Gan cur i gcoinne comhchruinniú ar tugadh fógra faoi

(Cás M.10882 — IRCP / CDC / ADTIM GROUP)

(Téacs atá ábhartha maidir le LEE)

(2022/C 437/01)

An 9 Samhain 2022, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32022M10882. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Rátaí malairte an euro (1)

16 Samhain 2022

(2022/C 437/02)

1 euro =

	Airgeadra	Ráta malairte
USD	dollar na Stát Aontaithe	1,0412
JPY	yen na Seapáine	145,29
DKK	krone na Danmhairge	7,4386
GBP	punt steirling	0,87483
SEK	krona na Sualainne	10,8754
CHF	franc na hEilvéise	0,9795
ISK	króna na hÍoslainne	148,90
NOK	krone na hIorua	10,3675
BGN	lev na Bulgáire	1,9558
CZK	koruna Phoblacht na Seice	24,355
HUF	forint na hUngáire	408,18
PLN	zloty na Polainne	4,7065
RON	leu na Rómáine	4,9206
TRY	lira na Tuirce	19,3783
AUD	dollar na hAstráile	1,5400
CAD	dollar Cheanada	1,3801
HKD	dollar Hong Cong	8,1444
NZD	dollar na Nua-Shéalainne	1,6897
SGD	dollar Shingeapór	1,4250
KRW	won na Cóiré Theas	1 378,10
ZAR	rand na hAfraice Theas	18,0195
CNY	renminbi-yuan na Síne	7,3720
HRK	kuna na Cróite	7,5443
IDR	rupiah na hIndinéise	16 248,37
MYR	ringgit na Malaeisia	4,7323
PHP	peso na nOileán Filipíneach	59,678
RUB	rúbal na Rúise
THB	baht na Téalainne	37,103
BRL	real na Brasaíle	5,5438
MXN	peso Mheicsiceo	20,1227
INR	rúipí na hIndia	84,5905

---

(1)  Foinse: ráta malairte tagartha arna fhoilsiú ag an mBanc Ceannais Eorpach (BCE).

FÓGRA COMÓRTAIS OSCAILTE

(2022/C 437/03)

Tá an Oifig Eorpach um Roghnú Foirne (EPSO) ag eagrú an chomórtais oscailte seo a leanas:

EPSO/AST/155/22 – Cúntóirí slándála agus sábháilteachta (AST 3) sna réimsí seo a leanas:

1.	An tslándáil oibríochtúil

2.	An tslándáil theicniúil

3.	Sábháilteacht agus sláinte ceirde

Tá an fógra comórtais seo foilsithe i 24 theanga in Iris Oifigiúil an Aontais Eorpaigh C 437 A an 17 Samhain 2022.

Tá tuilleadh eolais ar shuíomh gréasáin EPSO: https://epso.europa.eu/

Caingean a thug Eviny AS in aghaidh Údarás Faireachán CSTE an 27 Meán Fómhair 2022

(Cás E-10/22)

(2022/C 437/04)

An 27 Meán Fómhair 2022, thug Eviny AS caingean in aghaidh Údarás Faireacháin CSTE os comhair Chúirt CSTE, agus is iad Svein Terje Tveit agus Paul Gunnar Hagelund, Arntzen de Besche, Ruseløkkveien 30, 0251 Osló, an Iorua, na habhcóidí a bhí ag ionadaíocht dóibh.

Tá Eviny AS ag iarraidh ar chúirt CSTE an méid seo a leanas a dhéanamh:

1.	Cinneadh Uimh. 161/22/COL ó Údarás Faireacháin CSTE an 6 Iúil 2022 a neamhniú; agus

2.

