Coláiste Eorpach um Shlándáil agus um Chosaint

ACHOIMRE AR:

Cinneadh (CBES) 2016/2382 lena mbunaítear Coláiste Eorpach um Shlándáil agus um Chosaint

CAD IS AIDHM LEIS AN GCINNEADH?

• Bunaítear leis an Coláiste Eorpach um Shlándáil agus um Chosaint (CESC).
• Tugtar cur síos ar a struchtúr, ar a ról, ar a chúraimí agus ar an gcaoi ina mhaoinítear é.
• Aisghairtear leis Cinneadh 2013/189/CBES (féach an achoimre maidir leis an gColáiste Eorpach um Shlándáil agus um Chosaint (CESC)).

PRÍOMHPHOINTÍ

Is éard atá sa CESC gréasán d’institiúidí náisiúnta, de choláistí, d’acadaimh agus d’institiúidí ar fud AE a dhéileálann le ceisteanna um beartais slándála agus chosanta, chomh maith le hInstitiúid an Aontais Eorpaigh um Staidéar Slándála.

Oibríonn sé faoi fhreagracht fhoriomlán Ardionadaí an Aontais do Ghnóthaí Eachtracha agus don Bheartas Slándála.

Bunaíodh an coláiste i mí Iúil 2005.

Is iad seo a leanas príomhchuspóirí CESC:

• feabhas a chur ar an gcomhchultúr slándála agus cosanta laistigh den chomhbheartas slándála agus cosanta (CBSC) agus na prionsabail arna leagan síos in Airteagal 21(1) den Chonradh ar an Aontas Eorpach a chur chun cinn lasmuigh de AE;
• iad seo a leanas a chur chun cinn
  • tuiscint níos fearr ar CBSC mar chuid riachtanach de chomhbheartas eachtrach agus slándála AE (CBES)
  • an Tionscnamh Eorpach um Malartú Oifigeach Óg Airm
  • caidreamh gairmiúil agus teagmhálacha ina measc siúd atá i mbun oiliúna;
• tacaíocht a thabhairt i leith
  • comhpháirtíochtaí AE i réimse na slándála agus na cosanta, go háirithe comhpháirtíochtaí le tíortha a ghlacann páirt i misin CBSC
  • bainistiú géarchéime sibhialtaí, lena n-áirítear sa réimse um réiteach coinbhleachta, agus na coinníollacha is gá le haghaidh forbairt inbhuanaithe a bhunú nó a choimeád;
• an méid seo a leanas a sholáthar
  • comhthuiscint a sholáthar do phearsanra mhisin agus oibríochtaí CBSC ar phrionsabail feidhmithe na misean agus na n-oibríochtaí, chomh maith le mothú féiniúlachta Eorpaí
  • oiliúint agus oideachas mar fhreagairt ar riachtanais mhisin agus oibríochtaí CBSC
  • pearsanra eolach a sholáthar d’institiúidí agus do chomhlachtaí AE ar féidir leo oibriú go héifeachtach ar na cúrsaí uile a bhaineann le CBSC agus CBES
  • pearsanra eolach a sholáthar do rialtais agus d’fhoirne thíortha AE a bhfuil cur amach acu ar bheartais, ar institiúidí agus ar nósanna imeachta AE i réimse CBES.

Is iad príomhchúraimí CESC gníomhaíochtaí oiliúna agus oideachais a eagrú agus a chur ar siúl i réimse CBSC. Áirítear leo sin:

• bunchúrsaí agus ardchúrsaí lena gcuirtear tuiscint ar CBSC agus CBES chun cinn;
• cúrsaí lena bhforbraítear ceannaireacht;
• cúrsaí lena dtacaítear go díreach le misin agus oibríochtaí CBSC;
• cúrsaí lena dtacaítear le comhpháirtíochtaí AE agus tíortha a bhfuil páirt á glacadh acu i misin agus oibríochtaí CBSC;
• modúil lena dtacaítear le hoiliúint agus le hoideachas míleata i réimse CBSC agus CBES;
• cúrsaí do lucht sprice speisialaithe nó cúrsaí ina ndírítear ar rud éigin sainiúil;
• modúil chomhchoiteanna a reáchtáiltear faoin Tionscnamh Eorpach um Malartú Oifigeach Óg Airm.

