Freagracht shóisialta chorparáideach san Aontas Eorpach

ACHOIMRE AR:

An Eoraip a bhunú mar lárionad barr feabhais don fhreagracht shóisialta chorparáideach — COM(2006) 136 final

ACHOIMRE

CÉARD A DHÉANANN AN TEACHTAIREACHT SEO?

—

Leagtar amach sa teachtaireacht seo tosaíochtaí agus bearta maidir le hábhair um fhreagracht shóisialta chorparáideach* (FSC) chun leas níos fearr a bhaint as cumas na gcuideachtaí cur le forbairt inbhuanaithe agus le cuspóirí na straitéise um fhás agus um fhorbairt.

—

Trína leithéid a dhéanamh, cuirtear sochair ar fáil do na cuideachtaí, do gheilleagar an Aontais Eorpaigh (AE) agus don sochaí iomlán.

PRÍOMHPHOINTÍ

—

Glacann raon leathan gníomhairí (mar shampla ceardchumainn, infheisteoirí, tomhaltóirí agus eagraíochtaí neamhrialtasacha) páirt i gcleachtas FSC a fhorbairt.

—

Díríonn an Coimisiún Eorpach ar na rudaí seo a leanas chun FSC a chur chun cinn:

—

tacaíocht a thabhairt do thionscnaimh il-gheallsealbhóirí;

—

comhoibriú le tíortha AE laistigh de Ghrúpa na nIonadaithe Ardleibhéil Náisiúnta maidir le FSC chun leas a bhaint as ionstraimí náisiúnta agus réigiúnacha;

—

feasacht tomhaltóirí a mhúscailt maidir le tionchar roghanna;

—

FSC a chur chun cinn i measc fiontar beag agus meánmhéide (FBManna).

—

Baintear leas freisin as tagarmharcanna idirnáisiúnta a bhfuil meas orthu, amhail:

—

Prionsabail Threoracha na Náisiún Aontaithe (NA) maidir le Gnó agus Cearta an Duine;

—

Socrú Domhanda na NA;

—

an Dearbhú Tríthaobhach Prionsabal maidir le Fiontair Ilnáisiúnta agus Beartas Sóisialta de chuid na hEagraíochta Idirnáisiúnta Saothair;

—

an Treoir maidir le Freagracht Shóisialta ISO 26 000; agus

—

http://www.oecd.org/corporate/mne/.

—

Buíochas leis an mbeartas a leanadh ag an gCoimisiún Eorpach, rinneadh dul chun cinn sa réimse FSC. Tugtar achoimre i dteachtaireacht ó 2011 ar choincheap nua-aimseartha FSC, arna shainmhíniú ag an gCoimisiún, agus ar na gníomhartha a bhí le leanúint sa réimse sin idir 2011 agus 2014.

—

Áirítear leis an straitéis AE maidir le FSC:

—

infheictheacht FSC a fheabhsú agus dea-chleachtais FSC a scaipeadh;

—

leibhéil mhuiníne i ngnó a fheabhsú agus faireachán a dhéanamh orthu;

—

cleachtais féinrialúcháin agus chomhrialúcháin a fheabhsú;

—

na sochair mhargaidh a fheabhsú a bhaineann le FSC;

—

trédhearcacht a fheabhsú maidir le faisnéis shóisialta agus chomhshaoil na ngnóthas;

—

FSC a chomhtháthú san oideachas, san oiliúint agus i dtaighde;

—

béim a leagan ar a thábhachtaí atá beartais phoiblí FSC; agus

—

a mhéad agus a thagann cuir chuige Eorpacha agus dhomhanda FSC lena chéile a fheabhsú.

—

Sheol an Coimisiún comhairliúchán poiblí ar an FSC 2011-2014 chun straitéis FSC a mheas. Rinneadh iarracht sa straitéis sin éachtaí, easnaimh agus dúshláin thodhchaíocha a aithint.

CÚLRA

Ó foilsíodh Páipéar Uaine maidir le freagracht shóisialta chorparáideach de chuid an Choimisiúin Eorpaigh in 2001, tá ról ceannródaíoch á ghlacadh aige ó shin i leith maidir le beartas poiblí a fhorbairt a thacaíonn le FSC.

—

Freagracht shóisialta chorparáideach

EOCHAIRTHÉARMA

* Freagracht shóisialta chorparáideach (FSC): coincheap trína dhéanann cuideachtaí freagrachtaí sóisialta agus comhshaoil a chomhtháthú ina n-oibríochtaí gnó agus ina gcaidreamh le páirtithe leasmhara ar bhonn deonach. Ba cheart don FSC a bheith bunaithe ar chuideachtaí, ach is féidir le ról tacaíochta a bheith ag rialtais freisin trí bhearta agus trí rialacháin bheartais.

GNÍOMH

Teachtaireacht ón gCoimisiún chuig Parlaimint na hEorpa, chuig an gComhairle agus chuig Coiste Eacnamaíoch agus Sóisialta na hEorpa — An chomhpháirtíocht um fhás agus um poist a chur i bhfeidhm: an Eoraip a bhunú mar lárionad barr feabhais don fhreagracht shóisialta chorparáideach (COM(2006) 136 final an 22.3.2006)

GNÍOMHARTHA GAOLMHARA

Doiciméad oibre foirne ón gCoimisiún i ndáil le prionsabail threoracha na NA maidir le gnó agus cearta an duine a chur i bhfeidhm — Staid na hOibre (SWD(2015) 144 final an 14.7.2015)

Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún — Straitéis athnuaite AE 2011-14 don Fhreagracht Shóisialta Chorparáideach (COM(2011) 681 final an 25.10.2011)

Comhairliúchán poiblí ar an bhfreagracht shóisialta chorparáideach, 2014

Rialachán (AE) Uimh. 995/2010 ó Pharlaimint na hEorpa agus ón gComhairle an 20 Deireadh Fómhair 2010 lena leagtar síos oibleagáidí do na hoibreoirí a chuireann adhmad agus táirgí adhmaid ar an margadh (IO L 295, 12.11.2010, lgh. 23-34)

Treoir 2014/95/AE ó Pharlaimint na hEorpa agus ón gComhairle an 22 Deireadh Fómhair 2014 lena leasaítear Treoir 2013/34/AE maidir le faisnéis neamhairgeadais agus éagsúlachta a nochtadh ag gnóthais agus ag grúpaí móra áirithe (IO L 330, 15.11.2014, lgh. 1-9)

Nuashonraithe 09.11.2015