Ordú a thabhairt d’Údarás Faireacháin CSTE costais na n-imeachtaí a íoc. An cúlra dlíthiúil agus an cúlra fíorasach, mar aon le pléadálacha faoin dlí a tugadh ar aird chun tacú leis an méid sin: — Is cuideachta fuinnimh in-athnuaite Ioruach é Eviny AS (“an t-iarratasóir”), cuideachta a chorpraítear faoi dhlí na Iorua agus a dhéanann fuinnimh leictreach a tháirgeadh agus a dháileadh san Iorua Thiar. — Glacadh Cinneadh Uimh. 161/22/COL (“an cinneadh atá á chonspóid”) tar éis gearán a rinne NEFLO, comhlachas trádála Ioruach, dár dáta an 11 Bealtaine 2017, faoi státchabhair a dheonaigh Bardasacht Bergen. — Baineann na bearta atá á gconspóid le róchúiteamh ar chostais oibriúcháin agus chothabhála agus ar chaiteachas caipitiúil maidir le bonneagar soilsithe sráide in Bergen. — Iarann an t-iarratasóir go neamhneofar an Cinneadh atá á chonspóid agus bunaíonn sé a iarratas ar na pléadálacha seo a leanas: — Rinne Údarás Faireacháin CSTE earráid fhollasach mheasúnúcháin i gcur i bhfeidhm choincheap an ghnóthais nuair a tháinig sé ar an gconclúid gur gníomhaíocht eacnamaíoch é úinéireacht agus oibriú soilsithe sráide; — Rinne Údarás Faireachán CSTE earráid fhollasach mheasúnúcháin nuair a tháinig sé ar an gconclúid go bhfuair an t-iarratasóir buntáiste eacnamaíoch as an róchúiteamh; — Níl aon saobhadh ar an iomaíocht ná éifeacht ar thrádáil ann; — Ní mór an chabhair líomhnaithe a aicmiú mar chabhair atá ann cheana nach bhfuil faoi réir aisghabhála; agus — Tá an Cinneadh atá á chonspóid bunaithe ar scrúdúchán neamhleor ar na fíricí agus ní sholáthraítear leis réasúnaíocht cheart, de shárú ar Airteagal 16 den Chomhaontú idir Stáit CSTE maidir le hÚdarás Faireacháin agus Cúirt Bhreithiúnais a bhunú.

Réamhfhógra faoi chomhchruinniú

(Cás M.10948 — STORA ENSO / DE JONG PAPIER HOLDING / DJV HOLDING)

Cás a d'fhéadfaí a chur faoin nós imeachta simplithe

(Téacs atá ábhartha maidir le LEE)

(2022/C 437/05)

---

(1)  IO L 24, 29.1.2004, lch. 1 (an “Rialachán um Chumaisc”).

(2)  IO C 366, 14.12.2013, lch. 5.

Réamhfhógra faoi chomhchruinniú

(Cás M.10956 – AURELIUS INVESTMENT LUX SEVEN / SAPPI FINLAND ONE / SAPPI FINLAND OPERATIONS / SAPPI MAASTRICHT REAL ESTATE / SAPPI STOCKSTADT)

Cás a d'fhéadfaí a chur faoin nós imeachta simplithe

(Téacs atá ábhartha maidir le LEE)

(2022/C 437/06)

---

(1)  IO L 24, 29.1.2004, lch. 1 (an “Rialachán um Chumaisc”).

(2)  IO C 366, 14.12.2013, lch. 5.

Foilsiú an doiciméid aonair leasaithe i ndiaidh mionleasú a fhormheas de bhun an dara fomhír d’Airteagal 53(2) de Rialachán (AE) Uimh. 1151/2012

(2022/C 437/07)

Tá an mionleasú seo formheasta ag an gCoimisiún i gcomhréir leis an tríú fomhír in Airteagal 6(2) de Rialachán Tarmligthe (AE) Uimh. 664/2014 ón gCoimisiún (1).

Is féidir dul i gcomhairle leis an iarratas ar an mionleasú seo a fhormheas i mbunachar sonraí eAmbrosia an Choimisiúin.

DOICIMÉAD AONAIR

“Carne de Cantabria”

Uimh. AE: PGI-ES-0185-AM01 – 16.8.2021

STFC ( ) TGFC (X)

1.   Ainm

“Carne de Cantabria”

2.   Ballstát nó tríú tír

An Spáinn

3.   Tuairisc ar an táirge talmhaíochta nó ar an mbia-earra

3.1.   An cineál táirge

Aicme 1.1. Feoil úr (agus scairteach)

3.2.   Tuairisc ar an táirge lena mbaineann an t-ainm in (1)

Mairteoil a tháirgtear de réir teicnící beathaithe agus bainistíochta traidisiúnta in Cantabria.

Is ó fhine phórtha Cantabria (bó-ainmhithe a bhfuil imlíne chuasach agus dath crón orthu) a thagann na hainmhithe óna dtógtar an fheoil: Tudanca, Monchina agus Asturiana; chomh maith leis na pórtha Parda de Montaña, Limousin, Pirenaica, Charolais, Blonde d’Aquitaine, Fleckvieh agus hibridithe díobh.

