta 2015 maidir le Slándáil sa Choimisiún (IO L 72, 17.3.2015, lch. 41).

(7)  Cinneadh (AE, Euratom) 2015/444 ón gCoimisiún an 13 Márta 2015 maidir leis na rialacha slándála chun faisnéis rúnaicmithe de chuid an Aontais Eorpaigh a chosaint (IO L 72, 17.3.2015, lch. 53).

(8)  Is é is cuspóir leis na heisceachtaí sin slándáil an phobail, gnóthaí míleata, caidreamh idirnáisiúnta, beartais airgeadais, airgeadaíochta nó eacnamaíocha, príobháideachas agus sláine an duine aonair, leasanna tráchtála, imeachtaí cúirte agus comhairle dlí, cigireachtaí/imscrúduithe/iniúchtaí agus próiseas cinnteoireachta na n-institiúidí a chosaint.

(9)  IO L 145, 31.5.2001, lch. 43.

(10)  Cinneadh (C)(2018) 4492 ón gCoimisiún.

Tuarascáil speisialta 25/2022 “Fíorú ar an Ollioncam Náisiúnta chun buiséad an Aontais a mhaoiniú”

(2022/C 471/09)

D’fhoilsigh Cúirt Iniúchóirí na hEorpa a Tuarascáil speisialta 25/2022: “Fíorú ar an Ollioncam Náisiúnta chun buiséad an Aontais a mhaoiniú – Na rioscaí i dtiomsú sonraí cuimsithe go maith tríd is tríd, ach is féidir ord tosaíochta na ngníomhaíochtaí a fheabhsú tuilleadh”.

Más maith leat an tuarascáil a léamh nó a íoslódáil, is féidir é sin a dhéanamh ag suíomh gréasáin Chúirt Iniúchóirí na hEorpa: https://www.eca.europa.eu/ga/Pages/DocItem.aspx?did=62634

Réamhfhógra faoi chomhchruinniú

(Cás M.10937 - EDF DEUTSCHLAND / HAZWEI / HYPION MOTION NEUMÜNSTER JV)

Cás a d’fhéadfaí a chur faoin nós imeachta simplithe

(Téacs atá ábhartha maidir le LEE)

(2022/C 471/10)

---

(1)  IO L 24, 29.1.2004, lch. 1 (an “Rialachán um Chumaisc”).

(2)  IO C 366, 14.12.2013, lch. 5.

Foilsiú teachtaireachta maidir le leasú caighdeánach a fhormheas ar an tsonraíocht táirge le haghaidh ainm in earnáil an fhíona, dá dtagraítear in Airteagal 17(2) agus (3) de Rialachán Tarmligthe (AE) 2019/33 ón gCoimisiún

(2022/C 471/11)

Foilsítear an teachtaireacht seo i gcomhréir le hAirteagal 17(5) de Rialachán Tarmligthe (AE) 2019/33 ón gCoimisiún (1)

FORMHEAS LEASAITHE CHAIGHDEÁNAIGH A CHUR IN IÚL

“Colinele Dobrogei”

PGI-RO-A0612-AM03

Dáta teachtaireachta: 28 Meán Fómhair 2022

TUAIRISC AR AN LEASÚ FORMHEASTA AGUS CÚISEANNA LEIS

1.   Leasú ar an limistéar geografach táirgthe trí limistéir nua a áireamh

Iarraimid go ndéanfaí an limistéar críochaithe le haghaidh táirgeadh fíonta le TGFC Colinele Dobrogei a thabhairt cothrom le dáta trí bhardas Baia, ina bhfuil sráidbhaile Baia i gcontae Tulcea, a áireamh.

Tá Baia suite in oirdheisceart chontae Tulcea, ar theorainn bardais Stejaru sa tuaisceart, Beidaud san iardheisceart, Ceamurlia de Jos san oirthear agus contae Constanța sa deisceart. Tá Baia suite 57 km ó Tulcea, suíomh an chontae, agus 20 km ó Babadag, atá mar chuid den limistéar táirgthe atá críochaithe don TGFC.

