Idir-inoibritheacht an ghréasáin Eorpaigh um bainistíocht aerthráchta

ACHOIMRE AR:

Rialachán (CE) Uimh. 552/2004 maidir le hidir-inoibritheacht an ghréasáin Eorpaigh um bainistíocht aerthráchta

CAD IS AIDHM LEIS AN RIALACHÁN?

Mar chuid de phacáiste reachtaíochta maidir le bainistíocht aerthráchta atá dírithe ar aerspás Eorpach aonair a chruthú, sainmhínítear sa rialachán seo ceanglais choiteanna chun idir-inoibritheacht a ráthú idir na córais éagsúla bhainistíochta aerthráchta a úsáidtear.

Bunaítear leis córas comhchuibhithe deimhniúcháin do chomhpháirteanna agus do chórais, agus tá dhá aidhm leis:

• idir-inoibritheacht a bhaint amach idir na córais éagsúla, na comhchodanna éagsúla agus na nósanna imeachta gaolmhara sa ghréasán Eorpach um bainistíocht aerthráchta,
• a áirithiú go dtabharfar isteach coincheapa nua comhaontaithe agus bailíochtaithe oibríochtaí agus teicneolaíochta i mbainistíocht aerthráchta.

Ba cheart a thabhairt faoi deara gur aisghaireadh an rialachán le Rialachán (AE) Uimh. 2018/1139 (féach achoimre) le héifeacht ó mhí Mheán Fómhair 2018, cé go mbeidh cuid dá rialacha infheidhme fós go dtí an 12 Meán Fómhair 2023.

PRÍOMHPHOINTÍ

Ceanglais riachtanacha

Ní mór don líonra Eorpach um bainistíocht aerthráchta, dá chórais agus dá chomhábhair ceanglais riachtanacha a chomhlíonadh. Is de dhá chineál iad sin.

• Ceanglais ghinearálta Oibríocht réidh, tacaíocht do choincheapa nua oibríochta, sábháilteachta, comhordú sibhialta/míleata, srianta comhshaoil, prionsabail a rialaíonn ailtireacht loighciúil na gcóras agus prionsabal a rialaíonn tógáil na gcóras.
• Ceanglais shonracha. Córais agus nósanna imeachta maidir le bainistíocht aerspáis, córais agus nósanna imeachta maidir le bainistíocht sruth aerthráchta, córais agus nósanna imeachta maidir le seirbhísí aerthráchta, córais agus nósanna imeachta cumarsáide maidir le cumarsáid ó thalamh go talamh, ó aer go talamh agus ó aer go haer, nósanna imeachta loingseoireachta, córais agus nósanna imeachta faireachais maidir le seirbhísí faisnéise aerloingseoireachta agus maidir le húsáid faisnéise meitéareolaíochta.

Rialacha cur chun feidhme maidir le hidir-inoibritheacht

Maidir leis na rialacha cur chun feidhme maidir le hidir-inoibritheacht, ní foláir nó go ndéanfar an méid a leanas leo:

• aon cheanglais shonracha a chinneadh, go háirithe ó thaobh na sábháilteachta de,
• tuairisc, a thabhairt i gcás inarb iomchuí, ar aon cheanglas sonrach, go háirithe maidir le coincheapa nua oibríochta a thabhairt isteach ar bhealach comhordaithe,
• tuairisc a thabhairt ar na nósanna imeachta sonracha um measúnú comhréireachta a bhaineann le comhlachtaí dá dtugtar fógra a bheidh le húsáid chun measúnú a dhéanamh ar chomhréireacht nó ar oiriúnacht úsáide na gcomhpháirteanna, agus chun córais a fhíorú,
• na coinníollacha a shonrú maidir le cur chun feidhme lena n-áirítear, i gcás inarb iomchuí, an dáta faoina gceanglófar ar na geallsealbhóirí ábhartha go léir iad a chomhlíonadh.

Sonraíochtaí pobail

Maidir leis na sonraíochtaí sin féadfar an méid a leanas a bheith san áireamh:

• Caighdeáin Eorpacha maidir le córais nó comhpháirteanna, mar aon leis na nósanna imeachta ábhartha, arna dtarraingt suas ag na comhlachtaí Eorpacha um chaighdeánú, nó
• sonraíochtaí arna dtarraingt suas ag an Eagraíocht Eorpach um Shábháilteacht na hAerloingseoireachta (Eurocontrol) maidir le hábhair a bhaineann le comhordú oibríochtúil idir soláthraithe seirbhíse aerloingseoireachta.

