MOLADH Ó CHOMHALTAÍ NA COMHAIRLE A DHÉANANN IONADAÍOCHT DO NA BALLSTÁIT A BHFUIL AN EURO MAR AIRGEADRA ACU

an 17 Meitheamh 2022

chuig an gComhairle maidir le glacadh an euro ag an gCróit an 1 Eanáir 2023

(2022/C 238/01)

LEIS SEO, MOLANN COMHALTAÍ CHOMHAIRLE AN AONTAIS EORPAIGH A DHÉANANN IONADAÍOCHT DO NA BALLSTÁIT A BHFUIL AN EURO MAR AIRGEADRA ACU,

Ag féachaint don Chonradh ar Fheidhmiú an Aontais Eorpaigh, agus go háirithe an dara fomhír d’Airteagal 140(2) de,

Ag féachaint don togra ón gCoimisiún Eorpach,

Ag féachaint don tuarascáil ón gCoimisiún Eorpach,

Ag féachaint don tuarascáil ón mBanc Ceannais Eorpach,

De bharr an mhéid seo a leanas:

(1)

I bhfianaise a measúnaithe, tá Comhaltaí na Comhairle a dhéanann ionadaíocht do na Ballstáit a bhfuil an euro mar airgeadra acu den tuairim chéanna leis an gCoimisiún go bhfuil comhoiriúnacht dhlíthiúil bainte amach ag an gCróit agus go n-urramaíonn sí na critéir um chóineasú agus, ag cur na dtosca breise san áireamh freisin, measann siad go gcomhlíonann an Chróit na coinníollacha is gá chun an euro a ghlacadh.

(2)

Agus tagairt á déanamh acu freisin don mheasúnú ar chóineasú ón gCoimisiún agus ón mBanc Ceannais Eorpach, leagann Comhaltaí na Comhairle a dhéanann ionadaíocht do na Ballstáit a bhfuil an euro mar airgeadra acu béim ar a thábhachtaí atá cur i gcrích rathúil na ngealltanas a rinneadh ar theacht isteach i Sásra Ráta Malairte II agus cuireann siad i bhfios go láidir gur gá beartais a dhíriú go hiomlán ar dhul i ngleic leis an dúshlán i ndáil le cóineasú inbhuanaithe gheilleagar na Cróite a choimeád ar bun, agus go háirithe cóineasú boilscithe, san fhadtéarma. Chuige sin, molann siad d’údaráis na Cróite leanúint de bheartas fioscach a shaothrú a bhfuil sé d’aidhm aige staid fhioscach mheántéarmach stuama a bhaint amach agus leanúint de phlean téarnaimh agus athléimneachta na Cróite, chun rannpháirtíocht rathúil sa limistéar euro a áirithiú.

(3)

Tá súil ag Comhaltaí na Comhairle a dhéanann ionadaíocht do na Ballstáit a bhfuil an euro mar airgeadra acu go gcomhoibreoidh an Chróit ar bhealach cuiditheach i dtaca le hábhair a bhaineann le rialachas an tSásra Cobhsaíochta Eorpaigh, le bainistiú géarchéime sa limistéar euro agus le struchtúr an aontais eacnamaíoch agus airgeadaíochta a thabhairt chun críche,

DO CHOMHAIRLE AN AONTAIS EORPAIGH:

Ba cheart an maolú maidir leis an gCróit de réir bhrí Airteagal 139(1) den Chonradh ar Fheidhmiú an Aontais Eorpaigh dá dtagraítear in Airteagal 5 d’Ionstraim Aontachais 2012 (1) a aisghairm le héifeacht ón 1 Eanáir 2023.

---

(1)  IO L 112, 24.4.2012, lch. 21.

Fógra le haghaidh na n-ábhar sonraí a mbeidh feidhm ag na bearta sriantacha maidir leo, ar bearta iad dá bhforáiltear i gCinneadh (CBES) 2016/1693 ón gComhairle agus Rialachán (AE) Uimh. 2016/1686 ón gComhairle lena bhforchuirtear bearta sriantacha breise i gcoinne ISIL (Da’esh) agus Al-Qaeda, agus daoine nádúrtha agus dlítheanacha, eintitis agus comhlachtaí a bhaineann leo

(2022/C 238/02)

Dírítear aird na n-ábhar sonraí ar an bhfaisnéis seo a leanas i gcomhréir le hAirteagal 16 de Rialachán (AE) 2018/1725 ó Pharlaimint na hEorpa agus ón gComhairle (1).

