Sábháilteacht ar Bhóithre: bunachar sonraí AE um thimpistí tráchta bóthair

PRÍOMHPHOINTÍ

Ní mór do thíortha AE:

• staitisticí a thaifeadadh maidir le timpistí tráchta bóthair lena mbaineann feithicil amháin ar a laghad agus atá ina gcúis le básanna nó gortuithe ina dtír;
• na sonraí sin a tharchur chuig an gCoimisiún Eorpach gach bliain (Eurostat).

Ní mór don Choimisiún Eorpach a chinntiú go ndéantar na sonraí arna bhfáil a scaipeadh, go bhfeidhmítear an bunachar sonraí go ceart agus cinneadh a dhéanamh faoi na coinníollacha maidir le rochtain ar na sonraí, agus ar aon fhoilseacháin, i gcomhar le Grúpa Oibre Saineolaithe CARE.

Bhí ar an gCoimisiún, tar éis 3 bliana ó chur chun feidhme an chinnidh sin, tuarascáil a ullmhú don Chomhairle maidir leis na torthaí a fuarthas agus maidir leis na táscairí a bhí ina dtoradh orthu chun leanúint de na gníomhaíochtaí.

Bhí conclúidí na tuarascála dearfach tríd is tríd. Moladh roinnt feabhsuithe amhail:

• na sonraí faoi thimpistí a chomhchuibhiú;
• faisnéis nua a sholáthar d’fhonn na hanailísí comparáideacha idirnáisiúnta a shlánú;
• comhoibriú idir tíortha AE a fheabhsú, mar tá ról tábhachtach aige sin maidir le bainistíocht agus cáilíocht sonraí, agus maidir le beartas a fhorbairt i dtaca le rochtain úsáideoirí ar CARE agus a fheidhmiú.