Baineann bardas/sráidbhaile Baia leas as coinníollacha éicipéidiclíoma cosúil leis na cinn atá i limistéar TGFC Colinele Dobrogei mar gheall ar a shuíomh laistigh den limistéar riaracháin agus a chóngaracht do bhailte agus sráidbhailte atá cumhdaithe ag an tásc geografach óna dtáirgtear fíonta d’ardchaighdeán faoi láthair.

Mar thoradh ar na coinníollacha aeráide in Baia, le radaíocht na gréine agus fuinneamh solais do shintéisiú substaintí orgánacha, tá tiúchan ard siúcraí sna fíonchaora agus dá bhrí sin san úrfhíon. Mar thoradh air sin, tagtar ar fhíonta socra atá láidir agus ungthach ach, an tráth céanna, úr, le dath buí amhail tuí nó dath buí le gealáin ghlasa, dea-bholaithe bláthacha (bláth troim, acáise) agus torthaíocha (torthaí coimhthíocha), le dea-bholadh casta agus saintréithe orgánaileipteacha cosúil le saintréithe fíonta socra le tásc geografach Colinele Dobrogei.

Leasaítear Caibidil III den tsonraíocht agus pointe 6 den doiciméad aonair.

2.   Cleachtais teicneolaíochta a chur isteach chun cineálacha áirithe fíona a tháirgeadh

Coinníollacha áirithe a bhaineann le cleachtais teicneolaíochta (próisis) as a dtiocfaidh fíonóireacht fíonta bána ó fhíonchaora dearga, fíonta socra rosé ó fhíonchaora bána agus fíonta socra oráiste ó fhíonchaora bána (próiseas maothaithe ar chraiceann úrfhíon fíonchaor bán), cuireadh iad leis an tsonraíocht.

I ngeall ar threochtaí nua tomhaltais agus an rogha tosaíochta atá ann le haghaidh cineálacha fíonta rosé lena n-úsáidtear cleachtais teicneolaíochta éagsúla, tá méadú ag teacht ar an spéis sna cineálacha fíonta socra sin.

Leasaítear Caibidil X den tsonraíocht agus pointe 5.1 den doiciméad aonair.

3.   Cineálacha nua fíonchaor a thabhairt isteach, mar phríomhchineálacha táirgeachta

Forlíontar an tsonraíocht le cineálacha nua fíonchaor a cheadófar i dtáirgeadh na bhfíonta, i.e. Crâmpoșie selecționată, Busuioacă de Bohotin agus Băbească gri.

Crâmpoșie selecționată - cineál fíonchaor Rómánach a shaothraítear i gceantar Dobrogea.

I limistéar TGFC “Colinele Dobrogei”, atá oiriúnach le haghaidh fómhar déanach, éiríonn le cineálacha fíonchaor a bhfuil craiceann tiubh orthu amhail Crâmpoșie selecționată aibiú go hiomlán chun fíonta torthaíocha agus cothromaithe a tháirgeadh, le dea-bholadh úr, cumhracht úr agus blasanna torthaíocha (piorra, úll glas) agus uaireanta blasanna bláthacha, blas a mhaireann a rian, le lorg citris agus ábhar mianraigh. Maidir lena chuma, d’fhéadfadh dath an fhíona a bheith buí le loinnir chriostalta agus le gealáin ghlasa scoite.

Tá claonadh ag fíonchaora Busuioacă de Bohotin cainníochtaí móra siúcraí a charnadh, rud a éascaíonn an méadú cáilíochtúil ar chion an dea-bholaidh a bhaineann go sonrach leis an gcineál Busuioacă. Eascraíonn rosé geal as forbairt an fhíona, le blasanna rosé, dea-bholaithe sútha talún, sútha talún foraoise agus blas tréan torthaíoch le haigéadacht mheánach.

Băbească gri - cineál fíonchaor Rómánach a bhfuil, nuair a dhéantar fíon de, tréithe bolaithe bláthanna agus torthaí úra, úlla glasa, blas beag na meala acáise agus na círe meala. D’fhéadfadh lorg buí-bán, glasbhuí nó rosé tar éis maothú gairid ar na fíonchaora a bheith san fhíon.

Leasaítear Caibidil IV den tsonraíocht agus pointe 4 agus 7 den doiciméad aonair.

