17.2.2022

Iris Oifigiúil an Aontais Eorpaigh

CA 76/1

FÓGRA COMÓRTAIS OSCAILTE

EPSO/AD/398/22 — SAINEOLAITHE TEICNEOLAÍOCHTA FAISNÉISE AGUS CUMARSÁIDE (TFC) (AD 7/AD 8) SNA RÉIMSÍ SEO A LEANAS:

1. INFREASTRUCHTÚIR TFC, AN NÉAL, LÍONRAÍ AGUS MEÁNEARRAÍ (AD 7)

2. AN T-IONAD OIBRE DIGITEACH, AN T-UATHOIBRIÚ OIFIGE AGUS AN RÍOMHAIREACHT MHÓIBÍLEACH (AD 7)

3. TF AGUS RIALACHAS SONRAÍ, BAINISTIÚ CLÁR/PUNANN AGUS BAINISTIÚ TIONSCADAL, AN OIFIG UM BAINISTIÚ TIONSCADAL (PMO), AILTIREACHT GHNÓ AGUS FIONTRAÍOCHTA (AD 7)

4. FEIDHMCHLÁIR TF AGUS RÉITIGH RÉAMHDHÉANTA A DHEARADH, A FHORBAIRT/A CHUMRÚ, A THÁSTÁIL, A OIBRIÚ AGUS A CHOTHABHÁIL; BAINISTIÚ SONRAÍ, ANAILÍSÍOCHT SONRAÍ AGUS AN INTLEACHT SHAORGA (AD 7)

5. SLÁNDÁIL TFC (AD 8)

(2022/C 76 A/01)

An sprioc-am le hiarratas a dhéanamh: an 22 Márta 2022 ar 12.00 (meán lae), am na Bruiséile

ÁBHAR

FORÁLACHA GINEARÁLTA

DUALGAIS AN PHOIST

NA COINNÍOLLACHA INCHÁILITHEACHTA

3.1.

Coinníollacha ginearálta

3.2.

Coinníollacha sonracha — teangacha

3.3.

Coinníollacha sonracha — cáilíochtaí agus taithí oibre

CONAS A EAGRÓFAR AN COMÓRTAS?

4.1.

Forléargas ar nósanna imeachta an chomórtais

4.2.

Teangacha a úsáidtear sa chomórtas seo

4.2.1.

Ceanglais teanga

4.2.2.

Iarratas agus teangacha na dtrialacha

4.2.3.

Teangacha cumarsáide

4.3.

Céimeanna an chomórtais

4.3.1.

Iarratas

4.3.2.

Seiceáil incháilitheachta

4.3.3.

An Talent Screener

4.3.4.

An t-ionad measúnaithe

4.3.5.

Doiciméid tacaíochta a sheiceáil agus painéil a bhunú

COMHDHEISEANNA AGUS SOCRUITHE RÉASÚNTA

IARSCRÍBHINN I

— Na príomhdhualgais

IARSCRÍBHINN II

— Rialacha ginearálta maidir le comórtais oscailte

IARSCRÍBHINN III

— Samplaí d’íoscháilíochtaí

IARSCRÍBHINN IV

— An Talent Screener: critéir agus próiseas roghnúcháin

1. FORÁLACHA GINEARÁLTA

Tá an Oifig Eorpach um Roghnú Foirne (EPSO) ag eagrú comórtas oscailte ar bhonn cáilíochtaí agus trialacha chun painéil a thiomsú as a bhféadfaidh institiúidí agus gníomhaireachtaí an Aontais Eorpaigh (AE) baill nua den tseirbhís shibhialta a earcú mar “riarthóirí” (grúpaí feidhme AD 7 agus AD 8)

Is iad an fógra comórtais seo agus na hiarscríbhinní a ghabhann leis creat dlí ceangailteach na bpróiseas comórtais seo.

An líon iarrthóirí atá á lorg don phainéal:

Réimse 1	Infreastruchtúir TFC, an néal, líonraí agus meánearraí	AD 7	71
Réimse 2	An t-ionad oibre digiteach, an t-uathoibriú oifige agus an ríomhaireacht mhóibíleach	AD 7	49
Réimse 3	TF agus rialachas sonraí, bainistiú clár/punann agus bainistiú tionscadal, an oifig um bainistiú tionscadal (PMO), ailtireacht ghnó agus fiontraíochta	AD 7	70
Réimse 4	Feidhmchláir TF agus réitigh réamhdhéanta a dhearadh, a fhorbairt/a chumrú, a thástáil a oibriú agus a chothabháil; Bainistiú sonraí, anailísíocht sonraí agus an intleacht shaorga	AD 7	73
Réimse 5	Slándáil TFC	AD 8	87

Baineann an fógra comórtais seo le cúig réimse. Ní féidir le hiarrthóir iarratas a dhéanamh ach ar aon cheann amháin acu. Ní mór d’iarrthóirí an rogha a dhéanamh tráth an chlárúcháin agus ní fhéadfaidh siad aon athruithe a dhéanamh i ndiaidh dóibh an fhoirm iarratais a bhailíochtú.

2. DUALGAIS AN PHOIST

Féach Iarscríbhinn I le haghaidh tuilleadh eolais faoi phríomhdhualgais an phoist.

Ní mór d’iarrthóirí a n-éireoidh leo a bheith toilteanach dul faoi imréiteach slándála mar atá sonraithe i roinn 5 de na rialacha ginearálta maidir le comórtais oscailte (Iarscríbhinn II a ghabhann leis an bhfógra comórtais seo).

3. NA COINNÍOLLACHA INCHÁILITHEACHTA

Ní mór d’iarrthóirí gach ceann de na coinníollacha ginearálta agus sonracha seo a leanas a chomhlíonadh ar an dáta deiridh atá leagtha síos don chlárú.

3.1. Coinníollacha ginearálta

Chun bheith incháilithe, ní mór don iarrthóir:

a)	a chearta mar shaoránach de Bhallstát den Aontas Eorpach a theachtadh,

b)	aon oibleagáid i dtaca le seirbhís mhíleata atá air de réir an dlí náisiúnta a chomhlíonadh,

c)	na riachtanais charachtair a chomhlíonadh a theastaíonn chun dualgais an phoist a dhéanamh.

3.2. Coinníollacha sonracha – teangacha

Chun bheith incháilithe, ní mór d’iarrthóir eolas a bheith aige ar dhá cheann ar a laghad de 24 theanga oifigiúla an Aontais Eorpaigh, mar a fhoráiltear i roinn 4.2 thíos.

3.3. Coinníollacha sonracha — cáilíochtaí agus taithí oibre

Chun bheith incháilithe do réimsí 1-4, ní mór d’iarrthóir ceann amháin de na nithe seo a leanas a bheith aige;

leibhéal oideachais is comhionann le cúrsa iomlán ollscoile 4 bliana ar a laghad in TFC agus/nó i réimsí gaolmhara, ar baineadh dioplóma amach dá bharr, agus 6 bliana ar a laghad de thaithí oibre a fuarthas ina dhiaidh sin i réimse TFC ar bhain 3 bliana ar a laghad di le réimse an chomórtais a bhfuil an t-iarrthóir ag cur isteach air agus le dualgais an réimse ábhartha a bhfuil cur síos orthu in Iarscríbhinn I a ghabhann leis an bhfógra seo,

nó

leibhéal oideachais is comhionann le cúrsa iomlán ollscoile 3 bliana ar a laghad i réimse TFC agus/nó i réimsí gaolmhara, agus ar baineadh dioplóma amach dá bharr, agus 7 mbliana ar a laghad de thaithí oibre a fuarthas ina dhiaidh sin i réimse TFC ar bhain 4 bliana ar a laghad di le réimse an chomórtais a bhfuil an t-iarrthóir ag cur isteach air agus le dualgais an réimse ábhartha a bhfuil cur síos orthu in Iarscríbhinn I a ghabhann leis an bhfógra seo,

Chun bheith incháilithe do réimse 5, ní mór d’iarrthóir ceann amháin de na nithe seo a leanas a bheith aige:

leibhéal oideachais is comhionann le cúrsa iomlán ollscoile 4 bliana ar a laghad i réimse TFC agus/nó i réimsí gaolmhara, agus ar baineadh dioplóma amach dá bharr, agus 9 mbliana ar a laghad de thaithí oibre a fuarthas ina dhiaidh sin i réimse TFC ar bhain 3 bliana ar a laghad di le slándáil TFC agus le dualgais réimse 5 a bhfuil cur síos orthu in Iarscríbhinn I a ghabhann leis an bhfógra seo,

nó

leibhéal oideachais is comhionann le cúrsa iomlán ollscoile 3 bliana ar a laghad i réimse TFC agus/nó i réimsí gaolmhara, agus ar baineadh dioplóma amach dá bharr, agus 10 mbliana ar a laghad de thaithí oibre a fuarthas ina dhiaidh sin i réimse TFC ar bhain 4 bliana ar a laghad di le slándáil TFC agus le dualgais réimse 5 a bhfuil cur síos orthu in Iarscríbhinn I a ghabhann leis an bhfógra seo.

Tá samplaí d’íoscháilíochtaí in IARSCRÍBHINN III

4. CONAS A EAGRÓFAR AN COMÓRTAS?

4.1. Forléargas ar nósanna imeachta an chomórtais

Eagrófar an comórtas seo sna céimeanna seo a leanas:

—	Iarratas (féach roinn 4.3.1 thíos).

—	Seiceáil incháilitheachta (féach roinn 4.3.2 thíos).

—	An Talent Screener (féach roinn 4.3.3 thíos).

—	An t-ionad measúnaithe: trialacha réasúnaíochta, trialacha lena ndéantar na hinniúlachtaí ginearálta a mheas (cás-staidéar agus agallamh suíomhúil ar bhonn inniúlachtaí), agus agallamh réimse-shonrach (féach roinn 4.3.4 thíos).

—	Seiceáil ar na doiciméid tacaíochta agus painéil a bhunú (féach roinn 4.3.5 thíos).

Déanfar modh seachadta na dtástálacha (go cianda/go fisiceach) mar aon leis na sonraí agus na treoracha riachtanacha eile a shonrú sna litreacha ina mbeidh an cuireadh chun na dtrialacha.

Má dhéantar na trialacha go fisiceach, cinnteoidh EPSO go mbeidh na dálaí faoina ndéanfaidh na hiarrthóirí na trialacha i gcomhréir leis na moltaí atá leagtha síos ag na hÚdaráis Sláinte Phoiblí ábhartha (an Lárionad Eorpach um Ghalair a Chosc agus a Rialú/údaráis eile, idir Eorpacha agus náisiúnta).

I gcás na dtrialacha réasúnaíochta agus an chás-staidéir, ní mór do na hiarrthóirí coinne a dhéanamh de réir na dtreoracha a gheobhaidh siad ó EPSO. Go hiondúil, tairgfidh EPSO roinnt dátaí d’iarrthóirí ar a bhféadfaidh siad na trialacha réasúnaíochta a dhéanamh agus dáta amháin ar a bhféadfaidh siad an cás-staidéar a dhéanamh. Bíonn teorainn leis na tréimhsí inar féidir an choinne agus na trialacha a dhéanamh.

4.2. Teangacha a úsáidtear sa chomórtas seo

4.2.1. Ceanglais teanga

Ní mór d’iarrthóir sa chomórtas seo an dá cheann díobh seo a leanas a bheith aige:

a)	eolas cuimsitheach (leibhéal C1 ar a laghad) ar cheann de 24 theanga oifigiúla an Aontais. Déanfar tagairt don teanga sin mar “theanga 1” as seo amach;

b)	eolas sásúil (íosleibhéal B2 ar an mBéarla nó ar an bhFraincis. Déanfar tagairt don teanga sin mar “theanga 2” as seo amach. An teanga a roghnófar mar theanga 1, ní féidir í a roghnú mar theanga 2 freisin.

Ní mór na híosleibhéil thuasluaite a bheith agat i dtaca le gach inniúlacht teanga (labhairt, scríobh, léamh agus éisteacht) atá iarrtha san fhoirm iarratais. Tá na hinniúlachtaí sin leagtha amach i gComhchreat Tagartha na hEorpa um Theangacha.

Ar riachtanais teanga an chomórtais seo tá na riachtanais shonracha a bhaineann le dualgais ball foirne TFC atá ag obair i dtimpeallacht institiúidí an Aontais. Tá na riachtanais chéanna i bhfeidhm sna réimsí go léir a chumhdaítear san fhógra comórtais seo.

Siúd agus go bhféadfadh eolas ar theangacha eile a bheith ina bhuntáiste is i mBéarla nó i bhFraincis a dhéanfaidh na hiarrthóirí a n-éireoidh leo bunús a gcuid oibre.

Is é an Béarla an teanga is mó a úsáidtear le haghaidh cumarsáid agus forbairt i réimse na teicneolaíochta, go hidirnáisiúnta agus in institiúidí an Aontais araon. Is é an Béarla is mó a úsáidtear sa chumarsáid le páirtithe leasmhara seachtracha, chun tuarascálacha a dhréachtú agus chun anailísiú a dhéanamh ar tháirgí agus timpeallachtaí TF. Treoracha agus caighdeáin theicniúla, lámhleabhair trealaimh agus doiciméid tagartha eile mar aon leis na hábhair oiliúna a eisíonn monaróirí trealamh TF, is i mBéarla amháin a bhíonn siad ar fáil go minic. Ina cheann sin, is i mBéarla amháin a bhíonn cuid mhór gníomhaíochtaí foghlama agus forbartha sna réimsí TF a chumhdaítear san fhógra Comórtais reatha (go háirithe ábhar a bhaineann le slándáil TF).

Is iad an Béarla agus an Fhraincis na príomhtheangacha a úsáidtear chun sonraíochtaí teicniúla agus oibríochtúla a dhréachtú le haghaidh an trealaimh TF, na gcóras agus na mbogearraí nua. Sna creatchonarthaí uile atá ann cheana a bhaineann le seirbhísí TF a sholáthar, mar aon leis na creatchonarthaí a bhaineann le ceannach, suiteáil agus seirbhísí cothabhála an trealaimh, is iad an Béarla agus an Fhraincis na teangacha a úsáidtear sna creatchonarthaí sin. Ciallaíonn sé sin gur i mBéarla nó i bhFraincis amháin a bhíonn na foirne ó na conraitheoirí seachtracha ag obair.

Is i mBéarla agus i bhFraincis amháin atá na huirlisí ríomhaireachta éagsúla a úsáideann baill foirne institiúidí an Aontais Eorpaigh (amhail ARES, BASIS, DECIDE, EU Learn, SYSPER, etc.) agus an oiliúint ghinearálta a chuirtear ar fáil d’earcaigh nua chun iad a lánpháirtiú.

Teastaíonn eolas maith ar an bhFraincis chun iarrthóirí a earcú sa Chúirt Iniúchóirí agus sa Chúirt Bhreithiúnais, toisc go bhfuil an Fhraincis leagtha síos mar cheann dá dteangacha oibre. Sa Chúirt Bhreithiúnais, is í an Fhraincis an teanga a úsáidtear go traidisiúnta i bplé na mbreithiúna, sna huirlisí taighde dlí agus i bhformhór na bhfeidhmchlár TF inmheánach. Dá bhrí sin, is i bhFraincis den chuid is mó a dhéantar an idirghníomhaíocht le húsáideoirí deiridh agus le páirtithe leasmhara, agus sa chumarsáid laistigh de na foirne tionscadail.

Ar na cúiseanna atá luaite thuas, ní mór máistreacht a bheith ag na hiarrthóirí ar an mBéarla nó ar an bhFraincis. Is ar mhaithe leis an tseirbhís a rinneadh an rogha sin: iarrthóir ar éirigh leis nach gcomhlíonann an riachtanas sin, ní bheadh sé in ann dul i mbun oibre láithreach.

Is dá réir sin ba cheart d’iarrthóirí an teanga a roghnú atá le húsáid chun an roinn “Talent Screener” den fhoirm iarratais a líonadh isteach mar aon leis an teanga atá le húsáid sna trialacha (féach roinn 4.2.2 thíos).

4.2.2. Iarratas agus teangacha na dtrialacha

Sna céimeanna éagsúla den chomórtas, is mar seo a leanas a úsáidfear na teangacha:

Céim an chomórtais	Triail	Teanga
Iarratas	—	Aon cheann de 24 theanga oifigiúla an Aontais Eorpaigh seachas le haghaidh na roinne “Talent Screener” nach mór a líonadh isteach sa teanga a roghnaigh an t-iarrthóir mar theanga 2
An t-ionad measúnaithe	Trialacha réasúnaíochta	Teanga 1
	Agallamh suíomhúil ar bhonn inniúlachtaí	Teanga 2
	Cás-staidéar	Teanga 2
	Agallamh réimse-shonrach	Teanga 2

4.2.3. Teangacha cumarsáide

Sa chumarsáid idir na hiarrthóirí agus EPSO, beidh an méid seo a leanas i bhfeidhm:

I gcumarsáid – tríd an gcuntas EPSO nó trí ríomhphost – idir EPSO agus iarrthóir a chuir iarratas bailí isteach, déanfaidh EPSO cumarsáid leis an iarrthóir lena mbaineann i gceann amháin de na teangacha ar dhearbhaigh an t-iarrthóir eolas a bheith aige orthu ar leibhéal B2 nó níos airde sa roinn “Cumas léitheoireachta” san fhoirm iarratais.

I gcás iarrataí agus gearáin dá dtagraítear i ranna 4.2.1, agus 4.2.2 de na rialacha ginearálta maidir le comórtais oscailte (in Iarscríbhinn II a ghabhann leis an bhfógra seo), moltar d’iarrthóirí a n-iarrataí nó a ngearáin a dhéanamh i dteanga 2 a roghnaigh siad. Freagróidh EPSO mar a luaitear faoi phointe a).

Maidir le haon cheist eile ag iarrthóirí ar EPSO tríd an bhfoirm theagmhála ar líne, is féidir leo cumarsáid a dhéanamh le EPSO in aon cheann de 24 theanga oifigiúla an Aontais Eorpaigh agus freagróidh EPSO na hiarrthóirí i gceann de na teangacha inar thug siad le fios go mbeadh siad toilteanach freagra a fháil.

4.3. Céimeanna an chomórtais

4.3.1. Iarratas

Chun iarratas a dhéanamh ní mór cuntas EPSO a bheith ag iarrthóir. Iarrthóirí nach bhfuil cuntas EPSO acu fós, beidh orthu cuntas a chruthú. Ní ceadmhach ach aon chuntas EPSO amháin a chruthú agus ní mór an cuntas sin a úsáid le haghaidh gach iarratais.

Ní mór d’iarrthóirí iarratas a dhéanamh ar líne ar shuíomh gréasáin EPSO https://epso.europa.eu/job-opportunities faoin sprioc-am seo:

an 22 Márta 2022 ar 12.00 (meán lae), am na Bruiséile

Tá an fhoirm iarratais ar líne le fáil i 24 theanga oifigiúla an Aontais Eorpaigh. Is féidir le hiarrthóirí an fhoirm iarratais a líonadh isteach in aon cheann de 24 theanga oifigiúla an Aontais Eorpaigh seachas an roinn “Talent Screener” nach mór a líonadh isteach sa teanga a roghnaigh an t-iarrthóir mar theanga 2

Is ionann bailíochtú iarratais agus dearbhú ar a fhocal ón iarrthóir go gcomhlíonann siad na coinníollacha ar fad atá luaite sa roinn “Na coinníollacha incháilitheachta”. Nuair a bheidh an fhoirm iarratais bailíochtaithe acu, ní fhéadfaidh siad aon athrú eile a dhéanamh uirthi. Fúthu atá sé féachaint chuige go mbeidh an t-iarratas líonta isteach agus bailíochtaithe faoin sprioc-am.

Ach amháin má deirtear a mhalairt leo, ní mór d’iarrthóirí cóipeanna scanta de na doiciméid tacaíochta a thacaíonn leis na dearbhuithe a rinne siad ina bhfoirm iarratais, an roinn “Talent Screener” san áireamh, a uaslódáil chuig a gcuntas EPSO. Cuirfidh EPSO sonraí breise agus treoracha breise ar fáil.

4.3.2. Seiceáil incháilitheachta

Is éard atá i gceist leis an tseiceáil incháilitheachta fíorú a dhéanamh ar chomhlíonadh na gcoinníollacha incháilitheachta a leagtar amach i roinn 3 (“Na Coinníollacha Incháilitheachta”) den fhógra seo. Déanfar é sin ar bhonn dearbhuithe a rinne na hiarrthóirí san fhoirm iarratais.

4.3.3. An Talent Screener

I gcás na n-iarrthóirí a mheasfar a bheith incháilithe, déanfaidh an Bord Roghnúcháin an roghnú ar bhonn cáilíochtaí. Chun é sin a dhéanamh, déanfaidh an Bord Roghnúcháin measúnú comparáideach ar bhuanna na n-iarrthóirí incháilithe ar fad ar bhonn na bhfreagraí a thug siad sa “Talent Screener” san fhoirm iarratais. Tá tuilleadh sonraí in Iarscríbhinn IV a ghabhann leis an bhfógra seo. Ar bhonn an mheasúnaithe sin, tiomsóidh an Bord Roghnúcháin liosta de na hiarrthóirí in aghaidh an réimse in ord na marcanna foriomlána. Na hiarrthóirí a mbeidh na marcanna is airde acu, tabharfar cuireadh dóibh chuig trialacha an ionaid measúnaithe.

4.3.4. An t-ionad measúnaithe

Beidh líon na n-iarrthóirí dá dtabharfar cuireadh chuig céim an ionaid measúnaithe cothrom le trí oiread ar a mhéad líon na n-iarrthóirí a n-éireoidh leo atá á lorg i ngach réimse.

Is éard atá i gceist leis an ionad measúnaithe cumas réasúnaíochta, ocht n-inniúlacht ghinearálta agus inniúlachtaí réimse-shonracha na n-iarrthóirí a mheasúnú.

a) Trialacha réasúnaíochta

Eagrófar sraith trialacha réasúnaíochta de réir an leagain amach seo a leanas:

Triail	Teanga	Líon ceisteanna	Fad ama	Marcáil	Pasmharc
Réasúnaíocht bhriathartha	Teanga 1	20 ceist	35 nóiméad	0 go 20	20/40
Réasúnaíocht uimhriúil		10 gceist	20 nóiméad	0 go 10
Réasúnaíocht theibí		10 gceist	10 nóiméad	0 go 10

Níl aon phasmharc in aghaidh na trialach ann. Mar sin féin, ní mór d’iarrthóirí pasmharc 20/40 ar a laghad a ghnóthú san iomlán, na hinniúlachtaí uile le chéile.

Na marcanna a ghnóthófar sna trialacha sin, ní chuirfear iad leis an marc deiridh foriomlán.

b) Trialacha lena ndéantar na hinniúlachtaí ginearálta a thástáil

Déanfar na hocht n-inniúlacht ghinearálta a mheasúnú le dhá thriail a dhéanfar sa teanga a roghnaigh an t-iarrthóir mar theanga 2: Cás-staidéar agus agallamh suíomhúil ar bhonn inniúlachtaí, mar atá sonraithe sa tábla seo a leanas:

Inniúlacht

Triail

Marcáil

Pasmharc

1.	Anailísiú agus réiteach fadhbanna

Cás-staidéar

1 go 10

An pasmharc foriomlán: 40/80

Cumarsáid

Cás-staidéar

1 go 10

3.	Cáilíocht agus torthaí

Cás-staidéar

1 go 10

4.	Foghlaim agus forbairt

Agallamh suíomhúil ar bhonn inniúlachtaí

1 go 10

5.	Tosaíochtaí a chur in ord tábhachta agus eagrúchán

Cás-staidéar

1 go 10

6.	Buanseasmhacht

Agallamh suíomhúil ar bhonn inniúlachtaí

1 go 10

7.	Obair bhuíne

Agallamh suíomhúil ar bhonn inniúlachtaí

1 go 10

8.	Cumas ceannaireachta

Agallamh suíomhúil ar bhonn inniúlachtaí

1 go 10

As 10 bpointe a mharcálfar gach inniúlacht. Níl aon phasmharc ann in aghaidh na hinniúlachta. Mar sin féin, ní mór d’iarrthóirí pasmharc 40/80 ar a laghad a ghnóthú san iomlán, na hinniúlachtaí uile le chéile.

Beidh na marcanna a ghnóthófar sna trialacha sin ina gcuid den mharc deiridh foriomlán.

c) Agallamh réimse-shonrach

Is sa teanga a roghnaigh an t-iarrthóir mar theanga 2 a dhéanfar an t-agallamh réimse-shonrach. As 100 pointe a mharcálfar an t-agallamh. Ní mór d’iarrthóir pasmharc 60/100 ar a laghad a ghnóthú.