Áirítear iad seo a leanas ar ghníomhaíochtaí eile de chuid CESC:

• cúrsaí réamhfhoghlama a fhorbairt;
• ábhar oiliúna agus oideachais a chur ar fáil;
• tacú le cláir um malartú idir institiúidí oiliúna agus oideachais; agus
• oiliúint sa réimse maidir le cosc coinbhleachtaí agus bainistíocht géarchéime sibhialta a bhainistiú.

Is é seo a leanas struchtúr CESC:

• 1.

  Coiste stiúrtha: tá sé comhdhéanta d’ionadaithe ó thíortha AE agus tá sé freagrach as gníomhaíochtaí CESC a chomhordú agus a threorú ar an iomlán.

• 2.

  Bord acadúil feidhmiúcháin: tá sé comhdhéanta, den chuid is mó, d’ionadaithe sinsearacha ó institiúidí sibhialta, taidhleoireachta, póilíneachta agus míleata. Tá sé freagrach as cáilíocht agus as comhtháthú ghníomhaíochtaí oiliúna CESC.

• 3.

  Ceannaire CESC: tá sé freagrach as gníomhaíochtaí oiliúna CESC a eagrú agus a bhainistiú agus as bainistíocht airgeadais agus riaracháin CESC.

• 4.

  Rúnaíocht CESC: cuidíonn sí le ceannaire CESC a chúraimí a chomhlíonadh .

Tá foireann CESC comhdhéanta de bhaill foirne atá ar iasacht do CESC, ón tSeirbhís Eorpach Gníomhaíochta Seachtraí (SEGS) agus ó ghníomhaireachtaí AE, chomh maith le saineolaithe náisiúnta ar iasacht ó thíortha AE. Soláthraíonn SEGS tacaíocht lóistíochta don Rúnaíocht, atá comhshuite le SEGS.

Buiséad

Faigheann CESC ranníocaíocht bhliantúil ó bhuiséad AE chomh maith le ranníocaíochtaí comhchineáil do ghníomhaíochtaí oiliúna CESC. Faightear roinnt cistiúcháin bhreise ó thíortha agus institiúidí AE nó ó bhronntóirí eile.

CÉN UAIR ATÁ TOSACH FEIDHME AN CHINNIDH?

Tá feidhm leis ón 1 Eanáir 2017.

PRÍOMHDHOICIMÉAD

Cinneadh (CBES) 2016/2382 ón gComhairle an 21 Nollaig 2016 lena mbunaítear Coláiste Eorpach um Shlándáil agus um Chosaint (CESC) agus lena n-aisghairtear Cinneadh 2013/189/CBES (IO L 352, 23.12.2016, lgh. 60-73)

Rinneadh leasuithe ina dhiaidh sin ar Chinneadh (CBES) 2016/2382 a chorprú sa bhuntéacs. Níl ach luach doiciméadach amháin de luach ar an leagan comhdhlúite seo.

DOICIMÉID GHAOLMHARA

Leagan comhdhlúite den Chonradh ar an Aontas Eorpach — Teideal V — Forálacha ginearálta maidir le gníomhaíocht sheachtrach an Aontais agus forálacha sainiúla maidir leis an gcomhbheartas eachtrach agus slándála — Caibidil 1 — Forálacha ginearálta maidir le gníomhaíocht sheachtrach an Aontais — Airteagal 21 (IO C 202, 7.6.2016, lgh. 28-29)

Cinneadh 2013/189/CBES ón gComhairle an 22 Aibreán 2013 lena mbunaítear Coláiste Eorpach um Shlándáil agus um Chosaint (CESC) agus lena n-aisghairtear Gníomhaíocht Chomhpháirteach 2008/550/CBES (IO L 112, 24.4.2013, lgh. 22-29)

Féach an leagan comhdhlúite.

Nuashonraithe 04.10.2018