Obair a dhéanamh le tíortha neamh-AE ar shaincheisteanna a mhúsclaíonn spéis ar fud an domhain

Déantar foráil san ionstraim um chomhpháirtíocht do thacaíocht nua chomhlántach do bheartais sheachtracha an Aontais Eorpaigh sa tréimhse 2014-20. Faoin ionstraim seo, fairsingítear comhpháirtíochtaí um chomhar agus idirphlé beartais chuig réimsí agus ábhair nach gcuimsítear sa chomhar um fhorbairt.

GNÍOMH

Rialachán (AE) Uimh. 234/2014 ó Pharlaimint na hEorpa agus ón Chomhairle an 11 Márta 2014 lena mbunaítear ionstraim um chomhpháirtíocht le haghaidh comhair le tríú tíortha

ACHOIMRE

Is é príomhchuspóir na hionstraime seo ná tacú le bearta a fhreagraíonn do na cuspóirí a eascraíonn as chaidreamh déthaobhach, réigiúnach nó iltaobhach an Aontais Eorpaigh le tíortha neamh-AE, agus dul i ngleic le dúshláin na ncúram domhanda-ábhar iscúram domhanda (amhail fuinneamh, slándáil agus an comhshaol.

TACAÍOCHT

Tacaíonn an Ionstraim um Chomhpháirtíocht le bearta chun:

• rochtain ar mhargaí neamh-AE a fheabhsú trí thrádáil, infheistíocht agus deiseanna gnó do chuideachtaí Eorpacha a spreagadh - lena n-áirítear idirnáisiúnú fiontar beag agus meánmhéide (FBManna);
• na nithe seo a leanas a spreagadh, taidhleoireacht phoiblí, teagmhálacha duine le duine, comhar acadúil agus gníomhaíochtaí for-rochtana chun luachanna agus leasanna AE a spreagadh;
• cuspóirí a spreagadh a bhaineann le saincheisteanna domhanda, saincheisteanna amhail athrú aeráide, geilleagar níos glaise, imirce, eolaíocht agus nuálaíocht, soghluaisteacht, trádáil agus infheistíocht.

Mar sin, tacaíonn an Ionstraim um Chomhpháirtíocht le diminsean idirnáisiúnta na straitéise Eoraip 2020 a chur i bhfeidhm.

TAIRBHITHE

Is iad na tíortha comhpháirtíochta ná na tíortha tionsclaíocha agus tíortha ardioncaim nó meánioncaim eile ar fud an domhain, lena n-áirítear tíortha i mbéal forbartha a bhfuil ról méadaitheach acu i gcúrsaí domhanda (amhail tíortha G20).

Tacóidh an Ionstraim um Chomhpháirtíocht freisin le caidrimh nua a fhorbairt le tíortha, tíortha a bhfuil deireadh á chur de réir a chéile leis an chúnamh forbartha déthaobhach a fhaigheann siad.

CUR CHUIGE SOLÚBTHA

Dearadh an ionstraim mar ionstraim sholúbtha chun a chur ar chumas AE freagairt do stádas mearathraithe na dtíortha comhpháirtíochta. Aithneofar freisin san ionstraim um chomhpháirtíocht an cúnamh a thugtar do thíortha comhpháirtíochta agus a gcomhthéacsanna eacnamaíocha, sóisialta agus polaitiúla á gcur san áireamh.

BUISÉAD AGUS CUR I BHFEIDHM

Is é buiséad na hIonstraime um Chomhpháirtíocht don tréimhse 2014-20 ná €954 765 000 . Tá an chuid is mó de na rialacha agus na nósanna imeachta a bhaineann leis an chlár seo a chur i bhfeidhm le fáil i Rialachán (AE) Uimh. 236/2014, ar rialachán cothrománach é ina ailínítear agus ina shimplítear cur i bhfeidhm na n-ionstraimí seachtracha AE.

Tá tuilleadh faisnéise le fáil thíos:

• an ionstraim um chomhpháirtíocht de chuid AE

12.09.2014