DOICIMÉAD AONAIR

1.   Ainm(neacha)

Colinele Dobrogei

2.   Cineál an táisc gheografaigh:

TGFC — Tásc Geografach faoi Chosaint

3.   Catagóirí táirgí fíniúna

1.

Fíon

4.   Tuairisc ar an bhfíon nó ar na fionnta

—

1.   Fíonta geala agus rosé

TUAIRISC THÉACSÚIL GHAIRID

Fíonta geala agus rosé

Dath: glasbhuí, a d’fhéadfadh a bheith mar dhath órga, dath buí amhail tuí, ar dhath bán an bhradáin/ ar dhath meánach an bhradáin. Bolaithe agus blas: dea-bholadh an fhéar úr-ghearrtha, bláthanna acáise, cumhracht le blas beag na halmóinne milse; tugann carnadh maith siúcraí carachtar tathagach cruinn do na fíonta, agus bolaithe na péitseoige, na haibreoige agus an mhangó; le blas cothromaithe gan an tathag a bheith iomarcach; ó thaobh dea-bholaidh de, tá bolaithe bláthanna móinéir, meala, tósta, agus rósanna ag na fíonta, blas beag an chitris atá tipiciúil i gcineálacha a bhfuil dea-bholadh orthu agus bolaithe na círe meala a mhaireann a rian ar na fíonta aosaithe (le cineálacha a bhfuil dea-bholadh orthu).

Saintréithe anailíseacha ginearálta
Uasmhéid nirt alcóil iomláin (mar % den toirt)	15,00
Íosmhéid nirt alcóil iarbhír (mar % den toirt)	10,00
Íosmhéid aigéadachta iomláine:	3,5 gram in aghaidh an lítir, arna léiriú mar aigéad tartarach
Uasmhéid aigéadachta luainí (mar mhilleachoibhéisí in aghaidh an lítir)	18
Uasmhéid dé-ocsaíde sulfair iomláine (mar mhilleagraim in aghaidh an lítir)	200

2.   Fíonta dearga

TUAIRISC THÉACSÚIL GHAIRID

Fíonta dearga

Dath: Dath dearg an rúibín, dath dearg an ghairnéid, deargchorcra, dúdhearg. Bolaithe agus blas: cruthaíonn carnadh déine an dath dea-bholaithe úra thorthaí na foraoise, blas beag prúnaí, blas mín ar nós veilbhite i do bhéal agus olarthacht, dea-bholaithe sútha craobh, cuiríní dearga, mónóige, silíní searbha, clóbh, sméar dubh agus fraochán; tá struchtúr agus carachtar tainneach ag na fíonta, le cumhracht fhorbartha fraochán agus clóbh, le blasanna piobair/blaistithe, fanaile agus aosú gearr air, silíní dubha, agus aigéadacht bharrmhaith; tá siad oiriúnach lena n-aosú i mbairillí darach.

Saintréithe anailíseacha ginearálta
Uasmhéid nirt alcóil iomláin (mar % den toirt)	15,00
Íosmhéid nirt alcóil iarbhír (mar % den toirt)	10,00
Íosmhéid aigéadachta iomláine	3,5 gram in aghaidh an lítir, arna léiriú mar aigéad tartarach
Uasmhéid aigéadachta luainí (mar mhilleachoibhéisí in aghaidh an lítir)	20
Uasmhéid dé-ocsaíde sulfair iomláine (mar mhilleagraim in aghaidh an lítir)	150

5.   Cleachtais fíon oireachta

5.1.    Cleachtais fíonóireachta shonracha

1.

Táirgeadh lasmuigh den limistéar críochaithe Srianadh ábhartha maidir leis na fíonta a dhéanamh Féadfar fíonta “Colinele Dobrogei” a bhfuil TGFC acu a dhéanamh freisin sa limistéar atá cóngarach don limistéar críochaithe, laistigh den aonad riaracháin céanna, laistigh d’aonad riaracháin comharsanachta nó i limistéir chomharsanachta a bhfuil tásca geografacha acu. Ní mór an Oifig Náisiúnta um Fhíniúin agus um Fhíon (ONVPV) a chur ar an eolas 48 uair an chloig roimh an maolú seo a fheidhmiú.

2.	Cleachtas táirgthe Cleachtas fíonóireachta sonrach Ceadaítear cumasc. Ní mór é a dhéanamh i gcomhréir leis an reachtaíocht reatha.