Is é is bunús dlí don oibríocht phróiseála sin Cinneadh (CBES) 2016/1693 ón gComhairle (2), arna leasú le Cinneadh (CBES) 2022/950 ón gComhairle (3), agus Rialachán (AE) Uimh. 2016/1686 ón gComhairle (4), arna chur chun feidhme le Rialachán Cur Chun Feidhme (AE) 2022/949 ón gComhairle (5).

Is í Comhairle an Aontais Eorpaigh – agus Ard-Stiúrthóir RELEX (Gnóthaí Eachtracha) in Ardrúnaíocht na Comhairle ag gníomhú ar a son – rialaitheoir na hoibríochta próiseála sin; is é RELEX.1.C an roinn ar a bhfuil cúram na hoibríochta próiseála, agus is féidir dul i dteagmháil leis an roinn sin ag:

Comhairle an Aontais Eorpaigh

An Ardrúnaíocht

RELEX.1

Rue de la Loi/Wetstraat 175

1048 Bruxelles/Brussel

BELGIQUE/BELGIË

rphost: sanctions@consilium.europa.eu

Is féidir dul i dteagmháil le hOifigeach Cosanta Sonraí ARC ag:

An tOifigeach Cosanta Sonraí

data.protection@consilium.europa.eu

Is é cuspóir na hoibríochta próiseála liosta na ndaoine atá faoi réir bearta sriantacha a bhunú agus a nuashonrú i gcomhréir le Cinneadh (CBES) 2016/1693, arna leasú le Cinneadh (CBES) 2022/950, agus Rialachán (AE) Uimh. 2016/1686, arna chur chun feidhme le Rialachán Cur Chun Feidhme (AE) 2022/949.

Is daoine nádúrtha iad na hábhair sonraí sin a chomhlíonann na critéir maidir le liostú arna leagan síos i gCinneadh (CBES) 2016/1693 agus i Rialachán (AE) Uimh. 2016/1686.

Áirítear ar na sonraí pearsanta arna mbailiú na sonraí is gá chun an duine lena mbaineann a shainaithint i gceart, an ráiteas ar chúiseanna agus aon sonraí eile a bhaineann leis.

Féadfar pé sonraí pearsanta a bhaileofar a roinnt, de réir mar is gá, leis an tSeirbhís Eorpach Gníomhaíochta Seachtraí agus leis an gCoimisiún.

Gan dochar do shrianta dá bhforáiltear de bhun Airteagal 25 de Rialachán (AE) 2018/1725, déanfar feidhmiú na gceart ag na hábhair sonraí, amhail an ceart chun rochtana, chomh maith leis na cearta chun ceartúcháin nó chun agóid a dhéanamh, a fhreagairt i gcomhréir le Rialachán (AE) 2018/1725.

Coimeádfar sonraí pearsanta go ceann 5 bliana ón uair a bhaintear an t-ábhar sonraí de liosta na ndaoine atá faoi réir na mbeart sriantach nó ón uair a dtéann bailíocht an bhirt in éag, nó go ceann ré na n-imeachtaí cúirte i gcás tús a bheith curtha leo.

Gan dochar d’aon leigheas breithiúnach, riaracháin nó neamhbhreithiúnach, féadfaidh ábhair sonraí gearán a thaisceadh leis an Maoirseoir Eorpach ar Chosaint Sonraí i gcomhréir le Rialachán (AE) 2018/1725 (edps@edps.europa.eu).

---

(1)  IO L 295, 21.11.2018, lch. 39.

(2)  IO L 255, 21.9.2016, lch. 25.

(3)  IO L 164 I, 20.6.2022, lch. 4.

(4)  IO L 255, 21.9.2016, lch. 1.

(5)  IO L 164 I, 20.6.2022, lch. 1.

