FÓGRA COMÓRTAIS OSCAILTE

EPSO/AD/304/15 – Dlítheangeolaithe (AD 7) bulgáirise (BG)

EPSO/AD/305/15 – Dlítheangeolaithe (AD 7) spáinnise (ES)

EPSO/AD/306/15 – Dlítheangeolaithe (AD 7) fraincise (FR)

EPSO/AD/307/15 – Dlítheangeolaithe (AD 7) iodáilise (IT)

Ní foláir clárú faoin sprioc-am seo: 23 Meitheamh 2015 ar 12 a chlog (meán lae), am na Bruiséile

Tá an Oifig Eorpach um Roghnú Foirne (EPSO) ag eagrú comórtais oscailte ar bhonn cáilíochtaí agus trialacha chun painéil a thiomsú as a ndéanfaidh an Chúirt Bhreithiúnais i Lucsamburg baill nua den tseirbhís shibhialta a earcú mar “ dhlítheangeolaí ” (grúpa feidhme AD).

Is iad an Fógra Comórtais seo agus na Rialacha Ginearálta maidir le Comórtais Oscailte, arna bhfoilsiú in Iris Oifigiúil an Aontais Eorpaigh C 70 A an 27 Feabhra 2015 (http://eur-lex.europa.eu/legal-content/GA/TXT/?uri=OJ:C:2015:070A:TOC), creat dlí ceangailteach an phróisis roghnúcháin seo.

An líon iarrthóirí atá á lorg don phainéal:

EPSO/AD/304/15 – BG: 10

EPSO/AD/305/15 – ES: 15

EPSO/AD/306/15 – FR: 15

EPSO/AD/307/15 – IT: 12

Baineann an fógra seo le roinnt comórtas agus ní féidir cur isteach ach ar aon cheann amháin acu. Ní mór an rogha a dhéanamh tráth an chlárúcháin ar líne agus ní féidir í a athrú i ndiaidh duit d’iarratas a dhearbhú agus a bhailíochtú ar líne.

DUALGAIS AN PHOIST

Is é cúram ginearálta a bhíonn ar dhlítheangeolaithe na Cúirte Breithiúnais téacsanna dlí a aistriú go teanga an chomórtais, ó dhá theanga oifigiúla eile de chuid an Aontais Eorpaigh ar a laghad, agus anailísiú dlí a dhéanamh i gcomhar le Clárlanna agus le ranna eile na Cúirte Breithiúnais.

Tá tuilleadh eolais in IARSCRÍBHINN I faoi phríomhdhualgais an phoist.

NA COINNÍOLLACHA INCHÁILITHEACHTA

Ní mór d'iarrthóirí na coinníollacha UILE seo a chomhlíonadh nuair a bheidh siad ag bailíochtú a n-iarratais:

CONAS A DHÉANFAR AN ROGHNÚ

1)    An réamhroghnú ar bhonn cáilíochtaí:

I dtús báire, seiceálfar an bhfuil na riachtanais incháilitheachta comhlíonta, trí na sonraí a thug na hiarrthóirí uile ina n-iarratas ar líne a scrúdú. Sa chás go bhfuil an líon iarrthóirí a chomhlíonann na coinníollacha iontrála níos lú ná 20 oiread an lín iarrthóirí atá á lorg don phainéal i ngach comórtas, ní dhéanfar réamhroghnú ar bhonn cáilíochtaí agus tabharfar cuireadh do na hiarrthóirí incháilithe uile na réamhthrialacha a dhéanamh.

Sa chás go bhfuil an líon iarrthóirí a chomhlíonann na coinníollacha iontrála cothrom le 20 oiread an lín iarrthóirí atá á lorg don phainéal, nó níos mó ná a 20 oiread , déanfaidh an bord roghnúcháin scrúdú ar iarratas na n-iarrthóirí incháilithe uile a bhailíochtaigh a n-iarratas roimh an spriocam.

Is ar bhonn na faisnéise a thug na hiarrthóirí faoin gclib “an scagthóir buanna” (DE: Talentfilter, EN: talent screener, FR: évaluateur de talent) san fhoirm iarratais a dhéanfar an roghnú ar bhonn cáilíochtaí. Tabharfaidh an bord roghnúcháin ualú (ó 1 go dtí 3) do gach critéar roghnúcháin, ualú a léireoidh a thábhacht le hais critéar eile, agus tabharfar idir 0 pointe agus 4 phointe do gach freagra a thug an t-iarrthóir.