3.

Cleachtas fíoneolaíoch Cleachtas fíonóireachta sonrach Féadfar fíonta rosé a dhéanamh freisin as na cineálacha fíonchaor a úsáidtear chun fíon dearg a dhéanamh, ag baint úsáid as teicníc an mhaothaithe ghearr agus ag caomhnú saintréithe an chineáil nó na gcineálacha a úsáidtear chun na fíonta dearga a dhéanamh.

4.

Cleachtas fíoneolaíoch Cleachtas fíonóireachta sonrach Táirgeadh fíonta geala ó chineálacha dearga Tá sé beartaithe ag go leor táirgeoirí teicneolaíochtaí a thabhairt isteach chun leas a bhaint as acmhainneacht cineálacha amhail táirgeadh fíonta bána ó fhíonchaora dearga, cineál ar a dtugtar “blanc de noirs”, chun dea-bholaithe a bheith orthu. Baineann an modh seo le fíonta bána a tháirgeadh ó fhíonchaora dearga leas as acmhainneacht na gcineálacha, agus mar thoradh air sin bíonn fíonta éadroma láidre arb é is saintréith dóibh blas beag plandúil, a mbíonn dea-bholaithe fíneálta sméar dubh, líoma, seadóige agus plumaí buí go láidir iontu. Cuireann an aigéadacht le húire an fhíona. Fíon rosé socair ó fhíonchaora bána - tá craicne ar fhíonchaora na gcineálacha Pinot Gris, Băbească Gri nó Traminer Roz i ndathanna liathchorcra, liathchorcra liath, liathghorm do Pinot Gris agus Băbească Gri, agus de bhándearg péarlach agus liath-bhándearg do Traminer Roz. Táirgeann siad seo fíonta socra i ndathanna idir dath buí-bán, dath buí amhail tuí agus bándearg. Ag brath ar rogha an déantóra fíona, is féidir fíonta bána socra agus fíonta rosé socra a tháirgeadh, agus an dara ceann á fháil trí mhaothú. Fíon oráiste socair ó fhíonchaora bána Is éard atá i gceist leis an teicneolaíocht chun an fíon seo a tháirgeadh ná próiseas maothaithe ar chraiceann úrfhíon fíonchaor bán, an tréimhse maothaithe ag brath ar dhoimhneacht an dath is mian leis an déantóir fíona a bheith ag an bhfíon críochnaithe. Dath: ómra-buí/ómra, le struchtúr casta agus cumhracht bláthanna líoma, meala, craiceann oráiste agus torthaí triomaithe a bhfuil dea-bholadh uirthi. Blas: saibhir, tathagach le comhpháirt aigéad an-shoiléir treisithe ag ábhar mianraigh tréan.

5.2.    Uastáirgeacht

1.	Petit Verdot, fíonchaora Sangiovese 14 000 cileagram fíonchaor in aghaidh an heicteáir

2.	Fíonchaora Viognier 14 500 cileagram fíonchaor in aghaidh an heicteáir

3.	Fíonchaora Negru de Drăgășani, Crâmpoșie selecționată, Băbească gri 15 000 cileagram fíonchaor in aghaidh an heicteáir

4.	Fíonchaora Cabernet Sauvignon, Malbec, Mourvèdre 15 400 cileagram fíonchaor in aghaidh an heicteáir

5.	Fíonchaora Busuioacă de Bohotin 16 000 cileagram fíonchaor in aghaidh an heicteáir

6.	Fíonchaora Chardonnay, Pinot Gris 16 300 cileagram fíonchaor in aghaidh an heicteáir

7.	Fíonchaora Semillon 16 600 cileagram fíonchaor in aghaidh an heicteáir

8.	Fíonchaora Muscat Ottonel, Pinot Noir, Syrah, Burgund mare, Băbească Neagră 17 100 cileagram fíonchaor in aghaidh an heicteáir

9.	Fíonchaora Sauvignon, Riesling italian, Riesling de Rhin, Merlot, Fetească Neagră, Fetească Regală, Fetească Albă, Tămâioasă Românească 18 000 cileagram fíonchaor in aghaidh an heicteáir