Fógra le haghaidh na ndaoine agus an ghrúpa atá faoi réir na mbeart sriantach dá bhforáiltear i gCinneadh (CBES) 2016/1693 ón gComhairle, arna leasú le Cinneadh (CBES) 2022/950 ón gComhairle, agus Rialachán (AE) 2016/1986 ón gComhairle, arna chur chun feidhme le Rialachán Cur Chun Feidhme (AE) 2022/949 ón gComhairle lena bhforchuirtear bearta sriantacha breise i gcoinne ISIL (Da’esh) agus Al-Qaeda, agus daoine nádúrtha agus dlítheanacha, eintitis nó comhlachtaí a bhaineann leo

(2022/C 238/03)

Tá an fhaisnéis seo a leanas le haghaidh na ndaoine agus an ghrúpa a liostaítear san Iarscríbhinn a ghabhann le Cinneadh (CBES) 2016/1693 ón gComhairle (1), arna leasú le Cinneadh (CBES) 2022/950 ón gComhairle (2), agus in Iarscríbhinn I a ghabhann le Rialachán (AE) 2016/1686 ón gComhairle (3), arna chur chun feidhme le Rialachán Cur Chun Feidhme (AE) 2022/949 ón gComhairle (4) lena bhforchuirtear bearta sriantacha breise i gcoinne ISIL (Da’esh) agus Al-Qaeda, agus daoine nádúrtha agus dlítheanacha, eintitis nó comhlachtaí a bhaineann leo.

Chinn Comhairle an Aontais Eorpaigh gur cheart na daoine agus an grúpa a luaitear sna hIarscríbhinní thuasluaite a áireamh ar liosta na ndaoine, na ngrúpaí, na ngnóthas agus na n-eintiteas atá faoi réir na mbeart sriantach dá bhforáiltear i gCinneadh (CBES) 2016/1693 agus i Rialachán (AE) 2016/1686.

Cuirtear in iúl do na daoine agus don ghrúpa lena mbaineann gur féidir iarratas a dhéanamh chuig údaráis inniúla an Bhallstáit ábhartha nó na mBallstát ábhartha mar a liostaítear in Iarscríbhinn II a ghabhann le Rialachán (AE) 2016/1686, chun údarú a fháil le cistí reoite a úsáid chun freastal ar riachtanais riachtanacha nó chun íocaíochtaí sonracha a dhéanamh i gcomhréir le hAirteagal 5 den Rialachán sin.

Féadfaidh na daoine agus an grúpa lena mbaineann iarraidh a chur isteach go bhfaighidís ón gComhairle an ráiteas ar chúiseanna atá le hiad a áireamh ar an liosta thuasluaite. Ba cheart aon iarraidh den chineál sin a sheoladh chuig an seoladh seo a leanas:

Comhairle an Aontais Eorpaigh

An Ardrúnaíocht

RELEX.1

Rue de la Loi/Wetstraat 175

1048 Bruxelles/Brussel

BELGIQUE/BELGIË

Rphost: sanctions@consilium.europa.eu

Féadfaidh na daoine agus an grúpa lena mbaineann, tráth ar bith, iarraidh ar athbhreithniú an chinnidh iad a áireamh ar an liosta, mar aon le doiciméadacht tacaíochta, a chur faoi bhráid na Comhairle, ag an seoladh thuasluaite. I ndáil leis sin, dírítear aird na ndaoine agus an ghrúpa lena mbaineann ar an athbhreithniú rialta a dhéanfaidh an Chomhairle ar an liosta de réir Airteagal 6(2) de Chinneadh (CBES) 2016/1693 agus Airteagal 4(4) de Rialachán (AE) 2016/1686. Chun gur féidir iarrataí a mheas faoin gcéad athbhreithniú eile, ní mór iad a thíolacadh faoin 15 Iúil 2022.

Cuirtear in iúl do na daoine agus don ghrúpa lena mbaineann freisin gur féidir an cinneadh ón gComhairle a chonspóid os comhair Chúirt Ghinearálta an Aontais Eorpaigh, i gcomhréir leis na coinníollacha a leagtar síos sa dara mír d’Airteagal 275, agus sa cheathrú agus sa séú mír d’Airteagal 263, den Chonradh ar Fheidhmiú an Aontais Eorpaigh.

---

(1)  IO L 255, 21.9.2016, lch. 25.

(2)  IO L 164 I, 20.6.2022, lch. 4.

(3)  IO L 255, 21.9.2016, lch. 1.

(4)  IO L 164 I, 20.6.2022, lch. 1.

