An Córas Faisnéise Eorpach um Thaifid Choiriúla — faisnéis faoi chiontuithe náisiúnach tríú tír (ECRIS-TCN)

ACHOIMRE AR:

Rialachán (AE) 2019/816 lena mbunaítear córas láraithe leis na Ballstáit a shainaithint ag a bhfuil faisnéis faoi chiontuithe náisiúnach tríú tír agus daoine gan stát (ECRIS-TCN)

CAD IS AIDHM LEIS AN RIALACHÁN?

Bunaítear leis:
- ECRIS-TCN (an Córas Eorpach Faisnéise um Thaifid Choiriúla — náisiúnaigh tríú tír) — córas chun Ballstáit an Aontais Eorpaigh (AE) a shainaithint ag a bhfuil faisnéis faoi chiontuithe arna ndéanamh roimhe sin ag náisiúnaigh “tríú tír” (neamh-AE) agus daoine gan stát;
- na coinníollacha faoina bhféadfaidh údaráis náisiúnta ECRIS-TCN a rochtain chun faisnéis a fháil faoi chiontuithe arna ndéanamh roimhe sin tríd an gCóras Eorpach um Fhaisnéis um Thaifid Choiriúla (ECRIS) (Cinneadh Réime 2009/315/CGB — féach achoimre), agus na coinníollacha faoina bhféadfaidh Oifig an Ionchúisitheora Phoiblí Eorpaigh (OIPE), Gníomhaireacht an Aontais Eorpaigh um Chomhar Ceartais Choiriúil (Eurojust) agus Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) an córas a úsáid;
- na téarmaí faoina gcabhraíonn ECRIS-TCN le ceart-sainaithint daoine atá cláraithe in ECRIS-TCN a éascú agus cuidiú leis an gceart-sainaithint sin a dhéanamh (faoi leasú Rialachán (AE) 2019/818, lena mbunaítear creat le haghaidh idir-inoibritheacht idir córais faisnéise an Aontais Eorpaigh i réimsí an chomhair póilíneachta agus an chomhair bhreithiúnaigh, an tearmainn agus na himirce — féach an achoimre);
- na coinníollacha faoina bhféadfar sonraí in ECRIS-TCN a úsáid ag údaráis ainmnithe an chórais faisnéise víosaí (VIS) faoi Rialachán (CE) Uimh. 767/2008 (féach achoimre) chun a mheas an bhféadfadh iarratasóir ar víosa, ar víosa fadfhanachta nó ar chead cónaithe a bheith ina bhagairt don bheartas poiblí nó don tslándáil inmheánach (lena leasaítear Rialachán (AE) 2021/1133);
- na coinníollacha faoina bhféadfaidh Láraonad an Chórais Eorpaigh um Fhaisnéis agus Údarú Taistil (ETIAS), a bunaíodh laistigh den Ghníomhaireacht Eorpach um an nGarda Teorann agus Cósta faoi Rialachán (AE) 2018/1240, sonraí in ECRIS-TCN a úsáid chun tacú le cuspóir ETIAS cur le hardleibhéal slándála trí fhoráil a dhéanamh maidir le measúnú críochnúil ar riosca slándála na n-iarratasóirí, sula dtiocfaidh siad chuig pointí trasnaithe teorann seachtraí, chun a chinneadh an bhfuil táscairí fíorasacha, nó forais réasúnacha ann atá bunaithe ar tháscairí fíorasacha, lena chinneadh go bhfuil riosca slándála ann de dheasca an duine a bheith ar chríoch na mBallstát (lena leasaítear Rialachán (AE) 2021/1151).

PRÍOMHPHOINTÍ

Tá feidhm ag an reachtaíocht maidir le próiseáil faisnéise céannachta náisiúnach neamh-AE le ciontuithe* roimhe sin roimhe seo i gceann de na Ballstáit, lena chinneadh cén Ballstát inar tugadh an phianbhreith. Tá feidhm aige maidir le saoránaigh de chuid an Aontais a bhfuil náisiúntacht tríú tír acu freisin. Ní féidir faisnéis faoin gciontú féin a fháil ach ón mBallstát ciontaitheach a úsáideann ECRIS.

Is é a leanas a bheidh in ailtireacht theicniúil ECRIS-TCN:

córas lárnach atá á óstáil ag Gníomhaireacht an Aontais Eorpaigh chun Bainistiú Oibríochtúil a dhéanamh ar Chórais Mhórscála TF sa Limistéar Saoirse, Slándála agus Ceartais (eu-LISA);
an stóras coiteann sonraí céannachta;
lárphointe rochtana náisiúnta i ngach Ballstát;
bogearraí comhéadain a chuireann ar chumas údarás ceangal leis an lárchóras;
bonneagar cumarsáide idir an lárchóras agus na lárphointí rochtana náisiúnta.