Na marcanna a ghnóthófar san agallamh réimse-shonrach, beidh siad ina gcuid den mharc deiridh foriomlán.

d) Eagrú thrialacha an ionaid measúnaithe

Cuirfear fógra chuig iarrthóirí faoi thorthaí a dtrialacha réasúnaíochta a luaithe a bheidh an chuid sin den tástáil críochnaithe agus a bheidh na torthaí próiseáilte. I gcás nach ngnóthóidh na hiarrthóirí an pasmharc riachtanach sna trialacha réasúnaíochta, cuirfear an cuireadh agus/nó an choinne chun trialacha an ionaid measúnaithe ar ceal go huathoibríoch agus ní dhéanfaidh siad na trialacha sin. Má tharlaíonn sé idir an dá linn go bhfuil aon cheann de na trialacha sin déanta ag an iarrthóir cheana, ní dhéanfar torthaí na dtrialacha sin a phróiseáil, agus ní chuirfear na torthaí sin in iúl don iarrthóir.

Na hiarrthóirí a ghnóthóidh na marcanna riachtanacha uile tar éis chéim an ionaid measúnaithe agus a bhfuil ceann de na marcanna is airde acu sna trialacha inniúlachtaí ginearálta agus san agallamh réimse-shonrach, déanfar a gcuid doiciméad tacaíochta a sheiceáil mar atá sonraithe i roinn 4.3.5.

4.3.5. Doiciméid tacaíochta a sheiceáil agus painéil a bhunú

Déanfaidh an bord roghnúcháin doiciméid tacaíochta na n-iarrthóirí a sheiceáil tar éis chéim an ionaid measúnaithe agus sula mbunóidh siad na painéil. Na doiciméid a uaslódálfar chuig cuntais EPSO na n-iarrthóirí, déanfar a fhíorú an dtacaíonn na doiciméid sin leis na dearbhuithe a rinne na hiarrthóirí san fhoirm iarratais (na ranna “Oideachas agus oiliúint”, “Taithí oibre”, agus an “Talent Screener” san áireamh).

Chun na painéil a thiomsú, déanfaidh an bord roghnúcháin comhaid na n-iarrthóirí a bhfuil na marcanna is airde acu a sheiceáil, in ord íslitheach na marcanna, go dtí go sroichfear an líon iarrthóirí atá á lorg le haghaidh gach liosta. Ní sheiceálfar comhaid na n-iarrthóirí eile.

Ar na painéil sin, ní bheidh ach ainmneacha na n-iarrthóirí incháilithe sin a ghnóthaigh na pasmharcanna riachtanacha i ngach triail, agus a bhfuil na marcanna foriomlána is airde as 180 acu sna trialacha inniúlachtaí ginearálta agus san agallamh réimse-shonrach.

Is in ord aibítre a bheidh na hainmneacha ar an bpainéal. Cuirfear na painéil ar fáil do na seirbhísí earcaíochta.

Cuirfear pasanna inniúlachtaí na n-iarrthóirí a n-éireoidh leo ar fáil do na seirbhísí earcaíochta agus do na hiarrthóirí a n-éireoidh leo, agus beidh aiseolas cáilíochtúil ón mbord roghnúcháin sna pasanna sin.

Ní hionann duine a bheith ar an bpainéal agus aon cheart ar phost ná ráthaíocht a bheith aige go bhfaighidh sé post.

5. COMHDHEISEANNA AGUS SOCRUITHE RÉASÚNTA

Déanann EPSO a dhícheall a chinntiú go bhfuil comhdheiseanna ag na hiarrthóirí uile.

Na hiarrthóirí atá faoi mhíchumas nó ar rud é go bhféadfadh an riocht sláinte ina bhfuil siad bac a chur orthu na trialacha a dhéanamh, ba cheart dóibh é sin a lua san fhoirm iarratais agus na céimeanna a leanúint chun socruithe réasúnta a iarraidh, de réir an chur síos sna rialacha ginearálta atá i gceangal leis an bhfógra seo (féach Iarscríbhinn II, faoi roinn 1.3). Tar éis dó iarraidh na n-iarrthóirí agus doiciméid tacaíochta ábhartha a scrúdú, féadfaidh EPSO socrú réasúnta a thabhairt má mheastar go bhfuil gá leis.

Tá tuilleadh eolais faoi bheartas comhdheiseanna EPSO agus faoi conas socruithe réasúnta a iarraidh ar shuíomh gréasáin EPSO.

IARSCRÍBHINN I

NA PRÍOMHDHUALGAIS

Réimse 1 — Infreastruchtúir TFC, an néal, gréasáin agus meánearraí (AD 7)

Dearadh, ailtireacht, comhtháthú, cur chun feidhme, oibriú agus bainistiú réiteach/seirbhísí i réimsí a bhaineann le hinfreastruchtúir fiontar TFC, lárionaid sonraí chorparáideacha, an néal poiblí agus príobháideach. Go háirithe an méid seo a leanas:

(a)	Comhpháirteanna fisiceacha agus fíorúla: córais oibriúcháin, coimeádáin, bogearraí eagrúcháin coimeádán, freastalaithe, córais stórála, bunachair sonraí, freastalaithe feidhmchláir, líonraí bogearraí-shainithe.

(b)	Seirbhísí líonra agus teileachumarsáide: réitigh chianrochtana, rochtain idirlín, cumarsáid ghutha/sonraí, seirbhísí físchomhdhála, teileafónaíocht mhóibíleach, líonraí achair fhairsing, ródú, etc.

(c)	Feidhmchláir líonraí agus seirbhísí slándála: seirbhísí balla dóiteáin, cothromúcháin ualaigh, seachfhreastalathe agus ais-seachfhreastalaithe, seirbhísí córais ainmneacha fearainn (DNS).

(d)	Teicneolaíochtaí agus seirbhísí néalríomhaireachta i.e. seirbhísí gan freastalaí.

(e)	Teicneolaíochtaí a bhaineann le réimse na n-infreastruchtúr feidhmchlár/meánearraí, e.g. bunachar sonraí agus/nó córais bainistithe inneachair agus freastalaithe feidhmchláir).

Gníomhaíochtaí oibríochtúla a chuirtear ar fáil trí chonarthaí seirbhísí bainistithe, a bhainistiú agus a chomhordú lena n-áirítear:

(a)	bainistiú infhaighteachta,

(b)	bainistiú acmhainne agus feidhmíochta,

(c)	beartais slándála faisnéise agus bainistiú slándála faisnéise,

(d)	athruithe a bhainistiú,

(e)	iarrataí a chomhlíonadh,

(f)	bainistiú teagmhas.

3.	Bainistiú tionscadal agus/nó seirbhísí i réimse an bhainistithe lárionaid sonraí.

4.	Prionsabail agus seirbhísí forbartha, slándála agus oibríochtaí (DevSecOps) a dhearadh, a chur chun feidhme agus a oibriú, go háirithe maidir le comhtháthú leanúnach, píblínte seachadta agus imscartha chomh maith le huathoibriú infreastruchtúir.

5.	Tacaíocht a thabhairt maidir le beartais slándála i réimse na faisnéise fiontair a dhearadh agus a gcur chun feidhme a spreagadh agus creata leanúnachais ghnó a dhearadh le haghaidh seirbhísí infreastruchtúr TF nó le haghaidh córais faisnéise agus a gcur chun feidhme a spreagadh.

6.	Saolré TF agus saolré theicniúil na gcomhpháirteanna fisiceacha agus fíorúla a bhainistiú, lena n-áirítear córais agus comhpháirteanna faisnéise a fháil agus an comhtháthú agus an t-oiriúnú is gá a dhéanamh orthu.

7.	Faire teicneolaíochta agus úsáid na dteicneolaíochtaí atá ag teacht chun cinn.

8.	Maoirseacht agus bainistiú a dhéanamh ar phunanna tionscadal infreastruchtúir, doiciméid tionscadal a athbhreithniú.

Réimse 2 — An t-ionad oibre digiteach, an t-uathoibriú oifige agus an ríomhaireacht mhóibíleach (AD 7)

1.	Sainmhíniú, ailtireacht, dearadh, cur chun feidhme, oibriú, forbairt agus tacaíocht maidir le réitigh/seirbhísí i réimsí amhail uathoibriú oifige (ina bhfuil táirgí bogearraí foinse oscailte), an t-ionad oibre digiteach, an fhíschomhdháil, an sruthú agus an ríomhaireacht mhóibíleach san áireamh.

2.	Maoirseacht teicneolaíochta agus réitigh úrscothacha a shainaithint chun rannchuidiú le straitéisí nua a shainiú.

Cur chun feidhme na mbeartas slándála maidir leis na seirbhísí sin mar aon leis an moladh na seirbhísí sin a fhorbairt chun go mbeifear in ann iad a chur in oiriúint ar bhonn tráthúil do riachtanais athraitheacha gnó agus do theicneolaíochtaí atá ag teacht chun cinn, an t-aistriú chuig an néal san áireamh.

4.	Meastóireacht theicniúil ar réitigh nua.

5.	Doiciméid tionscadal a dhréachtú agus a athbhreithniú.

6.	Cothabháil (cheartaitheach, leigheasach, athraitheach, choisctheach) na gcóras faisnéise a chur chun feidhme.

7.	Gníomhaíochtaí a bhaineann le hailtireacht, imscaradh agus comhtháthú a chomhordú agus saghsanna nua infreastruchtúr agus réiteach a bhainistiú.

Gníomhaíochtaí tionscadal agus gníomhaíochtaí bainistithe foirne a bhaineann le hanailísiú, dearadh, costais a mheas, acmhainní riachtanacha a shainaithint, a chainníochtú agus a fháil, gníomhaíochtaí a sceidealú, obair iardain a dhéanamh ar an gcur chun feidhme, bainistiú athruithe agus tuairisciú.

Riachtanais ghnó a shainiú, dearadh, beartais rialachais, nósanna imeachta, cur chun feidhme, monatóireacht ar an oibríocht, feidhmíocht agus slándáil, forbairt agus tacaíocht maidir le réitigh/seirbhísí i réimsí amhail an t-ionad oibre digiteach, uathoibriú oifige, an ríomhaireacht mhóibíleach, réitigh bainistithe gléasanna san áireamh réitigh néal-chomhoibríocha agus bogearraí foinse oscailte.

Réimse 3 — TF agus rialachas sonraí, agus bainistiú clár/punann agus tionscadal, an oifig um bainistiú tionscadal (PMO), ailtireacht ghnó agus fiontraíochta (AD 7)

Cláir agus tionscadail TF a bhainistiú agus monatóireacht a dhéanamh orthu le linn a saolré ar fad (tionscnamh, pleanáil, cur i bhfeidhm agus dúnadh), lena n-áirítear leithdháileadh acmhainní airgeadais agus daonna, monatóireacht ar raon feidhme agus ar rioscaí, bainistiú agus tuairisciú athruithe, an oifig um bainistiú tionscadal (PMO) a bhainistiú.

2.	A bheith rannpháirteach i gcomhordú/stiúradh foirne agus í i bhfeighil gníomhaíochtaí tionscadal nó i bhfeighil seirbhísí TF a sholáthar.

3.	Tionscnaimh chothrománacha a bhfuil tábhacht straitéiseach ag roinnt leo a chomhordú agus/nó a bhainistiú.

4.	Punanna feidhmchlár a chur ar bun agus a bhainistiú agus/nó fíorú a dhéanamh go bhfuil na punanna/na feidhmchláir ag baint amach a gcuspóirí agus go bhfuil na tionscadail a bhfuil na punanna ag dul leo ag tabhairt an toraidh is gá.

5.	Sainmhíniú, dréachtú agus cur chun feidhme creataí rialachais TF, beartais agus straitéisí, creataí rialachais sonraí, caighdeáin agus treoirlínte sonraí, lena n-áirítear trí staidéir agus meastóireachtaí a dhéanamh.

6.	Anailísiú gnó a bhainistiú chun riachtanais a aithint agus réitigh a mholadh.

7.	Bainistiú a dhéanamh ar thástáil réiteach nua sula gcuirtear tús leis an táirgeadh chun ráthaíocht a thabhairt go gcomhlíonann siad na riachtanais fheidhmiúla, theicniúla agus slándála.

8.	Táirgí ailtireachta fiontair a dhearadh agus a bhailíochtú, ailtireachtaí (straitéiseacha) corparáideacha san áireamh, agus ina theannta sin, ailtireachtaí (teicniúla) a bhaineann le réimse ar leith, treochláir, próisis ghnó agus ailtireachtaí seirbhís-dírithe.

9.	Beartais tástála, nósanna imeachta agus sceidil a phleanáil, a fhorbairt agus a chomhordú, lena n-áirítear athbhreithniú a dhéanamh ar riachtanais bogearraí agus cásanna tástála a ullmhú.

10.	Cáilíocht forbartha agus imscartha bogearraí a chinntiú, lena n-áirítear anailísiú a dhéanamh ar bhogearraí agus ar chórais, riosca a mhaolú agus saincheisteanna bogearraí a chosc.

11.	Mar chuid den straitéis TF, páirt a ghlacadh i gceapadh straitéise TF agus aird á tabhairt ar staid na teicneolaíochta.

12.	Conarthaí seirbhísí a bhainistiú.

Réimse 4 — Feidhmchláir TF agus réitigh réamhdhéanta a dhearadh, a fhorbairt/a chumrú, a thástáil, a oibriú agus a chothabháil; Bainistiú sonraí, anailísíocht sonraí agus an intleacht shaorga (AD 7)

Is iad na dualgais seo a leanas is mó a bhíonn san áireamh sa réimse maidir le feidhmchláir TF agus réitigh réamhdhéanta a dhearadh, a fhorbairt/a chumrú, a thástáil, a oibriú agus a chothabháil;

1.	Bainistiú tionscadal: anailísiú, moltaí a dhéanamh, costas a mheas, acmhainní riachtanacha a shainaithint agus a fháil, gníomhaíochtaí, monatóireacht cur chun feidhme, bainistiú athruithe agus tuairisciú a sceidealú.

2.	A bheith rannpháirteach i gcomhordú/stiúradh foirne agus í i bhfeighil gníomhaíochtaí tionscadal nó i bhfeighil seirbhísí TF a sholáthar.

Coincheapú, dearadh ailtireachta, anailísiú feidhmiúil agus teicniúil, sainmhíniú ar riachtanais theicniúla agus ghnó, sonraíochtaí teicniúla a dhréachtú, fréamhshamhaltú, forbairt, tástáil, cur chun feidhme, rialú cáilíochta a chinntiú, monatóireacht, comhtháthú agus éabhlóid/cothabháil feidhmchlár TF agus réitigh réamhdhéanta d’úsáideoirí éagsúla, i gcomhthéacs ardteicneolaíochta.

4.	Réitigh a chur chun feidhme trí úsáid a bhaint as teicneolaíochtaí imeall-ríomhaireachta agus néalríomhaireachta, an coiméadanú agus teicneolaíochtaí eile lena ndéantar fíorúlú bogearraí.

5.	Monatóireacht a dhéanamh ar chostais, ar amlínte agus ar acmhainní, lena n-áirítear foirne a bhainistiú agus a chomhordú agus maoirseacht a dhéanamh orthu ar bhealach solúbtha.

6.	Bainistiú a dhéanamh ar nósanna imeachta um athruithe a rialú.

7.	Nósanna imeachta oiliúna agus tacaíochta a shainiú agus a dhréachtú.

8.	Maoirseacht teicneolaíochta agus meastóireacht teicneolaíochta.

Is iad na dualgais seo a leanas is mó a bhíonn san áireamh i réimse an bhainistithe sonraí, na hanailísíochta sonraí agus na hintleachta saorga:

Coincheapú (samhlacha sonraí, comhpháirteanna ailtireachta agus bloic thógála), anailísiú, cruthúnais choincheapa, maoirseacht theicniúil agus riaracháin i réimsí na hintleachta saorga, na meaisínfhoghlama (domhainfhoghlaim), na heolaíocht sonraí, na hanailísíochta sonraí, an mheastacháin ar shamhail sonraí, an bhailíochtaithe sonraí agus na cáilíochta sonraí.

2.	Mórshonraí, sonraí geospásúla, faisnéis neamhstruchtúrtha, aicmiú uathoibrithe doiciméad agus bunachair sonraí tagartha a anailísiú, a mheasúnú agus a bhainistiú.

3.	Réitigh shonraíbhunaithe a fhorbairt le haghaidh úsáideoirí deiridh éagsúla, laistigh de chomhthéacs ardteicneolaíochta.

4.	Sonraí, faisnéis agus bainistiú eolais: ceapadh, comhtháthú agus cur chun feidhme réiteach ina n-úsáidtear sonraí oscailte nasctha agus teicneolaíochtaí séimeantacha, ointeolaíochtaí, caighdeáin meiteashonraí, bunachair sonraí tagartha, teasárais agus tacsanomaíochtaí ilteangacha.

5.	Ceapadh agus cur chun feidhme beart cosanta sonraí, beart slándála sonraí agus rialaithe nochta.

6.	Réitigh maidir le comhtháthú sonraí, lochanna sonraí, algartaim mheaisínfhoghlama (domhainfhoghlaim) agus próisis uathoibrithe a shainiú agus a dhearadh.

7.	Foinsí sonraí a fháil agus a bhainistiú chun uirlisí réamhphróiseála agus iarphróiseála feabhsaithe a thógáil, e.g. anailísiú moirfeolaíoch agus comhréireach, athordú, athscórú, meastachán ar cháilíocht mar aon le corpais chomhthreomhara, inchomparáide agus aonteangacha.

Réimse 5 — slándáil TFC (AD 8)

1.	Bainistiú tionscadal: anailísiú, moltaí a dhéanamh, costais a mheas, acmhainní riachtanacha a shainaithint agus a fháil, gníomhaíochtaí a sceidealú, monatóireacht cur chun feidhme, bainistiú athruithe agus tuairisciú.

2.	A bheith rannpháirteach i gcomhordú/stiúradh foirne agus í i bhfeighil gníomhaíochtaí tionscadal nó i bhfeighil seirbhísí TF a sholáthar.

3.	Beartais, straitéisí agus treoirlínte slándála TF a dhréachtú.

4.	Seirbhísí na foirne práinnfhreagartha ríomhaire (CERT) a choincheapú, a anailísiú, a sheachadadh agus tacú leo.

5.	Creata slándála TF a athbhreithniú agus tacú le feabhas a chur ar na próisis slándála TF agus bainistithe riosca.

6.	Samhlacha aibíochta cumais/inniúlachta a fhorbairt, a athbhreithniú agus a fheabhsú chun slándáil TF, cibearshlándáil agus bainistiú riosca TF a mheasúnú.

7.	Staidéar agus comhordú a dhéanamh ar fhorbairt fheidhmchláir na hintleachta saorga agus na meaisínfhoghlama i slándáil TF, cibearshlándáil agus bainistiú riosca slándála TF.

Comhordú a dhéanamh ar fhorbairt na hailtireachta slándála TF agus ar chomhtháthú na hailtireachta sin i saolré na gcóras TF. Sa chomhthéacs sin, obair a dhéanamh i dtaca le dearadh ailtireachta slándála, agus anailísiú, dréachtú teicniúil, dréachtú beartas agus dréachtú dlíthiúil agus i dtaca le cur chun feidhme agus feidhmíocht/éifeachtacht na rialuithe slándála atá curtha in oiriúint don leibhéal riosca measta a mheasúnú.

9.	Slándáil TF a chomhtháthú ar feadh shaolré na néalchóras TF.

10.	Táirgí slándála TF a shainaithint, a mheasúnú agus a chomhtháthú, uirlisí slándála sonracha a fhorbairt nó a fheabhsú, de réir mar a eascraíonn siad as bainistiú comhlíontachta agus as bainistiú riosca.

11.	Códú (códú slán), iniúchadh cód, cripteagrafaíocht agus córais chripteagrafaíochta agus táirgí cripteagrafaíochta a bhainistiú.

12.	Uirlisí bainistithe riosca i ndáil le slándáil TF a fhorbairt agus a fheabhsú, lena n-áirítear cur chun feidhme agus feidhmíocht rialuithe slándála TFC a rianú agus meastóireacht a dhéanamh orthu.

13.	Na hoibríochtaí a reáchtáil agus a bhainistiú i measúnú slándála tréimhsiúil, i dtástáil slándála TF, i mbréagionsaithe tástála, i mbainistiú leochaileachta slándála TF agus i mbainistiú céannachta agus rochtana.

14.	Na hoibríochtaí a reáchtáil agus a bhainistiú maidir le monatóireacht agus brath, lorg bagairtí, freagairt agus anailísiú ar theagmhais, anailísiú fóiréinseach agus innealtóireacht oibríochta slándála.

15.	Bearta ardaithe feasachta i ndáil leis an gcibearshlándáil a mholadh agus a chur chun feidhme agus meastóireacht a dhéanamh ar oiliúint slándála TF agus feabhas a chur orthu.

16.	Comhairle agus comhairleacht a thabhairt i réimsí an bhainistithe céannachta agus rochtana agus i réimse an tsínithe leictreonaigh.

17.	A bheith rannpháirteach i ngrúpaí oibre feidhmiúla agus teicniúla, moltaí teicniúla a athbhreithniú chun deimhin a dhéanamh de go ndéantar caighdeáin slándála agus dea-chleachtais a chomhlíonadh.

Deireadh IARSCRÍBHINN I. Cliceáil anseo chun filleadh ar an bpríomhthéacs.

IARSCRÍBHINN II

RIALACHA GINEARÁLTA MAIDIR LE COMÓRTAIS OSCAILTE

FAISNÉIS GHINEARÁLTA

Gach áit a ndéantar tagairt do dhaoine d’inscne ar leith i bpróiseas roghnúcháin de chuid EPSO, glactar leis gur ag tagairt do dhaoine d’aon inscne eile atáthar freisin.

Maidir leis an áit dheireanach le dul ar aghaidh go dtí an chéad chéim eile den chomórtas, i gcás ina ngnóthóidh roinnt iarrthóirí an marc céanna, rachaidh siad ar fad ar aghaidh go dtí an chéad chéim eile den chomórtas. Aon iarrthóir a ligfear isteach sa chomórtas arís mar thoradh ar achomharc ar éirigh leis, tabharfar cuireadh chun na chéad chéime eile den phróiseas dó.

Maidir leis an áit dheireanach ar an bpainéal, i gcás ina ngnóthóidh roinnt iarrthóirí an marc céanna, cuirfear iad go léir ar an bpainéal. Aon iarrthóir a ligfear isteach sa chomórtas arís mar thoradh ar achomharc ar éirigh leis ag an gcéim seo den chomórtas, cuirfear ar an bpainéal é.

1. NA DAOINE AR FÉIDIR LEO IARRATAS A DHÉANAMH

1.1. Coinníollacha ginearálta agus coinníollacha sonracha

Tá coinníollacha ginearálta agus coinníollacha sonracha gach réimse nó próifíle (eolas ar theangacha san áireamh), tá siad luaite sa roinn “Na coinníollacha incháilitheachta”.

Maidir le cáilíochtaí, taithí oibre agus eolas ar theangacha, bíonn na coinníollacha sonracha ina leith éagsúil ó phróifíl go chéile. San iarratas, ba cheart duit a oiread eolais is féidir a thabhairt, a bhaineann le dualgais an phoist , i dtaobh do cháilíochtaí agus do thaithí oibre (nuair a iarrtar sin) de réir an méid atá ráite sa roinn “Na coinníollacha incháilitheachta” thuas.

(a)

Dioplómaí agus/nó teastais: Caithfidh gach dioplóma, is cuma cé acu i mBallstát den Aontas nó i dtír nach Ballstát den Aontas í a eisíodh, a bheith aitheanta ag comhlacht oifigiúil de chuid Ballstáit, e.g. roinn oideachais. Cuirfidh an bord roghnúcháin san áireamh na difir idir córais oideachais.

Maidir le hoideachas iar-mheánscoile agus oiliúint ghairmiúil, oiliúint theicniúil agus sainoiliúint, luaigh na hábhair a ndearnadh staidéar orthu, fad an chúrsa agus cé acu cúrsa lánaimseartha, cúrsa páirtaimseartha nó rang oíche a bhí ann.