Fógra le haghaidh daoine áirithe atá faoi réir na mbeart sriantach dá bhforáiltear i gCinneadh 2014/145/CBES ón gComhairle agus Rialachán (AE) Uimh. 269/2014 ón gComhairle a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin

(2022/C 238/04)

Dírítear an fhaisnéis seo a leanas ar Rustam Ilmirovich TEMIRGALIEV

(Uimh. 3), Viktor Alekseevich OZEROV (Uimh. 9), Vladimir Anatolievich SHAMANOV (Uimh.50), Vladimir Nikolaevich PLIGIN ( Uimh. 51), Igor Nikolaevich BEZLER (Uimh. 55), Aleksandr Yurevich BORODAI ( Uimh. 62), Alexander KHODAKOVSKY (Uimh. 63), Boris Vyacheslavovich GRYZLOV (Uimh. 77), Mikhail Vladimirovich DEGTYARYOV/DEGTYAREV (Uimh. 79), Pavel Yurievich GUBAREV (Uimh. 82), Sergey Vadimovich ABISOV (Uimh. 91), Yuriy Valentinovich KOVALCHUK (Uimh. 94), Mikhail Sergeyevifch SHEREMET (Uimh. 105), Vladimir Abdualiyevich VASILYEV (Uimh. 108), Viktor Petrovich VODOLATSKY (Uimh. 109), Alexander Mikhailovich BABAKOV (Uimh. 119), Oleg Konstantinovich AKIMOV (Uimh. 121), Lesya Mikhaylovna LAPTEVA (Uimh. 128), Vladyslav Mykolayovych DEYNEGO (Uimh.132), Viktor Vyacheslavovich YATSENKO (Uimh.144), Andrei Dmitrievich KOZENKO (Uimh. 155), Svetlana Borisovna SAVCHENKO (Uimh. 156), Miroslav Aleksandrovich POGORELOV (Uimh.165), Aleksei Yurievich CHERNIAK (Uimh. 204), Leonid Ivanovich BABASHOV (Uimh. 205), Tatiana Georgievna LOBACH (Uimh. 206) agus Oleg Anatolyevich MATVEYCHEV (Uimh. 604), daoine a luaitear san Iarscríbhinn a ghabhann le Rialachán 2014/145/CBES ón gComhairle (1) agus in Iarscríbhinn 1 a ghabhann le Rialachán (AE) 269/2014 ón gComhairle (2) a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin.

Tá an Chomhairle ag smaoineamh ar na na bearta sriantacha a choinneáil ar bun i gcoinne na ndaoine thuasluaite, bunaithe ar ráitis nua ar chúiseanna. Cuirtear in iúl do na daoine sin, leis seo, go bhféadfaidh siad iarraidh a chur faoi bhráid na Comhairle chun na ráitis ar chúiseanna lena n-ainmniú atá beartaithe a fháil, roimh an 28 Meitheamh 2022, chuig an seoladh seo a leanas:

Comhairle an Aontais Eorpaigh

An Ardrúnaíocht

RELEX.1.C

Rue de la Loi/Wetstraat 175

1048 Bruxelles/Brussel

BELGIQUE/BELGIË

R-phost: sanctions@consilium.europa.eu

---

(1)  IO L 78, 17.3.2014, lch. 16.

(2)  IO L 78, 17.3.2014, lch. 6.

Rátaí malairte an euro (1)

20 Meitheamh 2022

(2022/C 238/05)

1 euro =

	Airgeadra	Ráta malairte
USD	dollar na Stát Aontaithe	1,0517
JPY	yen na Seapáine	141,94
DKK	krone na Danmhairge	7,4387
GBP	punt steirling	0,85748
SEK	krona na Sualainne	10,6375
CHF	franc na hEilvéise	1,0162
ISK	króna na hÍoslainne	137,30
NOK	krone na hIorua	10,4085
BGN	lev na Bulgáire	1,9558
CZK	koruna Phoblacht na Seice	24,728
HUF	forint na hUngáire	397,85
PLN	zloty na Polainne	4,6520
RON	leu na Rómáine	4,9453
TRY	lira na Tuirce	18,2239
AUD	dollar na hAstráile	1,5061
CAD	dollar Cheanada	1,3662
HKD	dollar Hong Cong	8,2558
NZD	dollar na Nua-Shéalainne	1,6549
SGD	dollar Shingeapór	1,4589
KRW	won na Cóiré Theas	1 357,54
ZAR	rand na hAfraice Theas	16,8603
CNY	renminbi-yuan na Síne	7,0346
HRK	kuna na Cróite	7,5175
IDR	rupiah na hIndinéise	15 589,89
MYR	ringgit na Malaeisia	4,6291
PHP	peso na nOileán Filipíneach	56,872
RUB	rúbal na Rúise
THB	baht na Téalainne	37,157
BRL	real na Brasaíle	5,4117
MXN	peso Mheicsiceo	21,3016
INR	rúipí na hIndia	81,9940

---

(1)  Foinse: ráta malairte tagartha arna fhoilsiú ag an mBanc Ceannais Eorpach (BCE).

