IARSCRÍBHINN I

Liosta an Aontais de dhlínsí neamh-chomhoibríocha chun críoch cánach

1.	Samó Mheiriceá

Ní chuireann Samó Mheiriceá aon mhalartú uathoibríoch faisnéise airgeadais i bhfeidhm, níor shínigh sé ná níor dhaingnigh sé, lena n-áirítear tríd an dlínse a bhfuil siad ag brath uirthi, an Coinbhinsiún Iltaobhach ECFE maidir le Cúnamh Riaracháin Frithpháirteach arna leasú, níor gheall sé íoschaighdeáin BEPS a chur i bhfeidhm ná níor gheall sé go dtabharfaí aghaidh ar na saincheisteanna sin.

2.   Fidsí

Ní comhalta í Fidsí den Fhóram Domhanda maidir le Trédhearcacht agus Malartú Faisnéise chun críoch Cánach (“an Fóram Domhanda”), níor shínigh sí ná níor dhaingnigh sí an Coinbhinsiún Iltaobhach ECFE maidir le Cúnamh Riaracháin Frithpháirteach arna leasú, tá córais chánach fhabhracha dhíobhálacha aici (cuideachtaí onnmhairiúcháin, dreasacht na teicneolaíochta cumarsáide ioncaim, ráta lamháltais cánach do cheanncheathrú réigiúnach nó domhanda), níl sí ina comhalta den Chreat Cuimsitheach um Chreimeadh an Bhoinn agus Aistriú Brabúis ná níor chuir sí íoschaighdeáin ECFE frith-BEPS i bhfeidhm agus níl na saincheisteanna sin réitithe go fóill aici.

3.   Guam

Ní chuireann Guam aon mhalartú uathoibríoch faisnéise airgeadais i bhfeidhm, níor shínigh sé ná níor dhaingnigh sé, lena n-áirítear tríd an dlínse a bhfuil sé ag brath uirthi, an Coinbhinsiún Iltaobhach ECFE maidir le Cúnamh Riaracháin Frithpháirteach arna leasú, níor gheall sé íoschaighdeáin BEPS a chur i bhfeidhm ná níor gheall sé go dtabharfaí aghaidh ar na saincheisteanna sin.

4.   Oileáin Palau

Ní chuireann Oileáin Palau aon mhalartú uathoibríoch faisnéise airgeadais i bhfeidhm, níor shínigh siad ná níor dhaingnigh siad an Coinbhinsiún Iltaobhach ECFE maidir le Cúnamh Riaracháin Frithpháirteach arna leasú, agus níl na saincheisteanna sin réitithe go fóill acu.

5.   Panama

Níl rátáil “mórchomhlíontach” ar a laghad ag Panama ón bhFóram Domhanda maidir le Trédhearcacht agus Malartú Faisnéise chun críoch Cánach chun Faisnéis a Mhalartú arna Iarraidh sin agus níl an tsaincheist sin réitithe go fóill aige. Tá córas díolúine maidir le hioncaim ó fhoinsí eachtracha díobhálach ag Panama agus níl an tsaincheist sin réitithe go fóill aige.

Gheall Panama aghaidh a thabhairt ar mholtaí Chreat Cuimsitheach um BEPS i ndáil le cur chun feidhme chritéar 3.2 maidir le tuairisciú de réir tíre (CbCR), in am trátha, ionas go léireofar é sin i dTuarascáil Athbhreithnithe Piaraí ar Ghníomh 13 Chreat Cuimsitheach um BEPS i bhfómhar na bliana 2023.

6.   Samó

Tá córas cánach fabhrach díobhálach ag Samó (gnó eischósta) agus níl an tsaincheist sin réitithe go fóill aige.

7.   Oileán na Tríonóide agus Tobága

Ní chuireann Oileán na Tríonóide agus Tobága aon mhalartú uathoibríoch faisnéise airgeadais i bhfeidhm, níl rátáil “mórchomhlíontach” ar a laghad acu ón bhFóram Domhanda maidir le Trédhearcacht agus Malartú Faisnéise chun críoch Cánach chun Faisnéis a Mhalartú arna Iarraidh sin, níor shínigh siad ná níor dhaingnigh siad an Coinbhinsiún Iltaobhach ECFE maidir le Cúnamh Riaracháin Frithpháirteach arna leasú, tá córais chánach fhabhracha dhíobhálacha acu (criosanna saorthrádála), agus níl na saincheisteanna sin réitithe go fóill acu.

Gheall Oileán na Tríonóide agus Tobága aghaidh a thabhairt ar mholtaí Chreat Cuimsitheach um BEPS i ndáil le cur chun feidhme chritéar 3.2 maidir le tuairisciú de réir tíre (CbCR), in am trátha, ionas go léireofar é sin i dTuarascáil Athbhreithnithe Piaraí ar Ghníomh 13 Chreat Cuimsitheach um BEPS i bhfómhar na bliana 2023.