10.	Fíonchaora Traminer aromat, Traminer roz, Crâmpoșie, Columna, Aligoté, Iordană, Aromat de Iași, Rkațiteli 18 000 cileagram fíonchaor in aghaidh an heicteáir

11.	Fíonchaora Saint Emilion, Novac, Mamaia, Cristina, Alicante Bouschet 18 000 cileagram fíonchaor in aghaidh an heicteáir

12.	Petit Verdot, Sangiovese 105 heictilítear in aghaidh an heicteáir

13.	Viognier 109 heictilítear in aghaidh an heicteáir

14.	Negru de Drăgășani, Crâmpoșie selecționată, Băbească gri 112 heictilítear in aghaidh an heicteáir

15.	Cabernet Sauvignon, Malbec, Mourvèdre 115 heictilítear in aghaidh an heicteáir

16.	Busuioacă de Bohotin 120 heictilítear in aghaidh an heicteáir

17.	Chardonnay, Pinot Gris 122 heictilítear in aghaidh an heicteáir

18.	Semillon 124 heictilítear in aghaidh an heicteáir

19.	Muscat Ottonel, Pinot Noir, Syrah, Burgund mare, Băbească Neagră 128 heictilítear in aghaidh an heicteáir

20.	Sauvignon, Riesling na hIodáile, Riesling de Rhin, Merlot, Fetească Neagră, Fetească Regală, Fetească Albă, Tămâioasă Românească 135 heictilítear in aghaidh an heicteáir

21.	Traminer roz, Traminer aromat, Crâmpoşie, Columna, Aligoté, Iordană, Aromat de Iaşi, Rkaţiteli 135 heictilítear in aghaidh an heicteáir

22.	Saint Emilion, Novac, Mamaia, Cristina, Alicante Bouschet 135 heictilítear in aghaidh an heicteáir

6.   Limistéar geografach críochaithe

Contae Constanța

Baile Murfatlar – Murfatlar, Siminoc;

Bardas Valu lui Traian – sráidbhaile Valu lui Traian;

Bardas Poarta Albă – sráidbhailte Poarta Albă agus Nazarcea;

Baile Ovidiu – bardas Ovidiu, sráidbhaile Poiana;

Bardas Ciocârlia – sráidbhaile Ciocârlia;

Baile Medgidia – Medgidia, Remus Opreanu, Valea Dacilor;

Bardas Castelu – sráidbhailte Castelu, Cuza Vodă, Nisipari;

Bardas Siliștea – sráidbhaile Siliștea;

Bardas Tortoman – sráidbhaile Tortoman;

Bardas Peștera-sráidbhailte Peștera, Ivrinezu Mic;

Bardas Mircea Voda – sráidbhailte Mircea Voda, Satu Nou, Țibrinu, Saligny, Stefan cel Mare, Gherghina;

Bardas Adamclisi – sráidbhailte Adamclisi, Abrud, Hațeg, Urluia, Zorile;

Baile Cernavodă – bardas Cernavodă;

Bardas Seimeni – sráidbhaile Seimeni, Seimenii Mici;

Bardas Rasova – sráidbhailte Rasova, Cochirleni;

Bardas Mihai Viteazu – sráidbhailte Mihai Viteazu, Sinoie;

Bardas Istria – sráidbhailte Istria, Nuntași;

Bardas Cogealac – sráidbhailte Cogealac, Tariverde, Fântânele;

Baile Mangalia;

Baile Hârșova;

Bardas Chirnogeni – sráidbhaile Chirnogeni;

Bardas an 23 Lúnasa – sráidbhaile an 23 Lúnasa;

Bardas Horia – sráidbhailte Horia, Tichilești;

Bardas Crucea - sráidbhaile Crucea;

Bardas Topalu - sráidbhaile Topalu;

Bardas Ciobanu – sráidbhaile Ciobanu;

Bardas Gârliciu – sráidbhaile Gârliciu;

Bardas Saraiu - sráidbhaile Saraiu;

Bardas Cobadin – sráidbhaile Viișoara;

Contae Tulcea

Baile Babadag;

Bardas Sarichioi – sráidbhailte Enisala, Visterna, Zebil, Sabangia;

