Státchabhair — scannáin agus saothair chlosamhairc eile

PRÍOMHPHOINTÍ

Rialacha chun scéimeanna tacaíochta closamhairc a mheasúnú

Nuashonraítear le Teachtaireacht 2013 rialacha a dhréachtaigh an Coimisiún Eorpach i dtosach 2001. Cuimsítear sna rialacha nua na príomhghnéithe seo a leanas:

• clúdaítear iontu gach gné de chruthú scannán ó choincheap scéil go dtí léiriú scéil don lucht féachana atá cultúrtha, de réir na “tástála cultúrtha” náisiúnta atá i bhfeidhm;
• ní chlúdaítear cabhair le haghaidh físchluichí (ní cháilíonn gach cluiche mar shaothair chlosamhairc);
• cuirtear teorainn leo leis an bhféidearthacht go n–éileodh tíortha AE go gcaithfear cuid áirithe den bhuiséad scannáin tacaithe i dtír AE a thugann cabhair mar choinníoll chun tacaíocht léiriúcháin a dheonú;
• ceadaítear leo cabhair suas le 50% i bprionsabal, 60% do chomhléiriúcháin arna maoiniú ag níos mó ná tír amháin AE agus a bhfuil baint acu le léiritheoirí ó níos mó ná tír amháin in AE agus suas le 100% do shaothair dheacra agus roinnt comhléiriúcháin idirnáisiúnta le tíortha íseal-ioncaim;
• féadfar tacú le gníomhaíochtaí dáilte agus cur chun cinn de réir na dteorainneacha céanna agus a chuirtear i bhfeidhm don léiriú;
• is féidir le cabhair do ghníomhaíochtaí réamhléiriúcháin leas a bhaint as cabhair suas le 100% freisin;
• cumasaítear leo tacaíocht do ghníomhaíochtaí réamhléiriúcháin, léirithe, cur chun cinn agus dáilte, gan cabhair a áireamh a dhíreofaí go sonrach ar ghníomhaíocht amháin den slabhra luacha léiriúcháin;
• méadaítear leo trédhearcacht i leith saoránach toisc nach mór na nithe seo a leanas a fhoilsiú ar shuíomh gréasáin poiblí:
  • téacs iomlán na scéime cabhrach ceadaithe agus a forálacha cur chun feidhme,
  • i gcás dámhachtainí cabhrach ar mó iad ná €500 000, sonraí an tairbhí cabhrach agus méid na cabhrach.