Dearbhú comhréireachta an Chomhphobail Eorpaigh nó oiriúnacht maidir le húsáid comhpháirteanna

• Ní mór dearbhú comhréireachta nó oiriúnacht úsáide a bheith ag gabháil le comhphairteanna.
• Sula gcuirtear córas i seirbhís, ní mór don soláthraí seirbhíse aerloingseoireachta ábhartha dearbhú fíoraithe CE a bhunú, lena ndeimhnítear comhlíonadh, agus ní mór dó é a chur faoi bhráid an údaráis mhaoirseachta náisiúnta in éineacht le comhad teicniúil.

Bearta cosanta

• I gcás ina bhfionnann an t-údarás maoirseachta náisiúnta nach gcomhlíonann comhpháirt nó córas a bhfuil dearbhú comhréireachta CE ag gabháil leis na ceanglais riachtanacha maidir le hidir-inoibritheachta, ní mór dó srian a chur ar chur i bhfeidhm na comhpháirte nó a húsáid a thoirmeasc. Ní mór don Bhallstát AE lena mbaineann an Coimisiún Eorpach a chur ar an eolas láithreach, maidir le bearta ar bith den sórt sin agus na cúiseanna atá leis a chur in iúl.
• I gcás ina suíonn an Coimisiún nach bhfuil bonn cirt leis na bearta a rinne an t-údarás maoirseachta, iarrfaidh sé ar an mBallstát lena mbaineann a áirithiú go dtarraingeofar siar iad gan mhoill.

Socruithe idirthréimhseacha

• Ón 20 Deireadh Fómhair 2005, tá na ceanglais riachtanacha i bhfeidhm maidir le córais agus comhpháirteanna an líonra Eorpaigh um bainistíocht aerthráchta a chur i seirbhís.
• Tá ceangal ann maidir le comhlíonadh na gceanglas riachtanach maidir le gach córas agus comhpháirt den ghréasán Eorpach um bainistíocht aerthráchta i bhfeidhm ón 20 Aibreán 2011

CÉN UAIR ATÁ TOSACH FEIDHME AN RIALACHÁIN?

Tá sé i bhfeidhm ón 20 Aibreán 2004.

CÚLRA

Le haghaidh tuilleadh faisnéise, féach:

• Aerspás Eorpach Aonair (An Coimisiún Eorpach).

PRÍOMHDHOICIMÉAD

Rialachán (CE) Uimh. 552/2004 ó Pharlaimint na hEorpa agus ón gComhairle an 10 Márta 2004 maidir le hidir-inoibritheacht an ghréasáin Eorpaigh um Bainistíocht Aerthráchta (an Rialachán maidir le hidir-inoibritheacht) (IO L 96, 31.3.2004, lgh. 26-42).

Rinneadh leasuithe comhleanúnacha ar Rialachán (CE) Uimh. 552/2004 a chorprú isteach sa bhuntéacs. Níl de luach ar an leagan comhdhlúite seo ach luach doiciméadach amháin.

DOICIMÉID GHAOLMHARA

Rialachán Cur Chun Feidhme (AE) 2020/469 ón gCoimisiún an 14 Feabhra 2020 lena leasaítear Rialachán (AE) Uimh. 923/2012, Rialachán (AE) Uimh. 139/2014 agus Rialachán (AE) 2017/373 a mhéid a bhaineann leis na ceanglais maidir le bainistíocht aerthráchta/seirbhísí aerloingseoireachta, dearadh struchtúr aerspáis agus cáilíocht sonraí, sábháilteacht rúidbhealaigh agus lena n-aisghairtear Rialachán (CE) Uimh. 73/2010 (IO L 104, 3.4.2020, lgh. 1–243).

Féach an leagan comhdhlúite.

