Acmhainní iascaigh a chaomhnú agus éiceachórais mhara a chosaint

ACHOIMRE AR:

Rialachán (AE) 2019/1241 — maidir le hacmhainní iascaigh a chaomhnú agus le héiceachórais mhara a chosaint trí bhearta teicniúla

CAD IS AIDHM LEIS AN RIALACHÁN?

Leagtar amach leis an dóigh, an áit agus an uair ar féidir iasc a ghabháil in uiscí AE agus cé acu iasc agus cá mhéad iasc is féidir a ghabháil iontu chun na speicis a chaomhnú agus éiceachórais mhara a chosaint.
Leasaítear leis Rialachán (CE) Uimh. 812/2004, Rialachán (CE) Uimh. 894/97, Rialachán (CE) Uimh. 850/98, Rialachán (CE) Uimh. 2549/2000, Rialachán (CE) Uimh. 254/2002 agus Rialachán (CE) Uimh. 2187/2005.

PRÍOMHPHOINTÍ

Cuspóirí

I gcomhréir le Comhbheartas Iascaigh AE arna leasú, ceapadh na rialacha chun an méid seo a leanas a dhéanamh:

a áirithiú go dtiocfaidh na leibhéil iascaireachta leis an uastáirgeacht inbhuanaithe*, chun gabhálacha de thaisme a laghdú agus éisc aischurtha a dhíothú, agus chun cur le dea–stádas comhshaoil a bhaint amach chomh maith;
cur le cosaint óg–orgánach muirí agus comhbhailiúcháin sceite speiceas muirí trí úsáid a bhaint as trealamh iascaireachta roghnach agus bearta chun gabhálacha de thaisme a sheachaint;
tionchar an trealaimh iascaireachta ar éiceachórais mhuirí a íoslaghdú agus go sonrach ar speicis agus ar ghnáthóga íogaire, lena n–áirítear, más cuí, úsáid a bhaint as dreasachtaí agus as bearta eile.

Príomhghnéithe

Cuimsítear sa rialachán roinnt gnéithe tábhachtacha amhail:

an nós imeachta maidir le comhar réigiúnach a shimpliú chun rialacha réigiúnaithe a chruthú le haghaidh limistéir éagsúla iascaireachta;
cineálacha áirithe modhanna iascaireachta a thoirmeasc nó a theorannú lena n–áirítear deireadh a chur le hiascaireacht leictreach de réir a chéile;
cineálacha áirithe trealaimh iascaireachta a thoirmeasc nó a theorannú, lena n–áirítear méideanna líontán;
speicis atá toirmeasctha a leagan amach;
cur chuige bunaithe ar thorthaí a bhunú. Le tabhairt isteach táscairí feidhmíochta roghnaíochta*, féachtar le tagarmharc cainníochtaithe a sholáthar ionas gur féidir éifeachtúlacht beart teicniúil a thomhais;
limistéir dhúnta agus séasúir dhúnta d’iascaireacht a thabhairt isteach.

Taighde eolaíoch

Ionas nach gcuirtear bac ar thaighde eolaíoch nó ar athstocáil díreach agus trasphlandú, níl feidhm ag na rialacha maidir le hoibríochtaí a dhéantar chun na críocha sin.

CÉN UAIR ATÁ TOSACH FEIDHME AN RIALACHÁIN?

Tá feidhm leis ón 14 Lúnasa 2019.

CÚLRA

Le haghaidh tuilleadh faisnéise, féach:

Bearta teicniúla (An Coimisiún Eorpach).

PRÍOMHTHÉARMAÍ

Uastáirgeacht inbhuanaithe: an t–uasleibhéal ag ar féidir stoic éisc a shaothrú go rialta gan iad a ídiú ar bhonn buan.

Táscaire feidhmíochta roghnaíochta: uirlis tagartha chun monatóireacht a dhéanamh ar an dul chun cinn le himeacht ama i dtreo chuspóir an Chomhbheartais Iascaigh a bhaint amach maidir le gabhálacha de thaisme a íoslaghdú.

PRÍOMHDHOICIMÉAD

Rialachán (AE) 2019/1241 ó Pharlaimint na hEorpa agus ón gComhairle an 20 Meitheamh 2019 maidir le hacmhainní iascaigh a chaomhnú agus éiceachórais mhuirí a chosaint trí bhearta teicniúla, lena leasaítear Rialacháin (CE) Uimh. 1967/2006 agus (CE) Uimh. 1224/2009 ón gComhairle agus Rialacháin (AE) Uimh. 1380/2013, (AE) 2016/1139, (AE) 2018/973, (AE) 2019/472 agus (AE) 2019/1022 ó Pharlaimint na hEorpa agus ón gComhairle, agus lena n–aisghairtear Rialacháin (CE) Uimh. 894/97, (CE) Uimh. 850/98, (CE) Uimh. 2549/2000, (CE) Uimh. 254/2002, (CE) Uimh. 812/2004 agus (CE) Uimh. 2187/2005 ón gComhairle (IO L 198, 25.7.2019, lgh. 105-201)

Rinneadh leasuithe comhleanúnacha ar Rialachán (AE) 2019/1241 a chorprú sa bhundoiciméad. Níl sa leagan comhdhlúite seo ach luach doiciméadach amháin.

