Tacaíonn Coiste Bhuanionadaithe Rialtais na mBallstát chuig an Aontas Eorpach (Coreper) agus meithleacha agus coistí speisialaithe le Comhairle an Aontais Eorpaigh.
Cuidíonn na comhlachtaí ullmhúcháin sin le hobair na Comhairle a ullmhú. Tá siad comhdhéanta de thoscairí ó gach Ballstát AE agus tugann Ardrúnaíocht na Comhairle cúnamh dóibh.
Féadfar coistí, grúpaí agus meithleacha a bhunú leis na Conarthaí, le cinntí idir–rialtasacha, le gníomh ón gComhairle nó le Coreper. Is féidir leo a bheith buan (mar shampla, an Coiste Eacnamaíoch agus Airgeadais dá bhforáiltear le hAirteagal 134 CFAE) nó d’fhéadfaí iad a chruthú ar bhonn ad hoc le haghaidh cuspóir sonrach agus deireadh a chur leo nuair a bheidh a gcúram comhlíonta.
Féadfaidh cathaoirleach ceaptha nó cathaoirleach tofa, toscaire na tíre a bhfuil uachtaránacht rothlach 6 mhí na Comhairle aici, ionadaí d’Ardionadaí an Aontais do Ghnóthaí Eachtracha agus don Bheartas Slándála nó Ardrúnaíocht na Comhairle cathaoirleacht a dhéanamh orthu.