An Banc Ceannais Eorpach — dlúthchomhar laistigh den Sásra Aonair Maoirseachta le Ballstáit AE nach bhfuil sa limistéar euro

PRÍOMHPHOINTÍ

Bunaíodh Córas maoirseachta baincéireachta na hEorpa mar an córas maoirseachta baincéireachta, atá comhdhéanta de BCE agus d’údaráis náisiúnta inniúla na mBallstát atá rannpháirteach, chun bainc shábháilte shláine, córas airgeadais atá seasmhach agus comhtháite agus maoirseacht chomhleanúnach gach bainc a áirithiú. Tá gach tír sa limistéar euro rannpháirteach i maoirseacht bhaincéireacht na hEorpa go huathoibríoch.

Is féidir le Ballstáit nach bhfuil an euro á úsáid acu a bheith rannpháirteach in SAM trína iarraidh go mbúnófar dlúthchomhar idir an BCE agus a n–údarás náisiúnta inniúil. Tráth a bhunaítear dlúthchomhar, is féidir leis na Ballstáit sin a bheith rannpháirteach in SAM agus sa Sásra Réitigh Aonair, lena áirithítear réiteach ordúil na mbanc a bhfuil ag cliseadh orthu.

Le bunú dlúthchomhair cuirtear le sábháilteacht agus sláine na mbanc agus cothaítear próiseas comhtháthaithe airgeadais ar fud an mhargaidh aonair.

Faoi dhlúthchomhar, cuirtear de cheangal ar údaráis náisiúnta inniúla aon bheart maidir le heintitis faoi mhaoirseacht a glacadh arna iarraidh sin ag BCE. Tá na gníomhartha reachtacha a ghlacann BCE ceangailteach agus in–fhorfheidhmithe agus ní mór do na húdaráis náisiúnta inniúla an fhaisnéis uile is gá a sholáthar do BCE chun cúraimí maoirseachta BCE a dhéanamh.

Déantar cur síos i rialachán SAM, creat rialachán SAM agus i gcinneadh BCE ar dhlúthchomhar ar an bpróiseas a bhaineann le dhlúthchomhar a bhunú agus conas a oibríonn an dlúthchomhar sin.

Na céimeanna chun dlúthchomhar a bhunú:

1. Iarrann an Ballstát nach bhfuil sa limistéar euro go foirmiúil ar an mBallstát sin dlúthchomhar a dhéanamh faoi SAM;
2. ullmhaíonn agus glacann Ballstát nach bhfuil sa limistéar euro reachtaíocht náisiúnta a trína féidir le BCE a chúraimí maoirseachta laistigh den chreat dlúthchomhair a dhéanamh, agus déanann BCE measúnú ar an reachtaíocht sin;
3. tugann BCE faoi mheasúnú cuimsitheach ar bhainc an Bhallstáit lena mbaineann, measúnú atá cosúil leis an measúnú a rinneadh ar bhainc sa limistéar euro in 2014 sular bunaíodh SAM;
4. glacann BCE cinneadh lena gcuirtear in iúl conas a aistreofar cúraimí maoirseachta chuig BCE agus cathain a thosóidh an dlúthchomhar.

Maoirseacht faoi dhlúthchomhar.

• Tráth a bhunaítear dlúthchomhar, beidh Ballstát lena mbaineann ina bhall de SAM agus beidh staid a údaráis inniúla náisiúnta inchomparáide le staid na n–údarás náisiúnta inniúil uile de chuid na mBhallstát atá rannpháirteach in SAM. Ciallaíonn sé sin go ndéanfaidh BCE maoirseacht ar institiúidí creidmheasa suntasacha sna tíortha atá rannpháirteach i ndlúthchomhar, tabharfaidh sé faoin méid sin trí threoracha a thabhairt do na húdaráis náisiúnta inniúla, agus leanfaidh údaráis náisiúnta inniúla de mhaoirseacht a dhéanamh ar institiúidí atá aicmithe mar institiúidí creidmheasa nach bhfuil chomh suntasach, agus beidh ról formhaoirseachta ag BCE air sin.

An dlúthchomhar a chur ar fionraí nó a fhoirceannadh:

• féadfaidh BCE an dlúthchomhar a chur ar fionraí ar feadh tréimhse suas le 6 mhí, ag tabhairt cúiseanna ar son a chinneadh;
• féadfaidh BCE nó Ballstát lena bhfuil dlúthchomhar ar bun foirceannadh an dhlúthchomhair a thionscnamh.

Nuair a chomhlíonann Ballstát a bhfuil dlúthchomhar ann na coinníollacha is gá maidir le glacadh an euro agus go nglacann an Ballstát sin an euro, beidh sé ina bhall den Eorachóras.