Cionta mótarthráchta — faisnéis a mhalartú idir tíortha

PRÍOMHPHOINTÍ

Cuirtear an treoir i bhfeidhm maidir leis na cionta seo a leanas:

• tiomáint róghasta.
• mainnigh crios sábhála a úsáid.
• mainnigh stopadh ag solas tráchta.
• tiomáint ar meisce.
• tiomáint faoi thionchar drugaí.
• mainnigh clogad sábháilteachta a úsáid.
• lána coiscthe (e.g. lána bua) a úsáid,
• fón póca nó gléas cumarsáide eile a úsáid agus tú ag tiomáint.

Ní mór do gach tír rochtain ar a sonraí náisiúnta cláraithe feithiclí a chur ar fáil d’aon tír eile a bhfuil imscrúdú á dhéanamh aici ar chion a rinneadh ar bhóithre na tíre sin. Cuirfidh sé sin ar chumas na tíre a bhfuil imscrúdú á dhéanamh aici feithiclí agus úinéirí nó úsáideoirí na bhfeithiclí a shainaithint.

Má chinneann an tír inar tharla an cion beart breise a dhéanamh, ní mór don tír sin scéala a chur chuig an gciontóir féideartha agus na hiarmhairtí dlíthiúla a chur in iúl dó nó di, i litir ina sonraítear:

• nádúr an chion;
• suíomh, dáta agus am an chion;
• an dlí a sáraíodh agus an pionós;
• (más iomchuí) an gléas a úsáideadh chun an cion a aimsiú.

Chun monatóireacht a dhéanamh ar chur i bhfeidhm an tsocraithe sin, ní mór do gach tír tuarascáil a sheoladh chuig an gCoimisiún faoi mhí na Bealtaine 2016 agus gach 2 bhliain ina dhiaidh sin, ina dtabharfar mionsonraí faoi na cuardaigh a dhéantar agus faoi líon na litreacha fógraíochta a sheoltar amach ina dhiaidh sin.