Iomaíocht sna margaí do líonraí agus seirbhísí cumarsáide leictreonaí
ACHOIMRE AR:
Treoir 2002/77/CE maidir le hiomaíocht sna margaí do líonraí agus seirbhísí cumarsáide leictreonaí
CAD IS AIDHM LEIS AN TREOIR?
Tugtar an ceart léi do gach cuideachta seirbhísí agus líonraí cumarsáide leictreonaí a sholáthar nó a oibriú gan srianta ar bith.
PRÍOMHPHOINTÍ
- Clúdaítear sa treoir “seirbhísí cumarsáide leictreonaí” agus “seirbhísí cumarsáide leictreonaí”. Tagann siad sin in ionad na dtéarmaí roimhe seo “seirbhísí teileachumarsáide” and “líonraí teileachumarsáide”. Áirithítear leis an athrú sainmhíniú faoi aon bhrat amháin do gach seirbhís agus líonra, cé acu trí shreang, trí raidió, trí mhodh optúil nó trí mhodh leictreamaighnéadach, agus clúdaítear ann líonraí fostaithe, líonraí gan sreang, líonraí teilifíse cábla agus líonraí satailíte.
- Ní chlúdaítear ann seirbhísí lena soláthraítear nó lena bhfeidhmítear smacht eagarthóireachta ar an ábhar a bheidh á tharchuireadh.
- Baintear leis an treoir cumas Bhallstáit an Aontais Eorpaigh (AE) maidir le cearta eisiacha nó speisialta a dheonú nó a choinneáil do chuideachta chun líonraí cumarsáide leictreonaí nó seirbhísí atá ar fáil go poiblí a sholáthar.
- Ceanglaítear léi ar na Ballstáit an méid seo a leanas a áirithiú:
- go bhféadfaidh aon chuideachta seirbhísí nó líonraí leictreonacha a sholáthar gan srianta;
- go mbeidh údarú ginearálta chun seirbhísí nó líonraí a sholáthar bunaithe ar chritéir atá oibiachtúil, neamh-idirdhealaitheach, comhréireach agus trédhearcach;
- nach ndéanfaidh gnóthais atá comhtháite go hingearach* a sholáthraíonn líonraí leictreonacha agus a bhfuil ceannasacht acu, idirdhealú i bhfabhar a ngníomhaíochtaí féin.
- go dtabharfar míniú iomlán ar aon diúltú d’iarratas chun seirbhísí nó líonraí a sholáthar agus go mbeidh an ceart ag an gcuideachta agóid a dhéanamh i gcoinne an chinnidh os comhair comhlachta, cúirte nó binse neamhspleách.
Cuirtear deireadh le cearta eisiacha nó speisialta leis an méid seo a leanas leis an treoir:
- úsáid as minicíochtaí raidió (ní mór iad sin a shannadh ar bhonn critéar a bheidh oibiachtúil, trédhearcach, neamh-idirdhealaitheach agus comhréireach);
- seirbhísí eolairí agus fiosrúcháin;
- líonraí teilifíse satailíte údaraithe.
Sonraítear i rialacha maidir le teilifís chábla nach féidir le cuideachta a sholáthraíonn líonraí poiblí leictreonacha an t ainm dlíthiúil céanna a úsáid sna cásanna seo a leanas:
- is cuideachta í atá faoi rialú an rialtais nó ag a bhfuil cearta speisialta;
- tá ról ceannasach aici sa mhargadh;
- oibríonn sí líonra teilifíse cábla faoi chearta speisialta nó eisiacha.
Aisghaireadh leis an treoir Treoir 90/388/CEE agus 94/46/CE ón gCoimisiún.
CÉN UAIR ATÁ TOSACH FEIDHME NA TREORACH?
Tá feidhm léi ón 7 Deireadh Fómhair 2002 agus b’éigean dlí a dhéanamh di sna Ballstáit faoin 24 Iúil 2003.