Bardas Valea Nucarilor – sráidbhailte Valea Nucarilor, Agighiol, Iazurile;

Baile Tulcea;

Bardas Ostrov – sráidbhailte Ostrov, Piatra;

Bardas Somova – sráidbhailte Somova, Mineri, Parcheș;

Bardas Niculițel - sráidbhaile Niculițel;

Bardas Izvoarele – sráidbhailte Izvoarele, Alba;

Bardas Valea Teilor – sráidbhaile Valea Teilor;

Bardas Frecăţei - sráidbhailte Teliţa, Poşta;

Baile Isacea;

Bardas Luncavița – sráidbhaile Luncavița;

Bardas Văcăreni – sráidbhaile Văcăreni;

Bardas Jijila – sráidbhaile Jijila;

Baile Măcin;

Bardas Greci; sráidbhaile Greci;

Bardas Cerna; sráidbhaile Cerna;

Bardas Carcaliu – sráidbhaile Carcaliu;

Bardas Baia - sráidbhaile Baia.

7.   Cineál/cineálacha fíonchaor

Alicante Bouschet N - Alicante Henri Bouschet

Aligoté B - Plant de trois, Plant gris, Vert blanc, Troyen blanc

Aromat de Iași B

Burgund Mare N - Grosser burgunder, Grossburgunder, Blaufrankisch, Kekfrankos, Frankovka, Limberger

Busuioacă de Bohotin Rs - Schwarzer Muscat, Muscat fioletovâi, Muscat violet cyperus, Tămâioasă violetă

Babeasca gri G

Băbească neagră N - Grossmuttertraube, Hexentraube, Crăcana, Rară neagră, Căldărușă, Serecsia

Cabernet-Sauvignon N - Petit Vidure, Burdeos tinto

Chardonnay B - Gentil blanc, Pinot blanc Chardonnay

Colún B

Cristina N

Crâmpoșie B

Crâmpoşie selecţionată B

Fetească albă B - Păsărească albă, Poama fetei, Mädchentraube, Leanyka, Leanka

Fetească neagră N - Schwarze Mädchentraube, Poama fetei neagră, Păsărească neagră, Coada rândunicii

Fetească regală B - Königliche Mädchentraube, Königsast, Kiralyleanka, Dănășană, Galbenă de Ardeal

Iordană B - Iordovană, Iordan

Malbec N - Cotes rouges, Pied de Perdrix, Plant d’Arles

Mamaia N

Merlot N - Bigney rouge

Mourvedre N

Muscat Ottonel B – Muscat Ottonel blanc

Negru de Drăgăşani N

Novac N

Petit Verdot N

Pinot Gris G - Affumé, Grauer Burgunder, Grauburgunder, Grauer Mönch, Pinot cendré, Pinot Grigio, Ruländer

Pinot noir N - Blauer Spätburgunder, Burgund mic, Burgunder roter, Klăvner Morillon Noir

Riesling de Rhin B - Weisser Riesling, White Riesling

Riesling italian B - Olasz Riesling, Olaszriesling, Welschriesling

Rkatiteli B - Dedali Rkatiteli, Korolioc Rkatiteli

Saint Emilion B - Trebbiano Toscano, Ugni blanc

Sangiovese N - Brunello di Montalcino, Morellino

Sauvignon B - Sauvignon verde

Syrah N - Shiraz, Petit Syrah

Semillon B - Semillon blanc

Traminer Rose Rs - Rosetraminer, Savagnin Rose, Gewürztraminer

Traminer aromat alb B

Tămâioasă românească B - Rumänische Weihrauchtraube, Tamianka

Viognier B - Petit Vionnier, Viogne, Galopine, Vugava bijela

8.   Tuairisc ar an nasc (na naisc)

8.1.    Mionsonraí an limistéir gheografaigh

Is é críoch Dobrogea an limistéar in oirdheisceart na Rómáine, críochaithe ag réimsí íochtair na Danóibe (san iarthar agus sa tuaisceart), an Mhuir Dhubh (san oirthear) agus teorainn na Bulgáire (sa deisceart). Is iad iomadúlacht tírghnéithe de chineál ardchlár le foshraith lóis atá ina saintréith ann, agus dálaí éiceolaíochta, ithreach agus aeráide rangaithe sna catagóirí steipe agus steip foraoise. Cuidíonn gach ceann de na gnéithe sin le timpeallacht éiceolaíoch a chruthú atá go maith chun fíniúnacha a fhás.

