Iomaíocht AE — seoladh imeachtaí ag an gCoimisiún Eorpach

PRÍOMHPHOINTÍ

Féadfaidh an Coimisiún:

• imscrúdú a oscailt tráth ar bith agus a chinneadh é sin a phoibliú;
• agallamh a chur ar dhaoine aonair agus fostaithe cuideachta a cheistiú agus cigireacht á dhéanamh aige;
• na téarmaí agus na coinníollacha faoina dtugann sé luach saothair do chuideachtaí a bhfuil imscrúdú á dhéanamh orthu as a gcomhoibriú a chinneadh;
• a chinneadh cibé acu gearáin a fhaigheann sé ina líomhnaítear iompar mídhleathach a dhiúltú nó gan iad a dhiúltú.

Agus imscrúdú á sheoladh, déanann an Coimisiún an méid seo a leanas:

• eisíonn sé ráiteas agóidí ina gcuirtear na cuideachta lena mbaineann ar an eolas faoi na líomhaintí ina gcoinne agus lena dtugtar deis dóibh freagra a thabhairt i scríbhinn;
• féadfaidh sé teorainn ama a shocrú faoina bhféadfadh na cuideachtaí a chinneadh páirt a ghlacadh i bplé comhréitigh²;
• tugtar an ceart do chuideachtaí a gcás a chur os comhair éisteacht phríobháideach ó bhéal faoi stiúir Oifigeach Éisteachta neamhspleách;
• tugtar rochtain do na cuideachtaí leis ar an bhfianaise agus ar na doiciméid a bhfuiltear ag úsáid ina gcoinne, mura bhfuil rúin ghnó, faisnéis rúnda nó doiciméid inmheánacha an Choimisiúin nó doiciméid náisiúnta iontu.

I gclár trócaire an Choimisiúin tairgtear:

• díolúine ó fhíneálacha don chuideachta is túisce a chuireann fianaise isteach go bhfuil cairtéal ann;
• fíneálacha laghdaithe do chuideachtaí a chuireann fianaise shubstaintiúil bhreise faoin ngníomhaíocht mhídhleathach líomhnaithe ar fáil ina dhiaidh sin.

Féadfaidh duine ar bith gearán a chomhdú leis an gCoimisiún ina líomhnaítear iompar mídhleathach. Chun é sin a dhéanamh, ní mór dóibh:

• a thaispeáint go bhfuil leas dlisteanach acu sa cheist;
• sonraí iomlána faoina n–aitheantas agus faoina ngnó féin a sholáthar;
• sonraí faoin iompar líomhnaithe a leagan amach agus fianaise iomchuí a chur isteach.