Comhchruinnithe a rialú idir cuideachtaí

ACHOIMRE AR:

Rialachán (CE) Uimh. 139/2004 — comhchruinnithe a rialú idir gnóthais (an Rialachán um Chumaisc)

CAD IS AIDHM LEIS AN RIALACHÁN?

• Leagtar síos leis rialacha AE maidir le comhchruinnithe* i gcás go bhfuil dhá ghnólacht nó níos mó cónasctha trí chumasc nó trí éadáil.
• Ciallaíonn sé nach gcaithfear aon chumasc amháin laistigh de AE a chur in iúl do roinnt údarás iomaíochta in AE; tá sé bunaithe ar phrionsabal na coimhdeachta trína ndéanann an t–údarás breithiúnach is fearr lena dhéanamh cumasc a scrúdú.

PRÍOMHPHOINTÍ

Tá feidhm ag an rialachán seo maidir le gach comhchruinniú ag a bhfuil gné AE*.

Nós imeachta fógra

• Mar riail ghinearálta, ní mór don pháirtí nó do na páirtithe a gheobhaidh rialú i ndiaidh an chomhchruinnithe fógra a thabhairt don Choimisiún Eorpach sula gcuirfear chun feidhme é.
• Féadfar fógra a thabhairt leis an rialachán chomh maith roimh chomhaontú ceangailteach a thabhairt i gcrích, rud a éascaíonn comhordú le dlínsí eile in imscrúduithe ar chumaisc. Leis an nós imeachta sin, ar a dtugtar réamhfhógra, féadfaidh na gnóthais nó na daoine lena mbaineann an Coimisiún a chur ar an eolas, trí bhíthin aighneacht réasúnaithe, sula dtugann siad fógra do chomhchruinniú. Ar an tslí sin, taispeánann na páirtithe don Choimisiún go rachaidh an cumasc beartaithe, cé go mbeidh comhchruinniú ag a bhfuil gné thrasteorann mar thoradh air, i gcion ar an iomaíocht i margadh thír AE amháin.
• Mura n–aontaíonn an tír AE lena mbaineann leis an iarratas chun an cás a atreorú laistigh de 15 lá oibre ón aighneacht a fháil, beidh 25 lá oibre ag an gCoimisiún ón aighneacht a fháil maidir leis an gcás go hiomlán nó cuid den chás a atreorú chuig na húdaráis inniúla de chuid thír sin AE ionas go bhféadfaidh an tír sin a dlí náisiúnta um iomaíocht a chur i bhfeidhm.
• Beidh an nós imeachta céanna i bhfeidhm i gcás gur mian le duine nó le gnóthas aird an Choimisiúin a dhíriú ar na héifeachtaí trasteorann a d’fhéadfadh a bheith ag baint le cumasc gan gné AE ar an leibhéal Eorpach.

Tionscnamh imeachtaí: an Coimisiún

A luaithe a fhaigheann sé fógra, ní mór don Choimisiún cinneadh a dhéanamh faoi cibé acu:

• an dtionscnóidh sé imeachtaí nó nach dtionscnóidh;
• an ndéanfaidh sé imscrúduithe nó nach ndéanfaidh; agus
• an ngearrfaidh sé fíneálacha nó nach ngearrfaidh.

Ar dtús, cinneann sé le cinneadh maidir leis an gcomhchruinniú:

• cibé acu an dtagann sé faoin rialachán seo nó nach dtagann;
• an bhfuil sé comhoiriúnach leis an gcómhargadh nó nach bhfuil;
• an n–eascraítear amhrais thromchúiseacha nó nach n–eascraítear leis maidir lena chomhoiriúnacht.

Ní fhéadfar comhchruinnithe ag a bhfuil gné AE, i dteoiric, a chur chun feidhme roimh an bhfógra nó le haghaidh 3 seachtaine i ndiaidh an fhógra. Má tá an comhchruinniú curtha chun feidhme cheana agus gur dearbhaíodh go bhfuil sé comhoiriúnach leis an gcómhargadh, áfach, is féidir leis an gCoimisiún ordú a thabhairt do na cuideachtaí lena mbaineann an comhchruinniú a lánscoir nó an cás a chur ar ais mar a bhí sé sular cuireadh an comhchruinniú chun feidhme.

Féadfaidh an Coimisiún bearta eatramhacha a ghlacadh chomh maith má fhaigheann sé nach n–eascraítear amhrais thromchúiseacha leis an gcomhchruinniú ar tugadh fógra dó, cé go bhfuil sé laistigh de raon feidhme an rialacháin seo, maidir lena gcomhoiriúnacht leis an gcómhargadh, nó nach dteastaíonn uaidh ach athrú simplí chun é a chur ar aon dul leis an gcómhargadh.