(b)

Maidir le taithí oibre (má iarrtar sin), ní chuirfear san áireamh í ach amháin i gcás ina mbaineann sí le dualgais an phoist agus más rud é:

—	gur fíorobair éifeachtach a bhí inti,

—	gur obair ar íocaíocht a bhí inti,

—	go raibh caidreamh íochtaránachta nó soláthar seirbhíse i gceist léi, agus

—

faoi réir na gcoinníollacha seo a leanas:

—	obair dheonach: más obair ar íocaíocht a bhí inti agus go raibh na huaireanta oibre sa tseachtain agus an fad a mhair an phost ar nós uaireanta oibre agus fad gnáthphoist,

—	tréimhsí oiliúna: más tréimhsí oiliúna ar íocaíocht a bhí iontu,

—	seirbhís mhíleata éigeantach: is cuma cé acu sular baineadh an dioplóma amach nó ina dhiaidh a rinneadh an tseirbhís mhíleata, agus ní chuirfear san áireamh tréimhse seirbhíse níos faide ná an tréimhse atá leagtha síos i ndlí an Bhallstáit i gceist,

—	saoire mháithreachais/atharthachta/altramais: má bhí an tsaoire leagtha síos sa chonradh fostaíochta,

—	dochtúireacht: 3 bliana ar a mhéad a chuirfear san áireamh, ar choinníoll gur baineadh amach an dochtúireacht, agus is cuma cé acu obair ar íocaíocht nó obair gan íocaíocht a bhí sa dochtúireacht, agus

—	obair pháirtaimseartha: is ar bhonn pro rata a ríomhfar obair pháirtaimseartha, ar bhonn an lín uaireanta an chloig a oibríodh, e.g. mheasfaí gur 3 mhí oibre ab ea obair leath-ama a mhair 6 mhí.

1.2. Doiciméid tacaíochta

Ag céimeanna éagsúla den phróiseas roghnúcháin, iarrfar ort doiciméad oifigiúil a sholáthar a chruthaíonn do náisiúntacht (e.g. pas, cárta aitheantais), agus ní mór an doiciméad sin a bheith bailí an dáta deiridh le hiarratais a dhéanamh (i gcás iarratas ina bhfuil dhá chuid, is é dáta deiridh na chéad choda den iarratas an dáta sin).

Ní mór bunchóipeanna nó cóipeanna deimhnithe de na nithe seo a leanas a chur ar fáil i leith gach tréimhse oibre:

—	doiciméid ó iarfhostóir(í) agus ó fhostóir(í) reatha ina bhfuil cineál agus leibhéal na ndualgas a rinneadh luaite, dáta tosaigh agus dáta deiridh na tréimhse, agus suaitheantas agus stampa oifigiúil an chomhlachta ar an bpáipéar mar aon le hainm agus síniú an duine a bhí i gceannas; nó

—	conradh/conarthaí fostaíochta agus an chéad duillín pá agus an duillín pá deiridh, maille le cur síos mionsonraithe ar na dualgais a rinneadh;

—	(i gcás taithí oibre gan tuarastal, e.g. féinfhostaíocht nó fostaíocht sna gairmeacha liobrálacha) sonraisc nó foirmeacha ordaithe agus na dualgais a rinneadh sonraithe iontu, nó aon doiciméad tacaíochta oifigiúil eile a bhaineann le hábhar;

—	(i gcás comórtais d’ateangairí comhdhála ina n-iarrtar taithí oibre), doiciméid a léiríonn an líon laethanta a oibríodh agus na teangacha a ndearnadh ateangaireacht astu agus go dtí iad, agus a bhain go sonrach le hateangaireacht chomhdhála.

Is gnách nach dteastaíonn aon doiciméad tacaíochta chun d’eolas ar theangacha a chruthú, ach amháin i gcás comórtas do theangeolaithe agus sainphróifílí áirithe.

Féadfar iarraidh ort, ag céim ar bith den phróiseas roghnúcháin, breis eolais nó breis doiciméad a chur ar fáil. Cuirfidh EPSO in iúl duit cé na doiciméid tacaíochta nach mór duit a chur ar fáil agus cathain nach mór iad a chur ar fáil.

1.3. Comhdheiseanna agus cóirithe réasúnta

Má tá tú faoi mhíchumas nó má tá fadhb shláinte agat, agus go bhféadfadh sin bac a chur ort na trialacha a dhéanamh, luaigh sin i d’iarratas agus abair cén bealach is féidir freastal go réasúnta ort. Má thagann míchumas nó fadhb shláinte ort i ndiaidh duit an t-iarratas a bhailíochtú, ní mór duit EPSO a chur ar an eolas a luaithe is féidir é ar an dóigh thíosluaite.

Tabhair do d’aire nach mór duit, chun go gcuirfear d’iarratas san áireamh, teastas ó chomhlacht stáit de chuid do Bhallstáit nó teastas dochtúra a thabhairt do EPSO. Scrúdófar do chuid doiciméad tacaíochta sa chaoi is go bhféadfar freastal réasúnta a dhéanamh ort más gá.

Má bhíonn aon fhadhb rochtana agat, nó má bhíonn tuilleadh eolais de dhíth ort, is féidir teagmháil a dhéanamh le foireann inrochtana EPSO:

—	trí ríomhphost (EPSO-accessibility@ec.europa.eu); nó

—

tríd an bpost:

An Oifig Eorpach um Roghnú Foirne (EPSO)

EPSO ACCESSIBILITY

L107 02/DCS

1049 Bruxelles/Brussels

BELGIQUE/BELGIË

2. CÉ A DHÉANFAIDH MEASÚNÚ ORM?

Ceaptar bord roghnúcháin chun iarrthóirí a chur i gcomparáid le chéile agus na hiarrthóirí is fearr díobh a roghnú ar bhonn inniúlachtaí, buanna agus cáilíochtaí, i bhfianaise na riachtanas atá leagtha amach san fhógra comórtais seo. Is é an bord roghnúcháin sin a chinneann leibhéal deacrachta thrialacha an chomórtais agus a fhaomhann a bhfuil iontu i bhfianaise moltaí ó EPSO.

Chun neamhspleáchas an bhoird roghnúcháin a chinntiú, tá diantoirmeasc ar iarrthóirí agus ar aon duine nach ball den bhord é iarracht a dhéanamh dul i dteagmháil le haon cheann de bhaill an bhoird, ach amháin le linn trialacha ós rud é gur cuid díobh plé díreach a bheith ag iarrthóirí agus ag an mbord le chéile.

Iarrthóirí ar mian leo a gcás a mhíniú nó a gcearta a éileamh, is i scríbhinn is éigean dóibh sin a dhéanamh, agus aon chomhfhreagras atá acu do bhall ar leith de bhord roghnúcháin, is chuig EPSO is éigean dóibh é a chur. Cuirfidh EPSO an comhfhreagras ar aghaidh chuig an mbord. Tá toirmeasc ar na hiarrthóirí aon chumarsáid dhíreach nó indíreach nach gcomhlíonann na nósanna imeachta sin a dhéanamh, agus is féidir go ndícháileofar ón gcomórtas iad dá bharr

Meastar gur coinbhleacht leasa é cóngas gaoil nó nasc ordlathach a bheith idir iarrthóir agus ball de bhord roghnúcháin, go háirithe. Iarrtar ar bhaill bord roghnúcháin aon chóngas dá leithéid a chur in iúl do EPSO a luaithe a fhaigheann siad a fhios sin. Measfaidh EPSO gach cás ar bhonn leithligh agus déanfaidh sé aon bheart is iomchuí. Mura ndéantar sin is féidir go mbeidh mar thoradh air go gcuirfear bearta araíonachta i bhfeidhm ar an mball den bhord roghnúcháin agus go ndícháileofar an t-iarrthóir ón gcomórtas (féach 4.4).

Foilsítear ainmneacha bhaill an bhoird roghnúcháin ar shuíomh gréasáin EPSO (www.eu-careers.eu) roimh thosach an ionaid measúnaithe/roimh thosach chéim an mheasúnaithe.

3. CUMARSÁID

3.1. Cumarsáid a dhéanamh le EPSO

Ba cheart duit breathnú i do chuntas EPSO dhá uair sa tseachtain ar a laghad chun go mbeidh tú ar an eolas faoi dhul chun cinn atá déanta agat sa chomórtas. Mura féidir leat sin a dhéanamh de dheasca fadhb theicniúil ar thaobh EPSO, ní mór duit EPSO a chur ar an eolas faoi sin láithreach agus sin a dhéanamh trí shuíomh gréasáin EPSO, agus ar an dóigh sin amháin (https://epso.europa.eu/help_ga).

Forchoimeádann EPSO an ceart gan eolas a thabhairt atá tugtha go soiléir san fhógra comórtais seo, in iarscríbhinní an fhógra comórtais seo, nó ar shuíomh gréasáin EPSO, an roinn “ceisteanna coitianta” san áireamh.

I ngach comhfhreagras a bhaineann le hiarratas, iarrtar ort d’ainm a lua (an t-ainm a thug tú i do chuntas EPSO), mar aon le d’uimhir iarratais agus uimhir thagartha an phróisis roghnúcháin.

Dá réir sin, forchoimeádann EPSO an ceart deireadh a chur le haon chomhfhreagras atá míchuí (i.e. comhfhreagras atá liodánach, tarcaisneach, agus/nó nach mbaineann le hábhar).

3.2. Rochtain ar fhaisnéis

Tá cearta sonracha ag iarrthóirí sonraí áirithe a bhaineann leo go pearsanta a rochtain, cearta atá acu de bharr na hoibleagáide cúiseanna a thabhairt, ionas go bhféadfar achomharc a dhéanamh in aghaidh cinntí diúltúcháin.

Ach i dteannta na hoibleagáide sin cúiseanna a thabhairt, tá rúndacht imeachtaí an bhoird roghnúcháin le cur san áireamh, rúndacht a chinntíonn neamhspleáchas an bhoird agus oibiachtúlacht an roghnaithe. Ar chúiseanna rúndachta, ní féidir an meon atá ag baill aonair de bhord roghnúcháin i leith measúnuithe ar iarrthóirí aonair ná i leith measúnuithe comparáideacha, ní féidir sin a nochtadh.

Na cearta rochtana sin, is cearta iad a bhaineann go sonrach le hiarrthóirí i gcomórtas oscailte, agus is féidir nach mbeidh aon cheart ag iarrthóirí sa bhreis ar na cearta a luaitear sa roinn seo faoin reachtaíocht atá ann maidir le rochtain phoiblí ar dhoiciméid.

3.2.1. Faisnéis a nochtar go huathoibríoch

Gheobhaidh tú go huathoibríoch an t-eolas seo a leanas ar fad i do chuntas EPSO i ndiaidh gach céim de phróiseas roghnúcháin an chomórtais:

—	na trialacha ceisteanna ilrogha ar ríomhaire: do thorthaí agus tábla a bhfuil na freagraí a thug tú ann mar aon le huimhir nó tagairt na bhfreagraí cearta. Ní féidir, ar chúinse ar bith, rochtain a fháil ar théacs ná ar fhreagraí na gceisteanna;

—	incháilitheacht: deirtear cé acu ar tugadh cead duit páirt a ghlacadh sa chomórtas nó nár tugadh; murar tugadh an cead sin duit, deirtear cé na coinníollacha incháilitheachta nár comhlíonadh,

—	Talent Screener: do thorthaí agus tábla ina bhfuil ualú gach ceiste, na pointí a tugadh do na freagraí a thug tú agus do scór iomlán,

—	na réamhthrialacha: do thorthaí,

—	na trialacha idirmheánacha: do thorthaí, mura bhfuil tú ar na hiarrthóirí ar tugadh cuireadh chun na chéad chéime eile dóibh,

—

an t-ionad measúnaithe/céim an mheasúnaithe: mura bhfuil tú dícháilithe, do phas inniúlachtaí ina léireofar na marcanna foriomlána a ghnóthaigh tú i ngach inniúlacht agus ráiteas an bhoird roghnúcháin ina mbeidh aiseolas cainníochtúil agus cáilíochtúil ar a fheabhas a chruthaigh tú san ionad measúnaithe/i gcéim an mheasúnaithe.

Is é is gnáiche nach nochtann EPSO d’iarrthóirí aon cheann de na téacsanna a úsáideadh sna trialacha ná i gcleachtaí na dtrialacha arae bíonn sé beartaithe iad sin a úsáid arís i gcomórtais eile. I gcás trialacha áirithe, ámh, is féidir go ndéanfaidh EPSO, ar bhonn eisceachtúil, na téacsanna sin a fhoilsiú ar a shuíomh gréasáin, ar chuntar:

—	go bhfuil na trialacha thart,

—	go bhfuil na torthaí socraithe agus gur cuireadh in iúl do na hiarrthóirí iad, agus

—	nach bhfuil sé beartaithe iad a úsáid arís i gcomórtas eile.

3.2.2. Faisnéis a iarraidh

Is ceadmhach duit cóip neamhcheartaithe de do chuid freagraí sna trialacha scríofa a iarraidh, ar chuntar gur ceisteanna iad nach bhfuil sé beartaithe a úsáid arís i gcomórtas eile. Ní dhéanfar, ar chúinse ar bith, freagraí chleachtaí an bhosca isteach ríomhphoist ná freagraí cás-staidéar a chur ar fáil.

Tá scripteanna ceartaithe agus na sonraí marcála, go háirithe, faoi chumhdach rúndacht imeachtaí an bhoird roghnúcháin agus ní nochtfar iad.

Féachann EPSO leis an oiread faisnéise is féidir a chur ar fáil d’iarrthóirí, i gcomhréir leis an oibleagáid atá air cúiseanna a thabhairt, le rúndacht imeachtaí an bhoird roghnúcháin agus leis na rialacha maidir le cosaint sonraí pearsanta. Is i bhfianaise na dtosca sin a mheasfar gach iarraidh ar fhaisnéis.

Is tríd an roinn “teagmháil a dhéanamh linn” ar shuíomh gréasáin EPSO (https://epso.europa.eu/help_ga) ba cheart gach iarraidh ar fhaisnéis a dhéanamh, laistigh de dheich lá tar éis fhoilsiú do thorthaí i do chuntas EPSO.

4. GEARÁIN AGUS DEACRACHTAÍ

4.1. Saincheisteanna teicniúla agus eagraíochtúla

Má thagann mórdheacracht theicniúil nó eagraíochtúil romhat ag céim ar bith den phróiseas roghnúcháin, iarrtar ort EPSO a chur ar an eolas ina thaobh sa chaoi go bhféadfar an cás a bhreathnú agus beart a dhéanamh chun é a leigheas. Is féidir teagmháil a dhéanamh linn trí shuíomh gréasáin EPSO (https://epso.europa.eu/help_ga).

Iarrtar ort d’ainm (an t-ainm a thug tú i do chuntas EPSO) a lua i ngach comhfhreagras, mar aon le d’uimhir iarratais agus uimhir thagartha an phróisis roghnúcháin.

I gcás fadhb a tharla san ionad trialacha nó le linn trialacha cianda iarrtar ort:

—	na feitheoirí a chur ar an eolas láithreach sa chaoi gur féidir réiteach a aimsiú. I gcás ar bith, iarraidh ar na feitheoirí an gearán atá agat a chur i scríbhinn, agus

—	teagmháil a dhéanamh le EPSO tráth nach déanaí ná 3 lá féilire i ndiaidh na trialach trí shuíomh gréasáin EPSO (https://epso.europa.eu/help_ga) agus cur síos gairid a thabhairt dóibh ar an bhfadhb.

I gcás fadhb lasmuigh den ionad trialacha (e.g. fadhb a bhaineann le coinne a dhéanamh le haghaidh trialach, nó fadhb theicniúil le linn trialacha cianda sula nasctar le feitheoir thú), lean na treoracha i do chuntas EPSO agus ar shuíomh gréasáin EPSO agus déan teagmháil le EPSO láithreach trí shuíomh gréasáin EPSO (https://epso.europa.eu/help_ga).

I gcás fadhbanna a bhaineann le d’iarratas, ní mór duit teagmháil a dhéanamh le EPSO láithreach agus go cinnte roimh an sprioc-am le hiarratas a dhéanamh, trí shuíomh gréasáin EPSO (https://epso.europa.eu/help_ga). Má chuirtear ceist isteach níos lú ná 5 lá oibre roimh an sprioc-am le hiarratas a dhéanamh, is féidir nach bhfreagrófar roimh an sprioc-am iad.

4.2. Nósanna imeachta um athbhreithniú inmheánach

4.2.1. Earráidí sna ceisteanna ilrogha ar ríomhaire

Déanann EPSO agus na boird roghnúcháin grinnrialú cáilíochta go seasta ar an mbunachar de cheisteanna ilrogha.

Má mheasann tú nár fhéad tú ceann amháin nó níos mó de na ceisteanna ilrogha ar ríomhaire a fhreagairt toisc earráid a bheith inti nó iontu, tá tú i dteideal iarraidh ar an mbord roghnúcháin an cheist nó na ceisteanna a athbhreithniú (faoin “nós imeachta neodrúcháin”).

Faoin nós imeachta sin féadfaidh an bord roghnúcháin cinneadh ar an gceist ina bhfuil an earráid a chur ar ceal agus na marcanna don cheist sin a athdháileadh ar na ceisteanna eile. Is d’iarrthóirí a raibh an cheist earráideach le freagairt acu, agus dóibh siúd amháin, a dhéanfaidh an t-athríomh pointí difear. Ní thiocfaidh aon athrú dá thoradh sin ar scéim mharcála na dtrialacha a leagtar amach sna codanna ábhartha den fhógra comórtais seo.

Ag seo an dóigh le gearán a dhéanamh faoi thriail ceisteanna ilrogha ar ríomhaire:

—	nós imeachta: déan teagmháil le EPSO trí shuíomh gréasáin EPSO amháin (https://epso.europa.eu/help_ga),

—	sprioc-am: ní mór an gearán a dhéanamh laistigh de 3 lá féilire tar éis an dáta a rinne tú na trialacha ar ríomhaire,

—	faisnéis bhreise: déan cur síos ar an gceist ionas go bhféadfar í a aithint, agus mínigh chomh soiléir agus is féidir cad í an earráid a deirtear a bheith ann.

Gearáin a gheofar i ndiaidh an sprioc-ama nó gearáin nach bhfuil cur síos soiléir iontu ar an gceist/ar na ceisteanna atá á conspóid/á gconspóid agus ar an earráid/na hearráidí a deirtear a bheith ann, ní chuirfear san áireamh iad.

Gearáin nach bhfuil luaite iontu, cuir i gcás, ach fadhbanna aistriúcháin a deirtear a bheith ann, agus gan aon sonraí eile tugtha, ní chuirfear san áireamh iad.

Is é an nós imeachta athbhreithniúcháin céanna atá i bhfeidhm maidir le hearráidí i gcleachtadh an bhosca isteach ríomhphoist.

4.2.2. Iarrataí ar athbhreithniú

Féadfaidh tú athbhreithniú a iarraidh ar aon chinneadh a rinne an bord roghnúcháin nó EPSO lena gcinntear do thorthaí nó lena gcinntear cé acu a rachaidh tú ar aghaidh go dtí an chéad chéim eile den chomórtas nó a dhíbreofar thú.

Is féidir iarrataí ar athbhreithniú a bheith bunaithe ar:

—	míréireacht ábhartha i bpróiseas an chomórtais, agus/nó

—	an bord roghnúchán nó EPSO gan na Rialacháin Foirne, an fógra comórtais, iarscríbhinní an fhógra comórtais agus/nó an cásdlí a chomhlíonadh.

Tabhair do d’aire nach ceadmhach duit agóid a dhéanamh in aghaidh bhailíocht aon mheasúnú a rinne an bord roghnúcháin ar a fheabhas a chruthaigh tú i dtriail ná in aghaidh a ábhartha atá do chuid cáilíochtaí agus taithí oibre. Is breith fiúntais measúnú sin an bhoird roghnúcháin agus ní haon chruthúnas é iarrthóir a bheith ag easaontú leis an mbreith a thug an bord ar a thrialacha, a thaithí agus/nó a cháilíochtaí, ní haon chruthúnas sin go bhfuil earráid déanta ag an mbord. Ní bheidh toradh dearfach ar aon iarraidh ar athbhreithniú a dhéanfar ar an mbonn sin.

Ag seo an dóigh le hiarraidh ar athbhreithniú a dhéanamh:

—	nós imeachta: déan teagmháil le EPSO trí shuíomh gréasáin EPSO amháin (https://epso.europa.eu/help_ga),

—	sprioc-am: ní mór an iarraidh a dhéanamh laistigh de 10 lá féilire tar éis an dáta a foilsíodh an cinneadh atá á chonspóid,

—	faisnéis bhreise: luaigh go soiléir an cinneadh atá á chonspóid agat agus cúiseanna na conspóide.

Iarrataí a gheofar i ndiaidh an sprioc-ama, ní chuirfear san áireamh iad.

Laistigh de 15 lá oibre gheobhaidh tú admháil go bhfuarthas d’iarraidh. An comhlacht a rinne an cinneadh atá á chonspóid, déanfaidh sé anailís air agus déanfaidh sé cinneadh i leith d’iarrata, agus a luaithe is féidir é cuirfear freagra réasúnaithe chugat.

Más toradh dearfach a bhíonn ar d’iarraidh, cuirfear isteach sa phróiseas roghnúcháin arís thú ag an gcéim a raibh tú dulta a fhad leis nuair a díbríodh thú, is cuma cén chéim atá sroichte sa chomórtas faoin tráth sin.

4.3. Modhanna eile le conspóid a dhéanamh

4.3.1. Gearáin riaracháin

I do cháil mar iarrthóir i gcomórtas oscailte, tá sé de cheart agat gearán riaracháin a chur faoi bhráid Stiúrthóir EPSO ina cháil mar údarás ceapacháin.

Ní fhéadfaidh tú gearán a dhéanamh i gcoinne cinneadh a rinneadh, nó i gcoinne cinneadh nach ndearnadh, a bhfuil tionchar díreach láithreach aige ar do stádas dlí mar iarrthóir, ach amháin más léir gur sáraíodh rialacha an phróisis roghnúcháin. Ní féidir le Stiúrthóir EPSO breith fiúntais a thug bord roghnúcháin a chur ar ceal (féach roinn 4.2.2).

Ag seo an dóigh le gearán riaracháin a dhéanamh:

—	nós imeachta: déan teagmháil le EPSO trí shuíomh gréasáin EPSO amháin (https://epso.europa.eu/help_ga),

—	sprioc-am: laistigh de 3 mhí tar éis fógra a bheith tugtha faoin gcinneadh atá á chonspóid nó tar éis an dáta ar cheart cinneadh a bheith déanta roimhe,

—	faisnéis bhreise: luaigh go soiléir an cinneadh atá á chonspóid agat agus cúiseanna na conspóide.

Gearáin a gheofar i ndiaidh an sprioc-ama, ní chuirfear san áireamh iad.

4.3.2. Achomhairc bhreithiúnacha

I do cháil mar iarrthóir i gcomórtas oscailte, tá sé de cheart agat achomharc breithiúnach a chur faoi bhráid na Cúirte Ginearálta, faoi Airteagal 270 den Chonradh ar Fheidhmiú an Aontais Eorpaigh agus Airteagal 91 de na Rialacháin Foirne.

Tabhair do d’aire nach mbeidh achomhairc i gcoinne cinntí a rinne EPSO seachas an bord roghnúcháin, nach mbeidh siad inghlactha os comhair na Cúirte Ginearálta mura ndearnadh achomharc riaracháin roimhe sin faoi Airteagal 90(2) de na Rialacháin Foirne (féach roinn 4.3.1). Go háirithe, is amhlaidh atá i gcás cinntí a bhaineann leis na critéir incháilitheachta ghinearálta, arb é EPSO a dhéanann iad seachas an bord roghnúcháin.

Ag seo an dóigh le hachomharc breithiúnach a dhéanamh:

—	nós imeachta: gabh chuig suíomh gréasáin na Cúirte Ginearálta (http://curia.europa.eu/jcms/).

4.3.3. An tOmbudsman Eorpach

Is féidir le gach saoránach den Aontas Eorpach agus gach duine atá ina chónaí san Aontas Eorpach gearán a chur faoi bhráid an Ombudsman Eorpaigh.

Sula ndéanfaidh tú sin, ní mór duit teagmháil a dhéanamh leis na hinstitiúidí agus na comhlachtaí lena mbaineann agus na foirmeáltachtaí riaracháin iomchuí a chomhlíonadh (féach ranna 4.1–4.3).

Ní bheidh mar thoradh ar ghearán a chur faoi bhráid an Ombudsman síneadh a chur leis na sprioc-amanna atá ann le gearáin riaracháin nó achomhairc bhreithiúnacha a dhéanamh.

Ag seo an dóigh le gearán a chur faoi bhráid an Ombudsman:

—	nós imeachta: gabh chuig suíomh gréasáin an Ombudsman Eorpaigh (http://www.ombudsman.europa.eu/).

