Aicriolaimíd i mbia a laghdú

ACHOIMRE AR:

Rialachán (AE) 2017/2158 — bearta maolaithe agus leibhéil tagarmhairc maidir le haicriolaimíd i mbia a laghdú

CAD IS AIDHM LEIS AN RIALACHÁN?

Tá sé mar aidhm leis laghdú a dhéanamh ar an leibhéal aicriolaimíde* i mbia.

Déantar amhlaidh leis trína cheangal ar mhonaróirí, ar shreaganna agus ar bhialanna mearbhia, ar a dtugtar oibreoirí gnó bia le chéile, cloí le nósanna imeachta áirithe.

Tá na “bearta maolaithe” sin ceaptha lena áirithiú go mbeidh na leibhéil aicriolaimíde le haghaidh bianna éagsúla faoi na tagarmharcanna táscacha arna leagan amach sa reachtaíocht.

PRÍOMHPHOINTÍ

Tá na nósanna imeachta:

• bunaithe ar an eolas eolaíoch agus teicneolaíoch reatha;
• éagsúil ag brath ar mhéid an oibreora bia — tá siad níos dochraidí le haghaidh gnólachtaí mórscála.

Ní mór d’oibreoirí gnó bia:

• na bearta atá leagtha amach in iarscríbhinní an rialacháin a chur i bhfeidhm;
• an bia a tháirgeann siad a shampláil agus a anailísiú;
• breithniú an bhfuil gá nó nach bhfuil le hathruithe ar a bpróisis táirgthe.

Tá feidhm ag na bearta maidir le:

• roghnú, stóráil agus iompair comhábhar amh;
• oidis agus próisis deartha;
• faisnéis don phobal.

Is iad seo a leanas na táirgí atá cumhdaithe faoin reachtaíocht:

• sceallóga, táirgí gearrtha domhainfhriochta eile, agus brioscáin phrátaí slisnithe ó phrátaí úra;
• brioscáin phrátaí, sneaiceanna, brioscóga agus táirgí prátaí eile ó thaos prátaí;
• arán;
• mín-earraí báicéireachta amhail brioscaí, roscaí, barraí gránaigh, toirtíní, cóin, abhlanna, crompóga, arán sinséir, brioscóga agus arán criospa;
• caife (caife rosta agus caife ar an toirt) agus caife ionaid;
• bia leanaí agus bia próiseáilte bunaithe ar ghránaigh do naíonáin agus leanaí óga.

Déanfaidh an Coimisiún Eorpach an méid seo a leanas:

• breathnóidh sé ar uasleibhéil aicriolaimíde a leagan amach le haghaidh bianna áirithe;
• athbhreithneoidh sé na leibhéil tagarmhairc sa rialachán gach 3 bliana. Déanfar é sin den chéad uair in 2021.

CÉN UAIR ATÁ TOSACH FEIDHME AN RIALACHÁIN?

Tá feidhm leis ón 11 Aibreán 2018.

CÚLRA

Substaint charcanaigineach is ea aicriolaimíd a chruthaítear go nádúrtha nuair a dhéantar bia, go háirithe táirgí atá bunaithe ar phrátaí nó ar ghránaigh, caife agus caife ionaid, a fhrioch, a róstadh nó a bhácáil ag teochtaí os cionn 120°C.

Dhearbhaigh an tÚdarás Eorpach um Shábháilteacht Bia in 2015 go bhféadfadh aicriolaimíd an baol go bhforbródh ailse a mhéadú.

Tá an rialachán i gcomhréir leis an bprionsabal atá bunaithe i Rialachán (CE) Uimh. 852/2004 maidir le sláinteachas earraí bia nach mór don bhia a ithimid ardleibhéil um chosaint tomhaltóirí a chomhlíonadh.

Chun tuilleadh faisnéise a fháil, féach:

• Aicriolaimíd: vóta i bhfabhar thogra an Choimisiúin maidir le haicriolaimíd i mbia a laghdú — preaseisiúint (An Coimisiún Eorpach)
• Aicriolaimíd (An tÚdarás Eorpach um Shábháilteacht Bhia)

PRÍOMHTHÉARMAÍ

PRÍOMHDHOICIMÉAD

Rialachán (AE) 2017/2158 ón gCoimisiún an 20 Samhain 2017 lena mbunaítear bearta maolaithe agus leibhéil tagarmhairc chun aicriolaimíd i mbia a laghdú (IO L 304, 21.11.2017, lgh. 24-44)

DOICIMÉID GHAOLMHARA

Moladh 2013/647/AE ón gCoimisiún an 8 Samhain 2013 maidir le himscrúduithe ar na leibhéil aicriolaimíde i mbia (IO L 301, 12.11.2013, lgh. 15-17)

Rialachán (CE) Uimh. 852/2004 ó Pharlaimint na hEorpa agus ón gComhairle an 29 Aibreán 2004 maidir le sláinteachas earraí bia (IO L 139, 30.4.2004, lgh. 1-54) Téacs arna athfhoilsiú mar cheartúchán (IO L 226, 25.6.2004, lgh. 3-21)

Rinneadh leasuithe comhleanúnacha ar Rialachán (CE) Uimh. 852/2004 a chorprú isteach sa bhuntéacs. Níl de luach ar an leagan comhdhlúite seo ach luach doiciméadach amháin.

Rialachán (CE) Uimh. 178/2002 ó Pharlaimint na hEorpa agus ón gComhairle an 28 Eanáir 2002 lena leagtar síos prionsabail ghinearálta agus ceanglais ghinearálta maidir leis an dlí faoi bhia, lena mbunaítear an tÚdarás Eorpach um Shábháilteacht Bia agus lena leagtar síos nósanna imeachta in ábhair a bhaineann le sábháilteacht bia (IO L 31, 1.2.2002, lgh. 1-24)

Féach an leagan comhdhlúite.

Nuashonraithe 11.07.2018