Chun comhlíonadh a fhorfheidhmiú maidir leis an rialachán seo, féadfaidh an Coimisiún iad seo a leanas a fhorchur:

• fíneálacha nach mó ná 1% de láimhdeachas comhiomlán an ghnóthais i gcás go soláthraíonn sé faisnéis mhícheart, neamhiomlán nó mhíthreorach nó i gcás nach soláthraíonn sé an fhaisnéis laistigh den tréimhse ama riachtanach. Féadfaidh sé fíneálacha a fhorchur chomh maith i gcás gur briseadh séalaí greamaithe le linn iniúchta. Féadfaidh sé fíneálacha suas le 10% de láimhdeachas comhiomlán an ghnóthais lena mbaineann a fhorchur i gcás gur theip air, d’aon toil nó go faillíoch, fógra a thabhairt do chomhchruinniú sular cuireadh chun feidhme é, go gcuireann sé comhchruinniú chun feidhme de shárú ar an rialachán nó gur theip air cloígh le cinneadh ón gCoimisiún; nó
• íocaíochtaí tréimhsiúla pionósacha nach mó ná 5% de mheánláimhdeachas comhiomlán laethúil na cuideachta maidir le gach lá oibre moille, arna ríomh ón dáta a shocraigh an Coimisiún ina chinneadh ina n–iarrtar faisnéis, ina n–ordaítear iniúchtaí, etc.

Ní mór don Choimisiún dul i gcomhairle le Coiste Comhairleach ina bhfuil ionadaithe ó údaráis thíortha AE sula ndéanann sé cinneadh ar bith i ndáil le comhoiriúnach, neamh-chomhoiriúnacht nó forchur fíneálacha nó íocaíochtaí tréimhsiúla pionósacha. Féadfaidh Cúirt Bhreithiúnais an Aontais Eorpaigh fíneálacha nó íocaíochtaí tréimhsiúla pionósacha a chealú, a laghdú nó a mhéadú.

Nós imeachta atreoraithe: an Coimisiún agus údaráis inniúla thíortha AE

Cé go gcuirfí an láimhdeachas agus “3+” critéar i bhfeidhm roimhe seo trí chomhchruinnithe lenar bhain éifeacht trasteorann a shainaithint (i.e. inniúlacht eisiach AE i gcás go n–iarrann 3 thír ar a laghad atreorú), tugtar isteach le Rialachán (CE) Uimh. 139/2004 an tríú critéar le haghaidh atreorú chuig údaráis inniúla thíortha AE.

• Féadfaidh tír AE, laistigh de 15 lá oibre ón dáta a fhaigheann sí cóip den fhógra, ag gníomhú di ar a tionscnamh féin nó ar iarratas ón gCoimisiún, a dhearbhú go dtéann comhchruinniú i gcion go mór ar an iomaíocht ina margadh baile. Ní mór don mhargadh táirgí nó seirbhísí saintréithe uile margaidh ar leith a léiriú gan a bheith ina chuid shuntasach den chómhargadh, áfach.
• Beidh 65 lá oibre ag an gCoimisiún i ndiaidh fhógra an chomhchruinnithe lena chinneadh cibé acu an ndéileálfaidh sé leis an gcás é féin faoin rialachán seo nó an atreoróidh sé an cás iomlán nó cuid de chuig údaráis inniúla thír AE; mura nglacann an Coimisiún cinneadh, meastar gur atreoraíodh an cás chuig an tír AE lena mbaineann.
• Féadfaidh tíortha AE a iarraidh ar an gCoimisiún chomh maith imscrúdú a dhéanamh ar cibé an gcuireann comhchruinniú, cé nach mbaineann gné AE leis, bac suntasach ar an iomaíocht idir tíortha AE agus ar dóigh go mbeidh éifeacht shuntasach aige ar an iomaíocht ina gcríoch/gcríocha. Ní mór don Choimisiún ansin údaráis inniúla AE agus gnóthais lena mbaineann a chur ar an eolas, agus teorainn ama 15 lá oibre a shocrú ar féidir le tír ar bith eile AE páirt a ghlacadh san iarratas tosaigh lena linn. Mura nglacann an Coimisiún cinneadh, laistigh de 10 lá oibre maidir le cibé an atreoróidh sé é nó nach n–atreoróidh sé, meastar gur ghlac sé cinneadh i gcomhréir leis an iarratas.

CÉN UAIR ATÁ TOSACH FEIDHME AN RIALACHÁIN?

Tá feidhm leis ón 1 Bealtaine 2004.

CÚLRA

Le haghaidh breis faisnéise, féach:

• Rialachán um Chumaisc (An Coimisiún Eorpach).

PRÍOMHTHÉARMAÍ

PRÍOMHDHOICIMÉAD

139/2004 an 20 Eanáir 2004 maidir le comhchruinnithe a rialú idir gnóthais (Rialachán CE um Chumaisc) (IO L 24, 29.1.2004, lgh. 1-22)

DOICIMÉID GHAOLMHARA

Fógra ón gCoimisiún maidir le nós imeachta simplithe maidir le comhchruinnithe áirithe a láimhseáil faoi Rialachán (CE) Uimh. 139/2004 ón gComhairle (IO C 366, 14.12.2013, lgh. 5-9)

Ceartúchán ar na bhfógra ón gCoimisiún maidir le nós imeachta simplithe maidir le comhchruinnithe áirithe a láimhseáil faoi Rialachán (CE) Uimh. 139/2004 ón gComhairle (IO C 11, 15.1.2014, lch. 6)

Nuashonraithe 08.01.2019