4.4. Dícháiliú ón bpróiseas roghnúcháin

Féadfar tú a dhícháiliú ag aon chéim den phróiseas roghnúcháin má fhaigheann EPSO amach:

—	gur chruthaigh tú níos mó ná cuntas EPSO amháin,

—	go ndearna tú iarratas ar theaglaim réimsí nó próifílí nach bhfuil ceadaithe,

—	nach gcomhlíonann tú na critéir incháilitheachta ar fad,

—	go ndearna tú dearbhuithe bréagacha nó dearbhú nach raibh na doiciméid chuí mar thaca leis,

—	nár fhreagair tú na ceisteanna sa Talent Screener;

—	nár chomhlíon tú téarmaí agus coinníollacha na dtástálacha a eagraítear go cianda;

—	nach ndearna tú coinne chun ceann amháin nó níos mó de na trialacha a dhéanamh nó nach ndearna tú ceann amháin nó níos mó de na trialacha féin,

—	go ndearna tú séitéireacht i dtriail,

—	nár dhearbhaigh tú san fhoirm iarratais na teangacha nach mór a bheith agat, de réir an fhógra comórtais seo, nó nár dhearbhaigh tú na híosleibhéil a theastaíonn sna teangacha sin,

—	gur fhéach tú le dul i dteagmháil le ball den bhord roghnúcháin ar dhóigh neamhúdaraithe,

—	nár chuir tú in iúl do EPSO go bhféadfadh coinbhleacht leasa a bheith ann a bhaineann le ball den bhord roghnúcháin,

—

gur i dteanga seachas an teanga/na teangacha a leagadh síos san fhógra comórtais seo a líon tú isteach d’iarratas (cuirfear san áireamh go bhféadfadh údar a bheith le teanga eile a úsáid i gcásanna áirithe, e.g. ainmneacha dílse, teidil oifigiúla, teidil poist sna doiciméid tacaíochta agus in ainmneacha/teidil dioplómaí); agus/nó

—	go ndearna tú nó gur scríobh tú sainmharc i dtrialacha scríofa a mharcáiltear gan aon ainm luaite leo nó i dtrialacha praiticiúla.

Ina theannta sin, mura ghlac tú páirt i dtriail nascachta ach go ndearna tú trialacha cianda ina dhiaidh sin agus go raibh fadhbanna nascachta agat, forchoimeádann EPSO an ceart gan an triail a athsceidealú.

Caithfidh daoine atá ag lorg post in institiúidí an Aontais Eorpaigh a léiriú go bhfuil siad sár-ionraic. Aon duine a dhéanann calaois nó iarracht ar chalaois, is féidir go ngearrfar pionós air, rud a d’fhéadfadh é a dhéanamh neamh-incháilithe do chomórtais eile ina dhiaidh sin.

5. IMRÉITEACH SLÁNDÁLA

Ní mór leibhéal iomchuí an údaraithe slándála a bheith ag gach ball foirne den Choimisiún Eorpach a bhíonn ag láimhseáil faisnéis íogair agus faisnéis rúnaicmithe lena mbaineann ardleibhéal rúndachta (faisnéis rúnaicmithe AE) (1). D’fhéadfadh sé, mar sin, mar réamhchoinníoll earcaíochta i gcás poist áirithe, go n-iarrfaí ar na hiarrthóirí ar éirigh leo an nós imeachta imréitigh slándála a dhéanann údarás inniúil náisiúnta Bhallstát a náisiúntachta a ghlacadh orthu féin.

Moltar do na hiarrthóirí iad féin a chur ar an eolas faoin bpróiseas roghnúcháin sula ndéanfaidh siad iarratas ar an gcomórtas seo.

Beidh na riachtanais sin sonraithe go soiléir san fhógra folúntais le haghaidh an phoist lena mbaineann.

6. COSAINT SONRAÍ

Déanfar do shonraí pearsanta a phróiseáil i gcomhréir le Rialachán (AE) 2018/1725 ó Pharlaimint na hEorpa agus ón gComhairle (2).

Féach freisin an ráiteas príobháideachais sonrach maidir le cosaint sonraí pearsanta mar chuid de chomórtas oscailte (3).

Deireadh IARSCRÍBHINN II, cliceáil anseo chun filleadh ar an bpríomhthéacs

(1) Dá bhrí sin, is féidir go n-iarrfar ar na hiarrthóirí ar éirigh leo i gcomórtas, i gcás poist áirithe, deimhniú bailí ar imréiteach slándála pearsanra a bheith acu, nó a bheith in inmhe ceann a fháil in am trátha.

(2) Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39)

(3) https://epso.europa.eu/content/specific-privacy-statement-personal-data-protection-within-framework-open-competition_ga.

IARSCRÍBHINN III

SAMPLAÍ D’ÍOSCHÁILÍOCHTAÍ DE RÉIR AN BHALLSTÁIT AGUS DE CHUID NA RÍOCHTA AONTAITHE AGUS DE RÉIR AN GHRÁID, A FHREAGRAÍONN, I BPRIONSABAL, DO NA CINN A IARRTAR SNA FÓGRAÍ COMÓRTAIS

Cliceáil anseo má tá leagan soléite de na samplaí uait

TÍR

AST-SC 1 go AST-SC 6

AST 1 go AST 7

AST 3 go AST 11

AD 5 go AD 16

Oideachas meánscoile (lenar féidir leanúint ar aghaidh go dtí an t-oideachas iar-mheánscoile)

Oideachas iar-mheánscoile (cúrsa ardoideachais nach cúrsa ollscoile é nó cúrsa gearr ollscoile a mhair 2 bhliain ar a laghad)

Oideachas ar leibhéal ollscoile (a mhair 3 bliana ar a laghad)

Oideachas ar leibhéal ollscoile (4 bliana nó níos mó)

Belgique — België — Belgien

Certificat de l’enseignement secondaire supérieur (CESS)/Diploma secundair onderwijs

Diplôme d’aptitude à accéder à l’enseignement supérieur (DAES)/Getuigschrift van hoger secundair onderwijs

Diplôme d’enseignement professionnel/Getuigschrift van het beroepssecundair onderwijs

Candidature/Kandidaat

Graduat/Gegradueerde

Bachelor/Professioneel gerichte Bachelor

Bachelor académique (180 crédits)

Academisch gerichte Bachelor (180 ECTS)

Licence/Licentiaat

Master

Diplôme d’études approfondies (DEA)

Diplôme d’études spécialisées (DES)

Diplôme d’études supérieures spécialisées (DESS)

Gediplomeerde in de Voortgezette Studies (GVS)

Gediplomeerde in de Gespecialiseerde Studies (GGS)

Gediplomeerde in de Aanvullende Studies (GAS)

Agrégation/Aggregaat

Ingénieur industriel/Industrieel ingenieur

Doctorat/Doctoraal diploma

България

Диплома за завършено средно образование

Специалист по …

Диплома за висше образование

Бакалавър

Магистър

Česko

Vysvědčení o maturitní zkoušce

Vysvědčení o absolutoriu (Absolutorium) + diplomovaný specialista (DiS.)

Diplom o ukončení bakalářského studia (Bakalář)

Diplom o ukončení vysokoškolského studia

Magistr

Doktor

Danmark

Bevis for:

Studentereksamen

Højere Forberedelseseksamen (HF)

Højere Handelseksamen (HHX)

Højere Afgangseksamen (HA)

Bac pro: Bevis for Højere Teknisk Eksamen (HTX)

Videregående uddannelser

= Bevis for = Eksamensbevis som (erhvervsakademiuddannelse AK)

Bachelorgrad (BA eller BS)

Professionsbachelorgrad

Diplomingeniør

Kandidatgrad/Candidatus

Master/Magistergrad (mag.art)

Licenciatgrad

ph.d.-grad

Deutschland

Abitur/Zeugnis der allgemeinen Hochschulreife

Fachabitur/Zeugnis der Fachhochschulreife

Fachhochschulabschluss

Bachelor

Hochschulabschluss/Fachhochschulabschluss/Master

Magister Artium/Magistra Artium

Staatsexamen/Diplom

Erstes Juristisches Staatsexamen

Doktorgrad

Eesti

Gümnaasiumi lõputunnistus + Hochschulabschlussriigieksamitunnistus

Lõputunnistus kutsekeskhariduse omandamise kohta

Tunnistus keskhariduse baasil kutsekeskhariduse omandamise kohta

Bakalaureusekraad (min 120 ainepunkti)

Bakalaureusekraad (< 160 ainepunkti)

Rakenduskõrghariduse diplom

Bakalaureusekraad (160 ainepunkti)

Magistrikraad

Arstikraad

Hambaarstikraad

Loomaarstikraad

Filosoofiadoktor

Doktorikraad (120–160 ainepunkti)

Éire/Ireland

Ardteistiméireacht, Grád D3, I 5 ábhar/Leaving Certificate Grade D3 in 5 subjects

Gairmchlár na hArdteistiméireachta (GCAT)/Leaving Certificate Vocational Programme (LCVP)

Teastas Náisiúnta/National Certificate

Gnáthchéim bhaitsiléara/Ordinary bachelor degree

Dioplóma náisiúnta (ND, Dip.)/National diploma (ND, Dip.)

Ardteastas (120 ECTS)/Higher Certificate (120 ECTS)

Céim onóracha bhaitsiléara (3 bliana/180 HochschulabschlussECTS) (BA, B.Sc, B.Eng)/Honours bachelor degree (3 years/180 ECTS) (BA, B.Sc, B.Eng)

Céim onóracha bhaitsiléara (4 bliana/240 ECTS)/Honours bachelor degree (4 years/240 ECTS)

Céim ollscoile/University degree

Céim mháistir (60-120 ECTS)/Master’s degree (60-120 ECTS)

Dochtúireacht/Doctorate

Ελλάδα

Απολυτήριο Γενικού Λυκείου Απολυτήριο Κλασικού Λυκείου

Απολυτήριο Τεχνικού Επαγγελματικού Λυκείου

Απολυτήριο Ενιαίου Πολυκλαδικού Λυκείου

Απολυτήριο Ενιαίου Λυκείου

Απολυτήριο Τεχνολογικού Επαγγελματικού Εκπαιδευτηρίου

Δίπλωμα επαγγελματικής κατάρτισης (ΙΕΚ)

Πτυχίο ΑΕΙ (πανεπιστημίου, πολυτεχνείου, ΤΕΙ)

Μεταπτυχιακό Δίπλωμα Ειδίκευσης (2ος κύκλος)

Διδακτορικό Δίπλωμα (3ος κύκλος)

España

Bachillerato + Curso de Orientación Universitaria (COU)

Bachillerato

BUP

Diploma de Técnico especialista

FP grado superior (Técnico superior)

Diplomado/Ingeniero técnico

Licenciatura

Máster

Ingeniero

Título de Doctor

France

Baccalauréat

Diplôme d’accès aux études universitaires (DAEU)

Brevet de technicien

Diplôme d’études universitaires générales (DEUG)

Brevet de technicien supérieur (BTS)

Diplôme universitaire de technologie (DUT)

Diplôme d’études universitaires scientifiques et techniques (DEUST)

Licence

Maîtrise

Maîtrise des sciences et techniques (MST), maîtrise des sciences de gestion (MSG), diplôme d’études supérieures techniques (DEST), diplôme de recherche technologique (DRT), diplôme d’études supérieures spécialisées (DESS), diplôme d’études approfondies (DEA), master 1, master 2 professionnel, master 2 recherche

Diplôme des grandes écoles

Diplôme d’ingénieur

Doctorat

Hrvatska

Svjedodžba o državnoj maturi

Svjedodžba o završnom ispitu

Stručni pristupnik/pristupnica

Baccalaureus/Baccalaurea (sveučilišni prvostupnik/prvostupnica)

Stručni specijalist

Magistar struke

Magistar inženjer/magistrica inženjerka (mag. ing)

Doktor struke

Doktor umjetnosti

Italia

Diploma di maturità (vecchio ordinamento)

Perito ragioniere

Diploma di superamento dell’esame di Stato conclusivo dei corsi di studio di istruzione secondaria superiore

Diploma universitario (DU)

Certificato di specializzazione tecnica superiore

Attestato di competenza (4 semestri)

Diploma di laurea — L (breve)

Diploma di laurea (DL)

Laurea specialistica (LS)

Master di I livello

Dottorato di ricerca (DR)

Κύπρος

Απολυτήριο

Δίπλωμα = Programmes offered by Public/Private Schools of Higher Education (for the latter accreditation is compulsory)

Higher Diploma

Πανεπιστημιακό Πτυχίο/Bachelor

Master

Doctorat

Latvija

Atestāts par vispārējo vidējo izglītību

Diploms par profesionālo vidējo izglītību

Diploms par pirmā līmeņa profesionālo augstāko izglītību

Bakalaura diploms (min. 120 kredītpunktu)

Bakalaura diploms (160 kredītpunktu)

Profesionālā bakalaura diploms

Maģistra diploms

Profesionālā maģistra diploms

Doktora grāds

Lietuva

Brandos atestatas

Aukštojo mokslo diplomas

Aukštesniojo mokslo diplomas

Profesinio bakalauro diplomas

Aukštojo mokslo diplomas

Bakalauro diplomas

Magistro diplomas

Daktaro diplomas

Meno licenciato diplomas

Luxembourg

Diplôme de fin d’études secondaires et techniques

BTS

Brevet de maîtrise

Brevet de technicien supérieur

Diplôme de premier cycle universitaire (DPCU)

Diplôme universitaire de technologie (DUT)

Bachelor

Diplôme d’ingénieur technicien

Master

Diplôme d’ingénieur industriel

DESS en droit européen

Magyarország

Gimnáziumi érettségi bizonyítvány

Szakközépiskolai érettségi-képesítő bizonyítvány

Felsőfokú szakképesítést igazoló bizonyítvány (Higher Vocational Programme)

Főiskolai oklevél

Alapfokozat (Bachelor degree 180 credits)

Egyetemi oklevél

Alapfokozat (Bachelor degree 240 credits)

Mesterfokozat (Master degree) (Osztatlan mesterképzés)

Doktori fokozat

Malta

Advanced Matriculation or GCE Advanced level in 3 subjects (2 of them grade C or higher)

Matriculation certificate (2 subjects at Advanced level and 4 at Intermediate level including Systems of Knowledge with overall grade A-C) + Passes in the Secondary Education Certificate examination at Grade 5

2 À Levels (passes A-C) + a number of subjects at Ordinary level, or equivalent

MCAST diplomas/certificates

Higher National Diploma

Bachelor’s degree

Master of Arts

Doctorate

Nederland

Diploma VWO

Diploma staatsexamen (2 diploma’s)

Diploma staatsexamen voorbereidend wetenschappelijk onderwijs (Diploma staatsexamen VWO)

Diploma staatsexamen hoger algemeen voortgezet onderwijs (Diploma staatsexamen HAVO)

Kandidaatsexamen

Associate degree (AD)

Bachelor (WO)

HBO bachelor degree

Baccalaureus of «Ingenieur»

HBO/WO Master’s degree

Doctoraal examen/Doctoraat

Österreich

Matura/Reifeprüfung

Reife- und Diplomprüfung

Berufsreifeprüfung

Kollegdiplom/Akademiediplom

Fachhochschuldiplom/Bakkalaureus/Bakkalaurea

Universitätsdiplom

Fachhochschuldiplom

Magister/Magistra

Master

Diplomprüfung, Diplom-Ingenieur

Magisterprüfungszeugnis Rigorosenzeugnis

Doktortitel

Polska

Świadectwo dojrzałości

Świadectwo ukończenia liceum ogólnokształcącego

Dyplom ukończenia kolegium nauczycielskiego

Świadectwo ukończenia szkoły policealnej

Licencjat/Inżynier

Magister/Magister inżynier

Dyplom doktora

Portugal

Diploma de Ensino Secundário

Certificado de Habilitações do Ensino Secundário

Bacharel Licenciado

Licenciado

Mestre

Doutorado

România

Diplomă de bacalaureat

Diplomă de absolvire (colegiu universitar)

Învățământ preuniversitar

Diplomă de licenţă

Diplomă de inginer

Diplomă de urbanist

Diplomă de master

Certificat de atestare (studii academice postuniversitare)

Diplomă de doctor

Slovenija

Maturitetno spričevalo (spričevalo o poklicni maturi) (spričevalo o zaključnem izpitu)

Diploma višje strokovne šole

Diploma o pridobljeni visoki strokovni izobrazbi

Univerzitetna diploma

Magisterij

Specializacija

Doktorat

Slovensko

Vysvedčenie o maturitnej skúške

Absolventský diplom

Diplom o ukončení bakalárskeho štúdia (Bakalár)

Diplom o ukončení vysokoškolského štúdia

Bakalár (Bc.)

Magister

Magister/Inžinier

ArtD.

Suomi/Finland

Ylioppilastutkinto tai peruskoulu + kolmen vuoden ammatillinen koulutus – Studentexamen eller grundskola + treårig yrkesinriktad utbildning

Todistus yhdistelmäopinnoista (Betyg över kombinationsstudier)

Ammatillinen opistoasteen tutkinto – Yrkesexamen på institutnivå

Kandidaatin tutkinto – Kandidatexamen/Ammattikorkeakoulututkinto – Yrkeshögskoleexamen (min. 120 opintoviikkoa – studieveckor)

Maisterin tutkinto – Magisterexamen/Ammattikorkeakoulututkinto – Yrkeshögskoleexamen (min. 160 opintoviikkoa – studieveckor)

Tohtorin tutkinto (Doktorsexamen) joko 4 vuotta tai 2 vuotta lisensiaatin tutkinnon jälkeen – antingen 4 år eller 2 år efter licentiatexamen

Lisensiaatti/Licentiat

Sverige

Slutbetyg från gymnasieskolan (3-årig gymnasial utbildning)

Högskoleexamen (80 poäng)

Högskoleexamen, 2 år, 120 högskolepoäng

Yrkeshögskoleexamen/Kvalificerad yrkeshögskoleexamen, 1–3 år

Kandidatexamen (akademisk examen omfattande minst 120 poäng, varav 60 poäng fördjupade studier i ett ämne + uppsats motsvarande 10 poäng)

Meriter på grundnivå: Kandidatexamen, 3 år, 180 högskolepoäng (Bachelor)

Magisterexamen (akademisk examen omfattande minst 160 poäng, varav 80 poäng fördjupade studier i ett ämne + uppsats motsvarande 20 poäng eller två uppsatser motsvarande 10 poäng vardera)

—	Licentiatexamen

—	Doktorsexamen

Meriter på avancerad nivå:

—	Magisterexamen, 1 år, 60 högskolepoäng

—	Masterexamen, 2 år, 120 högskolepoäng

Meriter på forskarnivå:

—	Licentiatexamen, 2 år, 120 högskolepoäng

—	Doktorsexamen, 4 år, 240 högskolepoäng

United Kingdom

General Certificate of Education Advanced level — 2 passes or equivalent (grades A to E)

BTEC National Diploma

General National Vocational Qualification (GNVQ), advanced level

Advanced Vocational Certificate of Education, À level (VCE À level)

Higher National Diploma/Certificate (BTEC)/SCOTVEC

Diploma of Higher Education (DipHE)

National Vocational Qualifications (NVQ)

Scottish Vocational Qualifications (SVQ) level 4

(Honours) Bachelor degree

NB: Master’s degree in Scotland

Honours Bachelor degree

Master’s degree (MA, MB, MEng, MPhil, MSc)

Doctorate

NOTE:

UK diplomas awarded in 2020 (until 31 December 2020) are accepted without an equivalence. UK diplomas awarded as from 1 January 2021 must be accompanied by an equivalence issued by a competent authority of an EU Member State.

Deireadh IARSCRÍBHINN III, cliceáil anseo chun filleadh ar an bpríomhthéacs

IARSCRÍBHINN IV

AN TALENT SCREENER: CRITÉIR AGUS PRÓISEAS ROGHNÚCHÁIN

A. Critéir roghnúcháin an Talent Screener

Déanfaidh an Bord Roghnúcháin na critéir roghnúcháin seo a leanas a chur i bhfeidhm ag céim an Talent Screener sa chomórtas:

Réimse 1 – Infreastruchtúir TFC, an néal, gréasáin agus meánearraí (AD 7)

Taithí oibre ar sheirbhísí lárionaid sonraí a dhearadh, a chur chun feidhme agus a oibriú sa mhodh clasaiceach agus/nó néaldírithe, e.g. saoráidí lárionaid sonraí fisiceacha, sócmhainní agus cáblú, córais oibriúcháin, seirbhísí ardán ríomhaireachta, coimeádáin, bogearraí eagraithe coimeádán, bogearraí fíorúcháin, freastalaithe, stóráil agus bainistiú bunachar sonraí, córais chúltaca, córais chartlannaithe, seirbhísí infreastruchtúir feidhmchláir, píblínte seachadta bogearraí, forbairt agus oibríochtaí (DevOps), bogearraí uathoibrithe.

2.	Teicneolaíochtaí a bhaineann le réimse an infreastruchtúir feidhmchlár/meánearraí, e.g. bunachar sonraí agus/nó córais bainistithe inneachair agus freastalaí feidhmchláir).

3.	Taithí oibre i réimse na néal-infreastruchtúr poiblí agus príobháideach agus i réimse na néalseirbhísí poiblí agus príobháideacha, an comhtháthú néal san áireamh.

4.	Taithí oibre i réimse nana n-infreastruchtúr líonra: líonraí achair fhairsing uirbeacha, líonraí achair fhairsing mór-roinne (WANanna), líonraí achair logánta (LANanna), ródairí, ballaí dóiteáin, pointí rochtana, seachfhreastalaithe, etc.

5.	Taithí oibre i réimse na seirbhísí teileachumarsáide lena n-áirítear seirbhísí cumarsáide aontaithe, físchomhdhálacha, seirbhísí ilmheán agus sruthaithe, fíordheimhniú, céannacht agus bainistiú rochtana.

6.	Taithí oibre ar bhainistiú tionscadal agus/nó seirbhísí i réimse an bhainistithe lárionaid sonraí.

7.	Taithí oibre ar chonarthaí seirbhísí a bhainistiú i réimse amháin nó i réimsí éagsúla de sheirbhísí lárionaid sonraí.

8.	Taithí oibre ar chreataí slándála faisnéise/seirbhísí slándála agus a gcur i bhfeidhm ar sheirbhísí líonraí, teileachumarsáide, físchomhdhála, ilmheán agus sruthaithe, maidir le larionaid sonraí, réitigh chianrochtana san áireamh.

9.	Taithí oibre ar theicneolaíochtaí atá ag teacht chun cinn amhail uathoibriú próisis róbataice, blocshlabhra, an réaltacht fhíorúil, an réaltacht bhreisithe, idirlíon na rudaí nithiúla agus ríomhaireacht ardfheidhmíochta.

10.	Deimhniú i modheolaíocht bainistithe tionscadal agus/nó bainistiú seirbhíse.

Réimse 2 — An t-ionad oibre digiteach, an t-uathoibriú oifige agus an ríomhaireacht mhóibíleach (AD 7)

Taithí oibre ar riachtanais ghnó agus slándála a shainiú beartais rialachais, dearadh, meastóireacht, forbairt, nósanna imeachta le haghaidh réitigh/seirbhísí i dtionscadail mhórscála, e.g. an t-ionad oibre digiteach, uathoibriú oifige agus ríomhaireacht mhóibíleach, lena n-áirítear físchomhdháil agus sruthú.

Taithí oibre ar fhréamhshamhaltú, imscaradh/comhtháthú (lena n-áirítear beartais slándála a chur chun feidhme), oibriú agus monatóireacht a dhéanamh ar fheidhmíocht agus tacú le hinfreastruchtúir agus réitigh i dtionscadail mhórscála a bhaineann leis an ionad oibre digiteach, uathoibriú oifige agus ríomhaireacht mhóibíleach, lena n-áirítear físchomhdháil agus sruthú.

3.	Taithí oibre ar bhainistiú a dhéanamh ar éabhlóid seirbhísí chun iad a chur in oiriúint do riachtanais ghnó nua agus do theicneolaíochtaí atá ag teacht chun cinn e.g. an t-aistriú chuig an néal.

4.	Taithí oibre ar chothabháil (cheartaitheach, leigheasach, athraitheach, choisctheach) na n-áiteanna oibre digiteacha, uathoibriú oifige agus ríomhaireacht mhóibíleach, lena n-áirítear timpeallachtaí físchomhdhála agus sruthaithe.

5.	Taithí oibre i réimse na réiteach bainistithe feistí (bainistiú soghluaisteachta fiontair (EMM), bainistiú gléasanna móibíleacha (MDM) nó bainistiú críochphointí aontaithe (UEM) agus/nó réitigh néal-chomhoibríocha.

6.	Taithí oibre ar tháirgí bogearraí foinse oscailte a bhaineann le réimse an ionaid oibre dhigitigh, an uathoibrithe oifige agus na ríomhaireachta móibílí.