Rialachán (AE) 2018/1139 ó Pharlaimint na hEorpa agus ón gComhairle an 4 Iúil 2018 maidir le rialacha comhchoiteanna i réimse na heitlíochta sibhialta agus lena mbunaítear Gníomhaireacht Sábháilteachta Eitlíochta an Aontais Eorpaigh, agus lena leasaítear Rialacháin (CE) Uimh. 2111/2005, (CE), Uimh. 1008/2008, (AE) Uimh. 996/2010, (AE) Uimh. 376/2014 agus Treoracha 2014/30/AE agus 2014/53/AE ó Pharlaimint na hEorpa agus ón gComhairle, agus lena n-aisghairtear Rialacháin (CE) Uimh. 552/2004 agus (CE) Uimh. 216/2008 ó Pharlaimint na hEorpa agus ón gComhairle agus Rialachán (CEE) Uimh. 3922/91 ón gComhairle (IO L 212, 22.8.2018, lgh. 1-122).

Féach an leagan comhdhlúite.

Rialachán Cur Chun Feidhme (AE) Uimh. 1079/2012 ón gCoimisiún an 16 Samhain 2012 lena leagtar síos ceanglais maidir le spásáil bealaí gutha don aerspás Eorpach aonair (IO L 320, 17.11.2012, lgh. 14–24).

Féach an leagan comhdhlúite.

Rialachán (CE) Uimh. 262/2009 ón gCoimisiún an 30 Márta 2009 lena leagtar síos ceanglais maidir le leithdháileadh comhordaithe agus úsáid chóid cheistiúcháin Mhód S don aerspás Eorpach aonair (IO L 84, 31.3.2009, lgh. 20–32).

Féach an leagan comhdhlúite.

Rialachán (CE) Uimh. 29/2009 ón gCoimisiún an 16 Eanáir 2009 lena leagtar síos ceanglais maidir le seirbhísí nasctha sonraí don aerspás Eorpach aonair (IO L 13, 17.1.2009, lgh. 3–19).

Féach an leagan comhdhlúite.

Rialachán (CE) Uimh. 633/2007 ón gCoimisiún an 7 Meitheamh 2007 lena leagtar síos ceanglais maidir le prótacal aistrithe teachtaireachta eitilte a chur i bhfeidhm a úsáidtear chun críche fógra a thabhairt, comhordú agus aistriú eitiltí idir aonaid rialaithe aerthráchta (IO L 146, 8.6.2007, lgh. 7–13).

Féach an leagan comhdhlúite.

Rialachán (CE) Uimh. 1033/2006 ón gCoimisiún an 4 Iúil 2006 lena leagtar síos na ceanglais maidir le nósanna imeachta do phleananna eitilte sa chéim réamheitilte don aerspás Eorpach aonair (IO L 186, 7.7.2006, lgh. 46–50)

Féach an leagan comhdhlúite.

Rialachán (CE) Uimh. 1032/2006 ón gCoimisiún an 6 Iúil 2006 lena leagtar síos ceanglais maidir le córais uathoibríocha chun sonraí eitilte a mhalartú chun críche fógra a thabhairt, comhordú agus aistriú eitiltí idir aonaid rialaithe aerthráchta (IO L 186, 7.7.2006, lgh. 27–45).

Féach an leagan comhdhlúite.

Rialachán (CE) Uimh. 549/2004 ó Pharlaimint na hEorpa agus ón gComhairle an 10 Márta 2004 lena leagtar síos an creat maidir le cruthú an aerspáis Eorpaigh aonair (an creat-Rialachán) (Téacs atá ábhartha maidir le LEE) - Ráiteas ó na Ballstáit maidir le saincheisteanna míleata a bhaineann leis an aerspás Eorpach aonair (IO L 96, 31.3.2004, lgh. 1–9).

Féach an leagan comhdhlúite.

Rialachán (CE) Uimh. 550/2004 ó Pharlaimint na hEorpa agus ón gComhairle an 10 Márta 2004 maidir le seirbhísí aerloingseoireachta a sholáthar san aerspás Eorpach aonair (an Rialachán maidir le soláthar seirbhísí) (IO L 96, 31.3.2004, lgh. 10–19)

Féach an leagan comhdhlúite.

Rialachán (CE) Uimh. 551/2004 ó Pharlaimint na hEorpa agus ón gComhairle an 10 Márta 2004 maidir le heagrú agus le húsáid an aerspáis san aerspás Eorpach aonair (an Rialachán maidir le hAerspás) (Téacs atá ábhartha maidir le LEE) - ráiteas ón gCoimisiún (IO L 96, 31.3.2004, lgh. 20–25).

Féach an leagan comhdhlúite.

Nuashonraithe 24.06.2022