CÚLRA
Le beartas cumarsáide leictreonaí an Aontais Eorpaigh feabhsaítear iomaíocht, spreagtear nuálaíocht agus treisítear cearta tomhaltóirí laistigh den mhargadh aonair Eorpach.
Tá an treoir ina cuid den chreat rialála a tháinig i bhfeidhm ar an 25 Iúil 2003. Is iad seo na comhpháirteanna eile:
- Treoir (AE) 2002/19/CE maidir le rochtain ar líonraí cumarsáide leictreonaí agus ar shaoráidí gaolmhara, agus maidir le hidirnascadh a bheith eatarthu (an treoir maidir le rochtain), a aisghaireadh agus a athmhúnlaíodh ina dhiaidh sin le Treoir (AE) 2018/1972 lena mbunaítear an Cód um Chumarsáid Leictreonach Eorpach (achoimre);
- Treoir 2002/22/CE maidir le seirbhís uilíoch agus cearta úsáideoirí a bhaineann le líonraí agus seirbhísí cumarsáide leictreonaí (an treoir um sheirbhís uilíoch) a aisghaireadh agus a athmhúnlaíodh ina dhiaidh sin le Treoir (AE) 2018/1972 (achoimre);
- Treoir 2002/58/CE maidir le príobháideachas a chosaint san earnáil cumarsáide leictreonaí (an treoir um príobháideachas agus cumarsáid leictreonach) (achoimre);
- Cinneadh 2002/676/CE maidir le creat rialála don bheartas speictrim raidió (an cinneadh speictrim raidió) (achoimre).
PRÍOMHTHÉARMAÍ
Gnóthais atá comhtháite go hingearach. Gnóthas ina bhfeidhmíonn an duine nó na daoine céanna smacht, go díreach nó go hindíreach.
PRÍOMHDHOICIMÉAD
Treoir 2002/77/CE an 16 Meán Fómhair 2022 maidir le hiomaíocht sna margaí do líonraí agus seirbhísí cumarsáide leictreonaí (IO L 249, 17.9.2002, lgh. 21-26).
DOICIMÉID GHAOLMHARA
Treoir (AE) 2018/1972 ó Pharlaimint na hEorpa agus ón gComhairle an 11 Nollaig 2018 lena mbunaítear an Cód um Chumarsáid Leictreonach Eorpach (Athmhúnlú) (IO L 321, 17.12.2018, lgh. 36-214).
Rinneadh leasuithe leanúnacha ar Threoir (AE) 2018/1972 a chorprú sa téacs bunaidh. Níl de luach ar an leagan comhdhlúite seo ach luach doiciméadach amháin.
Leagan comhdhlúite den Chonradh ar Fheidhmiú an Aontais Eorpaigh – Cuid a Trí – Beartais agus gníomhaíochtaí inmheánacha an Aontais – Teideal VII — Rialacha comhchoiteanna maidir le hiomaíocht, cánachas agus comhfhogasú dlíthe – Caibidil 1 – Rialacha iomaíochta – Alt I – Rialacha a bhaineann le gnóthais – Airteagal 106 (sean-Airteagal 86 CCE) (IO C 202, 7.6.2016, lgh. 90-91).
Cinneadh Uimh. 676/2002/CE ó Pharlaimint na hEorpa agus ón gComhairle an 7 Márta 2002 maidir le creat rialála don bheartas speictream raidió sa Chomhphobal Eorpach (Cinneadh maidir le Speictream Raidió) (IO L 108, 24.4.2002, lgh. 1-6).
Treoir 2002/58/CE ó Pharlaimint na hEorpa agus ón gComhairle an 12 Iúil 2002 maidir le sonraí pearsanta a phróiseáil agus maidir le príobháideachas a chosaint san earnáil cumarsáide leictreonaí (Treoir um príobháideachas agus cumarsáid leictreonach) (IO L 201, 31.7.2002, lgh. 37-47).
Féach an leagan comhdhlúite.
Nuashonraithe 10.02.2022