Ráiteas ón gCoimisiún Eorpach maidir leis na leithdháiltí sonracha le haghaidh ardáin na nIonad barr feabhais gairme

(2021/C 201 I/01)

Gan dochar do chumhachtaí an údaráis reachtaigh agus bhuiséadaigh, geallann an Coimisiún go ndéanfar méid táscach EUR 400 milliún i bpraghsanna reatha a leithdháileadh chun tacú le hardáin na nIonad barr feabhais gairme le linn thréimhse iomlán an chláir, ar choinníoll go ndeimhneofar leis an meastóireacht eatramhach ar an gclár measúnú dearfach ar thorthaí na gníomhaíochta.

CINNEADHÓN gCOIMISIÚN

an 25 Bealtaine 2021

maidir le laethanta saoire poiblí a dheonófar le haghaidh na bliana 2023 d’oifigigh agus do sheirbhísigh eile de chuid an Aontais Eorpaigh atá lonnaithe sa Bhruiséil agus i Lucsamburg

(2021/C 201 I/02)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialacháin Foirne Oifigigh an Aontais Eorpaigh agus do Choinníollacha Fostaíochta Sheirbhísigh Eile an Aontais Eorpaigh (CEOS) a leagtar síos i Rialachán (CEE, Euratom, CEGC) Uimh. 259/68 ón gComhairle, (1) agus go háirithe Airteagal 61 de na Rialacháin Foirne, mar aon le hAirteagail 16 agus 91 de CEOS,

Ag féachaint do na comhrialacha lena leagtar síos liosta na laethanta saoire poiblí atá ag dul d’oifigigh na gComhphobal Eorpach (2), agus go háirithe Airteagal 1(3) díobh,

De bharr an mhéid seo a leanas:

(1)	I bhfianaise Airteagal 61 de Rialacháin Foirne Oifigigh an Aontais Eorpaigh agus i bhfianaise Airteagail 16 agus 91 de CEOS, is iomchuí liosta na laethanta saoire poiblí in 2023 atá ag dul do na hoifigigh agus do na seirbhísigh eile atá lonnaithe sa Bhruiséil agus i Lucsamburg a leagan síos.

(2)	In 2023, is ar an 9 Aibreán a bheidh Domhnach Cásca.

(3)	In 2023, is Domhnach atá sa 24 Nollaig.

(4)	An 24 Márta 2021, chuathas i gcomhairle le Coláiste na gCeann Riaracháin féachaint cén tuairim a bhí aige maidir le laethanta saoire poiblí na bliana 2023,

TAR ÉIS A CHINNEADH MAR A LEANAS:

---

(1)  IO L 56, 4.3.1968, lch. 1

(2)  Leagan comhdhlúite de na Rialacháin Foirne a d’fhoilsigh seirbhísí an Choimisiúin in Eanáir 2003, lch. IV-2.