8.   Ógh-Oileáin na Stát Aontaithe

Ní chuireann Ógh-Oileáin na Stát Aontaithe aon mhalartú uathoibríoch faisnéise airgeadais i bhfeidhm, níor shínigh siad ná níor dhaingnigh siad, lena n-áirítear tríd an dlínse a bhfuil siad ag brath uirthi, an Coinbhinsiún Iltaobhach ECFE maidir le Cúnamh Riaracháin Frithpháirteach arna leasú, tá córais chánach fhabhracha dhíobhálacha acu (clár forbartha eacnamaíche, cuideachtaí díolmhaithe, gníomh rialála ionaid baincéireachta idirnáisiúnta), níor gheall siad íoschaighdeáin BEPS a chur i bhfeidhm ná níor gheall siad go dtabharfaí aghaidh ar na saincheisteanna sin.

9.   Vanuatú

Éascaíonn Vanuatú struchtúir agus socruithe amach ón gcósta arb é is aidhm dóibh brabúis nach bhfuil aon fhíorshubstaint eacnamaíoch ag baint leo a mhealladh, agus níl an tsaincheist sin réitithe go fóill aige.

Tá Vanuatú ag fanacht le hathbhreithniú forlíontach ag an bhFóram Domhanda maidir le Malartú Faisnéise arna Iarraidh sin.

IARSCRÍBHINN II

Staid na himeartha maidir leis an gcomhar leis an Aontas i ndáil le gealltanais a thug dlínsí comhoibríocha chun prionsabail an dea-rialachais cánach a chur chun feidhme

1.   Trédhearcacht

1.1.   Gealltanas an malartú uathoibríoch faisnéise a chur chun feidhme, trí Chomhaontú Iltaobhach na nÚdarás Inniúil a shíniú nó trí chomhaontuithe déthaobhacha

Meastar go ndéanfaidh an dlínse seo a leanas faisnéis a mhalartú go huathoibríoch leis na 27 mBallstát uile de réir na hamlíne dá dtagraítear i mír 6 de Chonclúidí ón gComhairle an 22 Feabhra 2021, mír 4 de Chonclúidí ón gComhairle an 5 Deireadh Fómhair 2021 agus mír 4 de Chonclúidí ón gComhairle an 24 Feabhra 2022.

An Tuirc

1.2.   Comhaltas san Fhóram Domhanda maidir le Trédhearcacht agus Malartú Faisnéise chun críoch Cánach (“an Fóram Domhanda”) agus rátáil shásúil i ndáil le malartú faisnéise arna iarraidh sin

Tá na dlínsí seo a leanas ag fanacht ar athbhreithniú forlíontach ón bhFóram Domhanda:

Anguilla, Barbadós, an Bhotsuáin, Doiminice, na Séiséil, an Tuirc

2.   Cánachas Cothrom

2.1.   Córais chánach dhíobhálacha atá ann

Thug na dlínsí seo a leanas gealltanas a gcórais díolúine ioncaim foinse eachtraí dhíobhálacha a leasú nó a dhíothú faoin 31 Nollaig 2022:

Cósta Ríce, Hong Cong, an Mhalaeisia, Catar, Uragua

Thug na dlínsí seo a leanas gealltanas a gcórais chánach fhabhracha dhíobhálacha a leasú nó a dhíothú faoi raon feidhme an Fhóraim maidir le Cleachtais Chánach Dhíobhálacha faoin 31 Nollaig 2022:

Cósta Ríce (crios saorthrádála, córas díolúine maidir le hioncam ó fhoinsí eachtrach), Iamáice (criosanna speisialta eacnamaíocha), an Iordáin (crios eacnamaíoch speisialta Aqaba), an Mhacadóin Thuaidh (crios forbartha tionsclaíche teicneolaíche)

Gheall an dlínse seo a leanas córas fabhrach cánach a leasú faoin 31 Nollaig 2022:

Cónaidhm na Rúise (cuideachtaí sealbhaíochta idirnáisiúnta)

2.2.   Córais chánach a bheith ann lena n-éascaítear struchtúir eischósta a mheallann brabúis gan fíorghníomhaíocht eacnamaíoch

Gheall na dlínsí seo a leanas aghaidh a thabhairt ar na moltaí ón bhFóram maidir le Cleachtais Chánach Dhíobhálacha i ndáil le cur chun feidhme éifeachtach na gceanglas ó thaobh substainte de faoi chritéar 2.2 in am trátha ionas go mbeidh an fóram in ann a chinneadh ag an chéad chruinniú eile a bheidh aige in 2022 gur tugadh aghaidh ar an moladh/ar na moltaí:

Anguilla, na Bahámaí, Barbadós, Beirmiúda, Oileáin na dTurcach agus Caicos

3.   Creimeadh an bhoinn chánach agus aistriú brabúis a chosc

3.2.   Cur chur chun feidhme íoschaighdeán an Tuairiscithe de réir Tíre (CbCR) (Gníomhaíocht BEPS 13)

Gheall na dlínsí seo a leanas íoschaighdeán CbCR a chur chun feidhme trí aghaidh a thabhairt ar mholtaí Chreat Cuimsitheach um BEPS in am trátha, ionas go léireofar é sin i dTuarascáil Athbhreithnithe Piaraí ar Ghníomh 13 an Chreata Chuimsithigh i bhfómhar na bliana 2023 agus/nó caidreamh malartaithe maidir le CbCR le Ballstáit uile an Aontais a ghníomhachtú de réir an spriocdháta a comhaontaíodh:

Na Bahámaí, Barbadós, an Bheilís, Oileáin Bhriotanacha na Maighdean, Iosrael, Monserrat, An Téalainn, An Túinéis, Vítneam