Tuarascáil speisialta 12/2022

“Marthanacht san fhorbairt tuaithe – Tá formhór na dtionscadal fós oibríochtúil don tréimhse is gá, ach tá deiseanna ann chun torthaí níos buanfasaí a bhaint amach”

(2022/C 238/06)

D’fhoilsigh Cúirt Iniúchóirí na hEorpa a tuarascáil speisialta 12/2022: “Marthanacht san fhorbairt tuaithe – Tá formhór na dtionscadal fós oibríochtúil don tréimhse is gá, ach tá deiseanna ann chun torthaí níos buanfasaí a bhaint amach”.

Más maith leat an tuarascáil a léamh nó a íoslódáil, is féidir é sin a dhéanamh ag suíomh gréasáin Chúirt Iniúchóirí na hEorpa: https://www.eca.europa.eu/ga/Pages/DocItem.aspx?did=61262

CINNEADH Ó ARDIONADAÍ AN AONTAIS DO GHNÓTHAÍ EACHTRACHA AGUS DON BHEARTAS SLÁNDÁLA

an 29 Márta 2022

lena leasaítear ADMIN(2017) 10 an 19 Meán Fómhair 2017 maidir le rialacha slándála don tSeirbhís Eorpach Gníomhaíochta Seachtraí

(2022/C 238/07)

TÁ ARDIONADAÍ AN AONTAIS DO GHNÓTHAÍ EACHTRACHA AGUS DON BHEARTAS SLÁNDÁLA,

Ag féachaint do Chinneadh 2010/427/AE ón gComhairle an 26 Iúil 2010 lena mbunaítear eagrúchán agus feidhmiú na Seirbhíse Eorpaí Gníomhaíochta Seachtraí (“SEGS”) (1),

Ag féachaint don tuairim ón gCoiste dá dtagraítear in Airteagal 15 den Chinneadh ón Ardionadaí an 19 Meán Fómhair 2017 maidir leis na rialacha slándála don tSeirbhís Eorpach (2), agus go háirithe míreanna 4 agus 5 de,

De bharr an mhéid seo a leanas:

(1)	I bhFoscríbhinn B a ghabhann le Cinneadh 2013/2017/AE ón Ardionadaí, tá tábla coibhéise maidir le haicmiúcháin slándála,

(2)

Tá fógra tugtha ag an bhFrainc do SEGS maidir le hathruithe ar a haicmiúcháin slándála. Leis na hathruithe sin, tugtar isteach dhá mharcáil nua aicmiúcháin le héifeacht ón 1 Iúil 2021: “TRÈS SECRET” agus “SECRET”. Maidir le faisnéis arna giniúint ag an bhFrainc roimh an 1 Iúil 2021 agus a aicmíodh mar “TRÈS SECRET DÉFENSE”, “SECRET DÉFENSE” nó “CONFIDENTIEL DÉFENSE”, ba cheart leanúint dá láimhseáil agus dá cosaint ar an leibhéal coibhéiseach “TRÈS SECRET UE/EU TOP SECRET”, “SECRET UE/EU SECRET” nó “CONFIDENTIEL UE/EU CONFIDENTIAL” faoi seach.

(3)

Tháinig deireadh an 31 Nollaig 2020 leis an idirthréimhse dá bhforáiltear in Airteagal 126 den Chomhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (“Comhaontú um Tharraingt Siar”).

(4)	Thug an tSualainn fógra maidir le teacht i bhfeidhm, an 1 Aibreán 2019, an Achta um Shlándáil Chosantach (2018:585), lena leasaítear scéim aicmiúcháin na Sualainne.

(5)	Is gá Cinneadh ADMIN(2017) 10 a leasú chun na hathruithe sin a chur san áireamh

TAR ÉIS CINNEADH MAR A LEANAS:

---

(1)  IO L 201, 03.8.2010, lch. 30.

