PRÍOMHPHOINTÍ

Níl feidhm ag an rialachán maidir le:
- tiontairí voltais;
- soláthairtí cumhachta do-bhriste;
- luchtairí ceallra gan feidhm soláthair cumhachta;
- tiontairí soilsithe;
- soláthairtí seachtracha cumhachta le haghaidh feistí leighis;
- cumhacht ghníomhach thar insteallairí Ethernet;
- stáisiúin nasctha le haghaidh fearais uathrialacha;
- soláthairtí seachtracha cumhachta a cuireadh ar an margadh roimh an 1 Aibreán 2025 go heisiach mar chomhpháirteanna seirbhíse nó páirteanna spártha chun soláthairtí seachtracha cumhachta comhionanna a cuireadh ar an margadh roimh an 1 Aibreán 2020.a athsholáthar.
Leagtar amach na ceanglais éicidhearthóireachta in Iarscríbhinn II.
Leagtar amach sa rialachán an nós imeachta um measúnú comhréireachta agus in Iarscríbhinn II, pointe 3, an modh tomhais agus na ríomhanna a chaithfear a úsáid.
Ní mór do na húdaráis náisiúnta na nósanna imeachta fíorúcháin atá leagtha síos in Iarscríbhinn III a chur i bhfeidhm agus seiceálacha faireachais margaidh á ndéanamh.
In Iarscríbhinn IV leagtar amach tagarmharcanna táscacha do na táirgí agus na teicneolaíochtaí is fearr feidhmíochta atá ar fáil ar an margadh.

Aisghairtear an rialachán le Rialachán (AE) 2025/2052 ón gCoimisiún (féach an achoimre) le héifeacht ón 14 Nollaig 2028:

ón dáta sin, ní bheidh feidhm a thuilleadh ag Rialachán (AE) 2019/1782 maidir le soláthairtí cumhachta seachtracha a chuirtear ar an margadh nó a chuirtear i seirbhís;
Le Rialachán (AE) 2025/2052 leasaítear na ceanglais éicidhearthóireachta maidir le soláthairtí cumhachta seachtracha, lena dtugtar isteach ceanglais nuashonraithe, lena n-áirítear raon feidhme leathnaithe, rialacha idir-inoibritheachta agus oibleagáidí nua faisnéise;
le forálacha idirthréimhseacha, ceadaítear do sholáthairtí cumhachta seachtracha áirithe ar páirteanna spártha iad leanúint de cheanglais Rialachán (AE) 2019/1782 a chomhlíonadh go ceann tréimhse theoranta tar éis na haisghairme, faoi choinníollacha sonracha.

CÚLRA

Treoir 2009/125/CE lena mbunaítear creat chun ceanglais éicidhearthóireachta a shocrú maidir le táirgí a bhaineann le fuinneamh. Ní mór don Choimisiún Eorpach iad sin a leagan síos do tháirgí a dhíoltar agus a thrádáiltear go forleathan san Aontas Eorpach agus a bhfuil tionchar suntasach acu ar an gcomhshaol.

Chun tuilleadh faisnéise a fháil, féach:

Éicidhearadh. Beartas maidir le feabhas, trí dhearadh níos fearr, a chur ar fheidhmíocht chomhshaoil táirgí le linn a saolré, go háirithe a n–éifeachtúlacht fuinnimh.
Soláthar seachtrach cumhachta. Feiste a athraíonn sruth ailtéarnach aon phas ón bpríomhlíonra ina aschur amháin nó níos mó de shruth ailtéarnach nó de shruth díreach, agus atá i gcásáil ar leithligh ón táirge arna chumhachtú.