7.	Deimhniú i modheolaíocht bainistithe tionscadal agus/nó i modheolaíocht bainistithe seirbhíse.

Réimse 3 — TF agus rialachas sonraí, agus bainistiú clár/punann agus tionscadal, an oifig um bainistiú tionscadal (PMO), ailtireacht ghnó agus fiontraíochta (AD 7)

1.	Taithí oibre ar straitéisí TF agus/nó ar chreataí rialachais TF, agus ar rialachas sonraí, ar chaighdeáin sonraí agus ar threoirlínte.

Taithí oibre ar phunanna feidhmchlár agus/nó cláir a bhainistiú lena n-áirítear iad a bhunú, monatóireacht a dhéanamh ar an bpunann feidhmchlár agus/nó fíorú a dhéanamh go bhfuil na punanna/na feidhmchláir ag baint amach a gcuspóirí le linn na saolré iomláine (tionscnamh, pleanáil, feidhmiú agus dúnadh).

Taithí oibre ar bhainistiú tionscadal agus/nó seirbhísí i réimse na dteicneolaíochtaí faisnéise e.g. anailísiú, moltaí a dhéanamh, dearadh, costais a mheas, acmhainní riachtanacha a shainaithint agus a fháil, gníomhaíochtaí a sceidealú, obair iardain a dhéanamh ar an gcur i bhfeidhm, bainistiú athruithe agus tuairisciú.

4.	Taithí oibre ar an maoirseacht teicneolaíochta, ar réitigh theicneolaíochta úrscothacha a shainaithint agus meastóireacht theicniúil a dhéanamh orthu.

5.	Taithí oibre ar chonarthaí seirbhísí a bhainistiú i ndáil le tionscadail agus seirbhísí TF i réimse an rialachais TF, na hoifige bainistíochta tionscadal (PMO), an bhainistithe tionscadal, punann, agus clár agus na hailtireachta gnó agus fiontraíochta.

6.	Taithí oibre ar bheartais agus straitéisí TF a shainiú agus a chur chun feidhme, agus ar staidéir agus meastóireachtaí a dhéanamh i réimse an rialachais TF, na hoifige um bainistiú tionscadal (PMO), an bhainistithe tionscadal, punann agus clár agus na hailtireachta gnó agus fiontraíochta.

7.	Taithí oibre ar tháirgí ailtireachta fiontair a cheapadh agus a bhailíochtú, ailtireachtaí (straitéiseacha) corparáideacha san áireamh, agus ina theannta sin, ailtireachtaí (teicniúla) a bhaineann le réimse ar leith, treochláir agus ailtireachtaí seirbhís-dírithe.

Deimhniú i mbainistiú tionscadal agus/nó i modheolaíocht an bhainistithe seirbhísí agus/nó i bprionsabail agus i gcleachtais maidir le hailtireacht fiontair, e.g. an creat maidir le hailtireacht oscailte grúpa (TOGAF) agus/nó cuspóirí rialaithe le haghaidh teicneolaíochtaí faisnéise agus teicneolaíochtaí gaolmhara (COBIT).

1.	Taithí oibre ar thionscadail agus ar sheirbhísí a bhaineann le hanailísiú a dhéanamh ar riachtanais agus ar phróisis ghnó, ar shamhaltú, ar dhearadh feidhmiúil, ar ailtireacht réiteach bogearraí, ar shonraíochtaí teicniúla a dhréachtú, ar acmhainní a mheas, a phleanáil agus a leithdháileadh.

2.	Taithí oibre ar bhogearraí inmheánacha nó bogearraí réamhdhéanta a chumrú, lena n-áirítear bogearraí a shuiteáil, na doiciméid tionscadal a dhréachtú agus bainistiú athruithe.

3.	Taithí oibre ar bheartais tástála agus imscartha agus ar dhearbhú cáilíochta, e.g. pleanáil, forbairt agus comhordú gníomhaíochtaí tástála, maolú riosca, feidhmiúlacht, inúsáidteacht, slándáil, soghluaisteacht, feidhmíocht agus bailíochtú tástála eirgeanamaíochta.

4.	Taithí oibre ar fheidhmchláir agus réitigh réamhdhéanta TF a bhainistiú agus a chothabháil.

5.	Taithí oibre ar theicneolaíochtaí néal-ríomhaireachta agus imeall-ríomhaireachta agus ar choimeádán a bhaineann le bogearraí a fhorbairt/a chumrú.

6.	Taithí oibre ar sheirbhísí sonraí agus ar bhainistiú sonraí.

7.	Taithí oibre ar infreastruchtúir mórshonraí a cheapadh, a fhorbairt, a bhainistiú agus a chothabháil trí úsáid a bhaint as teicneolaíochtaí úrnua.

8.	Taithí oibre ar shamhlacha agus algartaim a fhorbairt trí úsáid a bhaint as teicnící níos forbartha amhail intleacht shaorga, mianadóireacht téacsanna, meaisínfhoghlaim (domhainfhoghlaim), próiseáil teanga nádúrtha (NLP).

9.	Taithí oibre ar anailísiú sonraí, bainistiú mórshonraí agus ar fhaisnéis neamhstruchtúrtha agus ar uirlisí, modhanna, creataí agus teicneolaíochtaí níos forbartha.

10.	Deimhniú i modheolaíocht bainistithe tionscadal agus/nó i modheolaíocht bainistithe seirbhísí san eolaíocht sonraí nó san intleacht shaorga.

Réimse 5 — slándáil TFC (AD 8)

Taithí oibre ar rialuithe slándála TF a cheapadh, a anailísiú, ar dhréachtú teicniúil agus dlíthiúil a dhéanamh agus ar rialuithe slándála TF a chur chun feidhme atá curtha in oiriúint don leibhéal riosca a measadh (lena n-áirítear measúnú éifeachtachta agus éifeachtúlachta) agus ar fheachtais agus bearta ardaithe feasachta i ndáil leis an gcibearshlándáil.

2.	Taithí oibre ar tháirgí nua slándála TF a shainaithint, a mheas agus a mholadh chun freastal ar riachtanais shonracha slándála TF.

3.	Taithí oibre ar chórais bainistithe rioscaí slándála TF agus caighdeáin idirnáisiúnta chomhfhreagracha, dea-chleachtais agus modheolaíochtaí measúnaithe riosca a fhorbairt, a oibriú agus a fheabhsú go leanúnach, lena n-áirítear tuairisciú do pháirtithe leasmhara agus lucht bainistíochta.

4.	Taithí oibre ar mheasúnú slándála tréimhsiúil, tástáil slándála TF, bréagionsaithe tástála, freagairt agus anailísiú ar theagmhais slándála TF, anailísiú fóiréinseach, bainistiú leochaileachta agus bainistiú céannachta agus rochtana.

5.	Taithí oibre agus/nó taithí acadúil ar fheidhmchláir intleachta saorga i ndáil le slándáil TF.

6.	Taithí oibre ar chódú slán, ar iniúchadh cód, ar chripteagrafaíocht agus ar lárchórais bhainistithe cripteagrafaíochta agus ar tháirgí cripteagrafaíochta.

7.	Taithí oibre ar shamhlacha aibíochta inniúlachta a fhorbairt agus a chur i bhfeidhm le haghaidh cibearshlándála, slándáil TF agus/nó bainistiú riosca slándála.

8.	Taithí oibre ar shlándáil TF a chomhtháthú agus a chur i bhfeidhm ar feadh shaolré na néalchóras TF.

Deimhniú i slándáil faisnéise nó córais bainistithe cibearshlándála, amhail ISO27001:2013 nó ISO27032:2012, i réimse an bhainistithe riosca slándála TF, na slándála néalríomhaireachta, na fóiréinsice, na freagartha ar theagmhais slándála, na monatóireachta slándála, na mbréagionsaithe tástála, fhorbairt na hailtireachta slándála, an bhainistithe tionscadal agus/nó seirbhísí.

B. Nós imeachta

B.1. An t-ord ina ndéanfar measúnú ar na hiarratais a chinneadh

Agus an roinn “Taithí Oibre” dá n-iarratas á líonadh isteach acu, beidh ar na hiarrthóirí, i ngach iontráil, an céatadán den am a caitheadh le ceann amháin nó níos mó de na “cúraimí” ó liosta ar leith a chur in iúl, ar liosta é a fhreagraíonn den chuid is mó do na critéir roghnúcháin atá sa liosta i roinn A thuas. Ar an gcaoi sin, beifear in ann fad foriomlán na taithí (i laethanta) a ríomh i dtaca le cúram ar leith.

2.	Tabharfaidh an bord roghnúcháin ualú (ó 1 go dtí 3) do gach cúram agus do gach ceist sa Talent Screener (féach mír 1 i roinn B.2 thíos), a léiríonn a dtábhacht choibhneasta.

3.	Déanfar líon foriomlán na laethanta a caitheadh ar chúram ar leith (féach mír 1 thuas) a iolrú faoin ualú a thugann an bord roghnúcháin don chúram sin. Leis sin – i gcás gach iarrthóra – cuirfear marc in aghaidh an chúraim ar fáil mar aon leis an marc comhiomlán le haghaidh na gcúraimí ar fad.

4.	Déanfar an rangú a tharraingt suas in ord íslitheach de réir mharcanna comhiomlána na n-iarrthóirí.

Na marcanna agus an rangú a leagtar síos i gcomhréir leis an roinn seo, ní chuirfear san áireamh iad chun a chinneadh cé na hiarrthóirí ar féidir leo dul ar aghaidh chun na chéad chéime eile den chomórtas. Is é an bord roghnúcháin amháin a dhéanfaidh an cinneadh maidir leis na hiarrthóirí a dtabharfar cuireadh dóibh chun na chéad chéime eile den chomórtas, ar bhonn na marcanna ualaithe a bronnadh i gcomhréir le Roinn B.2.

B.2. Iarrthóirí a roghnú tríd an Talent Screener

Agus an roinn “Talent Screener” den fhoirm iarratais á líonadh isteach, ní mór do na hiarrthóirí uile aon tacar amháin ceisteanna a fhreagairt agus an t-eolas a iarrtar a thabhairt. Beidh na ceisteanna sin bunaithe ar na critéir roghnúcháin a liostaítear i roinn A thuas. Is ar bhonn na bhfreagraí a thug na hiarrthóirí ar cheisteanna an “Talent Screener”, agus ar a bhonn sin amháin, a dhéanfar an roghnú ar bhonn cáilíochtaí. Ní mór do na hiarrthóirí gach eolas ábhartha a thabhairt sna freagraí ar cheisteanna an “Talent Screener”, fiú má cuireadh an t-eolas céanna isteach cheana i ranna eile den fhoirm iarratais. Déanfar neamhshuim d’aon tagairtí do dhoiciméid a uaslódáladh chuig cuntas EPSO an iarrthóra ná d’aon tagairtí eile (amhail naisc chuig suíomhanna gréasáin). Ní chuirfear san áireamh ach an téacs a líon an t-iarrthóir isteach sna réimsí cuí, mar fhreagra ar na ceisteanna a bhaineann leis an Talent Screener.

2.	Is in ord íslitheach an rangaithe a leagadh síos i gcomhréir le roinn B.1 a rachaidh an bord roghnúcháin ar aghaidh go dtí an measúnú ar fhreagraí na n-iarrthóirí sa roinn “Talent Screener” san fhoirm iarratais.

Scrúdóidh an bord roghnúcháin freagraí an Talent Screener a thug na hiarrthóirí ar fad agus bronnfaidh sé marc ó 0 go dtí 4 do gach freagra. Iolrófar na pointí sin faoin ualú a shocróidh an bord roghnúcháin i dtaca le gach ceist sa Talent Screener (féach roinn B.1, mír 2 thuas). Ar deireadh, déanfar pointí ualaithe gach ceiste sa Talent Screener a shuimiú chun marc foriomlán a fháil.

4.	Déanfaidh an bord roghnúcháin liosta de na hiarrthóirí in aghaidh an réimse in ord na marcanna foriomlána a bronnadh de réir mhír 3.

5.	Na hiarrthóirí a ghnóthóidh na marcanna is airde, tabharfar cuireadh dóibh chun na chéad chéime eile den chomórtas.

Deireadh IARSCRÍBHINN IV. Cliceáil anseo chun filleadh ar an bpríomhthéacs

17.2.2022

Iris Oifigiúil an Aontais Eorpaigh

CA 76/32

FÓGRA COMÓRTAIS OSCAILTE

EPSO/AST/151/22 – CÚNTÓIRÍ (AST 4) SA TEICNEOLAÍOCHT FAISNÉISE AGUS CUMARSÁIDE (TFC) SNA RÉIMSÍ SEO A LEANAS:

1. INFREASTRUCHTÚIR TFC, AN NÉAL, GRÉASÁIN AGUS MEÁNEARRAÍ

2. AN T-IONAD OIBRE DIGITEACH, AN T-UATHOIBRIÚ OIFIGE AGUS AN RÍOMHAIREACHT MHÓIBÍLEACH

3. FEIDHMCHLÁIR TF AGUS RÉITIGH RÉAMHDHÉANTA A DHEARADH, A FHORBAIRT/A CHUMRÚ, A THÁSTÁIL, A OIBRIÚ AGUS A CHOTHABHÁIL; BAINISTIÚ SONRAÍ, ANAILÍSÍOCHT SONRAÍ AGUS AN INTLEACHT SHAORGA

4. SLÁNDÁIL TFC

(2022/C 76 A/02)

An sprioc-am le hiarratas a dhéanamh: an 22 Márta 2022 ar 12.00 (meán lae), am na Bruiséile

ÁBHAR

FORÁLACHA GINEARÁLTA

DUALGAIS AN PHOIST

NA COINNÍOLLACHA INCHÁILITHEACHTA

3.1.

Coinníollacha ginearálta

3.2.

Coinníollacha sonracha – teangacha

3.3.

Coinníollacha sonracha – cáilíochtaí agus taithí oibre

CONAS A EAGRÓFAR AN COMÓRTAS?

4.1.

Forléargas ar nósanna imeachta an chomórtais

4.2.

Teangacha a úsáidtear sa chomórtas seo

4.2.1.

Riachtanais teanga

4.2.2.

Iarratas agus teangacha na dtrialacha

4.2.3.

Teangacha cumarsáide 5

4.3.

Céimeanna an chomórtais

4.3.1.

Iarratas

4.3.2.

Seiceáil incháilitheachta

4.3.3.

An Talent Screener

4.3.4.

An tIonad Measúnaithe

4.3.5.

Doiciméid tacaíochta a sheiceáil agus painéil a bhunú

COMHDHEISEANNA AGUS SOCRUITHE RÉASÚNTA

IARSCRÍBHINN I

– Na príomhdhualgais

IARSCRÍBHINN II

– Rialacha ginearálta maidir le comórtais oscailte

IARSCRÍBHINN III

– Samplaí d’íoscháilíochtaí

IARSCRÍBHINN IV

– An Talent Screener: critéir agus próiseas roghnúcháin

1. FORÁLACHA GINEARÁLTA

Is iad an fógra comórtais seo agus na hiarscríbhinní a ghabhann leis creat dlí ceangailteach na bpróiseas comórtais seo.

An líon iarrthóirí atá á lorg don phainéal:

Réimse 1	Infreastruchtúir TFC, an néal, gréasáin agus meánearraí	47
Réimse 2	An t-ionad oibre digiteach, an t-uathoibriú oifige agus an ríomhaireacht mhóibíleach	55
Réimse 3	Feidhmchláir TF agus réitigh réamhdhéanta a dhearadh, a fhorbairt/a chumrú, a thástáil, a oibriú agus a chothabháil; Bainistiú sonraí, anailísíocht sonraí agus an intleacht shaorga	74
Réimse 4	Slándáil TFC	29

Baineann an fógra comórtais seo le ceithre réimse. Ní féidir le hiarrthóir iarratas a dhéanamh ach ar aon cheann amháin acu. Ní mór d’iarrthóirí an rogha a dhéanamh tráth an chlárúcháin agus ní fhéadfaidh siad aon athruithe a dhéanamh i ndiaidh dóibh an fhoirm iarratais a bhailíochtú.

2. DUALGAIS AN PHOIST

Féach Iarscríbhinn I le haghaidh tuilleadh eolais faoi phríomhdhualgais an phoist.

3. NA COINNÍOLLACHA INCHÁILITHEACHTA

Ní mór d’iarrthóirí gach ceann de na coinníollacha ginearálta agus sonracha seo a leanas a chomhlíonadh ar an dáta deiridh atá leagtha síos don chlárúchán.

3.1. Coinníollacha ginearálta

Chun bheith incháilithe, ní mór don iarrthóir:

a)	a chearta mar shaoránach de Bhallstát den Aontas Eorpach a theachtadh

b)	aon oibleagáid i dtaca le seirbhís mhíleata atá air de réir an dlí náisiúnta a chomhlíonadh

c)	na riachtanais charachtair a chomhlíonadh a theastaíonn chun dualgais an phoist a dhéanamh.

3.2. Coinníollacha sonracha — teangacha

Chun bheith incháilithe, ní mór d’iarrthóir eolas a bheith aige ar 2 cheann ar a laghad de 24 theanga oifigiúla an Aontais Eorpaigh, mar a fhoráiltear i roinn 4.2 thíos.

3.3. Coinníollacha sonracha — cáilíochtaí agus taithí oibre

Le bheith incháilithe, ní mór d’iarrthóir ceann amháin de na critéir seo a leanas a chomhlíonadh:

leibhéal oideachais iar-mheánscoile 2 bhliain ar a laghad ar baineadh dioplóma amach dá bharr a bhain leis na dualgais a bhfuil cur síos orthu in Iarscríbhinn I a ghabhann leis an bhfógra seo agus 6 bliana ar a laghad de thaithí oibre a fuarthas ina dhiaidh sin i réimse TFC ar bhain 3 bliana ar a laghad di le réimse an chomórtais a bhfuil an t-iarrthóir ag cur isteach air agus le dualgais an réimse ábhartha a bhfuil cur síos orthu in Iarscríbhinn I,

nó

leibhéal oideachais meánscoile ar baineadh dioplóma amach dá bharr lenar féidir leanúint ar aghaidh go dtí an t-oideachas iar-mheánscoile, agus 9 mbliana ar a laghad de thaithí oibrea fuarthas ina dhiaidh sin i réimse TFC ar bhain 3 bliana ar a laghad di le réimse an chomórtais a bhfuil an t-iarrthóir ag cur isteach air agus le dualgais an réimse ábhartha a bhfuil cur síos orthu in Iarscríbhinn I.

Tá samplaí d’íoscháilíochtaí in IARSCRÍBHINN III

4. CONAS A EAGRÓFAR AN COMÓRTAS?

4.1. Forléargas ar nósanna imeachta an chomórtais

Eagrófar an comórtas seo sna céimeanna seo a leanas:

—	Iarratas (féach roinn 4.3.1 thíos).

—	Seiceáil incháilitheachta (féach roinn 4.3.2 thíos).

—	An Talent Screener (féach roinn 4.3.3 thíos).

—	An t-ionad measúnaithe: trialacha réasúnaíochta, trialacha lena ndéantar na hinniúlachtaí ginearálta a mheas (cás-staidéar agus agallamh suíomhúil ar bhonn inniúlachtaí), agus agallamh réimse-shonrach (féach roinn 4.3.4 thíos).

—	Seiceáil ar na doiciméid tacaíochta agus painéil a bhunú (féach roinn 4.3.5 thíos).

Déanfar modh seachadta na dtrialacha (go cianda/go fisiceach) mar aon leis na sonraí agus na treoracha riachtanacha eile a shonrú sna litreacha ina mbeidh an cuireadh chun na dtrialacha.

4.2. Teangacha a úsáidtear sa chomórtas seo

4.2.1 Riachtanais teanga

Ní mór d’iarrthóir sa chomórtas seo an dá cheann díobh seo a leanas a bheith aige:

a)	eolas cuimsitheach (leibhéal C1 ar a laghad) ar cheann de 24 theanga oifigiúla an Aontais. Déanfar tagairt don teanga sin mar “theanga 1” as seo amach;

b)	eolas sásúil (íosleibhéal B2 ar an mBéarla nó ar an bhFraincis. Déanfar tagairt don teanga sin mar “theanga 2” as seo amach. An teanga a roghnófar mar theanga 1, ní féidir í a roghnú mar theanga 2 freisin.

Ar riachtanais teanga an chomórtais seo tá na riachtanais shonracha a bhaineann le dualgais ball foirne TFC atá ag obair i dtimpeallacht institiúidí an Aontais. Is ionann na riachtanais atá i bhfeidhm sna réimsí go léir atá cumhdaithe san fhógra comórtais seo.

Siúd agus go bhféadfadh eolas ar theangacha eile a bheith ina bhuntáiste is i mBéarla nó i bhFraincis a dhéanfaidh na hiarrthóirí a n-éireoidh leo bunús a gcuid oibre.

Is é an Béarla an teanga is mó a úsáidtear le haghaidh cumarsáid agus forbairt i réimse na teicneolaíochta, go hidirnáisiúnta agus in institiúidí an Aontais araon. Is é an Béarla is mó a úsáidtear sa chumarsáid le páirtithe leasmhara seachtracha, chun tuarascálacha a dhréachtú agus chun anailísiú a dhéanamh ar tháirgí agus timpeallachtaí TF. Treoracha agus caighdeáin theicniúla, lámhleabhair threalaimh agus doiciméid tagartha eile mar aon leis na hábhair oiliúna a eisíonn monaróirí trealamh TF, is i mBéarla amháin a bhíonn siad ar fáil go minic. Ina cheann sin, is i mBéarla amháin a bhíonn cuid mhór gníomhaíochtaí foghlama agus forbartha sna réimsí TF a chumhdaítear san fhógra Comórtais reatha (go háirithe ábhar a bhaineann le slándáil TF).

Teastaíonn eolas maith ar an bhFraincis chun iarrthóirí a earcú sa Chúirt Iniúchóirí agus sa Chúirt Bhreithiúnais, toisc go bhfuil an Fhraincis leagtha síos mar cheann dá dteangacha oibre. Sa Chúirt Bhreithiúnais, is í an Fhraincis an teanga a úsáidtear go traidisiúnta i bplé na mbreithiúna, sna huirlisí taighde dlí agus i bhformhór na bhfeidhmchlár TF inmheánach. Dá bhrí sin, is i bhFraincis freisin den chuid is mó a dhéantar an idirghníomhaíocht le húsáideoirí deiridh agus le páirtithe leasmhara, agus sa chumarsáid laistigh de na foirne tionscadail.

Ar na cúiseanna atá luaite thuas, ní mór máistreacht a bheith ag na hiarrthóirí ar an mBéarla nó ar an bhFraincis. Is ar mhaithe leis an tseirbhís a rinneadh an rogha sin: iarrthóir ar éirigh leis ach nach gcomhlíonann an riachtanas sin, ní bheadh sé in ann dul i mbun oibre láithreach.

4.2.2. Iarratas agus teangacha na dtrialacha

Sna céimeanna éagsúla den chomórtas, is mar seo a leanas a úsáidfear na teangacha:

Céim an chomórtais	Triail	Teanga
Iarratas	—	Aon cheann de 24 theanga oifigiúla an Aontais Eorpaigh seachas le haghaidh an roinn “Talent Screener” nach mór a líonadh isteach sa teanga a roghnaigh an t-iarrthóir mar theanga 2
An t-ionad measúnaithe	Trialacha réasúnaíochta	Teanga 1
	Agallamh suíomhúil ar bhonn inniúlachtaí	Teanga 2
	Cás-staidéar	Teanga 2
	Agallamh réimse-shonrach	Teanga 2

4.2.3. Teangacha cumarsáide

Sa chumarsáid idir na hiarrthóirí agus EPSO, beidh an méid seo a leanas i bhfeidhm:

I gcás iarrataí agus gearáin dá dtagraítear i bpointí 4.2.1, agus 4.2.2 de na Rialacha Ginearálta maidir le comórtais oscailte (in Iarscríbhinn II a ghabhann leis an bhFógra seo), moltar d’iarrthóirí a n-iarrataí nó a ngearáin a dhéanamh sa teanga a roghnaigh siad mar theanga 2. Freagróidh EPSO de réir mar atá sonraithe faoi phointe a).

Maidir le haon cheist eile ó iarrthóirí ar EPSO a chuirtear tríd an bhfoirm theagmhála ar líne, is féidir leo cumarsáid a dhéanamh le EPSO in aon cheann de 24 theanga oifigiúla an Aontais Eorpaigh agus freagróidh EPSO na hiarrthóirí i gceann de na teangacha inar thug siad le fios go mbeadh siad toilteanach freagra a fháil.

