Éicidhearthóireacht agus ceanglais lipéadaithe fuinnimh — meaisíní níocháin agus niteoir-triomadóirí tí

PRÍOMHPHOINTÍ

Rialachán (AE) Uimh. 2019/2023

• Ní bhaineann sé le meaisíní níocháin tí le toilleadh níos lú ná 2 kg ná le niteoir-triomadóirí tí le toilleadh 2 kg ná níos lú.
• Leagtar amach na ceanglais éicidhearthóireachta in Iarscríbhinn II, lena gcumhdaítear:
  • ceanglais chláir, lena n-áirítear rialacha maidir le soláthar clár “éiceolaíochta 40-60” agus timthriall nigh & triomaigh (do niteoir-triomadóirí). Ní mór don chlár éiceolaíochta 40-60 a bheith leagtha amach mar an clár réamhshocraithe nuair is féidir, nó a bheith ar fáil mar rogha dhíreach gan aon ghá rogha eile amhail teocht ar leith nó ualach a dhéanamh. Ní féidir na sonraí “gnáth”, “laethúil”, “rialta” agus “caighdeánach” a úsáid in ainmneacha na gclár leo féin nó in éineacht le heolas eile;
  • timthriall nigh agus triomaigh;
  • éifeachtúlacht fuinnimh;
  • ceanglais feidhmeanna (éifeachtúlacht níocháin agus éifeachtacht rinseála);
  • ceanglais maidir le fad ama;
  • ídiú uisce;
  • mód ísealchumhachta (mód múchta agus mód neamhfheidhmiúil);
  • éifeachtúlacht acmhainní, lena n-áirítear infhaighteacht páirteanna spártha, rochtain ar fhaisnéis faoi dheisiú agus faoi chothabháil, aisghabháil ábhair agus athchúrsáil;
  • faisnéis le haghaidh suiteálaithe agus úsáideoirí deiridh;
• Leagtar amach an nós imeachta um measúnú comhréireachta: ní mór d’údaráis náisiúnta na nósanna imeachta fíorúcháin atá leagtha síos in Iarscríbhinn IV a chur i bhfeidhm agus seiceálacha faireachais margaidh á ndéanamh, agus na modhanna tomhais agus ríomhaireachtaí, in Iarscríbhinn III, a caithfear a leanúint.
• Leagtar amach in Iarscríbhinn V tagarmharcanna táscacha bunaithe ar na táirgí agus ar na teicneolaíochtaí is fearr a fheidhmíonn atá ar fáil le haghaidh fearais mar sin i gcomhthéacs a n-ídiú uisce agus fuinnimh, éifeachtúlacht níocháin agus astaíochtaí torainn aeriompartha.
• Ní mór don Choimisiún Eorpach athbhreithniú a dhéanamh ar an rialachán i bhfianaise an dul chun cinn theicniúil atá déanta agus measúnú a dhéanamh ar roinnt gnéithe, amhail ceanglais chun micreaphlaistigh a laghdú, 6 bliana ó tháinig sé i bhfeidhm.

Rialachán Tarmligthe (AE) 2019/2014

• Leagtar amach san acht tairmligthe aicme éifeachtúlachta fuinnimh, an aicme éifeachtúlachta castriomaithe agus an aicme astaíochtaí torainn aeriompartha atá bunaithe ar innéacs in Iarscríbhinn II.
• Leagtar amach an sin oibleagáidí na soláthraithe, lena n-áirítear a áirithiú go mbíonn:
  • lipéad clóite san fhormáid atá leagtha amach in Iarscríbhinn III curtha le gach meaisín níocháin tí agus niteoir-triomadóir tí agus, maidir le meaisín níocháin tí il-druma nó niteoir-triomadóir tí il-druma, faoi réir Iarscríbhinn X;
  • paraiméadair bhileog faisnéise an táirge (Iarscríbhinn V) agus na ndoiciméad teicniúil (Iarscríbhinn VI) curtha isteach i mbunachar sonraí an táirge;
  • lipéad leictreonach san fhormáid atá leagtha amach in Iarscríbhinn III, agus an fhaisnéis arna leagan amach san Iarscríbhinn sin, ar fáil do dhéileálaithe do gach cineál meaisín níocháin tí agus niteoir-triomadóir tí.
• Leagtar amach oibleagáidí na soláthraithe, lena n-áirítear a áirithiú go mbeidh:
  • lipéad soiléir a sholáthróidh na soláthraithe ar gach fearas a bheidh ar díol i gcomhréir le hIarscríbhinn III;
  • i gcás ciandíola, an lipéad agus bileog faisnéise an táirge ag cloí le hIarscríbhinní VII agus VIII
• Caithfidh ardáin óstála idirlín a áirithiú go bhfuil an lipéad leictreonach agus an bhileog faisnéise táirge leictreonach a sholáthróidh an déileálaí taispeánta go soiléir, de réir Iarscríbhinn VIII, ar gach fearas den chineál sin a dhíolfar go díreach ar fud an tsuímh.
• Go gcuirfidh na húdaráis náisiúnta na nósanna imeachta fíorúcháin atá leagtha síos in Iarscríbhinn IX i bhfeidhm agus seiceálacha faireachais margaidh á ndéanamh.
• Ní mór don Choimisiún athbhreithniú a dhéanamh ar an rialachán tarmligthe sin i bhfianaise an dul chun cinn theicniúil atá déanta 6 bliana ó tháinig siad i bhfeidhm lena n-áirítear an fhéidearthacht tabhairt faoi chuspóirí geilleagair chiorclaigh.

Cén uair atá tosach feidhme na rialachán?

Tá an dá cheann i bhfeidhm ón 1 Márta 2021.