Teicneolaíocht agus acmhainní oscailte oideachais chun oideachas AE a athstruchtúrú

PRÍOMHPHOINTÍ

• Cé go bhfuil tíortha AE freagrach as cúrsaí oideachais, tacaíonn an AE lena gcuid oibre trí na nithe seo:
  • dea-chleachtas a chur chun cinn agus a chomhroinnt;
  • tacú le roinnt faisnéise;
  • agus sochair a sheachadadh trí bharainneachtaí scála agus malartaithe agus trí úsáid faisnéise thar theorainneacha;
  • cabhrú le himscaradh agus infhaighteacht na teicneolaíochta digití trí thacaíocht airgeadais, comhpháirtíochtaí príobháideacha poiblí agus moltaí.
• Tá ag teip ar oideachas AE cos a choinneáil leis an tsochaí dhigiteach agus soláthraíonn an geilleagair agus an teicneolaíocht an deis d’fhonn éifeachtúlacht agus cothromas a fheabhsú i gcúrsaí oideachais.
• Cuirtear le Erasmus+, Fís 2020 agus cláir mhaoinithe eile de chuid an AE dreasachtaí agus coinníollacha ar fáil a spreagann comhpháirtíochtaí agus tionscadail, go háirithe chun freastal ar na ceisteanna seo a leanas.
  • Timpeallachtaí oscailte foghlama — deiseanna maidir le nuálaíocht:
    • ní mór d’institiúidí oideachais agus oiliúna athbhreithniú a dhéanamh ar a straitéisí eagrúcháin chun cleachtais foghlama nuálaíocha a spreagadh;
    • ba cheart do mhúinteoirí a bheith in ann inniúlachtaí maithe digiteacha a shealbhú, mar shampla trí phobail láidre cleachtais agus luaíochtaí ar son modhanna nua teagaisc;
    • bíonn foghlaimeoirí ag súil le scileanna agus inniúlachtaí digiteacha a shealbhú chomh maith le deimhniú agus aitheantas a fháil go héasca ar a scileanna le haghaidh breis foghlama nó oibre.
  • Acmhainní oscailte oideachais² — deiseanna chun faisnéis oscailte a úsáid le haghaidh cáilíocht agus rochtain níos fearr:
    • ní mór acmhainní oideachais oscailte agus ar ardchaighdeán a bheith níos feiceálaí agus ar fáil do gach saoránach;
    • ba cheart ceisteanna cóipchirt a bheith níos trédhearcaí thar theorainneacha.
  • Nascacht agus nuálaíocht — comhpháirtíochtaí le haghaidh bonneagar, táirgí agus seirbhísí nua, agus malartú faisnéise agus ag baint leasa as faisnéis:
    • Tá bonneagar níos fearr idirlín fós ag teastáil i roinnt tíortha AE. D’fhéadfaidh caighdeáin oscailte chomhoiriúnachta barainneacht scála a thabhairt leo in aipeanna agus ábhair dhigiteacha sa chaoi go dtiocfadh fás ar mhargadh AE an oideachais dhigitigh.
  • Iarracht chomhbheartaithe chun deiseanna na réabhlóide digití a thapú:
    • teastaíonn cur chuige comhtháite chun breith níos fearr ar na deiseanna atá le teacht, i.e. má fhaightear rochtain ar ábhar digiteach, ar bhonneagar theicneolaíocht faisnéise agus cumarsáide, ar an leibhéal ceart scileanna digiteacha ar na straitéisí cearta eagrúcháin, is féidir leis sin tairiscint oideachais a ghiniúint atá in ann an nuálaíocht a bhuanú.

Beartaítear sa teachtaireacht gníomhaíochtaí a dhéanamh ar leibhéal AE agus ar leibhéal náisiúnta, lena n-áirítear:

• cabhrú le hinstitiúidí foghlama, múinteoirí agus foghlaimeoirí chun scileanna digiteacha a shealbhú chomh maith le modhanna foghlama;
• tacú le forbairt agus infhaighteacht acmhainní oscailte oideachais, go háirithe trí riachtanas um rochtain oscailte le haghaidh Erasmus+;
• seomraí ranga a nascadh le chéile trí fheistí digiteacha a úsáid agus ábhar;
• múinteoirí, foghlaimeoirí, teaghlaigh agus comhpháirtithe eacnamaíocha agus sóisialta a shlógadh chun ról na dteicneolaíochtaí digiteacha a athrú laistigh d’institiúidí oideachais