Le gníomh cur chun feidhme, Cinneadh Cur Chun Feidhme (AE) 2022/2470 ón gCoimisiún, leagtar síos na bearta is gá chun ECRIS-TCN a fhorbairt agus a chur chun feidhme go teicniúil. Leagtar amach ann na sonraíochtaí chun sonraí alfa-uimhriúla agus méarloirg a phróiseáil, cáilíocht sonraí, na sonraí a iontráil, ECRIS-TCN a rochtain agus a chuardach, logaí a choinneáil agus a rochtain agus staidreamh a sholáthar, mar aon le ceanglais feidhmíochta agus infhaighteachta ECRIS-TCN.

Údaráis lárnacha* náisiúnta ní mór dóibh taifead sonraí a chruthú in ECRIS-TCN a luaithe is féidir do gach náisiúnach neamh-AE a chiontaíonn siad. Cuimsítear an méid a leanas ann sin:

ainmneacha teaghlaigh agus céadainmneacha, dáta breithe agus áit bhreithe, náisiúntacht (nó náisiúntachtaí), inscne, ainmneacha roimhe sin más infheidhme agus cód an Bhallstáit chiontaithigh;
má tá siad ar fáil, ainmneacha na dtuismitheoirí, sonraí faoi dhoiciméid aitheantais ainmneacha bréige nó ailiasanna;
sonraí méarloirg a bhailítear de réir an dlí náisiúnta agus a shásaíonn sonraíochtaí teicniúla áirithe;
íomhánna den aghaidh, má cheadaítear sin faoi dhlí náisiúnta an Bhallstáit chiontaithigh;
bratach lena léirítear gur ciontaíodh an náisiúnach neamh-AE lena mbaineann i gcion sceimhlitheoireachta sna 25 bliana roimhe sin, nó le linn na 15 bliana roimhe sin in aon chion coiriúil eile a liostaítear san Iarscríbhinn a ghabhann le Rialachán (AE) 2018/1240 má tá sé inphionóis le pianbhreith choimeádta nó le hordú coinneála ar feadh uastréimhse 3 bliana ar a laghad faoin dlí náisiúnta, lena n-áirítear cód an Bhallstáit chiontaithigh.

Féadfaidh na húdaráis lárnacha náisiúnta ECRIS-TCN a úsáid chun an Ballstát ag a bhfuil faisnéis taifid choiriúil faoi náisiúnach neamh-AE a shainaithint, chun faisnéis a fháil ina dhiaidh sin faoi chiontuithe duine aonair roimhe sin trí ECRIS, nuair is gá sin chun críocha imeachtaí coiriúla i gcoinne an duine aonair sin nó chun:

taifead coiriúil pearsanta duine a sheiceáil arna hiarraidh sin dó nó di;
imréiteach slándála a fháil;
ceadúnú nó ceadúnas a fháil;
grinnfhiosrúchán fostaíochta a dhéanamh;
gníomhaíochtaí deonacha lena mbaineann teagmháil dhíreach agus rialta le leanaí nó le daoine leochaileacha;
nósanna imeachta víosa, nósanna imeachta maidir le saoránacht a fháil agus nósanna imeachta imirce, lena n-áirítear nósanna imeachta tearmainn;
seiceálacha a dhéanamh i ndáil le conarthaí poiblí agus scrúduithe poiblí.

Maidir leis an OIPE, Eurojust and Europol:

féadfaidh sé ECRIS-TCN a rochtain go díreach chun an Ballstát ag a bhfuil faisnéis taifid choiriúil faoi náisiúnach neamh-AE a shainaithint;
ní fhéadfaidh siad aon sonraí in ECRIS-TCN a iontráil, a cheartú nó a scriosadh;
féadfaidh siad faisnéis faoi thaifid choiriúla a iarraidh ón mBallstát lena mbaineann i gcás go dtiocfar ar amas* trína mbealaí féin;
tá siad freagrach as a naisc theicniúla le ECRIS-TCN;
oiliúint iomchuí a chur ar fáil don fhoireann, go háirithe maidir le slándáil sonraí, cosaint sonraí agus cearta bunúsacha.