(2)  IO C 126, 10.4.2018, lch. 1.

Fógra de bhun Airteagal 13 de Threoir 2001/24/CE ó Pharlaimint na hEorpa agus ón gComhairle maidir le hatheagrú agus foirceannadh institiúidí creidmheasa a bhaineann le leachtú agus foirceannadh Cyprus Popular Bank Public CO LTD (Institiúid creidmheasa de chuid na Cipire atá faoi leachtú) (an “Chuideachta”) ina dhiaidh sin

(2022/C 238/08)

Oifig Chláraithe: 134 Limassol Avenue, 3rd Floor, 2015, Strovolos, Nicosia, An Chipir

De bhun an chinnidh ó Chúirt Dhúiche Nicosia arna eisiúint an 31 Bealtaine 2022 i ndáil le hiarratas uimh. 1/2021 arna chomhdú ag Banc Ceannais na Cipire faoi fhorálacha airteagal 33B den Dlí um Ghnó na nInstitiúidí Creidmheasa, 66(Ι)/97, arna leasú, eisíodh na horduithe cúirte chun an Chuideachta a leachtú agus mé a cheapadh mar leachtaitheoir, i gcomhréir le forálacha airteagal 33B den Dlí um Ghnó na nInstitiúidí Creidmheasa, 66(Ι)/97, arna leasú.

Déanfar gach fógrán ábhartha i ndáil leis an leachtú ar an suíomh gréasáin seo a leanas

https://www.ips-docs.com/case/22WUC009CYP/Gn8@pXmv

Réamhfhógra faoi chomhchruinniú

(Cás M.10789 – GOLDMAN SACHS / SOJITZ / JV)

Cás a d’fhéadfaí a chur faoin nós imeachta simplithe

(Téacs atá ábhartha maidir le LEE)

(2022/C 238/09)

---

(1)  IO L 24, 29.1.2004, lch. 1 (an “Rialachán um Chumaisc”).

(2)  IO C 366, 14.12.2013, lch. 5.

Foilsiú an doiciméid aonair leasaithe tar éis mionleasú a fhormheas de bhun an dara fomhír d’Airteagal 53(2) de Rialachán (AE) Uimh. 1151/2012

(2022/C 238/10)

Tá an mionleasú sin formheasta ag an gCoimisiún Eorpach i gcomhréir leis an tríú fomhír d’Airteagal 6(2) de Rialachán Tarmligthe (AE) Uimh. 664/2014 ón gCoimisiún (1).

Is féidir an t-iarratas ar fhormheas an mhionleasaithe seo a fheiceáil sa bhunachar sonraí eAmbrosia de chuid an Choimisiúin

DOICIMÉAD AONAIR

“TURRÓN DE AGRAMUNT / TORRÓ D’AGRAMUNT”

Uimh. AE: PGI-ES-0167-AM01 – 18.1.2022

STFC ( ) TGFC (X)

1.   Ainmneacha [STFC nó TGFC]

“Turrón de Agramunt / Torró d’Agramunt”

2.   Ballstát nó tríú tír

An Spáinn

3.   Tuairisc ar an táirge talmhaíochta nó ar an táirge bia

3.1.   Cineál táirge [a liostaítear in Iarscríbhinn XI]

Aicme 2.3. Arán, taosrán, cácaí, milseogra, brioscaí agus earraí eile báicéara

3.2.   Tuairisc ar an táirge lena mbaineann an t-ainm in (1)

Déantar “Turrón de Agramunt” / “Torró d’Agramunt” as mil, almóinní scafa rósta nó cnónna coill scafa rósta, siúcra agus/nó síoróip ghlúcóis, gealacáin uibhe, nó a gcomhionann triomaithe, agus sliseog.

Agus é ag brath ar an gcineál tráchtála ( suprema nó extra ), ní mór an céatadán íosta d’amhábhair bhunúsacha a bheith mar a leanas:

	Suprema	Extra
Cnónna coill nó	60,00	46,00
Almóinní	60,00	46,00
Mil	10,00	10,00
Gealacán uibhe nó a chomhionann triomaithe	1,00	1,00

Caithfidh na saintréithe a shainítear sna rialacháin sláinte theicniúla ábhartha a bheith san eithneagán Suprema agus extra a chumhdaítear leis an tásc geografach faoi chosaint (TGFC) seo.

