Is é is aidhm don phlean gníomhaíochta athbhreithnithe na huaillmhianta i bplean gníomhaíochta 2016 a neartú, rud a threisíonn tiomantas leanúnach an Aontais Eorpaigh (AE) don chomhrac i gcoinne na gáinneála ar fhiadhúlra. Agus na hacmhainní cuí ag gabháil leis, tá sé mar aidhm go bhfeidhmeoidh an plean gníomhaíochta mar threoirphlean le haghaidh gníomhaíocht agus comhar uaillmhianach cuimsitheach – laistigh den Aontas Eorpach agus ar fud an domhain – chun deireadh a chur le trádáil neamhdhleathach i bhfiadhúlra.
Is saincheist thábhachtach dhomhanda í an trádáil neamhdhleathach i bhfiadhúlra a bhaineann le gach tír, agus tá gáinneáil á déanamh ar réimse leathan speiceas. Leis an trádáil sin, cuirtear bagairt throm ar an mbithéagsúlacht, rud is cúis le díothú speiceas agus a chuireann isteach ar éiceachórais go minic, agus a d’fhéadfadh éifeachtaí díobhálacha a bheith aige freisin ar phobail áitiúla agus ar an tsláinte dhomhanda tríd an riosca um ghalair zónóiseacha a mhéadú. Tá brabús eacnamaíoch ag baint le gáinneáil ar fhiadhúlra, cothaítear éilliú léi, lagaítear an smacht reachta léi agus tá baint aici le coireacht eagraithe agus sceimhlitheoireacht.
Tá ról ríthábhachtach ag an Aontas mar mhol le haghaidh gáinneáil dhomhanda ar fhiadhúlra. Agus luach tuairiscithe trádála neamhdhleathaí dar luach €7 milliún ar a laghad san Aontas Eorpaigh in 2019 ag baint léi, tá an tAontas breá ábalta bheith i gceannas ar iarrachtaí domhanda i gcoinne na coireachta sin. Chuir an tAontas Eorpach rialacháin dhochta i bhfeidhm lena sáraítear ceanglais an Choinbhinsiúin maidir le Trádáil Idirnáisiúnta i Speicis Fauna agus Flora Fiáine i mBaol chun speicis atá i mbaol a chosaint.
Ó 2016 i leith, tá tús áite tugtha do gháinneáil ar fhiadhúlra ag lucht ceaptha beartas agus gníomhaireachtaí forfheidhmithe dlí AE, rud a bhfuil méadú ar bhearta forfheidhmithe, imscrúduithe trasteorann agus ionchúisimh mar thoradh air. Tá gníomh déanta ag an Aontas Eorpach freisin i bhfóraim iltaobhacha agus tá sé rannpháirteach i gcomhar idirnáisiúnta. In ainneoin na n–iarrachtaí sin, tá dúshláin le sárú fós, lena n–áirítear bealaí trádála atá ag teacht chun cinn, méadú ar gháinneáil ar líne agus easpa sainacmhainní maidir le hionchúiseamh agus forfheidhmiú.
Tugtar aghaidh sa phlean gníomhaíochta athbhreithnithe, a síneadh go 2027, ar na dúshláin sin trí dhíriú ar na ceithre thosaíocht seo a leanas.
Chun na tosaíochtaí sin a bhaint amach, déantar achoimre sa phlean gníomhaíochta ar roinnt cuspóirí agus gníomhaíochtaí, lena n–áirítear an méid seo a leanas:
Braitheann rath an phlean gníomhaíochta ar acmhainní leordhóthanacha airgeadais agus daonna. Leagann an tAontas Eorpach béim ar a thábhachtaí atá sé saincheisteanna trádála fiadhúlra a chomhtháthú i gcláir mhaoiniúcháin ábhartha an Aontais, amhail an Ciste Slándála Inmheánaí, an clár LIFE, agus an an Ionstraim maidir leis an gComharsanacht, an Fhorbairt agus an Comhar Idirnáisiúnta – An Eoraip Dhomhanda.
Chun monatóireacht a dhéanamh ar an dul chun cinn, bunóidh an tAontas córas chun cur chun feidhme an phlean gníomhaíochta a rianú, a mbeidh sásra tuairiscithe do Bhallstáit AE agus do pháirtithe leasmhara i gceist leis. Cuimseofar sa chóras sin táscairí sonracha chun tionchar an phlean maidir le laghdú a dhéanamh ar gháinneáil ar fhiadhúlra a thomhas.
Eisíodh an plean gníomhaíochta athbhreithnithe an , mar aon le clár ama táscach le haghaidh gníomhaíochtaí ó 2022 go 2027.
Le haghaidh tuilleadh faisnéise, féach:
Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún – Athbhreithniú ar phlean gníomhaíochta an Aontais i gcoinne na gáinneála ar fhiadhúlra (COM(2022) 581 final, ).
an nuashonrú is déanaí