An réamheolaire atá le foilsiú nuair a thairgtear urrúis don phobal nó nuair a ligtear isteach iad chun a dtrádála ar mhargadh rialáilte

PRÍOMHPHOINTÍ

Maidir leis an rialachán:

• faightear réidh leis an ngá atá le réamheolaire le haghaidh aon tairgeadh urrús don phobal, lena n–áirítear tionscadail um shlua–mhaoiniú (airgead a thiomsú ó ghrúpa mór daoine, tríd an idirlín go minic) faoi €1 mhilliún (b’ionann an uasteorainn roimhe sin agus €100,000);
• ceadaítear do Bhallstáit an AE a bheith díolmhaithe ón oibleagáid réamheolaire a fhoilsiú le haghaidh tairiscintí urrús don phobal suas le €8 milliún, ar choinníoll nach dteastaíonn fógra uathu (“pas”³) – ní féidir ach urrúis a ligean isteach, áfach. chuig margadh rialáilte san AE tar éis réamheolaire a fhoilsiú (Airteagal 3(3));
• leagtar amach rialacha chun srian a chur ar an nós réamheolairí a ró–lódáil le tosca rioscaí cineálacha;
• neartaíonn sé cóineasú maoirseachta trí ghrinnscrúdú agus formheas réamheolairí (lena n-áirítear na hamlínte is infheidhme) a chomhchuibhiú ar fud an AE;
• cuirtear ar chumas cuideachtaí a eisíonn urrúis go minic úsáid a bhaint as an doiciméad clárúcháin uilíoch chun faomhadh mear ó mhaoirseoirí laistigh de 5 lá a áirithiú;
• tugann sé isteach bunachar sonraí Eorpach ar líne, arna oibriú saor in aisce ag an Údarás Eorpach um Urrúis agus Margaí (ESMA), ina bhfuil na réamheolairí go léir a formheasadh sa Limistéar Eorpach Eacnamaíoch.

Ceanglaítear réamheolaire leis an rialachán chun go mbeidh infheisteoirí ábalta cinneadh eolasach a dhéanamh. Ní mór go gcuimseofaí iad seo a leanas ann:

• sócmhainní, dliteanais, brabúis, caillteanais, staid airgeadais agus ionchais don eisitheoir agus ráthóir ar bith;
• na cearta a ghabhann leis na hurrúis;
• cúiseanna leis na hurrúis a eisiúint agus a dtionchar ar an eisitheoir;
• achoimre shoiléir agus chruinn seacht leathanach (seachas urrús neamhchothromais a ligean isteach chun a thrádáil atá dírithe ar infheisteoirí cáilithe amháin) a fhorálann:
  • réamhrá ina bhfuil rabhaidh, go bhféadfadh an t–infheisteoir an caipiteal infheistithe ar fad nó cuid de a chailleadh,
  • faisnéis thábhachtach faoi na hurrúis, lena n–áirítear cineál agus aicme na n–urrús agus na cearta a ghabhann leis na hurrúis,
  • faisnéis faoin eisitheoir,
  • cur síos gairid ar chineál agus raon feidhme ráthaíochta.

Bunaítear leis an rialachán réamheolaire fáis AE atá caighdeánaithe agus simplithe le haghaidh:

• FBManna, arna sainmhíniú i dTreoir 2014/65/AE (treoir MiFID II) (féach achoimre) mar chuideachtaí a chomhlíonann ar a laghad dhá cheann de na trí chritéar seo a leanas:
  • meánlíon fostaithe faoi bhun 250 le linn na bliana airgeadais,
  • clár comhardaithe iomlán nach mó ná EUR 43 mhilliún,
  • glan–mheán–láimhdeachas bliantúil nach mó ná EUR 50 milliún;
• eisitheoirí, seachas FBManna, a bhfuil a n-urrús á dtrádáil nó le trádáil ar mhargadh fáis FBManna (margadh a thairgeann rochtain ar chaipiteal do FBManna), a bhfuil meánchaipitliú margaidh (luach margaidh scaireanna cuideachta) faoi bhun €500 milliún;
• tairiscint urrús arna n–eisiúint ag eisitheoirí dá dtagraítear sa dá phointe roimhe seo;
• cuideachtaí neamhliostaithe (nach bhfuil liostaithe ar aon stocmhargadh) a thairgeann urrúis níos lú ná €20 milliún don phobal in aon 12 mhí áirithe, ar choinníoll go bhfuil níos lú ná 500 fostaí acu;
• eisitheoirí, seachas FBManna, a thairgeann scaireanna don phobal agus ag an am céanna a fhéachann leis na scaireanna sin a ligean isteach chun a dtrádála ar mhargadh fáis FBManna, ar an gcoinníoll:
  • nach bhfuil aon scaireanna ligthe isteach chun a dtrádála ar mhargadh fáis FBManna ag na heisitheoirí sin cheana,
  • is lú ná €200 milliún luach comhcheangailte an phraghais tairisceana deiridh (nó, mura bhfuil sé seo ar fáil, an t-uasphraghas tairisceana) agus líon iomlán na scaireanna gan íoc díreach tar éis na scaireanna a thairiscint don phobal.

