Córais chliste iompair a úsáid san Eoraip

PRÍOMHPHOINTÍ

Cumhdaítear réimse leathan seirbhísí faoi CCIanna

Tá feidhm ag an treoir seo maidir le feidhmchláir agus seirbhísí CCI in earnáil iompair de bhóthar an Aontais, agus ar an mbealach a ndéanann na feidhmchláir sin cumarsáid le modhanna iompair eile.

Réimsí tosaíochta agus gníomhaíochtaí tosaíochta

Sainaithnítear na réimsí tosaíochta seo a leanas i dTreoir leasaitheach (AE) 2023/2661 maidir le forbairt agus úsáid sonraíochtaí agus caighdeán:

• Seirbhísí faisnéise agus soghluaisteachta CCI;
• seirbhísí CCI maidir le taisteal, iompar agus bainistíocht tráchta;
• feidhmchláir sábháilteachta ar bhóithre agus slándála (e.g. foláirimh maidir le rioscaí maidir le hinfheictheacht laghdaithe, nó maidir le daoine, ainmhithe agus salachar ar an mbóthar);
• Seirbhísí CCI do shoghluaisteacht chomhoibríoch³, nasctha agus uathoibrithe.

Laistigh de na réimsí tosaíochta sin, tá sé ghníomh tosaíochta maidir le sonraíochtaí agus caighdeáin a fhorbairt agus a úsáid, arna leagan amach go mion in Iarscríbhinn I a ghabhann leis an treoir. Dírítear iontu sin ar:

1. seirbhísí faisnéise uile–Aontais faoi thaisteal ilmhodach a sholáthar;
2. seirbhísí faisnéise uile–Aontais faoi thaisteal fíor–ama a sholáthar;
3. sonraí agus nósanna imeachta chun faisnéis íosta um thrácht uilíoch a bhaineann le sábháilteacht ar bhóithre a sholáthar saor in aisce d’úsáideoirí, nuair is féidir;
4. soláthar comhchuibhithe le haghaidh seirbhís eCall éigeandála idir–inoibritheach ar fud Aontais;
5. seirbhísí faisnéise a sholáthar maidir le háiteanna páirceála slána agus sábháilte do thrucailí agus d’fheithiclí tráchtála;
6. seirbhísí áirithinte a sholáthar maidir le páirceáil shlán agus shábháilte do thrucailí agus d’fheithiclí tráchtála;

Clár oibre

Trí bhíthin ghníomh cur chun feidhme, glacann an Coimisiún Eorpach clár oibre a shínfear gach cúig bliana. Le Cinneadh Cur Chun Feidhme C/2024/6798, glactar an clár oibre is déanaí do 2024-2028.

Glacadh an clár i ndiaidh dul i gcomhairle leis an nGrúpa Comhairleach CCI Eorpach agus leis na páirtithe leasmhara ábhartha, agus áirítear leis an méid seo a leanas ar a laghad:

• cuspóirí agus dátaí maidir lena chur chun feidhme gach bliain, lena léirítear cén obair a mbeidh sonraíochtaí earraí le forbairt ina leith;

• na cineálacha sonraí, atá leagtha amach in Iarscríbhinn III, a bhfuil an Coimisiún ag smaoineamh ar iad a chur isteach san iarscríbhinn, nó iad a bhaint de trí ghníomhartha tarmligthe;

• obair ullmhúcháin atá le déanamh ag an gCoimisiún i gcomhar le páirtithe leasmhara agus leis na Ballstáit.

Sonraíochtaí a chur i bhfeidhm ar úsáid CCI:

Ní mór do na Ballstáit:

• a áirithiú go gcuirfear na sonraíochtaí arna nglacadh ag an gCoimisiún i bhfeidhm ar iarratais agus ar sheirbhísí CCI i gcás go ndéanfar na feidhmchláir agus na seirbhísí sin a úsáid i gcomhréir leis na prionsabail atá leagtha amach in Iarscríbhinn II a ghabhann leis an treoir;

• comhoibriú le chéile:

  • maidir leis na réimsí tosaíochta, sa mhéid nár glacadh sonraíochtaí ar bith maidir leis na réimsí sin;

  • maidir le gnéithe oibriúcháin de chur chun feidhme na sonraíochtaí arna nglacadh ag an gCoimisiún,

  • maidir le cleachtais chun comhlíonadh na gceanglas do sholáthraithe sonraí a mheasúnú,

  • maidir le forbairt sásraí chun comhlíonadh a fhorfheidhmiú,

  • maidir le ceisteanna a bhaineann le comhar trasteorann.

Sonraíochtaí

Trí bhíthin gníomhartha tarmligthe, tá sonraíochtaí glactha ag an gCoimisiún le haghaidh:

• eCall (Rialachán (AE) Uimh. 305/2013, arna leasú le Rialachán (AE) 2024/1084);
• seirbhísí faisnéise le haghaidh áiteanna páirceála atá slán sábháilte (Rialachán (AE) Uimh. 885/2013);
• faisnéis uilíoch tráchta a bhaineann le sábháilteacht ar bhóithre saor in aisce d’úsáideoirí (Rialachán (AE) Uimh. 886/2013);
• Seirbhísí faisnéise maidir le taisteal ilmhodach ar fud an Aontais (Rialachán (AE) 2017/1926, arna leasú le Rialachán (AE) 2024/490);
• Seirbhísí faisnéise tráchta fíor–ama ar fud an Aontais (Rialachán (AE) 2022/670).

Leis na sonraíochtaí atá le glacadh ag an gCoimisiún ina gcumhdaítear seirbhísí CCI an Aontais arna soláthraítear trí chórais chliste iompair (CCI), tabharfar aghaidh ar an gcóras bainistíochta dintiúr slándála agus leagfar síos leis dualgais na ról seo a leanas:

• údarás beartais um dheimhniú C–CCI;

• bainisteoir liosta iontaobhais C–CCI;

• pointe teagmhála C–CCI.

Beidh an Coimisiún freagrach as a áirithiú go gcuirfear dualgais na ról sin i gcrích.