Mar gheall ar aiste bia na n-ainmhithe, atá bunaithe ar innilt ar na féara dúchasacha ar fhéarthailte na sléibhte arda den chuid is mó agus ar fharae ina bhfuil ábhair ó fhéarthailte nádúrtha go príomha, tá na saintréithe seo a leanas ag an bhfeoil a chumhdaítear faoin TGFC tar éis a maraithe agus a hullmhaithe:

a)	Ternera blanca [laofheoil bhán]: ainmhí a mharaítear ar a mhéad ag 8 mí d’aois, feoil idir dath bándearg éadrom agus dath bándearg, agus saill gheal bhán scaipthe go cothrom agus matán teann a bhfuil beagán maoithe ann.

b)	Ternera [laofheoil]: ainmhí a mharaítear ar a mhéad ag 12 mhí d’aois, feoil idir dath bándearg éadrom agus dath bándearg, agus saill gheal bhán scaipthe go cothrom agus matán teann a bhfuil beagán maoithe ann

c)	Añojo [eallach bliana]: ainmhí a mharaítear idir 12 agus 24 mhí d’aois, feoil idir dath bándearg agus dath dearg éadrom, agus saill gheal bhán agus matán teann a bhfuil beagán maoithe ann.

d)	Novilla [bodóg]: ainmhí a mharaítear idir 24 agus 48 mí d’aois, feoil idir dath dearg éadrom agus dath dearg, agus saill ar dhath an uachtair agus matán teann marmarach a bhfuil beagán maoithe ann.

e)	Buey [bullán]: ainmhí fireann coillte a mharaítear ar a laghad ag 48 mí d’aois, feoil idir dath dearg éadrom agus dath dearg, agus saill ar dhath an uachtair agus matán teann marmarach a bhfuil beagán maoithe ann.

f)	Vaca [bó]: ainmhí baineann a mharaítear ar a laghad ag 48 mí d’aois, feoil idir dath dearg éadrom agus dath dearg, agus saill ar dhath an uachtair agus matán teann marmarach a bhfuil beagán maoithe ann.

Aicmiú conablach a chumhdaítear leis an TGFC

Saghas	Cruth conablaigh	Cumhdach saille
a) Ternera Blanca agus Ternera b) Añojo c) Novilla d) Buey agus Vaca	S.E.U.R. * S.E.U.R. * S.E.U.R.O. S.E.U.R.O.	2-3 (cumhdach saille íseal — cumhdach saille) 2-3 (cumhdach saille íseal — cumhdach saille) 2-4 (cumhdach saille íseal — sailleach) 2-4 (cumhdach saille íseal — sailleach)

*	Le haghaidh na bpórtha Monchina agus Tudanca, tá na cineálacha crutha conablaigh O agus P le ceadú mar gheall ar a saintréithe moirfeolaíocha.

Ní mór an pH a bheith níos ísle ná 6. Ní mór na conablaigh a aeráil ar feadh 24 uair an chloig ar a laghad.

3.3.   Beatha (maidir le táirgí de thionscnamh ainmhíoch amháin) agus amhábhair (maidir le táirgí próiseáilte amháin)

Le linn na míonna nuair a bhíonn an féarach ag fás, cuirtear na hainmhithe ag innilt ar mhóinéir ísle agus ar fhéaraigh shléibhe araon. I rith an gheimhridh, cuirtear i stábla iad. San fhómhar agus ag tús an earraigh, bíonn na heallaí ag innilt gar do na gabháltais i rith an lae. Bogann siad suas go féaraigh shléibhe i lár mhí na Bealtaine.

Beirtear na laonna i dtús an earraigh go hiondúil agus fanann siad lena máithreacha ar feadh 5-7 mí, agus scoitear go foráiste le linn an ama sin iad (féarach goirt nó farae triomaithe taobh istigh). Le linn na céime críochnaithe, cuirtear dlúthbhianna údaraithe le beatha na n-ainmhithe. Táirgfear na cineálacha ainmhithe mar a leanas:

Ternera Blanca agus Ternera

Tar éis an scoite, ní mór 50 % ar a laghad dá n-aiste bia a theacht ó fharae a tháirgtear in Cantabria.

Tá táirgí nádúrtha agus dlúthbhianna údaraithe le húsáid i gcothú breise agus le linn na tréimhse críochnaithe, nach bhféadfaidh a bheith níos faide ná 4 mhí.