Féadfaidh tíortha nach bhfuil san AE agus eagraíochtaí idirnáisiúnta faisnéis a iarraidh ar Eurojust maidir le cé na Ballstáit a bhféadfaidh taifid choiriúla a bheith acu ar náisiúnach neamh-AE lena mbaineann, chun críocha imeachtaí coiriúla amháin. Má bhíonn amas ann, agus má thoilíonn an Ballstát lena mbaineann, cuirfidh Eurojust an tír nach bhfuil san Aontas nó an eagraíocht idirnáisiúnta lena mbaineann ar an eolas, ionas go bhféadfaidh siad iarraidh ar an mBallstát sin sleachta ábhartha as na taifid choiriúla a iarraidh.

Maidir le sonraí:

stóráiltear iad sa lárchóras chomh fada agus a choimeádtar iad sna taifid choiriúla náisiúnta;
scriosann údaráis náisiúnta iad nuair a théann an tréimhse choinneála náisiúnta in éag;
féadfaidh na Ballstáit a d’iontráil iad sa lárchóras nó sa stóras coiteann sonraí céannachta iad a mhodhnú nó a léirscriosadh;
ní fhéadfar iad a phróiseáil ach chun na Ballstáit a bhfuil faisnéis faoi thaifead coiriúil acu de náisiúnaigh neamh–AE a shainaithint.

Tá eu-LISA freagrach as:

ECRIS-TCN a fhorbairt, a bhainistíocht oibríochtúil agus cur chun feidhme thagairt ECRIS*;
maoirseacht a dhéanamh ar an mbonneagar cumarsáide, lena n–áirítear a shlándáil;
nósanna imeachta a choimeád chun seiceálacha cáilíochta a dhéanamh ar shonraí atá stóráilte in ECRIS-TCN agus faireachán a dhéanamh ar a bhfeidhmiú agus ar a gcothabháil theicniúil;
tuarascálacha rialta a chur faoi bhráid Pharlaimint na hEorpa, Chomhairle an Aontais Eorpaigh agus an Choimisiúin Eorpaigh;
an oiliúint theicniúil riachtanach a sholáthar;
rialacha iomchuí rúndachta gairmiúla agus rúndachta a chur i bhfeidhm;
na bearta riachtanacha a ghlacadh chun slándáil ECRIS-TCN a chinntiú;
gach oibríocht próiseála sonraí in ECRIS-TCN a logáil;
staidreamh míosúil a sholáthar don Choimisiún maidir le taifeadadh, stóráil agus malartú faisnéise arna baint as taifid choiriúla trí ECRIS-TCN agus trí na bogearraí tagartha do chur chun feidhme ECRIS.

Tá na Ballstáit freagrach as an méid seo a leanas:

nasc slán idir a mbunachair sonraí náisiúnta de thaifid choiriúla agus de mhéarloirg agus an lárphointe rochtana náisiúnta;
bainistíocht comhaltaí foirne cuí–údaraithe na n–údarás lárnach agus a gcuid oiliúna;
próiseáil dhleathach sonraí atá ar taifead in ECRIS-TCN agus, go háirithe, an méid seo a leanas a áirithiú:
- nach bhfuil rochtain ach ag baill foirne údaraithe ar na sonraí,
- go ndéantar na sonraí a bhailiú agus a iontráil in ECRIS-TCN go dleathach, agus dínit agus cearta bunúsacha náisiúnach nach náisiúnaigh de chuid an Aontais iad á n-urramú, agus
- go mbeidh an fhaisnéis cruinn agus cothrom le dáta nuair a iontrálfar in ECRIS-TCN í;
tá gach údarás lárnach ag glacadh na mbeart is gá chun an reachtaíocht a chomhlíonadh;
déanann údaráis mhaoirseachta náisiúnta faireachán ar dhlíthiúlacht phróiseáil sonraí pearsanta.

Féadfaidh duine aonair nó Ballstát ar bhain damáiste dó nó di mar thoradh ar iompar nach bhfuil ag luí leis an rialachán cúiteamh a fháil ó:

an Ballstát tá freagrach as an damáiste;
eu-LISA murar chomhlíon an ghníomhaireacht a cuid oibleagáidí.

Féadfaidh náisiúnaigh neamh–AE teagmháil a dhéanamh le húdarás lárnach de chuid Ballstáit chun rochtain ar a sonraí pearsanta, a gceartú, a scriosadh nó a srianadh ar a n–úsáid a iarraidh.

Tá feidhm ag pionóis nó bearta araíonachta maidir le haon mhí–úsáid sonraí a iontráiltear in ECRIS-TCN.

Déanann an Maoirseoir Eorpach ar Chosaint Sonraí faireachán ar ghníomhaíochtaí próiseála sonraí pearsanta eu-LISA agus déanann sé iniúchadh gach 3 bliana ar a laghad don Pharlaimint, don Chomhairle agus don Choimisiún.

