Rialachas an aontais fuinnimh

ACHOIMRE AR:

Rialachán (AE) 2018/1999 maidir le Rialachas an aontais fuinnimh agus gníomhú ar son na haeráide

CAD IS AIDHM LEIS AN RIALACHÁN?

Is é is aidhm leis a áirithiú go gcuirfear Straitéis ar Aontas Fuinnimh an Aontais Eorpaigh (AE) chun feidhme ar bhealach comhordaithe agus comhtháite sna cúig ghné atá mar chuid di.
Ar bhonn níos leithne, tá sé mar aidhm leis a áirithiú go mbainfidh an tAontas Fuinnimh a chuspóirí amach, go háirithe na spriocanna a leagadh amach mar chuid den chreat beartais um an aeráid agus fuinneamh 2030 agus de Chomhaontú Pháras ar an athrú aeráide.

PRÍOMHPHOINTÍ

Baineann cúig ghné le Straitéis an Aontais Fuinnimh:

Baineann roinnt príomhghnéithe leis an rialachán seo.

Ceanglaítear leis ar Bhallstáit AE:
- plean comhtháite ar an bhfuinneamh agus ar an aeráid don tréimhse 2021 go 2030 a chur ar fáil faoin 31 Nollaig 2019, agus faoin 1 Eanáir 2029 ina dhiaidh sin agus gach10 mbliana ina dhiaidh sin;
- straitéisí fadtéarmacha ar astaíochtaí ísle lena mbaineann dearcadh 50 bliain a ullmhú agus a chur faoi bhráid an Choimisiúin, d’fhonn cur le spriocanna forbartha inbhuanaithe níos leithne agus leis an sprioc fhadtéarmach atá leagtha amach i gComhaontú Pháras;
- tuarascálacha débhliantúla ar dhul chun cinn a sholáthar i leith cur chun feidhme na bpleananna, chun dul chun cinn a rianú thar na cúig ghné den aontas fuinnimh ón 15 Márta 2023 ar aghaidh.
bunaítear leis próiseas comhairliúcháin leantach idir an Coimisiún Eorpach agus a Bhallstáit, agus cothaítear leis comhar réigiúnach idir na Ballstáit, go háirithe sula dtabharfar na pleananna chun críche, agus gach 10 mbliana ansin le haghaidh na dtréimhsí 10 mbliana ina dhiaidh sin. Don tréimhse 2021-2030, caithfear na pleananna a nuashonrú faoin 30 Meitheamh 2024.
Ceanglaítear leis ar an gCoimisiún monatóireacht agus measúnú a dhéanamh ar an dul chun cinn a dhéantar sna Ballstáit maidir leis na spriocanna, na cuspóirí agus an rannchuidiú atá leagtha amach ina bpleananna náisiúnta.
leagtar amach ann na ceanglais maidir le córais fhardail náisiúnta agus AE d’astaíochtaí gás ceaptha teasa, beartais, beart agus réamh-mheastachán.

Rialachán leasaitheach

Le Rialachán (AE) 2021/1119, da ngairtear an Dlí Aeráide Eorpach, leasaítear Rialachán (AE) 2018/1999. Déantar foráil i leith sprioc cheangailteach AE um ghlanlaghdú intíre 55% ar a laghad ar astaíochtaí gás ceaptha teasa (i gcomparáid le leibhéil 1990) faoi 2030, agus gealltar ann sprioc aeráide a leagan síos do 2040 laistigh de 6 mhí ón gcéad athbhreithniú domhanda faoi Chomhaontú Pháras.

Gníomhartha tarmligthe

Tá sé de chumhacht ag an gCoimisiún gníomhartha tarmligthe a ghlacadh chun teimpléad na bpleananna náisiúnta fuinnimh agus aeráide a oiriúnú do leasuithe ar chreat beartais fuinnimh agus aeráide an Aontais, a bhainteach go díreach agus go sonrach le rannchuidiú Creat–Choinbhinsiún na Náisiún Aontaithe ar an Athrú Aeráide agus faoi Chomhaontú Pháras.
Tá sé de chumhacht acu freisin gníomhartha tarmligthe a ghlacadh chun an acmhainneacht téite dhomhanda agus treoirlínte fardail a comhaontaíodh go hidirnáisiúnta a chur san áireamh, chun ceanglais shubstainteacha a leagan síos le haghaidh chóras fardail an Aontais Eorpaigh agus chun na clárlanna a chur ar bun.
Le Rialachán Tarmligthe (AE) 2020/1044 forlíontar Rialachán (AE) 2018/1999 maidir le luachanna acmhainneachta téite domhanda agus na treoirlínte fardail maidir le gáis cheaptha teasa, agus maidir le córas fardail an Aontais Eorpaigh:
- Aisghairtear leis freisin Rialachán Tarmligthe (AE) Uimh. 666/2014 ón 1 Eanáir 2021;
- tá feidhm aige maidir le tuarascálacha arna dtíolacadh ag na Ballstáit ó 2021 ar aghaidh;
- Úsáidfidh na Ballstáit agus an Coimisiún an acmhainneacht téite domhanda atá liostaithe in Iarscríbhinn I chun críche sonraí fardail maidir le gáis cheaptha teasa a chinneadh agus a thuairisciú.