Añojo

Beidh an aiste bia agus bainistíocht an tréada mar an gcéanna le Ternera.

Ní fhéadfaidh an chéim chríochnaithe a bheith níos faide ná 4 mhí.

Novilla

Sa chéim dhiúil agus tar éis an scoite, beidh aiste bia agus bainistíocht an tréada mar an gcéanna le Ternera.

As sin amach, beidh siad le beathú ar fharae féaraigh nó leasaithe, ag brath ar shéasúr na bliana. Ní fhéadfaidh an chéim chríochnaithe a bheith níos faide ná 4 mhí.

Buey agus Vaca

Tá ainmhithe sna catagóirí seo le cothú ar fharae féaraigh nó leasaithe a tháirgtear in Cantabria.

Ní mór iad a chur ag innilt ar feadh dhá shéasúr ar a laghad agus ní fhéadfaidh an chéim chríochnaithe a bheith níos faide ná 4 mhí.

3.4.   Céimeanna sonracha sa táirgeadh nach mór a dhéanamh sa limistéar geografach sainithe

Táirgeadh agus próiseáil.

Ní mór beostoc atá beartaithe le haghaidh táirgeadh feola a chumhdaítear leis an TGFC a bhreith, a thógáil agus a ramhrú laistigh de chríoch Chomhphobal Féinrialaitheach Cantabria.

Ní mór gníomhaíochtaí an mharaithe, an ullmhaithe agus an ghearrtha a dhéanamh laistigh de chríoch Chomhphobal Féinrialaitheach Cantabria chomh maith.

3.5.   Sainrialacha maidir le slisniú, grátáil, pacáistiú, etc., an táirge dá dtagraíonn an t-ainm cláraithe

—

3.6.   Sainrialacha maidir le lipéadú an táirge dá dtagraíonn an t-ainm cláraithe

Ní mór gach eallach a bhfuil sé beartaithe iad a mharú a bheith aitheanta go cuí. Ní mór don chóras aitheantais a bheith comhoiriúnach le haon cheann de na modhanna a leagtar síos sa reachtaíocht is infheidhme.

Ní mór gach conablach a chumhdaítear leis an TGFC a mharcáil sa chaoi is go n-aithneofar agus go gcinnteofar a bhunáitíocht. Beidh an mharcáil ar an taobh amuigh den dá leath-chonablach agus beidh aitheantóir inti greamaithe ar bhealach go mbeidh gach aon chuid den chonablach inaitheanta go foirfe agus iad scartha. Ní mór lógó TGFC a bheith ar an aitheantóir mar aon leis an bhfaisnéis uile a cheanglaítear faoin reachtaíocht shonrach.

Ní mór feoil phacáistithe a sheoladh i bpacáistí atá séalaithe go cuí agus atá cosanta ar éilliú seachtrach. Ní mór lipéid uimhrithe agus/nó lipéid thánaisteacha a bheith ar na pacáistí a ghreamaítear ag na monarchana gearrtha roimh sheoladh, i gcomhréir leis na rialacha a leagtar síos i dtaca leis sin.

Ní mór na lipéid tráchtála, atá uathúil ag gach gnólacht cláraithe, a chur faoi bhráid na hOifige um Cháilíocht Bhia in Cantabria (Oficina de Calidad Alimentaria — ODECA).

Ní mór an fhoclaíocht Indicación Geográfica Protegida “Carne de Cantabria” [TGFC “Carne de Cantabria”] a bheith orthu.

4.   Sainmhíniú achomair ar an limistéar geografach

Cumhdaíonn an limistéar geografach críoch iomlán Chomhphobal Féinrialaitheach Cantabria.

5.   Nasc leis an limistéar geografach

Áirítear ar an bpríomhnasc idir “Carne de Cantabria” agus an limistéar geografach cumhdaithe ag TGFC saintréithe sonracha na feola de thoradh aiste bia na n-ainmhithe agus an tslí ina mbainistítear na tréada.

Bíonn tionchar ag na féaraigh agus ag an bhfarae a úsáidtear in aiste bia na n-ainmhithe agus ag bainistíocht shéasúrach na dtréad ar chomhdhéanamh na saille agus ar an uigeacht mhatánach ar a dtugtar tuairisc le haghaidh gach catagóir ainmhithe a leagtar amach i bpointe 3.2.