4.3. Céimeanna an chomórtais

4.3.1. Iarratas

Ní mór d’iarrthóirí iarratas a dhéanamh ar líne ar shuíomh gréasáin EPSO https://epso.europa.eu/job-opportunities faoin sprioc-am seo:

an 22 Márta 2022 ar 12.00 (meán lae), am na Bruiséile.

Is ionann bailíochtú iarratais agus dearbhú ar a fhocal ón iarrthóir go gcomhlíonann siad na coinníollacha ar fad atá luaite sa roinn “Na coinníollacha incháilitheachta”. Nuair a bheidh an fhoirm iarratais bailíochtaithe acu, ní fhéadfaidh siad aon athrú eile a dhéanamh uirthi. Fúthusan atá sé féachaint chuige go mbeidh an t-iarratas líonta isteach agus bailíochtaithe faoin sprioc-am.

4.3.2. Seiceáil incháilitheachta

Is éard atá i gceist leis an tseiceáil incháilitheachta, fíorú a dhéanamh ar chomhlíonadh na gcoinníollacha incháilitheachta atá leagtha amach i roinn 3 (“Na Coinníollacha Incháilitheachta”) den fhógra seo. Déanfar é sin ar bhonn dearbhuithe a rinne na hiarrthóirí san fhoirm iarratais.

4.3.3. An Talent Screener

4.3.4. An t-ionad measúnaithe

Beidh líon na n-iarrthóirí dá dtabharfar cuireadh chuig céim an ionaid measúnaithe cothrom le trí oiread ar a mhéad líon na n-iarrthóirí a n-éireoidh leo atá á lorg i ngach réimse.

Is éard atá i gceist leis an ionad measúnaithe cumas réasúnaíochta, seacht n-inniúlacht ghinearálta agus inniúlachtaí réimse-shonracha na n-iarrthóirí a mheasúnú.

a) Trialacha réasúnaíochta

Eagrófar sraith trialacha réasúnaíochta de réir an leagan amach seo a leanas:

Triail	Teanga	Líon ceisteanna	Fad ama	Marcáil	Pasmharc
Réasúnaíocht bhriathartha	Teanga 1	20 ceist	35 nóiméad	0 go 20	20/40
Réasúnaíocht uimhriúil		10 gceist	20 nóiméad	0 go 10
Réasúnaíocht theibí		10 gceist	10 nóiméad	0 go 10

Níl aon phasmharc in aghaidh na trialach ann. Mar sin féin, ní mór d’iarrthóirí pasmharc 20/40 ar a laghad a ghnóthú san iomlán, na hinniúlachtaí uile le chéile.

Na marcanna a ghnóthófar sna trialacha sin, ní chuirfear iad leis an marc deiridh foriomlán.

b) Trialacha lena ndéantar na hinniúlachtaí ginearálta a thástáil

Déanfar na seacht n-inniúlacht ghinearálta a mheasúnú le dhá thriail a dhéanfar sa teanga a roghnaigh an t-iarrthóir mar theanga 2: Cás-staidéar agus agallamh suíomhúil ar bhonn inniúlachtaí, mar atá sonraithe sa tábla seo a leanas:

Inniúlacht

Triail

Marcáil

Pasmharc

1.	Anailísiú agus réiteach fadhbanna

Cás-staidéar

1 go 10

An pasmharc foriomlán: 35/70

Cumarsáid

Cás-staidéar

1 go 10

3.	Cáilíocht agus torthaí

Cás-staidéar

1 go 10

4.	Foghlaim agus forbairt

Agallamh suíomhúil ar bhonn inniúlachtaí

1 go 10

5.	Tosaíochtaí a chur in ord tábhachta agus eagrúchán

Cás-staidéar

1 go 10

6.	Buanseasmhacht

Agallamh suíomhúil ar bhonn inniúlachtaí

1 go 10

7.	Obair bhuíne

Agallamh suíomhúil ar bhonn inniúlachtaí

1 go 10

As 10 bpointe a mharcálfar gach inniúlacht. Níl aon phasmharc ann in aghaidh na hinniúlachta. Mar sin féin, ní mór d’iarrthóirí pasmharc 35/70 ar a laghad a ghnóthú san iomlán, na hinniúlachtaí uile le chéile.

Beidh na marcanna a ghnóthófar sna trialacha sin ina gcuid den mharc deiridh foriomlán.

c) Agallamh réimse-shonrach

Na marcanna a ghnóthófar san agallamh réimse-shonrach, beidh siad ina gcuid den mharc deiridh foriomlán.

d) Eagrú thrialacha an ionaid measúnaithe

Cuirfear fógra chuig iarrthóirí faoi thorthaí a dtrialacha réasúnaíochta a luaithe a bheidh an chuid sin den tástáil críochnaithe agus a bheidh na torthaí próiseáilte. I gcás nach ngnóthóidh na hiarrthóirí an pasmharc riachtanach sna trialacha réasúnaíochta, cuirfear an cuireadh agus/nó an choinne chun trialacha an ionad measúnaithe ar ceal go huathoibríoch agus ní dhéanfaidh siad na trialacha sin. Má tharlaíonn sé idir an dá linn go bhfuil aon cheann de na trialacha sin déanta ag an iarrthóir cheana, ní dhéanfar torthaí na dtrialacha sin a phróiseáil, agus ní chuirfear na torthaí sin in iúl don iarrthóir.

Na hiarrthóirí a ghnóthóidh na marcanna riachtanacha uile tar éis chéim an ionaid measúnaithe agus a mbeidh ceann de na marcanna is airde acu sna trialacha inniúlachtaí ginearálta agus san agallamh réimse-shonrach, déanfar a gcuid doiciméad tacaíochta a sheiceáil mar atá sonraithe i roinn 4.3.5.

4.3.5. Doiciméid tacaíochta a sheiceáil agus painéil a bhunú

Déanfaidh an Bord Roghnúcháin doiciméid tacaíochta na n-iarrthóirí a sheiceáil tar éis chéim an ionaid measúnaithe agus sula mbunóidh siad na painéil. Na doiciméid a uaslódálfar chuig cuntais EPSO na n-iarrthóirí, déanfar a fhíorú an dtacaíonn na doiciméid sin leis na dearbhuithe a rinne na hiarrthóirí san fhoirm iarratais (na ranna “Oideachas agus oiliúint”, “Taithí oibre”, agus “Talent Screener” san áireamh).

Chun na painéil a thiomsú, déanfaidh an Bord Roghnúcháin comhaid na n-iarrthóirí a bhfuil na marcanna is airde acu a sheiceáil, in ord íslitheach na marcanna, go dtí go sroichfear an líon iarrthóirí atá á lorg le haghaidh gach liosta. Ní sheiceálfar comhaid na n-iarrthóirí eile.

Ar na painéil sin, ní bheidh ach ainmneacha na n-iarrthóirí incháilithe sin a ghnóthaigh na pasmharcanna riachtanacha i ngach triail, agus a bhfuil na marcanna foriomlána is airde as 170 acu sna trialacha inniúlachtaí ginearálta agus san agallamh réimse-shonrach.

Is in ord aibítre a bheidh na hainmneacha ar an bpainéal. Cuirfear na painéil ar fáil do na seirbhísí earcaíochta.

Ní hionann duine a bheith ar an bpainéal agus aon cheart ar phost ná ráthaíocht a bheith aige go bhfaighidh sé post.

5. COMHDHEISEANNA AGUS SOCRUITHE RÉASÚNTA

Déanann EPSO a dhícheall a chinntiú go bhfuil comhdheiseanna ag na hiarrthóirí uile.

Na hiarrthóirí atá faoi mhíchumas nó ar rud é go bhféadfadh an riocht sláinte ina bhfuil siad bac a chur orthu na trialacha a dhéanamh, ba cheart dóibh é sin a lua san fhoirm iarratais agus na céimeanna a leanúint chun socruithe réasúnta a iarraidh, de réir an chur síos sna Rialacha Ginearálta atá i gceangal leis an bhfógra seo (féach Iarscríbhinn II, faoi roinn 1.3). Tar éis dó iarraidh na n-iarrthóirí agus na doiciméid tacaíochta ábhartha a scrúdú, féadfaidh EPSO socrú réasúnta a thabhairt má mheastar go bhfuil gá leis.

Tá tuilleadh eolais faoi bheartas comhdheiseanna EPSO agus faoi conas socruithe réasúnta a iarraidh ar shuíomh gréasáin EPSO.

IARSCRÍBHINN I

NA PRÍOMHDHUALGAIS

Réimse 1 —Infreastruchtúir TFC, an néal, gréasáin agus meánearraí

1.	Páirt a ghlacadh i bhfoirne tionscadail agus i ngníomhaíochtaí.

Cúnamh a thabhairt i dtaca le dearadh, cur chun feidhme, oibriú, monatóireacht agus tacaíocht a thabhairt maidir le réitigh/seirbhísí i réimsí a bhaineann le hinfreastruchtúir fiontar TFC, ionaid sonraí chorparáideacha, an néal poiblí agus príobháideach. Go háirithe an méid seo a leanas:

(a)

Comhpháirteanna fisiceacha agus fíorúla: córais oibriúcháin, coimeádáin, bogearraí eagraithe coimeádán, bogearraí fíorúcháin, freastalaithe, córais stórála, córais chúltaca, córais chartlannaithe, bunachair sonraí, freastalaithe feidhmchlár, líonra bogearraí-shainithe píblínte seachadta bogearraí agus bogearraí uathoibriúcháin.

(b)

Seirbhísí líonra agus teileachumarsáide: réitigh chianrochtana, fíorú, bainistiú aitheantais agus rochtana, cumarsáid aontaithe, rochtain idirlín, cumarsáid ghutha/sonraí, seirbhísí fís-chomhdhála, eilimintí slándála líonraí, seirbhísí móibíleacha agus teileafónaíocht, líonraí achair fhairsing agus ródú.

(c)	Feidhmchláir líonraí agus seirbhísí slándála: seirbhísí balla dóiteáin, cothromúcháin ualaigh, seachfhreastálathe agus ais-seachfhreastálaithe, seirbhísí córais ainmneacha fearainn (DNS).

(d)	Teicneolaíochtaí agus seirbhísí néalríomhaireachta i.e. seirbhísí gan freastalaí.

(e)	Teicneolaíochtaí a bhaineann le réimse na n-infreastruchtúr feidhmchlár/meánearraí, e.g. bunachar sonraí agus/nó córais bainistithe inneachair agus freastalaí feidhmchláir).

Cúnamh a thabhairt i dtaca le gníomhaíochtaí oibríochtúla a chuirtear ar fáil trí chonarthaí seirbhísí bainistithe, a bhainistiú agus a chomhordú lena n-áirítear:

(a)	bainistiú infhaighteachta,

(b)	bainistiú acmhainne agus feidhmíochta,

(c)	beartais slándála faisnéise agus bainistiú slándála faisnéise,

(d)	athruithe a bhainistiú,

(e)	iarrataí a chomhlíonadh,

(f)	bainistiú teagmhas.

Ról comhairleach teicniúil i gcomhthéacs na nithe seo a leanas:

(a)	Ailtireacht ar bhonn réitigh néalríomhaireachta hibrideacha a dhéanann táirgí seirbhísí néalríomhaireachta poiblí agus ar an láthair a mheascadh i réimse an infreastruchtúir, na cianrochtana, na seirbhísí líonraí agus na seirbhísí slándála líonraí.

(b)	Córais líonraí agus teileachumarsáide, fís-chomhdháileanna agus teileafónaíocht san áireamh.

(c)	An t-uathoibriú infreastruchtúir agus seirbhísí leanúnacha imscartha.

5.	Páirt a ghlacadh i sainiú agus tástáil na hailtireachta fiontar, an phlean leanúnachais gnó (BCP) agus nósanna imeachta athshlánaithe ó thubaistí (DRP).

6.	Cúnamh a thabhairt i dtaca le prionsabail agus seirbhísí forbartha, slándála agus oibríochtaí (DevSecOps) a dhearadh, a chur chun feidhme agus a oibriú, go háirithe maidir le comhtháthú leanúnach, píblínte seachadta agus imscartha chomh maith le huathoibriú infreastruchtúir.

7.	Tacaíocht a thabhairt maidir le beartais slándála i réimse na faisnéise fiontair a dhearadh agus a gcur chun feidhme a spreagadh agus creata leanúnachais ghnó a dhearadh le haghaidh seirbhísí infreastruchtúr TF nó le haghaidh córais faisnéise agus a gcur chun feidhme a spreagadh.

8.	Cúnamh a thabhairt i dtaca le saolré TF agus saolré theicniúil na gcomhpháirteanna fisiceacha agus fíorúla a bhainistiú, lena n-áirítear córais agus comhpháirteanna faisnéise a fháil agus an comhtháthú agus an t-oiriúnú is gá a dhéanamh orthu.

9.	Maoirseacht teicneolaíochta agus úsáid na dteicneolaíochtaí atá ag teacht chun cinn.

Réimse 2 —An t-ionad oibre digiteach, an t-uathoibriú oifige agus an ríomhaireacht mhóibíleach

1.	Páirt a ghlacadh i bhfoirne tionscadail agus i ngníomhaíochtaí.

Fréamhshamhaltú, forbairt, meastóireacht, cur chun feidhme, bailíochtú, rialú cáilíochta, tástáil, imscaradh, cothabháil agus riar réiteach/seirbhísí laistigh d’ailtireachtaí agus de thimpeallachtaí éagsúla (cliant-fhreastalaí, il-leibhéal, pacáistí bogearraí, nó bogearraí móibíleacha nó gréasáin agus réitigh foinse oscailte).

3.	Maoirseacht a dhéanamh ar fheidhmíocht gníomhaíochtaí ailtireachta, imscartha, cothabhála, tacú leo agus monatóireacht a dhéanamh orthu, cothabháil (cheartaitheach, leigheasach, athraitheach, choisctheach).

4.	Cur i bhfeidhm na mbeartas slándála maidir leis na seirbhísí sin mar aon leis an moladh na seirbhísí sin a fhorbairt chun go mbeifear in ann iad a chur in oiriúint ar bhonn tráthúil do riachtanais athraitheacha gnó.

5.	Maoirseacht teicneolaíochta.

Riarachán na seirbhísí tacaíochta TF a chinntiú maidir leis an ionad oibre digiteach (cur chun feidhme, oibriú, feabhas a chur air agus tionscadail), go háirithe:

(a)

Cúnamh a thabhairt do bhainisteoir na seirbhísí digiteacha san ionad oibre agus don ordlathas i dtaca le clársceidealú, eagrú, tosaíochtaí a chur in ord tosaíochta agus tuairisciú ar fheidhmiú ceart na foirne deisce seirbhíse, lena n-áirítear comhordú na foirne atá i gceannas ar phríomhphróisis leabharlainne an infreastruchtúir TF (ITIL) seo a leanas: bainistiú teagmhas, monatóireacht agus imeachtaí a láimhseáil, iarrataí a chomhlíonadh.

(b)

Gníomhaíochtaí na deisce seirbhíse a chomhordú agus maoirseacht a dhéanamh orthu i gcomhréir le dhá líne bainistithe próiseas agus le hionaid inniúlachtaí teicniúla, i gcomhthéacs seirbhís an ionaid oibre dhigitigh. Is í an deasc seirbhíse atá freagrach as na gníomhaíochtaí ríthábhachtacha seo a leanas: An deasc seirbhíse le haghaidh teagmháil le custaiméirí a láimhseáil, bainistiú teagmhas (an chéad leibhéal), monatóireacht agus imeachtaí a láimhseáil, iarrataí a chomhlíonadh.

(c)	Cuidiú a thabhairt i dtaca le huirlisí, táirgí, tionscadail, seirbhísí agus samhlacha caighdeánaithe TF a fheabhsú agus a chothabháil.

8.	Cumarsáid theicniúil agus neamhtheicniúil a dhéanamh maidir leis na gníomhaíochtaí a bhaineann le seirbhísí an ionaid oibre dhigitigh le haghaidh na n-úsáideoirí deiridh agus páirtithe eile atá rannpháirteach.

Bainistiú shaolré sócmhainní TF don ionad oibre digiteach a riar, go háirithe an méid seo a leanas:

(a)	Comhordú le tríú páirtithe.

(b)	Iarrataí úsáideoirí deiridh TF a bhailíochtú i gcomhréir le doiciméid shonracha amhail na beartais maidir le leithdháileadh agus na rialacha maidir le gach acmhainn TF a bhainistiú, gnéithe slándála TF san áireamh.

(c)	Bainistiú shuiteáil, aistrithe agus ionadú an trealaimh TF.

10.	Réitigh bhainistithe maidir le críochphointe il-ardáin (amhail Intune nó Workspace ONE) a riar, a chothabháil agus tacú leo.

11.	Imscaradh/cothabháil a dhéanamh ar réitigh bainistithe feistí (bainistiú soghluaisteachta fiontar (EMM), bainistiú gléasanna móibíleacha (MDM) nó bainistiú críochphointí aontaithe (UEM) agus/nó réitigh néal-chomhoibríocha.

12.	An néal-ionad oibre digiteach agus réitigh uathoibrithe oifige a chomhtháthú le timpeallacht TF ar an láthair, lena n-áirítear rialú rochtana, tuairisciú agus anailísíocht agus comhoiriúnacht mhóibíleach.

Réimse 3 —Feidhmchláir TF agus réitigh réamhdhéanta a fhorbairt/a chumrú, a thástáil, a oibriú agus a chothabháil; Bainistiú sonraí, anailísíocht sonraí agus an intleacht shaorga

Is iad na dualgais seo a leanas is mó a bhíonn san áireamh sa réimse maidir le feidhmchláir TF agus réitigh réamhdhéanta a fhorbairt/a chumrú, a thástáil, a oibriú agus a chothabháil:

1.	Bainistiú tionscadal: cúnamh a thabhairt i dtaca le hanailísiú, moltaí a dhéanamh, dearadh, costais a mheas, acmhainní riachtanacha a shainaithint agus a fháil, gníomhaíochtaí a sceidealú, obair iardain a dhéanamh ar an gcur chun feidhme, bainistiú athruithe agus tuairisciú.

2.	Páirt a ghlacadh i bhfoirne tionscadail agus i ngníomhaíochtaí.

Anailísiú feidhmiúil agus teicniúil (cur síos a dhéanamh ar riachtanais, anailísiú ar phróisis ghnó, sonraíochtaí feidhmiúla agus teicniúla a tharraingt suas), ailtireachtaí bogearraí, ailtireachtaí bunachar sonraí agus ailtireachtaí feidhmchlár a dhearadh le haghaidh feidhmchláir nua TF agus réitigh réamhdhéanta le haghaidh úsáideoirí éagsúla, laistigh de chomhthéacs ardteicneolaíochta.

Fréamhshamhaltú, forbairt, tástáil, imscaradh, rialú cáilíochta, cothabháil, riarachán agus oibriú córas faisnéise laistigh d’ailtireachtaí agus de thimpeallachtaí éagsúla (cliant-freastalaí, il-leibhéal, pacáistí bogearraí, (pleanáil acmhainní fiontraíochta, ERP), bogearraí móibíleacha nó gréasán):

(a)	Obair riaracháin, chothabhála agus forbartha a dhéanamh agus tacaíocht a thabhairt i dtaca le gach a mbaineann le húsáideoirí.

(b)	Bainistiú tionscadal, meastóireacht teicneolaíochta agus cur chun feidhme réiteach.

(c)	Comhtháthú na bhfeidhmchlár TF a éascú thar roinnt réimsí feidhme.

(d)	Tacaíocht d’úsáideoirí.

5.	Tacaíocht d’úsáideoirí a thabhairt (deasc chabhrach) agus seirbhís TF a reáchtáil (cothabháil éabhlóiditheach, cumrú).

6.	Cúnamh a thabhairt i dtaca le réitigh a chur chun feidhme trí úsáid a bhaint as teicneolaíochtaí imeall-ríomhaireachta agus néalríomhaireachta, an coiméadanú agus teicneolaíochtaí eile lena ndéantar fíorúlú bogearraí.

7.	Cúnamh a thabhairt i dtaca le monatóireacht a dhéanamh ar chostais, amlínte agus ar acmhainní a úsáidtear.

8.	Cúnamh a thabhairt i dtaca le bainistiú a dhéanamh ar nósanna imeachta um athruithe a rialú.

9.	Cúnamh i dtaca le bainistiú tionscadal, maoirseacht teicneolaíochta agus meastóireacht teicneolaíochta.

Is iad na dualgais seo a leanas is mó a bhíonn san áireamh i réimse an bhainistithe sonraí, na hanailísíochta sonraí agus na hintleachta saorga:

Cúnamh a thabhairt i dtaca le coincheapú (samhlacha sonraí, comhpháirteanna ailtireachta agus bloic thógála), anailísiú, cruthúnais choincheapa, maoirseacht theicniúil agus riaracháin i réimsí na hintleachta saorga, na meaisínfhoghlama (domhainfhoghlaim), na heolaíochta sonraí, na hanailísíochta sonraí, an mheastacháin ar shamhail sonraí, an bhailíochtaithe sonraí agus na cáilíochta sonraí.

2.	Cúnamh a thabhairt i dtaca le mórshonraí, sonraí geospásúla, faisnéis neamhstruchtúrtha, aicmiú uathoibrithe doiciméad agus bunachair sonraí tagartha a anailísiú, a mheasúnú agus a bhainistiú.

3.	Ollstór sonraí, córais dhoiciméadúcháin, córais faisnéise gnó agus córais faisnéise a fhorbairt, a chur chun feidhme, agus a chothabháil, meiteashonraí a láimhseáil agus iontaofacht, cáilíocht agus stóinseacht na sonraí a anailísiú.

4.	Tacaíocht maidir le bainistiú sonraí, faisnéise agus eolais: ceapadh, comhtháthú agus cur chun feidhme le sonraí oscailte nasctha agus teicneolaíochtaí séimeantacha, ointeolaíochtaí, caighdeáin mheiteashonraí, bunachair sonraí tagartha, teasárais agus tacsanomaíochtaí ilteangacha.

5.	Réitigh maidir le hanailísíocht sonraí ardfhorbartha agus réitigh intleachta saorga, maidir le comhtháthú sonraí, lochanna sonraí, algartaim mheaisínfhoghlama (domhainfhoghlaim) agus próisis uathoibrithe a chruthú, a fhorbairt agus a chur chun feidhme.

6.	Cúnamh a thabhairt i dtaca le beartais maidir le rialachas sonraí, bailíochtú sonraí agus treoirlínte maidir le rialachas sonraí a dhréachtú.

7.	Bearta cosanta sonraí, bearta slándála sonraí agus rialuithe nochta a chur chun feidhme.

Réimse 4 — slándáil TFC

1.	Bainistiú tionscadal: cúnamh a thabhairt i dtaca le hanailísiú, moltaí a dhéanamh, dearadh, costais a mheas, acmhainní riachtanacha a shainaithint agus a fháil, gníomhaíochtaí a sceidealú, obair iardain a dhéanamh ar an gcur chun feidhme, bainistiú athruithe agus tuairisciú.

2.	Páirt a ghlacadh i bhfoirne tionscadail agus i ngníomhaíochtaí.

3.	Cúnamh a thabhairt i dtaca le seirbhísí na foirne práinnfhreagartha ríomhaire (CERT) a choincheapú, a anailísiú, a sheachadadh agus tacú leo.

4.	Cuidiú a thabhairt i dtaca le creata slándála TF a shainiú agus tacú le feabhas a chur ar na próisis slándála TF agus bainistithe riosca.

5.	Tacaíocht a thabhairt maidir le samhlacha aibíochta cumais/inniúlachta a fhorbairt, a athbhreithniú agus a fheabhsú chun slándáil TF, cibearshlándáil agus bainistiú riosca TF a mheasúnú.

6.	Tacaíocht a thabhairt maidir le staidéar agus forbairt a dhéanamh ar fheidhmchláir na hintleachta saorga agus na meaisínfhoghlama i slándáil TF, cibearshlándáil agus bainistiú riosca slándála TF.

Cúnamh a thabhairt maidir le forbairt agus éabhlóid ar ailtireacht slándála TF agus ar chomhtháthú na hailtireachta sin i saolré na gcóras TF. Sa chomhthéacs sin, cúnamh a thabhairt i dtaca le dearadh ailtireachta slándála na rialuithe slándála atá curtha in oiriúint don leibhéal measta riosca agus tacaíochti leith anailísiú, dréachtú teicniúil, dréachtú beartas agus dréachtú dlíthiúil a dhéanamh orthu, iad a chur chun feidhme agus feidhmíocht/éifeachtacht na rialuithe slándála a mheasúnú.