Ansin, déanfaidh an bord roghnúcháin na pointí a iolrú faoin ualú atá ag gach critéar, agus suimeoidh siad iad chun na hiarrthóirí a shainaithint is fearr a n-oireann a bpróifíl do dhualgais an phoist. Má ghnóthaíonn tú marc sa réamhroghnú ar bhonn cáilíochtaí atá ar cheann de na marcanna iomlána is airde , tabharfar cuireadh duit na réamhthrialacha a dhéanamh.

Tá an liosta critéar in IARSCRÍBHINN IV.

2)    Na réamhthrialacha: aistriúcháin

Fiche oiread, ar a mhéad, an lín iarrthóirí atá á lorg don phainéal i ngach comórtas, sin é an líon iarrthóirí a dtabharfar cuireadh dóibh páirt a ghlacadh sa chéim seo den chomórtas. Na hiarrthóirí a dtabharfar cuireadh dóibh na réamhthrialacha a dhéanamh, déanfaidh siad dhá thriail aistriúcháin ar ríomhaire, gan foclóir :

Mairfidh gach triail 110 nóiméad agus marcálfar gach ceann acu as 80 pointe (40 pointe an pasmharc). Má theipeann ort i dtriail (a), ní mharcálfar triail (b) agat.

Na marcanna a ghnóthófar sna trialacha sin, in éindí leis na marcanna a ghnóthófar le linn Chéim an Mheasúnaithe, beidh siad ina gcuid den mharc deiridh.

3)    Céim an Mheasúnaithe

Ceithre oiread go leith, ar a mhéad, an lín iarrthóirí atá á lorg don phainéal i ngach comórtas, sin é an líon iarrthóirí a dtabharfar cuireadh dóibh páirt a ghlacadh sa chéim seo den chomórtas. Má tá an marc a ghnóthaigh tú sna réamhthrialacha tú ar cheann de na marcanna foriomlána is airde , tabharfar cuireadh duit páirt a ghlacadh i gCéim an Mheasúnaithe. Mairfidh an chéim sin lá go leith, agus is é is dóichí gur i Lucsamburg a bheidh sí ar siúl. Is sa teanga a roghnaigh tú mar theanga 1 a bheidh na trialacha.

Is éard a bheidh i gCéim an Mheasúnaithe sraith de thrialacha ilroghnacha ar ríomhaire agus de thrialacha inniúlachtaí faoi mar atá léirithe thíos:

Aon phointe amháin a bheidh ag dul le gach ceist agus is as 40 a dhéanfar na trialacha uile le chéile a mharcáil. Beidh na marcanna a ghnóthófar sna trialacha ina gcuid den mharc deiridh.

Le linn Chéim an Mheasúnaithe, déanfar measúnú ar ocht n-inniúlacht ghinearálta agus ar inniúlachtaí sonracha an chomórtais seo. Déanfar sin le trí thriail (agallamh ar bhonn na n-inniúlachtaí ginearálta, agallamh ar bhonn na n-inniúlachtaí sonracha agus gníomhaíocht i ngrúpa), faoi mar atá léirithe sa tábla thíos:

Déanfar na marcanna a ghnóthófar sa triail aistriúcháin a chur leis na marcanna a ghnóthófar le linn Chéim an Mheasúnaithe chun teacht ar mharc iomlán gach iarrthóra.

4)    An painéal

I ndiaidh doiciméid tacaíochta na n-iarrthóirí a sheiceáil, tiomsóidh an bord roghnúcháin painéal , do gach comórtas, de na hiarrthóirí incháilithe a bhfuil na marcanna is airde acu i ndiaidh Chéim an Measúnaithe, go dtí go sroichfear an líon iarrthóirí atá á lorg don phainéal. Is in ord aibítre a bheidh na hainmneacha ar an bpainéal.

CATHAIN IARRATAS A DHÉANAMH AGUS CONAS É A DHÉANAMH

Is féidir iarratas a dhéanamh ar shuíomh gréasáin EPSO http://jobs.eu careers.eu, faoin sprioc-am seo:

23 Meitheamh 2015 ar 12 a chlog (meán lae), am na Bruiséile