IARSCRÍBHINN I

DUALGAIS

Is é príomhchúram a bhíonn ar ateangairí comhdhála ateangaireacht bheacht, go teanga oifigiúil de chuid an Aontais Eorpaigh, a dhéanamh ar chaint a dhéantar le linn cruinnithe. Is féidir an ateangaireacht sin a bheith comhuaineach nó leantach. Bíonn réamhstaidéar ar ábhair agus ar théarmaíocht na gcruinnithe ina chuid den obair.

Chun ateangaireacht a dhéanamh mar is ceart, ní mór bheith in ann athrú de réir na gcúinsí (bíonn cruinnithe ann go minic, ar ábhair an-éagsúil agus bíonn an clár ama ag síorathrú), agus bheith in ann fadhbanna atá éagsúil agus ar minic casta iad a thuiscint mar is ceart, athruithe móra sna cúinsí a láimhseáil agus cumarsáid a dhéanamh go héifeachtach. Ní mór duit bheith in ann chuig dianobair rialta, leat féin agus i bhfoireann, agus tú féin a oiriúnú do thimpeallacht oibre ilchultúrtha. Fad is a bheidh tú i mbun oibre caithfidh tú féachaint chuige go dtiocfaidh feabhas ar do chuid scileanna oibre, scileanna teicneolaíocha san áireamh. Lena chois sin, is féidir go n-iarrfar ort cur le do theaglamaí teangacha de réir riachtanais na seirbhíse. Go deimhin, i gcás daoine a earcóidh an Pharlaimint, beidh sin ina riachtanas oibre.

Sna hinstitiúidí uile, bheadh sáreolas ar theangacha seachas na teangacha a iarrtar san fhógra comórtais seo ina bhuntáiste (fiú féin mura bhfuil siad ar theangacha oifigiúla an Aontais Eorpaigh).

Lena chois sin, is féidir go n-iarrfar ar ateangairí atá ina n-oifigigh cáilíocht obair na ngníomhairí atá ina n-ateangairí comhdhála (AIC) a mheas agus cúraimí riaracháin a bhaineann leis an ateangaireacht a dhéanamh.

Is féidir go mbeidh ar an ateangaire comhdhála taisteal go minic chun a chuid oibre a dhéanamh (seachas ateangairí na Cúirte Breithiúnais, a mbeidh a gcuid oibre i Lucsamburg den chuid is mó).

Chun post a fháil sa Chúirt Bhreithiúnais, teastaíonn eolas maith ar an bhFraincis scríofa. Tá sin amhlaidh toisc gur teanga mhórthábhachta oibre í an Fhraincis sa Chúirt Bhreithiúnais, agus dá bhrí sin ní mór eolas maith uirthi a bheith ag éinne ar mian leis a bheith ag obair ann.

Tá tuilleadh eolais ar sheirbhísí ateangaireachta an Aontais Eorpaigh ar fáil ar shuíomh gréasáin na n-institiúidí a mbaineann na seirbhísí sin leo: http://europa.eu/interpretation/index_ga.htm

Deireadh IARSCRÍBHINN I. Cliceáil anseo chun filleadh ar an bpríomhthéacs.

IARSCRÍBHINN II

TEAGLAMAÍ TEANGACHA DO GACH COMÓRTAS, GRÁD AGUS ROGHA:

Is éard is brí leis an téarma “teaglaim teangacha” na teangacha a úsáideann an t-ateangaire agus é i mbun oibre. Tá gach teanga ina “teanga ghníomhach” nó ina “teanga éighníomhach”, agus tugtar teanga de chineál “A”, “B” nó “C” orthu thíos.

Teanga “A”: Do phríomhtheanga (máthairtheanga nó a cothrom), teanga a bhfuil máistreacht agat uirthi agus a ndéanann tú ateangaireacht isteach inti ó na teangacha oibre uile atá agat, go comhuaineach agus go leantach.

Teanga “B”: Teanga a bhfuil eolas fíormhaith agat uirthi, ar a shon nach í do mháthairtheanga í, agus a ndéanann tú ateangaireacht isteach inti ó na teangacha oibre uile atá agat, go comhuaineach agus go leantach.

Teanga “C”: Teanga a ndéanann tú ateangaireacht aisti agus a bhfuil lántuiscint agat uirthi.