DOICIMÉID GHAOLMHARA

Rialachán (AE) 2019/1022 ó Pharlaimint na hEorpa agus ón gComhairle an 20 Meitheamh 2019 lena mbunaítear plean ilbhliantúil do na hiascaigh a shaothraíonn stoic ghrinnill sa Mheánmhuir Thiar agus lena leasaítear Rialachán (AE) Uimh. 508/2014 (IO L 172, 26.6.2019, lgh. 1-17)

Féach an leagan comhdhlúite.

Rialachán (AE) 2019/472 ó Pharlaimint na hEorpa agus ón gComhairle an 19 Márta 2019 lena mbunaítear plean ilbhliantúil do stoic a dhéantar a iascach in Uiscí an Iarthair agus sna huiscí máguaird agus d’iascaigh a shaothraíonn na stoic sin, lena leasaítear Rialacháin (AE) 2016/1139 agus (AE) 2018/973, agus lena n–aisghairtear Rialacháin (CE) Uimh. 811/2004, (CE) Uimh. 2166/2005, (CE) Uimh. 388/2006, (CE) Uimh. 509/2007 agus (CE) Uimh. 1300/2008 ón gComhairle (IO L 83, 25.3.2019, lgh. 1-17)

Féach an leagan comhdhlúite.

Rialachán (AE) 2018/973 ó Pharlaimint na hEorpa agus ón gComhairle an 4 Iúil 2018 lena mbunaítear plean ilbhliantúil do stoic ghrinnill sa Mhuir Thuaidh agus don iascach a shaothraíonn na stoic sin, lena sonraítear mionsonraí maidir le cur chun feidhme na hoibleagáide gabhálacha a thabhairt i dtír sa Mhuir Thuaidh agus lena n–aisghairtear Rialachán (CE) Uimh. 676/2007 agus Rialachán (CE) Uimh. 1342/2008 ón gComhairle (IO L 179, 16.7.2018, lgh. 1-13)

Féach an leagan comhdhlúite.

Rialachán (AE) 2016/1139 ó Pharlaimint na hEorpa agus ón gComhairle an 6 Iúil 2016 lena mbunaítear plean ilbhliantúil do na stoic troisc, scadáin agus saláin i Muir Bhailt agus don iascach a shaothraíonn na stoic sin, lena leasaítear Rialachán (CE) Uimh. 2187/2005 ón gComhairle agus lena n–aisghairtear Rialachán (CE) Uimh. 1098/2007 ón gComhairle (IO L 191, 15.7.2016, lgh. 1-15)

Féach an leagan comhdhlúite.

Rialachán (AE) Uimh. 1380/2013 ó Pharlaimint na hEorpa agus ón gComhairle an 11 Nollaig 2013 maidir leis an gComhbheartas Iascaigh, lena leasaítear Rialachán (CE) Uimh. 1954/2003 ón gComhairle agus Rialachán (CE) Uimh. 1224/2009 ón gComhairle agus lena n–aisghairtear Rialachán (CE) Uimh. 2371/2002 ón gComhairle, Rialachán (CE) Uimh. 639/2004 ón gComhairle agus Cinneadh 2004/585/CE ón gComhairle (IO L 354, 28.12.2013, lgh. 22-61)

Féach an leagan comhdhlúite.

Rialachán (CE) Uimh. 1224/2009 ón gComhairle an 20 Samhain 2009 lena mbunaítear córas rialaithe Comhphobail chun comhlíonadh rialacha an chomhbheartais iascaigh a áirithiú, lena leasaítear Rialacháin (CE) Uimh. 847/96, (CE) Uimh. 2371/2002, (CE) Uimh. 811/2004, (CE) Uimh. 768/2005, (CE) Uimh. 2115/2005, (CE) Uimh. 2166/2005, (CE) Uimh. 388/2006, (CE) Uimh. 509/2007, (CE) Uimh. 676/2007, (CE) Uimh. 1098/2007, (CE) Uimh. 1300/2008 agus (CE) Uimh. 1342/2008 agus lena n–aisghairtear Rialacháin (CEE) Uimh. 2847/93, (CE) Uimh. 1627/94 agus (CE) Uimh. 1966/2006 (IO L 343, 22.12.2009, lgh. 1-50)

Féach an leagan comhdhlúite.

Treoir 2008/56/EC ó Pharlaimint na hEorpa agus ón gComhairle ar an 17 Meitheamh 2008 lena mbunaítear creat le haghaidh gníomhaíocht phobail i réimse beartas na muirthimpeallachtaí (Treoir Réime um Straitéis Mhuirí ) (IO L 164, 25.6.2008, lgh. 19-40)

Féach an leagan comhdhlúite.

Rialachán (CE) Uimh. 1967/2006 ón gComhairle an 21 Nollaig 2006 maidir le bearta bainistíochta maidir le saothrú inbhuanaithe acmhainní iascaigh sa Mheánmhuir, lena leasaítear Rialachán (CEE) Uimh. 2847/93 agus lena n–aisghairtear Rialachán (CE) Uimh. 1626/94 (IO L 409, 30.12.2006, lgh. 11-85). Téacs arna athfhoilsiú mar cheartúchán (IO L 36, 8.2.2007, lgh. 6-30)

Féach an leagan comhdhlúite.

Nuashonraithe 19.10.2022