8.	Tacaíocht a thabhairt i dtaca le measúnú, sainaithint agus comhtháthú táirgí slándála TF, agus cúraimí sonracha i dtreo uirlisí slándála TF gaolmhara a fhorbairt nó a fheabhsú san áireamh

9.	Tacaíocht a thabhairt maidir le huirlisí bainistithe riosca i ndáil le slándáil TF a fhorbairt agus a fheabhsú, lena n-áirítear cur chun feidhme agus feidhmíocht rialuithe slándála TFC a rianú agus meastóireacht a dhéanamh orthu.

10.	Tacaíocht a thabhairt i dtaca le húsáid na hintleachta saorga le haghaidh slándáil TF.

11.	Cúnamh a thabhairt i dtaca le slándáil TF a chomhtháthú ar feadh shaolré na néalchóras TF.

12.	Códú (códú slán), iniúchadh cód, cripteagrafaíocht agus lárchórais chripteagrafaíochta agus mórtháirgí cripteagrafaíochta a bhainistiú.

13.	Cúnamh a thabhairt i dtaca le measúnú slándála a dhéanamh go tráthrialta, anailísiú riosca, tástáil slándála TF, tástáil treáite, bainistiú laigí slándála TF, imscrúduithe ar theagmhais agus bainistiú céannachta agus rochtana.

14.	Cuidiú a thabhairt i dtaca leis na hoibríochtaí a reáchtáil agus a bhainistiú maidir le monatóireacht agus brath, lorg bagairtí, freagairt agus anailísiú ar theagmhais, anailísiú fóiréinseach agus innealtóireacht oibríochta slándála.

15.	Cúnamh a thabhairt i dtaca le bearta ardaithe feasachta a dhearadh i ndáil leis an gcibearshlándáil agus iad a chur chun feidhme agus i dtaca le meastóireacht a dhéanamh ar oiliúint slándála TF agus feabhas a chur orthu.

16.	Cuidiú a thabhairt i dtaca le hullmhúchán a dhéanamh agus a bheith rannpháirteach i ngrúpaí oibre feidhmiúla agus teicniúla, measúnú a dhéanamh ar mholtaí teicniúla, monatóireacht a dhéanamh ar chomhlíonadh caighdeán slándála agus dea-chleachtas.

Deireadh IARSCRÍBHINN I. Cliceáil anseo chun filleadh ar an bpríomhthéacs.

IARSCRÍBHINN II

RIALACHA GINEARÁLTA MAIDIR LE COMÓRTAIS OSCAILTE

FAISNÉIS GHINEARÁLTA

Gach áit a ndéantar tagairt do dhaoine d’inscne ar leith i bpróiseas roghnúcháin de chuid EPSO, glactar leis gur ag tagairt do dhaoine d’aon inscne eile atáthar freisin.

1. NA DAOINE AR FÉIDIR LEO IARRATAS A DHÉANAMH

1.1. Coinníollacha ginearálta agus coinníollacha sonracha

Tá coinníollacha ginearálta agus coinníollacha sonracha gach réimse nó próifíle (eolas ar theangacha san áireamh), tá siad luaite sa roinn “Na coinníollacha incháilitheachta”.

(a)

(b)

Maidir le taithí oibre (má iarrtar sin), ní chuirfear san áireamh í ach amháin i gcás ina mbaineann sí le dualgais an phoist agus más rud é:

—	gur fíorobair éifeachtach a bhí inti,

—	gur obair ar íocaíocht a bhí inti,

—	go raibh caidreamh íochtaránachta nó soláthar seirbhíse i gceist léi, agus

—

faoi réir na gcoinníollacha seo a leanas:

—	obair dheonach: más obair ar íocaíocht a bhí inti agus go raibh na huaireanta oibre sa tseachtain agus an fad a mhair an phost ar nós uaireanta oibre agus fad gnáthphoist,

—	tréimhsí oiliúna: más tréimhsí oiliúna ar íocaíocht a bhí iontu,

—	seirbhís mhíleata éigeantach: is cuma cé acu sular baineadh an dioplóma amach nó ina dhiaidh a rinneadh an tseirbhís mhíleata, agus ní chuirfear san áireamh tréimhse seirbhíse níos faide ná an tréimhse atá leagtha síos i ndlí an Bhallstáit i gceist,

—	saoire mháithreachais/atharthachta/altramais: má bhí an tsaoire leagtha síos sa chonradh fostaíochta,

—	dochtúireacht: 3 bliana ar a mhéad a chuirfear san áireamh, ar choinníoll gur baineadh amach an dochtúireacht, agus is cuma cé acu obair ar íocaíocht nó obair gan íocaíocht a bhí sa dochtúireacht, agus

—	obair pháirtaimseartha: is ar bhonn pro rata a ríomhfar obair pháirtaimseartha, ar bhonn an lín uaireanta an chloig a oibríodh, e.g. mheasfaí gur 3 mhí oibre ab ea obair leath-ama a mhair 6 mhí.

1.2. Doiciméid tacaíochta

Ní mór bunchóipeanna nó cóipeanna deimhnithe de na nithe seo a leanas a chur ar fáil i leith gach tréimhse oibre:

—	doiciméid ó iarfhostóir(í) agus ó fhostóir(í) reatha ina bhfuil cineál agus leibhéal na ndualgas a rinneadh luaite, dáta tosaigh agus dáta deiridh na tréimhse, agus suaitheantas agus stampa oifigiúil an chomhlachta ar an bpáipéar mar aon le hainm agus síniú an duine a bhí i gceannas; nó

—	conradh/conarthaí fostaíochta agus an chéad duillín pá agus an duillín pá deiridh, maille le cur síos mionsonraithe ar na dualgais a rinneadh;

—	(i gcás taithí oibre gan tuarastal, e.g. féinfhostaíocht nó fostaíocht sna gairmeacha liobrálacha) sonraisc nó foirmeacha ordaithe agus na dualgais a rinneadh sonraithe iontu, nó aon doiciméad tacaíochta oifigiúil eile a bhaineann le hábhar;

—	(i gcás comórtais d’ateangairí comhdhála ina n-iarrtar taithí oibre), doiciméid a léiríonn an líon laethanta a oibríodh agus na teangacha a ndearnadh ateangaireacht astu agus go dtí iad, agus a bhain go sonrach le hateangaireacht chomhdhála.

Is gnách nach dteastaíonn aon doiciméad tacaíochta chun d’eolas ar theangacha a chruthú, ach amháin i gcás comórtas do theangeolaithe agus sainphróifílí áirithe.

1.3. Comhdheiseanna agus cóirithe réasúnta

Má bhíonn aon fhadhb rochtana agat, nó má bhíonn tuilleadh eolais de dhíth ort, is féidir teagmháil a dhéanamh le foireann inrochtana EPSO:

—	trí ríomhphost (EPSO-accessibility@ec.europa.eu); nó

—

tríd an bpost:

An Oifig Eorpach um Roghnú Foirne (EPSO)

EPSO ACCESSIBILITY

L107 02/DCS

1049 Bruxelles/Brussels

BELGIQUE/BELGIË

2. CÉ A DHÉANFAIDH MEASÚNÚ ORM?

Foilsítear ainmneacha bhaill an bhoird roghnúcháin ar shuíomh gréasáin EPSO (www.eu-careers.eu) roimh thosach an ionaid measúnaithe/roimh thosach chéim an mheasúnaithe.

3. CUMARSÁID

3.1. Cumarsáid a dhéanamh le EPSO

I ngach comhfhreagras a bhaineann le hiarratas, iarrtar ort d’ainm a lua (an t-ainm a thug tú i do chuntas EPSO), mar aon le d’uimhir iarratais agus uimhir thagartha an phróisis roghnúcháin.

Dá réir sin, forchoimeádann EPSO an ceart deireadh a chur le haon chomhfhreagras atá míchuí (i.e. comhfhreagras atá liodánach, tarcaisneach, agus/nó nach mbaineann le hábhar).

3.2. Rochtain ar fhaisnéis

3.2.1. Faisnéis a nochtar go huathoibríoch

Gheobhaidh tú go huathoibríoch an t-eolas seo a leanas ar fad i do chuntas EPSO i ndiaidh gach céim de phróiseas roghnúcháin an chomórtais:

—	na trialacha ceisteanna ilrogha ar ríomhaire: do thorthaí agus tábla a bhfuil na freagraí a thug tú ann mar aon le huimhir nó tagairt na bhfreagraí cearta. Ní féidir, ar chúinse ar bith, rochtain a fháil ar théacs ná ar fhreagraí na gceisteanna;

—	incháilitheacht: deirtear cé acu ar tugadh cead duit páirt a ghlacadh sa chomórtas nó nár tugadh; murar tugadh an cead sin duit, deirtear cé na coinníollacha incháilitheachta nár comhlíonadh,

—	Talent Screener: do thorthaí agus tábla ina bhfuil ualú gach ceiste, na pointí a tugadh do na freagraí a thug tú agus do scór iomlán,

—	na réamhthrialacha: do thorthaí,

—	na trialacha idirmheánacha: do thorthaí, mura bhfuil tú ar na hiarrthóirí ar tugadh cuireadh chun na chéad chéime eile dóibh,

—

—	go bhfuil na trialacha thart,

—	go bhfuil na torthaí socraithe agus gur cuireadh in iúl do na hiarrthóirí iad, agus

—	nach bhfuil sé beartaithe iad a úsáid arís i gcomórtas eile.

3.2.2. Faisnéis a iarraidh

Tá scripteanna ceartaithe agus na sonraí marcála, go háirithe, faoi chumhdach rúndacht imeachtaí an bhoird roghnúcháin agus ní nochtfar iad.

4. GEARÁIN AGUS DEACRACHTAÍ

4.1. Saincheisteanna teicniúla agus eagraíochtúla

Iarrtar ort d’ainm (an t-ainm a thug tú i do chuntas EPSO) a lua i ngach comhfhreagras, mar aon le d’uimhir iarratais agus uimhir thagartha an phróisis roghnúcháin.

I gcás fadhb a tharla san ionad trialacha nó le linn trialacha cianda iarrtar ort:

—	na feitheoirí a chur ar an eolas láithreach sa chaoi gur féidir réiteach a aimsiú. I gcás ar bith, iarraidh ar na feitheoirí an gearán atá agat a chur i scríbhinn, agus

—	teagmháil a dhéanamh le EPSO tráth nach déanaí ná 3 lá féilire i ndiaidh na trialach trí shuíomh gréasáin EPSO (https://epso.europa.eu/help_ga) agus cur síos gairid a thabhairt dóibh ar an bhfadhb.

4.2. Nósanna imeachta um athbhreithniú inmheánach

4.2.1. Earráidí sna ceisteanna ilrogha ar ríomhaire

Déanann EPSO agus na boird roghnúcháin grinnrialú cáilíochta go seasta ar an mbunachar de cheisteanna ilrogha.

Ag seo an dóigh le gearán a dhéanamh faoi thriail ceisteanna ilrogha ar ríomhaire:

—	nós imeachta: déan teagmháil le EPSO trí shuíomh gréasáin EPSO amháin (https://epso.europa.eu/help_ga),

—	sprioc-am: ní mór an gearán a dhéanamh laistigh de 3 lá féilire tar éis an dáta a rinne tú na trialacha ar ríomhaire,

—	faisnéis bhreise: déan cur síos ar an gceist ionas go bhféadfar í a aithint, agus mínigh chomh soiléir agus is féidir cad í an earráid a deirtear a bheith ann.

Gearáin nach bhfuil luaite iontu, cuir i gcás, ach fadhbanna aistriúcháin a deirtear a bheith ann, agus gan aon sonraí eile tugtha, ní chuirfear san áireamh iad.

Is é an nós imeachta athbhreithniúcháin céanna atá i bhfeidhm maidir le hearráidí i gcleachtadh an bhosca isteach ríomhphoist.

4.2.2. Iarrataí ar athbhreithniú

Is féidir iarrataí ar athbhreithniú a bheith bunaithe ar:

—	míréireacht ábhartha i bpróiseas an chomórtais, agus/nó

—	an bord roghnúchán nó EPSO gan na Rialacháin Foirne, an fógra comórtais, iarscríbhinní an fhógra comórtais agus/nó an cásdlí a chomhlíonadh.

Ag seo an dóigh le hiarraidh ar athbhreithniú a dhéanamh:

—	nós imeachta: déan teagmháil le EPSO trí shuíomh gréasáin EPSO amháin (https://epso.europa.eu/help_ga),

—	sprioc-am: ní mór an iarraidh a dhéanamh laistigh de 10 lá féilire tar éis an dáta a foilsíodh an cinneadh atá á chonspóid,

—	faisnéis bhreise: luaigh go soiléir an cinneadh atá á chonspóid agat agus cúiseanna na conspóide.

Iarrataí a gheofar i ndiaidh an sprioc-ama, ní chuirfear san áireamh iad.

4.3. Modhanna eile le conspóid a dhéanamh

4.3.1. Gearáin riaracháin

I do cháil mar iarrthóir i gcomórtas oscailte, tá sé de cheart agat gearán riaracháin a chur faoi bhráid Stiúrthóir EPSO ina cháil mar údarás ceapacháin.

Ag seo an dóigh le gearán riaracháin a dhéanamh:

—	nós imeachta: déan teagmháil le EPSO trí shuíomh gréasáin EPSO amháin (https://epso.europa.eu/help_ga),

—	sprioc-am: laistigh de 3 mhí tar éis fógra a bheith tugtha faoin gcinneadh atá á chonspóid nó tar éis an dáta ar cheart cinneadh a bheith déanta roimhe,

—	faisnéis bhreise: luaigh go soiléir an cinneadh atá á chonspóid agat agus cúiseanna na conspóide.

Gearáin a gheofar i ndiaidh an sprioc-ama, ní chuirfear san áireamh iad.

4.3.2. Achomhairc bhreithiúnacha

Ag seo an dóigh le hachomharc breithiúnach a dhéanamh:

—	nós imeachta: gabh chuig suíomh gréasáin na Cúirte Ginearálta (http://curia.europa.eu/jcms/).

4.3.3. An tOmbudsman Eorpach

Is féidir le gach saoránach den Aontas Eorpach agus gach duine atá ina chónaí san Aontas Eorpach gearán a chur faoi bhráid an Ombudsman Eorpaigh.

Ní bheidh mar thoradh ar ghearán a chur faoi bhráid an Ombudsman síneadh a chur leis na sprioc-amanna atá ann le gearáin riaracháin nó achomhairc bhreithiúnacha a dhéanamh.

Ag seo an dóigh le gearán a chur faoi bhráid an Ombudsman:

—	nós imeachta: gabh chuig suíomh gréasáin an Ombudsman Eorpaigh (http://www.ombudsman.europa.eu/).

4.4. Dícháiliú ón bpróiseas roghnúcháin

Féadfar tú a dhícháiliú ag aon chéim den phróiseas roghnúcháin má fhaigheann EPSO amach:

—	gur chruthaigh tú níos mó ná cuntas EPSO amháin,

—	go ndearna tú iarratas ar theaglaim réimsí nó próifílí nach bhfuil ceadaithe,

—	nach gcomhlíonann tú na critéir incháilitheachta ar fad,

—	go ndearna tú dearbhuithe bréagacha nó dearbhú nach raibh na doiciméid chuí mar thaca leis,

—	nár fhreagair tú na ceisteanna sa Talent Screener;

—	nár chomhlíon tú téarmaí agus coinníollacha na dtástálacha a eagraítear go cianda;

—	nach ndearna tú coinne chun ceann amháin nó níos mó de na trialacha a dhéanamh nó nach ndearna tú ceann amháin nó níos mó de na trialacha féin,

—	go ndearna tú séitéireacht i dtriail,

—	nár dhearbhaigh tú san fhoirm iarratais na teangacha nach mór a bheith agat, de réir an fhógra comórtais seo, nó nár dhearbhaigh tú na híosleibhéil a theastaíonn sna teangacha sin,

—	gur fhéach tú le dul i dteagmháil le ball den bhord roghnúcháin ar dhóigh neamhúdaraithe,

—	nár chuir tú in iúl do EPSO go bhféadfadh coinbhleacht leasa a bheith ann a bhaineann le ball den bhord roghnúcháin,

—

—	go ndearna tú nó gur scríobh tú sainmharc i dtrialacha scríofa a mharcáiltear gan aon ainm luaite leo nó i dtrialacha praiticiúla.

5. IMRÉITEACH SLÁNDÁLA

Moltar do na hiarrthóirí iad féin a chur ar an eolas faoin bpróiseas roghnúcháin sula ndéanfaidh siad iarratas ar an gcomórtas seo.

Beidh na riachtanais sin sonraithe go soiléir san fhógra folúntais le haghaidh an phoist lena mbaineann.

6. COSAINT SONRAÍ

Déanfar do shonraí pearsanta a phróiseáil i gcomhréir le Rialachán (AE) 2018/1725 ó Pharlaimint na hEorpa agus ón gComhairle (2).

Féach freisin an ráiteas príobháideachais sonrach maidir le cosaint sonraí pearsanta mar chuid de chomórtas oscailte (3).

Deireadh IARSCRÍBHINN II, cliceáil anseo chun filleadh ar an bpríomhthéacs

(3) https://epso.europa.eu/content/specific-privacy-statement-personal-data-protection-within-framework-open-competition_ga.

IARSCRÍBHINN III

SAMPLAÍ D’ÍOSCHÁILÍOCHTAÍ DE RÉIR AN BHALLSTÁIT AGUS DE CHUID NA RÍOCHTA AONTAITHE AGUS DE RÉIR AN GHRÁID, A FHREAGRAÍONN, I BPRIONSABAL, DO NA CINN A IARRTAR SNA FÓGRAÍ COMÓRTAIS

Cliceáil anseo má tá leagan soléite de na samplaí uait

TÍR

AST-SC 1 go AST-SC 6

AST 1 go AST 7

AST 3 go AST 11

AD 5 go AD 16

Oideachas meánscoile (lenar féidir leanúint ar aghaidh go dtí an t-oideachas iar-mheánscoile)

Oideachas iar-mheánscoile (cúrsa ardoideachais nach cúrsa ollscoile é nó cúrsa gearr ollscoile a mhair 2 bhliain ar a laghad)

Oideachas ar leibhéal ollscoile (a mhair 3 bliana ar a laghad)

Oideachas ar leibhéal ollscoile (4 bliana nó níos mó)

Belgique — België — Belgien

Certificat de l’enseignement secondaire supérieur (CESS)/Diploma secundair onderwijs

Diplôme d’aptitude à accéder à l’enseignement supérieur (DAES)/Getuigschrift van hoger secundair onderwijs

Diplôme d’enseignement professionnel/Getuigschrift van het beroepssecundair onderwijs

Candidature/Kandidaat

Graduat/Gegradueerde

Bachelor/Professioneel gerichte Bachelor

Bachelor académique (180 crédits)

Academisch gerichte Bachelor (180 ECTS)

Licence/Licentiaat

Master

Diplôme d’études approfondies (DEA)

Diplôme d’études spécialisées (DES)

Diplôme d’études supérieures spécialisées (DESS)

Gediplomeerde in de Voortgezette Studies (GVS)

Gediplomeerde in de Gespecialiseerde Studies (GGS)

Gediplomeerde in de Aanvullende Studies (GAS)

Agrégation/Aggregaat

Ingénieur industriel/Industrieel ingenieur

Doctorat/Doctoraal diploma

България

Диплома за завършено средно образование

Специалист по …

Диплома за висше образование

Бакалавър

Магистър

Česko

Vysvědčení o maturitní zkoušce

Vysvědčení o absolutoriu (Absolutorium) + diplomovaný specialista (DiS.)

Diplom o ukončení bakalářského studia (Bakalář)

Diplom o ukončení vysokoškolského studia

Magistr

Doktor

Danmark

Bevis for:

Studentereksamen

Højere Forberedelseseksamen (HF)

Højere Handelseksamen (HHX)

Højere Afgangseksamen (HA)

Bac pro: Bevis for Højere Teknisk Eksamen (HTX)

Videregående uddannelser

= Bevis for = Eksamensbevis som (erhvervsakademiuddannelse AK)

Bachelorgrad (BA eller BS)

Professionsbachelorgrad

Diplomingeniør

Kandidatgrad/Candidatus

Master/Magistergrad (mag.art)

Licenciatgrad

ph.d.-grad

Deutschland

Abitur/Zeugnis der allgemeinen Hochschulreife

Fachabitur/Zeugnis der Fachhochschulreife

Fachhochschulabschluss

Bachelor

Hochschulabschluss/Fachhochschulabschluss/Master

Magister Artium/Magistra Artium

Staatsexamen/Diplom

Erstes Juristisches Staatsexamen

Doktorgrad

Eesti

Gümnaasiumi lõputunnistus + riigieksamitunnistus

Lõputunnistus kutsekeskhariduse omandamise kohta

Tunnistus keskhariduse baasil kutsekeskhariduse omandamise kohta

Bakalaureusekraad (min 120 ainepunkti)

Bakalaureusekraad (< 160 ainepunkti)

Rakenduskõrghariduse diplom

Bakalaureusekraad (160 ainepunkti)

Magistrikraad

Arstikraad

Hambaarstikraad

Loomaarstikraad

Filosoofiadoktor

Doktorikraad (120–160 ainepunkti)

Éire/Ireland

Ardteistiméireacht, Grád D3, I 5 ábhar/Leaving Certificate Grade D3 in 5 subjects

Gairmchlár na hArdteistiméireachta (GCAT)/Leaving Certificate Vocational Programme (LCVP)

Teastas Náisiúnta/National Certificate

Gnáthchéim bhaitsiléara/Ordinary bachelor degree

Dioplóma náisiúnta (ND, Dip.)/National diploma (ND, Dip.)