EPSO/AD/311/15 – SEICIS (CS) – Grád AD 5

Rogha 1 (A+CC)

Teanga ghníomhach A: Seicis

Teangacha éighníomhacha C:

—	C1: Béarla, Fraincis nó Gearmáinis

—	C2: teanga oifigiúil de chuid an Aontais Eorpaigh (nach í teanga A, teanga C1 ná Slóvaicis í)

Rogha 2 (A+B)

Teanga ghníomhach A: Seicis

Teanga ghníomhach B: Béarla, Fraincis, Gearmáinis, Iodáilis, nó Spáinnis

EPSO/AD/311/15 – SEICIS (CS) – Grád AD 7

Rogha 1 (A+CCC)

Teanga ghníomhach A: Seicis

Teangacha éighníomhacha C:

—	C1: Béarla, Fraincis nó Gearmáinis

—	C2: teanga oifigiúil de chuid an Aontais Eorpaigh (nach í teanga A, teanga C1 ná Slóvaicis í)

—	C3: teanga oifigiúil de chuid an Aontais Eorpaigh (nach í teanga A, teanga C1, C2 ná Slóvaicis í)

Rogha 2 (A+B+C)

Teanga ghníomhach A: Seicis

Teanga ghníomhach B: Béarla, Fraincis, Gearmáinis, Iodáilis nó Spáinnis

Teanga éighníomhach C: teanga oifigiúil de chuid an Aontais Eorpaigh (nach í teanga A, teanga B ná Slóvaicis í)

EPSO/AD/312/15 – CRÓITIS (HR) – Grád AD 5

Rogha 1 (A+CC)

Teanga ghníomhach A: Cróitis

Teangacha éighníomhacha C:

—	C1: Béarla, Fraincis nó Gearmáinis

—	C2: teanga oifigiúil de chuid an Aontais Eorpaigh (nach í teanga A ná teanga C1 í)

Rogha 2 (A+B)

Teanga ghníomhach A: Cróitis

Teanga ghníomhach B: Béarla, Fraincis, Gearmáinis, Iodáilis nó Spáinnis

EPSO/AD/312/15 – CRÓITIS (HR) – Grád AD 7

Rogha 1 (A+CCC)

Teanga ghníomhach A: Cróitis

Teangacha éighníomhacha C:

—	C1: Béarla, Fraincis nó Gearmáinis

—	C2: teanga oifigiúil de chuid an Aontais Eorpaigh (nach í teanga A ná teanga C1 í)

—	C3: teanga oifigiúil de chuid an Aontais Eorpaigh (nach í teanga A, teanga C1 ná teanga C2 í)

Rogha 2 (A+B+C)

Teanga ghníomhach A: Cróitis

Teanga ghníomhach B: Béarla, Fraincis, Gearmáinis, Iodáilis nó Spáinnis

Teanga éighníomhach C: teanga oifigiúil de chuid an Aontais Eorpaigh (nach í teanga A ná teanga B í)

EPSO/AD/313/15 – LIOTUÁINIS (LT) – Grád AD 5

Rogha 1 (A+CC)

Teanga ghníomhach A: Liotuáinis

Teangacha éighníomhacha C:

—	C1: Béarla, Fraincis nó Gearmáinis

—	C2: teanga oifigiúil de chuid an Aontais Eorpaigh (nach í teanga A ná teanga C1 í)

Rogha 2 (A+B)

Teanga ghníomhach A: Liotuáinis

Teanga ghníomhach B: Béarla, Fraincis, Gearmáinis, Iodáilis nó Spáinnis

EPSO/AD/313/15 – LIOTUÁINIS (LT) – Grád AD 7

Rogha 1 (A+CCC)

Teanga ghníomhach A: Liotuáinis

Teangacha éighníomhacha C:

—	C1: Béarla, Fraincis nó Gearmáinis

—	C2: teanga oifigiúil de chuid an Aontais Eorpaigh (nach í teanga A ná teanga C1 í)

—	C3: teanga oifigiúil de chuid an Aontais Eorpaigh (nach í teanga A, teanga C1 ná teanga C2 í)

Rogha 2 (A+B+C)

Teanga ghníomhach A: Liotuáinis

Teanga ghníomhach B: Béarla, Fraincis, Gearmáinis, Iodáilis nó Spáinnis

Teanga éighníomhach C: teanga oifigiúil de chuid an Aontais Eorpaigh (nach í teanga A ná teanga B í)

EPSO/AD/314/15 – MÁLTAIS (MT) – Grád AD 5

Rogha 1 (A+CC)

Teanga ghníomhach A: Máltais

Teangacha éighníomhacha C:

—	C1: Béarla, Fraincis nó Gearmáinis

—	C2: teanga oifigiúil de chuid an Aontais Eorpaigh (nach í teanga A ná teanga C1 í)

Rogha 2 (A+B)

Teanga ghníomhach A: Máltais

Teanga ghníomhach B: Béarla, Fraincis, Gearmáinis, Iodáilis nó Spáinnis

EPSO/AD/314/15 – MÁLTAIS (MT) – Grád AD 7

Rogha 1 (A+CCC)

