Bearta sriantacha AE de bharr an cháis sa Ghuine

ACHOIMRE AR:

Cinneadh 2010/638/CBES maidir le bearta sriantacha de bharr an cháis sa Ghuine

Rialachán (AE) Uimh. 1284/2009 maidir le bearta sriantacha de bharr an cháis sa Ghuine

CAD IS AIDHM LEIS AN GCINNEADH AGUS LEIS AN RIALACHÁN?

Is cuid de bhosca uirlisí chomhbheartas eachtrach agus slándála (CBES) an Aontais Eorpaigh (AE) iad an cinneadh agus an rialachán, lena gcuirtear cuspóirí CBES chun cinn tríd an mbunús dlí a chur ar fáil do smachtbhannaí AE i bhfianaise na staide sa Ghuine i ndiaidh imeachtaí an 28 Meán Fómhair 2009.

PRÍOMHPHOINTÍ

Cuimsítear an méid seo a leanas sa chinneadh agus sa rialachán, a leasaíodh go leor uaireanta:

• Reo cistí agus acmhainní eacnamaíocha do dhaoine arna sainaithint ag an gCoimisiún Idirnáisiúnta Fiosrúcháin mar a bheith freagrach as imeachtaí 2009 sa Ghuine agus a gcomhlaigh (arna chinneadh ag Comhairle an Aontais Eorpaigh);
• diúltú iontrála i gcríoch AE do na daoine céanna sin.

Tá na daoine atá faoi réir na mbeart sin liostaithe san iarscríbhinn a ghabhann leis an rialachán agus leis an gcinneadh. Déanann an Chomhairle cinneadh maidir le hathruithe ar an liosta sin.

Díolúintí

Ceadaítear díolúintí ó na bearta sin leis an gcinneadh agus leis an rialachán araon, agus áirítear leo sin:

• scaoileadh sócmhainní reoite áirithe chun críocha dleathacha;
• taisteal ar fhorais daonnúla.

CÉN UAIR ATÁ TOSACH FEIDHME AN CHINNIDH AGUS AN RIALACHÁIN?

• Tá feidhm le Cinneadh 2010/638/CBES ón 25 Deireadh Fómhair 2010 i leith. Síneadh a bhailíocht roinnt uaireanta agus rachaidh sé in éag an 27 Deireadh Fómhair 2024.
• Tá feidhm ag Rialachán (AE) Uimh. 1284/2009 ón 23 Nollaig 2009.

CÚLRA

Le haghaidh tuilleadh faisnéise, féach:

• An tAontas Eorpach agus an Ghuine (An tSeirbhís Eorpach Gníomhaíochta Seachtraí).

PRÍOMHDHOICIMÉID

Cinneadh 2010/638/CBES ón gComhairle an 25 Deireadh Fómhair 2010 maidir le bearta sriantacha in aghaidh Phoblacht na Guine (IO L 280, 26.10.2010, lgh. 10-17).

Rinneadh leasuithe comhleanúnacha ar Threoir 2010/638/CBES a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

Rialachán (AE) Uimh. 1284/2009 ón gComhairle an 22 Nollaig 2009 maidir le bearta sriantacha i bhfianaise na staide sa Ghuine (IO L 346, 23.12.2009, lgh. 26-38).

Féach an leagan comhdhlúite.

DOICIMÉID GHAOLMHARA

Leagan comhdhlúite den Chonradh ar an Aontas Eorpach — Teideal V — Forálacha ginearálta maidir le gníomhaíochtaí seachtracha an Aontais agus forálacha faoi leith maidir leis an gcomhbheartas eachtrach agus slándála — Caibidil 2 — Forálacha faoi leith maidir leis an gcomhbheartas eachtrach agus slándála — Roinn 1 — Forálacha comhchoiteanna — Airteagal 29 (sean–Airteagal 15 CAE) (IO C 202, 7.6.2016, lch. 33).

Leagan comhdhlúite den Chonradh ar Fheidhmiú an Aontais Eorpaigh — Cuid a cúig — Gníomhaíocht sheachtrach an Aontais — Teideal IV — Bearta sriantacha — Airteagal 215 (sean-Airteagal 301 CFAE) (IO C 202, 7.6.2016, lch. 144).

Nuashonraithe 17.11.2023