Inrianaitheacht bia réamhphacáistithe

ACHOIMRE AR:

Treoir 2011/91/AE maidir le tásca nó marcanna a úsáidtear chun an bhaisc lena mbaineann bia-ábhar a aithint

ACHOIMRE

CÉARD A DHÉANANN AN TREOIR SEO?

—

Déantar cinnte de sa treoir seo gur féidir le tomhaltóirí bunphointe bia réamhphacáistithe a rianú.

—

Faoin treoir seo, ní mór bia a lipéadú sa chaoi gur féidir le tomhaltóirí an bhaisc óna dtagann sé a fheiceáil.

—

Déantar cinnte de sa treoir gur féidir le húdaráis phoiblí um shláinte agus um shábháilteacht bunphointe agus aitheantas an bhia a aimsiú i gcás díospóide faoin mbia nó más guais sláinte é do thomhaltóirí.

—

Leagtar amach sa treoir rialacha le haghaidh táirgeoirí, monaróirí, pacáisteoirí agus allmhaireoirí maidir le bia a lipéadú trí chomhchóras aitheantais baisce a úsáid.

PRÍOMHPHOINTÍ

Raon

Cuirtear an treoir i bhfeidhm maidir le bia réamhphacáistithe, ach amháin an bia seo a leanas:

—

táirgí talmhaíochta:

—

atá á stóráil, á n-ullmhú nó i stáisiúin phacáistithe go sealadach;

—

a sheoltar chuig eagraíochtaí táirgeoirí; nó

—

a bhailítear lena bpróiseáil ar an bpointe.

—

táirgí nach bhfuil réamhphacáistithe agus iad ar díol don tomhaltóir deiridh, a dhéantar a phacáistiú ar iarratas ceannaitheora nó a dhéantar a réamhphacáistiú lena ndíol ar an bpointe;

—

pacáistíocht nó coimeádáin a bhfuil an taobh is mó níos lú ná 10cm2;

—

uachtar reoite do dhaoine aonair a dhéantar a phacáistiú le chéile, nuair is gá aitheantas na baisce a thaispeáint ar an taobh amuigh den phacáiste iomlán.

Baisceanna a lipéadú

—

Ní mór do gach baisc a bheith lipéadaithe ag an táirgeoir, monaróir nó pacáisteoir nó, má allmhairítear í, ag an gcéad díoltóir bunaithe in AE.

—

Ní mór an litir “L” a chur roimh aitheantas na baisce ach amháin más féidir idirdhealú soiléir a dhéanamh idir an t-aitheantas sin agus an fhaisnéis eile ar an lipéad.

—

Ní mór don fhaisnéis ar an lipéad a bheith infheicthe go héasca, inléite go soiléir agus doscriosta.

—

Má thaispeántar an dáta éagtha ar an lipéad, ní gá an bhaisc a léiriú.

CATHAIN A BHEIDH FEIDHM AG AN TREOIR?

Cuireadh an treoir i bhfeidhm an 5 Eanáir 2012.

EOCHAIRTHÉARMA

* Baisc: baisc d’aonaid díolacháin bia-ábhair, bia-ábhar a tháirgtear, a mhonaraítear nó a dhéantar a phacáistiú faoi na coinníollacha céanna.

GNÍOMH

Treoir 2011/91/AE ó Pharlaimint na hEorpa agus ón gComhairle an 13 Nollaig 2013 maidir le tásca nó marcanna a úsáidtear chun an bhaisc lena mbaineann bia-ábhar a aithint (IO L 334, 16.12.2011, lgh. 1-5)

Nuashonraithe 23.11.2015