Ardteastas (120 ECTS)/Higher Certificate (120 ECTS)

Céim onóracha bhaitsiléara (3 bliana/180 ECTS) (BA, B.Sc, B.Eng)/Honours bachelor degree (3 years/180 ECTS) (BA, B.Sc, B.Eng)

Céim onóracha bhaitsiléara (4 bliana/240 ECTS)/Honours bachelor degree (4 years/240 ECTS)

Céim ollscoile/University degree

Céim mháistir (60-120 ECTS)/Master’s degree (60-120 ECTS)

Dochtúireacht/Doctorate

Ελλάδα

Απολυτήριο Γενικού Λυκείου Απολυτήριο Κλασικού Λυκείου

Απολυτήριο Τεχνικού Επαγγελματικού Λυκείου

Απολυτήριο Ενιαίου Πολυκλαδικού Λυκείου

Απολυτήριο Ενιαίου Λυκείου

Απολυτήριο Τεχνολογικού Επαγγελματικού Εκπαιδευτηρίου

Δίπλωμα επαγγελματικής κατάρτισης (ΙΕΚ)

Πτυχίο ΑΕΙ (πανεπιστημίου, πολυτεχνείου, ΤΕΙ)

Μεταπτυχιακό Δίπλωμα Ειδίκευσης (2ος κύκλος)

Διδακτορικό Δίπλωμα (3ος κύκλος)

España

Bachillerato + Curso de Orientación Universitaria (COU)

Bachillerato

BUP

Diploma de Técnico especialista

FP grado superior (Técnico superior)

Diplomado/Ingeniero técnico

Licenciatura

Máster

Ingeniero

Título de Doctor

France

Baccalauréat

Diplôme d’accès aux études universitaires (DAEU)

Brevet de technicien

Diplôme d’études universitaires générales (DEUG)

Brevet de technicien supérieur (BTS)

Diplôme universitaire de technologie (DUT)

Diplôme d’études universitaires scientifiques et techniques (DEUST)

Licence

Maîtrise

Diplôme des grandes écoles

Diplôme d’ingénieur

Doctorat

Hrvatska

Svjedodžba o državnoj maturi

Svjedodžba o završnom ispitu

Stručni pristupnik/pristupnica

Baccalaureus/Baccalaurea (sveučilišni prvostupnik/prvostupnica)

Stručni specijalist

Magistar struke

Magistar inženjer/magistrica inženjerka (mag. ing)

Doktor struke

Doktor umjetnosti

Italia

Diploma di maturità (vecchio ordinamento)

Perito ragioniere

Diploma di superamento dell’esame di Stato conclusivo dei corsi di studio di istruzione secondaria superiore

Diploma universitario (DU)

Certificato di specializzazione tecnica superiore

Attestato di competenza (4 semestri)

Diploma di laurea — L (breve)

Diploma di laurea (DL)

Laurea specialistica (LS)

Master di I livello

Dottorato di ricerca (DR)

Κύπρος

Απολυτήριο

Δίπλωμα = Programmes offered by Public/Private Schools of Higher Education (for the latter accreditation is compulsory)

Higher Diploma

Πανεπιστημιακό Πτυχίο/Bachelor

Master

Doctorat

Latvija

Atestāts par vispārējo vidējo izglītību

Diploms par profesionālo vidējo izglītību

Diploms par pirmā līmeņa profesionālo augstāko izglītību

Bakalaura diploms (min. 120 kredītpunktu)

Bakalaura diploms (160 kredītpunktu)

Profesionālā bakalaura diploms

Maģistra diploms

Profesionālā maģistra diploms

Doktora grāds

Lietuva

Brandos atestatas

Aukštojo mokslo diplomas

Aukštesniojo mokslo diplomas

Profesinio bakalauro diplomas

Aukštojo mokslo diplomas

Bakalauro diplomas

Magistro diplomas

Daktaro diplomas

Meno licenciato diplomas

Luxembourg

Diplôme de fin d’études secondaires et techniques

BTS

Brevet de maîtrise

Brevet de technicien supérieur

Diplôme de premier cycle universitaire (DPCU)

Diplôme universitaire de technologie (DUT)

Bachelor

Diplôme d’ingénieur technicien

Master

Diplôme d’ingénieur industriel

DESS en droit européen

Magyarország

Gimnáziumi érettségi bizonyítvány

Szakközépiskolai érettségi-képesítő bizonyítvány

Felsőfokú szakképesítést igazoló bizonyítvány (Higher Vocational Programme)

Főiskolai oklevél

Alapfokozat (Bachelor degree 180 credits)

Egyetemi oklevél

Alapfokozat (Bachelor degree 240 credits)

Mesterfokozat (Master degree) (Osztatlan mesterképzés)

Doktori fokozat

Malta

Advanced Matriculation or GCE Advanced level in 3 subjects (2 of them grade C or higher)

2 À Levels (passes A-C) + a number of subjects at Ordinary level, or equivalent

MCAST diplomas/certificates

Higher National Diploma

Bachelor’s degree

Master of Arts

Doctorate

Nederland

Diploma VWO

Diploma staatsexamen (2 diploma’s)

Diploma staatsexamen voorbereidend wetenschappelijk onderwijs (Diploma staatsexamen VWO)

Diploma staatsexamen hoger algemeen voortgezet onderwijs (Diploma staatsexamen HAVO)

Kandidaatsexamen

Associate degree (AD)

Bachelor (WO)

HBO bachelor degree

Baccalaureus of «Ingenieur»

HBO/WO Master’s degree

Doctoraal examen/Doctoraat

Österreich

Matura/Reifeprüfung

Reife- und Diplomprüfung

Berufsreifeprüfung

Kollegdiplom/Akademiediplom

Fachhochschuldiplom/Bakkalaureus/Bakkalaurea

Universitätsdiplom

Fachhochschuldiplom

Magister/Magistra

Master

Diplomprüfung, Diplom-Ingenieur

Magisterprüfungszeugnis Rigorosenzeugnis

Doktortitel

Polska

Świadectwo dojrzałości

Świadectwo ukończenia liceum ogólnokształcącego

Dyplom ukończenia kolegium nauczycielskiego

Świadectwo ukończenia szkoły policealnej

Licencjat/Inżynier

Magister/Magister inżynier

Dyplom doktora

Portugal

Diploma de Ensino Secundário

Certificado de Habilitações do Ensino Secundário

Bacharel Licenciado

Licenciado

Mestre

Doutorado

România

Diplomă de bacalaureat

Diplomă de absolvire (colegiu universitar)

Învățământ preuniversitar

Diplomă de licenţă

Diplomă de inginer

Diplomă de urbanist

Diplomă de master

Certificat de atestare (studii academice postuniversitare)

Diplomă de doctor

Slovenija

Maturitetno spričevalo (spričevalo o poklicni maturi) (spričevalo o zaključnem izpitu)

Diploma višje strokovne šole

Diploma o pridobljeni visoki strokovni izobrazbi

Univerzitetna diploma

Magisterij

Specializacija

Doktorat

Slovensko

Vysvedčenie o maturitnej skúške

Absolventský diplom

Diplom o ukončení bakalárskeho štúdia (Bakalár)

Diplom o ukončení vysokoškolského štúdia

Bakalár (Bc.)

Magister

Magister/Inžinier

ArtD.

Suomi/Finland

Ylioppilastutkinto tai peruskoulu + kolmen vuoden ammatillinen koulutus – Studentexamen eller grundskola + treårig yrkesinriktad utbildning

Todistus yhdistelmäopinnoista (Betyg över kombinationsstudier)

Ammatillinen opistoasteen tutkinto – Yrkesexamen på institutnivå

Kandidaatin tutkinto – Kandidatexamen/Ammattikorkeakoulututkinto – Yrkeshögskoleexamen (min. 120 opintoviikkoa – studieveckor)

Maisterin tutkinto – Magisterexamen/Ammattikorkeakoulututkinto – Yrkeshögskoleexamen (min. 160 opintoviikkoa – studieveckor)

Tohtorin tutkinto (Doktorsexamen) joko 4 vuotta tai 2 vuotta lisensiaatin tutkinnon jälkeen – antingen 4 år eller 2 år efter licentiatexamen

Lisensiaatti/Licentiat

Sverige

Slutbetyg från gymnasieskolan (3-årig gymnasial utbildning)

Högskoleexamen (80 poäng)

Högskoleexamen, 2 år, 120 högskolepoäng

Yrkeshögskoleexamen/Kvalificerad yrkeshögskoleexamen, 1–3 år

Kandidatexamen (akademisk examen omfattande minst 120 poäng, varav 60 poäng fördjupade studier i ett ämne + uppsats motsvarande 10 poäng)

Meriter på grundnivå: Kandidatexamen, 3 år, 180 högskolepoäng (Bachelor)

Magisterexamen (akademisk examen omfattande minst 160 poäng, varav 80 poäng fördjupade studier i ett ämne + uppsats motsvarande 20 poäng eller två uppsatser motsvarande 10 poäng vardera)

—	Licentiatexamen

—	Doktorsexamen

Meriter på avancerad nivå:

—	Magisterexamen, 1 år, 60 högskolepoäng

—	Masterexamen, 2 år, 120 högskolepoäng

Meriter på forskarnivå:

—	Licentiatexamen, 2 år, 120 högskolepoäng

—	Doktorsexamen, 4 år, 240 högskolepoäng

United Kingdom

General Certificate of Education Advanced level — 2 passes or equivalent (grades A to E)

BTEC National Diploma

General National Vocational Qualification (GNVQ), advanced level

Advanced Vocational Certificate of Education, À level (VCE À level)

Higher National Diploma/Certificate (BTEC)/SCOTVEC

Diploma of Higher Education (DipHE)

National Vocational Qualifications (NVQ)

Scottish Vocational Qualifications (SVQ) level 4

(Honours) Bachelor degree

NB: Master’s degree in Scotland

Honours Bachelor degree

Master’s degree (MA, MB, MEng, MPhil, MSc)

Doctorate

NOTE:

Deireadh IARSCRÍBHINN III, cliceáil anseo chun filleadh ar an bpríomhthéacs

IARSCRÍBHINN IV

AN TALENT SCREENER: CRITÉIR AGUS PRÓISEAS ROGHNÚCHÁIN

A. Critéir roghnúcháin an Talent Screener

Déanfaidh an Bord Roghnúcháin na critéir roghnúcháin seo a leanas a chur i bhfeidhm ag céim an Talent Screener sa chomórtas:

Réimse 1 — Infreastruchtúir TFC, an néal, gréasáin agus meánearraí

Taithí oibre ar chúnamh a thabhairt i dtaca le seirbhísí lárionaid sonraí a dhearadh, a chur chun feidhme agus a oibriú sa mhodh clasaiceach agus/nó néaldírithe, e.g. saoráidí lárionaid sonraí fisiceacha, sócmhainní agus cáblú, córais oibriúcháin, seirbhísí ardán ríomhaireachta, coimeádáin, bogearraí eagraithe coimeádán, bogearraí fíorúcháin, freastalaithe, stóráil agus bainistiú bunachar sonraí, córais chúltaca, córais chartlannaithe, seirbhísí infreastruchtúir feidhmchláir, píblínte seachadta bogearraí, forbairt agus oibríochtaí (DevOps), bogearraí uathoibrithe.

2.	Taithí oibre ar theicneolaíochtaí a bhaineann le réimse bonneagar feidhmchlár/meánearraí, e.g. bunachar sonraí agus/nó córais bainistithe inneachair agus freastalaí feidhmchláir).

3.	Taithí oibre ar chúnamh a thabhairt i réimse na néal-infreastruchtúr poiblí agus príobháideach agus i réimse na néalseirbhísí poiblí agus príobháideacha.

4.	Taithí oibre ar chúnamh a thabhairt i réimse na n-infreastruchtúr líonra: líonraí achair fhairsing uirbeacha, líonraí achair fhairsing mór-roinne (WANanna), líonraí achair logánta (LANanna), ródairí, ballaí dóiteáin, pointí rochtana, seachfhreastalaithe, etc.

5.	Taithí oibre ar chúnamh a thabhairt i réimse na seirbhísí teileachumarsáide lena n-áirítear seirbhísí cumarsáide aontaithe, fís-chomhdháileanna, seirbhísí ilmheán agus sruthaithe, fíordheimhniú, céannacht agus bainistiú rochtana.

6.	Taithí oibre ar chúnamh a thabhairt i dtaca le bainistiú tionscadal agus/nó seirbhísí i réimse an bhainistithe lárionaid sonraí, go háirithe maidir le sonraíochtaí teicniúla TF agus/nó doiciméid a dhréachtú.

7.	Taithí oibre ar chúnamh a thabhairt i dtaca le conarthaí seirbhísí a bhainistiú i réimse amháin nó i réimsí éagsúla de sheirbhísí lárionaid sonraí.

8.	Taithí oibre ar chreataí slándála faisnéise/seirbhísí slándála agus a gcur i bhfeidhm ar sheirbhísí líonra, teileachumarsáide, fís-chomhdhála, ilmheán agus sruthaithe, maidir le hionaid sonraí, réitigh chianrochtana san áireamh

9.	Taithí oibre ar theicneolaíochtaí atá ag teacht chun cinn amhail an t-uathoibriú róbataice próisis, an blocshlabhra, an réaltacht fhíorúil, an réaltacht bhreisithe, idirlíon na rudaí nithiúla agus an ríomhaireacht ardfheidhmíochta.

10.	Deimhniú i modheolaíocht bainistithe tionscadal agus/nó bainistiú seirbhísí.

Réimse 2 — An t-ionad oibre digiteach, an t-uathoibriú oifige agus an ríomhaireacht mhóibíleach

Taithí oibre ar chúnamh a thabhairt i dtaca le riachtanais ghnó agus slándála a shainiú beartais rialachais, dearadh, meastóireacht, forbairt, nósanna imeachta le haghaidh réitigh/seirbhísí i dtionscadail mhórscála, e.g. an t-ionad oibre digiteach, uathoibriú oifige agus ríomhaireacht mhóibíleach, lena n-áirítear físchomhdháil agus sruthú.

Taithí oibre ar chúnamh a thabhairt i dtaca le fréamhshamhaltú, imscaradh/comhtháthú (lena n-áirítear beartais slándála a chur chun feidhme), oibriú agus monatóireacht a dhéanamh ar fheidhmíocht agus tacú le hinfreastruchtúir agus réitigh i dtionscadail mhórscála a bhaineann leis an ionad oibre digiteach, uathoibriú oifige agus ríomhaireacht mhóibíleach, lena n-áirítear fís-chomhdháileanna agus sruthú.

3.	Taithí oibre ar chúnamh a thabhairt i dtaca le bainistiú a dhéanamh ar fhorbairt seirbhísí chun dul in oiriúint do riachtanais ghnó nua agus do theicneolaíochtaí atá ag teacht chun cinn e.g. an t-aistriú chuig an néal.

4.	Taithí oibre ar ghníomhaíochtaí deisce seirbhíse a chomhordú, a eagrú, a chur in ord tosaíochta, a thuairisciú agus a mhaoirsiú e.g. teagmháil le custaiméirí a láimhseáil, bainistiú teagmhas (an chéad leibhéal), monatóireacht agus imeachtaí a láimhseáil, iarrataí a chomhlíonadh.

5.	Taithí oibre ar obair riaracháin a dhéanamh maidir le saolré sócmhainní TF a bhainistiú don ionad oibre digiteach.

6.	Taithí oibre ar chúnamh a thabhairt i dtaca le cothabháil (cheartaitheach, leigheasach, athraitheach, choisctheach) na n-áiteanna oibre digiteacha, uathoibriú oifige agus ríomhaireacht mhóibíleach, lena n-áirítear timpeallachtaí fís-chomhdhála agus sruthaithe.

7.	Taithí oibre ar chúnamh a thabhairt i dtaca le réimse na réiteach bainistithe feistí (bainistiú soghluaisteachta fiontair (EMM), bainistiú gléasanna móibíleacha (MDM) nó bainistiú críochphointí aontaithe (UEM) agus/nó réitigh néal-chomhoibríocha.

8.	Taithí oibre ar tháirgí bogearraí foinse oscailte a bhaineann le réimse an ionaid oibre dhigitigh, an uathoibrithe oifige agus na ríomhaireachta móibílí.

9.	Deimhniú i modheolaíocht bainistithe tionscadal agus/nó i modheolaíocht bainistithe seirbhísí.

Réimse 3 — Feidhmchláir TF agus réitigh réamhdhéanta a fhorbairt/a chumrú, a thástáil, a oibriú agus a chothabháil; Bainistiú sonraí, anailísíocht sonraí agus an intleacht shaorga

Taithí oibre ar chúnamh a thabhairt i dtaca le tionscadail agus seirbhísí a bhaineann le hanailísiú a dhéanamh ar riachtanais agus ar phróisis ghnó, i dtaca le samhaltú, dearadh feidhmiúil, ailtireacht réiteach bogearraí, sonraíochtaí teicniúla a dhréachtú, acmhainní a mheas, a phleanáil agus a leithdháileadh.

2.	Taithí oibre ar bhogearraí inmheánacha nó bogearraí réamhdhéanta a chumrú, lena n-áirítear bogearraí a shuiteáil, na doiciméid tionscadal a dhréachtú agus athruithe a bhainistiú.

3.	Taithí oibre ar bheartais tástála agus imscartha agus ar dhearbhú cáilíochta, e.g. pleanáil, forbairt agus comhordú gníomhaíochtaí tástála, maolú riosca, feidhmiúlacht, inúsáidteacht, slándáil, soghluaisteacht, feidhmíocht agus bailíochtú tástála eirgeanamaíocha.

4.	Taithí oibre ar chúnamh a thabhairt i dtaca le feidhmchláir agusréitigh réamhdhéanta TF a bhainistiú agus a chothabháil.

5.	Taithí oibre ar thacaíocht d’úsáideoirí (deasc chabhrach) a thabhairt agus ar sheirbhís TF a reáchtáil.

6.	Taithí oibre ar theicneolaíochtaí néal-ríomhaireachta agus imeall-ríomhaireachta agus ar choimeádánú a bhaineann le bogearraí a fhorbairt/a chumrú.

7.	Taithí oibre ar sheirbhísí sonraí agus ar bhainistiú sonraí.

8.	Taithí oibre ar chúnamh a thabhairt i dtaca le hinfreastruchtúir mórshonraí a dhearadh, a fhorbairt, a bhainistiú agus a chothabháil trí úsáid a bhaint as teicneolaíochtaí úrnua.

9.	Taithí oibre ar anailísiú sonraí, bainistiú mórshonraí agus ar fhaisnéis neamhstruchtúrtha agus ar uirlisí, modhanna, creataí agus teicneolaíochtaí níos forbartha.

10.	Deimhniú i réimse na tástála bogearraí agus an dearbhaithe cáilíochta, i modheolaíocht bainistithe tionscadal agus/nó i modheolaíocht bainistithe seirbhísí, san eolaíocht sonraí nó san intleacht shaorga.

Réimse 4 — slándáil TFC

Taithí oibre ar chúnamh a thabhairt i dtaca le rialuithe slándála TF a dhearadh, a anailísiú, dréachtú teicniúil agus dlíthiúil a dhéanamh agus rialuithe slándála TF a chur chun feidhme atá curtha in oiriúint don leibhéal riosca a measadh (lena n-áirítear measúnú éifeachtachta agus éifeachtúlachta) agus ar fheachtais agus bearta ardaithe feasachta i ndáil leis an gcibearshlándáil.

2.	Taithí oibre ar chúnamh a thabhairt i dtaca le táirgí nua slándála TF a shainaithint, a mheas agus a mholadh chun freastal ar riachtanais shonracha slándála TF.

Taithí oibre ar chúnamh a thabhairt i dtaca le córais bainistithe rioscaí slándála TF agus caighdeáin idirnáisiúnta chomhfhreagracha, dea-chleachtais agus modheolaíochtaí measúnaithe riosca a fhorbairt, a oibriú agus a fheabhsú go leanúnach, lena n-áirítear tuairisciú do pháirtithe leasmhara agus lucht bainistíochta.

4.	Taithí oibre ar chúnamh a thabhairt i dtaca le measúnú slándála tréimhsiúil, tástáil slándála TF, bréagionsaithe tástála, freagairt agus anailísiú ar theagmhais slándála TF, anailísiú fóiréinseach, bainistiú leochaileachta agus bainistiú céannachta agus rochtana.

5.	Taithí oibre ar chúnamh a thabhairt i dtaca le feidhmchláir intleachta saorga i ndáil le slándáil TF.

6.	Taithí oibre ar chúnamh a thabhairt i dtaca le códú slán, iniúchadh cód, cripteagrafaíocht agus lárchórais bhainistithe cripteagrafaíochta agus táirgí cripteagrafaíochta.

7.	Taithí oibre ar chúnamh a thabhairt i dtaca le samhlacha aibíochta inniúlachta a fhorbairt agus a chur i bhfeidhm le haghaidh cibearshlándála, slándáil TF agus/nó bainistiú riosca slándála.

8.	Taithí oibre ar chúnamh a thabhairt i dtaca le slándáil TF a chomhtháthú agus a chur i bhfeidhm ar feadh shaolré na néalchóras TF.

Deimhniú i slándáil faisnéise nó córais bainistithe cibearshlándála, amhail ISO27001:2013 nó ISO27032:2012, i réimse an bhainistithe riosca slándála TF, na slándála néalríomhaireachta, na fóiréinsice, na freagartha ar theagmhais slándála, faireachán slándála, na tástála treáite, forbairt ailtireachta slándála, bainistiú tionscadal agus/nó bainistiú seirbhíse.

B. Nós imeachta

B.1. An t-ord ina ndéanfar measúnú ar na hiarratais a chinneadh

Agus an roinn “Taithí Oibre” dá n-iarratas á líonadh isteach acu, beidh ar na hiarrthóirí, i ngach iontráil, an céatadán den am a caitheadh le ceann amháin nó níos mó de na “cúraimí” ó liosta ar leith a chur in iúl, ar liosta é a fhreagraíonn den chuid is mó do na critéir roghnúcháin atá sa liosta i Roinn A thuas. Ar an gcaoi sin, beifear in ann fad foriomlán na taithí (i laethanta) a ríomh i dtaca le cúram ar leith.

2.	Tabharfaidh an Bord Roghnúcháin ualú (ó 1 go dtí 3) do gach cúram agus do gach ceist sa Talent Screener (féach mír 1 i roinn B.2 thíos), a léiríonn a dtábhacht choibhneasta.

3.	Déanfar líon foriomlán na laethanta a caitheadh ar chúram ar leith (féach mír 1 thuas) a iolrú faoin ualú a thugann an Bord Roghnúcháin don chúram sin. Leis sin – i gcás gach iarrthóra – cuirfear marc in aghaidh an chúraim ar fáil mar aon leis an marc comhiomlán le haghaidh na gcúraimí ar fad.

4.	Déanfar an rangú a tharraingt suas in ord íslitheach de réir mharcanna comhiomlána na n-iarrthóirí.

Na marcanna agus an rangú a leagtar síos i gcomhréir leis an roinn seo, ní chuirfear san áireamh iad chun a chinneadh cé na hiarrthóirí ar féidir leo dul ar aghaidh chun na chéad chéime eile den chomórtas. Is é an Bord Roghnúcháin amháin a dhéanfaidh an cinneadh maidir leis na hiarrthóirí a dtabharfar cuireadh dóibh chun na chéad chéime eile den chomórtas, ar bhonn na marcanna ualaithe a bronnadh i gcomhréir le Roinn B.2.

B.2. Iarrthóirí a roghnú tríd an Talent Screener

Agus an roinn “Talent Screener” den fhoirm iarratais á líonadh isteach, ní mór do na hiarrthóirí uile aon tacar amháin ceisteanna a fhreagairt agus an t-eolas a iarrtar a thabhairt. Beidh na ceisteanna sin bunaithe ar na critéir roghnúcháin a liostaítear i roinn A thuas. Is ar bhonn na bhfreagraí a thug na hiarrthóirí ar cheisteanna an “Talent Screener”, agus ar a bhonn sin amháin, a dhéanfar an roghnú ar bhonn cáilíochtaí. Ní mór do na hiarrthóirí gach eolas ábhartha a thabhairt sna freagraí ar cheisteanna an “Talent Screener”, fiú má cuireadh an t-eolas céanna isteach cheana i ranna eile den fhoirm iarratais. Déanfar neamhshuim d’aon tagairtí do dhoiciméid a uaslódáladh chuig cuntas EPSO an iarrthóra ná d’aon tagairtí eile (amhail naisc chuig suíomhanna gréasáin). Ní chuirfear san áireamh ach an téacs a chuir an t-iarrthóir isteach sna réimsí cuí, mar fhreagra ar na ceisteanna a bhaineann leis an Talent Screener.

2.	Is in ord íslitheach an rangaithe a leagadh síos i gcomhréir le roinn B.1 a rachaidh an Bord Roghnúcháin ar aghaidh go dtí an measúnú ar fhreagraí na n-iarrthóirí sa roinn “Talent Screener” san fhoirm iarratais.

Scrúdóidh an Bord Roghnúcháin freagraí an Talent Screener a thug na hiarrthóirí ar fad agus bronnfaidh sé marc ó 0 go dtí 4 do gach freagra. Iolrófar na pointí sin faoin ualú a shocróidh an Bord Roghnúcháin i dtaca le gach ceist sa Talent Screener (féach roinn B.1, mír 2 thuas). Ar deireadh, déanfar pointí ualaithe gach ceiste sa Talent Screener a shuimiú chun marc foriomlán a fháil.

4.	Déanfaidh an Bord Roghnúcháin liosta de na hiarrthóirí de réir an réimse in ord na marcanna foriomlána a bronnadh de réir mhír 3.

5.	Na hiarrthóirí a ghnóthóidh na marcanna is airde, tabharfar cuireadh dóibh chun na chéad chéime eile den chomórtas.

Deireadh IARSCRÍBHINN IV. Cliceáil anseo chun filleadh ar an bpríomhthéacs

		ISSN 1977-107X
Iris Oifigiúil an Aontais Eorpaigh		C 76A

An t-eagrán Gaeilge	Faisnéis agus Fógraí	65 17 Feabhra 2022

Clár		Leathanach
	V Fógairtí
	NÓSANNA IMEACHTA RIARACHÁIN
	An Oifig Eorpach um Roghnú Foirne (EPSO)
2022/C 76 A/01	Fógra comórtais oscailte — EPSO/AD/398/22 — Saineolaithe teicneolaíochta faisnéise agus cumarsáide (TFC) (AD 7/AD 8) sna réimsí seo a leanas: 1. Infreastruchtúir TFC, an néal, líonraí agus meánearraí (AD 7), 2. An t-ionad oibre digiteach, an t-uathoibriú oifige agus an ríomhaireacht mhóibíleach (AD 7), 3. TF agus rialachas sonraí, bainistiú clár/punann agus bainistiú tionscadal, an oifig um bainistiú tionscadal (PMO), ailtireacht ghnó agus fiontraíochta (AD 7), 4. Feidhmchláir TF agus réitigh réamhdhéanta a dhearadh, a fhorbairt/a chumrú, a thástáil, a oibriú agus a chothabháil; Bainistiú sonraí, anailísíocht sonraí agus an intleacht shaorga (AD 7), 5. Slándáil TFC (AD 8)	1
2022/C 76 A/02	Fógra comórtais oscailte — EPSO/AST/151/22 – Cúntóirí (AST 4) sa teicneolaíocht faisnéise agus cumarsáide (TFC) sna réimsí seo a leanas: 1. Infreastruchtúir TFC, an néal, gréasáin agus meánearraí, 2. An t-ionad oibre digiteach, an t-uathoibriú oifige agus an ríomhaireacht mhóibíleach, 3. Feidhmchláir TF agus réitigh réamhdhéanta a dhearadh, a fhorbairt/a chumrú, a thástáil, a oibriú agus a chothabháil; Bainistiú sonraí, anailísíocht sonraí agus an intleacht shaorga, 4. Slándáil TFC	32