Cothaíonn aeráid agus rilíf réigiún Cantabria limistéir fhairsinge féaraigh agus tá traidisiún feirmeoireachta beostoic ann a bhfuil nasc láidir leis an gcríoch aige.

Is éard atá sna féaraigh pobail luibheacha nádúrtha atá dulta in oiriúint don aeráid agus do na dálaí ithreach sa limistéar. Tá cuid de na féaraigh tipiciúil do na réigiúin sléibhe agus is céimeanna iad cuid eile sa phróiseas ina gcuirtear móinéir nádúrtha in ionad foraoise nó scrobarnaí.

Sna hísealchríocha, is iondúil go ndéantar na féaraigh le meascán d’fhéir, de léagúim agus de phlandaí eile. Is iad seo na cinn is coitianta:

—	Garbhfhéar (Dactylis glomerata)

—	Feisciúnna (Festuca pratensis, F. rubra)

—	Seagalach ilbhliantúil (Lolium perenne)

—	Seamra (Trifolium pratense, T. repens, T. incarnatum)

—	Crobh éin (Lotus corniculatus)

—	Dúmheidic (Medicago lupulina)

—	Slánlusanna (Plantago lanceolata, P. media)

—	Mealbhacán (Daucus carota)

Aeráid an Atlantaigh (agus an bháisteach fhlúirseach rialta a bhaineann léi), éifeacht sciathaithe na sléibhte (a chuireann comhdhlúthú chun cinn agus a choinníonn teochtaí séimh) agus saintréithe na hithreach, tagann siad le chéile chun Cantabria a dhéanamh ina réigiún atá an-oiriúnach d’fhéarach agus dá bhrí sin tá sé idéalach maidir le feirmeoireacht fhairsing eallaigh.

Tá na pórtha ónar féidir feoil faoi chosaint a thógáil oiriúnaithe go foirfe don limistéar táirgthe, rud a áirithíonn cothromaíocht tháirgiúil atá neamhdhíobhálach don chomhshaol idir an beostoc agus an comhshaol dá réir sin.

An córas bainistíochta beostoic agus an córas beathaithe, atá bunaithe ar fhéarach i rith shéasúr an fháis agus ar fharae leasaithe ó fhéarach nádúrtha den chuid is mó sa gheimhreadh, is iad na heilimintí a chinntíonn saintréithe an táirge ó thaobh chumhdach saille agus uigeacht mhatánach de. Tá an fharae d’ardcháilíocht sin in-díleáite go héasca, rud a áirithíonn iontógáil ard agus luach cothaitheach.

Cothaítear eallach atá beartaithe “Carne de Cantabria” a tháirgeadh ag úsáid teicnící agus cleachtais atá bunaithe ar úsáid acmhainní nádúrtha i gcóras beostoic fairsing, le haghaidh thréada neamhaistreacha agus buailteachais araon.

Tá taifid na gcleachtas sin ann ón anallód i leith i go leor doiciméad oifigiúil maidir le síntiúis, socruithe, comhaontuithe, imeachtaí dlí agus foraitheanta a bhaineann le bainistíocht an fhéaraigh. Chomh luath leis an naoú céad, tá taifid dhoiciméadaithe ann de limistéir fhairsinge féaraigh in Cantabria a bhronn Mainistir Santa María del Yermo ar Ardeaglais Oviedo chun innilt bheostoic a dhéanamh.

Léirítear cáil Cantabria mar réigiún le haghaidh feirmeoireacht bheostoic trí bhíthin na n-aontaí beostoic iomadúla atá údaraithe i mbailte áitiúla ón Meánaois i leith. Is é aonach bheostoc Potes, a d’údaraigh Rí Eoin I na Caistíle thiar in 1379, atá i measc na gceann is sine. Is é margadh Torrelavega an ceann is tábhachtaí sa réigiún, a d’údaraigh Rí Séarlas III i bhforaithne ríoga an 1 Eanáir 1767.

Deimhníodh an cháil atá ag “Carne de Cantabria” i suirbhé a rinneadh le gairid, inar léiríodh go bhfuil sé ar eolas ag 90,4 % de dhaoine atá ina gcónaí sa réigiún.

Tagairt d’fhoilsiú na sonraíochta táirge

https://www.alimentosdecantabria.com/documents/3177683/13022902/3-+Pliego+definitivo+rev.03.pdf/8cc857bb-4f85-f04e-ee3f-5cd8affc38b0?t=1614082672359

---

(1)  IO L 179, 19.6.2014, lch. 17.