Teanga ghníomhach A: Máltais

Teangacha éighníomhacha C:

—	C1: Béarla, Fraincis nó Gearmáinis

—	C2: teanga oifigiúil de chuid an Aontais Eorpaigh (nach í teanga A ná teanga C1 í)

—	C3: teanga oifigiúil de chuid an Aontais Eorpaigh (nach í teanga A, teanga C1 ná teanga C2 í)

Rogha 2 (A+B+C)

Teanga ghníomhach A: Máltais

Teanga ghníomhach B: Béarla, Fraincis, Gearmáinis, Iodáilis nó Spáinnis

Teanga éighníomhach C: teanga oifigiúil de chuid an Aontais Eorpaigh (nach í teanga A ná teanga B í)

Deireadh IARSCRÍBHINN II. Cliceáil anseo chun filleadh ar an bpríomhthéacs.

IARSCRÍBHINN III

TEANGACHA

I bhfianaise an bhreithiúnais a thug Cúirt Bhreithiúnais an Aontais Eorpaigh (an Mór-Dhlísheomra) i gCás C-566/10 P, Poblacht na hIodáile v an Coimisiún, is mian le hinstitiúidí an Aontais a shonrú cé na fáthanna a bhfuil na teangacha as ar féidir an dara teanga a roghnú teoranta acu sa chomórtas seo do líon srianta de theangacha oifigiúla an Aontais Eorpaigh.

Dá bhrí sin, cuirtear in iúl do na hiarrthóirí gur roghnaíodh dara teangacha an chomórtais seo de réir riachtanais na seirbhíse, leas a fhágann go gcaithfidh earcaigh nua bheith in ann dul i mbun oibre láithreach agus nach mór é a bheith ar a gcumas cumarsáid éifeachtach a dhéanamh le linn na hoibre laethúla. Ina éagmais sin, bheadh baol ann go gcuirfí bac mór le hobair na n-institiúidí.

Cleachtas seanbhunaithe is ea é an Béarla, an Fhraincis agus an Ghearmáinis a úsáid le haghaidh cumarsáid inmheánach in institiúidí an Aontais Eorpaigh, agus lena chois sin, is iad sin na teangacha is minice a mbíonn gá leo nuair a bhítear ag déanamh cumarsáide leis an saol lasmuigh nó ag láimhseáil cásanna. Ar a bharr sin, is iad an Béarla, an Fhraincis agus an Ghearmáinis na dara teangacha is leitheadaí san Aontas Eorpach agus is iad is mó a ndéantar staidéar orthu mar dhara teangacha. Ós amhlaidh atá, is féidir bheith ag súil faoi láthair le leibhéal áirithe oideachais agus inniúlachtaí gairme a bheith ag iarrthóirí ar na poist in institiúidí an Aontais Eorpaigh, mar atá, sáreolas ar cheann de na teangacha sin ar a laghad. Dá bhrí sin, agus leas na seirbhíse agus riachtanais agus inniúlachtaí na n-iarrthóirí á gcur sa mheá, agus sainréimse an chomórtais seo á chur san áireamh, tá ábhar maith ann trialacha a eagrú sna trí theanga sin chun a chinntiú go mbeidh na hiarrthóirí uile in ann a gcuid oibre a dhéanamh i gceann amháin de na teangacha sin ar a laghad, is cuma cén chéad teanga oifigiúil atá acu. Trí na hinniúlachtaí sonracha a mheas ar an dóigh sin, is féidir le hinstitiúidí an Aontais a meas a thabhairt ar ábaltacht na n-iarrthóirí dul i mbun oibre láithreach i dtimpeallacht atá cosúil leis an timpeallacht ina n-iarrfar orthu bheith ag obair.

Ar na cúiseanna céanna, tá ciall le teangacha cumarsáide idir na hiarrthóirí agus an institiúid a theorannú, teanga na n-iarratas san áireamh. Cinnteoidh sin, leis, go mbeidh an chomparáid a dhéanfar idir na hiarrthóirí agus an tseiceáil a dhéanfar orthu ar bhonn a n-iarratais, go mbeidh siad ar aon dul le chéile.

Ina theannta sin, chun go mbeidh cothrom iomaíochta ann, ní mór do gach iarrthóir, fiú má tá ceann de na trí theanga ina príomhtheanga oifigiúil aige, trialacha áirithe a dhéanamh sa dara teanga aige, agus beidh an dara teanga le roghnú as na trí theanga sin.

Tá na bearta sin gan dochar d’fhoghlaim tríú teanga ina dhiaidh sin i gcomhréir le hAirteagal 45(2) de na Rialacháin Foirne.

Deireadh IARSCRÍBHINN III. Cliceáil anseo chun filleadh ar an bpríomhthéacs.