Léirítear sa tábla thíos an comhdhéanamh ceimiceach is gá i samplaí de “Turrón de Agramunt” (% den táirge críochnaithe):

	Eithneagán almóinne		Eithneagán coill
	Suprema	Extra	Suprema	Extra
Cion taise (uasmhéid)	5,0	6,0	5,0	6,0
Cion próitéine (íosmhéid)	11,0	9,0	7,0	5,5
Saillte (íosmhéid)	32,5	26,0	30,0	24,5
Luaith (uasmhéid)	2,2	2,2	2,0	2,0

Tá na saintréithe orgánaileipteacha seo a leanas in “Turrón de Agramunt”:

—	dath: órdhonn éadrom;

—	uigeacht: neamhrialta, garbh agus póiriúil. teann, ach briseann sé gan dua. Briosc, ach leánn sé sa bhéal;

—	milseacht: an-dian;

—	cruth: cácaí cruinne agus codanna nó barraí dronuilleogacha.

Na saintréithe sin, is toradh iad ar mheascán tomhaiste comhábhar agus am cócaireachta beacht.

3.3.   Beatha (i gcás táirgí de bhunadh ainmhíoch amháin) agus amhábhair (i gcás táirgí próiseáilte amháin)

___

3.4.   Céimeanna sonracha sa táirgeadh nach mór a dhéanamh sa limistéar geografach sainithe

Ní mór táirgeadh (lena n-áirítear róstadh na gcnónna coill agus na n-almóinní, cócaireacht an mheascáin, múnlú agus gearradh arna théachtadh) agus pacáistiú an eithneagáin araon a chumhdaítear leis an PGI “Turrón de Agramunt” / “Torró d’Agramunt” a dhéanamh sa limistéar geografach a dtugtar tuairisc air i bpointe 4.

3.5.   Rialacha sonracha maidir le slisniú, grátáil, pacáistiú, etc. an táirge dá dtagraíonn an t-ainm cláraithe

Bíonn an t-eithneagán i bhfoirm barraí (bloic dhronuilleogacha nó cácaí cruinne) ina mbíonn meáchan ó 15 g go 1 kg.

Déantar an táirge a phacáistiú ag teocht chomhthimpeallach go luath tar éis a dhéanta.

3.6.   Rialacha sonracha i leith lipéadú an táirge dá dtagraíonn an t-ainm cláraithe

Caithfidh ainm an PGI “Turrón de Agramunt” / “Torró d’Agramunt”, lógó an PGI féin agus aon fhaisnéis eile a éilítear go ginearálta faoin reachtaíocht atá i bhfeidhm a bheith le feiceáil ar na lipéid.

4.   Sainiú gonta an limistéir gheografaigh

Déantar eithneagán a chlúdaítear leis an PGI “Turrón de Agramunt” / “Torró d’Agramunt” a tháirgeadh agus a phacáistiú i mbardas Agramunt sa cheantar Catalónach Urgell i gcúige Lleida.

5.   Nasc leis an limistéar geografach

Tá an nasc idir “Turrón de Agramunt” agus an limistéar geografach táirgeachta bunaithe ar a cháil agus ar an saineolas áitiúil, a eascraíonn as traidisiún stairiúil fada. Ní féidir an bardas, a thugann a ainm don PGI agus arb ionann é agus an limistéar geografach táirgeachta, a scaradh leis an eithneagán.

Stair

Cosúil le gach dea-thraidisiún, baineann miotaseolaíocht le fíorbhunús “Turrón de Agramunt”. Tá gníomhaíocht na turronaires (déantóirí eithneagáin) á doiciméadú ó dheireadh an 18ú haois, uair a bhí sí ina traidisiún cheana féin, rud a chiallaíonn go gcaithfidh sí a bheith níos sine ná sin. Mar gheall ar scrios chartlann na cathrach le linn Chogaí Napoléon agus toisc go ndéantar an ghníomhaíocht in éineacht leis an bhfeirmeoireacht, is deacair dátaí níos luaithe a dheimhniú.

Bhí an oiread sin éilimh ar dhéantóirí eithneagáin Agramunt nach amháin go raibh siad páirteach i bhféilte traidisiúnta an phobail ach go raibh siad ina gcuid de shaol na litríochta freisin sa dráma La Dida (“An Mháthair Chíche”) le Serafí Pitarra. Is í Paula máthair chíche ó Agramunt, atá ina déantóir eithneagáin, laoch an dráma, atá suite in 1700.