Suíonn an chuid is mó de na fíonghoirt ar fhoshraith gheolaíoch lóis (3-40 m ar tiús), ag clúdach carraig chrua ársa (réamh-Phailéasóch, Pailéasóch, Méiseasóch agus Treasach) go páirteach, carraig atá díleasach nó easáitithe.

Tá Tuaisceart Dobrogea sléibhtiúil den chuid is mó (ardchríocha le logáin fhothainiúla, idir 100 m agus 467 m os cionn leibhéal na farraige), ach tá tírdhreach ardchláir struchtúrach táblach ag Deisceart Dobrogea (faoi bhun 200-300 m). Idir an dá thírdhreach sin, i lár Dobrogea, tá ardchlár creimtheach atá cnocach den chuid is mó (250-350 m).

Is é sin an réigiún sa Rómáin is lú báistí agus screamhuisce: tá an infhaighteacht easnamhach, agus is minic a bhíonn an t-uisce níos mianraithe. Baintear úsáid as gaibhniú uisce, bailiú báistí agus uisciúchán chun an cás sin a mhaolú.

Maolaítear an aeráid tipiciúil ilchríochach go pointe mar gheall ar a ghaireacht atá an Mhuir Dhubh agus Riasca agus Deilt na Danóibe. Tá an mheánteocht bhliantúil timpeall 11 °C agus tá raon teochta níos mó ná 25 °C ann idir meánluachanna mhí Eanáir agus mhí Iúil, agus tá raon teochta níos mó ná 75 °C ann ó thaobh teochtaí foirceacha thar roinnt blianta. Is minic go mbíonn an mheán-bháisteach bhliantúil níos lú ná 400 mm. Tá sé ar cheann de na réigiúin is teo sa Rómáin (le grianradaíocht os cionn 120-125 calra in aghaidh an cheintiméadair chearnaigh, fad sholas na gréine os cionn 2 200 uair an chloig agus meánteochtaí dearfacha laethúla ag méadú suas le 4 000-4 200 °C i rith na bliana), rud a chinntíonn gur féidir le fíonchaora aibiú agus fiú éirí ró-aibí.

Is í ithir chriosach an chatagóir ithreach is mó atá le fáil sna limistéir fíonsaothrúcháin: mollasail steipe (castanaiseoim agus seornaiseoim) agus mollasail steip foraoise (seornaiseoim chalcacha agus, níos annaimhe, seornaiseoim chré-inláisteacha, reinsíne agus gréiseoim), ar foirmíodh iad den chuid is mó ar fhoshraith lóis.

8.2.    Sonraí faoin táirge

Is féidir le fíonta “Colinele Dobrogei” a bhfuil TGFC acu a bheith ina bhfíonta geala, dearga nó rosé.

Tá cuma ghlé ar na fíonta geala agus rosé, agus dath glasbhuí nó órbhuí orthu, nó dath éadrom nó meánach an bhradáin orthu, agus tá blas ar nós veilbhite orthu.

Maidir le boladh agus blas, boladh bláthanna is mó atá orthu. Tá carnadh maith siúcraí sna fíonta agus tá siad tathagach go maith, agus bolaithe na meala, an róis, an chitris ar na cineálacha a bhfuil dea-bholadh orthu agus uaireanta bolaithe na círe meala ar fhíonta aosaithe a dhéantar ag baint úsáid as cineálacha ar a bhfuil dea-bholadh.

Tá blas mín, ar nós veilbhite i do bhéal, ar na fíonta dearga agus tá dath dearg an rúibín, dath dearg an ghairnéid, deargchorcra dorcha nó, dúdhearg orthu.

Ar na bolaithe agus sa bhlas tá dea-bholaithe úra thorthaí na foraoise, blas beag prúnaí, blas mín ar nós veilbhite i do bhéal agus olarthacht, mar aon le dea-bholaithe sútha craobh, cuiríní dearga, mónóg, sméar dubh agus fraochán gorm úr. Tá struchtúr agus cineál tainneach ag na fíonta, cumhracht fraochán gorm agus clóbh orthu, agus bolaithe sonracha piobair orthu uaireanta, agus tugann an t-aosú gearr bolaithe fanaile orthu. Tá siad oiriúnach le haghaidh aosaithe i mbairillí darach.