Féadfaidh na cuideachtaí thuasluaite leas a bhaint as an réamheolaire saincheaptha seo ar an gcoinníoll nach bhfuil urrúis ar bith ligthe isteach chun a dtrádála ar mhargadh rialáilte acu.

Déantar an méid seo a leanas leis an Rialachán freisin:

• déantar foráil maidir le do chuideachtaí atá réamheolaire simplitheliostaithe ar feadh 18 mí ar a laghad ar mhargadh rialáilte nó ar mhargadh fáis FBManna agus ar mian leo scaireanna breise a eisiúint nó fiacha a chruinniú (eisiúint thánaisteach);
• comhchuibhíonn sé an t-íosmhéid faisnéise atá sa doiciméad atá le foilsiú le haghaidh díolúine réamheolaire i dtaca le táthcheangal trí bhíthin tairisceana malartaithe, cumaisc nó rannáin;
• tugtar isteach díolúine réamheolaire do thairiscintí urrús don phobal arna ndéanamh ag soláthraithe seirbhísí sluamhaoinithe nach sáraíonn an tairseach €5 mhilliún i gcomhréir leis na coinníollacha a shonraítear i Rialachán (AE) 2020/1503 lena leasaítear.

In 2021, chun cabhrú le cuideachtaí téarnamh ó ghéarchéim COVID-19, glacadh Rialachán (AE) 2021/337 lena leasaítear, lena dtugtar isteach don tréimhse suas go réamheolaire téarnaimh nua an AE dtí deireadh 2022. Leis an réamheolaire níos giorra seo, a raibh fad uasta de 30 leathanach agus achoimre dhá leathanach ann, bhí sé níos éasca do chuideachtaí caipiteal a chruinniú chun freastal ar a gcuid riachtanas maoinithe, agus ag an am céanna ag cinntiú gur cuireadh faisnéis leordhóthanach ar fáil d'infheisteoirí.

Gníomhartha tarmligthe

Tá na gníomhartha seo a leanas glactha ag an gCoimisiún Eorpach:

• Rialachán Tarmligthe (AE) 2019/979 lena leagtar síos sonraí na príomhfhaisnéise airgeadais san achoimre ar an réamheolaire, foilsiú agus aicmiú an réamheolaire, san fhógrán do na hurrúis agus san fhorlíonadh do réamheolaire;
• Rialachán Tarmligthe (AE) 2019/980 lena leagtar síos sonraí maidir le hinneachar beacht agus formáid an réamheolaire, agus maidir le grinnscrúdú agus formheas an réamheolaire;
• Rialachán Tarmligthe (AE) 2021/528 lena leagtar amach an t-íosmhéid faisnéise atá sa doiciméad atá le foilsiú le haghaidh díolúine réamheolaire i ndáil le táthcheangail trí thairiscint malartaithe, cumaisc nó rannáin;
• Rialachán Tarmligthe (AE) 2020/1272 lena leasaítear agus lena gceartaítear Rialachán Tarmligthe (AE) 2019/979;
• Rialachán Tarmligthe (AE) 2020/1273 lena leasaítear agus lena gceartaítear Rialachán Tarmligthe (AE) 2019/980.

Tuarascáil

Tabharfaidh an Coimisiún tuairisc ar chur i bhfeidhm an rialacháin faoin 21 Iúil 2022.