Tháirgtí an t-eithneagán de láimh:

Doirteadh an mhil isteach i bpanna agus ansin meascadh í go leanúnach le hionstraim adhmaid ar a dtugtar remo (“maide rámha”) chomh luath agus a thosaigh sí ag beiriú, i dtreo nach ndófaí í.

San am atá caite, róstadh na déantóirí eithneagáin na cnónna coill 2 lá roimh iad a mheascadh leis an mil, ós rud go bhféadfadh an t-eithneagán briseadh go héasca mura raibh siad fuaraithe go leordhóthanach.

D’éireodh an meascán dorcha agus, chun é a ghealadh, chuirtí dhá dhosaen gealacán uibhe leis, arna mbualadh go dtí go raibh siad righin. Nuair a chinn an déantóir eithneagáin is mó taithí go raibh an meascán réidh, cuireadh spúnóg adhmaid isteach sa phanna ar dtús agus ansin isteach i mbuicéad uisce fhuair. Tar éis dó fuarú de bheagán, cuireadh meáchan cnónna coill a bhí cothrom le meáchan na meala leis agus leantaí den mheascán a chorraí go dtí go raibh sé aonchineálach.

Fágadh ansin é le ramhrú ar feadh leathuair an chloig sula ngearradh é le gearrthóir speisialta ar a dtugtar rajola (tíle). Tar éis a ghearrtha, rinneadh é a mheá agus a fhoirmiú i gcruthanna traidisiúnta a bhí cothrom agus cruinn nó fadaithe agus fáisceadh iad idir dhá shlis de pan de ángel (cineál sliseoige), arna gceangal den eithneagán agus úsáid á baint as uirlis adhmaid. Nuair a bhí siad go hiomlán fionnuar agus tirim, cuireadh na barraí i mbosca adhmaid a bhí líneáilte le sinc nó i mbosca stáin chun iad a chaomhnú go dtí gur díoladh iad.

Is beag athrú a tháinig ar mhonarú “Turrón de Agramunt” óna thús. Mar a tharla i ngach tionscal, d’eascair athruithe as an dul chun cinn teicniúil agus an nuachóiriú, agus tá cuid de na tascanna láimhe á gcur i gcrích anois le meaisín, ach tá na hamhábhair mar an gcéanna go bunúsach agus ní dhearnadh aon athrú ach chun a bpróiseáil a dhéanamh níos éasca.

Gnéithe sóisialta

Tháinig méadú beag ar an táirgeacht gach bliain, le hardú ó 45 325 kg de “Turrón de Agramunt” in 1995 go 71 980 kg in 1999.

Chomh maith le líon mór post a sholáthar, tá tionscal eithneagán Agramunt ina fhoinse mhór gníomhaíochta in earnáil na seirbhísí, go príomha san iompar agus sa turasóireacht:

—	toisc nach bhfuil nasc iarnróid le Agramunt ní mór an t-eithneagán ar fad a iompar de bhóthar;

—

tagann líon mór cuairteoirí chun féachaint ar an eithneagán agus é á dhéanamh. Ina theannta sin, ó bhí 1989 ann, cuireadh Feria del Turrón de Agramunt (aonach eithneagáin Agramunt) ar siúl i mí Dheireadh Fómhair gach bliain. Meallann sé sin go leor cuairteoirí agus tá sé ar cheann de na haontaí is mó in Lleida.

Tagairt foilseacháin na sonraíochta

Is féidir an tsonraíocht táirge cothrom le dáta a fháil ag http://agricultura.gencat.cat/web/.content/al_alimentacio/al02_qualitat_alimentaria/normativa-dop-igp/plecs-tramit/pliego-condiciones-igp-torro-agramunt-modificacion-menor-es.pdf fad atá an t-iarratas ar leasú á phróiseáil agus nuair a fhormheasfar an t-iarratas foilseofar an tsonraíocht ag http://agricultura.gencat.cat/ca/ambits/alimentacio/segells-qualitat-diferenciada/distintius-origen/dop-igp/normativa-dop-igp/plecs-condicions/.

---

(1)  IO L 179, 19.6.2014, lch. 17.