8.3.    Idirghníomhaíocht chúisíoch

Is iad na húrfhíonta a úsáidtear chun iad a dhéanamh a thugann an tsainiúlacht d’fhíonta “Colinele Dobrogei” a bhfuil TGFC acu. Nascann sé sin siar leis na cineálacha fíonchaor, a bhaineann leas as ardradaíocht na gréine – tá na dálaí teirmeacha ar na cinn is teo sa Rómáin – agus ní bhíonn mórán báistí ann. Cabhraíonn na tosca sin leis na fíonchaora aibiú go maith, rud a fhágann go bhfuil úrfhíonta iontu atá ard i siúcraí. Mothaítear tionchar na farraige sa limistéar. Tá sé tairbheach go háirithe san fhómhar toisc go bhfeidhmíonn sé mar rialtóir teochta. Tá tionchar ag an Danóib in Cernavodă, go háirithe ar na fíonghoirt is gaire di. Tá an ithir, neart carbónáit chailciam inti, agus is toisc thábhachtach í sin le haghaidh fíona ardchaighdeáin. Tá ardchaighdeán na bhfíonta suntasach mar thoradh ar thionchar tairbheach na lochanna Razim agus Sinoe in aice láimhe agus ithreacha maithe le haghaidh fíonsaothrúcháin, chomh maith leis an bhfíoras go bhfuil na fíonta cothromaithe in alcól agus in aigéadacht agus go bhfuil tréithe orgánaileipteacha dea-léirithe iontu (bláthanna/torthaí na foraoise, bolaithe blaistithe).

9.   Coinníollacha breise fíor-riachtanacha (pacáistiú, lipéadú, ceanglais eile)

Dálaí is infheidhme maidir leis an táirge deiridh

Creat dlíthiúil:

Sa reachtaíocht náisiúnta

An cineál coinníll bhreise:

Maolú ar tháirgeadh sa limistéar geografach críochaithe

Tuairisc ar an gcoinníoll:

Ar choinníoll go dtugtar fógra cuí do na húdaráis inniúla, féadfar na fíonta a chóireáil agus a bhuidéalú lasmuigh den limistéar inar fásadh na fíonchaora.

Féadfaidh na próisis sin tarlú laistigh den aonad riaracháin céanna, laistigh d’aonad riaracháin chomharsanachta nó i limistéir chomharsanachta a bhfuil tásca geografacha acu.

Sa chás seo, ní mór an táirgeoir nó an buidéalóir agus an áit bhuidéalaithe a shainaithint ar an lipéad, de réir mar is iomchuí.

Maidir le buidéalú, agus mar fhreagra ar éilimh thráchtála ón Aontas agus ó mhargaí onnmhairíochta, ceadaítear díolacháin ar fhíonta “Colinele Dobrogei” a bhfuil TGFC acu ar an mórchóir.

Ní mór na húdaráis a chur ar an eolas faoi bhulc-choinsíneachtaí trí bhíthin na seirbhíse iniúchta áitiúla. Ní mór an páipéarachas is infheidhme mar aon leis an deimhniú lena gcruthaítear teidlíocht chun an tásc faoi chosaint a úsáid agus an fíon a mhargú a bheith ag gabháil le bulc-choinsíneachtaí.

Nasc chuig an tsonraíocht táirge

https://www.onvpv.ro/sites/default/files/caiet_de_sarcini_ig_colinele_dobrogei_modif_cf_cerere_3_2021_modif_anterioare_cerere_989_18.05.2022_no_track_changes_0.pdf

---

(1)  IO L 9, 11.1.2019, lch. 2.

Ceartúchán ar an bhFógra tionscnaimh maidir le hathbhreithniú ar an mbeart coimirce is infheidhme maidir le hallmhairí táirgí áirithe cruach

( Iris Oifigiúil an Aontais Eorpaigh C 459 an 2 Nollaig 2022 )

(2022/C 471/12)

Ar leathanach 6, i bhfonóta 2:

in ionad:

léitear: