(1)

Le Cinneadh an 29 Lúnasa 2011 (1) chuir an Coimisiún Grúpa Saineolaithe ar Mhargadh na gCóras Íocaíochta ar bun. Beidh feidhm ag an gCinneadh sin go dtí an 31 Nollaig 2015. Is é is aidhm don sainghrúpa ardán foirmiúil a chur ar fáil trínar féidir tuairimí a mhalartú ar bhealach struchtúrach le gníomhaithe margaidh maidir le saincheisteanna a eascraíonn as cur chun feidhme agus léirmhíniú na Treorach maidir le Seirbhísí Íocaíochta (2007/64/CE) (2). Rinneadh athbhreithniú le déanaí ar an Treoir maidir le Seirbhísí Íocaíochta (3). An 29 Aibreán 2015 ghlac an Pharlaimint agus an Chomhairle an Rialachán (AE) 2015/751 ó Pharlaimint na hEorpa agus ón gComhairle maidir le táillí idirmhalartaithe ar íocaíochtaí cártabhunaithe (4), rud atá i ndlúthcheangal leis an athbhreithniú ar an Treoir maidir le Seirbhísí Íocaíochta. Ina theannta sin, tá an-luas faoin nuálaíocht i margadh na n-íocaíochtaí. Tá tionscnaimh éagsúla ar bun ar fud na hEorpa chun an margadh a spreagadh agus a ghríosú i dtreo tuilleadh caighdeánaithe agus nuálaíochta, amhail an Grúpa Páirtithe Leasmhara Cártaí agus an Bord um Íocaíochtaí Miondíola Euro, i measc tionscnamh eile. An gá atá le fóram foirmiúil le haghaidh páirtithe leasmhara, fóram inar féidir leo tuairimí a mhalartú ar bhealach struchtúrach maidir le saincheisteanna a bhaineann leis na forbairtí sin, leanfaidh an gá sin de bheith i gceist de bharr na ndúshlán a eascróidh as na forbairtí céanna. An sainghrúpa darb ainm an “Grúpa Saineolaithe ar Mhargadh na gCóras Íocaíochta”, is iomchuí dá bhrí sin go leanfaidh sé dá chuid oibre go ceann 5 bliana eile.

(2)

Ba cheart, dá bhrí sin, Cinneadh an 29 Lúnasa 2011 a leasú dá réir,

(1)

Le Cinneadh 2011/C 253/04 an 29 Lúnasa 2011 (1), bhunaigh an Coimisiún an Grúpa Saineolaithe ar Mhargadh na gCóras Íocaíochta. Beidh feidhm ag an gCinneadh sin go dtí an 31 Nollaig 2020. Is é is aidhm don ghrúpa saineolaithe ardán foirmiúil a chur ar fáil don Choimisiún lena bhféadfaí tuairimí a mhalartú ar bhealach struchtúrtha le gníomhaithe margaidh maidir le saincheisteanna a bhaineann le Treoir (AE) 2015/2366 ó Pharlaimint na hEorpa agus ón gComhairle (2) a chur chun feidhme agus a léirmhíniú.

(2)

An 24 Meán Fómhair 2020, ghlac an Coimisiún Teachtaireacht chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún maidir le Straitéis um Íocaíochtaí Miondíola de chuid an Aontais (3).

(3)

Glactar tionscnaimh éagsúla ar fud na hEorpa chun an margadh a spreagadh i dtreo tuilleadh caighdeánaithe agus tuilleadh nuálaíochta faoi choimirce an Ghrúpa Páirtithe Leasmhara Cártaí, an Bhoird um Íocaíochtaí Miondíola Euro agus na Comhairle Eorpaí um Íocaíochtaí, i measc eagraíochtaí eile. Ag féachaint do na tionscnaimh sin, tá gá fós le fóram foirmiúil le haghaidh páirtithe leasmhara lena bhféadfaí tuairimí a mhalartú ar bhealach struchtúrtha maidir le saincheisteanna a bhaineann leis na forbairtí sin. Is iomchuí, dá bhrí sin, go leanfaidh an Grúpa Saineolaithe ar Mhargadh na gCóras Íocaíochta dá chuid oibre go ceann 5 bliana eile.

(4)

Ba cheart, dá bhrí sin, Cinneadh 2011/C 253/04 an 29 Lúnasa 2011 a leasú dá réir sin,