CÉN UAIR ATÁ TOSACH FEIDHME AN RIALACHÁIN?

Tá feidhm ag Rialachán (AE) 2019/816 ón 11 Meitheamh 2019.
Tá feidhm ag Rialachán leasaitheach (AE) 2021/1151 ón 03 Lúnasa 2021.
Beidh feidhm ag Rialachán Leasaitheach (AE) 2021/1133 ó dháta thús feidhme VIS de bhun Airteagal 11 de Rialachán (AE) 2021/1134. Luaitear san Airteagal sin, tráth nach déanaí ná an 31 Nollaig 2023, go nglacfaidh an Coimisiún cinneadh trí bhíthin gníomh cur chun feidhme lena socrófar an dáta a gcuirfear tús le hoibríochtaí VIS.
Ní mór do na Ballstáit na bearta is gá a dhéanamh chun cloí leis a luaithe is féidir chun feidhmiú ceart ECRIS-TCN a áirithiú.
Caithfidh an Coimisiún a bheith sásta go gcomhlíontar coinníollacha áirithe sula gcinntear an dáta óna bhféadfaidh na Ballstáit tosú ag iontráil sonraí in ECRIS TCN. Tar éis do eu-LISA na tástálacha teicniúla deiridh a dhéanamh, cinnfidh an Coimisiún cathain a thosóidh an córas ag feidhmiú.

CÚLRA

Le haghaidh tuilleadh faisnéise, féach:

Córas Faisnéise Eorpach um Thaifid Choiriúla (ECRIS) (An Coimisiún Eorpach).

PRÍOMHTHÉARMAÍ

Ciontú. Aon chinneadh críochnaitheach ó chúirt choiriúil i gcoinne duine aonair agus a iontráladh sna taifid choiriúla.

Údarás lárnach. Údarás náisiúnta um thaifid choiriúla arna ainmniú i gcomhréir le hAirteagal 3(1) de Chinneadh Réime 2009/315/CGB.

Amas. Meaitseáil idir an fhaisnéis chéannachta atá taifeadta sa lárchóras agus an fhaisnéis a úsáideadh chun cuardach a dhéanamh.

Cur chun feidhme thagairt ECRIS. Bogearraí arna bhforbairt ag an gCoimisiún agus arna gcur ar fáil do na Ballstáit chun sonraí taifid choiriúla a mhalartú trí ECRIS.

PRÍOMHDHOICIMÉAD

Rialachán (AE) 2019/816 ó Pharlaimint na hEorpa agus ón gComhairle an 17 Aibreán 2019 lena mbunaítear córas láraithe leis na Ballstáit a shainaithint ag a bhfuil faisnéis faoi chiontuithe náisiúnach tríú tír agus daoine gan stát (ECRIS-TCN) chun an Córas Faisnéise Eorpach um Thaifid Choiriúla a fhorlíonadh agus lena leasaítear Rialachán (AE) 2018/1726 (IO L 135, 22.5.2019, lgh. 1–26).

Ionchorpraíodh sa bhuntéacs leasuithe i ndiaidh a chéile ar Rialachán (AE) 2019/816. Níl de luach ar an leagan comhdhlúite seo ach luach doiciméadach amháin.

DOICIMÉID GHAOLMHARA

Cinneadh Cur Chun Feidhme (AE) 2022/2470 ón gCoimisiún an 14 Nollaig 2022 lena leagtar síos na bearta is gá le haghaidh forbairt agus cur chun feidhme teicniúil an chórais láraithe leis na Ballstáit a shainaithint ag a bhfuil faisnéis faoi chiontuithe náisiúnach tríú tír agus daoine gan stát (ECRIS-TCN) (IO L 322, 16.12.2022, lgh. 107–121).

Rialachán (AE) 2021/1133 ó Pharlaimint na hEorpa agus ón gComhairle an 7 Iúil 2021 lena leasaítear Rialacháin (AE) Uimh. 603/2013, (AE) 2016/794, (AE) 2018/1862, (AE) 2019/816 agus (AE) 2019/818 a mhéid a bhaineann leis na coinníollacha a bhunú chun rochtain a fháil ar chórais faisnéise AE eile chun críocha an Chórais Faisnéise Víosaí (IO L 248, 13.7.2021, lgh. 1–10).