Gníomhartha cur chun feidhme

Ghlac an Coimisiún dhá ghníomh cur chun feidhme:

Rialachán Cur Chun Feidhme (AE) 2020/1208 maidir le struchtúr, formáid, próisis tíolactha agus athbhreithniú na faisnéise a thuairiscíonn na Ballstáit i gcomhréir le Rialachán (AE) 2018/1999; agus
Rialachán Cur Chun Feidhme (AE) 2020/1294 maidir le sásra maoiniúcháin an Aontais Eorpaigh don fhuinneamh in–athnuaite.

Aisghairm

Aisghairtear leis an rialachán Rialachán (AE) Uimh. 525/2013 maidir le sásra chun faireachán agus tuairisciú a dhéanamh ar astaíochtaí gás ceaptha teasa.

CÉN UAIR ATÁ TOSACH FEIDHME AN RIALACHÁIN?

Tá sé i bhfeidhm ón 24 Nollaig 2018.

CÚLRA

Le haghaidh tuilleadh faisnéise, féach:

Éifeachtúlacht fuinnimh (An Coimisiún Eorpach).

PRÍOMHDHOICIMÉAD

Rialachán (AE) Uimh. 2018/1999 ó Pharlaimint na hEorpa agus ón gComhairle an 11 Nollaig 2018 maidir le Rialachas an Aontais Fhuinnimh agus Gníomhaithe ar son na hAeráide, lena leasaítear Rialachán (CE) Uimh. 663/2009 agus Rialachán (CE) Uimh. 715/2009 ó Pharlaimint na hEorpa agus ón gComhairle, agus Treoir 94/22/CE, 98/70/CE, 2009/31/CE, 2009/73/CE, 2010/31/AE, 2012/27/AE agus 2013/30/AE ó Pharlaimint na hEorpa agus ón gComhairle, Rialachán 2009/119/CE agus Rialachán (AE) 2015/652 ón gComhairle agus lena n–aisghairtear Rialachán (AE) Uimh. 525/2013 ó Pharlaimint na hEorpa agus ón gComhairle (IO L 328, 21.12.2018, lgh. 1–77).

Rinneadh leasuithe comhleanúnacha ar Rialachán (AE) Uimh. 2018/1999 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

DOICIMÉID GHAOLMHARA

Rialachán Tarmligthe (AE) 2020/1294 ón gCoimisiún an 15 Meán Fómhair 2020 maidir le sásra maoiniúcháin an Aontais don fhuinneamh in–athnuaite (IO L 303, 17.9.2020, lgh. 1-17).

Rialachán cur chun Feidhme (AE) Uimh. 2020/1208 ón gCoimisiún an 7 Lúnasa 2020 maidir le struchtúr, formáid, próisis tíolactha agus athbhreithniú faisnéise arna tuairisciú ag na Ballstáit de bhun Rialachán (AE) Uimh. 2018/1999 ó Pharlaimint na hEorpa agus ón gComhairle agus lena n–aisghairtear Rialachán Cur Chun Feidhme (AE) Uimh. 749/2014 (IO L 278, 26.8.2020, lgh. 1–132).

Rialachán Tarmligthe (AE) 2020/1044 ón gCoimisiúin an 8 Bealtaine 2020 lena bhforlíontar Rialachán (AE) 2018/1999 ó Pharlaimint na hEorpa agus ón gComhairle maidir le luachanna i ndáil le hacmhainneacht téite domhanda agus treoirlínte an fhardail agus maidir le córas fardail an Aontais agus lena n–aisghairtear Rialachán Tarmligthe (AE) Uimh. 666/2014 ón gCoimisiún (IO L 230, 17.7.2020, lgh. 1–6).

Cinneadh (AE) 2016/1841 ón gComhairle an 5 Deireadh Fómhair 2016 maidir le tabhairt i gcrích, thar ceann an Aontais Eorpaigh, Chomhaontú Pháras arna ghlacadh faoi Creat-Choinbhinsiún na Náisiún Aontaithe maidir leis an Athrú Aeráide (IO L 282, 19.10.2016, lgh. 1–3).

Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún: Creat beartais um an aeráid agus fuinneamh don tréimhse 2020 agus 2030 (COM(2014) 15 final, 28.1.2014).

Nuashonraithe 18.12.2021