Míceatocsainí i ngránaigh

PRÍOMHPHOINTÍ

• Ní mór sampláil agus anailís a dhéanamh i gcomhréir le Rialachán (CE) Uimh. 401/2006 i gcás gránaigh nó táirgí gránach lena n–úsáid mar bhia don duine agus i gcomhréir le Rialachán (CE) Uimh. 152/2009 i gcás na gceann a úsáidtear le haghaidh bia ainmhithe. Leagtar amach sna rialacháin sin critéir fheidhmíochta maidir le hanailís a dhéanamh ar thocsain T-2 agus HT-2.
• Iarrtar sa mholadh ar thíortha AE spreagadh a thabhairt go ndéanfaí samplaí a anailísiú go comhuaineach le haghaidh láithreacht thocsain T-2 agus HT-2 agus tocsainí fusarium eile chun measúnú a dhéanamh ar mhéid an chomhtharlaithe.
• Ní áirítear rís i ngránaigh agus ní áirítear táirgí ríse i dtáirgí gránach sa mholadh seo.
• I gcás gur sáraíodh na leibhéil tháscacha, ba cheart d’údaráis inniúla AE, le rannpháirtíocht ghníomhach gnólachtaí beatha agus bia, imscrúduithe a dhéanamh:
  • chun na tosca a bhfuil na leibhéil sin mar thoradh orthu a shainaithint agus na bearta atá le glacadh chun a láithreacht a laghdú nó a sheachaint amach anseo a chinneadh; agus
  • chun scrúdú a dhéanamh ar éifeacht na próiseála beatha agus bia ar láithreacht thocsain T-2 agus HT-2.
• Ba cheart d’údaráis inniúla AE agus do ghnólachtaí a áirithiú go soláthraíonn siad torthaí anailíseacha ar bhonn rialta don Údarás Eorpach um Shábháilteacht Bia (EFSA) a chuireann isteach i mbunachar sonraí iad. Gach bliain, soláthraíonn údaráis inniúla tuarascáil ar thorthaí na n–imscrúduithe don Choimisiún Eorpach.

Doiciméad treorach

D’ullmhaigh an Coimisiún doiciméad treorach do thíortha AE agus do ghnólachtaí bia agus beatha. Tá sé sin ceaptha lena n–áirithiú go gcuirfear an moladh i bhfeidhm go comhsheasmhach ar fud AE.