Rialachán (AE) 2019/818 ó Pharlaimint na hEorpa agus ón gComhairle an 20 Bealtaine 2019 lena mbunaítear creat idir–inoibritheachta idir córais faisnéise AE i réimse na bpóilíní agus an chomhair bhreithiúnaigh, an tearmainn agus na himirce agus lena leasaítear Rialachán (AE) Uimh. 2018/1726, Rialachán (AE) Uimh. 2018/1862, Rialachán (AE) 2019/816 (IO L 135, 22.5.2019, lgh. 85–135).

Féach an leagan comhdhlúite.

Rialachán (AE) 2018/1727 ó Pharlaimint na hEorpa agus ón gComhairle an 14 Samhain 2018 maidir le Gníomhaireacht an Aontais Eorpaigh um Chomhar Ceartais Choiriúil (Eurojust), agus lena n–aisghairtear Cinneadh 2002/187/CGB ón gComhairle agus a ghabhann in ionad an Chinnidh sin (IO L 295, 21.11.2018, lgh. 138–183).

Féach an leagan comhdhlúite.

Rialachán (AE) 2018/1726 ó Pharlaimint na hEorpa agus ón gComhairle an 14 Samhain 2018 maidir le Gníomhaireacht an Aontais Eorpaigh chun Bainistiú Oibríochtúil a dhéanamh ar Chórais Mhórscála TF sa Limistéar Saoirse, Slándála agus Ceartais (eu-LISA), agus lena leasaítear Rialachán (CE) Uimh. 1987/2006 agus Cinneadh 2007/533/CGB ón gComhairle agus lena n–aisghairtear Rialachán (AE) Uimh. 1077/2011 (IO L 295, 21.11.2018, lgh. 99–137).

Féach an leagan comhdhlúite.

Rialachán (AE) Uimh. 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin agus lena n–aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lgh. 39–98).

Rialachán (AE) 2018/1240 ó Pharlaimint na hEorpa agus ón gComhairle an 12 Meán Fómhair 2018 lena mbunaítear Córas Eorpach um Fhaisnéis agus Údarú Taistil (ETIAS) agus lena leasaítear Rialachán (AE) Uimh. 1077/2011, Rialachán (AE) Uimh. 515/2014, Rialachán (AE) 2016/399, Rialachán (AE) 2016/1624 agus Rialachán (AE) 2017/2226 (IO L 236, 19.9.2018, lgh. 1–71).

Féach an leagan comhdhlúite.

Rialachán (AE) Uimh. 2017/1939 ón gComhairle an 12 Deireadh Fómhair 2017 lena gcuirtear chun feidhme comhar feabhsaithe maidir le bunú Oifig an Ionchúisitheora Phoiblí Eorpaigh (“OIPE”) (IO L 283, 31.10.2017, lgh. 1–71).

Féach an leagan comhdhlúite.

Rialachán (AE) 2016/794 ó Pharlaimint na hEorpa agus ón gComhairle an 11 Bealtaine 2016 maidir le Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) lena n–aisghairtear Cinntí 2009/371/CGB, 2009/934/CGB, 2009/935/CGB, 2009/936/CGB agus 2009/968/CGB ón gComhairle agus a ghabhann ionad na gCinntí sin (IO L 135, 24.5.2016, lgh. 53–114).

Féach an leagan comhdhlúite.

Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n–aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lgh. 1–88).

Féach an leagan comhdhlúite.

Treoir (AE) 2016/680 ó Pharlaimint na hEorpa agus ón gComhairle an 27 Aibreán 2016 i ndáil le cosaint daoine nádúrtha maidir le próiseáil sonraí pearsanta ag údaráis inniúla chun cionta coiriúla a chosc, a imscrúdú, a bhrath nó a ionchúiseamh nó chun pionóis choiriúla a fhorghníomhú, agus saorghluaiseacht sonraí den sórt sin, agus lena n–aisghairtear Cinneadh Réime 2008/977/CGB ón gComhairle (IO L 119, 4.5.2016, lgh. 89–131).

Féach an leagan comhdhlúite.

Cinneadh Réime 2009/315/CGB ón gComhairle an 26 Feabhra 2009 maidir le heagrú agus le hábhar an mhalartaithe faisnéise a bhaintear as an taifead coiriúil idir na Ballstáit (IO L 93, 7.4.2009, lgh. 23–32).

Féach an leagan comhdhlúite.

Rialachán (CE) Uimh. 767/2008 ó Pharlaimint na hEorpa agus ón gComhairle an 9 Iúil 2008 maidir leis an gCóras Faisnéise Víosaí (VIS) agus maidir le sonraí ar víosaí gearrfhanachta a mhalartú idir Ballstáit (Rialachán VIS) (IO L 218, 13.8.2008, lgh. 60–81).

Féach an leagan comhdhlúite.

Nuashonraithe 10.05.2023